|
أفضل طبيب نساء وولادة بمدينة جدة
السلام عليكم ورحمة الله وبركاته
أخواتي الكريمات عامة ، وأخواتي من جدة بشكل خاص من خلال تجاربكن في الحمل والولادة ، أود الاستفسار عن أفضل طبيب نساء وولادة بمدينة جدة وحبذا لو كان استشاري في السابق كنت أراجع في المستشفى السعودي الالماني ، ولكن الطبيب الذي كنت أتابع معه سافر نهائياً إلى مصر وأنا الآن محتارة أريده طبيباً متمكناً ، لايستعجل بالعملية القيصيرية ، وتكون خياطته متقنة مع الرجاء ذكر اسم الطبيب ، اسم المستشفى ، تكلفة الولادة سواء طبيعية أو قيصيرية ، تعامل الممرضات وقت الولادة أرجوكن أخواتي ساعدوني فأنا في حيرة شديدة من أمري حتى أنني لا أنام الليل من شدة التفكير وإن نمت فالكوابيس تداهمني حيث لم يتبقَ على ولادتي إلا الشيء اليسير الاطباء المعروضين حالياً : د. هشام عرب ، الأطباء المتحدون ، التكلفة : لا أعلم ، تعامل الممرضات : لا اعلم د. حسان عبد الجبار ، الاطباء المتحدون مارأيكن ، هل تعرفن هؤلاء الاطباء وجربتوهن ؟ وهل هنالك اطباء افضل ؟ بانتظاركم على أحر من الجمر ، وجزاكم الله خيراً |
اختى العزيزة سمعت عن دكتور هشام عرب يمدحوه لكن ماجربته اما عن تجربتى فانا اتابع مع طبيب مررررررررره ممتاز اتابع معه من اربع سنوات من قبل حملى الاول وايضا ولدت عنده فى مستشفى السعودى الالمانى هو دكتور (بهاء الدين حماد) استشارى نساء وولاده ولدت ولدى الاول عنده وكنت متابعه معه ما شاء الله يصبر على الواحده وما يستعجل وكمان خياطته تجميليه وفى بنتى تابعت معه لكن راح اجازة وولدت وهو فى مصر عند الدكتور( محمد حامد )فى نفس المستشفى كمان ممتاز مرره واخلاقهم عاليه وانتى على راحتك
|
اشكرك اختي العزيزة تيررا
بصراحة الدكتور بهاء كان هو النائب عن الدكتور عزام اللي كنت اراجع عنده وسافر لمصر نهائياً للاسف ومرة دخلت عنده بس مادري ليش ما ارتحت له يمكن لانه سنه صغير شوية :) بس شهادتك له خلتني اراجع تفكيري خصوصا اني حبيت الالماني كثير بسبب تعامل الممرضات الراقي وقت الولادة رغم انهم ما يخلوا احد من اهلك معاك بس هم يقوموا بالواجب واكثر صح اهتمامهم بعد الولادة لما تنادي الممرضات مو ذاك الزود بس معليش المهم وقت الولادة وطمنتيني عن موضوع الخياطة بس كم التكلفة؟ لانه اول كنا على الشركة ، اما الان فراح يكون على حسابنا الخاص جزاك الله خير على ردك عليا مررررة استفدت منه والله ربنا يعلم ربي يوفقك ويحفظ لك اولادك |
حبيبتي ليش ماتروحي لدكتورة أفضل من الدكتور يعني احس اني اخجل من الدكتورة لما تكشف علية وولادة وخياطة ووو فما بالك أخلي دكتور ...............يعني أحسها صعبة مرة في ما شاء الله كثير طبيبات ممتازات في جدة وإستشاريات معروفات فمو لازم دكتور أتمنى ماتكوني زعلتي من صراحتي لكن نصيحة خليكي مع دكتورة أفضل وأستر حكم ذهاب المرأة إلى طبيب يعالجها مع وجود طبيبة في نفس الاختصاص السؤال : ما حكم ذهاب المرأة إلى طبيب يعالجها مع وجود طبيبة في نفس الاختصاص؟ الجواب : الحمد لله " إذا كان الاختصاص واحداً والحذق (المهارة) متساوياً بين الرجل والمرأة فإن المرأة لا تذهب إلى الرجل ، لأنه لا داعي لذلك ولا حاجة ، أما إذا كان الرجل أحذق من المرأة ، أو كان اختصاصه أعمق فلا حرج عليها أن تذهب إليه ، وإن كان هناك امرأة ؛ لأن هذه حاجة ، والحاجة تبيح مثل هذا " انتهى. فضيلة الشيخ محمد بن عثيمين رحمه الله . "فتاوى علماء البلد الحرام" (ص 693) . والله أعلم الإسلام سؤال وجواب تحيـــــــــــــــــــــــاتي |
هلا حبيبتي الماسة
والله مادري نفسيا ما ارتاح للدكتورات ما احس فيهم الخبرة والمهارة اللي تخليني اطمن بس جزاك الله كل خير على النصيحة والله يجعلها في موازين حسناتك |
انا الصراحه تعقدت من الطبيبات اكثر من مره يصيرلى مشكله وكمان لناس اعرفهم بسبب طبيبات سواء توليد او اى تخصص تانى عند قريبتى لما دخلت تولد صارت للبيبى حقتها مشكله اثناء الولاده توترت الدكتوره وماعرفت ايش تسوى وخرجت تدور على طبيب يساعدها حتى مات البيبى بالرغم انها دكتوره ممتازه مثل ماسمعنا احس ما يعرفوا يتصرفوا ويرتبكوا بسرعه اذا صار طارئ وصار معى ايضا اشياء كثيره مثل كده غيركده كثير منهم لسانهم مرره طويل ومايصبروا على الواحده وقت الولاده فى ولادتى فى بنتى دكتورى ماكان فيه وكنت خلاص فى وضع الولاده الرحم انفتح 10سم ومانزلت الراس قالتلى انا بولدك قيصرى ما بننتظر ودخلتنى العمليات وقتها الدكتور وصل الحمد لله وقال لا لسه شويه وانتظرنا وبعدها بنصف ساعه ولدت طبيعى والحمد لله وفى الولاده الاولى كانت المشرفه على الطوارئ طبيبه وكانت تمر عليا واذا تالمت تعصب وتقولى ايش الدلع دا وتطول لسانها يلا طولت عليكم المهم اغى اقول انه فى الحمل الطبيب مايفحص الموضوع كله تصوير على البطن فقط اصلا اذا كنت عند طبيبه وارد انك تسوى اشعه عند طبيب ووقت الولاده مافى احد فىباله شئ ولا انتى حاسه بحالك ولا اللى حولك :29:
الاخت تالينا كان عندى نفس شعورك ان الدكتور بهاء انحرج منه لكن اولا زوجى يذهب معى ثانيا الصراحه هو دكتور اخلاقه عاليه جدددددا ومتمكن فى شغله جددا صدقينى ماراح تندمى اما بالنسبه للعمر فعندك الدكتور محمد حامد كبير بالسن وكمان ممتااااااز ......ززززاسفه على الاطاله |
انا كنت داخله اقولك على دكتور لكن تيررا سبقتني
حبيبتي انا تابعت وولدت عند الدكتور بهاء حماد الحمدلله ولادته سهله وبسيطه واخر اجهاض لي برضو عملتها عنده هوه صح صغير بس ما شاء الله اخلاق واحترام يفهمك كل شئ عن حالتك والله انا في احهاضي طفشتو من كتر خوفي وحتى خرج من عمليه عشان يشوفني وكان مهتم انه يوديني غرفه خاصه عشان الطلق عندي طول لاني كنت في قسم الولاده من جد انصحك انك تروحي عنده ما شاء الله علي محترم جدا جدا ويهتم في المريضه |
ليش ما تجربي دكتورة زي ما قالتلك اختي الماسة
اذا تبغي دكتورة انا اسمع كثيييييييييييير يمدحو في عفافا النوري في مستشفى فقيه يقولو مرة حنونة حنونة حنونة فوق ما تتخيلي ما شاء الله عليها و اذا تبغي دكتور اللي ذكرتي اساميهم ممتازين جدا بالذات حسان عبد الجبار و انتي يا قلبي قبل كل هذا افضل لك تستخيري أول لانك ما تعرفي الخير فين و الله يكتبلك اللي فيه الخير |
