|
هل للعصبية حل ؟
السلام عليكم ورحمة الله وبركاته
بداية الصراحة انا ماعرفت وين احط موضوعي فقلت يمكن هدا انسب مكان مشكلتي بدت مع حملي انا طبيعتي هادييييييييييية لكن مع حملي بابني الثالث صرت انسانه لاتطاق اتنرفز على اتفه الاسباب اجت فترة صرت اضرب ولادي طبعا مو ضرب جامد لكن ولادي بالعادة مابضربهم المهم انه حتى الشغالة ماسلمت مني طبعا انا حظي بالشغالات تعيس دايما يجوني ام لسانين :(:29: كانت شغالتي السابقة كذااااااابه بشكل مو طبيعي تعمل الشي قدامي ولما اسالها عنه تحلف بكل الايمان انه مو هيه وانا بطبيعتي بكره الكذب فكنت اعتقد انه هي السبب باني اعصب عليها باستفزازها الي بكذبها لكن من بعد الولادة هديت فترة الشهرين بعد الولادة ومن بديت بحبوب منع الحمل رجعت عصبيتي روحت شغالتي السابقة مع اني لليوم احس بالذنب لاني كنت اعصب عليها اجتني شغالة جديدة طبعا انا كنت رافضة الموضوع تماما انا ساكنه تقريبا بغرفه صحيح وسعناها وعملنا غرفه للشغالة وللولاد لكن بيتي جدا صغير مو محتاج ... المهم جاب زوجي الشغالة غصب عني وانا مو طايقها المشكله انها لو عملت اي غلط صغير احس اني بركان بنفجر احس انه راسي بينفجر من العصبيه حاولت اغير الحبوب للولب بلكي تروح العصبية مافي فايده الدورة مااجتني حتى مع حبوب تنزيل الدورة اتوقع لازم اوقف رضاعة صارلي 9اشهر المشكلة انه العصبية بتتطور يعني طول اليوم انا صوتي عالي مره على الولاد ومره على الشغالة ومره على زوجي لاتستغربوا زوجي استفزازي >>> يشوفي احفظ بنتي (((مثلا )) احفظها قران يروح يقولها تعالي اطلعك والبنت تصير تبكي بدي اروح مع بابا طيب والمسابقة المشتركه فيها وبس اقوله لا ماتروح يصير يقولي انتي بدك تدفني ولادك بالبيت ومن هالكلام انا اتنرفز واعصب عليه :11: زوجي صار ينبهني انت صوتك دايما عالي :( اقول بيني وبين نفسي اخر مره لكن ثاني يوم على اتفه سبب القى راسي يغلي وصوتي عالي مبارح قلت في نفسي يمكن هرموناتي للحين مااستقرت يمكن الحبوب طيب ايش العمل ؟؟؟ انا حتى بالشغل لما حدا يستفزني مابرد لكن صدري يضل يغلي يومين على الكلمه مثلا او التصرف انا ماكنت هيك مالها نفسيتي صارت سيئة :( في حدا كان مثلي هادي وانقلب ... زوجي بيقدر مرات لكن مرات يقعد معصب علي بالثلاث والاربع ايام والله اني مابقصد اعصب لكن صاير استفزازي سهل كتير :( واللي بدا زوجي بجيبة شغالة للبيت مع رفضي في ناس قالولي احمدي ربك طيب الحمد لله لكن بيتي وولادي مو محتاجين بعدين مو قادرة اخد راحتي لاباكل ولالبس لصغر البيت والمشكله قلتله اوك لكن غير هادي الشغالة مو مرتحالها انا عارفه انها جدا نظيفه ومرتبه لكن مابتعرف كيف تتعامل مع الاطفال لكنه رافض لانها نظيفه ومعند بفكرني بدي اغيرها عناد:( المشكله اذا جيت اكل القاها تتطلع فاتحه عينها في وفي الاكل واذا لبست لبس طول اليوم تتطلع في من فوق لتحت لو اني حارماها مو مشكله هي مابتاكل الا اندومي واذا قلتلها اعملي برجر او نجتز او مرتديلا تقولي انا ماباكل هدا الاكل طيب ليش دايما تتطلعي بلقمتي والله تنرفزني ماخلت بالبيت شي ماخربته من مكوه وبعدين الغسالة حتى مناشر الغسيل وزوجي يقولي معلش مو مشكله انت معصبه على اشياء تافه بتنحل ... رجاءا فيدوني قبل لاجن:23: .. |
