|
اريد ارائكم بخصوص بيتي الجديد وخبرة كل من بيته طابقين
بسم الله الرحمن الرحيم
حابه اسأل وكتير بتهمني ارائكم لاني بجد محتاجتها بخصوص منزلي الجديد اللي راح اسكن فيه قريب وعندي عدة اسئلة احنا والحمدلله بعد ما عمرنا بيتنا الجديد:14: طلعت فيه شغلات مو كنا حاسبينها لكنها عالتساهيل اجت بس الحمدلله كتير مبسوطين فيه لانه مستقل تمام..وهادا اهم شيء فيه :22: المهم من ضمن هالامور انه بيتنا اجا تصميمه طابقين مفتوحين على بعض وانا ما عمري عشت في بيت تصميمه طابقين مفتوحين على بعض .. وبصراحه زوجي بيفكر يعمله فقط طابق واحد وممكن نلغي الاول بس محتار هو بيتقرح عليه هيك لكن انا مو حابه الا طابقين عشان المكان الواسع بضل اشرح ؟؟ وهل بتشجعوني اني اعمل المطبخ في الطابق السفلي وغرف ضيوف لانه هيك بشوف البيوت اللي نظامها امريكي زي ما بيقولو بس بصراحه ما حبيته لانه فيه غلبه .. مع العلم الطابق السفلي بيوسع لثلاث غرف وحمام .. والطابق الثاني وهو حيكون مكان جلوسنا فيه والنوم وبيوسع 4 غرف وحمامين وعليه برنده(بلكون) محتارة كتير اخلي المطبخ فوق ولا بالطابق السفلي ؟؟؟ من ناحيه خبرتكم للي مجرب هالتجربه يعطيني نصائح بخصوص هالموضوع من ناحيه المطبخ او حتى تصميم المنزل المكتون من طابقين.. ارجو منكم الافاده ان شاء الله |
اختي انا اشوف انو المطبخ تخليه فوق
لانو تحت راح تدخل رواح الطبخ عالصوالين وحاولي انك تعملي تهويه جيده جدا بالمطبخ عشان ريحة المطبخ والف مبروك مقدما وادعيلي اروح بيت مستقل |
نا ببيتي مطبحين اللي بالطابق السفلي كبير وبالاعلى مطبخ صغير بركن كنا بالبدايه طوال الوقت تحت بس للنوم فوق لكن فتره ماكان عندي شغاله فانتقلنا فوووق كل شئ جلستنا والطبخ ومذاكرة عيالي واعجبنا الوضع استمريت فيه لي الان 3 سنوات تكوني قريبه من اولادك ويذاكروا دروسهم كل واحد بغرفته تحسي الجو عائلي اكثر من فوق وتحت والسفلي اذا جاني ضيوف نزلت وكل مطبخ له اغراضه الخاصه فهمت الشغاله مايختلطوا علشان يكون متكامل لما احتاجه |
اقتباس:
الله يبارك فيكي والله يطعمك بيت مستقل ان شاء الله |
ألف مبروك المنزل الجديد وجعله الله منزل السعاده والهناء
أختي العزيزة ضعي في الدور السفلي مطبخ متوسط الحجم او صغير حسب ظروف تخطيط المنزل ويكون مجهز باغراض الضيوف والتقديم والدور العلوي مطبخ كبير للاستخدام اليومي لانه لايمكن الاستغناء عن المطبخ في هذا الدور بالذات الله يوفقك ويسعدك |
اقتباس:
بس حبيت اعقب على كلامك بالنسبه للمطبخ طب مو شايفين انه ممكن الواحد يسغل غرفه بدل المطبخ باحد الطوابق (يعني لو مشيت على كلامكم والله زدتوني حيرة ) |
ليكون ماحد غيري بيته طابقين
عجيب ... مو شايفه كتير منكم تفاعل انا بدي افكاركم سواء اللي بيته طابق ولا طابقين بحب اوخد براي الجميع وبعدين اقرر |
انا افضل مطبخين واحد فوق صغير وواحد اسفل لانه لو عندك ضيوف يتردون عليك كثير صعبه يكون الطبخ فوق وكل شوي تنزلين
الله يسهل لكم |
أنا بيتي مريحني بصراحة و هو كالتالي:
الطابق السفلي : 3 غرف مفتوحة على بعض و حمام (فقط تواليت و مغسلة) و مطبخ الغرف عملتها غرفة جلوس و نفسها للضيوف و هي أقرب شي للباب بحيث يدخلوا الضيوف مباشرة عليها غرفة سفرة و هي الغرفة اللي لها باب مباشر مع المطبخ بحيث يكون نقل الطعام من و إلى الغرفة أقرب و أسهل و الغرفة الثالثة زوجي اختار انها تكون له مكتب لكومبيوتره و أغراضه و جيم (أجهزة الرياضة ) الطابق العلوي 3 غرف نوم و حمام مع شور و بانيو أكبر من الحمام اللي تحت المطبخ برأيي لازم يكون تحت بحيث ما تنقلي الطعام من فوق لتحت و هذا النظام المتبع في كل البيوت (ذات الطابقين) بانكلترة و ما عمري شفت غير هيك بهالبلد و ألف مبروك البيت نصيحة لا تقسموه :22: |
