|
خواتي يكرهوني حقودات
..السلاام عليكم ورحمة الله وبركاته
أخوان واخواتي أنا ياالسه أكتب وأصييييح والله.. أنا أصغر وحده من خواتي ..نحن 4 ..الكبيره دايما مشغووله بين الشغل والدرااسه .. هذي الحمدالله علاقتي طيبه معاها ..بس الاثنين اللي أصغر منها ..يكرهوووني..أنا الحمدالله الله عاطني جمال والكل يشهد..,أحلى من خواتي,,ودايما ايوون يخطبوني..عكسهم..بس والله ثم والله إني أحبهم وأتمنى الهم الخييير ,أـمنى يتزوجوا قبلي.. المهم وحده تزوجت والحينه عمرها 27 والثانيه عمرها 23 أكبر مني بسنه أنا عمري 22 سنه.. هم دايما مع بعض هذيله الهنتين..بس أنا نادرا ما يكلموني.. ودااايما ينغزوووني ..لما حد ايي يخطبني كله ايطلعوون عيووب الناااس وعيوب الخااطب.....وما يفرحوولي كأنها مناسبه عااديه أو يقولون ما بنطلع جدام النااس مشغولين .. ووحده منهن اللي متزووجه هذي مرررررررررره تكرهني كله تنتقدني بطريقه غير مباااشره.. تنتقد دراستي والكليه اللي أدرس فيها..مثلا اتقوول فلانه صديقتي في كليتكم وبنفس تخخصك ,هي تقووول انه مب شيىء وكليتكم ما هي زيينه.. ومراات كله تمدح كليتها وتخصصها..ترى هي وااايد طموووحه ..ومتدينه بالنسبه للعاايله..وشاااطره ..ومااتحب حد يعلى عليييها..وهي أستغفر الله ما حط في ذمتي بس انا واختي الكبيره لاحظنا انها تحب ترااوي النااس التدين بسس للأسف ما نشوفها تصلي ولا غيره بس قدااام النااس..وأي شيىء اشترييه جدييد من ملابس من أي شيىء يخلوون نفسهم ما يشوفوه .. ويذمووه يقولون هذا قدييييييييم ..ولما عندنا عرس جد من اخواني ..شو سووا؟؟ قالوا لي انهم بيسرون الصالون الفلاني حق الميكب والتسريحه ..وعقب ودوني وخلوني في الصاللون وساروو وكل وحده سارت صالون ثاني ..يعني ما يقولون لي انهم بيسيرون هذا الصالون ..وعقب انصدم كل مرره جذيييه ..وأذكر في عرس اختي اللي عمرها 27 سرنا عند المصمم وكانت نازله قصه جديده للفستان من تحت قلت بسويييها ..عقب اختي االي هي العرووس قالت لي لاا موب حلوو على الصديريه هالقصه أبدا..بعدين امي يابتني على صووب قالت لي لاا سوييها اختك ما تبيكي تسويه علشاان هي مسويتنها ..وفعلا طلعت هي مسوتنها..يعني خااطري أحس ان عندي خواات مثل صديقاتي أسولف أضحك أطلع ..معاهم.. كل شيىء يذمووونه فيني..أنا شويه قصيره ..دايماا يقوولن أهم شيىء الطوول في البنت ولا شو الفايده من الجماال,,واااايد أشياء يابنااااااااات ..يعني كل شيىء فيني مميز من هوايات من لس من أي شيىء يستحقرووونه.. أنا توني اتظاااربت مع اختي اللي أكبر مني بسنه قلتلها انتي ليييش حقووده ولييش ما تحبين لي الخير ..قااالت لي انتي تفكييرج جذيه..دايما يعاندوون ويخلوون نفسهم جذيه ..ويبتسمون بخبث..أي شيىء حلوو في حياتي يحاولون يخربوونه علي.. أنا انسااانه وااايد هااايه وااايد طيبه وحساااسه ومساالمه لأبعد حدوود..والله اني أحب خوواتي وااايد ..بس هم وااايد يكرهوووني ..وأمي تعرف هالشيىء وداايما تقرا علي..بس ما تقوول لخواتي ما تبا تجرحهم ,,هم كبااار ..شووو أسويييي؟! مليييييييييييييييييت من العيشه هااااااي ..نحن في بيت واااااحد ..خااااطري يحبوووني والله.. قولوا لي كيف أتعامل معاهم والله مليييييييييييييت..أنا من شهرين تقريبا ما أكلمهم ..أقووول بتحاشاهم عشان ما تستوي مشااده كلاميه امبينا.. بخليهم وبخلي الطيبه.. وأدعوووووووولي أرجوووكم ..يمكن حد منكم يستجااب دعاؤه.. |
الله المستعان
انا اشوف والدتك هي السبب مسويه فجوه بينكم و الدليل اقتباس:
اقتباس:
قاعده تساعد تزيد الفجوه و تفرق بينكم كلمي والدتك انها تكون واسطه خير وتجمع بينكم الام تجمع اطفالها وهي الي تربطهم ببعض مو تفرق بينهم و تسوي حساسيات |
يأ أختي داااايما أكلمها..أمي كبيرة بالسن وكل ما أقوول لها تسكت واتقوولي ..انتوا دايما كذا حالتكم..ولا تكلمينهم واتقولي لا تخبرينهم بأسراارج ..بس هذا اللي تقولي.