الله يعينك يا كريستال
والله انا مقدرة شعورك بس بردو بدك تطولي بالك لما تروح صحتك ما حد بيفيدك احمدي ربك عندك شغالة انا بيتي كبير وبيهلكني شغل وبردو مش ملحقة عليه وما بقدر اجيب شغالة لظروف مادية وانتي عارفة اني بشتغل يعني هلاك... بشتغل اكتر من 15 ساعة باليوم بين بيت وشغل اهم شي طولي بالك ... بكرة مع العصبية بتطفشي ولادك وزوجك وبيصيرو ينفرو منك الله بيعين والله يفرجها علينا وعليكم |
السلام عليكم
من سمعك يا اخت كريستال؟؟ انا كمان عصبية كتير من ابني تصرفاته تنرفزني جدا بعصب عليه وبصرخ عليه وزوجي بيتدايق بيقول لي ليه بتعاملي الولد هيك حرام عليكي ما سمعتي بحنان الامومة؟ انا سمعت فيه وبحاول اكون حنونة عليه بس ما بيرد علي بالمرة حتى بالصراح ما برد بكون ميت من الجوع ومش قابل يوكل وبعيط طيب انا شو اعمل بالحالة ؟؟ انا بحس اني لئيمة مع ابني عشان بصرخ عليه بس هو لا يترك لي اي مجال اخر المشكلة هذي تؤرقني يا بنات الله يكون بعونك ياكريستال بس اقولك ع الشغالة حماتي عندها واحده قالتلها مافي اكل اندومي في توكلي من الاكل اللي انا بطبخه كل يوم عجبيك ولا لأ قالت لها حاضر وحماتي عصبية فجلست الشغالة بتلاقيها بتاكل ملوخية ، مفتول، ملفوف، معكرونة بالبشاميل، صينية بطتاطا، خبيزة ، سبانخ ، كوسا وورق دوالي تخيلو بتوكل كل شي بعين بس صارت تاكل كل شي قالت لها حماتي هلأ ازا بدك توكلي اندومي مسموح بس المهم تاكلي من الاكل العادي وماشية على العجين ما بتلخبطه |
جات على فترة أني اعصب بعد إصابة حصلت لي المهم
المهم زوجتي من كثرة ما طفشت مني جاب لي مسبحة وكلت فيها 150 حبه وقالت لي كل ما تعصب أجلس أستغفر وفعلاً بعد فترة شعرت براحة ولله الحمد وسرت اعصب على خفيف |
السلام عليكم ورحمة الله وبركاته . . . أنا أعاني من زوجة عصبية على فكره وحبوب منع الحمل لها تأثير كبير على هذا الأمر ويمكنك استشارة طبيبة لتغيير نوعية الحبوب وبعدين لما تحسي حالك عصبتي وقفي وروحي توضئي جدا جدا مفيد هالشي في تخفيف العصبية مره عن مره راح تخف عنك ولنا في رسول الله صلى الله عليه وسلم القدوة الحسنة . . . (ما يستحب فعله لإسكات الغضب) قال القاضي ويستحب لمن غضب إن كان قائما جلس ، وإذا كان جالسا اضطجع وقال ابن عقيل : ويستحب لمن غضب أن يغير ، فإن كان جالسا قام واضطجع ، وإن كان قائما مشى ، وقول القاضي هو الصواب قاله الشيخ تقي الدين وهو كما قال ولأحمد وأبي داود من حديث أبي ذر { إذا غضب أحدكم وهو قائم فليجلس ، فإن ذهب عنه الغضب وإلا فليضطجع } إسناده صحيح { وقد استب رجلان عند النبي صلى الله عليه