|
كيف أفتح مع والدى الموضوع؟
السلام عليكم ورحمة الله وبركاته أخوانى وأخواتى \ جزاكم خيرا على ماتفعلوه معى وأشعر أن زودتهااااااااا بس والله ماعندى حد غيركم استشيرررررره أخوه سوف أدخل فى الموضوع بشكل مباشر طبعا أنا وخطيبى بنتواصل تليفون وأعرف كل شيئ وكل جديييييييييييييد حدث شيئ من أسبوع أنه داخل على مشروع جديد ربنا يرزقه يارب بصراحه هو كان بيخطط من زمااااااان بس مكنش فى حد يعرف غيرى لكن دلوقتى بيستعد فعلا لأنشاء المشروووووووووع وطبعا أهلى هيعرفوا عادى هو بيحبهم ومابيخبيش عنهم حاجه لكن فى شيئ خطيبى جيه قالى عليه لما عرفت بصراحه جواااااااااايه حسيت بحزن وجيتلكم طلبة الدعاء http://www.66n.com/forums/showthread.php?t=180108 وربنا أستجيب دعائكم وعملة مفاجئه حلوه لخطيبه وموافقه على طلبه وسعيده كمان أسرد لكم ماحدث أن خطيبى جاء لى وقالى يامصرية طالب منك خدمه والله ماهنسهالك العمر نعم يا حبيبى خير قالى ممكن نتزوج فى شقه إيجار مؤقت :30: بدل شقتنا ( هى شقه تمليك شاريها على الطوب الحمر) وحاليا بتتشطب بصراحه قلبى وقف قولتلوا ليه قالى محتاجه فلوس كتتتتتتتتتتتتتير وانا عايز ادخل المشروع برأس مال حلو وانتوا بسم الله ماشاء الله بيتكم حلووووو أوى وعايز أعمل شقه زيه بنفس المستوى وأوعدك كمان سنتين او 3 ننتقل فيها ويكون المشروع وقف على رجليه من خووووووووووووفى حبيت أرد بمزح قولتلو عشان بعد ماتنتهى الشقه تجيبلى ضره وتجوزها فيها:( المهم كنت خااااااييفه وحزينه وقولتلوا سبنى أفكر طووووووووووووووول اليل أفكر وبعد دعائكم ونصيحة أبو مريم أن المفروض أقف جمبه وافقته وقولتلوا توكل على الله وانزل دور على شقه إيجار تكون متشطبه طبعا عشان نتزووووووووج على الصيف وهو انبسط وقضينا كام يوم مع بعض كانوااااا حلوووووووووووين جدا وكنت فى قمة السعاده:17: المشكله أن هو خايف من والدى وأنا أيضا خاااااااااايفه مش عارفين هنقولوا أزاى لأن أتفاق رجاااااااااااله لازم نتزوج فى شقه تمليك دلوقتى نتكلم مع بابا ازاى والله خااااااااااايفين منه وهو كمان خطيبى خايف ينزل من نظر والدى وبيقولى أكيد هيقول عليا بيلعب وبغير الاتفاقات دلوقتى نقول لوالدى أيه وازاى نقنعه بدوووووووووووون مشاكل عندى شعور أن نحن داخلين على مشاكل قويه لأن خطيبى مرعوووووووووووووووووب من بابا :24: الحل أيه:25: |
أخواتى أنا بلفت نظركم لشيئ ياريت تضعوه بأعتباركم
خطيبى زاااااااااااااااااااد عليه الحمل المادى وامامه أكثر من مسئوليه ومصاريف وهذا سبب ضغط نفســـــــــــــــــــــى عليه لأن بيصرف حاليا بشكل كبير وبيطلع مبالغ للشقه التمليك وللمشروع ووصانى امبارح قالى بكره الجمعه عايزك تتكلمى مع والدك بشكل غير مباشر (جس نبض يعنى) شوفيلى أيه موقفه وقولت لخطيبى خاااااااااااااااايفه :24: من بابا قالى وانا كمان:30: ياااااااااريت تساعدونا |