وانتي ما فهمتي قصدي عن الفستاان ..أهي قالت لي سوي الحركه لا تسمعين كلاامها..اهي قالت لج عشانن ما تبي حد يسويها ,,بالعكس شجعتني.. المشكله ان امي ماا تحب تقول لهم أي شيىء.. |
يا اختي علشانها حرمه كبيره
و تريدك معها لانك الصغيره وتفكر انها باسلوبها بتكسبك جنبها علطول و خواتك بيتزوجون ويتركوها فتعمل هذه الطريقه فرق تسد ولانها كبيره بالسن وما تعرف انه الي بتعمله راح يرجع لها مو بلخير بل بالاذى فهميها انها لو جمعتكم و خلت قلوبكم على بعض حتكسبكم كلكم و تكسبو بعض انا فهمت حكايه الفستان فرضا اختك عامله نفس الموديل وما تريدك تسوين مثله وين الغلط مو احسن ما تطلعون كلكم شبه بعض خذيها بحسن نيه وهي عروس تشوفيها حلوه ان العروس موديلها مثل موديل خواتها بعدين لفت انتباهي انها اخذتك على جنب يا اختي هذا الي تقوله قدامك اجل الي تقوله لهم كيف يكون ومن وراك ما اريد اعصيك على امك انا ام وما احب اشوف اطفالي كل واحد بصوب احب اشوف قلبهم على بعض و كل واحد يحب الخير للثاني احب اشوفهم واحد يساعد الثاني و لو كلهم تركوني المهم اني اطمن عليهم الام تجمع اولادها بحضنها مو تخلي واحد و الثاني لا او كل واحد تفهمه انه هو الي تحبه وتخاف عليه هذه سياسه فرق تسد لهلسبب تشوفين صاحباتك قلوبهم وحده و يحبون بعض لان امهم تجمعهم وتحببهم بعض وتوصي كل اخ على اخوه و تسمعهم قدام بعض انها تريدهم اخوه بحياتها و بعد وفاتها كلمي امك و قوليلها باسلوبك الحلو انك تريدين منها تكلم خواتك و انها تجمعكم لا تقوليلها ليش تفرقينا و ليش وتلوميها الا اذا ما سمعت و ظلت باسلوبها فهميها انكم كلكم خسرانين بطريقتها هذه |
:: الغيره موجوده بين الاخوان والدليل قصه يوسف عليه السلام واللي صار له من اخوانه وانصحك بقول تعالى: ( ادفع بالتي هي أحسن فإذا الذي بينك وبينه عداوة كأنه ولي حميم) حاولي تتقربي لاخواتك بجميع الطرق |
كلمت أمي كمن مررره ...وتقوولي نفس كلاام أختي ترانيم ورديه ,,وأمي كلمتهم كم مرة ..
حتى أبووي كلم اختي اللي اكبر من بسنه جدامي.. بس لا حياااة لمن تناادي!! أنا تقربت منهم بالهدايا وغيرت أسلووب التطنيييش ..بس حسيت انه ما يفييد حسيت انهم زودوها لما تقربت منهم وهمشووني زيااده.. أنا أبغي طريقه أتعامل معاهم طريقه اتخليني ما اتحسس من هالموضووع ..وطريقه أكون فيها صح ..اني ما أعصي ربي ....كيف ؟!!!!!!!!!!! وجزاااكم الله ألف خير خواتي.. |
نقل إلى مكانه المناسب .