وسلم واشتد غضب أحدهما فقال عليه السلام إني لأعلم كلمة لو قالها لذهب عنه ما يجد ففي خبر معاذ اللهم إني أعوذ بك من الشيطان الرجيم . وفي خبر سليمان بن صرد أعوذ بك من الشيطان الرجيم قال في خبر معاذ فأبى ومحك وجعل يزداد غضبا . وفي خبر سليمان فقال الرجل هل ترى بي من جنون } رواهما أبو داود . وروى البخاري ومسلم خبر سليمان وروى أحمد والترمذي خبر معاذ ، ويستحب أن يتوضأ لخبر عطية عن النبي صلى الله عليه وسلم قال : { إن الغضب من الشيطان وإن الشيطان خلق من النار وإنما تطفأ النار بالماء فإذا غضب أحدكم فليتوضأ } رواه أبو داود وغيره . . . . اقرئي كتاب (لا تغضب) للشيخ عائض القرني . . . أسأل الله العفو والعافية والله المستعان |
ينقل حيث مكانه الأنسب ,
|
والله يا كريستال ومين سمعك كمان انا مش عصبية انا بنجن لما بعصب ما بعرف ليش
شكله اللي بتخلف بيصير معها هيك وعندي شغالة متلك بس مش مرتاحة لوجود الشغالات كلهم زوجي جابها مشان تساعدي بعد ما جبت ابني الثاني عمره هالحين 4شهور صايرة مشاكل مرة مع الشغاله ومره مع زوجي ع العصبية وكل ما اقول خلص مارح اعصب برجع بنجن قصدي بعصب ع فكرة كل العصبية سببها هرمونات بعد الولادة ولها علاج الله يهدينا ويهديكي |
السلام عليكم ورحمة الله إذا بتستخدمي حبوب منع حمل أو لولب هرموني فراجعي طبيبة نساء وولادة واعرضي عليها مشكلتك بإذن الله ستجدين الحل المناسب وحاولي توفري الجو المناسب لزوجك في البيت لأن مشكلتك مع زوجك ستبقى بهذه الطريقة كالكرة الجليدية إذا لم تسعي في حلها حينما يشعر برفع صوتك ونرفزتك وعصبيتك سيكون مثلك في الرد وزيادة ثم تكوني أكثر عصبية وهكذا .. الحل سيبدأ من عندك أشعريه بالمشكلة التي تعانين منها ولا تنسبي إليه عدم التقدير بل اشكريه كلما قدم ما من شأنه تخفيف المشكلة حتى يتعاون معك أشغلي أطفالك بألعاب ولا تشعريهم بأهمية المولود وخوفك عليه أشعري الشغالة أيضاً بمشكلتك ( أعرف أن الأمر صعب لكن لازم ) واسأليها عن حال أطفالها إن كان لها في ديرتها أطفال .. وإذا لم يكن فأخبريها بتجاربك الصعبة التي تتمنين أن تسلم منها ( حتى تكسبيها ) كثيراً ما يشعر الزوج بتهميش زوجته له عندما ترزق بمولود يشغلها .. فتذكري زوجك في كل حين وأشعريه بأهميته وكلما هدأ الجو من حولك خفّت حدة المزاج .. ولكن لا تثيري من حولك حتى تكسبي جواً مناسباً يسر الله أمرك الزائر الخفيف |
اقتباس:
الله يعينك من جد البيت الكبير بحتاج من جد شغالة للمساعدة بس بالنسبة الي بيتي مو بيت عبارة عن صالحة يمكن 4متر في 3متر وغرفة 4في4 وغرفة للولاد يمكن مترين ونص في مترين ومني مطبخ ومني الله يعزك حمام يعني شو بده البيت تنظيف نص ساعة مابياخد والمشكلة في الولاد في حضانة جنب الشغل لما احتاج بودي الولاد الها لكن الشغالات دمار في البيت وطول اليوم في وجهك و الله بستفزني لما اجي اشكي لزوجي من تصرفاتها بقولي كيفك فيها اعملي اللي بدك اياه