|
عدنا والعود أحمد من العمرة
سلام محفوف بالرحمات والبركات والصلوات من الحرم المكي والنبوي ابثه لكم برجوعي لبلادي الحبيبة
كيف حالم جميعا اخوة واخوات وحشتووني بقووووة اليوم الفجر مع نسمات الاذان وعبير هواء بلادي رجعت لها وانا اردد اموت في ترابج يابحرين ودعييييت لكم بدون استثاء انتم وكل احبابي وكل المسلمين والمسلمات والمؤمنين والمؤمنات وايضا دعيت لكل صاحب دعوة خاصة بالمكان الذي اراده دعيت لكم خلف المقام وعند شرب ماء زم زم وقبالة ميزاب الرحمة وبالروضة الشريفة وباقي الاماكن ايضا الي وصتني بها ام السوسة كل ليلة اروح قبل الاذان يساعتين بيت الله الحرام واتعبد وادعي لكم قبيل الفجر وبعد الفجر حتى عجوز تقول انها من حايل كل يوم انا اجلس جنبها ادا اروح حبيتها وحبتني صرنا صديقات وانا بهالاوراق اجلس جنبها تقول لي يابنيتي وش هالقراطيس الي عندك ههههه ام السوسة تذكرتج وانا بالروضة ودعيت لك من كل قلبي ياقلبي والمصرية وعالية الاحساس اديت امانتها ايضا وسويت الي تبيه وكلكم والله دعيت لكم وكل من دخل موضوعي وواساني واثناء اداء مناسكي ولاهل غزة ولكل الملكومين والمكروبين من المسلمين ومن الاسارى والمرضى والموتى والحمدلله الذي وفقني لذلك ولزيارة بيته الحرام ومسجد نبيه الكريم وبالخصوص الروضة الشريفة فالحمدلله الذي جعل لنا هذه الاماكن المقدسة نشرح خواطرنا بها والحمدلله وفقني لاداء اماناتكم والله يرزقكم على قد نياتكم ويعطيكم ماتتمنون وحج وزيارة بيته الحرام ورسوله الكريم في عامنا هذا وفي كل عاام وفي موضوعي هذا احب اشكر اخي الكريم ذو الفقار على سعيه في موضوعي حتى بعد مرور هذا الوقت الا انه اوفى العهد ورجع ليرد علي ماقصرت ياخوي الله يعطيك العافية وييسر امرك ويرزقك الزوجة الصالحة العفيفة وتكون لك متاعا لدنياك |
الحمد لله على السلامه ...
وأسال الله ان يتقبل منا ومنكم صالح الاعمال ... |
الله يجزاك خير مشكوووره حبيبتي .. ماتقصرين والله الحمدلله على سلامتك والله يتقبل منك .. ولا يخيب لك دعاء ولا رجاء دمعت عيني والله لإني من الناس اللي موصينك بالدعاء عساك مانسيتيني وكاتبه اسمي بقراطيسك : ) ممنونين لك يا حلوه .. |
الله يسلمك اخوي السيف
منا ومنكم صالح الاعمال ان شاء الله اشكر حضورك ودعواتك |
الحمد لله على سلامتك وعمرة مقبولة إن شاء الله يارب
|
الحمد لله على سلامة رجوعك ..
وتقبل الله عمرتك ..وجزاك الله خير على دعواتك .وأسأله تعالى ان يتقبلها منك .. ان شاء ما تكوني نسيتيني من دعواتك .. |
الحمدلله على سلامتك..وتقبل الله...
