|
أشعر بالوحدة والملل بعد سفر اخواتي
بســـم الله الرحمــن الرحيـــم لا أعرف كيف أكتب لكم ...لذلك سامحوني على عفويتي في الكلام أشعر بالوحدة الشديدة .......صرت طول الوقت احس بطفش وملل حتى المنتدى من زمان مادخلته افتقد وجود أخواتي وجلستهم معاية وسهرنا وحكاوينا كنا دائما نجتمع كل أسبوع يوم الأربعاء في بيت أهلي ننام سوا في غرفتنا اللي مازالت موجودة بلونها الوردي ونصحى الصباح نفطر سوا ونسوي القهوة والحلا ونجلس مع ماما وبابا وأخواني ضحك ومزح ونصايح ولعب كان بابا الله يخليه لنا كل خميس بعد صلاة الظهر يخرجنا نتغدى بره مرة مطعم ومرة عالبحر وفي الليل نسمر سوا نلعب الأونو والكيرم ..............أشيــــــــاء كثير نسويها بعد صلاة الجمعة كل وحدة تتوكل مع زوجها والحمد لله وماشاء الله لا قوة إلا بالله طبعا من شهر شعبان اللي راح افترقنا كل وحدة بعدت حسب عمل زوجها وماكنا نشوف بعض دايما خاصة اختي اللي سافرت لأمريكا تدرس مع زوجها ومن بعدها اتغير كل شي كل مايجي يوم الأربعاء احس بغصة في حلقي وتدمع عيني من إشتياقي لهم أشوف الجرس وأقول ياااااااااه من زمان ماسمعت دقت أخواتي لما يجوا أنزل لأهلي وأجلس معاهم أنا وأخواني الإثنين الله يخليهم لي بس الكلام قل والمزح خف والضحك مو دايما نتذكرهم ونقول متى نجتمع مرة ثانية اليوم كل ما أكلم أحد من صديقاتي أو بنات أعمامي وأسمعهم مبسوطين ومجتمعين ماشاء الله لا قوة إلا بالله الله يحفظهم جميعا ويبعد عنهم كل شر اتذكرت أخواتي وجلست أبكي بكاء فضييييع من شوقي لهم زوجي يقول خلاص والله الآن اتصل فيهم يكلموكي بالماسنجر وتشوفيهم رفضت ماأبغاهم يحسوا بالوحدة لأنهم بعيد عنا أحس بملل فضيييع وأكره يجي آخر الأسبوع...صح أخرج مع زوجي وأولادي ونتمشى ونغير جو لكن أشتاق لذيك الأيام أنا وأخوتي كلنا مع بعض أروح مثلا لمطعم أشوف الطاولة الكبيرة اللي كنا نجلس عليها أنا وأهلي وضحك وكلام ونصايح من أبوية الله يخليه ولا لما يخاصم وحدة فينا ولا لما نتضارب ونرجع سبحان الله من وقتها مشتاقة مشتاقة مشتاقة لكم ياأخواتي والله نفسي في جمعتنا ترجع زي أول باقي ثلاثة شهور بالضبط ويرجعوا عشان اجازتهم وانا اعد الأيام والليالي على نار اتمنى بسرعة تجي ماأدري اقول في نفسي المفروض هم اللي يتعبوا أكثر مني لأنهم بعيديدعن كل أهلهم بس أحس إني ماأتحمل وأشتاق لهم البارح جلست مع ماما ونشرب القهوة وجابت لي حلاوة واتذكرنا أخواتي يحبوها مرة وجلست ماما تبكي وأنا أهدي عليها وأقول خلاص هانت 3 شهور وهم عندنا وأنا في قلبي نار يغلي كفاية إني احس بالتعب والألم وانا اتعالج الآن بالرقية وكل يوم الم في مكان بجسمي والحمدلله سامحوني ان قلبت على بعضكم المواجع ......لكن حابة اسأل كل مغترب هل تحسوا بالإشتياق لأهلكم يعني افهموني هل تتذكروا الأيام اللي قضيتوها مع أخواتكم وأخوانكم وتشتاقوا لها ولا الغربة مع الزمن تنسيكم بعضها؟؟؟؟؟ ثاني شي ياليت تنصحوني كيف أصبر ماما والله تقطع قلبي لما أشوفها حزينة وحابسة الدموع في عينها وتقولي نفسي احضنهم دعواتكم لي بالشفاء العاجل وأن الله سبحانه يجمع شملنا قريب جميعا أتمنى إني ماأثقلت عليكم وسامحوني على الإطالة وكلامي اللي مو مرتب وجزاكم الله كل خير |
ماشاء الله تبارك الله
الله يشفيك ويعافيك ويرد لك اخواتك سالمات غانمات ويصبر امك ماشاء الله تبارك الله الله يجمع شملكم ويرزقنا يارب تالفكم ومحبتكم :) |
أهلين ( الماسة )...