اذا انتي راضيه بالشي هذا اختي الكريمة ما اتوقع ابوك راح يزعل بالعكس انا اشوف انه راح يتفهم الموضوع خصوصا ان الموضوع استثماري انا لو كنت مكان ابوك راح احاول بأي طريقة ادبر فلوس اعطيها زوجك سلفه وتدخلون على بيت ملك (طبعا كلامي هذا اذا كان المشروع احتمالات نجاحه كبيره) واذا ما قدرت لسبب او لأخر راح اسمح بالشقة الايجار وصدقيني اختي الكريمة اذا انتي وزوجك على قلب واحد ما يقدر احد الا انه يطاوعكم اهم شي وضحي للوالد انك مرررررررررررره مرتاحه للشي هذا والله يوفقكم ويجمع ما بينكم على خير وعقبال ما نسمع بنجاح المشروع وتصيرون من كبار تجار مصر قولي آمين
اخوك تعبت اعطي |
اقتباس:
يعنى تفتكر أن خطيبى مش هينزل من نظر والدى يعنى أنت كا راجل شااااااااايف أن ده عادى ولا عيب تغير الاتفاقات والله ياأخى مش عارفه هجلس مع والدى وخطيبى منبهنى قالى لازززززززززززم تجلسى مع والدك وتشوفى أيه ردت فعله بشكل غير مباشر عشان لو بابا رفض خطيبى يتصررررررررف النجاح ياأخى والتوفيق من الله محدش يضمن لكن خطيبى دارسه صح والله يوفقه بقى ويرزقه ويسمع منك يارب:22: ونكون أكبر تجار مصر:17: |
انتي اقراي اية الكرسي بوجهه وادعي ربنا
وقوليله هذا حل مؤقت وانت اذا عاوز مصلحة بنتك وتتمنى لها الافضل في حياتها راح توافق وانت رايك مهم جدا واتوكلي على الله وربنا معاك يا قلبي |
والله يا عيوني
آية الكرسي وادخلي ف الموضوع على طول مع والدك وما تخافو قفو لمصلتكم وخذو الحكمه من الوالد قولو له نحن لم نتزوج في البيت التمليك ثم بعد كام شهر قمنا ببيع البيت واستغلينا الفلوس بالمشروع نحن جايين ناخذ الصفح والسموح منك والخبره اذا ابوكي يحبو وحاسس بصدقه رح يوقف قربه الله يوفكم كثر التفكير يتعب لذلك افتحي الموضوع باقرب وقت |
خطيبى لسه مكلمنى وحصل مشكله بينى وبينه
وانا مكسوووووووووووووووووفه اكلم والدى بصراحه |
طيب يا مصرية .. هل هناك فرق أصلاً بين الإيجار والتمليك؟!!!!!
طبعاً أنا أفهم أن التمليك أفضل بالطبع ... ولكن المهم هو أن السكن سيكون متوفراً .... وعلى الأقل لم يقل لكِ زوجكِ (نتزوج في بيت أهلكِ أو أهلي). رأيي أن المسألة يفترض أن تكون بينكِ وبين زوجكِ .. والوالد بارك الله في عمره لا يفترض أن يغضب من هذا التغيير الذي ينويه زوجكِ .. خاصةً انكِ تقولين إن ظروف مشروعه الجديد هي التي تدفعه إلى ذلك. نعم هناك اتفاق يجب مراعاته بشكل عام .. ولكن لا يجب التعامل مع كافة الأمور بالقلم والمسطرة .. فالمرونة والتفهم مطلوبان دون شك .. وعند حدوث أي تغيير فالرأي الأول يجب أن يكون لكِ أنتِ .. وما دمتِ أنتِ متفهمة لظروف زوجكِ .. ومادمتِ واثقة في أخلاقه وأنه ليس من النوع الذي يتلاعب .. وهو أمر أفترض أن الوالد يدركه كذلك .. فأرى أن تخبريه بالقرار الجديد دون كل هذا الخوف والرعب. |
اقتباس:
