|
أهلي رافضين اني اتزوج ساعدوني بالحل
مرحبا للجميع
بدخل في الموضوع على طول زبدة الموضوع اهلي يتشرطون من ناحية الناس الي يجون يخطبوني ومرات يرفضون وانا مالي علم بالموضوع اساس اسبابهم سطحية جدا وتافهه ومحرجة منها لأنها تعبر عن تفكير أهلي ، لكن بقولها لكم وهي تتلخص انهم مو بنفس قبيلتنا !! قبل فترة خطبني واحد من جميع النواحي تمام لكن رافضين اهلي عشان هالسبب مع ان عمري اللحين 27 سنة وبنظرهم صغيرة للحين وكل ماتكلمت مع امي بالموضوع قالت يرزقك ربي ! ابدا ماقدرت اعدل تفكيرهم وصرت أحس بأنانية منهم همهم بس انفسهم لو قارناها بالمصلحة وهي زواج بنتهم قريت كذا مره عن فوائد الاستغفار وقراءة سوره البقرة وصرت استغفر باليوم تقريبا 1000 مره ومرات اقرا سورة البقرة وأملي بالله كبير والله العظيم صرت انحرج من صديقاتي الي يخطبوني لإخوانهم مدري ايش ارد عليهم اقولهم اهلي مشترطين واحد نفس قبيلتنا !! والله العظيم نفسيتي من سيئ لأسوء ودخلت كتبت للفضفضة وان شاء الله ألقى حل عندكم |
اذا ماعندكم حل لو دعوة بظهر الغيب
|
الله يرزقك واعلمي ان الله اذا قدر لك نصيبك مااحد راح يرده ابد بس توكلي الله وعلمي ان مااصابك لم يكن ليخطئك وما اخطأك لم يكن ليصيبك حفضك الله ووفقك توكلي على الله فقط واعلمي ان نصيبك لسى ماجاء واذا جاء ما احد يقدر يرده لان الله كاتبه لك فارضي بقضاء الله وقدره وفقك الله
|
عزيزتي .. عمرش 27 سنه وانتي مو صغيره صراحه
حاولي تكلمين امش بجديه .. وخلج جريئه شووي وفهميهم مدى خطورة الرفض .. وادا ماتقدرين تسوينها اتفقي مع وحده ترتاحين لها وخليها تتكلم عنش !! لاتسكتين اولا انتي مو صغيره وثاانيا هدا حق من حقوقش والله مايرضى .. الله يهدي اهلش .. ويفرج همج وبلواش ياارب |
امك تقول يرزقك ربي ... قولي لها ربي رزقني وانتو وقفتوا في طريق رزقتي
ذبحتنا مسائل القبيله يالخليج رغم اني قبيلي الا اني امقت السوالف ذي ولا عندي استعداد أقدم خطوه أو أعيدها عشان خاطر القبيله تحترق القبيله واسمها الحمد لله والشكر قبيلي وعرفت نسبي وخلاص يكفي كذا وش ابي اكثر من هيك قبيلتي والا اسها بيدخلني الجنه...؟؟ ما أدري متى تذهب هذه العقول القديمه.. طبعا كلامي مو على الجميع لكن انا اتكلم عن بعض الناس وهم مجودين حوالينا .. الله يوفقك وجميع المسلمين والمسلمات قولي لامك كلميها وادعي ان الله يهديها |
والله وضع غريب جداجدا
لازم تتكلمي مع اهلك وتبيني لهم مدى حاجتك للزواج زي اي بنت ممكن يحسوا شوي |
طارقH
a & s عازف الأوتار زوجةأحمد الله يجزاكم خير كلكم على كلامكم ودعائكم لي من جد فرحتو قلبي بردودكم والله العظيم كل ماتكلمت مع امي زاد عنادها ، طبعا الوالد مستحيل افتح معاه مواضيع مثل كذا أولا لأن الحوار مقطوع بينا وبينه بمثل هذي المواضيع ثانيا استحي اتكلم معاه بنفس الموضوع وأمي الله يهديها رافضة ، حاولت وتكلمت معاها بأكثر من طريقة تقتنع بوقتها وبعدها تغير رأيها قلت لها انا مو صغيرة عشان تتحكمون وتتشرطون بالزوج وكل صديقاتي الي عندها ولد والا ثنين وغير كذا ان اكرمكم عند الله اتقاكم ليش هالعصبية القبلية وش فيكم شي زيادة عن باقي الناس لكن أملي بالله كبير ومسألة النصيب مؤمنة فيها لكن الواحد لازم يبذل الأسباب |
اختي العزيزه ليه ما تكلمين عمتك او خالتك اوجدتك اي وحده منهم اقرب الى نفسك وترتاحين لها دخليها بالسالفه
خليها تتفاهم مع امك وتوضح لها الامر ولاتنسين الدعاء اختي اسأل الله لكٍ التوفيق والسداد |
اللهم اجعل لي فرجا ومخرجا من امري
................................ بين الاستغفار رددي اللهم اجعل لي فرجا ومخرجا من امري ولا تنسي الصلاة على النبي والله قلبي عندك الاخت green222 المرجو منكِ فتح رساله باسمي في قسم مراسلة الاداره وشكرا |
الحل بكلام المصطفى عليه الصلاة والسلام ، من جاءكم من ترضون دينه وخلقه !!! وليس من ترضون قبيلته و نسبه !!!
