|
زوجي ترك البيت ولم يرجع ( آخر المستجدات )
السلام عليكم
تهاوشت مع زوجي لحد ما ترك البيت ولا رجع له مدة طويلة مع إنه يحبني وهو عنده زوجه ثانية والحين أنا محتارة ودي أرسل له رسالة لكن عندي كرامة ما أبيه يرجع إلا من نفسه ما هو من تأثيري إذا فكرت قلت الحين قال لي كل اللي يبي وشتمني وبعدين أحاول أنا وهو ولا على باله محتارة ما أدري وش الطريقة المثلى في التعامل مع هالمشكلة خلاص أنا أخذت موقف ولو رجع بيبقى أثر أحيانا أفكر بشي ثاني غير الرسالة وهو إني أحسن له بس ما أدري وش أسوي وأحيانا أقول أسكت على ما أنا عليه وأشوف آخرتها أنا ما همني حاجة عنده أنا مستغنية تماما وش رايكم وش المفروض إني أسوي الله يعافيكم ما أدري كيف يتحمل وأنا ما أقدر أتحمل ليش أنا أشتاق له وهو ما درى عني وين راح الحب المفروض إني أنساه لأنه خانني في مالي قبل واستغل غفلتي ليش أنا أشتاق له وأنقهر من تصرفه وهو المخطي في الأول صحيح إني أخطيت أنا ولا تحملته بس من يتحمل واحد متزوج ممكن تفيدوني بطريقة نافعة أنا لو سويت شي لا يمكن أرجع زي ما كنت لا يمكن أنسى الهجر هذا جرح قلبي الاشراف: تم تعديل العنوان |
انتي ما ذكرتي كم المدة الطويلة الي ترك البيت فيها ولا الموضوع بالضبط حتى نقدر نحكم لكن على كل حال انا اشوف ترسلي له رسالة عتاب محب لعله يلين قلبه واعتقد انه منتظر هذا الشي منك في حال كنت انت من اخطئ في حقه والله يصلح بينكم على خير |
الله يهدي سرك عزيزتي اجمل احساس
انا ما اشوف انه في بينك وبين زوجك كرامه الا اذا كان شي كبير جداً وانا او غيري مانقدر نحكم انتٍ ابخص المهم: انا اشوف ممكن ترسلي رساله حلوه وفي نفس الوقت دقه على قولتهم بس مو تجيبي عاليها واطيها يعني بالمعنى انه انت غلطت و و بس انا باقيه احبك او اي شي زي كذا ,,, وبتلقي اشعار كثيـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــر تفيدك والله يوفقك يارب ,, واسمع عنك اخبار حلوه ياحلوه |
الله يعينك أختي
فعلاً فيه أسئله كثيرة تحتاج أجوبه أنتي الاولى والا الثانيه؟ عندك أولاد ؟ كم لك سنه متزوجة ؟ عنده أولاد من زوجته الاخرى؟ كم له طالع من البيت ؟ كيف خانك في مالك؟؟وأستغل غفلتك؟ أتوقع أنك زوجة ثانية وموظفة ومشكلتك معاه بسبب زوجته الاولى.... مجرد توقع .. |
الاشراف: تم نقله إلى قسمه المناسب (قسم المتزوجين)
|
الله يعافيكم على الردود الجميلة
أنا الأولى وفيه حاجات ماأقدر أنساها حتى لو رجع خلاص أخذت منه موقف لكن آذاني بالهجر هذا أشد الإيذاء الحمد لله على كل حال |
أختي كم له هاجرك؟؟
|
معلش حبيبتي يعني لا تنسي انه في زوجه ثانية
إتصلي فيه ولا تخليه يحس انه الزوجة الثانية مخلصة وأحسن منك لانك ما سألتي عنه هذه المدة الطويلة. بعدين هو مو صاير عليه شي عند زوجته ماكل شارب نايم وانت اللي بتتقلبي على الجمر. ليش تخلي هذا الشي يصير. كلميه وتوكلي على الله ولا تخلي الشيطان يكبر راسك عليه وعلى المشكلة لانه الشيطان احب ما عليه يفسد بين كل زوجين (( الله يبعد وساوسه عنا )) نصيحتي حبيبتي: في إهمالك للسؤال عنه لا تصبي زيت على النار لأنه انت الخسرانة مو هو لانه زوجته عنده وعين الله عليه... وانت شو؟؟ اعمليله أجواء وحسسيه انك ندمانة وانك بتحبيه كثير وانه الدنيا من غيره مو حلوة...( يعني حركات نسوان) وبشرينا بحل المشكلة ( لا تنسي ) الله معك حبيبتي |