ياأمى الحبيبه والله ياناس بكسف من والدى وكلامى معاه نااااااادر لما نكون فى السياره فى مشوار بتكسف اتكلم معااااااااه ولو رجع من السفر هى حمد الله على السلامه بطلعها من لسانى بصعوبه لذلك خطيبى دلوقتى لسه مزعقلى وقالى مستحيل أكلمه لازم تتكلمى معاه وانا قلبى مقبوض وهقول لماما هى تقولوا بس خااااااااااااايفه حتى مش عارفه هابدأ الكلام ازاى والله بقالى 4أيام بحاااااااااول افتح الموضوع وقاعده جمب ماما بنتكلم وبنضحك وكأن لسانى مربوط مش عارفه ابدأ الكلام خااااااااااااااايفه لأن الشقه دى من ضمن شروط والدى لأن والدى مستواه الاجتماعى حلو وكان رافض خطيبى فى الاول ولما خطيبى نفذ أوامره وافق عليه بصعوبه نيجى بعد كتب الكتاب نقولوا العريس غير الاتفاق ممكن يطلقنى فيها قلبى بيقولى كده والله والنهارده خطيبى صاحى معكنن وعمال يززززززززعق فيا كأنى انا السبب |
ربنا يعينك والمفروض ان هو اللى يتكلم مع والدك ولا هو هيزقك من الأول على أهلك صدقينى لو بدأ معاكى فى موال انه يزقك على أهلك كل ما تحبوا تفاهموا مش هتخلصى وهتخسرى اهلك وتخسريه كمان
انتى كلمى والدتك وقولى لها الظروف وهى تكلم والدك ولو والدك ماوافقش خلاص بلغى خطيبك ولو مش عاجبه ييجى هو يتكلم مع والدك ويتفاهموا سوا وانتى اطلعى بره الموضوع لأنك هتكونى الخاسرة الوحيدة فيه. |
و الله يا حبيبتي أنا رأيي مادام مقتنعة توكلي على اللهِ أنا مثلك أخجل كثيرا من والدي:o و في مثل هذه الأمور لا حديث معه أصلا:16: لذلك نلجأ الى الوالدة أطال الله لنا عمرها فتكون أكثر قدرة على الإقناع:22: الله ييسر أمرك:14:
|
حبيبتي
من واقع تجربه مريره انا امر بها حاليا وحبقى احكيلكم عنها قريبا لما افضى قفي بجانب زوجك والي يحصل يحصل ولا تتخلي عنه واسمعي كلامه طالما انه انسان ثقه وملتزم اطمني معاه |
اقتباس:
خطيبى رجع قالى أصبرى ليوم الأحد لأن فى جديد وقالى هأكد عليكى يوم الحد أدعووووووووووووووووووووولى لأن خطيبى ليس طبيعى:30: عصبى جدااااااا لأنه مكسوف أنه غير فى الاتفاق:( |
بجد ياأخوانى والله نفسيتى تعباااااااااااااااااااااانه جدا خطيبى ليس طبيعى بالمره عصبى ومحملنى فوق طاقتى
وعايز انا أفتح معاهم وهو يجيلهم ومعاه والده بعدين بعد ماأفتح الموضوع أنا الأول خايف من والدى لأنه اتفاق رجاله وايضا لأن نحن غرباء عن بعض اصلا ومكنش فيه معرفه سابقه فخايف بابا ياخد فكره واحشه بالله تدعولنا وتحلوا المشكره والله فىىىىىىىى ضييييييييق نفسى انا تعبانه جدا |
ربنا ييسر لك الخير يارب
حبيبتى لا تقلقى ، تكلمى بطمأنينه وقولى لوالديك بهدوء تام أن خطيبك داخل على مشروع مهم هذا المشروع محتاج منه أموال كثيره وإلى جانب ذلك فهو محتاج المال لتجهيز الشقه للزواج وهى على الطوب الأحمر ومحتاجه منه أموال لتشطيبها مثل شقتنا وهو قال لى ممكن نتزوج فى شقه إيجار ولكنه خائف أن يسقط من نظركم فى انه غير الإتفاق ولن يفعل اى خطوه إلا بموافقتكم عليها وموافقتى واطرحى الموضوع دعوه للنقاش بين ابويك وبينك ووضحى لهم أنك يجب ان تقفى جانبه ويكون مشروعه وقف وربنا بارك فيه وقولى لهم الرأى رأيكم ورأيى فإذا أقتنعم بهذا الكلام يحضر ويتناقش معكم وربنا ييسر الخير يارب |
اختي وحبيبتي المصريه