اتمنى ما تكوني نسيتيني... و اسأل الله ان يعوضك خيرا |
الحمد لله على السلامة ،
والله يتقبل طاعتكم ، وجزاكِ الله كل خير .. وفقكِ الله ... |
حمداً لله على سلامتك ياغالية
واسأل العي القدير ان يتقبّلأ منكِ عمرتك و صلاتك ودعواتك الله يعطيكِ بمثل ما دعوتِ لنا وأكثر ولا يحرمك الأجر ربي يكرمك ولا يحرمك المثوبة عوداً احمد .. اسأل العلي القدير أن فرج همك ويرزقك كل ما يتمناه قلبك |
[TABLE1="width:95%;"] | [/TABLE1]انتي الي وحشتيناا يا دمعات الروح ,, والله لك وحشة قد الدنيااا :o ألــــف الحمد لله على السلامة ,, والله يتقل ان شاء الله ... نورتي وشرفتي ديرتك يا حلووة ,, ذكرتيني يوم اروح مكة والمدينة ,, في المرتين رديت وقت الفجر والله ذكرت الموقف ,, وحسيت قلبي يعورني ابي اروح !! بالعافية عليك ,, اكيد استانستي ... وإن شاء الله الحين النفسية أحسن :22: |
الحمدلله على سلامتك..وتقبل الله
|
الحمد لله على سلامتك
الله يتقبل منكم صالح الاعمال ويستجيب دعائك ويهدي بالك اللهم امين |
حمدلله على سلامتك
اللهم تقبل |
الف حمد لله على سلامتك وعمرة ودعوات مقبولة ياااارب الله يستجيب منك كل دعوة دعيتيها لنا
اسمي مكتوب عشان اطمن بس راجعي القراطيس:d ان شاء الله مارميتيها |
الحمدلله على سلامتك والله اني اشتقتلك ........
اتحمس اذا شفت ردودك .....دعواتك النابعة من قلب طيب ..... ودائما ارددها انت ضــــــــــــــــــــــحـــــــــــــكات الـــــــــــــــــــــــــــروح....... تقبلي مروري .......... |
الحمد لله على السلامه عمره مقبوله
يا رب عقبال الجميع وشكرا على الدعوات |
حمدالله على سلامتك
وعمرة مقبولة ان شاء الله تقبل الله منك ومن اهلك أوعي تكوني نسيتني |
الحمدلله على سلامتك
والله يتقبل منك يارب |
الحمدلله على سلامتك والله يتقبل وجزاك الله كل خير ..
|
حمداً لله على سلامتكِ عزيزتي .... وإن شاء الله طاعة مقبولة .. لا حرمكِ الله من رضاه ورحمته.
|
اقتباس:
منا ومنك يالغلا صالح الاعمال فديت انا هالدموع الغالية لا تبكين ياقلبي ولك رب الارباب بيده امور عباده يسيرها لصالحهم الله كريم ياغالية افاااااااا بس انساك انا الا والله ذكرتك بطوافي حتى اكييييييييييد بقراطيسي اسمك مانسيتك انتي وكل البنات هنا الله يسر اموورنا ان شاء الله ههههه مسوية روحي ابدا ماعلي زود كل صباح اطوف حول الكعبةوادعي للكل بدون استثناء اقولك هالقراطيس فضحتني هههههه بس لعيونكم مايهم وهي امانة والحمدلله الله قدرني وأديتها |
اقتباس:
اميين يارب مانسيتك من دعائي ياقلبي الحمدلله والله يفرج كل كروبك وهمومك وييسر لك امورك اقتباس:
الله يسلمك ياحبيبة قلبي منا ومنكم ياعمري صالح الاعمال الله يخليك ياقمر امييييييييين ياااارب افاا بس انساج انتي ياعسل دعيت لك اتذكر انتي من الاخوات الي دعيت لهم خلف المقام هههههه شسوي قسمتكم عندي اكثر من اربع اوراق a4 ورى وقدام فيه ادعية الله يفرج لكم همومكم وييسر عليكم اموركم ياارب تسلم لي الطلة ياقمر اقتباس:
الله يسلمك ياقمر ومنا ومنكم صالح الاعمال افاا بس انساج انتي في قراطيسي اسمك واتذكر انج طلبتي مني اصور الكعبة هههههههههه وانا صورت كل شي حتى ودونا المشاعر منى ومزدلفة وجبل عرفات وورنا طريق الحجيج يالله حسيت بالمهابة وتخيلت الناس هناك وكان المكان فاضي وبعد صورته بس مادري متى راح انزل الصور بس اديت بعد طلبج وصورت شفتي انا بنت مطيعة :d يعوضني ويعوضج الكريم ويرزقنا بالخير يارب ياكريم اقتباس:
الله يسلمك يا خوي منا ومنكم صالح الاعمال الله يكرمك ان شاء الله ويرزقك زوجة صالحة التقية والعفيفة ومانسيت من هذاالدعاء ابدا الله يوفقك يارب اقتباس:
منا ومنكم ان شاء الله صالح الاعمال اللهم اميييين اميييين دعيت لك يا كيوتي بكل مكااان شسوي واسطة اتذكر انتي وام جمانة بكل مكان معاي قلبي يغليكم بقووة :23: الله يرزقك ماتتمنين وزيادة ويفرج لك همومك وييسر لك على عسير ويسهله ان شاء الله اقتباس:
ياااقلبي خيوتو من جد وحشووتني انتو بعد بقوووة الله يسلمك ياقمر منا ومنكم ان شاء الله صالح الاعمال النور نور الغالين فيها فديتهم الحبايب وفديت ارضٍ بها وطت اقدامهم ياقلبي يا منت عاجبني يرزقج ان شاء الله كريم ياااه كان الجو خيااااال وضباااب عجييييب وابي بشارات ههه استغفر الله ادعي لج قبال الميزاب وانا كاني اكلمج اقول ها نبي بشارة يامنت زييييييين ولا تجننا عاد يلا تعال اقصد البيبي حقج هههههه خبلة:d الحمدلله استانست وااايد وجننت شغالتنا بعد وااايد:23: الحمدلله احسن بكثييييييير بس لما وصلت طريق الرياض السريع عورني قلبي وقدت اصيح : '( بس تعوذت من ابليس وكابرت على نفسي وقعدت استتغفروعلى طول زاال الهم وصرت اجنن شغالتنا مرة ثانية ههههه يسلم لي ربي الطلة ياقمر مانحرم منها |
اقتباس:
منا ومنكم صالح الاعمال تسلمي يا قلبي وترى ها لبيت لك وجيت المدينة اتذكر انج تقولين لي لا تنسي تمرين المدينة اقتباس:
يااااااااااارب اللهم اميييين اميييين الله يخليج يااارب مانسيتك من دعائي يا طموحي الله يفرج همومكم ويعطيك كل ماتتمنين زيادة ياارب اقتباس:
دعيت لك انتي واحمد وقلت يلا بقى عاد تزوجوا وخلصونا :d لا جد والله دعيت لكم بالخير والله يهديسركم ويصلح لكم شانكم ويوفقكم ويزوجكم باسرع فرصة ويسخركم لبعض يارب اقتباس:
اللهم امييين امييين يااارب :d اي مكتتوووب ياعمري لا مارميتها ذكرى هههههه مو انتي طلبتي مني ادعي لك بان الله يعطيك كل ماهو بخاطرك ويشفيك ويشفي لك والدك ويرجعه زي اول واحسن ويحسن حال اهلك الى احسن الاحوال وطلبتي مني ادعي لجميع المسلمين بالشفاء صح؟ والله اني مانسيت طول 6 ايام انتي والاخوات في الحرم المكي كل يوم ادعي لكم الله يرزقكم ماتتمنون وزيادة ويوفقكم ويفرج لكم همومكم وكروبكم اللهم امين امين تسلن لي طلتك ياقمر اقتباس:
فديتتهم والله الي يتولهون علي الله يخليج ياقلبي ويخلي لك كل عزيز وغالي هههههه لا عاد مو لهدرجة يمكن لكن يعني استحي بعدين >>>اي ماعليه استحي :23: يخليج ربي ياطيبة تسلميييييييييين ياقمر ياروح الحب انته ياعسل تسلم لي الطلة الحلوة ياقمر اتذكر حتى في لدعوات انتي كاتبه انتي ضحكة الروح وكنت لما اشوف اسمك اضحك واقول لا ماهيب بكنافة كذابة هذا روح الحب الله يسعدلي قلبك ويخليك ياعمري اقتباس:
اللهم اميين اميين الله يسمع منك يارب امييييييييييين يارب عقبا الجميع اتذكر انك قلتي تبين تروحين في شهر 4 ودعيت لك الله ييسرها عليك وتروحين بالسلامة ان شاء الله وعيت لاخوك ولعيالك مثل ماوصيتي الله يسعد قلبك ويكرمك ويفرج لك همومك اقتباس:
الله يسلمك ياعسل اللهم امين امين اللله يتقبلها يارب منا ومنك ياقلبي صالح الاعمال افاا والله انساك عيب علي انتي مكتوب اسمك بقراطيسي :d مو انتي طلبتي ادعي لامك ولابوك بالصحة وطولة العمر ولاخوانك يتزوجوا ويتهنوا وليك بعد مانسيتك ياقلبي والله يوفقك ويعطيك كل الي تتمنينه وزيادة ويقدر لك الخير اينما تحلي تسلم لي الطلة ياقمر اقتباس:
منا ومنكم صالح الاعمال الله يسلم لي هالطلة ياقمر الله يخليك ويسعدك اقتباس:
منا ومنكم صالح الاعمال الله يسعدك ويتمم لك على خير ويقومك بالسلامة انتي والنونو يالله ياكريم اقتباس:
اللهم اميين امييين يالحبيبة دعيت لك اتذكر انك كنتي تتمنين زيارة الرسول ودعيت لك بالروضة الشريفة الله يسعدك ويقومك بالسلامة ويرزقك زيارة بيته الحرام زيارة نبيه الكريم وشفاعته بالاخرة يسعد لي قلبك ياقمر |
اهلا اهلا ...حي الله دمعات..ياختي الحمدلله عالسلامة وتقبل الله صــــــــــــــــــــآآلح اعمالكم...ودعااؤكم ...وشحااالج...:d!! اعتررفي بسررعه ان شاء الله كان اسمي منووور قرااطيسج...اعتررفي مابا ازعل...:28: ههه المهم ..الله يسررلج ويرحمج ..ويتقبل عمرتكي..اختي الغالية..اكيد..حسيتي بهموومج بح..يعني ماشي,,رغم وجوودهن ..بس التووكل الكـــآمل حلو ..صح ولا غلطــــآآنه..!!! يلا الحمدلله حمدا كثيرا وعقبااال اللي ماا رووحووا :cool: |
حمــد الله على ســـلامتـج أخيتي ^_^
عســآهاا عمــرة مقبــولة ... ياا # دمعــآات الــرووح # اعذريني أخيـــه فقــد قلت ردودي .. فأنــا يالله بالدخــول مرة كل أسبــوع ,,, ولكن سبحـــآان الله يفوتنــي الكثير من أمور أخوتي وأخواتي في الله ..,, الله يفرج همـج غاليتي ,, وايريحــج ^^ إن شااء الله كانت هالرحلة طيبــة وأكيد بإذنـه يتوسـع الخاطر عقبهــآا تقبلي مروري ... واستحملي قصـــوري *_* خيتـــوو ^^ |
يابعد قلبي يادمعات صح ونص هي هذي الدعوات ياقلبي الله يعطيك كل اللي بخاطرك يااااااااارب ويمدك بالصحة والعافية اللهم امييين
|
ياحيا الله دمعات وحشتيني كثير
الحمد لله على سلامتك ياقلبي هاه بشري عساك ارتحتي واستانستي.. بشريني ان شاء الله نفسيتك احسن الحين ربي يحفظك يادمعات ... نورتي المنتدى بوجودك |
الحمدلله على سلامتك يا قلبي
وربي يتقبل منك كل طاعه وعباده ودعوه وجعلها الله في ميزان حسناتك جزاك الله خيرا حبيبة قلبي وهذا يدل عى طيبة قلبك |
الحمد الله على السلامة
وعمره مقبوله وجزاك الله خيرا على دعواتك لاخوانك واخواتك تقبل الله دعواتك |
حمد لله على السلامة
اللهم تقبل منك يارب العالمين ويكتب لك ولنا زيارة بيت الله مرات عديدة |
حبيبتي دمعات
عمرة مقبولة ان شاء الله ويارب يستجيب كل دعواتك ويااااااااااااارب يرد اليك زوجك ردا جميلا وتفرحي وتتهني ان شاء الله |
الحمدلله على سلامتك يالغاليه والله كنت انتظر رجوعك بفارق الصبر وكنت ادعيلك بصلاتي انه الله يوفقك ويسهل امورك