اختي مبروك و ان شاء الله يكون المنزل المبارك
بس في كلام ما فهمته اقتباس:
انا ضد المطبخ فوق لان البيت و غرف النوم تشبع ريحه طبيخ و الهدوم ريحتها تتاثر الغرف الفوق كله غرف نوم و غرفتك اعملي فيه جزء للدواليب و حمام و مكان للجلوس يعني دلعي حالك حتى لو اخذ من حجم باقي الغرف كبري البلكونه و حطي لها كراسي حديقه انيقه و تصير كم غرفه جلوس و الي تحت غرفه ضيوف و غرفه طعام مفتوحه على بعض و المطبخ اعمليه كبيرا عملي فيه غرفه الجلوس كنبه صغيره وتلفزيون واستفادي منها حطي طاوله و كراسي الاولاد يرسمو ويكتبو عليها امامك وانت بلمطبخ و تاكلو عليها جميع وجباتكم هذا الي ماشي بهلبلد |
عزيزتي احنا انتقلنا (أنا وأهلي) على بيتنا هاي قبل سنة وشهر تقريبا...وماما احتارت بمكان المطبخ...
فوق ولا تحت... عملنا مطبخ برا البيت ومطبخ في الطابق السفلي وبانتري صغير في الطابق الثاني... واذا مش ولا بد أفضل يكون في الطابق السفلي لأنه راح يكون شكله غريب وهو في الطابق الثاني... :d تحياتي.. |
اقتباس:
بفكر اعمل زي ماقلتي بالنسبه لغرفكم النوم والجلوس |
اقتباس:
|
اقتباس:
بالنسبه لبيتنا ماراح اقدر اعمل المطبخ كتير كبير ويكون فيه كنبه والخ.. ما ذكرتي وانما فقط فيه طاوله طعام صغيرة لعائلتنا وكل ما يلزم المطبخ وشكرا لك |
اقتباس:
الاشسياء اللي بتحتاجها وشكرا لنصيحتك |
اقتباس:
شكرا على تفاعلك بهالموضوع دلوعة حسين طبعا صعب نعمل مطبخ برا لانه تصميم البيت مافيه مجال يكون مطبخ بره لانه في تحت البيت تسويه (طابق اخر )لكن غير صالح للسكن .. |
انا ساكنة مع اهل زوجي والمطبخ تبعهم تحت وغرف النوم فوق بس انا من رايي ان له سلبيات كثير اولا طبعا رايي الشخصي ان تعب الواحد طالع نازل تخيلي مثلا مرضتي لا سمح الله او ولدتي وعاوزه شئ من المطبخ وانتي مالك نفس تنزلي فبتطري تنزلي وانتي تعبانه حتى اذا بتوصي احد يجيبلك غرض من المطبخ بيستثقل المشوار:25::18:
ثانيا اذا عندك برضو اولاد صغار وطلباتهم كثير برضو الواحد مابيضل طالع نازل وطلبات الاطفال كثير ثالثا اذا جا عندك ضيوف فجاة وانتي مكركبة بيكون تحت نظيف لا ريحة ولا شئ وفوق مستورة ومعفوسة لحالك ماحد بيشوف واذا عالريحة شوية تهوية وبخور وعطور وراحت اهم شئ غرف الضيوف تكون نظيفة وراحة ست البيت كل شئ جنبها خاصة اذا كانت ام لاطفال صغار |
الف مبرووك حبيبتي
في ناس أقربائي عاملين الطابق اللي فوق المطبخ واللي تحت عاملين مثل ركن لتقديم الطعام من خلاله او المشروبات يعني مثل هذا  أو  أو  او  ولكن انا لست مع فكرة ان تجعليهم طابق واحد هذا أرقى وأشيك وفقك الله حببتي وألف مبرووك |
اقتباس:
اولا اختي مشكورة على مرورك.. والله اني كنت افكر نفس تفكيرك وملاحظاتك في محلها انا من اللي معظم وقتها بالمطبخ في فترة الظهر وانا عشان هيك طرحت هالموضوع لاني اتحيرت بس شكرا جدا على نصائحك..في قائمة تفكيري |
اقتباس:
بس جدا مشكورة لانك فعلا بهالصور شجعتيني لفكرة مطبخ تحت صغير وفوق للعائله وانا عجبني المطبخ الاخيروطلعت عيني فيه وفي امكانيه لزوجي انه يعمل متل تصميمه وعشانه صغير ممكن نعمله.. لكن المطابخ الباقيين حلوين وعجبوني بس بدهم مكان واسع وانا معك في فكرة جعل البيت طابقين مش طابق واحد لانه اوسع واشرح وحتى كمان ممكن الواحد زي كماتفضلت الاخت طيب القلب انه ممكن يكون معفوس فوق وتحت مرتب ويكون لضيوف... وعلى فكرة اناخزنت الصور اللي طرحتيهم عندي حتى افرجيهم لزوجي واقنعه بأحد التصاميم اشكرك على ردك الجميل والله يبارك فيكي ويوفقك انتي كمان وكل من شارك معي ولازلت اطمع بالآراء الجميله والرائعه من اخواتي بالمنتدى |
المطبخ احس انه ضروري يكون تحت من اجل قربه للضيوف وصالة الطعام وايضا رائحة الطعامما تنتشرلغرف النوم وممكن عمل عى طريقة بوفيه صغير فوق
وفقك الله وعمر الله بيتك بالانس والمحبة والايمان |
السلام عليكم ورحمة الله وبركاته عزيزتي انا عندي نفس مشكلتك ومحتاره جدا مثلك وبنسبه لي ابغى المطبخ فوق لان اغلب وقتي في المطبخ وحتى اكون قريبه من زوجي واولادي بعتبار ان جلستنا فوق وايضاابغى مطبخ تحت اذا جاني ضيوف صعبه اخليهم تحت واروح اطبخ فوق وطبعا زوجي رافض فكرت المطبخين لكن مبدئيا اقتنع نعمل مطبخ تحت شكله حلو خشب وفوق المنيوم عادي ويكون اصغر من الي تحت بس انا بصراحه طول عمري احلم بمطبخ خشب الماني لستخدامي الشخصي يعني استخدام كل يوم مو وقت الضيوف صراحه عجزت اعمل موازنه واجد حل واتمنى من خلال موضوعك اني استفيد من الردود والقى حل لي وليك |
المطبخ الافضل تحت وآعملي لك ركن بالطابق العلوي ..
|
اقتباس:
شكرا لكي اختي .. الله يسلمك ويخليكي ومشكورة عالدعاوي الجميله واحنا وياكي باذن الله .. |
اقتباس:
يللا ان شاء الله تستفيدي من هالموضوع .. وفعلا الموضوع بحير انا حبيت اخذ رأي الجميع حتى اشوف الانسب وحلو فكرت المطبخ خشب وكتير حيكون راقي اذا كان للضيوف والله انتي مشكلتك صعبه اذا زوجك مو مقتنع بالمطبخين هو مكلف صحيح بس بالاخر الواحد يختار ويشتري راحته احسن .. تابعي الموضوع اختي ان شاء الله بتمنى اشوف المزيد من الردود والحلول المناسبة |
الف مبروك ويارب يكون بيت الهنا
انا اقولج عن التصاميم اللي عدنا بالعراق ضروري يكون المطبخ بالطابق الاسفل انا بحياتي ما شفت بيت مطبخه بالطابق العلوي !!!!!!! واذا الموقع يسمح خلي غرفة نومك ايضا تحت وحمام للغسيل حتى يد تغسل ويد تطبخ هههههههههه وغرفة لللاستقبال وغرفة للجلوس اليومي بيها التلفزيون والحاسبة والخ ..................... والطابق العلوي غرف لنوم الاولاد واذ تريدين اي شئ اني حاضرة صممت بيت اختي وما شاء الله مرتاحه بيه (لاتضنين اني مهندسة )فقط عندي افكار وعنوان موضوعك شدني كثير لان عدنا اغلب البيوت من طابقين ونظام الشقق جدا قليل المهم شايفة الخير انتي وعيالج ان شاء الله |
اقتباس:
الله يبارك فيكي وتسلمي يارب ... بس اختي حبيت اقول انه انا قررت اعمل الطابق السفلي غرف صالونات للضيوف وفيه طاوله طعام للعزايم يعني كل الدوشه تحت حتكون لو كان عزيمة واكيد فيه حمام صغير للضيوف وبالنسبه للطابق فوق فهو حيكون غرفه جلوس وغرفه اولاد وغرفه نوم ومطبخ فيه طاوله طعام صغيرة(واحنا بعدنا عائله صغيرة تتكون من 4 افراد طفلين وانا ووزوجي.. والباقي عالطريق ههههه )واذا عالرائحه الطبخ التهويه عملناها جيده جدا بحيث انه مافي اي روائح تدخل عالغرف......وبيتنا اله مدخلين رئيسين وبالنسبه لعمل زوجي فهو لايحتاج الا غرفه محاسبه او مكتب لان زوجي عمله بعيد عن كل هالمجالات ولايحتاجه اساسا.. واذا بعد عندك افكار لاتحريمينا ..في الانتظـــــــار |
| الساعة الآن 12:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©