طيب انا مابدي ايها اصلا بقولي انا حضانات مابودي ولادي طيب ثلاث ارباع اشغال البيت فوق راسي انا من طبخ وغسيل ورعاية الولاد ليه احرق قلبي من اسبوعين رمت بالزبالة مصفاة الغسالة شفتي اكتر من هيك غباء وقبلها حرقة المكواه اضطريت اشتري جديدة مع انها ماكملت عندي اربع شهور ولو احكيلك رح تقوليلي وشو بدكم فيها الله يسامح زوجي بس يعند على شي خلص ماحد بقدر على راسه الله بعين بس انا العصبية عندي صايرة زيادة اكتر من مابتتخيلي ومش عارفه ليه انا قلت يمكن الهرمونات لسه عندي مو طبيعية لانه الدورة الشهرية لسه ماجتني ؟؟؟؟ نفسي اعرف يمكن هدا السبب ام عبدالله حبيبتي لاتقطعي اخبارك وطمنينا على الحلوين الصغار |
اقتباس:
اهلين اختي صدقيني لو تجربي ابني لتقولي ياه هدا ابني نعمه بحاول قدر الامكان اتجنب التعامل معه لانه مستفز مو سايب صغير او كبير بحاله لسانه طويل وايده طويله تعبت من جد معه الفتره الاخيره بحاول الهيه عني بقناة طيور الجنه بقعد شوي ساكت عليها احيانا لما احس خلص اني حنفجر فيه واضربه بدخله غرفته وبسكرها عليه لحد مايهدا وانا اهدا وبعدين بطلعه لاني لو ماعملت هيك رح اضطر اضربه اما عن الشغالة هيه بتاكل احيانا من اكل البيت اذا كان معه رز المشكله احنا عنا بناكل الرز بس يوم الجمعه بقولها ساوي لنفسك اتوقع بتكسل بتقول الاندمي اسهل خمس دقايق وبيجهز موفقه عزيزتي طولي بالك على ابنك اذا عندك طفل واحد فانت في نعمه انا رح انجن من الثلاثه لازم اقسم حالي 4اقسام قسم ادرس بنتي والثاني احاول امسك اعصابي على ابني ابو4سنوات والثالث لازم احاول طول الوقت الف في ابني ابو 9اشهر لاني اذا قعدت بضله يبكي والنوم حكاية ثانية والرابع لازم اكون هاديه مع زوجي ولا كنه صار شي طول اليوم يعني باختصار لازم انجن لاعمل هدا كله ....الله يعين اهلينا من جد كيف ربونا ؟؟؟ |
اقتباس:
المشكله انه الواحد لما يشوف شي يعصبه سبحان الله يتغيب العقل لحظتها موفق اخوي والله يخليك لزوجتك ويخليها لك ويسخركوا لبعض |
اقتباس:
شكرا اخي من جد مشكلتنا احنا النساء بعد الزواج وانجاب الولاد نلتهي وننسى انا يمكن اول اهدى لاني كنت ماالتهي عن قراة الاذكار والقران يوميا اكيد الحين التهيت صرت ماافضى اكتفي بقراة القران عن طريق تحفيظ بنتي ان شاء الله اخوي اطبق كلامك واذا قدرت رح اقرا الكتاب كم مره اخوي ينصحني فيه لكني التهي ومالقى وقت مشكور اخوي والله يسخرلك زوجتك ويسخرك الها |
اقتباس:
ياهلا فيك ام ثائر انتوا خلتوني من جد افكر بزيارة للدكتورة لكن ان شاء الله بعد ماتخلص تحاليلي لانه من فتره عملت تحاليل للغدة الدرقيه وفيتامين د لانه مفاصلي الها فترة بتالمني فرح ان شاء استشيرها بخصوص الحبوب واشوف رايها بخصوص العصبية ام ثائر لو تشوفيني قبل والله ولا كان ينسمع صوتي لو عصبت عصبت كنت اطرد ولادي بره >>> عند عمي واسكر الباب ربع ساعة لحد مااهدى المشكله انه الحين اخو زوجي رجع سكن عند ابوه فصاروا ولادي اربع وعشرين ساعة في وجهي مابقدر اقعد عشر دقايق بدون خناقهم فتخيلي الوضع محشورين بالبيت مين عندهم يجننوا غيري الله بعينا وبعين امهاتنا كيف تحملونا سبحان الله >>>> الوحده مابتعرف قدر امها صح الا بعد الزواج والولاد الله يوفقك ويخليك لولادك ويخليهم الك |
