|
خطيبي قليل الاتصال
السلام
انا مسجله في المنتدى وابغى منكم المشووورة والنصيحه زوجي يدرس في امريكا وانا ليست ذات بياض >> حنطيه وليست ذات جمال يسحر << عآدي خطيبي اول ماملكنا كان يحب يسووولف كثير وهو طبعه يسوولف كثير ولكن الآن وبعد مرور تقريبا خمس شهور على ملكتي تغير واذا قلت له سوولف يقولي انا مستمع مش عارفه شنوو اسوي واذا يوم مااتصل اتصل عليه ونسولف عشر دقايق >> هذا اذا كثرنا واذا ماتصلت عادي اهوو مايتصل ولايهتم يعني قهر كذا ... ممثل اليووم عندهم السبت يعني اجازه مايكون عنده عذر اختبار ولاشيء والله وانا ادموعي على خدي مو عارفه شنو اسوي ابغى حل بغاه يرجع مثل قبل شلون مدري الاشراف : عذراً تعديل بسيط في العنوان., بالتوفيق |
شوفي ابعطيك نصيحة خذيها من اخوك الكبير الرجل بطبعه ملول لايحب المراءة التي تلاحقه في كل مكان وتتصل عليه في كل وقت خليك ثقيلة ورزينة هذا يزيد من محبته لكي لكن ليس كل البعد كما أوصى احد الحكماء ابنته حين زواجها قال يوصيها يا بنيتي لاتقربي منه كل القرب فيملك ولاتبعدي عنه كل البعد فينساك |
عن تجربه .. أول شهور تكثر سوالف الرجل ويكثر الكلام المعسول منه لأنه يبغاكي تعرفيه أكثر .. ويبغى كمان يجذبك له ويخليكي توقعي في غرامه .. وبعد مايتم المراااااااد تقل الاتصالات لأنه يشعر إن مهمته انتهت .. ويبدء ينتظر هو إنك تلاحقيه بالاتصالات والكلام الحلو والعتاب كلما غاب .. ويستمتع بالوضع لأنه يشعر هكذا بلهفتك وشوقك .. ومن ناحيه ثانيه .. الوضع هذا طبيعي جدا بحكم إنكم بعيدين عن بعض .. غالبا الخطيب يجتهد في إظهار رومانسيته لخطيبته مو عشان إنها أجمل أو أصفى بشره من غيرها .. وإنما لأن له لهدف معين في راسه وهو إنه يتحصل منها على متع حسيه .. يعني قبلات واحضان وماإلى ذلك .. وهذا بحكم اللقاءات والزيارات المتكرره .. إما الخطيب البعيد وش بيستفيد ياحسره لو اجتهد في الكلام المعسول والاتصالات ؟!! لاتنصدمي :eek: ترى هذا هو تفكير أغلب الرجال !! |
اقتباس:
الله يبارك فيك كلام عين العقل بس فضحتي الشباب:29: |
ربما شايف انه الفاتورة بتطلع غالية الثمن و حابب يوفر شوية فلوس
لا تحسسيه انه الاتصال عليكي واجب خليه على راحته و حاولي مع الوقت تستنتجي السبب هل هو مادي فقط من أجل الفلوس و لا حبه لك فتر ؟ |
اقتباس:
:d :) :d .. أنا تحدثت عن تجربة شخصيه لأني عشت معاناتها لمدة أربع سنوات بحكم إني كنت في بلد وزوجي في بلد اخر .. وكنت في تلك الفتره في حاله نفسيه يرثي لها لأنني فقدت الثقة في نفسي وفي جمالي .. ولولا هذا المنتدى ماكنت فهمت كيف يفكر الشباب في هذه الفتره .. ولا كنت علمت ابدا بمايحدث بين العاقدين من أمور خصوصا وأني لم أجرب منها شيئا طوال فترة عقد قراني .. ولكنت بقيت أعاني للآن من أفكاري السوداء :( .. وأظن بأن الخطأ والنقص مني أنا !! |
اشكركم حبايبي على ردودكم المفرحه
بس احب اقولكم اهو مش على الفلوس لان دايم نتكلم بالمسن او الماجك جاك طيب ممكن كلمات بسيطه حلوه اقولها له علشان مابي حبنا يكون كذا |
أعتقد هذا شيء طبيعي ..