تاليناا
انا عن تجربه في الدكتور محمد خالد بمستشفى باقدو والدكتور عرفان والدكتورة نورما بنفس المستشفى الحمد لله ولدت مع الاتنين وبصراحه ما يتخيروا عن بعض والممرضات كانوا طيبات الحمد لله .. |
حبيتتي الله يسهلك ما في زي دكتور حسان عبد الجبار كل عايلتنا تولد عنده من زمان
الله يسهلك ويسهلي يارب |
الله يسعدكم يابنات والله ريحتوني وخففتوا عني كثييييير
تيررا تسلمي ياعيوني على مشاركتك وانا بستخير واذا تسهلت لي الروحة عنده باروح دعواتك لي والله من كثر الخوف بس اهوجس في الولادة واحلامي كل يوم من غير استثناء عن الولادة لدرجة اني لما اصحى بنص الليل اروح الحمام _وانت بكرامة_ وارجع انام اقول ياربي ابغى احلم حلم ثاني غير الولادة خلاص طفشت خخخخخ الله يذكرك بالخير يادكتور عزام ويوفقك ويسعدك فين ماكنت ، رحت وعملت لي ازمة بروحتك :( |
ياحياتي يا ام مودي
كلامك مررررررررررة مريح الله يوفقك ويسعدك ويريحك دنيا وآخرة يااااارب وماتزعلي عالاجهاض ربي يعوضك ان شاء الله واجر وعافية يارب كلامك خلاني خلاص اعقد العزم اني اروح له بس بخليها عالتساهيل اذا ربي سهلها رحت له الله يسعدك يارب ويوفقك دنيا وآخرة ويجبر بخاطرك |
هلا دودي ربي يسعدك ويوفقك ويرزقك الذرية الصالحة عاجلا غير آجل يااااااااااااارب
بصراحة دكتورات مرررررة ما اتخيل نفسي اولد عندهم جربت مو ماجربت دخلت على كذه دكتورة بس مااااقدرت ارتاح لهم ابدا ومنهم الدكتورة نورما في عرفان ما ادري ليش احسهم ماااينفعوا في الطب بصراحة احنا الحريم عاطفيات والله ونرتبك ونتوتر ومانعرف نتصرف مو زي الرجال يمسكوا اعصابهم ويعرفوا يفكروا بعقلهم ويتصرفوا انتي شوفي لو كنتي في موقف صعب اول شي تسويه تجري على زوجك تتحامي فيه بينما هو يكون صلب ومتماسك صح ولا لا ؟ انا راح استخير باذن الله بين عدة اطباء هشام عرب ، وحسان عبد الجبار ، وبهاء حماد بس انا شخصيا ارتحت للالماني مع اني ماجربت اروح لغيرها الا لعرفان بس ان شاء الله ربي ييسر الخير |
هلا رومانسية والحمد لله على سلامتك مع انها متأخرة حبتين
تسلمي حبيبتي على ترشيحك ، باستخير في الدكتور محمد خالد بس نورما نو وي مرة ما ارتحت لها سبحان الله تسلمي على مرورك العسل ياعسل انتي ******** نوني حياك الله وتسلمي على ردك حسان عبد الجبار ضمن القائمة بس كيف تكاليف المتحدون؟ سمعت انها اغلى مستشفى والله اعلم |
حبيبتى الله يقومك بالسلامه يارب ان شاء الله استخيرى والله يهديكى للخير ان شاء الله فعلا الواحده اذا اتعودت على المتابعه مع طبيب تصير ازمه لكن ان شاء الله تلاقى بديل جيد صار معى فى حملى ببنتى قبل الولاده بفتره قليله راح الدكتور بهاء اجازة وجلست ابكى وكانى ماراح اعرف اولد:30: زوجى قالى خلاص الناس تخرج للولاده بدون ماتعرف مين بيولدها يقصد بدون متابعه لان كلها تسهيل من رب العباد واقتنعت وكملت مع طبيب اخر وطلع الحمد لله ممتاز وولدت بسلام ابقى قلينا ايش صار معك وايش قررتى
|
عزيزتي ..
