|
هل هذا جيد بالنسبة لطفلي ام خطأ؟
السلام عليكم ورحمة الله و بركاته
القصة وباختصار رغم انو يمكن تقولو شو هالموضوع ؟:dاتحملوني معلش سنة اولى امومة ابني الله يحفظه ويخليه بيصحا بدري كتير :29: وانا ازمتي وادماني و مشكلتي في حياتي النوم من قبل الحمل يعني لهيك بنقهر كتير المهم بصير يزن بدو يطلع من السرير زهق منو الاخ بمل وبدو يغير جو وانا مابكون عندي خلق او امكانية ابدا اصحا بالوقت هادا واروح الصالون ولا اعمل اشي غير النوم فبحطو جمبي ع سريري فبسكت وبصير يلعب مع حالو واحيانا بنام شوي وبرجع يصحا طبعا بعد فترة خلص بصير بدو يطلع من كل الغرفة بدو يرفه عن حالو ايش هالجيل مش عاجبه العجب المهم انا كنت بدي اسال صح اني احطو جمبي خلال النهار ينام جمبي ولا حيتعود ويبطل يحب سريرو بالليل بنام عسريرو طبعا بس هالحكي بالنهار يعني ازا بدي انام الصبح وهوة صاحي او ازا بدي اخد قيلولة العصر وهيك عادي ولا ؟؟؟ ممكن يتعود ويلزق؟؟ واسفة ازا حسيتو الموضوع تافه بس مين الي غيركو بعد الله في هالغربة شكرا وبارك الله فيكو |
وعليكم السلام يا ملك
بنرد عليكي بس في عتب صغير اقتباس:
فبنرد و نجاوب على اسئلتك و بعدها ما ترجعي للموضوع قمنا نشك اننا بنكلم نفسنا ولا انك ما مستفاده من كلامنا شوفي يا ام فهوده هو الخوف مو من انه يلزق ولا شي بس الخوف انت نايمه و ما حاسه فيه و ما تحسي فيه الا انقلب وقع من السرير لا تقولي صغير و بكير في ا طفال ما شاء الله ينقلبو بسرعه هذا اول شي ثاني شي اتعلمي و علمي ابنك على روتين جديد من هو صغير حتى ترتاحو كلكم لا تقولي يتحكم فيه من هو صغير وما بدي ابني يتحكم فيه لان احنا الي سعينا ودعينا الله انه يرزقنا و استجاب لدعوتنا فلازم نكون قد المسؤليه و الامانه الله يقدرك على القيام بمسؤليتك و تاديه الامانه :22: |
اهلا اختي شكرا لتجاوبك بس مافهمت عليكي كيف يعني بتحكو مع حالكو؟؟؟؟؟
قصدك مابرجع ارد عالموضوع ازا هيك فلاني بنسااااااااااااااااااااااا هالايام بفتح المواضيع بقول بدي ارد وبصير شي وبنسا والجهاز بعمل ريستارت او اشي وبرجع مابلاقي الصفحات الي كنت فاتحاهم لهيك ازا هادا قصدك فانا من كللللل قلبي اسفة مش قصدي بحس اني قليلة زوق بس والله والله والله مش قصدي وبنسا وانت عارفة كيف الوضع هلأ بنسي اكتررررررررر مع الولد وهيك بالنسبة لانو يقلب مستحيل مش لانو صغير بس لانو جمبي لازق بكون وانا مابكون نايمة عميق كل شوي بصحا اشوفو انا مافهمت شو قصدك بالروتين؟؟؟ معلش بس مافهمت يعني انو خلص نصحا بس يصحا وهيك ولاكيف؟ شكرا الك واسفة بجد |
ليه الاسف يا قلبي كنا مثلك كلنا
وقت كان زوجي يروح الصبح للشغل ،كانت بنتي تحس عليه تصحى معو وتودعو ومن ثم كانت تنام قربي في السرير واولاري اتعودو بس يقوم ابوهم من السرير فورا يصيرو قربي ولكن طبعا ما يعود نومي مثل الليل كل شويه افتح عيوني انصحك ضعي مسند او مخده من الجنب التاني وعلى الارض ايضا لا سمح الله تصير الوقعه خفيفه رح تتعودي تصحي معو هالعصفور وتلعبي انتي وياه ما في اجمل من صباحهم اطيب بكتير من فنجان القهوه |
حسيت نفسي شريره
بس فعلا بافرح من ارد عليكي اتذكر تجربتي الاولى بطفلي الاول و انا بغربه و كنت اتخبط لحالي لافي انترنيت ولا في احد اساله شوفي يا ام فهوده انا نفس الشي كنت مامنه ابني جنبي وما في شي و في يوم ،،،،،،،،ما اسمع الا طب و واااااااااع كان لسه ما كمل شهرين و روتين قصدي انك تقومي معاه و تنامي معاه و تلاعبيه تطولي بالك معاه ما تصدقي الاولاد يكبرو بسرعه وما تحسي في السنين تجري اليوم قاعده اشوف ابني الكبير اتامل بملامحه اقولما شاء الله تبارك الله كان بيبي وصار شاب الله يصلحهم يارب همه و كل شباب المسلمين |