الله يوفقكم جميعا
|
المسامح كريم
واذا كان ضربك لو انا بمكانك مااتصل ولا اسال على شان يعرف قد اللي سواه أنصحك بالدعاء صانع العجائب ادعي الله اللهم ردي لي زوجي ردا جميلا اللهم ارزفني العفاف والروق الحلال ادعي له بالتوفيق والهداية وسيعود اليك منقاد مشتاق وبعد ذلك ابدأي بالحوار الهادي عن كل مافي داخلك عليه حتى يذهب مافي صدرك يسر الله أمرك |
اقتباس:
كلام طيب الله يجمع بينك وبين زوجك في أقرب وقت |
مشكورين ما قصرتوا
بس ليش أخلي زوجته تفرح علي وبعدين يبي يقول أدبتها حتى هي بتقول هجرها وأدبها وأصير مضحكة لهم ما ودي هيبالذات تشعر إني انهزمت أنا صحيح ما انهزمت بس هذا الظاهر |
يا اختي
انتي ماخذته وعارفه انه متزوج وله ظروفه ثانيا... اذا كنتي عارفه نفسك غلطانه بشي فلاتكابرين واذا كان هو غلطان فلا تتصلين عليه لكن اذا جا من نفسه افتحي معه الموضوع بهدوء بدون مشاكل ولاتخسرينه |
اقتباس:
هذا بحد ذأته هزيمه ليش رضيتي بهالشي وسكتي!! |
http://www.66n.com/pics/hosted/rceo8...wsdlwui05g.gif
اختي لاتكابرين هوتزوج وانتهينا لاتشيلي هم حاولي تتقربين له المرأة مهماكان بحاجة إلى سنديساعدها مهماكان المراة وشهي عاطفة واحساس لاسمح الله أخطاكل ابن ادم خطاء هذازوجك اناماحرضك بس انتي بحاجتة نحن نساء ونفهم بعضنابلاكرامة بلاغيرة فكري بنفسك وغيري ستايلك وبكرة الخميس سوي حفلة له وارسلي له مسج وقولي الى زوجي العزيز وكم كلمة حلوة وانتهينا ليش تدخلين الشيطان بينكم الله يسعدكم ويوفقكم دوم تكفين فكري بعمرك كل وحدة بتقول رايها وبتطلع انتي انثى ومحتاجة لزوجك ليش تحرمين نفسك فكري لاسمح الله تزوج اية اهون يعيش وهوعادل معي ويراعيني والايموت بعيد الشر نصيحة لله حافظي قدرالامكان والله يوفقك ويسخرة لك ولاتنسين الصدقة وربي يحنن قلبة لك اتمنى لك كل ماهوسعيد بالوجود الله يوفقك ادعي لي بالعوض ياكريم نصيحة لاتضعين للشيطان مدخل افتحي صفحة جديدة وانسي الماضي يوم لك ويوم لها واهتمي بعمرك مايسوى الوحدة تضيع عمرها على احزان وهموم واعلمي كل شيء قضاء وقدر وكل شيء مكتوب وسعي صدرك وغدااجمــــــل باذن الله اسمعي كلامي ومالحب الاللحبيب الاول الله يفرج همك ويسعد قلبك |
اقتباس:
كلام جميل بوركتي اختي 00 نصيحة تفوح رئحة الإخلاص والشفقه والحرص منها 00 لا حرمتي الأجر في الدنيا بالأمان الأسري الزوجي 00 وفي الاخرة بجنة الخلود 00 اجمل احساس لا تبرحي نصحها 00 رد الله عليك زوجك افضل من ما كان عاجل غير آجل00 |
الله يهديكم
ويرجع الحب لقلوبكم والمودة تجمع بينكم امين يا رب العالمين شكلك تعبانة ومش عارفة اتعبري منيح اكتبي التفاصيل بس تهدي بستنا تواصلك معنا |
يارب تسعدكم وتفرج همومكم ياكريم
|