كل شيء بأمر الله..الدكاتره مجرد أداة تساعد.. أرمي حمولك على الله وهو يسهلها لك.. أما بالنسبة للدكاترة الأطباء المتحدون ممتازين..((كلهم استشاريين و لهم وزنهم و بيدرسوا الطب)) جربت أمال شبكشي بس زي ما قلتي الحريم تعاملهم زفت و ما يصبروا على الوحدة على طول بدهم يستعملوا مشارطهم و يسوا قيصرية.. كثير منهم لسانهم مرره طويل ومايصبروا على الواحده وقت الولاده فى ولادتى فى بنتى دكتورى ماكان فيه وكنت خلاص فى وضع الولاده الرحم انفتح 10سم ومانزلت الراس قالتلى انا بولدك قيصرى ما بننتظر ودخلتنى العمليات وقتها الدكتور وصل الحمد لله وقال لا لسه شويه وانتظرنا وبعدها بنصف ساعه ولدت طبيعى والحمد لله وفى الولاده الاولى كانت المشرفه على الطوارئ طبيبه وكانت تمر عليا واذا تالمت تعصب وتقولى ايش الدلع دا وتطول لسانها يلا طولت عليكم خياطتها في القيصري ممتازة جدا ..و من أول يوم تقدري تمشي على رجلك .. وتكاليفها في حدود 13000 ريال جربت دكتورة سماء ناظر في مركز جدة الطبي..بالها مرررة طويل ..و ما تحب القيصرية إلا بعد ما تيئس من الطبيعي..رائعة في تعاملها و كلامها طيب و ما شفت منها إلا كل خير..خبرتها 25 سنة و تدرس في الجامعة ..أما التكاليف أتصلي على المركز و شوفي أسعارهم أتوقع أسعارهم فوق 10000 ريال زوريها وشوفي إمكن ترتاحي لها..وخبرينا رايك..:) |
حسان عبدالجبار مره جريء
اختي ولدت عنده مره يستخف دمه انا ماحب الدكتوراللي ياخذ راحته في المزح والكلام مع الحريم.. شوفي عندك خالد خادوردي في المركز الدولي الطبي واذا تبغي طبيبات سماء ناظر سميره ابو راوي في المركز الدولي الطبي بالنسبه للمستشفى الدولي الطبي يمكن تكلفتها غاليه يمكن اتذكر 6 او 8 الاف بالنسبه للممرضات ما شاء الله عليهم حنونات الى ابعد ابعد ابعد حد يعاملوكي زي الاميره وحنان مافي بعده انا ولدت عند دكتوره سميره ابو راوي كويسه وطيبه تحسيها تعاملك كانك بنتها بالذات وقت الولاده وذكر الله ابدا ما ينقطع عن لساننها والدكتور خالد خادوردي كنت اتابع معاه نمو الجنين بالشهر التاسع لكن هو اللي ولد قريبتي تمدح فيه مرررررررررررررررررررررررررررررره الله يوفقك. |
تيررا فعلا خجلتيني بمتابعتك للموضوع
انا امس نمت في الليل وانا حاسة اني مرة مرتاحة للدكتور بهاء والولادة عنده قبلها بفترة كنت محتارة اولد في جدة ولا اولد عند أهلي وبحثت في المستشفيات اللي عند أهلي ولقيت احسن دكتور هو أيمن عفيفي في المواساة ونمت ذيك الليلة وانا بس احلم بالولادة والمستشفى واحلم اني محتارة وصحيت ماني مرتاحة بس امس الحمد لله صحيت مرتاحة رغم انه الولادة في جدة في بلد زوجي اصعب من الولادة عند اهلي بس انا لسه ماقررت باستخير وربي يختار اللي فيه الخير احتمال انزل موضوع بهذا الخصوص عشان لا يتغير مسار هذا الموضوع ويقفلوه المشرفين انا امس نزلت نفس الموضوع في منتدى نسائي والاغلب نصحني اولد بجدة في المكان اللي ارتاح له بعدين اجي عند اهلي نفاس بس تيررا حبيبتي بسألك الدكتور بهاء ، ينتظر عالقيصري ولا يستعجل ؟ لانه احتمال كبير اولد قيصري وانا خااايفة مرة من العملية صراحة مو عارفة اودي وجهي فين من جمايلك عليا وانا ان شاء الله باذن راح اقولكم ايش قررت في النهاية جزاك الله كل خير ياقلبوو |