الله يكون بعونك و ان شاء الله ربنا يرزقك الزوج الصالح الذي يسعدك ، والله يهدي أهلك ... بالتوفيق ... |
ذكرتيني بأبي لما كان يعسرها على أختي و يشترط رجل من ميدنتنا او مدينة قريبة تابعه لها و يمرض و يغضب اذا تقدم شاب من خارج المنطقة
مو بس المنطقة كانت شرط كان يشترط ان يكون طبيب او صيدلي لأن أختي صيدلانية و بقيت أختي على هذا الحال ما شاء الله تقدملها كتير شبان و كل مرة رفض رفض رفض لكنها كانت جريئة و كانت تصارح أهلي كل مرة بموقفها و لما جاء (زوجها) يشوفها الشوفة الشرعية كان من منطقتنا و لكنه مهندس و أبي كان يميل للرفض و كلنا وقفنا بجانب أختي أبي كان يبحث عن سبب وجيه للرفض و لم يجد فقال بشترط عليه شقة و أختي لما سمعت هالكلام جنت لأني أبي ما اشترط على أي من أزواجنا شقة شمعنى زوجها و كلمت جدي و أمي و كلنا وقفنا ضد أبي حتى تم النصيب و تيسر زواجها أخيراً و كذلك كانت ابنة عمتي وصلت لل 30 و أمها (القوية ) ترفض و ترفض لأسباب تافهة و لكن ابنة عمتي لما جاءها شاب أعجبها استعطفت كل من حولها و كل من له تأثير على عمتي و تمت الخطبة و عمتي رافضة و عقد القران و عمتي رافضة و حتى يوم الزفاف و عمتي مو عاجبها لكن الأيام تمحو هذه الفترة فحاولي تستعطفي من حولك و من لهم تأثير على والدك و لا تستسلمي الله ييسرلك و يرزقك الزوج الصالح آمين |
إلى من صادقتها الدموع
أولا وقبل أن أقول أي شيء أقول " كان الله في عونك وهون عليك ويسر أمرك إنه قريب مجيب الدعاء " ثانيا أريد أن أسألك سؤالا قبل أن أعطيك رأيي "هل أنت على علاقة مع أي شخص؟؟؟ أعني هل أنت مرتبطة بشخص ومتفقين على الزواج؟؟؟ " أرجو أن لا تترددي بالإجابه لأن هذا الشيء له علاقه بالحل. وإذا أمكن أن أعرف من أي دولة أنت. مع كل الأمنيات الجميلة |
الله يوفقك ,ان شاء الله ربنا يرزقك الزوج الصالح,والله يهدي أهلك
|
اختي كان الله في عونك ...
اذكر مره صديقي دق علي وقال ابيك ضروري ... قلت عسى ما شر قال ابيك وقابلته ولقيته فتح لي موضوع صورة طبق الاصل ... اخته يجيها خطاب والاب يرفض يبي نفس القبيله ... ووصلت البنت إلى سن 29 سنه ولاحياة لمن تنادي وفي لحظة شعر الاب بأنه ضيع عمر بنته وجرى ورى هالعادات اللي بلت وزوجها شخص يقول اخوها انه لولا عمر اختي ما زوجها لان هالانسان خطبها 3 مرات تخيلوااااااااا ! ويرفضه ويوم تقدم في المره الرابعه وافق ... يالله 3 مرات ... يعني لو مزوجها من اول وهي صغيره ... بس ما اقول إلا الله يسامح الجميع اختي الحل بالدعاء والله يصبرك ... وشوفي اي احد من عمانك او خيلانك القريب من سنك او الاكثر تفهما وبعد عن هالعادات وصارحيه ... والله يعينك دمتي بود |
سبحان الله لحد الحين فيه عصبيه قبليه
الغريب ان الرسول صلى الله عليه واله وسلم نهى عن هذا الشيء حين قال من اتاكم من ترضون دينه وخلقه فزوجوه والناس لحد الان ترمى بتعاليم الرسول الكريم وتتمسك بالعصبية القبليه التي نهى عنها ايام الشرك والجاهلية |
والله ياحبيبتى انا تقريبا مثلك
الوالد مايبي اي واحد الله يحفظه ياما وياما رفض والحمد لله وبنفس الوقت انا مستحيل انى اوقف بوجه ابوي فديت قلبه لان مجتمعنا قبل ماكان يرحم الي تاخذ واحد ماهو من نفس القبيله والحين الى كانو يعارضون زوجو بناتهم للاغراب على قولهم وثقي بالله انه اذا جاك نصيبك لاابوك ولاغيره بيوقف بوجهه والله يرزقك بزوج الصالح عاجل غير اجل وبنات المسلمين |
| الساعة الآن 05:52 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©