|
تكبرني بثلاث واهلي يرفضون زواجي بهذا السن
السلام عليكم ورحمة الله وبركاته انا بصراحه عضو جديد سجلت في المنتدى بس على شان اطرح مشكلتي او الي في خاطري بصراحه مقهور من اطباع الاهل وعاداتنا انهم ما يزوجون الولد الا لما يصير عمره فوق 26 ولازم يكون متوضف وضيفه محترمه وراتب محترم بعدين الاهل يحسون فيك يقولو يلا نزوجك طيب ليه ما يتزوج قبل انا بصراحه تعبت ابي اتزوج انا الحين عمري 21 وادرس با الكليه صحيح اني ما عندي مصروف استند عليه كويس بس على الاقل ملكه البسها الدبله واكتب كتابي عليها مابي الزواج الحين ثاني شي اي رايكم انا لما تكون الزوجه اكبر من الزوج بتقريبا 3سنوات مع انهم يحبون بعض ومتفاهمين ليه المجتمع يرفض هذا الشي ليه يصير عيب انه يصير كذا يعني الكل بيلومك بيقول تاخذ وحده اكبر منك ومدري ايش انا اسف على الاطاله بس لا تلوموني مقهور وابي ارائكم باسرع وقت الاشراف : تم تعديل العنوان بما يناسب المضمون .و بالتوفيق |
ياخوي ماراح تاخذ الا اللي كاتبه لك الله انت استخر وكمل دراستك واثبت نفسك وعليك بالدعاء والسنين تمر بسرعه الله المستعان
|
والنعم بالله بس وربي قهر اني تعبت من الحب وقرباله
|
مرحبا اخوي ...
عندك نقطتين برد على الاخيرة وبعدين على الاولى بالنسبة للعمر ... الكثير يتمنى يتزوج اللي اصغر منه ... بس انا ما اشوف ان الزواج بالكبيره فيه مشكلة اذا ما تجاوز العمر سنه اثنين وهذا رأي شخصي بصراحة اذا كان التفاهم موجود ... لكن بالنسبة لزواجك بعمر 21 سنه مافيه مشكلة بصراحة اذا كان راعي هالعمر انسان تعدى مرحلة الشباب وعقله كبير كثير من الشباب بهالعمر يتزوج وهو فالها ... يعني يتزوج وبنفس الوقت يبي يسافر ويطلع وكشتات وغيره الكثير من اللي يحبونه الشباب بهالعمر ... الزواج مسؤليه ما يعرفها اللي راعيها ... اذا تزوجت اعرف ان سهر ما راح يكون موجود وان سهرت البال مشغول على الزوجه ... ان سافرت البال مشغول على الزوجة وان فيه اطفال انسى بعد ... ان وان وان ومشكلتك انت بالتحديد ... يا خوي ما عندك دخل الحين شلون بتدفع مهر ؟ شلون قلي ؟ وخذها نصيحة من اخوك اللي ما يدفع مهر زوجته ويتعب حتى يرتبط مع زوجه لا راح يكبر بعيون زوجته ولا هو راح يحس بقيمتها ... ولو افترضنا انك وفرت المهر من الاهل من مصروفك ... تتوقع ان بعد العقد كل الموضوع تزورها وتنبسط وفرحان ... حط ببالك حتى تكون كبير في عيونها لازم تعطيها مصروف ... بالمناسبات انت ملزوم فيها ... لاقدر الله تعبت روح ووري المستشفى ... او راح تقولها خلي ابوك يوديك لادقت وقالت انا تعبان يا فلان .... يا اخوي تصبر وحط همك بدراستك ... واذا تخرجت توظف ومن اول سنه اخطب واعقد ... انا اشوف من وجهة نظري ان هذا الشي الصح ... والله يوفقك دمت بود |
اخوي كلامك زي العسل يعطيك العافيه
اقتباس:
|
يووووه لساتك صغير على الزواج و مسؤولياااته .. والبنت اللي تحبك راح تنتظرك اكيد .. و مو مشكله اذا كانت اكبر منك بـ 4 سنوات مو اكثر .. بنات هذه الايام لهم متطلبات غير شكل .. و لوازم الزواج كثيره .. و الاسعااار مرتفعه .. مو معقول بعد الزواج توقف على ابوك و تمد يدك عشان يعطيك مصروفك و مصروف زوجتك .. و لا تتوقع انك تتخرج من الجامعه و يوم ثاني الوظيفه تنتظرك ... اهتم بدراستك حاليا و بعد التخرج ما احد راح يقول لك لا تتزوج .. |
لن تحس بالراحة إلا اذا كنت سيد نفسك وأقصد وجود عمل ومورد مادي تعيل به نفسك ومن ترتبط بها.. ولن تكبر في عين نفسك وعين من تحب طالما انت يصرف عليك.. اضافة إلى ان حركتك سوف تكون محدودة ورغباتك ايضاً.
