|
انا وزوجي لدينا الرغبه في الحمل .... لكن
يارب نعمه الحمل والانجاب
دخلت النساء والتوليد وقريت موضوعات الحمل فأشتقت اكثر للحمل لكن اضع عدة خطوط على لكن غريب وانا من ولدت 6 شهور وكل شيئ طبيعي ما حملت يمكن هرمون الحليب مسوي منع على الرغم اني ما ارضع لكن في الدم ايضا خوفي من قيصريه اخرى فأنا ولدت قيصريه في وحده ولدت قيصريه وظلت 6 او 7 او حتى 8 شهور وحملت وولدت طبيعي شو رايكم اروح اتابع تبويض عشان الحمل والا اجلس الى ان اكمل سنه على الاقل مشكله اني ظليت خمس سنين ما حملت تلاحقني ومن الحين والناس تسأل المفروض بنتكم تحمل تعوض السنين اصلا حتى زوجي له رغبه وانا بعد خايفه ترجع ذيك السنين وادور الحمل مره ثانيه ما القاه مع ان القطوه مجد شاغله وقتي وافكر لو صار الحمل كيف راح يكون وضعي لكن ربي يسهلها ان شاء الله ... شو رايكم اروح واتعالج رغم ان بعد الدكتوره ضدي تقول ماراح اعطيك مقويات الا بعد ما تكملي سنه من ولادتك .... والله مو داريه وش اسوي الله يكتب لي الخير ... احتاج نصائحكم .... |
السلام عليكم اسمعي كلام الدكتورة ولا تأخذي منشطات قبل لرور العام لأن صديقتي اعطتها الدكتورة منشطات و عندما ذهبت الي الاطباء غلطوا الدكتورة واصبح عندها شئ لا اعرف ما هو ولاكنها ذهبت لأكبر الاطباء ولم تستطيع معالجته ربنا يعافيها و يعافينا
و ربنا يرزقك الذرية الصالحة |
السلام عليكم
حيا الله هنــد ,,,, سبحان الله أنتي اليوم على بالي اقول ماعاد اشوف لها ردود ولا مواضيع وبالنسبه لسؤالك أنا أقول انتظري لاتستعجلين على الحمل لأنك والده قيصيري وهذا يؤثر على الرحم لانه صار لوحده من خواتي حملت بعد القيصيري بــ 6 شهور وكان الحمد لله طبيعي لكن قالت لها الدكتورة ان بطانة الرحم عندك صارت خفيفه فلازم تريحين كم سنه ,,,,, فاذا كملت بنوتك سنه على الاقل ابدأي عالجي والله يرزقك الذريه الصالحه الباره يارب العالمين |
حبيبتي لا تخذين اي شي الحين خلي العمليه تطيب عدل على الاقل لمن سنه وحده
والله يكتب لك الحمل ولي بعد |
حبيبتى
اولا دعى كلام الناس خلف ظهرك انه يجب ان تحملى لانك لن تنتهين وان حملتى بيعلقوا طفلها صغير وتحمل؟!! ثانيا النفسيه لها دور كبير لحدوث الحمل انتى من قريب والده لا تاخذين منشطات الان ممكن تتابعين التبويض هذه الفتره الله يرزقك يارب بما تتمنين |
اقتباس:
|
هلا فيك اختي انا انصحك تسمعين كلام الدكتوره وماتستعجلين انتي بشر وصحتك الزم وانشا الله بتحملين
مره ثانيه وبتجبين لاتخافين توكلي على الله . |
اختي الحمد لله على سلامتك