لا ترسلي رسالة ، لو رسلتي له رسالة ما تضمني إنه بالغلط هي تقراها
أو ينساها و هي تقراها اتصلي عليه و قوليله عازمتك على مطعم ، أو على سهرة لا تتأخر و يوم يرجع ، خذي حقك بيدك :d |
يا عيوني ما تفكري وتوسوسي بماذا تفكر زوجته الثانيه
هيك بتتعبي ارسلي له مسج واطلبي منه العدل بين الزوجات وذكريه بيوم القيامه رح يرجع لك رح يتشاجر هو وزوجته لاي سبب تافه ورح يعمل فيها اللي عمل فيكي رح يقضي حياته هيك بينكم وهذا اسمه هروب من المشاكل احمدي ربك انو زواج بالحلال ومش خيانه بالحرام لا سمح الله معلش الزوجه دايما لازم هي اللي تكسر تتعيش حياتها وعند رب العالمين كله بحساب انسي يا عيوني ياما نسينا ورح نفضل ننسى تنعيش |
والله سرتني ردودكم الجميلة
أشكركم من قلبي أنا فعلا تنازلت وأرسلت له مسج ولا تأثر رد علي بمسج قاسي يوم شفته ما حس ومركبني الغلط و‘ن هجره لي جزاء على المشاكل اللي بيننا رحت له على طول وواجهته وتكلمنا وجها لوجه وعبرت له عن حبي وأشعرته إنه قسى علي وهجره أصلا ما يرضي الله حتى لو إني أخطيت أنا هو أيضا مخطي وخطاه أكبر المهم انشرح صدره وتصالحنا وفجأة صارت مشكلة جديدة لأنه هو يطلب حاجات ما هيحق وأنا من النوع اللي ما يتنازل عن حقه ولا أتنازل عن شخصيتي وأسلم كل شي له رجعت ومشيت الأمور لكنه استمر زعلان المهم قعد يهاوش وما أدري وش يقول ليلة حنا راجعين من السفر كلها ما كملت أسبوع دخل البيت وقفل على نفسه غرفة المجلس بغيت أروح وأغطيه بس فكرت قلت هو اللي راح ليش أحن عليه قلت أفتح الباب وألقي نظرة عليه وبس اكتشفت إن الباب مقفول أصلا ما كنت أدري إنه بالغرفة هذي عرفت إني لازم أسكت لأني المرة اللي راحت قبل أسبوع بس تنازلت من كرم أخلاقي على إن اللي سواه شي عظيم المفروض يدرون عنه أهلي وأحزم أمري وأوقفه عند حده بس ما حبيت المهم المرة هذي ما راح أسوي شي واللي راح برغبة منه أنا ماأجبر أحد إنه يجي ليش أحاول أرجعه ماهي إهانة أنا أفكر أمارس حياتي بشكل طبيعي في بيتي وآخذ راحتي وأنساه وهو إذا دخل وشافني بيحس إنه ولا شي عندي وبيحس إني مرتاحه ويمكن بعد يحاول ما يدخل لأنه بيخاف يشوفني كان المرة اللي راحت يصد إذا شافني في بداية هجره ويتفاجأ بوجودي في المجلس وبعدها خلته أنا على راحته إذا دريت إنه بيجي أبعدت عن المكان والصالة يعني عشان يدخل ويشوف عياله طبعا هو هجرني بس ما ترك عياله يجي يمر عليهم ويشوف وش يبون المرة هذي قررت أصير قدامه مع عيالي وبوسط البيت ليش لأني لازم أنساه وآخذ راحتي ولا كأن شي صار صحيح إن مشكلتي ماراح تنحل [ومسألة إني أبحاول مرة ثانية بمسج ولا أيشي أحس إنه خطأبس وش رأيكم بحاجة ثانية من أفكاركم |
الله يصبرك
|
اقتباس:
انتي عنيده ولا تتنازلي بسهوله وموقفك ضعيف لوجود زوجه اخرى زوجك لن يتنازل نهائي لك اذا تنازلي انتي وتسامحي منه وتغاضي عن اشياء كثيره حتى يسير المركب ممكن بيوم يطفش ويطلقك بيشترى راحته |
اقتباس:
أنا حقانية يبي شي النص بالنص ولا كل شي عليه لانه رجال |
عيشي حياتك وفكري في نفسك وبس ولاتسالي فيه من باعك بيعيه ...