وفقكم الله . |
اقتباس:
كلام خطير:19: |
عزيزتي يمكن هناك تصرفات انت تساويها ماتعجبهم غيري اسلوبك اقصد اسلوب كلامك ومعاملتك
احنا ببيت اهلي تبارك الرحمن من امي بس 6بنات انا واختي الكبيرة كنا جدا قراب لانه كان الاحترام بينا متبادل ابدا مانشتم بعض ابدا مانتعدى على خصوصيات بعض اسلوبنا طول عمره حضاري جدا اما اختي اللي اصغر مني بسنتين كانت المشاكل بينا حدث ولاحرج كانت تتعدى على خصوصيات يعني مثلا ابسط شي اكوي لبسي عشان البسه الصبح القاها صاحيه قبلي ولابسه لبسي وطالعه تخيلي ... احيانا كان جوالها يكون مخلص شرجه تاخد جوالي بدون اذن وتطلع يعني غصب عني كنت انفجر فيها واختي اللي اصغر مني بخمس سنوات كان عليها غبااااااااااء كانت تكرهني كتير لاني وانا بدرسها بعصب عليها فكانت ماترضى تكلمني ادرسها غصب عنها لانه ابوي اللي كان يامرني ادرسها غير خواتي الاصغر مني ب9سنوات و11سنه فهدول بيجننوا بتعرفي بعد ماتزوجت ولا كانا اختلفنا فيوم او تزاعلنا بنموت على بعض نكلم بعض كل يوم هناك اختلاف في الاراء لاتفسد للود قضيه حبيبتي كل ماتكبروا بتعقلوا والمشاكل بينكوا تتلاشى اكثر فااكثر عزيزتي كل اثنين في بيت واحد بختلفوا فمابالك باكثر من وحده اتصلي دايما بخواتك المتزوجات تكلمي معاهم باسلوب حلو خواتك مالك غيرهم لاتخلي اوهام تسيطر على حياتك وعلاقاتك لاتستبقي تفكيرهم بانهم حاقدين عليك وحاسدينك يمكن هم مابحبوا تصرفاتك او اسلوبك فتهيئلك انهم حاسدينك ان شاء الله بس تتزوجي انت واختك اللي اكبر منك بسنه تلاقي الخلافات بينك تلاشت وصرتوا سمنه على عسل لكن ماتشيلي بقلبك عليهم وماتحسسيهم انك بتنفري منهم موفقه حياتي تحياتي |
اقتباس:
اختي المشاكل و قطع الارحام و التبرئ من الابناء و انعدام العدل بين الاخوه و غيره من المشاكل موجوده في كل زمان و مكان اذا كان من باب الجهل بالدين كل شي ممكن لا تستغربي |
يا الله كانك تتكلمين عني انا لي اخت اقسم بالله انها نفس الحاله ويمكن ازيد شوي اجوكي يا اختي اذا شفتي موضوعك ردي على لاني انا نفسك بالضبط يهمني اعرف كيف اتصرفتي وشو التطورات
|
أختي أنصحك بأن ترفعي يديك الى الله في جوف اليل وأن تسأليه بأن يؤلف بين قلوبكم وأن يبعد مابينكم من بغضاءفإن ربنا كريم ومن سأله بقلب مخلص فإن الله سيعطيه سؤاله وعليك بلإستغفار فإن له فوائد عظيمه وإنتبهي ياأختي يمكن فيه ناس يوصلوا لهم كلام وهو كذب وهم زاد كرههم لك ومابيقولوا لك عنه فاأفضل شئ إنه تجمعيهم وتصاريحيهم بكل شئ وإسأليهم ليه أنتم
تعاملوني بتلك الطريقه هل ضايقتكم بشئ يوجد فيه شئ ماعجبكم هل فيه شئ أنا مقصره فيه معكم وحاولي إنك تبكين قدامهم وقولي لهم أنا أختكم ويش سويت علشان تسون في كذا وصدقيني إنهم رايح يحنون عليك وتتأثر نفسيتهم بطريقه هاذي إنت بس قولي إيش تبغوني أسوي علشان نرجع حق بعض وحاولي تظهرين محبتك لهم والمتزوجات منهم لوعندهم عيال حاولي تتقربين منهم بلهدايا والألعاب والحلويات خليهم يتعلقوا فيك ويحبوك حينهالوشافوك تحبين عيالهم أكيد بيتغيرون وإنتي لاتنسينهم حاولي تكلمينهم وتهديهم هدايا ولاتنسين راسليهم بلجوال والله إن رسايل الجوال إنهاتقرب القلوب خصوصا لوكتبتيها بأحاسيسك ومحبه وصدق وإخلاص ويازينها لوأرفقتي