|
كيف أعلم طفلي استعمال الحمام ؟
السلام عليكم أخواتي
ابني صار عمره سنة و نصف و الكل نصحني اني أبدأ من الآن أحطه على النونية و الله ما بعرف شو اسمها بغير دول نحن هيك منسميها بسورية على كل حال انا عندي تساؤلات أولاً انه ابني مو كتير منتظم بالخروج يعني يخرج الصبح مرة بشكل شبه أكيد و باقي المرات بتفاجأ فيه عاملها الظهر و المساء لكن مو منتظم على وقت معين و حتى عدد المرات مو محدد يعني بين 2 إلى 4 باليوم كيف بخليه يعتاد عليها ؟ و اذا عمل فيها الصبح بس فهل هذا كافي ؟ و كيف بخليه يبقى قاعد حتى يعملها بدون ما يقوم و يمشي :( يا ريت تحكولي عن تطورات الموضوع هذا و تفيدوني من تجاربكم و شكرااااا [info]تم تعديل العنوان ليكون بالفصحى[/info] |
غاليتي ماريا ... لاتستعجلي مع طفلك
طفلك مازال صغيرا ... فلا تضغطي عليه كثيرا ... والا سوف تعانين ويعاني هو ايضا ... انصحك من خلال ما تعلمته ومن خبرتي مع اطفالي ... بان لا تلتفتي الى مايقوله الاخرين ... ولا تجعلي طفلك في مقارنة مع الاطفال الاخرين ... فكل طفل له وضعه الخاص ... وهو مختلف عن غيره ... وصدقيني انه سوف يتعلم بسهولة ومن دون عناء وفي الوقت المناسب ... وطبعا هذا من خلال متابعتك له ... فان كنتِ تشعرين انه بامكانه ان يتعلم ولا يجد صعوبة في ذلك ... فهذا جيد اما ان كان العكس ... فلا تدفعيه دفعا ... لان اي تصرف سوف يؤثر على نفسيته بالسلب ... ويفقده ثقته بنفسه ... واوصيك بشيء هام جدا وهو تشجيعه ببعض الهدايا والملصقات الجميلة (( الستيكرز)) عندما يتجاوب معك ... فهذا من شانه ان يدعم ثقته بنفسه ويشجعه على التجاوب معك اكثر ... ومن المهم جدا ايضا ان تحاولي ان تفهميه بطريقة سهلة وسلسة عن طريق القصص التي تحمل صور مشوقة ... بالطبع هو لا يحتاج ان تروي له القصص لكن مجرد ان يرى الصور وتتكلمي عنها امامه سوف يفهم ويستوعب ... وهناك قصص طريفة جدا باللغة الانجليزية في المكتبة ... بامكانك استعارتها او شرائها ... وان شاء الله يتعلم من دون ان يتعبك ... اسال الله لك التوفيق وان يتمم حملك وولادتك على خير ... اللهم امين غاليتي ماريا ... ارجو ترك رسالة باسمي في قسم مراسلة الادارة |
ابنك لسه صغير بعد السنتين ابدءي بتعليمه واذا بدك كتمهيد خليه يعملها بالصبح
وفقك الله |
حرام لسه صغير
راح تتعبين معه لانه لسه ماأنطلق بالكلام بعد السنتين أبدأي معه... لعلمك أنا علمت ولدي عمره 3سنوات |
اذا ابنك يفهم الكلام و يتجاوب معك
وياخذ ويعطي معك ابداي معاه لكن من خلال مشاهداتي و تجربتي تعليم الطفل للحمام والام تكون حامل يكون صعب كثير الله يوفقك و يكون بعونك |
فعلا اختي ماريا ابنك لسه صغير عالحمام وعلى فكرة اللي علموا اولادهم الحمام بدري تعبوا كثييير وطولت المدة عندهم اكثر بكثير
استني لين مايصير سنتين او سنتين ونص ابداي انا ابني بعد شهرين بيكمل السنتين ونص وباذن الله راح ابدا اعلمه على مايدخل فصل الصيف كمان |
والله يا حبيبتي ما تتعبي حالك ابنك بعدو صغير
انا وهو ابني من عمر ابنك الكل يحكي عودي على الحمام بس انا كنت ارفض لانه في اخصائية نفسية قالت انه الاطفال ما بتعودوا على الحمام الا بعد السنتين ولما صار ابني سنتين صار يحكي لوحده ماما بدي حمام من دون تعب ولا قلق وما شاء الله عنه حتى بالليل يصحيني وهلا عمره 3 سنوات انصحك اصبري شوي على ابنك |
أخواتي الغاليات
شكرا كتير لردودكم الكل متفقين على نفس الرأي و الله فعلاً اللي بيتبع كلام الناس ما برتاح بعمره أنا حقاً أشعر انه ابني لسا مو بالقدر من الوعي اني يقدر يستعمل الحمام لكن ما بعرف نصايح الناس و خصوصاً لما يسألوني تعلم يستعمل النونية ؟؟ و كأنه لازم يكون تعلمها من زمان رح اسمع نصائحكم و أأجل الموضوع لأني الشي الوحيد اللي ممكن انجزه في الوقت الحالي هو انه يعملها الصبح في النونية و بالمقابل ما هي الفائدة ؟ ولا شي بصراحة غير اني النجاسة رح يصير تنضيفها صعب جزاكم الله خيراً أنا خلص أجلت الموضوع 6 شهور على الأقل |