من تجربه و انا عندي بنت مثلك ولدتها بالاسبوع الثلاثين و اليوم صار عمرها 11 سنه بنتي كت ما اطلعها من البيت و مع اني ولدتها بشهر يناير و برد و ساكنه بنمطقه كلها امطار بس باسم الله ما شاء الله تبارك الله كنت اخذها للطبيب ويسالني ما جاها التهاب بالاذن ما جاها برد ومن اقوله لا يستغرب سنه كامله و انا قاعده ملازمتها و اتابعها نموهم بطئ و معدتهم ما تتحمل الحليب و سهر الليالي ومغصهم و راسهم ياربي مره طري و ينعرفون انهم خدج الى ان يصير عمرهم 4 سنوات مين هذه الي تقولك جيبي وعوضي معلومه صغيره اقولها لك الناس ما يعرفوك الا من يشوفوك ولا انت مو ببالهم ولا حتى يتذكروك و من يشوفوك يقولون اي كلام يخصك يعني مهتمين فيك انت دوري مصلحتك ومصلحه بنتك اهم لك من كل الناس |
هلا كيف مجوده الله يحميها
انااتوقع انك انت بدك تحملي بس لانك خايفه انه مايصير مل يعني زي انك بدك تجربي راح تحملي ولالا ياستي شيلي هالخوف من بالك ان شاالله يارب راح تحلي وتجيبي اخ لاحلى مجد على فكره انا حاسه فيكي لاني مره كده صار فيني وحملت بالرغم من اخدي للاحتياطات بس كنت مفكره وسبحان الله صار ولما لقيت حالي حامل زعلت لانه ماكانلي فتره والده على فكره كده احلى يجوا ورا بعض احسنلك شوفي الدكتوره الله يكتبلك الخير ان شاالله |
و الله يا أختي خوفتيني ما شاء الله عليك 6 أشهر و تريدين الحمل الان أنا ولدت من 10 أشهر و لم أنسى ألم الولادة حتى أنني اقول للكل حرمت أبدا لن أحمل مجددا, و حتى بعد الولادة سهر و تعب سترين عندما تبدأ النونو في التسنين...
|
اتذكر بنتك مولوده قبل موعدها
بالشهر السادس او السابع؟ يعني عمر بنتك الفعلي هو 3 اشهر وليس 6 لو قارناها باطفال غيرها لا تظلميها وتحملي فوقها بسرعه مهما حاولتي رح تقصري غصبن عنك معاها اصبري تكمل سنه وبعدها ابدئي تابعي تبويض وخلافه.. حتى الحمل خطر عليك وانتي والده قيصري وحطي في بالك تجري جري الوحوش غير نصيبك مارح تحوش.. انتي الفتره هذي خلي جماعكم عادي من دون موانع اذا حصل حمل من وراه فهذا رزق من الله لن تمنعيه ولو ما حصل حمل ابدئي العلاج بعد مرور سنه.. |
هند ترى إذا بتسمعي كلام الناس ويهمك رأيهم أبشرك إذا حملتي الان بيقولوا (على طول حملت ماصدقت عرفت طريق الحمل:23:)
وفي كلا الحالتين رضى الناس غاية لاتدرك ففكري في مصلحتك ومصلحة ابنتك أولاً وإذا اراد الله لك حمل بتحملي بدون علاج. |
الاخوات ماقصروا رايي من رايهم ورضا الناس غاية لااااااااااااتدرك لو مهما سويتي ماحد بيتعب الا انتي
واذا على انك خايفة من انه يتاخر الحمل خلي ايمانك بالله قوي ومافي احسن من الدعاء والحمدلله ربي رزقك ببنوتة وماخلاك محرومة |
خليتوني اغير رأيي نهائيا
حتى زوجي شافني قل حماسي على هالموضوع ومستغرب هو لو وده احمل اليوم قبل بكره عموما فعلا بنتي محتاجه لي كثير وكذلك القيصريه واجعه قلبي يترك الامور على رب العالمين لكن بعد سنه راح اطمأن على وضعي والحمدلله على كل حال مشكورين كلكم ... والله يجزاكم خير |
حيا الله ام مجد