يا حبيبتي انا انصحك انك لا تتسرعي انتي زوجك في حكاية المشروع لان زوجي عملل مشروع وفشل واخد من والده فلوس كتير لكن يا حبيبتي طالما استخرتي لربنا انتي وزوجك خلاص بس خلي مامتك تكلم والدك وهو لو قال لأ ايه المشكله ممكن يقول لأ بس لكن عمره ما هيزعل ابدا وخلي مامتك تفهمه انه الموضوع مجرد فكره فقط واذا رفض ليست هناك مشكله وانه فكر في الموضوع ده علشان يأمن ليكي حياة ومستوى حلو ويا حبيبتي متخافيش انتي صلي استخاره ووالدك لو رفض مش هيضربكم يعني ولا هيزعل وفكري في تعب الاعصاب اللي انتي فيه انتي وزوجك واخلصي من الموضوع ده ادبحي عرق لكن اذا والدك رفض مش من حق زوجك انه يزعل لان ده اتفاق من حق والدك انه يرفض او يوافق واقنعي زوجك وقتها انه ممكن ينفذ هذا المشروع بعد الزواج لان ابوكي كلمته فوق راسك زي ما هو كمان فوق راسك وانكم بعد كده هتكونوا احرار في حياتكم ومحدش هيدخل فيها اهدي كده ومن رأيي والله الشقه اولى لان المشروع ده مغامره مش مضمونه لكن ربنا يوفقك يا حبيبتي |
الله يفرج همك وهم زوجك ويجمعكم على خير عاجلا غير آجلا
والله يسهل اموركم ويسعدكم . |
السلام عليكم ....
أرى و الرأي لك ... ان زوجك ، يفاتح و الدك بالموضوع و يحاول اقناعه باسلوب طيب ... مثل ما اقنعك يا قنعه ... و المشروع نجاحه وفشله في علم الغيب ... ولكن انصحه بأن يدرس المشروع جيدا فهو في مفترق طرق ! وايضا يحاول اقناع و الدك بالكلام الطيب ويبين له اهدافه وانه يسعى لحياة زوجية افضل و امكانات مادية افضل وهكذا .. و الموضوع بسيط لا تكبروه ... المهم ان يتحدث مع و الدك ... و فقكم الله ... |
والله ماعرفه أرد عليكم
بس كما قال السيف المهند أحتمال خطيبى يجيب والده يوم الأحد ويجى وأخرج أنا من الموضوع خالص أدعوووووووووووووووووووووولى أخوانى وأخواتى |
حبيبتىsa33
مشتقالك ياحبيبتى يارب تكونى بخير والله ياحبيبتى خطيبى كل قصده أن بس ألمح بالكلام (لو والدى شكله رفض او أضايق) خطيبى سووووووف يكمل مشواره ونتزوج فى شقتنا عادى بدون مايجى يكلمه والدى رحب بالفكره يجى محمد هو ووالده يكلموه ويستئذنوا منه بس خطيبى عايز منى بس أشوف ايه النظام مرحبين ولا ممكن يزعل والدى وأنا جبـــــــــــــــــــانه خايفه اتكلم وهو فضل يزعقلى ويقولى انتى عجييييييييبه:24: |
اقتباس:
اتوكل على الله بدون علم بابا ده يكسر رقبتى:21: محدش يعرف بابا يكلمه:d |
اقتباس:
:22:أويدك أختي المصرية مجازفة بجد ......... أفرضي لا قدر المشروع باظ ........... أسعار الشقق في مصر نااااااااااااااااار أنتي راضية تبهدلي بين شقق الايجار وتشيلي وتحطي دة شقق الايجار في الطالع سوى ايجار جديد او شقق مفروشة عيب أوي أنه يطلب منك تبلغي والدك بنفسك ويضعك في الموقف هو راجل وعنده 35 سنة,عمره يسمحله أنه يتصرف لوحده وأكثر خبرة منك ويخاف لية يكلم والدك او حتي يمهدله أذا كان واثق من مشروعه يروح يقوله يا عمي كذا كذا ...... والاغرب أن المشروع دة في دماغه من زمان يعني قبل ما يخطبك لية مابلغ والدك من الاول وقبل كتب الكتاب صديقني يا أختي إلا الشقة لانها الامان...... السكن ياااااااا كتتير من شباب مش عارفين يتجوزا بسبب الشقة بجد أنا لا أحبطك المشروع ممكن ينجح كل شىء جايز بس مثل ما قالوا الاخوات لازم لازم يدرسه كويس و يكون دارس السوق المصري كويس أوى في البيع والشراء والروتين ووووخلافه في الوقت الحالي لاسف ما بيشجع كل حاجة وله ثمنه.......... والاوضاع متذبذبة . لو هو مصمم على المشروع ممكن تبيعوا الشقة وتجيبوا شقة اصغر ماتقوليش حاضر وخلاص فكري بعقلك وضعي عواطفك في اجازة وفكري ثم فكري معليش أختي إني قاسية معاكي حبيت أوضحلك الصورة ربنا ينور طريقكم و يجمعك مع خطيبك على خير بإذن الله |