أرى أن لا تستعجل بالزواج.. ضع أولا لنفسك أهداف وطموحات يجب عليك تحقيقها.. وأسال الله دائماً بتحقيق ما تتمناه فهو وحده بصير بعباده. |
اخي الكريم :
اولا : استغربت انك تسأل هذا السؤال اقتباس:
لأنه اقتباس:
ثانيا : بخصوص عمر المرأة التي تود الزواج منها ..الحقيقة ليست مشكلة ..خاصة الان بل ستكون مشكلة لك بعد 10 - 15 سنة من زواجك ,, في الغالب الرجل العربي يعلق على عمر الزوجة ..انت كبرت ِ وانا لازلت شاب ,, ويمكن يندم انه تزوج واحدة اكبر ..ويقول في نفسه : لو تزوجت واحدة صغيرة تتدلع وووووو احتمال كبير ان هذا الزوج يبحث عن زوجة ثانية ثالثا : انصحك تأجل فكرة الزواج سنوات اي بعد ماتتوظف وتجمع فلوس وتتعمد على حالك ,, واذا كنت تجد نفسك غير صبور ..على الاقل اخطب الان او ملك والزواج اجله لبعد الوظيفة ....انت لازلت صغــــــــــير صدقني اذا اتزوجت حياتك ستكون راسا على عقب ,, وفقك الله |
السلام عليكم اخي
سن ال 21 سنة سن صغيرة على الزواج في غالبية البلدان يعني بدري على هم الزواج والارتباط الزواج ليس مجرد دبلة وخطوبة وحب ورومانسية الزواج مسؤولية بيت وزوجة واولاد ولا تقول ملكة بس ... ترى البنت اللي تملك عليها لازم تصرف عليها اصبحت بحكم زوجتك لا تستعجل اخي وكل شي بوقتو حلو كمل دراستك واتوظف في وظيفة مناسبة ... وادخر بعض المال ... وبعدها تلاقي 100 بنت يتمنون الزواج منك وفقك الله لما يحب ويرضى |
طيب تقدر تتوظف وآنت تدرس زوجي كيذا لكنه مرهق ..
|
هلا اخوي ...
انا زوجي تزوجني وكان عمره 21 سنه وانا كان عمري 19 ... يعني العمر مافيه مشكله ابدا لان الحمدلله زوجي كان متحمل المسؤوليه وقدها وقدود... المشكله تجي في الوظيفه ابوي رفض تماما انه يعقد علي زوجي الا لما يترسم في وظيفته ويثبتونه وبغض النظر عن الراتب لكن لازم يضمن ان بنته بتعيش مرتاحه ... يعني معقول تتوفع ان اهل العروسه بيوافقون على انسان مايشتغل وان وافقوا انت مافكرت من وين بتصرفون وتاكلون وتشربون ؟؟؟ اصلا وين بتعيشوووون ؟؟؟ وراك ايجار ومقاضي وغير الطلعات والروحات وطلبات الحريم والعزايم ..... هذا طبعا ان ماجاكم اطفال من اول سنه ... وكلامي هذا كله بغض النظر عن المهر والشبكه والرس والشقه ؟؟؟ يالله من وين بتجيب كل هذا ؟؟؟ معقول بتنتظر اهلك يعطونوك ؟؟؟ انا اقول توظف ولكل حادث حديث .. بالنسبه للعمر انا بقولك ليه رافضين ؟؟؟ الرجل مايبان عليه الكبر بسرعه لكن الحرمه مع الحمل والولاده وكذا تتغير فيها اشياء كثير وفي بعض الاحيان تظهر اكبر من سنها بكثير ... يعني بعد عشر سنين لما تمشوا انت وياها بتبين كنها بنتك موزوجتك ؟؟؟ |
بنسبه لشقه موجوده ومئثثه في بيتنا وبنسبه للمهر موجود مدبره من عرق جبيني من الاعمال الحره من ايام عمري كان 19سنه وانا من جمعيه الى جمعيه بس على شانها وذا على الوضيفه كلها سنه وبتخرج وبدور وضيفه بس القهر ليه معيين الاهل على اني اتزوجها ليه يقولو اكبر منك وش تبي فيها شيل هذي الفكره من راسك ومدري ايش اقسم بالله متحطم ومتضايق حدي من هذا الموضوع بس مقدر اقول الا الله يعني على ما ابتلاني :mad:
اقتباس:
|
توني استوعب .......
يعني انت تحب وحده وتبيها .... يعني انت تبي تخطب وحده بالتحديد ... يااخي قدامك سنه ليل نهار حن على اهلك لين يقتنعون ... وكثر الدق يفك اللحام ... حاول ولاتترك الدعاء واذا نيتك شريفه الله بيساعدك ان شاء الله .. |
السلام عليكم ورحمة الله وبركاته
تبي الصراحه اخوي لو يجيني ولدي ويطلب مني نفس طلبك اعتقد اني ابوافق على زواجه في هذا السن بس اني اخطب له وحده اكبر منه برفض ودي له بوحده اصغر منه ما اقولك هذا الشئ عيب او حرام كان لنا في رسول الله صلى الله عليه وسلم اسوه حسنه انت استخير وحاول تقنع اهلك ولاتنسى الدعاء واذا تقدر تكلم جدك او عمك علشان يكلمون ابوك الله يوفقك ويسعدك |
اقتباس:
|
لو ذهبت للبلدان المجاورة سيزوجوك .. او حتى من غير السعوديات ممن يعيشون في بلدنا .. لأن تكاليفهم بسيطة جدا
وميسرة .. لكن اذا كنت تريد بنت البلد .. فالموظف ما يقدر فما بالك بطالب |
| الساعة الآن 10:20 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©