|
زوجي قرر مايكلمني شهر (حُلت و الحمدلله )
--------------------------------------------------------------------------------
السلام عليكم ورحمة الله وبركاته الحقيقه اليوم واجهتني مشكله وحبيت اخذ رايكم فيها وكيف اتعامل معها في البدايه ابي اوضح لكم اني قبل 9 شهور من الان اكتشفت ان زوجي يكلم وحده وصراحه ماصبرت واجهته على طول واعترف واعتذر وقبلت اعتذاره وانتهت المشكله لكن بقت ثقتي فيه فكنت احاول استعيدها عن طريق متابعتي لجواله بدون علمه والحمدلله خلال هالفتره ابد مامسكت عليه شيء لي اكثر من شهرين ما افتش جواله احس خلاص تاكدت انه ماعاد يكلم لكن اليوم الصباح اتصل عليه رقم ومارد الصباح واحنا نايمين بس بعد الاتصال صحينا عادي ما اهتميت لما صحينا ساللت زوجي من اللي اتصل عليك قال مدري مكتوب ابو فيصل وانا ما اعرف مييييين هنا شكيت رجعت للغرفه واخذت الجوال لقيت المتصل ابو فيصل وكان منه رساله وزوجي ماسحها شكيت اكثر ليه مارد عليه وليه مسح رسالته اتصلت على الرقم ابي اتاكد من جوالي طبعا ردت حرمه هنا انصدمت ماعاد اقدر اتحمل طبعا سويت نفسي غلطانه وقفلت وللاسف رحت عند زوجي اواجهه مره ثانيه انكر وانا مصره انها حرمه قال هاللحين بادق واذا طلع رجال ماتكلميني لمدة 45 يوم طبعا انا متاكده انها حرمه قلت خلاص دق على الرقم ورد رجال واسمه ابو فيصل وسولف معاه شوي وقفل الخط كيف وش السالفه مدري وقال يللا اطلعي بره ولا حتى تكلمني ومين سمح لك تفتشين اصلا بجوالي ولا بعد تتصلين على ارقامي من وراي اللي يعطي الحرمه وجه غلطان انا ادري اني غلطت لما واجهته لكن صار اللي صار بالله وجهوني كيف اتصرف احس الدنيا ضاقت فيني هل ارجع واكذب اقول انا اصلا ما اتصلت لانه احس انقهر لما قلت اني اتصلت اتاكد وقال هذه اللي عرفت ععنها اكيد تتصلين على اخوياي اللي بالجوال علشان تتاكدين وانا مدري عنك المشله لي قبل فتره حلمت حلم وفسرته انها مشاكل وشده تواجهني وكنت حريصه اني مايصير اي زعل بيننا لكن اليوم لما سمعت صوت الحرمه نسيت كل شيء وانا اخاف انه يرجع لهالمكالمات بعد موقف اليوم لانه اكيد بيتصور اني محاصرته ومراقبته ويبي يثبت ان مافي شيء بيمنعه مع ان لي فتره ماعاد امسك جواله بس اليوم بعد اجابته الغريبه ارجوكم ساعدوني كيف اتصرف معه |
حاولي أختي انك ترسلي له رسالة و تعتذري فيها عن الشي اللي بدر منك و اكتبي له وعد بأنك ما تفتشي وراه من دون علمه و حاولي تبدئي الرسالة و تنهيها بالكلام الجميل و التأكيد على حبك له و في قلب الرسالة اشرحي موقفك و اطلبي انك يسامحك و يحط نفسه مكانك لو ارتابه الشك شو ممكن يعمل و انه كل انسان مو معصوم عن الخطأ
عن انس ـ رضي الله عنه ـ قال الرسول ـ صلى الله عليه وسلم ـ : ( كل بني آدم خطاء وخير الخطائين التوابون ) " أخرجه الترمذي وابن ماجه لا بد ان تؤكدي له في بداية الرسالة انك تحبينه و لا تستطيعين العيش بدونه و انك زوجة فخورة بزوجها و كل الناس بتحسدك عليه و في خاتمة الرسالة أكدي على حبك له مع وعد بأنك تكوني الزوجة المطيعة و المحبة لزوجها و أنه لو سامحك و رجع يتكلم معك ستكونين أسعد امرأة في العالم انتبهي لا تكتبي شي بالرسالة حول الماضي و لا تكتبي فيها اي ذم لزوجك او تذكري عيوبه فقط اشرحي موقفك و أكدي على حبك هذا ما فعلته عندما حدثت مشكلة بيني و بين زوجي و بقينا كم يوم لا نتكلم مع بعض و الحمد لله كان مفعولها متل السحر جربيها و ان شاء الله بترجع المياه لمجاريها |
إسأليه لو هو فى مكانك ومر بنفس اللى انتى مريتى بيه معاه هل كان سيشك ام لا
هو من فتح باب النار على نفسه وأنتى لست مخطئة فلو كنت مكانك لتصرفت مثلك |
ياأختى ربك محذرنا من التجسس والظن
لو نبعد الشيطان عن راسنا والله هنرتاح ونريح الرجاله معانا أختى الغلطان (أنتى) يجيب الأن لا تسكتييييييييييييييييييييييييين إلا ماتصالحى زوجك وانتى وقدراااااااتك بقى:22: بلاش البعد لأنه جفاااااااااا |
يا عيني عليكي بجد احساسك صعب فعلا احنا النساء مساكين