اقتباس:
مهما كااااااااان الحب لا نجرى وراء عواطفنا فقط أهلى و أهلك لهم كلمتهم ولهم وضعهم:22: وكمان اللى عايزنا يتعب معانا ويمشى حافى كمان :25: هو احنا شويه يابنتى ولا أييه:d |
اقتباس:
ياحبيبتى والله والله مكسووووووووووووووووووفه ماتعودتش ادخل مع أهلى فى نقاش :21::21: أعمل أيه بس لساااااانى مربوط:24: |
اقتباس:
يقولى انتى غريبه وعجيبه حد يكسف يتكلم مع أهله أنا بقــــــــــــى والله بكسف اتكلم مع أهلى هو كل اللى عايزه (كلام غير مباشر )أشوف بس بابا متقبل الفكره ولا لأ لو بابا غير متقبل خطيبى قالى طبعا هتصرف وهنجوز فى شقتنا وهيعمل المشرووووووووووع بردو:22: لكن هو طلب منى خدمه انه يأجل الشقه حتى المشروع يلاقى رأس مال قوى أفضل وده بيساعد على نجاحه وطبعا زوجى مش حاااااااااااااااابب المشاكل ولا حتى حابب ينزل من نظر والدى لذلك لم يأتى حتى يتكلم معاه هو زى ماقولتلك عايزنى بس أجس نبض بابا :11: لو بابا شكله مرتاح يجى خطيبى ومعاه والده شكل بابا اتنرفز:30: خطيبى هيكمل مشواره ويشطب شقتنا ونجوز فيها ومشرووووووعه هيكمل هيكمل:17: لأنه خلاااااااااااااااص بدام حط فى دماغه حاجه لازم يعملها حتى لو هتفشل:( |
اقتباس:
أختى أنا بابا شرط على خطيبى شقه تمليك وفى منطقه تكون جيده ليس شعبيه ولا حتى رااااااااقيه لدرجة أنه يضيع فلوسه المهم فعلا زوجى اشترى الشقه وذهبنا أتفرجنا عليها وبعدها كتب العقد ورأيناه والحمد الله كله تماااااااااااام والشقه بتتشطب حاليا وهو شاريها بمبلغ كبير وعايزه زيهم الضعف:( عشان تبقى شقه راااااااقيه تليق بوضعنا المادى وهو انسان بسم الله ماشاء الله مرتاح ماديا والمشروع وأعترف لك أن لم يخبر غيييييييييييييرى أنا:25: لأن هو كان حاطط فى راسه أن نتزوج وبعدين يعمل المشروع لكن وجد نفسه مصمم يعمل المشروع حاليا رغم المسئوليات الماديه ولما بصراحه جاء وقالى من جواااااااااااااااااايه كنت مضايقه وحسيت كأنه بيستغل طيبتى وبيستغل أن خلاص كتبنا الكتاب لذلك قولتلوا أتركنى افكر وخلال يومين وبعد ماهو وعدنى وفضل يحلف أن خلال سنتين هننتقل فى شقتنا وان مشروعه نسبة نجاحه عاليه وويعتبر أن تنازلاتى عن الشقه يعتر جميل هيشيله فوق راسه وعمرى ماينسالى هذا المعروف وللمعلوميه هذا مشروعه من سنيييييييييييييييييييييييين لكن كان معاه شركاء أجانب أخدوا نصيبهم وفضوا الشركه وبعدها رأس المال اللى كان معاه قليل فحدث خساره لأن هذا المشروع لازم يتمول برأس مال كبير ولو رأس المال قليل بيحسر طبعا لذلك طلب منى أتنااااااااازل عن حقى عن الجواز فى شقتنا تخيلى والله مدى حززززززززنى ان هتزوج فى شقه غير شقتى اللى بحلم ليل ونهار بيها لكن يلا الحمد الله انا والله توكلت على الله ولم أصلى استخاره لكن وافقة بناء على نصيحة أبو مريم ان لازم أثبت أنى بحبه :11: أحلام العصافير يعنى:( ووافقة رغم خووووووفى من الخساره وساعتها ولا طولنا شقه ولا مشروع:21: |