|
اقتباس:
الان هو شاد معاك ويبي تلبي له طلباته اذعني له وقولي نعم كامل المصاريف علي ويكفينا دخلتك علينا بالدنيا كلها الى ان تهدا الامور ثم اذا ارخي شدي وقتها بس بشويش :) |
وعليكم السلام ورحمة الله وبركاته
نصيحة محبة اهم شيء احساسك بالراحة النفسية والاستقرار افلوس تجي وتروح بالعكس ايؤيد راي مشرفتنافيافي جربي وش يضرك ودي اساعدك بس انتي حاولي تكسبينة بالكلمة الطيبة انتي بحاجة زوج طيب وهي ان شاءالله كذلك هوعندة زوجة بس انتي بحجة رجل نصيحة لله تعوذي من الشيطان اختي واغمرية بعطفك ومصيرة بيرجع لك وعليك بالدعاااااااااء يارب يسخرة لك ياكريم ماراح احد ينفعك حياتك غالية عندك حافظي على مملكتك كل عايش حياتة ومحد راح يسال عنك تكفين اهتمي بنفسك ونفسيتك والله اني ناصحة لله الرجل مثل الطفل قولي اميييييين جعك ماتفقدينة اناتطلقت ومالي ذنب بس الحمدلله على كل حا ل ادعي الله يوفقك ويشرح صدرك وارسلي له مسجات حلوة وجهزي له هدية وسوي له حفلة اغمرية بطيبك يااجمل احساس الله يحفظك دنياواخرة اسمعي كلامي وباذن ربي ماانساك من دعواتي الله يوفقك يارب اتمنى من كل قلبي لك حياة زوجية سعيدة |
فعلا كلامكم جميل الله يسعدكم
جناين ورد صحيح لازم أعيش حياتي ولا أفكر فيافي نجد والله إنك صادقة إذا شد ونرخي فلها وربك يحلها ربي اعانني وغمرته بحبي من دون ما أفكر باللي سواه صحيح هو هجرني ذيك الليلة وحسيت إنه بيستمر مع إني متوقعة رجوعه وفعلا رجع لأنه ما يقدر يستمر على هالأسلوب قابلته ولا كأنه سوى في شي طبعا هو معصب ومكشرفي وجهي وجلس يتشرط علي مع إني ما فاتحته بموضوع وفعلا شد معي وأرخيت أنا بس بعدين نتفاهم وأحس إني إن شاء الله أبنجح لا عدمت نصائحكم الله يوفقكم |
وفقك الله واسعدك باين انك ذو قلب طيب ومتسامحه وهذا سبب استمرارزواجك معه
|
لقيت حل بزوجي اللي تزوج علي وهو سيارة فخمة قدام البيت تدرون ليش؟؟
لقيت حل بزوجي اللي تزوج علي
تدرون وشو الحل هو إني أستقل عنه بمالي ما أخليه يدير مشروعاتي ولا يدري عنها ثاني شي أبشتري سيارة وأرزها قدام البيت ولا أخليه يركبها حتى يحس إن لي خصوصيات طبعا هو بيغار ويموت قهر لأنه بيحس إن بينيوبينه حواجز طبعا زوجتة أكبر حاجز حتى لو عطاني قلبه كله وحسيت بالأولوية لا يمكن يكون له خصوصيات وأنا لا وش رأيكم ؟؟ |
ان كيدهن عظيم
شو هالشييطان ياساااتر يارب |
لا يا أختي
حاولي تتنافسي مع زوجته الثانية بحسن الخلق بدل ما تنتقمي و بهالطريقة بترجعي حب زوجك لك لأنه لو عاملتيه بطريقة تكرهه فيكي رح يكون العقاب لك و ليس له |