اقتباس:
اهين اخي نصائح رائعه للاسف زوجي دايما يشعر انه مهمش ودايما ينبهني المشكله اني بحاول اني افضي نفس لكن انجح مره او بالكثير مرتين في الاسبوع لكن هو يحس انه صراخي طول اليوم يخرب جو البيت المشكله انه كثير من الرجال يتوقع الزوجة اله لما يقول ماتعملي او ساوي فكانه كبسة زر انا بحاول كل مااحسه سكت وماكبر الموضوع ابعتله مسجات اعتذار واشكره على تقديره بس هالشي مابستمر يم يومين حتى يرجع ينفجر احيانا بدون سبب وبحاول انا اراعي عشان هيك كل يوم بصحى بقول في نفسي اليوم مارح اصرخ مارح اعصب لكن غصبا عني احيانا القى نفسي عصبت ان شاء الله بحاول امسك اعصابي قدر الامكان اما بالنسبه لابني الصغير هو على طول بده يضل محمول والمشكله مرضه كتير وهدا سبب تعوده على الحمل وشكله رح يدلع زيادة يعني الله يعيني شكرا اخي بارك الله فيك ورزقك من حيث لاتحتسب |
شو بدك تعملي يا كريستال
الله بيعين والله انا بخاف كتير من الشغالات وحاطة ولادي بحضانة مع انو ممكن بنفس المبلغ اجيب شغالة ... بتدير بالها على الصغار وبتشتغلي شغل البيت بس بقول اذا انا بعصب عليهم هيك هيا شو بدها تعمل تعب جسمي ولا تعب بالي |
اقتباس:
والله حتى احيانا اهلي بفقعوا خاصه من عبودي بقولولي شوفيله حل مابدخل بيتهم وببدا تقطيع الزرع بضرب الولاد الصغار تخيلي في عند اهلي 5اصغر منه كلهم بشكوا منه كل واحد بيجيني شوفي عبود طيب بتفكر ي والدي الله يخليه بخلص لاااااااااااا حتى هو لازم عبود يناحس فيه ويجننه هدا في بيت كبير تبارك الرحمن زي بيت اهلي تخيلي شو عامل فيه انا في البيت مجننا والله شوفي ام عبدالله دام الواحد بدبر حاله من غير شغاله فاحسن ميت مره بلاوجع قلب واعصاب الله بعينا على الولاد وتربيتهم الله يجعلهم من الذرية الصالحه البارة والله يوفقهم ويرزقهم من حيث لايحتسبوا ويغنيهم بالمال الحلال عن الحرام |
يا ستي الله يعين
أنا كنت نفس الشيء هادية جدا لكن الحين بعد مابدت بنتي بسم الله عليها تمشي وتفهم صرت أتنرفز وأصرخ عليها مع إني أدري ان هذا غلط وشخصيتها تتكون في السنوات االأولى واللي صاير إنها صارت تسوي مثلي إذا زعلت تصرخ وزيادة ترمي الأشياء اللي حولها وهذه مادري من فين جايبتها ! عموما أحاول إني أقول والله حرام هي لسه تكتشف وأحاول أنفذ شيء قريته مره - انه لو الطفل خرب شيء ما الفائدة من الصراخ الشيء اخترب وانتهى فالواحد يحاول يمسك أعصابة - لكني الصراحة ما أقدر دايما أنفذ هذا الشيء مرات أمسك نفسي طول اليوم ويجي موقف أخير أنفجر فيه ولا إني إذا مسكت نفسي أصيح كل من مستغرب من عصيبيتي هذه بديت أحس إني بعض السلوكيات تطلع مني كوني تعرضت لقسوة وضرب وأنا صغيره فبعض المرات ما ألقى نفسي إلا وأنا أصرخ بنفس الطريقة ولا أتصرف بنفس السلوك اللي تعرضت له وأقعد طول اليوم زعلانه على اللي سويته لأن أدري انه خطأ فكرت كم أروح لطبيب نفسي ولا عند مستشار تربوي ولا أسري ولا تيسرت للأن الله يعين الجميع |