اهلا اختي لا مش شريرة بس معك حق انا بزعل لما اتزكر موضوع واني مارديت عليه بحس اني باااايخة بس والله غصب عني
انا مابنام معاه يعني عارفة ليش عشان انا بصحا الصبح وطول الوقت معاه بالاخر انام معاه ليش بحب اسهر شوي مع زوجي لو كان بالبيت او لحالي لو بالشغل عشانن افرفش شوي ويكون في يومي شوبة تجديد مش اانو طول الوقت مع ابني ومافي وقت الي ابدا لهيك بحب اضل صاحية بس المشكلة بياخدني الوقت وبسرقني وبلاقي الساعة صارت 2 ! عمرك شفتي وحدة عندها بيبتي بتنام عال2 هههه الله يعين لهيك مابعرف اصحا وبتتدهور حالتي انا بنيمو جمبي بنص السرير وبحضنو ولسة في مسافرة كبيرة ليوقع بعيد الشر مستحيل اصلا هوة لسة ماقلب لهلأ شكرا الك يااختي وانا طووووووول الليوم بلاعبه والله والشخص الوحيد في هالدنيا الي بس اطلع عليه بنسا تعصيبي او غضبي منو هوة ابني وبقول الحمدلله اجا حد يمتص غضبي ههه بس قصدي انو بكون مقهورة منو او تعبانة وهيك وهوة بدو يلعب وهيك او مثلا الصبح بكون صاحية بسببو ومدايقةبس مجرد مااحملو واشوفو ببطل زعلانة وبصير فرحانة بشوفتو رغم انو هوة الي منرفزني يعني بس اعصب من اختي مثلا كنت لما اشوفها اعصب بزيادة الا ابني حبيبي بس يبكي كيتر وهيك واحملو مابحس الا اني بدي ابوسو والاعبو وبحاول استمتع فيه لاني بضل اتخيل انو كبر وتجوز وتركني وراح بحس بدي ابكي فبقول عيشي كل لحظة معاه الله يخليلك ولادك يارب شكرا الك |
اسوء شي انه الطفل ينام جمب امه
كثير تحذيرات صااارت وقريتها بالمواقع الاجنبيه والعربيه بسبب انه الام ممكن تقلب على ولدها وهي نايمه وما تقولي نومي خفيف لا سمح الله بيوم ممكن نومك يصير ثقيل على غير عاده وبعدها تندمي.. ثاني شي اخاااااااف انه بكره يلزق فيكييي وما عاد يفك ويصير يزنزن يبغى ينام جمبك عالسرير حاولي بقدر الامكان ما تعوديه عالعاده هذي لانه شوفي البنات كيف متاذيين من قصة نومهم جمبهم.. بوسيلنا فهود.. |
اهلا كريستالا
هوة مابلزق لانو بعد ميصحا بكون خلص زهق من سريرو الو فترة طويلة فيه فبكون بدو تغيير المكان ازا ماحطيتو جمبي يا اما لازم اطلعو برة واصحا من عز النوم بدري كتير او اتركو يزن وماحعرف انام بس مابعرف بلكي جربت هالطريقة بلكي سكت مع انو ابني لما خلص يزهق وبدو يغير المكان لا يمكن يسكت الله يهديه |
و الله يا أختي ملك لازم تنتهبي
انا غلطت اول مرة حطيت ابني جنبي (كان عمره 3 اسابيع) صار دائما ما بنام إلا جنبي و صار عمره سنة و نص الآن و ما بنام بسريره لا ليل و لا نهار كلو لازم يكون لازق فيني طالما بنام بالليل بسريره يمكن ما في مشكلة لكن اذا لاحظتي انه صار يرفض سريره ارجعي عوديه على سريره و لا تستسلمي مهما كنتي تعبانة كل ما تعبتي معه الآن كل ما ارتحتي بعدين موفقة |
اسمعي
ليش ما تسهري فهد معاكي بالليل عشان يطول بالنومه بالنهار وتلحقي تناميلك شويه انا اعمل كذا مع عبودي والحمدلله ماشيه الخطه تمام واذا صحي باعطيه الحليب وبخليه يقعد شويه وبرجع احطه ثاني عالسرير وبيرجع ينام حوالي ساعه كمان.. ههههههه انا اضحك يا ملك نومي مقطططع بس الحمدلله انا متاكده ما شاء الله انه احنا ارحم من غيرنا بكثير .. جربي خطتي وطمنيني.. |
الله يحفظه لك ياارب ..