معها بيتين شعرتعبرين فيهالهم عن محبتك لهم وفخرك وإعتزازك بهم وحاولي أي شئ يلبسوه إمدحي ذوقهم أوأي شئ يغيروه إثني عليهم وخذي شورهم في بعض الأشياء ولوغابواعنك إتصلي عليهم راسليهم قولي لهم إشتقت لكم والله تلقينهم يتغيرا ويصيروا يحبوك أهم شئ ماتحسيسهم إن أمك وأبوك يحبوك أكثر منهم وإنك إنتي أجمل منهم هاذاهوسبب الغيره إنهم يشوفوا إن أمك وأبوك مهتمين فيك حاولي تخلي هذا الإهتمام يخف وفهمي أمك إن ذولا خواتك ويجب عليها العدل بينكم وشوفي بقولك شئ لاتتركي لشيطان طريق يفرق بينك إنتي وخواتك ولاتسلمي نفسك لوساوس إبليس وتخلين له مجال يمزق أخوتكم فإنتبهي أخيتي فهو حريص جدا لتفرقه بين الإخوه حتالوغلطوا عليك إصبري وإحتسبي الأجر عند الواحد الأحد أطلت عليك ياأختي سامحيني أنت والقراء وأسأل الله رب العزة والجلال أن يحببكم إلى بعض ويجمع بين قلوبكم في رضاه وطاعته اللهم آمين . |
اقتباس:
وأمي واقفة معاي لأنها تدري عن أختي وتصرفاتها ودايما تذكرني بقصة يوسف عليه الصلاة والسلام.. أمي كل ما أشتكي لها ..أحس إنها ما تبي تتكلم عن أختي لأنها أختي .. بس مرات لمن السالفة تكبر أحسها تخاف علي من أختي .. وأمي ولا مرة وضحت لاختي بانها تعرف عن حقدها اتجاهي.. لأن اختي كبيرة وتخاف انها تتحسس وتستوي حساسية بينهم.. |
ياساتر وش صاااير احس ها اليومين المشاكل بين الاخوات كاااااثره
الله المستعااان |
لا يروح تفكيرك بعيد انهم يغارو منك او يكرهوك او يحقدو عليك
هم يحبوك واكبر دليل اقتباس:
ثانيا المفروض ياعزيزتي ماتقلدي اختك لأنها عروس ولاتحطي دوبك بدوبهآ هي على وشك زواج وامك تصرفها غريب بهالموقف يوم تروح تقولك اختك ماتبيك تسوي القصه علشان اختك هي مسويتها :( بدل ماتقرب بينكم تباعد بينكم اقتباس:
او امك الله يهديها تفرق بينكم علشان كذا الفجوة هذي بينكم شوفي انا وحده من خواتي اصغر مني بـ 9 سنين تدخل النت وتدخل على المنتديات وتوزع رقم امي وارقامنا لشباب المنتديات وتكلمهم بالماسن لدرجة انها وصلت تكلم واحد من جماعتنا طبعا لما كشفتها نصحتها وسترت عليها وماخبرت امي ورجعت لعادتها قمت عاقبتها وحرمتها من النت فصارت تقول لأمي ولأخواتي من وراي متي تتزوج ونفتك منها مرره حنا متضايقين منها وتحرمنا من النت وتقول كمان انا اعرف انو هي تغار مني لأني انا بهالسن اجلس على النت وهي لما كانت بسني كانت محرومة من النت لا والمصيبة تشوف نفسها مظلومة وتشكي والكل متعاطف معاها ومايدرو بحقيقتها :( فأنتي ياعزيزتي شوفي ايش مسويه لأخواتك علشان يتصرفو هالتصرفات لك |
حاولي انج تظهرين لهم الحب
مهما صار بينكم بتظلون خوات والظفر ما يطلع من اللحم..اذا تهمج صلة الرحم فحاولي قد ماتقدرين بكسب حبهم وودهم على يوم سوي جمعة واطلبي حلو وموالح وصفي النية...والله يصلح في ما بينكم يااارب |
والله يا اختي مشاكلش مثل مشاكلي ويمكن اني اتعس منش
والتعامل معهم صعب خصوصا عندما تكونيين الأصغر فيهم فلا يمكن ان تتعاملي مع الأكبر سناا ما في غير الجراح ولا تحسسيهم انك معصبه او غضبانه من تصرفاتهم حتى لو كانوا سيئين التعامل تضاهري انك مأيدتهم في كل شي . الله يكون بعونش |
| الساعة الآن 10:28 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©