تقولين (سامحوني ان قلبت على بعضكم المواجع)>>>>> لا مواجع ولا شي مواجعي فيني ما تشرق شمس وتغيب إلا وأذكر أولادي الله يحفظهم( الذين لا أراهم إلا مرتين في السنة أيام معدودة فقط ) والباقي لك أن تكمليه من الألم ...!! لاتشيلين هم عزيزتي كل شي الأيام والزمن كفيل أن يُهدأ منه !! الله لا يفرقكم... ويسعدكم دوم يارب.. |
قلبتي علينا المواجع الله يسامحك
شو تقولي ٢٠ سنه غربه كل اللي شفت اهلي فيه ما يطلعو ٩ شهور متفرقه شو اقول انا او امي ولم يكن هناك تلفونات مره كل ثلاث شهور ٢٠ دقيقه فقط بعد سبع سنين اول مره شفت امي وابي احضرهم زوجي جلسو عندي شهران وعشرة ايام فقط ١٠ سنين تشفت اخي ومن ثم بعد ١٢ سنه شفت اخوتي الباقين والله اقرأ موضوعك وانا ابكي انما الآن نصيحه استغلي هذا الوقت بانك تعوضي امك غياب اخواتك اذا انتي اختهم وتقولي هيك فما بالك بقلب الام عوضي اولادك الحنان وافرحي بالخروج معهم عوديهم انو يحبو بعض مثل ما انتي تحبي اخوتك الله يقربب البعيد تصوري كنت دايما اتشوق لامي ووقت رأيتها كنت اكره النوم لانه حيفرقني عن امي وابي الآن بنتي بعيده عني قليلا ووقت لاقيتها وغمرتها احسست بالاغماء وامي لاحظت هالشي وسألتني : كيف اللقاء ايو اصعب فراق الام ام البنت ؟؟؟؟ مع انو الاثنان صعب والله انا كتبت حتى تحسي انك مش لوحدك |
الله يهديك بس قلبيتي الموجع والله وانا اقرا ء موضعك بكيت تذكرات اهلي انا بعيد عنهم تقريبنا 800 كيلو
وكيف امس واليوم كلها بكى وشفت موضعك وكملتها تقرين اهلي ماشوهم الى 3 ا4 اشهر اذا تكرم زوجي كل شهرين ولا تبيني لاامك انك مشتقه لاخواتك الله يجمعكم عن قريب على خير ويارب يشفك ويشفي مرض المسلمين |
اقتباس:
بارك الله في على دعواتك الطيبة ولك مثلها وجزاك الله خيرا شاكرة جدا لمرورك العطر تحيـــــــــــــــــــــاتي |
اقتباس:
يااااااااااااربي ياشيهانة الله يعطيكي لين يرضيكي على صبرك أقسم بالله بكيتيني لا حول ولا قوة إلا بالله الله يرد لك أولادك ياغالية ويفرحك بلقائهم ولا يحرمك من شوفتهم حولك طول العمر سامحيني ياغاليتي لكن بدعيلك من كل قلبي الله يسعدك ويوفقك ويحقق أمانيكي جزاك الله خيرا لمرورك حبيبتي |
اقتباس:
بجد والله قلبت عليكم المواجع سامحيني ياجرييين أرجوكي سامحيني يارب يعطيكي على صبرك وتحملك الفراق ويجمع شملكم جميعا انتي واهلك واخواتك قرييييب ياجرين بإذن الله إلا فراق الأ صعب صعب وحتى فراق الأولاد بس لك أجر ياجرين لأنك ماشاء الله لا قوة إلا بالله تحملتي كثير وهاهي ثمار صبرك بديتي تشوفيها وتسمعيها الآن باقي يلتم شملكم وتفرحينا انتي وأختي شيهانة وكل مغترب وبعيد عن أهله تعرفي لأني اتعودت من يوم اتزوجت واتزوجوا بعدي واحنا نجتمع كل اسبوع شوفي ماشاء الله تسع سنوات وهاذي السنة تمر علية كذا ملل وفراق ومشتاقة لهم كثيييير الله يصبرك ياأمي ويسعدك بشوفتهم يارب بجد لما أشوفها تبكي احاول اجلس معاها دايما أو نطلع سوا نتمشى أنا وهي عشان تغير جو لكن رغم كل شي الأم لا يمكن تنسى ضناها جزاك الله خير ياغاليتي جريين وسامحيني مرة ثانية مشكورة لمرورك حبيبتي تحيـــــــــــــــــــــــــاتي |
نقل إلى مكانه المناسب ..