ما عليكي الا انك تسعي وبشده للصلح وتعترفي بخطأك وتوعديه انك ما تكرريها ابداااااااااا واثبتيله ذلك بالفعل من خلال تصرفاتك واشتري دماغك ولا تفتشي وراه |
الله يهديك يا اختي .. ايش العمله اللي عملتيها ؟؟!!! الحين زوجك هو اللي راح يظن فيك انك تتصلي على ربعه عشان تتأكدين اذا هم نساء او رجااال .. ولا راح يثق فيك و لا راح يترك جواله مفتوووح .. بتصرفك انت راح تدفعين زوجك انه يخونك مره ثانيه ... اعتذري لزوجك .. |
من رأيي اختي الكريمة انك تعتذري وتقولي له انك تثقي فيه
اكبر خطأ انك تواجهي الزوج بخيانته اولا بيستهين فيك ولا يخاف انك تدري مستقبلا وثانيا المشاكل اللي تنكد عليكم ويبدا يكره الجلوس معك . الحل انك مهما لقيتي عليه من مكالمات لا تسأليه حاولي تقربيه منك وتدعيله بالهداية وكلميه عن الدنيا والجنة والنار عن الخواتم السيئه والعياذ بالله لا تحسسيه انك تقصديه بالكلام ودلليه بالكلام والفعل وان شاء الله يترك هذا الذنب واستغفري وادعي الله كثيرا والله يسعدك تقبلي مروري |
الله يعينك الشك اكبر قلق يش الاخوه هنا هاجموك انا متاكده لو اي وحده صار معها الي صار كان سوت كذا واكثر لكن يمكن يكون فيه ابو فيصل رقم ثاني ويمكن حس يوم كلمتيه وفعلا غير الرقم وخزنه بها الاسم على واحد ثاني الله يكون بعونك والبلاء اذا كان يكذب عليك والحين قالب السالفه عليك والبلا الثاني اذا كان فعلا مضلوم لكن مين الي ردت عليك بجد الله يكون بعونك وصدقين ما تنلامين الله يفرجها عليك
|
مشكورين الله يجزاكم خير
هذا اللي انا خايفه منه اخاف يرجع يخون مره ثانيه لما واجهته كنت واثقه انه حرمه واصلا خلاص ماكلمته الا ابي اروح بيت اهلي وفي حريقه هو وبنات الشوارع هذا تفكيري وقتها لكن تفاجأت لما طلع رجال وشكيت انه غير الرقم لكن تاكدت من الاتصال والرقم والاسم بجد محتاره |
اقتباس:
إن لم تسمعي الصوت فهناك اكثر من احتمال : - ان يكون الرقم لرجل فعلا لكن المرأة التي ردت في المرأة الاولى هي أحد اقربائه . - ان لم تسمعي صوت الرجل بإذنك عندما كلمه زوجك فهناك احتمال ان يكون هناك اتفاق بينهم بأن يخاطبها بصيغـة رجالية عند وجود خطر قريب منه . |
يا رب افرجها ماالذي حدث للعالم لم لا يقنع كل بحلاله ويتعفف عن كل حرام الله يعينك ياكثر مانسمع من هذا النوع من المشاكل تقولين ردت حرمة كيف ! الصراحة ما أدري ماذا أقول إلا أن أدعو لك بأن ييسر الله أمرك ويفرج كربك ويسخر لك زوجك ويهديه
|
اخوي سيد الرجال
انا متاكده اللي كلمتها حرمه ومتاكده ان اللي كلمه هو رجال كان يكلمه على السماعه الخارجيه الصوت واضح ونفس الرقم وبنفس الاسم بعد تاكدت بعده نفس الرقم والموقف كله قدامي ما امداه يتفق مع احد |
مالك الا تحطي اللوم عليه .. >>>>>>> تفكير شرير
قولي كله بسببك .. انت اللي اخذت الثقه مني .. كذا حتخف الامور شوي.. |
اقتباس:
واخشى ان تكون زوجتـه وانتي ادخلتي في نفسها الشك على زوجها عندما اتصلتي على جوال زوجها ! |
شكلك خربتي الدنيا والظاهر انك شاكه في زوجك وام فيصل شاكه في ابو فيصل ورقع يا مرقع
بالنسبه لزوجك خليه يوم الى ان يهدء وتكلمي معه بهدوء وقولي له انا اهم شي عندي تفهم السالفه قبل كل شي يعني الشك هو الي جابه من الاساس وانتي وزك الشيطان هالمره وعلميه انها اول مره تتصلي على رقم عنده واخر مره واذا استمر بعدها خليك لطيفه معه ولاعاد تجيبين طاري للسالفه وتوددي له على خفيف لين يطيح الحطب بس الي شاغل فكري المسكينه الي جابها حظها العاثر وردت عليك هالمره وش مسويه بعمرها الحين الله يجنن قلب كل زوج على زوجته |
مشكورين اخواني الله يجزاكم خير
انا اتصلت مره ثانيه بالرقم الموجود عندي وردت نفس الحرمه سالتها احد استخدم جوالها انكرت وقلت لها لقيت رقمك بجوال زوجي وانكرت وبشده وقالت انتي اكيد غلطانه قلت ممكن اني غلطت في رقم مع اني ما اتوقع يبي لي اطابق بين الارقام وبدقه بعد بس خايفه امسك جوال زوجي وش هالحظ اللي خلاني اغلط مع حرمه :( |
أخاف إنكِ لخبطتي بين الرقم والرديف .