الرجل بهذي الطريقة يسعى لسماع كلمات الحب الغرام منك .. طبيعي جداً اللي حصل .. يمكن كان متوقع نسبة معينة من الحنان والمشاعر وووو .. فما وصلتي لهالنسبة اللي بده ياها .. فالآن هو تفكيره إنه بهذي الطريقة يدفعك للكلام والتعبير ووو .. فإنتي أظهري له حرارة عالية من المشاعر + كلام معسول وغرامي وووو بالطريقة اللي يحبها .. والنت مليان مثل هذي الأمور .. والله يوفقك دنيا وآخرة .. |
أولا أختي الكريمة كوني واثقة من نفسك
والأمور الجمالية نسبية بين الرجال وليس كل الرجال يفضل البياض وما شابه فلا تقللي من شأن نفسك بالنسبة لقلة المكالمات بعض الأزواج لا يود الاستعجال في فتح كل المواضيع بل يجعل نصيبا منها لما بعد الزواج وبعضهم يخشى إطالة المكالمة على الدوام لئلا يصيب العلاقة شيئا من الفتور والملل وبعضهم يتعمد الإطالة بداعي أن الغياب باعث على تجديد الحنين والشوق وربما - أقول ربما - لا يطيل المكالمة نظرا لرسوم الاتصال الدولي |
السلام عليكم ورحمة الله وبركاته...
أعانك الله أختي العزيزة ووفقك لكل خير.. عزيزتي حسب تقديري المتواضع أتوقع بأن تصرفات زوجك تندرج تحت سببين لا غير: أولهما أنه قد أصيب بالملل من علاقته بك أو أنه يتعمد عدم الإهتمام بك كي يحس بما تشعرين به اتجاهه وأن تتفنني في التعبير عن حبك وشوقك له ولهفتك عليه... وبدهاء الأنثى يمكنك أن تعرفي أي السببين هو الصحيح..:d تحياتي |
اقتباس:
كلامك فيه شيء من الصحة لكن مانقدر نحكم ان زوجها بهالشكل يمكن مل من المحادثات علىا لمسنجر .. لان البنت بكل بساطة ماتبادل الحديث .. مجرد مستمعة .. او بس ترد على قد السؤال .. وماتصير تسولف وتحكي له كثير .. تخليه يندمج معاها ممكن ماتسمعه كلام حلو ؟ انا اتكلم كثير .. وخطيبتي تستمتع يوم اتكلم معاها بالتلفون .. بس لاحظت انها ماتتكلم كثير بحكم انها خجلانة شوي .. المكالمة بينا مدتها اكثر شي ساعة .. بس لو كانت تحكي .. كان وصلت المكالمة لمدة 3 ساعات وصرت الحين اقولها بطريقة لينه وعلى مزح ان لازم تحكي .. واعطيها اعذار وكل شي مرات اتكلم عنها واجاوب عنها حتى .. وترى اصعب شي اذا قلتي حق شخص كلمة " سولف " او " احكي " .. كيف يبدأ ؟ انا عن نفسي انسان اقدر اتكلم في 600 موضوع في الدقيقة .. لو حد قالي " سولف " ماعرف شو اقول واذا الشخص ماتفاعل معاي كثير.. ان يتكلم اكثر واكثر.. خلاص بسكت ومايصير في شي اقوله لان مايساعدني بالكلام تحياتي |
اشكركم على ردودكمـ
اخي الفهدي : الكلام اللي تقوله هذا انا وخطيبي قبل زي كذا بس بعد ماتعودت وجلست اسولف معه يسكت اقوله سولف يقولي انا مستمع يقهرني اذا قال كذا .. والا خت اللي تقول انه ماييبقى يسبق الاحداث الا بعد الزوااج احنا سووولفنا مع بعض زي كذا في كل شيء وفي اشياء ماكنت اعرفها وعلمني ... اشكركم مرة اخرى ... سؤال للي بالخارج هل خطيبي قليل اتصاله بي لانه المواد صعبه عندهم ؟؟ |
| الساعة الآن 03:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©