اقتباس:
كلامك صحيح كله بأمر الله وسبحان الله يمكن تتابعي حملك كله عند دكتور ، ووقت الولادة يحصل ظرف ويولدك أحد غيره مالنا غير الدعاء انه ربي يسهلها من عنده والله مرة خايفة رغم اني مو بكرية بس والله في بكري ماكنت خايفة زي دحين الله ييسرها من عنده يارب 13 الف والله كثير ما اعتقد ابدا الميزانية تسمح عالعموم انا حاواصل الاستخارة وربي يختار لنا الاصلح يارب جزاك الله كل خييير ياقلبو على مرورك ربي يوفقك ويسعدك وينولك مرادك يارب |
اقتباس:
احب الدكتور راسه في الملف اللي قدامه يكتب فيه وراسه في الارض مايطالع يمين يسار :d انا عشان كده خايفة اروح لدكتور لحالي لازم يروح معايا زوجي عشان ما اترك فرصة لاحد انه يستخف دمه تسلمي ياعسووولة على مرورك والحمد لله على سلامتك يارب وعقبالي وعقبال كل الحوامل ان شاء الله |
الله يسهلك ويسهلي
ولادة طبيعيةيارب |
تسلمي ياعروسة عالدعوة الحلوة
ربي يستجيب منك ان شاء الله ويرزقنا ولادة طبيعية سهلة ميسرة يااااارب |
ان شاء الله تولدى طبيعى حبيبتى ماتقلقى بالنسبه للدكتور بهاء صبور جددددا لدرجه الاستفزاز هههههه لا لا الصراحه مره صبور فى ولدى جلسنى 18 ساعه بالولاده حتى اولد طبيعى على اساس ان اول ولاده تستغرق فتره طويله لكن ماتقلقى ان شاء الله بتولدى طبيعى بسرعه بس حبيت اشرحلك قد ايشه صبور وبصراحه من اكثر مميزاته انه ملتزم فى كلامه وقليل الكلام هههههههههههه والله سويتله دعايه لكن الصراحه يستاهلها الله يقومك بالسلامه
|
اقتباس:
وعنده قدرة تحمل انا تعب معايا مسكين تخيلي من الصبح الساعه 9 الين تاني يوم الظهر وهوه يستنى ينفتح الرحم وبعد كده شاف ابدا ما في فايده عمل عمليه مو شق بطن تخدير كامل واخراج الجنين الميت بس من جد ما شاء الله عليه افضل من حسان عبدالجبار كمان لاني رحتله وما عجبني اسلوبه ابدا روحي حبيبتي وانتي مطمنه ان شاء الله وبشهادتي انا واختي تيررا وتوكلي على الله |
اذا غيرتي رايك وحتولدي في الرياض
عندك الدكتور عبدالككريم قرملي انسان محترم الى ابعد حد طيب وحنون جدا جدا ولا يستخف دمه مع الحريم وشغله تمام انا جربته وبصراحه مره ارتحت له. |
يااااااااارب يسعدكم ويفرج همومكم وينولكم مرادكم يارب
والله كل ما افتح هدا الموضوع واقرا ردودكم ارتاح ولاشعورياً تلاقيني ابتسم وانا مبسوووطة الله يسعدكم يارب ويوفقكم ويرفع مراتبكم ويريحكم زي ماريحتوني شكلي خلاص بروح للدكتور بهاء ، اكتشفت انه غلط الانسان يبني قرار على اول انطباع انا دخلت له مرة وحدة وكنت لوحدي صراحة هو ما قل ادبه ولا حاجة بس انه كان يتكلم عادي كنت في الشهر السابع وقال لي تراها بنوتة قلت بنوتة؟ قال انتوا ماتدروا الين دحين ؟ معناته لسه ما اشتريتوا اغراض البيبي !! يمكن كلام عادي بس انا ما حبيت انه يفتح معايا هرجة معقدة مرة صح خخخخخخخ بس انا بروح له ان شاء الله مع زوجي واعتقد بما انه كان النائب عن الدكتور عزام معناها الدكتور عزام يثق فيه وفي قدراته الطبية خلاص بروح ان شاء الله مرررة حمستوني الله يوفقكم ويسعدكم يارب ويبارك لكم في ذرياتكم نفسي اروح له دحين ، يمكن اعرف اللي في بطني ايش خخخخخخخخ بس لسه ما راح اروح الا بعد اسبوعين وان شاء الله ارجع من عنده وابشركم باللي يحصل معايا الحلو في الالماني انه ماعندهم زحمة كثير بالذات الاطباء صح؟ افتكر دكتور عزام ماكنت استنى اكثر من نص ساعة ويجي دوري طمنتووووني يابنات ربي يجزاكم كل خير لانه انا عندي الجنين لسه ما اتعدل لسه راسه فوق وما ابغاه يستعجل لي بالعملية بس صراحة يا تيررا 18 ساعة كثييير انا لو منك اصرخ واقول ابغى عملييييييييييييييييييييييية :d وانتي كمان يا ام مودي من الصباح لظهر ثاني يوم يعني كم ساعة ؟؟؟ يالهووووي شكلي انا اللي مو صبورة مو الدكتور :d طيب يابنات عارفة اني طفشتكم ،،، بس كيف الخياطة ؟؟ تمام؟؟ تعرفوا اول ولادة تكون الخياطة حلوة ،، بس بعد كده لازم الخياطة تكون تمام وتعتمد على شطارة الدكتور ... الله يسعدكم يابنات ويفتحها في وجهكم دنيا وآخرة |
هلا بيك كريستالا
لا خلاص شكلي قررت اولد عند زوجي ،، صح الاهل نعمة ووجودهم جنبك في ولادتك ومساعدتهم لك له دور كبير بس كمان وجود الزوج معاكي له بعد نفسي غير البعد الجسدي مادري اتوقع انه الراحة النفسية مهمة جدا وخايفة اولد عند اهلي وزوجي مايلحق يجيني بسبب عمله او اي سبب آخر وبكده انا متأكدة انه نفسيتي راح تسوء اكثر بس راح احط الدكتور عبد الكريم ضمن القائمة ، بس ماقلتي باي مستشفى ؟؟ تسلمي على مرورك ياقلبووو |
طيب الحمدلله انك قرر تولدي عنده باذن الله
والله انتي قلتي حاجه انا كنت ابغى اقلك عليها انه مواعيده مو زحمه لانو اغلب الحريم بيولدو عند دكتورات واطمني حبيبتي الخياطه ما شاء الله تبارك الله روووووووووووووووعه واذا تبغي تسجلي ولادتك ترى عادي انا لمن ولدت عنده صورة ولادتي والله احساس مره حلو لمن اشوفها لحظة ولادة بنتك لحظه ما تتعوض وربي يقومك بالف سلامه ان شاء الله وانا استنى عليا الدكتور قبل لا ادخل عليه 31 ساعه وكل شويه يجي ويتابع الحاله والله حتى في بداية ولادتي نزل مني نزيف وانا اتفجعت وكلمته وهو بالبيت وقالي روحي الطوارئ ورحت ورسلي دكتورتين طبعا مو اللي في الطوارئ من اللي يجلسو في قسم الولاده وتابع معايا ما شاء الله تبارك الله عليه وعقبال تقوميلنا بالسلامه |
لحظة ام مودي مافهمت كيف اسجل ولادتي؟؟
يصوروها يعني؟؟ وايش يصوروا بالضبط ؟؟ يصوروا الشوشة وهي طايرة وانا اصرخ خخخخخخخخ والله نفسي اخلي زوجي يحس بمدى معاناتي في الحمل والولادة عشان يصير حنون معايا ،،، شريرة صح :d بس في الالماني مايخلوا احد يدخل معاك حتى وقت الطلق ماخلوا احد يدخل الا خمسة دقايق جلست معايا امي بعدين خرجت اما زوجي مرة ما رضيوا يخلوه يدخل صراحة كل اللي قلتوه خلاني اتشجع اروح له وبقوة وانا متطمنة اصلا والله حاسة ولادتي مرة قربت حاسة انه هدا شهري رغم اني لسه بالاسبوع الثلاثين وفعلا كل الحريم اسمعهم يرورحوا لدكتورة تشكر صراحة ام مودي ما ادري فين اروح من جميلك ربي مايحرمني منك ويوفقك ويسعدك ويحقق لك كل اللي تتمنيه في حياتك يارب |
حبيبتي انا كانت ولادتي قيصري عشان كده صورتها