ماتسمعي كلام الناس احسنلك
ليصير يفهم ابدي بس خلي ابوه يدخل في الموضوع بحيث انو انا بشوف الاولاد والبنات مع امهاتهم بكونو مدلعين صحبتي بنتها جننتها وبيوم ابوها قعد معها وكان جدي معها يعني يحكي معها بشوية تعصيب وجدية والله اتاثرت وصارت تعمل مش انو خافت لا بس الاطفال بكونو متعودين عالام اكتر وزي متقولي ماخدين عليها وش لهيك ممكن يدلعو بس مع الاب بسمعو اسرع وفي شغلة حلوة صحبتي هاي بنتها عمرها سنتين بس هية بدات من قبل سنتين المهم في العيد الكبير صارت تبكي وتقلها بدي انام بلبس العيد وتترجاها وتبكي وكانت البنت تنام بالبامرز او تعمل عحالها راحت امها قالت ازا مابتلبسي بامبرز و بتعملي بالحمام حخليكي تلبسيهم كل يوم ومن يومها والبنت بتروح الحمام اكيد فهمتي قصدي... |
اقتباس:
فعلا نصايح حلوة ان شاء الله رح اجربها لكن بوقتها |
والله لسا كنت حطرح نفس الموضوع
بس بنتي عمرها سنة وعشر شهور المشكلة عنا الحمام افرنجي ... وما بتعرف لشو بنستعملوا اصلا فرح اجيبلها نونية تتعود عليها ... الكل بيقولي خليها لبداية الصيف ... اسهل عليكي وعليها ان شاء الله اختي نقدر نعودهم وما يغلبونا |
اقتباس:
في نونية عادية و في نونية لها اسفنج بتتركب مع التواليت الافرنجي نصحوني فيها لكنها مرحلة متقدمة عن النونية العادة على حسب ما فهمت من خالتي [IMG]http://www.dohaup.com/up/2009-02-11/dohaup_26114429.jpg[/IMG] |
انا كمان انصحكم بلي تنحط علحمام الافرنجي
اسهل و انظف و اسرع لان النونيه الي تستعمل و متنقله تعذب و قعت وسخت المكان قام الطفل منها و قلبها يعني الحوادث كثيره ابدا فيها علطول مافي مراحل متقدمه و متاخره بس لازم اشوف الطفل متقبل و فاهم فكره الحمام و النتيجه اسبوع و همه متعلمين علحمام بالتوفيق للجميع |
ابنك زي ما قالولك لسه صغييييييييييييير و بتتغلبي و بتغلبيه
ابني بعد شهرين يكمل السنتين .. لكن صار هو لما يخرج يحكي و احطه بالحمام و يعملها و احيانا ما يحكيلي صرا انا احطه الصبح مرة و المسا مرة و تعود انه دخول الحمام معناه الاخراج لكن البول لسه صغير عليه و ما اقدر لانه لسه شتا .. مع اني بولد بعد شهرين و بحاول انظفه من التقيل بسسس .و لما اولد بكون انا انحبست بالبيت فترة و بستغلها انضفه من الخفيف ان شاء الله . دعواتك يعني خطوة خطوة و هم كباار بكتيييييييييييييير اسهل و الله صدقيني |
انا بنتي تعلمت من عمر 9شهور!!!!!!!!!!!!!!!! ولمدة ثلاثة اسبيع وبعدين نسيت (يمكن صابتها عين الاهل بالبيت )
وبعدين الى عمر السنتين وشهرين يللا تعلمت مسكينة اختي بنتها عمرها سنتين و8شهور ولاعلى بالها تتعلم الله يسهل امرك |
اختي ما بنصحك بالنونية لانه فيما بعد بتضطري تبدي من جديد عشان يتركها و يتعود عالحمام
استخدمي الحمام على طول . في قطعة زي اللي عرضتها الاخت بس بتكون مع درجة الطفل كتير بيتشجع يستخدمها .. اذا ما بتعرفيها بحاول انزل صورتها ان شاء الله الوانها حلوة و مسلية و بكون قاعد كانه على كرسي بالتوفيق |
اقتباس:
|
اقتباس:
بصراحة شي غريب لكن على وقتي ما كان في حفائض للاستعمال مرة واحدة و هذا يجعل الأم تسرع في موضوع الحمام أكثر |
اقتباس:
أتمنى انك تنزلي شكل النونية لأني صرت شايفة اكتر من 20 نوع و تمنيت اعرف من أم مجربة أي شي عن هالأنواع اشتريت النونية العادية البسيطة آخر شي لكنها الآن مرفوعة لأني أجلت الموضوع لكن هذا لا يمنع اني أعرف و استفيد من خبراتكم من الآن |
ابدا ماانصحك تعلميه في النونيه ...