وفقكم الله . |
اقتباس:
الله يسعدك ياأم جمون ويجمعك في اهلك قريب والله حزنتيني ياقلبي معقولة كل 3 إلى 4 شهور ماتشوفيهم يعني المسافة مو مرة ذاك البعد لكن ماألومك مشاغل الوحدة مع زوجها وأولادها صعب السفر كثير سامحيني ياغالية ان بكيتك أو حزنتك ارجوكي سامحيني إن شاء الله تفرحينا بقربك منهم يااارب ياحبيبتي تحيــــــــــــــــــــــــاتي |
اقتباس:
جزاك الله خيرا مراقبتنا الكريمة تحيــــــــــــــــــاتي |
بقولك شئ يام غانم يمكن مايعجبك دوام الحال من المحال وكلنا كنا كذا مع اخواني واخواتي اولادنا صغار ومسؤؤلياتنا قليله الحين اخواني كلهم بالرياض عندي ومانشوف بعض الا بالاشهر كبروا اولادهم وانشغلوا بمشاغل الدنيا احيانا اتذكر ايامنا وتنزل دمعتي لكن اشوف ان هذا حال الدنيا ان لم نفترق اليوم سنفترق غدا ولا يمكن تعود الايام الخوالي ممكن تجتمعوا مره ثانيه لكن صدقيني بيكون كل واحد منكم بخاطره هم وباله مشغول الحمد لله علاقتكم مع بعض طيبه الله يديمها عليكم اهم شئ والديك ادخلي السرور لقلوبهم وعيشي وقتك وابسطي زوجك ترا ماباقي لك بهالدنيا الا هو واولادك الله يحفظهم |
اقتباس:
كلامك صح ياأم بدر شوفي كل واحد في همه وفي دنيته مشغول بعمله ودراسته لكن أنا أحب اجتماعات الأهل والأخوات أحسها تقرب القلوب من بعض أكثر وأكثر في كثير ناس إالى الآن رغم انهم مزوجين بناتهم وأولادهم لكنهم مع بعض ومايغيبوا أبدا عماتي الله يحفظهم ويخليهم لي كل أربعاء من العصر إلى الليل عند أمهم بأولادهم وبناتهم وأحفادهم ما شاء الله لا قوة إلا بالله ماتغيروا ولا غيرتهم الأحوال وأمور الدنيا صعب ياأم بدر أعيش أنا وأخواني في مدينة وحدة وماأشوفهم إلا بالأشهر ليييش؟؟ مو معقولة ياقلبي مافي يوم واحد فاضي نجتمع فيه بس لو واحد يتحرك ويبادر الكل بيوافق صدقيني الله يخلي لي زوجي وأولادي والحمد لله مرتاحين وشوفي ابو غانم كل أربعاء يروح لعمتي وأخواته يشوفهم الله يسعدهم أما أنا فأفضل إني أجي لأمي يومها عشان ماتحس اني حتى أنا بعدت عنها صح الدنيا مشاغل والأولاد لكن مايمنع اننا نعود أولادنا على صلة الرحم ليش الناس اتغيروا يا أم بدر ...........نفسي ألقى جواب .....هل تهون عليهم العشرة .؟؟؟ دعواتك ياأم بدر وإن شاء الله ربي يجمعكم إنتي وأخوانك داااااااائما على خير ويهديهم ويصلحهم لك مشكورة ياقلبي وجزاك الله خير |
اقتباس:
قلبتي المواجع يا الماسه نفسي انا كمان القى الجواب |
اقتباس:
للأسف ياقلبي الناس ماعاد يهتموا يتقابلوا ويجتمعوا مو لهاالدرجة الناس مشغولين كثير مننا نجلس ببيوتنا وماعندنا شغلة ليش مانستفيد ونزور أهلنا أخواتنا أقاربنا ...........صلة الرحم ليش الناس ناسيتها سامحيني ان قلبت عليكي المواجع ياقلبي بس بجد ليش الناس تتغير المفروض نقرب من بعض أكثر الدنيا زايلة ومايمر يوم إلا وتسمعي واحد توفاه الله فجأة خلص عمره وهذا قدرنا جميعا لكن اش بيبقى لنا في هاذي الدنيا غير الذكرى الحسنة من الناس يفتقدونا ويدعولنا دايما ويتذكرونا في الأوقات الجميلة اللي تمر عليهم هذا اللي أقوله لأخواتي الغربة صعبة وكربة لكن ماتمنع انك تزور اهلك بين فترة والثانية ...صح ولا لأ؟؟؟ مشكورة حبيبتي على مرورك العطر جزاك الله خير تحيـــــــــــــــــــاتي |