لماذا لم تصلي الاستخارة أختي
دي ضرورية جدااا في الموقف دة وأشمعني الوقت دة بالذات عايز فلوس الشقة بعد مافضوا الشركة هو عارف انه داخل على جوازة على عموم اذا هو واثق مثل ما قلتك يحاول يقنع باباكي مرة وأتنان وتلاتة وربنا معاكم |
عشان الرد النهائى لبابا وخطيبى استخار على المشروع وليه الحمد الله رؤيه كوووووويسه
وسئلنا مفسر قالوا توكل على الله واعمل مشروعك لكن موضوع الشقه باابا هو صاحب القرار ولا أنا ولازوجى زى ما الأعضاء اتفضلوا وكتبوا لأن ده شررررررررررررررررررط والدى قبل مايوافق على زوجى واى تغير ممكن تبقى مصيبه فعلا أنتى أكيد فاهمه يا أنين وخلااااااااااااااااااص أصليها النهارده مفيش مشكله طبعا |
:22:
|
المصرية
ياريت مكنش في داعي تقولي الرد الاخير يا مصرية واقراي المعوذتين يا بنتي |
مسحته والله ياأنين فعلا العين حق
بس كنت بوضحلك ان زوجى مررررررر بظروف صعبه جداااااا من خمس سنين وحالته الماديه أتغيرت 180 درجه وده جعله يتعب نفسياااااااا لدرجة أنه كان رافض الزواج اصلا لكن الحمد الله على كل شيئ والله يعوضه خير لأن اى خساره ماديه تانيه هتكون أخر محاوله لخطيبى لأنه هيكون فلس بعدها لذلك هو نفسيا ربنا عالم بحاله مكتتتتتتتتتتتئب من أمس والله ومهما أقولوا انا هعيش معاك بكل الظروووووووف حتى لو مفيش أكل يقولى انا شوفت من الدنيا والناس غدر محدش شافه ومش متحمل خساير تانى والله ياأخوانى هو انسان طيب لكن ظروفه وحشه جدااا الأيام دى أنين أدعيله |
يا أختي نصيحة لوجه الله
لا يجازف بكل ما عنده ساعات الواحد يتحمس لمشروع و يعمي عيونه عن التفكير بباقي الالتزامات و ينسى التفكير في خط للرجعة أختي الاستقرار و البيت الملك ما يعدله شئ وطالما أنه بدأ بالتشطيب يكمل أحسن ،، لأنه لو باعها ما راح يبيعها براس مالها.. أقترح على زوجك أنه يدخل معه شريك / أو شركاء يتحملوا معه ثقل المخاطرة بالتوفيق |
والله ياأخى خوفتنى
ربنا ييسر الأمور |
اقتباس:
|
اقتباس:
لكن الي ما يخاف ما يسلم أنا أقصد أنه لا يبيع الشقة و يدخل المشروع بس لازم معه شركاء يتحملون جزء من رأس المال وجزء من المخاطرة و أنت تعرفين أن ما فيه مشروع مضمون الواحد لازم يأخذ في باله احتمال الربح و احتمال الخسارة الله يكتب لكم الي فيه خير |
اقتباس:
هو راااااافض شركاء |
ياأخوانى هو لم ينوى لبيع الشقه
الشقه سوف تكمل تشطيب على المدى البعيد لكن الزواج مؤقت فى شقه أيجار فهمتوا |
الله يكتب لك لي فيه الخير يامصريه
بس بعد الاستخاره حلوه وهذا من رايي والله يوفقك ويسهل امرك يارب |
اقتباس:
دعيتلكم والله أنتو الاتنان أمس في صلاة الفجر بعد ما تركت ردي الله يتمم ليكم على الخير يارب |