تعرفي احسن حل تفرشي بالارض لك و له نامي و ارتاحي و انتي متطمنة عليه انه ما راح يطيح هذا اولا وثانيا لا تلزقي فيه عشان مايتعود و ثالثا ماراح يتعود على سريرك بوسي لي فهوودي |
ماريا شكرا الك كتير بس هوة بحطو جمبي مش عشان يكمل نومه بس عشان يغير المكان ويبطل يزن
بس هوة طول النهار برة السرير بنام ممكن ينام في كرسيه او لو حاطاه عحضني او عالكنبة وهيك لكن بالليل ماشاءالله لاقوة إلا بالله تبارك الله كنت حازمة جدا من ناحية زوجي كان بدو ينيمو جمبو عدة مرات وانا ارفض عشان مايتعود وهوة بنام عسريرو طول الليل بس بالصبح بصحا بدو يطلع عشان يتسلى في مكان اخر وعفكرة بس احطو جمبي بقعد يلعب وهيك ممكن ينام شوي وبرجع يصحا بس باالاخر برضو برجع يزن عشان يطلع مكان تاني يعني قصة ملل مش قصة انو بدو يجي عالسرير بالزات الحمدلله انو بنام في سريرو في الليل ماشاءالله لاقوة إلا بالله تبارك الله ولو حسيت بدو يلزق في سريري ماتخافي مستعدة اسهر اسبوع وابطلو الاشي هادا كريستي شكرا الك بس انا بنيمو مش بدري كتير يعني بس عادي بس خلص انا بكون هلكانة طول النهار وخلللللص بدي ارتااااااااااااااااح لهيك بنيمو عشان كمان نوم الليل افضل واحسن للنمو للاطفال واحسن للعقل والمزاج والنفسية وكل اشي يعني صاحي من الصبح بدري طول اليوم رايح جاي عليه وتعب وانت عارفة فخلص بكون بدي ارتاح لحالي انا و زوجي او لوحدي لو زوجي في العمل بدي استرخي شوي اكيد فاهماني شكرا الك والله يهديهم النا يارب نورا شكرا الك بس ماعنا فرشات وانا مستحيل انام عالارض مابعرف ومابحب وعالسرير انا بكون عالطرف وهوة جمبي بنص السرير واكتر يعني مستحيل يوقع الا لو بدو يدحرج ميت مرة ومابظن لسة ماقلب اصلا شكرا الك حبيبتي |
انا اذا كان عندي صغير مااحطه جنبي
طريقتي غريبه شوي اذا صار يبكي ومايبغى سريره وهي اني انزل شوي بالمخده واحط الصغير فوق المخده يرقد بالعرض هو يكون على السرير مو على المخده ههههه مدري فهمتي علي ولا لا والحمد لله يصير يسكت ومااخاف يطيح او انقلب عليه |
اسبريسو ام خالد
صراحة ...... مافهمت ههه حاولت اعمل الي بتقولي عليه عملي عشان افهم بس مافهمت شكرا الك :) وعلى حبك لمساعدتي |
انا فهمت طريقت ام خالد :23:تحطه فوق راسها يعني هو نايم بالعرض على السرير وهي نايمه عادي بس هو بعد الحاجز على طول وبعدين هيزي حرفtعرفتي:25:
وبالنسبه لابنك:15: لالا هلا مابتعود انا بناتي كانوا على سريرهم وبعد سنه ونصف لزقوا فيني الي بده يلزق بلزء من غير عزيمه وبقاوم كل محاولات الفك :29:بيستخدم غرا قوووي جدا ههه ههه ههه:) |
| الساعة الآن 01:29 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©