[caution]يرجى عدم فتح موضوع جديد..و متابعة المشكلة السابقة..[/caution]
|
ياناس لازم ما أقدر أشاركه أو يشاركني في مشروعاتي ولا أبيه يعرف خصوصياتي والله ما أقدر
جرحني كيف أتكل عليه والله ما يخليني أسوي كذا إلا لأني أحس إن بيننا حواجز وهي هالزوجة |
شوفي .. سوي اللي يريحك .. تبين تفصلينه عن ادارة اموالك فهذي حقك .. بس في نفس الوقت لازم تجيبينها بطريقة زينه بحيث انك ما تزيدين المسافة اللي بينكم وتزيدين الحواجز .. وهالشي راح تستغله زوجته الثانية في انها تبين انها هي الحنونة اللي تحبة اكثر منك ..
وأفا عليك أخذي احلى واغلى سيارة وكشخي فيها مدامك قادرة .. على الأقل نفسيتك تصير احسن وتقهرين زوجته بطريقة غير مباشرة .. فلوسك وانتي حره فيها .. بس لا تبعدينه عنك فهما كان هذا ابو عيالك ومثل ما قالو (ظل راجل ولا ظل حيطه) .. بس مدامة تزوج عليك لا تعذبين روحك .. حاولي تتأقلمين على انه هو نص عندك ونص عندها .. شغلي روحك مع عيالك و اهلك وصديقاتك عشان لما ينشغل عنك مع زوجته الثانية ما تتأثرين .. الله يكون في عونك وإن شاء الله يسخره لك ولعيالة ويبعد عنكم ابناء الحرام يارب .. |
اقتباس:
|
الله يعافيكم
|
وعليكم السلام ورحمة الله وبركاته
لااختي دلعي عمرك وامني مبلغ للدنيا والله يسعدك وحاولي تكسبين زوجك حاولي وتاكدي باذن الله انه راح يرجع احسن من اول وربي يسعدكم ويوفقكم دوم ياكريم الله ينصرك يارب وادعي ربك بالثلث الاخير وعليك بالاستغفاااااار يارب |
باين انك مافهمتي شخصيه زوجك للان
ابحثي في النت عن شخصيات الازواج شمالي جنوبي شرقي غربي وكل شخصيه لها مفتاح والمفاتيح كلها موضحه لك ومشروحه مع الطرق وبالتفصيل وباذن الله راح تلاقين الحل المناسب واستشيري خبيرات المشاكل الزوجيه بالنت وبيعطونك الحلول المناسبه تصدقين كنت احس نفسي عايشه بعالم لحالي ولمن لقيت هالشخصيات وعرفت شخصيه زوجي عرفت وقتها ان فيه حريم كثير يعانون نفس معاناتي ومجتمعات يحلون مشاكلهم بعقل وحكمه طبعا هذا بدل ماانتي دائما في مشاكل ومؤلمرات معاه |
يااختي آلي بينكم آكبر من سالفة الكرامة واذا رضيتيه هذا بينعكس عليك آنتِ وبتتعدل حياتك آنتِ وزوجك بيعرف انك قاعدة تضحين لسعادتكم واذا طالت مدة الجفوة ممكن يستغني عنك وخاصة وعنده زوجة ثانية آرسلي له رسالة آو آتصلي ..
|
| الساعة الآن 06:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©