|
أنا في أمس الحاجة لدعواتكم نوجا مصرية
السلام عليكم والله مش عارفة اكتب انا فعلا حالتي صعبة ونفسي ابكي كتيييييييييييييييير الموضوع وما فيه اني احتمال كبير جدا اكون حامل !!!!!!! طبعا المفروض اكون فرحانه جدا رحت من كام يوم للدكتورة علشان اتأكد من الحمل اللي انا كنت شاكة فيه وعملت تحيل دم بعد ميعاد ......... ما عدي بيوم المهم الهرمون ما بانش قالتلي تعالي الاسبوع اللي جاي هيكون يان ان شاء الله وقالتلي ما أتحركش كتير وبلاش المجهود ( لان كان فيه حالة اجهاض سابقة) وانا عملت بالنصيحة لكن الحمد لله اخت زوجي وابوه كانوا جايين لنا امبارح وهيباتوا عندنا طبعا عملت مجهود جامد امبارح بس والله غصب عني باليل حسيت بعلامات الاجهاض اترعبت ومبقتش عارفة اعمل ايه وحالتي بقت زي الزفت وطول الليل ببكي وزوجي بيهدي فيا وبيقولي معلش ما تزعليش وريحي نفسك خالص وان شاء الله خير النهاردة الصبح كلمت الدكتورة أسالها اخد مثبت ولا لا قالتلي لازم اعيد التحليل الاول هيه مش متاكده انه حمل وانا متاكده لانها اعراض الحمل انا دلوقتي نايمة في السرير ومش عارفة اعمل ايه لازم استني لليل علشان اروح اعمل التحليل تاني بس ربنا يستر علي بال ما الليل يجي يمكن يكون كل شئ انتهي (مش قادرة اكمل من كتر البكا ) لاني ما لحقتش افرح ما لحتقش افول لحد حتي امي لسه ما فلتلهاش كنت مستنية اتاكد علشان افرحها وافرحكم معايا ادعووووووووووووووووووووووولي كتير من فلبكم لاني في امس الحاجة لدعواتكم حاسة اني وحيدة ومفيش حد جنبي مش قادرة اكلم ماما يعني بدل ما افرحها أشيلها الهم وانا بعيد عنها انا دلوقتي مليش غيركم بعد الله |
كمان المشكلة ان اهل زوجي نزلوا مشوار ومعاهم زوجي طبعا ( يعني انا لوحدي )
وطبعا هيتغدوا عندنا يعني لازم اقوم اعمل غدا ده طبعا غير الفطار اللي انا قمت وانا تعبانة عملته والله انا نفسي اعملهم احسن حاجة بس مش قادرة لاني لو قمت هتعب اكتر زوجي بيقولي ما اعملش حاجة خالص ومش مهم بس طبعا ما ينفعش ادعولي ربنا يستر انا والله ارتحت لما اتكلمت معاكم |
لا حول ولا قوة الا بالله العلى العظيم
معليش يا حبيبتى استغفرى ربنا وإقرأى سورة يس بنية ان ربنا يثبت لك حملك وادعى وريحى نفسك خالص وحاولى تنامى علشان ما تفكريش كثير واللى فيه الخير ربنا يقدمه اللهم انى اسألك بحق انك انت الله لا اله الاهو الحى القيوم لا أحصى ثناءا عليك انت كما اثنيت على نفسك أسألك أن تصلى وتسلم على نبينا محمد وآلهوصحبه اجمعين اللهم وأسألك بحق اسمك الأعظم الذى اذا دعين به اجبت أن تكون أختنا نوجا حامل وأن تثبت لها حملها وترزقها منه الذرية الصالحة البارة وتبارك لها فيها يارب طمن قلبها وانزل عليها رحمة منك تغنيها بها عن رحمة من سواك يارب فرج همها وكربها وريح بالها يارب اللهم آمين وصلى اللهم وسلم على سيدنا محمد وعلى آله وصحبه وسلم لأ يا نوجا يا حبيبتى ما تعمليش اى مجهود واطلبى من جوزك يجيب اكل جاهز معاه وهو جاى واياك تقومى من مكانك علشان ما يرجعش جوزك يلوم عليكى ويقولك انا قلت لك ما تعمليش اى مجهود انتى يا حبيبتى اعملى اللى عليكى وسيبيها على الله وهو قادر يا حبيبتى يطمن بالك |