وان شاء الله يتقبل منك اعمالك ودعائك ومشكوره حبيبتي وماقصرتي والله يرزقك كل ماتتمنين والله يااختي مو عارفه كيف اشكرك وكنت اتمنى اكون اول من يرد عليك لكن مع الاسف كنت تعبانه شوي اليومين اللي راحو وماقدرت ادخل واقرا المواضيع لكن اهم شي انك رجعتي لنا بالسلامه والله يبلغنا ونروح الحج ونلتقي في بيت الله واجلس جنبك مثل العجوز اللي جلست جنبك ونكون صديقات واكثر بعد واعذريني على هذرتي الطويله لكن من حبي لك وفرحتي برجعتك لنا والله لايحرمنا هالطله الحلوه والله يرزقك كل ماتتمنين يارب ويسعدك دنيا وآخره والف شكر على دعواتك يالغاليه . |
ياهلا والله وغلا حياك الله
الف الحمد لله على السلامه يالغاليه نور المنتدى برجعتك وتقبل الله منك صالح الاعمال بجد فرحتيني مرررررررررررررررررررررررره الله يفرح قلبك ياحي ياقيوم الله يسعدك على دعواتك الطيبه وربي كنت منتظره رجعتك ومنتظره موضوعك الله يستجيب يارب وعقبال اول البشاير برجعتك انتي وطاغيه لمن احببتوا في خير لكم يارب الف الف الف مليووووووووووووووووووون شكر لك يالغاليه الله يسعدك في الدنيا والاخره ياااااااااااااااااااااااااااااااااااارب |
اقتباس:
يسلمج ربي يالغلا .. منا ومنكم صاح الاعمال ياقمر ^.^ الحمدلله طيبة طاب حالج وانتي شحالج ؟! شمسويه هههههههههه اكيييييييييييييد مايبي لها كلام حضور اسمج غطى على الحضور افا بس وربي كل يوم في مكة ادعي لج الفجرية وتعرفت على بنات اماراتيات في الروضة الشريفة وكنت اتذكرج انتي وجولي ^.^ ماشفت اطيب من قلبهم بس ماعرفوا اني بحرينية الا باخر اللقاء ههههه لانه كان ستايلي سعودي عباية راس ومتنقبة ودعيت لج الصباح في الروضة من كل قلبي ياجولي الله يسعدك يارب اي والله الحمدلله الاهموم بح هناك ماحس بشي الا بشي بارد يتسلل لقلبي ويطفي النيران بس للاسف من رجعت وانا احس بشوية انقباضة بصدري ولما وصلنا خط الرياس السريع ماحسيت الا بدموعي ساخنة على خديني بس الحمدلله بالاستغفار حسيت بالراحة مرة ثانية تسلم لي الطلة ياقموووورة انتي :22: اي ان شاء الله ربي يكتبها للي يتمناها ياااااارب اقتباس:
يسلمج ربي يا احلى جولي ... أللهم اميييييييين امييييييين الله يسمع منج لا والله معذورة يقولون احمل اخاك المؤمن على سبعين محمل وعذرج معج الله يوقيج ويوفقج ويسعدج ويصلح لج شانج يالغلا همي وهمج ان شاء الله ربي يفرجه ويعوضني ويعوضج الكريم اكييييييييييد تحسين انج اسعد مخلوقة على وجه الارض من فرط السعادة ياريت كل وقتي هناك بس..! احلى طلة حبيبتي بس خليج يمنا طلي علينا فترة وفترة تسلميييين ياقلبي ربي يخليج ماننحرم تواجدج ^.^ اقتباس:
امييين يااارب يرزقني ويرزقج الكريم وكل اخواتي واخواني الخير كله تسلمين ياقلبي على الدعوات الحلوة لا خلا ولا عدم منج ياعسل انته ربي يسعدك ويحقق كل الي في بالك وامانيك يارب اقتباس:
هلا والله ومسهلا هلا بالغلا كله .. الله حيها وانتي بعد ياقلبي وحشتيني ووحشني المنتدى كثير يسلمك ربي يالغلا الحمدلله هناك كاني اسعد مخلوقة على وجه الارض ونسيت كل حاجة بس جست ولازم الذريات تعصف بي ولكن احس نفسي اقوى وراح اتغلب عليها دامني متوكلة على رب العالمين ماراح اخيب يخليج ربي ياقمر ومانرحم من الطلة الحلوة ياقمر النور نوركم ربي يخليج ويسعدج تسلمييين يالغلا اقتباس:
الله بسلمك حبيبتي ام مودي .. اللهم امييين اميييين الله يسمع منك تسلمين على الطلة الحلوة ياقلبي الله يخليج يااارب احرجتني بطيبة قلبك وردك الرقيق يسعدك ربي ويحقق كل امانيك والله اني دعيت لك من قلبي يا ام مودي بان الله يرزقكم بيت ملك يارب مايخيب رجاي ولا رجاكم الله يسعدك ويوفقك في امتحاناتك وتجيبي اعلى الدرجات اقتباس:
الله بسلمج ياارب ياحنونة انتي امييييييين ياارب الله يتقبلها ويجعلها في ميزان اعمالنا واجبي ياطاغية واقل من واجبي اللهم امييييين ربي يتقبلها ولا يخيب رجاي ولا رجاكم والله يقضي كل حوائجك ويعطيج مرادج وماتتمنين عاجلا غير اجل دعيت من كل قلبي لك خلف المقام وفي الروضة وقبال الميزاب الفجر وفي سجودي لي ولج ولكل المنطلقات الله ييسرلنا امورنا يااارب ياكريم اقتباس:
اللهم امييين منا ومنكم صالح الاعمال يااااااااارب يااااااكريم يرزقكم زوار لبيته الحرام ويرزقنا والله ماينشبع من بيت الله ماتحسين بالملل ابدا ابدا الله يكبتها لكم يااارب ولكل مشتاق وراغب فيها |
اقتباس:
اهلللين حبيبي نووغا يسلم لي الطلة ياقمر اللهم امييين الله يسمع منك ويتقبلها منا قبول حسن اللهم امين امين الله يلا يخيب رجاي ولا رجاكم ويقضي حوائجكم وحوائجنا في يسر وعافية الله كريم ان شاء الله خير يسعد لي القلب الحنون ياحنونة انتي اقتباس:
الله يسلمك حبيبتي يسلم لي احساسهم العالي ويخليهم ربي الي يتولوهون علي احرجتيني :o يخليج ربي يسلمون لي الحنونات :o الحمدلله تسهلت ياعالية بالخير وياليسر الحمدلله ووفقني لاداء اماناتكم تصدقين تحسين باحساس غريب وجمييييييل لما تدعين لكل الناس وبالخصوص احبابك وشو تشكريني ياعسل انته هذا واجبي واقل من واجبي وانا وش سويت خصصت لكم يوميا نص ساعه او ساعه للدعاء تعتبر شيء يعني ..! اللهم امييييييييييييييييين يااااااااااااااااااارب يكتبني ويكتبك واتعرف عليك ونصير من زوار بيته الحرام هههههه ذكرتيني بالعجوز ياحبني لها والله طيييبة بالحيل اتذكر ضحكتني اول ماتعرفت علي جالسة جنبها في المكان المخصص للنساء وانا اصلي واجلس شوي ادعي اقرأ في الكتاب تطل بوجهي وانا كنت اكح كثييير لاني تعبت شوي ومرضت هناك وكانت صوتي مختفي بالمرررة ضحكتني واشغلتني شوي عن العبادة بس صارت تسألني انتي من اي منطقة عبالها اني سعودية نه ستايلي كان سعودي هناك عباية اسلامية فوق الراس ومتبرقعة لما قلت لما من البحرين استغربت على بالها اني سعودية وقامت تسولف معي وانا سألتها انتي من وين ياخالها بس ماكانت تسمعني زين لانه صوتي راايح قالت انها من حاايل ووصتني اسوي موية حارة وعسل وليمون كل يوم 3 مرات والحمدلله رجع صوتي وكل يوم اروح ونتفق ان بنجي بالهوقت ورا اكون متواجده هالوقت وتجي مسكينية واجلس اسولف معاها وتعلمني قصص وسواليف تهببل من الي يحبها قلبي الله يسعدها وحشتني كثير والله عزيزة على قلبي ويازين سواليفك عسل ولا خلا ولا عدم منج ولا من طلتج الحلوة ياقمر لا تتشكرين اخر مرة لج زين :29: اقتباس:
هلا والله بكل الغلا ... اهلييييين ياعسل انته وحشتيني ياقمر النور نوركم يالغوالي ربي مايحرمني منكم .. لا خلا ولا عدم منكم ^.^ منا ومنكم ان شاء الله صالح الاعمال مافي احلى يا ام السوسة من كذا يوم ناس تدعي لك وويجي وقت الي تدعين لهم صحيح ان الجزاء من جنس العمل وان شاء الله دوم الله يكتبنا لزيارة بيته الحرام يوم تدعين لي ويوم ادعي لك وندعي لجميع اخوانا الحمدلله الحمدلله الحمدلله على اخوتكم لي يسلم لي احساسهم وحنانهم يخليج ربي ياقمر الحمدلله رحت ورجعت بالسلامة والله وفقني للدعاء لكم اللهم ااميين ربي لا يخيب رجاي ولا رجاكم الله كريم ان شاء الله الله يصلح شان طاغية يااارب ويوفقها ويجمعها بمن احببت بكل يسر وسهولة ياارب تجبر بخاطرها ياارب تسلم لي الطلة ياقمر مانحرم منها يا ام السوسة |
حمدا لله على السلامة اختى الكر يمة ونسأل الله اعلى القدير ان يتقبل منكم وان يسعدك ويريح بالك ويوفقك وجزاك الله خير الجزاء على الدعاء ونسأل الله القبول وان يكتبها لنا عاجلا غير آجل يا رب العالمين طعبا انا اعتذر على التأخر فى التهنئة ولكنى لم ارى موضوك الا الان بارك الله فيك فكان واجب ان اشكرك اختى الكريمة ولو كانت متأخرا جدا |
الله يسلمك اخي الكريم ابو مريم
منا ومنكم صالح الاعمال ان شاء الله اشكر لك حضورك ^.^ لا شكر على واجب يا اخي تسلم على التواصل يا ابو مريم راعي واجب |
الف حمدلله على السلامة وعمرة مقبولة وذنب مغفور وسعي مشكور جعل الله عمرتك في ميزان حسناتك وتقبل منك دعائك واعطاكي كل ما تتمنيه بأذنه تعالى
والله الك وحشة يا غالية |
الحمدلله على سلامتك
تقبل الله منا ومنكم صالح الاعمال شكلنا كنا بالحرم بنفس الوقت ليتني شفتك:/ انا كنت هناك طول الاسبوعين الماضيين من السبت الى الثلاثاء اللي بعده يعني سافرت اول يوم اختبارات بالسعوديه رحت:) والاربعاء القريب كنت المدينه والحمدلله دعيت للجميع لكن بدون قراطيسhttp://www.66n.com/forums/images/smilies2/biggrin.gifكنت ادعي لاعضاء الزوجيه عامه واللي اذكر اسمه ادعي له طبعا لان معاي ولدي صغير اشيله ومااقدر اشيل معاي قراطيسhttp://www.66n.com/forums/images/smilies2/biggrin.gif |
سعاد2000
الله يسلمك ياعمري اللهم امييين امييين الله يخليج ياقلبي على الدعوات الحلوة زيك ياعسل مانسيتك ولا نسيت الوالدة الله يعطيها الصحة والعافية من دعائي دوما كان لك من دعائي نصيب وخبريني عنها كيف حالها وصحتها ؟ الله يمن عليها بالشفاء والصحة فريبا ياارب ربي يخليج يارب وه بس فديتهم الي يستشعرون غيابي ^.^ اسبريسو هلا والله بام خالد الله يسلمك ياقلبي منا ومنكم صالح الاعمال وانتي كمان الله يتقبل منكم خيوتو ^.^ وجعلها عمرة مقبولة ان شاء الله وتقبل الله اعمالك ياقمر يااااااااريت بس كنت لقيتك واتعرف على اهل الطيب شرواكم هههههههه ضحكتيني يا ام خالد وش اسوي شيبتنا هموم هالدنيا وصرنا ننسى واايد وانا حريصة على الامانة واتم اوسوس ادا احد موصيني على حاجة وقلت مافي الا القراطيس احيانا كنت اخجل اطالعهم وانا بعد ماشاء الله على ذكائي كاتبتهم بخط كبير وفي واوراق a4 كانه خلصت الاوراق او كان على الاقل اكتبهم بخط صغيرة فضييحة ههههههههههه الله يسعد قلبك يا ام خالد وتسلمي على الدعاء في ميزان حسناتك ان شاء الله ولك بالمثل ياعسل شرفتي يا طيبة ماننحرم منكم ومن طيبكم |
| الساعة الآن 12:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©