علميه على الحمام على طول ...اسرع وانظف ويركز في المخ اكثر ... ويعرف ان هذا الحمام وهذا الافرنجي ... وخلاص يتعود... وانا اشوف العمر المناسب سنتين ونصف ... |
اقتباس:
شكرا لردك أختي أبل غرين انا فعلا أجلت الموضوع على اللاقل ست شهور تانية |
لاتتعبي حالك ولا تتعبي طفلك معك لسه بكير على تنظيف طفلك لانه الطفل بهيك سن
ما بيعرف يتحكم بشكل ارادي في وقت التبول والتبرز اصبري شويه لحد السنتين وبالصيف كمان بكون مافي غلبه انا تنظيفي لبنتي اخذ معي وقت اسبوعين وصارت نظيفه تماما ليل ونهار واخذت من بعض الاخوات اللي بلمنتدى نصائح وكتير استفدت اذا ابنك بيفهم على الحكايات حاولي تدخلي الحمام بالموضوع والقصه يعني قوليله انه الولد كانت اتضل الدجاجه تنقره بس لانه ما بيروح عالحمام ولما صار يروح بطلت تنقره ..(لاتضحكي عليه انا بس حبيت اعطي مثال ). لو كان استيعابه ممتاز او مو شرط لما تبدأي بتنظيفه المهم .. وحتى كمان بعد ما يبدأي بتنظيفه خليه يسحب المي بالحمام هيك بتشجعيه وبتشعريه انه عمل شيء كبير او بالنسبه اله انجاز .. وحتى كمان خلي حد من الاطفال او احد اخوانه يفوت عالحمام وفرجيه كيف حتى يقلده لانه الاطفال بيحبوا يقلدوا اتمنى تكوني استفدتي من افكاري وجد جربيها لاني لما مارستها مع بنتي خلال تنظيفها جابت نتيجه هايله وخصوصا سحب المي بعد الانتهاء من الحمام |
تذكرت
اشتريت الملابس الداخليه بشخصيه اولادي يحبوها و البسها ياهم فوق الحفاض و يتحمسو ويفرحو وبعدها بكم يوم يلبسوها لحالها و يحزنو انهم وسخوها من يعملوها على حالهم و الي تنحط علحمام اليوم شفت بمذر كير وحده مثل الي حاطتها بس بتوماس القطار بس مشكلتها مافيها حاجز يمنع خروج البول من يعملها الولد |
اقتباس:
افكارك كلها حلوة رح احفظ الموضوع بالمفضلة كم شهر و ارجع لكل النصائح لما بدي ابدأ عمله على الحمام بصراحة ابني ما بيقدر يفهم قصص الآن ممكن يفهم من التقليد بس أكتر مشكلة هي انه ما عنده موعد محدد يعملها و لا ممكن يفهم علي هل هو محتاج حمام ولا لأ شكرا لمرورك الكريم و نصائحك أختي سندريلا |
اقتباس:
شكرا لنصائحك الحلوة اختي الغربة مرة ان شاء الله رح شوف بمذر كير شو عندهم لكن مو الآن بعد ست شهور فعلا أشيائهم حلوة |
حبيت اقولك شغله نسيت اكتبها بالرد الاول
عودي ابنك على الحمام الفرنجي الخاص فيكم بس ركبي عليه النونيه الاسنفج اللي درجتها الاخت هيك انظف الك واحين ب 100 مرة من النونيه انا استعملتها عشان كنت اقرف من النونيه وحتى هيك احسن عشان بيصير لوحده يدخل الحمام بدل استعماله للنونيه |
حبيت اقولك شغله نسيت اكتبها بالرد الاول
عودي ابنك على الحمام الفرنجي الخاص فيكم بس ركبي عليه النونيه الاسنفج اللي درجتها الاخت هيك انظف الك واحسن ب 100 مرة من النونيه انا استعملتها عشان كنت اقرف من النونيه وحتى هيك احسن عشان بيصير لوحده يدخل الحمام بدل استعماله للنونيه |
| الساعة الآن 01:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©