حبيبتي sa33
والله بكييييييييييييت كتير من دعواتك ربنا يجازيكي خير يارب ويرزقك الذرية الصالحة ويفرحك يارب |
بسم الله الرحمن الرحيم
السلام عليكم ورحمة الله وبركاته لا تحزني ابدا اختي نوجا وفوضي امرك لله وعليكي بقول رسول الله صلى الله عليه وسلم ما أصاب أحدا قط هم و لا حزن ، فقال : اللهم إني عبدك ، و ابن عبدك ، و ابن امتك ، ناصيتي بيدك ، ماض في حكمك ، عدل في قضاؤك ، أسألك بكل اسم هو لك سميت به نفسك ، أو علمته أحدا من خلقك ، أو أنزلته في كتابك ، أو استاثرت به في علم الغيب عندك ، أن تجعل القرآن ربيع قلبي ، و نور صدري ، و جلاء حزني ، و ذهاب همي ، إلا أذهب الله همه و حزنه ، و أبدله مكانه فرجا قال : فقيل : يا رسول الله ألا نتعلمها ؟ فقال بلى ، ينبغي لمن سمعها أن يتعلمها الراوي: عبدالله بن مسعود المحدث: الألباني - المصدر: السلسلة الصحيحة - الصفحة أو الرقم: 199 خلاصة الدرجة: صحيح وانشغلي بقراءة القرآن يكتب الله لكي الخير يقول الرب تبارك وتعالى من شغله القرآن عن مسألتي أعطيته أفضل ما أعطي السائلين وفضل كلام الله على سائر الكلام كفضل الله على خلقه الراوي: أبو سعيد المحدث: المنذري - المصدر: الترغيب والترهيب - الصفحة أو الرقم: 2/297 خلاصة الدرجة: [إسناده صحيح أو حسن أو ما قاربهما] ولا تتكلفي باعداد الغداء اختي واكتفي بطعام سهل التحضير وهم بالتاكيد يعلمون مسبقا انكي طاهية ماهرة وليس هذا الوقت المناسب لتظهري براعتكي امامهم فالراحة الان اولى والنوم على ظهرك والحركة بحرص والله يطمنا عليكي ويسعدك وزوجك في الدنيا والاخرة استودعكي الله الذي لا تضيع ودائعه |
اختي الكربمة لحظة بارك الله فيك
جزاكي الله خيرا علي الدعاء والرد الجميل ربنا يسعدك ويفرحك امييين يارب |
لاحول ولاقوة إلا بالله
نااااااااااااااااااااااااااااااااااااامى بلاش تتحركى انتى ايه اللى بتعمليه ده حرام عليكى نفسك نااااااااااااااااامى ارجوكى وهو يجبلهم اكل من برا أياااااكى تقومى هدعيلك والله يارب يكون حمل ويثبت يانوجا ونفرح بولادك |
الله يخليكي يا مصرية ويبارك فيكي
والله لما تكلمت معاكم ارتحت كتيييير ربنا ما يحرمنيش منكم ولا من دعواتكم فعلا والله ونعم الاخوات والأخوان |
ما عليك شر يا قلبي
إنتبهي على نفسك و إن شاء الله يثبت حملك و تصير أمورك تمااااااااااااااااااااااااام الله يتمم عليك حملك و ييسر امورك |
يا حبيبتي يا نوجا
ربنا يفرجها عليكي يا حبيبتي ولو ليكي خير ان شاء الله ربنا حيتممه بخير استودعيه عند الله الذي لاتضيع ودائعه ان شاء الله حاااااااااااااااااااامل وتيجي تبشرينا |
أسال الله العظيم رب العرش العظيم ان يشفيك ويثبت حملك يفرحك قلبك ..
انتبهي لنفسك ونامي على ظهرك ..ما أحد بينفعك لو صار لك شئ .. لا تتحركي ابداً وانت لوحدك في البيت ..الله يكتب لك ما فيه الخير ويطمنا عليك قريبا يااارب |
الله يتمم حملك على خير اختي...