بس لو كانت طبيعي ما اتوقع اني راح اصورها وتصدقي والله لمن زوحي شاف العمليه حس بمعناتي اكتر معاك حق في الطبيعي ما يخلو احد ابدا يدخل انا كنت فيها لحالي لمن كنت استنى الطلق يجيني والممرضات مره حنونين اكتر من الدكاتره نفسهم حتى الدكتور قعد يضحك لمن دخل عليا لان حزنت عليا الممرضه وقفلت لي النور والستاره عشان انام وربي يولدك بالف سلامه ان شاء الله بالنسبه لتشكر انا كنت اتابع عندها في اول حمل ليا وما ارتحت لها لانو اول حمل وماكانت تفهمني شئ كل اللي تعمله انها تقيس وزني تشوف الجنين وتعطيني الحبوب وبس حتى ما انتبهت انو بنتي كانت مقلوبه زي حالتك ولاكنت اعرف ايش معناته ولاحاجه ما انصحك فيها لانو اخلاقها ضيقه ممكن اللي متعود عالولاده اكتر من مره يروح لها بس زي حالتك ابدا لا تروحي في عفاف كمان حنونه وشيجان بنت خالتي ولدت عندها تقول مره ما حست بشئ حبيبتي احنا اخوات وانا حاسه فيكي لانو كانت بنتي زيك واول حمل وكنت خايفه ربي يتمم لك بخير ولا تشيلي هم واقراي القران وامسحي على بطنك |
الله يسعدك يارب ويريح خاطرك دنيا وآخرة والله ادعيلك من قلبي يا ام مودي وقفتك معايا ماراح انساها ابدا
وباذن الله اول وحدة ابشرها بولادتي هي انتي وعاد استناكي تجيني وجيبي معاكي الهدية :d |
اقتباس:
|
السلام عليكم اخواتى الافاضل عايزة اراسل دكتورة لميس ومش عارفة اعمل اى حاجة دلونى اعمل ايه لانى تعبانة جدا
ولكم منى جزيل الشكر اختكم ام سارة |
اقتباس:
الله يسلمك ويبارك فيك.. د.سميره ابو راوي اعتبرها (أم) بمعنى الكلمه.. يعني تحسي انك بتتعاملي مع امك.. بالنسبه للخياطه انا بكريه وخيطتلي بس بصراحه ماعرف ايش سوت تجميلي او داخليه او خارجيه:29: بس اعرف انها خيطت وبس وانا ما سالتها ايش نوع الخياطه لانه الى وقت الولاده وانا احسب انه الخياطات كلها وحده :) بس الان مر على ولادتي 5 شهور احس الحمدلله كله تمام ماشاءالله فما اعرف هل هو بسبب اني بكريه ولا هي الخياطه كويسه.. لما جاني الطلق رحت على المستشفى وكان يوم الاجازه حقها يعني ما كانت مداومه ذاك اليوم ..فجاتني دكتور مناوبه وقاستلي الرحم لقته 4 سم وقالولي خلاص بداية ولاده ومافي نص ساعه الا لقيت الدكتوره سميره جايه من بيتها وبقيت معايا من الساعه 3 العصر اليييييين الساعه 1 بالليل بكل صدر رحب وذكر الله ما راح من لسانها وكانت مشغله القران في غرفة الولاده طول الوقت.. على فكره انتي لما تراجعي عندها اول مره رح تقولك موظفة الاستقبال انه د.سميره ابو راوي لها اتعاب خاصه على جمب غير حساب المستشفى..وحسب ما اتذكر كانت الف وزياده او الفين.. وكمان بعد الولاده كل يوم تمر عليك بالاضافه الى دكاتره ثانيين ..ويوم اجازتها كمان جاتني والله بعبايتها زوجها جابها عشان تمر على مريضاتها المنومات ..يعني بصراحه مهتمه مش خلاص ولدتني وخلاص نسيتني.. بصراحه تجربتي مع هذي الدكتوره وهذا المستشفى كانت جيده جدا بتوفيق وتسخير من رب العالمين.. الله يسهلك امرك ويسخرلك عيال الحلال.. |
اختي هتون الهتان
ساضطر الى اغلاق الموضوع لانه قديم ... اذا عندك اي استفسار او تساؤل اخر ارجو وضعه في موضوع مستقل في قسم النسائيه والتوليد.. تحياتي.. |
| الساعة الآن 02:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©