الله يجمع بينكم على خير |
والله ياجرأك الي دقيتي مرة ثانية !!!
طيب افرضي رد عليك أبو فيصل هذا !! أكيد غلطانة بالرقم |
هههههههههههههههههههه
لاتستغربين اني اضحك ... بقولك الواحد لما ابليس يوسوس له سبحان الله يجيه الشر لين عنده ... اقري قصتي ... كنت عند اهلي في الرياض ودقيت على زوجي وانا مستعجله كنت بقوله اني بطلع لمادقيت الرقم دقيته بالارقام يعني ماطلعته من الاسماء طلع اسمه بعد مادقيت ... المهم ردت علي حرمه ... انا انصدمت ... قلت الو.. قالت ... هلا قلت .. من انتي قالت ... انتي اللي مين ((طبعا ابليس وسوس لي لين قلت بس ... يعني انا بالرياض وهو لحاله ياسلام )) المهم مااخفيكم البنت كان صوتها مرة ملكع بشكل موطبيعي .. رجعت اتصلت وانا الوسواس يوديني ويجيبني ... قلت .. لوسمحتي هذا جوالك قالت ... لا هذا قلت .. طيب عطيني صاحب الجوال قالت برضوه لا وياتقولي اللي تبغيه وله ضفي وجهك ((ياكافي كمان تسبني)):( المهم انا هنا خلاص جاني البكا واتصلت بخالتي ام زوجي قلتلها ياخاله الحقي علي وين فلان ؟؟؟ قالت ليه ؟؟؟ قلت اتصل وترد علي حرمه ... قالت لامومعقول ... قلت والله اتصلي فيه وشوفي .. انا ياجماعه سكرت من خالتي ومسكت الجوال واطالع في رقمه وابكككككككككككككككككككككككككي .. وفجأه ادقق والقى نفسي ملخبطه رقم الغالي ...0504 والباقي ماتغير ورقم الحرمه 0501 والباقي ماتغير ولان جوالي سوني فحتى لوفي اختلاف في رقم واحد يطلع لك نفس الرقم المتخزن بالاسم ... انا هنا مرة تفشلت ... بس بعد ماوصلت السالفه لامه بتفشل اكثر لوقلت اني ملخبطه .. وانا وخيتكم احب الدراما واحب اكون مظلومه ... اتصل وسويت نفسي ايح والرجال يحلف ايمان انه في محل ابوه يسلم العمال رواتبهم ويحدد موقعه وسط الجريمه ... وانا احلف ان اللي ردت حرمه ((مصممه )) لمهم من هنا لهناك وصلنا لاتفاق ان اللخبطه من شركة الاتصالات وانه تشابك خطوط :d:d وعقابا لي تكنسلت الطلعه لاني ضيعت الوقت في الخطط البوليسيه وعلى الفاضي ... المهم يالغاليه ... ادري ان هذرتي طالت بس حبيت اكتب قصتي عشان ابين لك ان اللخبطه وارده وانك حرام تظلمي زوجك وانك لازم تصبري وتتاكدي من الامر موتواجههيه وبس ... حاولي تعتذري بكل الطرق واذا كنتي بتفتشي في جواله فبلاش تكشفي نفسك قبل تكشفيه |
طيب يا اختي تأكدتي من ام فيصل
ههه يعني اساليها اذا كانت متزوجه او لا وقولي لزوجك انو حابه تتعرفي على ام فيصل اهم شي الآن نعجل بالصلح بينك وبين زوجك وهو آية الكرسي تردديها لحين عودته من العمل وايضا اكثري سبحانك لا اله الا انت اني كنت من الظالمين والصلاة على النبي لانه لا يكمل اي عمل من غير الصلاة على النبي وتدخلي المعركه بعدها قصدي الصلح تقولي حبيبي لا يجوز اكثر من ثلاث ايام الخصام والثلاث ايام مرو على سلام باقي منهم ثلاث دقايق (كيد النسا) هذه الفكره جائتني من ابني امس قلت: له لن اكلمك ثلاث ساعات سأل: ليه ثلاث ساعات وسألت : كم الساعه الآن رد قائلا : الساعه الثالثه وردت اخته : الساعه السادسه الا خمس دقائق فقال : ما شاء الله ركض الوقت مسرعا شفتي باقي خمس دقايق خصام انا ضحكت اعملي مثل ابني |