اهلا اختى الكريمة نسأل الله ان ييسر آمرك ويفك كربك اولا اختى طبعا انت غلطانه انك اعطيتى خطيبك رد بدون الرجوع الى الاهل لان هذه الآمور آمور رجال ولا يصح لك التدخل فيها لصغر سنك وقلة خبرتك فى الحياة وطبعا الوالد ربينا يعطية الصحة بأذن الله هو اكثر واحد يحب لك المصلحة وفى نفس الوقت لدية من الخبرة فى الحياة من يجعله يستطيع ان يحكم فى مثل هذه الامور نعم اختى انا قلت تقفى بجوار خطيبك ولكنى لم اكن اعلم انه طلب منك هذا لانه فى هذه الحالة كان الرأى طبعا سيخنلف وعلى الاقل كان سيكون هناك حوار وطرح لبعض الاسئلة والتى بناءا عليها يمكن لنا ان ننصحك وفى الحقيقة خطيبك ليس عنده اى حق فى غضبة ونرفزته لانك جزاك الله خير الجزاء يكفى انه آخذ موافقتك على طلبه اما اهلك فهذا دوره واذا لم يكن لديه الجرأة فى طرح الموضوع على والدك اذن المشكلة مشكلتة وليس مشكلتك لان موقفك صعب جدا ولا يوجد اب يقبل ان تخبره بنته انها وافقت على تغير اتفاق تم ما بينه وبين خطيبها واهله وموقفك طبيعى جدا والمفروض انه يقدره لا ان يضغط عليك اكثر ويحملك ما لا طاقة لك به ويدخلك فى متاهه انت بغنى عنها وانا اعتقد ان طلبه هذا غير منطقى بالمرة وخصوصا بعد كتب الكتاب واعتقد ايضا ان والدك لن يقبل وسيأخذ موقف كبير من زوجك لذا اعتقد ان الطلب الاكثر قبول هو محاولة الاقتصاد فى تجهيز شقة الزوجية وهذا هو الاوقع طبقا للمتسجدات التى تحدثيتى عنها طبعا الاشياء التى تعتبر من البنية الاساسية فى الشقة فى الحقيقة انا افضل ان يتم عملها على اكمل وجهه بأذن الله مثل الدهاء والكهرباء والارضية وهكذا حتى لا يتم الصرف على اشياء ثم تهدم بالكامل عند التجديد ويهدر كل ما تم صرفه فيها اما اى كماليات او فرش فيمكن البدء بالمهم فقط مثلا يمكن فرش ثلاث غرف فقط بدلا من اربعة او اكثر يمكن البدء بأشياء اقل شوية فى التكلفة ثم استبدلها بأذن الله عندما تتحسن الظروف مثلا بدلا من وضع مكيف فى كل غرفة الاكتفاء بواحد فى غرفة النوم وآخر فى غرفة المعيشة وهكذا محاولة الاقتصاد فى اى بند حتى يتم تخفيض ميزانية التجهيز الى الحد المعقول واعتقد ان هذه الآمور لن تضايق والدك لانها تخصك انت فى المقام الاول وتدخل فى ظل وقوفك بجوار زوجك وايضا لا تخل بموقفه هو مع والدك اما نسف الاتفاق من اصله فهذا اعتقد انه طلب مبالغ فيه بعض الشىء وخوصا مع رفض والدك فى اول الموضوع ومع عدم وجود اى عشرة سابقة معه ومع اسرته ولا يوجد ما يزيد الثقة الا القيام بكل ما تم الاتفاق عليه وعدم تبدليه او تعديله كما ان الانتهاء من تشطيب الشقة والزواج بها بأذن الله على نفس القدر من الاهمية مع البدء فى مشروع جديد بل اهم لان الزواج اعتقد انه الان فى هذا الزمن المليىء بالفتن من اهم الاشياء التى تحفظ الانسان والقيام به بأذن الله هو من الانجازات الاهامة جدا فى حياة الانسان مثل انهاء الدارسة الجامعية او حج بيت الله او الاستقرار فى عمل جيد بدخل طيب والزواج يقل عن اى من هذه الاشياء ابدا اختى ارمى حمولك على الله وبأذن الله لن يضيعكك الله ابدا |
| الساعة الآن 07:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©