الغالية على قلبي كيفك يا الغلا ما راح اقولك نصيحتي الا بعد ما توعديني ان بنتك الثانية تسميها حنان!! اسمعي يا عسل من الاعرف الطبيبة ولا الناس الطبيبة اذن اتبعي كلامها لاحقة على الحمل لا تخافين وتذكري انا عند ظن عبدي بي ظني الخير دمتي لنا وترى عتبانه على ابتعادك عن المنتدى طلي علينا ترى لك وحشه بوسي لي مجوده واذا عندك صورة لها (انا داريه ان فيه 3000 صورى) نزلي وحده منها لنا ادعي لي محتاجة دعائك غرقانه في بحر مذاكرة ماله اول ولا تالي |
حبيبتي هند
بالنسبه لي استخدمي موانع طبيعي ابدا لاتفكري باي مانع طبياخر واعزلي لحد ما تكمل ابنتك من عمرها سنه او قبل ومتى ربنا اراد يكون خير انا ولدت قيصري ودكتورتي تقول 6شهور ممنوع حمل لو حملتي فيها من دون اي شيء تدخلي عمليات نولدك قيصري باول التاسع وبعد الشهر السادس حملتي او تأخرتي عشر سنين ماتفرق 6شهور زي 10 سنين .. الله يكتبلك الخير من عنده سلاااااااااااام |
هلا بالطبيبه حنان
هلا وغلا فيك كلامك صاير هو العسل ما اضمن لك اسمي حنان زوجي خلاني مره بس موكل مره انا بسمي مع انك تستهالي الله يكتب للجميع ذريه صالحه عموما انشغالي صار مو بس عن المنتدى عن كل الناس دعيتو لي قبل يجي من يشغلني وما قصرت مجد بس تصدقين عرفت غلاتي عند الكل اذا الناس تدق والاهل والخوات وحتى الزوج حسيت اني غاليه ... ((واجد اغترت بنفسها )) والله انتو بعد غالين الله يوفقك وتطلعين الاولى .. زهور الدعاء طمنتيني يعني حتى لو حملت بعد 6 شهور ان شاء الله ما اتأزم من القيصريه عموما بنت خالتي احملت بعد الست شهور وهي والد قبل قيصري والحمد لله جابت طبيعي بس مو كل مره تسلم الجره مشكورين كلكم وام جمانه مانسيت دعائك مجد بنتي وبنتك .... |
السلام عليكم ورحمة الله وبركاتة
هلا والله وغلا ام مجد كيف حالك وحال مجد بشرينا عن صحتها انقطعت عن المنتدى في الشهور الاخير من حملي لكن والله مانسيتكم ارسل بنتي تتقصى اخباركم انتي وملك شادي وزوجة ابو محمود والحمد لله على سلامتكم مع اني والله ضاق صدري لما دريت ان مجود جات بالشهر السادس لكن الحمد لله ان ربي سلمها فله الحمد والمنه وابشرك ان رزقت ببنوته قبل ملك شادي بيومين بالنسبه لموضوع الحمل مثل ماقالو الاخوات ماانصحك ابد با الحمل الوقت هذا خصوصا ان بنتك جات قبل وقتها وهذا يحتاج منك عنايه اكثر بصحتها وغذاءه والا راح تشوفي السوس من عمرها سنتين وانا جربت الولادة وراء بعض لها ميزات ولها سلبيات لكن نصيحه خليك زياده لحد ماتكمل سنه او اكثر وارمي كلام الناس وراء ظهرك الناس اذا تعبتي او تعبت بنتك ماراح ينفعك احد والله عندي كلام كثير ياهند ومشتاقه لك ولكثير من العضوات لكن ما ودي اطول عليك الله يخلي لك بنتك ويحفظها وينفع بها الاسلام والمسلمين |
هلا وغلا بلمو وبس
وينك وانا قلت ماتفقدتني انا بعد فقدتك كثير قلت وين الي كانت تبحث معي اسوي اطفال انابيب الحمد لله ربي يسرها وجات طبيعي من كرم رب العالمين اكتب لك وبنتي تناغي تبيني حولها عموما مبروك ماجاك والحمد لله على السلامه .... |
| الساعة الآن 09:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©