اقتباس:
والله حصل معايه موقف مشابه ومكنتش مصدقققققققققققققققققه نفسى أن خطيبى ممكن يخونى وفضلة أبكى وهو يترجانى أكلم أخته بس فييييييييييييين وفين لما صدقته والشيطان طلع من راسى وطلع العيب فى الشبكه :28: بس موقفى مختلف عن موقفك بمراااااااااااااحل بس بعد مانفسيتى هديت وفضلة أفكر أكتشفت أن ده أسمه ظن سيئ وهذا حرام شرررررررررررعا والله أحنا الحريم عقلنى محتاج تعديل :29: وخطيبى وقتها فضل يقولى طيب أعمل أي عشان أبراء نفسى والله ما كنت طبيعيه كنت بتكلم بهدوووووووووء بس كنت مكذباه ورافضه أصدقه وفين وفيييييييييييييييييييييييييييييييين فضلة أضحك على نفسى وهو معايه فى التليفون:d بس هو بعدها قال كانت رجلى مش قاااااادر اقف عليها من الخوف بحسبك كده خلاص هتطلعى من حياتى :( كان فاكر أن موقف زى ده ممكن يخلينا نطلق بس ده بعده:25: وراه وراه:17: |
وأصلاً ليه تفتشي في جوال زوجك ..
أكيد مابحث خارج اسوار بيته إلا وأنتي مقصرة معاه .. أغرقيه حب وعطف .. وأشبعي رغباته وصدقيني راح يكون خاتم بأصبعك أكشخي والبسي وخلي عينه تنحول من شياكتك وصدقيني راح تشوفي الفرق الكبير في حياتكم بس الوحدة مع زوجها تخرعه من شكلها ولبسها فيغاية الزهد والتقشف ( تقول رابعة العدوية ) وماتبيه يفكر بغيرك وبعدين خلي اللقافة .. لاتفتشي جوال زوجك .. يمكن نزوة وتنتهي .. بس خراب البيت ماله نهاية والحل زي ماقلت لك |
مشكور اخوي الغالب
الحمدلله انا مو مقصره معاه بشيء وبشهادته هو هو صح في يوم من الايام كان يكلم وحده بس وباعترافه هو مو قصور فيني بس رفقة السوء الله لايجزاهم خير هو ما اعترف لي انه منهم لكن البنت اللي كلمتني وقالت لي انه اخذ رقمي من عند فلان زميل له وحتى بعد السالفه باشهر كنا نسولف عن الخيانه استشيره في موضوع صديقه لي وقال احيانا الواحد ينجبر يلقى نفسه يكلم يحطونها بطريقك غصب ويبي يجرب مثل العالم عموما السالفه انتهت ونسيناها الحمد لله وانا شرحت اسبابي لما مسكت وعلى فكره اللي كان يكلمها كان مسميها باسم فيه فيصل وانا توقعتها رجعت مره ثانيه تكلمه الله يجزى الجميع خير لوقفته معي والحمدلله المشكله انتهت ارسلت اعتذار له ومارد علي وبعدين سويت كيكه وحفله صغيرونه واعتذرت له وقبل اعتذاري وانتهت مشكلتنا والحمدلله |
مبروك الصلحه اختي بسمه .. و اهم شي ان الواحد يتعظ من اخظائه .. و يأخذ درس من تجاربه .. فالعاقل من وعظته التجارب..فكفى بالتجارب مؤِدِبا .. ديري بالك على زوجك اختي .. وربي يسعد لي ايامك .. |
اقتباس:
بناء على رد الاخت الكريمة تم حل المشكلة وتنقل نسخة لعالم المشاكل المحلولة |
الحمد لله
الله يديم الحب بينكم يا رب |
إغلاق
|
| الساعة الآن 09:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©