ولا يهمك يا الماسه
مع الاستغفار المواجع تتحول لاجر باذن الله بلنسبه لموضوعك اختي انا ارى ان والدك باسم الله ماشاء الله تبارك الله غرز فيكم هو والوالده محبه الاخر و الترابط الاسري وما تشعرين فيه الان امر وقتي و باذن الله تعودو للمه والقرب وصله الرحم والدتك هونيها عليها وذكريها بانكم احسنتم التربيه و انكم هي والوالد لكم الكثير من الاجر على ما يقومون به خاصه وانكم متزوجات ولكم بيوتكم انهم يحافظون على قربكم يتطلب ان تكون معاملتهم حسنه مع ازواجكم و اولادكم و ازواجكم ايضا طيبين يقدرون ان لقربكم من اهلكم اجر واولادكم ينشاو على صله الرحم هذا شئ جميل ان شاء الله ترجع ايامكم جميله و تزوجو اخوانك وتفرحو بيهم خليها تفكر بزواجهم شي حتى يتوزع اهتمامها و اذا همه صغار تهتم بامتحاناتهم اختك رايحه حتى تكمل دراستها و الوالده محتاجه ايضا تهتم باخوتك الاولاد هم الاولاد كبير كان الله بلعون بلنسبه لتغير الناس يا اختي الناس تتغير لان النفوس تغيرت و الماديات و المصالح اصبحت تحكم تصرفات الناس الي ابتعدو عن تعاليم ديننا الحنيف وسنه نبينا ولا حول ولا قوه الا بالله الله المستعان |
الله يفرجها علينا وعليك..والله اكتبلك ودموعى نازله
هذه حال الدنيا ويجمعنا بالاهل والاخوان يارب |
اقتباس:
الله يسعدك قلبك يالغربة مره والله صدقتي الغربه جدا مره وكربة الحمد لله الوالد والوالدة الكل يحبهم لأنهم مواصلين الناس ومايقطعوا الرحم أبدا لدرجة حتى لو وحدة فينا ماقدرت تروح مع زوجها لقريباتنا الكبار في السن أبوي بنفسه يوديها تزورهم صحيح هذا اللي عودونا عليه الله يحفظهم من كل شر تمنى ترجع أيامنا وأشوف أخواتي حولنا مثل أول يااااااااااارب جزاك الله كل خير لمرورك وإهتمامك وربي يقربك من أهلك إن شاء الله تحيـــــــــــــــــــــاتي |
اقتباس:
سامحيني حبيبتي الله يقربك من أهلك وتشوفيهم دايما حولك صادقة ياقمر هاذي حال الدنيا والحمدلله جزاك الله خير حبيبتي تحيــــــــــــــــــــاتي |
أختي ألماسه
كلامك لامس وجداني أسأل الله أن يجمع شملكم و أن يحفظك و عائلتك |
|
اقتباس:
غاليتي أطيـــــــــاف يارب يسعدك ويوفقك ويحقق أمنياتك ياقلبي دعواتك فرحتني كثير يااارب يستجيب لي ولك الله يبارك لك ويسعدك داااائما في حياتك جزاك الله خيرا تحيــــــــــــــــــــــــاتي |
اقتباس:
اللهم آميـــــــــــن يارب يسعدك ياأم جمانة دعواتك مانستغني عنها ياقلبي ولك مثلها حبيبتي ربي يحفظ لك أولادك ويصلحهم لك وتقر عينك فيهم ويجمعكم إنتي وأخواتك على الخيـــر دائما خلاص فكرة حلوة كل أسبوع بجيكم .......ربي يسعدك ياقمر جزاك الله خير تحيــــــــــــــــــــــاتي |
| الساعة الآن 07:26 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©