أكثري أختي الكريمة من الاستغفار وقراءة سورة يس
|
لازم تشوفي سبب عصبيتك أختي ، أنا راح أركز على نقطة معينة أحس إنها لب الموضوع و يمكن أكون غلطانه
أنا بالعادة عصبية لكن أقدر أسيطر على نفسي لما أذكر الله و أستشعر عواقب عصبيتي على نفسي وغللي حواليني قبل فترة أخذت حبوب منع الحمل لفترة بسيطة ، الله لا يراويج إللي صار فيني ، مثل ما قالوا إخوانا المصريين مش طايقة ذبانة وشي ! و لا قادرة أسيطر على أعصابي أبداً كنت أحس فعلاً إني وبدن مبالغة حابة أصرخ و أشد شعري لأتفه سبب، غير إنها قتحت شهيتي بشكل مخيف اللولب له مشاكله في لخبطة الدورة لكن شوفي إذا تقدرين تنظمين الدورة مع حبوب معينه غير الهرمونات ، إنتي شوفي كل الحلول و اختاري أقلها ضرر كان الله في عونك |
الله يصلح حالك يا كريستال و يوفقك بحياتك ...لازم تصبري شوي و تطولي بالك و تتعوذي من الشيطان و مافي اكتر من الكلام الي حكوه الاخوه و الاخوات ممكن اقوله
الله يوفقك |
colors
احيانا الضغوط اللي حوالينا تثير الاعصاب من جد انا الولاد احيانا من جد افقد اعصابي عليهم لكن غالبا اعتذرلهم حتى انهم يعرفوا ويتعلموا انه الواحد اذا غلط يعتذر حبيبتي كلنا تعرضنا للعقاب واحنا صغار لكن مو شرط يأثر فينا لما نكبر بالعكس احيانا اتذكر حالي وانا صغيره اقول الحمدلله ابوي مادبحني كنت بصراحه مشاغبه كتير زياده عن اللزوم ولساني اطول مني لكن كانت القاعده اهلي اني عقاب البنات عند مامتي وعقاب الولاد المساكين عند ابوي لكن برضه احيانا لما نزودها ناكل ضرب مرتب بالعصا والعصا لمن عصا لكن احس جيل هالايام حساس زياده وزوجي بيرفض الضرب تماما يعطيك العافيه ويوفقك حبيبتي ديري بالك على الصغيره mr.ordinary تسلمي حبيبتي انا اعطي وقت بطريقي ولله الحمد للشغل دايما حتى استغفر واسبح واكبراتسلى واجني حسنات تسلمي على مرورك والله يباركلك ويوفقك ام مزنة اهلين حبيبتي انا لازم فعلا اغير الحبوب لكن لازم اوقف رضاعه حتى تجيني العادة الشهريه حاولت انزلها بالحبوب مانزلت عشان هيك كمان 3اشهر ان شاء الله بس افطم ابني وبعدين بدي اركب باذن الله لولب تسلمي عزيزتي على مرورك يعطيك العافية موفقه الحسناء الحالمه تسلمي عزيزتي على مرورك ان شاء الله على فكره انا الاسبوع هدا اتبعت نصايح الاخوان بس مرتين تعصبت طول الاسبوع تخيلي حتى زوجي حس بالتغير ان شاء الله يارب دايما طول الوقت بحاول امسك اعصابي والهي ولادي عني حتى مااتنرفز يعطيك العافية موفقين وتسلموا على المرور |
| الساعة الآن 11:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©