انتي ارتاحي ولاتتعبي نفسك واللي ربي كاتبه بيصير... الله يرزقك بالذريه الصالحه |
اشفيه القمر كذا زعلان وبيبكي ..؟
لاتبكي ياقلبي ما اصابك كله خير بإذن الله وان شاء الله ماعليك شر ولا على جنينك وييييييييياااااااااارب تكوني حامل علشان نفرح في النونو طبعا اول وحده انا اكون خالته ولا ترى بزعل عليه :( حبيبتي نوجا انتبهي على حالك وااايد واخلي زوجك يجيب لهم اكل من برى واعتذري عن القصور لهم وان شاءا لله هم يتفهمون وضعك والله يقومك بالسلامة ويشافيك ويعافيك ويثبت لك جنينك ان كنتي حامل ويقر عينك بشوفته يارب اللهم اني اسألك باسمك العظيم الاعظم الاعز الاجل الاكرم يا الله ان تعطي اختي الغالية نوجا الخير والسعادة والصحة والعافية وان ترزقها الحمل السليم المعافى وان تقر عينيها برؤيته ياحي ياقيوم ارحم ضعفها واجبر بكسرها ياكريم طمنينا ياعسل عليج |
اقتباس:
يارب يسمع منك يا حبيتي يا عشق انا ان شاء الله هروح للدكتورة النهاردة وربنا يقدم اللي فيه الخير |
اقتباس:
حبيبتي زوجة احمد ربنا يسمع منك والله كلامكم ده بيخفف عني انا اللي تعبني اني مش عارفة فيه ايه ط لو اجهاض ربنا يعوض عليا بس اعرف القلق وحش قوي |
اقتباس:
اختي الحبيبة ربنا يبارك لك والله دعواتكم دي بتفرح قليي ربنا يفرح قلبك |
اقتباس:
اختي ابداع جزاك الله خيرا علي الدعاء انا والله نايمة في السرير لحد ميعاد الدكتورة مع اني بكره انام في السرير وانا تعبانه بس اعمل ايه غصب عني وكل اللي ربنا يجيبه كويس |
اقتباس:
يا حبيبتي يا دمعات والله وقفتكم معايا دي عندي بالدنيا كلها يا حبيبتي انتي تبقي احلي خالة كمان ربنا يجازيكي حير ويعوضك ويفرح قلبك |
انا والله مش عارفة اشكركم ازاي علي وقفتكم معايا ودعائكم
اللي هون عليا تعبي والله كانكم اهلي اللي خايفين عليا ربنا يبارك فيكم ويفرحكم يارب |
نوجا
طمنينا عنك جبيبتي رجتي حللتي ولا لسه؟ طمنينا او ل ما ترجعي واتركي شغل الضيافه الان وروحي اتمددي انتي لك عذرك واذا عالاكل اسمعي كلام زوجك وجيبو من بره لا تهملي نفسك حبيبتي واذا كان فيه خير هذا البيبي الله يثبتلك هو بقوته التي لا تقهر ورحمته التي وسعت كل شيء. انا في انتظارك عشان تطمنيني.. |
حبيبتي كريستالا جزاك الله خيرا علي الدعاء
انا لسه ما رحتش للدكتورة ان شاء الله اول ما ارجع اطمنكم علي طول وربنا يستر |
بس تفتكري يا كريستالا ان الدم اللي نزل ده ( مش كتير )
ممكن يكون اُثر علي الجنين |
نوجا طمنينى عنك
|
ان شاء الله يكون بس ارهاق او انذار وتتفاديه بالراحه
اعرف كثير نزل عليهم زيك والحمدلله استمر الحمل.. انا لسه مستنياكي يا حبيبتي وقلبي معاك.. |
الله يسهل لك ويتممه على خير ويسعدك فيه
خلي ثقتك بالله كبيرة ,, |
ياحي ياقيوم يا رزاق يا كريم ارزق نوجا الذريه الصالحه من حيث لا تحتسب وثبت حملها وعوضها خيرا
اللهم امين امين امين |
الله يكتب لك كل خير يثبت حملك ويريح قلبك ويهونها عليك
ويرزقك انتِ وكل اخواتي بالذرية الصالحة الطيبة المعافاة الله يكرمك ويرزقك كل ماتتمني .. فوضي امرك لله .. ولن يصيبكِ إلا ما كتبه الله لكِ طمنينا عنك ياغالية |
اخواتي الغاليات
انا رحت للدكتورة وعملت تحليل دم تاني وطلع سلبي (مع اني عملت تحليل منزلي وطلع لي خط وردي خفيف) ازاي مش عارفة المهم كشفت عليا عادي وقالتلي اشرب قرفة واخد ريفو لو دورة يبقي هتنزل ولو ما نزلتش اروح لها تاني بكرة تعملي سونار علشان تشوف يمكن حمل ضعيف او خارج الرحم الله يستر انا بصراحة ما اقتنعتش ولما رجعت كلمت قريبة ليا اطمنها عليا لقيتها بتقولي اوعي تسمعي كلامها وتشربي قرفه ولا تاخدي اي اقراص لان لو فيه حمل كده هينزل وانا قلقت جدا جدا ومش عارفة اعمل ايه انا هروح لها بكرة تعمل لي سونار ومش هشرب حاجة وان شاء الله بعدها مش هروح للدكتورة دي تاني هشوف دكتورة تانيه وربنا بسهل انا الحمد لله دلوقتي مش حاسة بتعب بس والله شفت الويل وانا بعمل تحليل الدم لاني مش بستحمل اخد ابرة ولا حتي اشوف الدم بيتسحب ولا اتخيل كده وكان هيغمي عليا ودخت جدا وكانت حالتي صعبة مش عارفة انا اللي زيي كده ممكن تولد ازاي !!!!!!!!! يلا الحمد لله علي كل شئ والله بدعواتكم ليا ارتحت كتير وكل اللي ربنا يجيبه خير حتي لو مفيش نصيب المرة دي ربنا يعوضني خير بي ادعولي لاني خفت جدا لما قالت ممكن يكون حمل خارج الرحم ربنا يستر |
اقتباس:
انا بخير الحمد لله يا مصرية يا قمر جزاك الله كل الخير اقتباس:
والله يا كريستالا انا احترت ازاي يطلع في الاختبار خط مع ان الدم سلبي ربنا يخليكي علي وقفتك معابا[/color][/size]ربنا يستر اقتباس:
يارب يسمع منك يا حبيبتي وويفرحك ويسعدك امييييين يارب اقتباس:
حبيبتي رومانسية كنت مستنية تدخلي وتدعيلي ربنا يخليكي ويبارك فيكي ويسهل ولادتك امييييييييييين يارب اقتباس:
حبيبتي كيوت يارب يسمع منك اميييين يارب الحمد لله والشكر لله علي كل شئ جزاك الله كل الخير |
وكل اللي ربنا يجيبه خير حتي لو مفيش نصيب المرة دي ربنا يعوضني خير
الحمد لله على كال حال بارك الله فيك اوخيه و ييسر لك جميع امورك ورزقك الذريه الصالحه المعافاه ،، دمتي بافضل حال . |
لا حول ولا قوة الا بالله
زعلتيني والله حبيبتي مش هتصدقيني اني دائما بدعيلك من قلبي انه يرزقك بالذرية الصالحة لاني بحبك كتير وانا منتظرة هذا الخبر على احر من الجمر وان شاء الله يكون حملك تمام علشان تجيبي عروسة لاياد:22: اما اذا قدر الله وما حصل نصيب فأستحلفك بالله انك ما تزعلي وتقولي: اللهم اجرني في مصيبتي وخلفني خيرا منها اللهم اجعل عاقبة امرنا رشدا وان شاء الله ترجعيلنا مبسوطة وتبشرينا بالحمل انه على كل شئ قدير |
أسال الله العظيم رب العرش العظيم ان يشفيك ويثبت حملك يفرحك قلبك ..
انتبهي لنفسك ونامي على ظهرك ..ما أحد بينفعك لو صار لك شئ .. لا تتحركي ابداً وانت لوحدك في البيت ..الله يكتب لك ما فيه الخير ويطمنا عليك قريبا يااارب |
اقتباس:
ما على المريض حرج الله يثبت حملك يااااااااا رب و يرزقك الذرية الصالحة آمين |
الحمد لله على كل حال
الله يثبتك حملك اذا كنتي حامل واذا ماكنتي حامل الله يعوضك كل الخير ويرزقك الذريه الصالحه ولاتنسين ان الخيره فيما اختاره الله الله يوفقكم ويسدد خطاكم |
اقتباس:
اختي متفائلة انا الحمد لله متفائلة زيك كده والحمد لله علي كل حال جزاك الله خيرا علي الدعاء |
اقتباس:
يارب يخليكي يا ام اياد والله وقفتكم جمبي دي حسستني اني مش لوحدي وان انتوا اهلي والله انا كمان احبك والله يشهد انا الحمد لله متفائلة وكله خير من عند الله بس عارفة مامتي كانت بتكلمني النهاردة كالعادة وطبعا ما تعرفش اي حاجة والله كنت مخنوقة نفسي اقولها علشان تدعيلي بس ما قدرتش علشان عارفة انها هتقلق وهتخاف عليا قلت بلاش خليهم متطمنين عليا والله يا ام اياد لما اقعد لوحدي بحس اني نفسي صعبانة عليا قوي والاقي الدموع نزلت غصب عني مش والله علشان موضوع الحمل لا الحمد لله انا مش قلقانه منه خالص انا مش عارفة مالي حاسة اني مش انا حاسة اني مخنوقه كمان النهاردة اخت زوجي بايتة عندنا وهتقعد كام يوم وانا مش عارفة حاسة ان الدنيا ملخبطة نومي ملخبط بيتي ملخبط مش عارفة حتي زوجي مش لاقياه جمبي لان اخته طبعا عندنا ومش قادرة اخد راحتي في بيتي ربنا يعدي اليومين دول علي خير ادعيلي |
اقتباس:
اختي الكريمة جزاكي الله خيرا علي الدعاء ربنا يقدم اللي فيه الخير بس ما تنسونيش من دعواتكم |
الله يثبت لك حملك ويقر عيونك بطفل سليم معافى |
اقتباس:
الحمد لله يا اختي ماريا اليوم عدي علي خير وابو زوجي سافر بلدهم واخته اللي قاعدة عندنا كام يوم ربنا يسعدك يارب ويجازيكي خير علي دعواتك اميين يارب |
اقتباس:
اختي الحبيبة جينز ربنا يبارك فيكي جزاك الله خيرا علي الدعاء ربنا ما يحرمني منكم ابدا |
| الساعة الآن 04:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©