|
ساعدوني في حل مشكلتي الله يرضى عليكم !
السلام عليكم ورحمة الله وبركاته
في البداية أحب أقول يمكن البعض يشوفها مش مشكلة بس بالنسبالي مشكلة لأنها شاااغلة بالي 24 ساعة بشكل ماتتصورونه وهذي هي المشكله!! اخواني وخواتي أنا بنت عمري 22 سنة رحت من اسبوع قدمت على وظيفة واللي قابلني شخص كبيييير قصدي يعني منصبه كبيييير.. يمكن هو عمره بين 33 الى 36 من شكله .. شكله عااادي جدا.. بس من سوا لي المقابلة حسيت انه انساان فاااهم ومحترم كثييييييييييير..ويقدرني ..وأنا هذي أول مرة أجلس مع رجال غريب وكنت كثيييير مستاءة من الوضع ومستحية ومفتشلة.. وباختصار كان محور حديثنا عن الشغل وسألني كمن سؤال .. ووضحت له اني ما احب شغله معينه ونصحني هو بعد اني ابتعد عن هاي الشغله.. وبسس سألني عن اسمي واخواني وين يشتغلوأ..وعن المنطقة اللي ساكنه فيها .. ابصرااحه أنا من يوم طلعت من عنده كله أفكر فيه وأفكر انه بيخطبني >.< :d و24 ساعه افكر فيه ..مرات استغفر ربي وأقول مب زين اللي تسوينه يمكن الريال متزوج .. صرت كله سرحااانه فيه وأتذكر الكلام اللي صار بيني وبينه وشخصيته القويه وتعامله معاااي.. با ختصاااااار اتمناااه زوووج لي.. انا جوا يخطبوني كمن مره بسس ما يصير نصيييييب.. حلووووووووووووووووووووول المشكله شاغله بااالي كثييييييييييييييييييييييييييييييييييير [info]تم تعديل العنوان[/info] |
يؤيؤ على طول حولتيها لزواج وخطبه
لاتفكرين وصحصحي الرجال يقابلك مقابله شخصيه عشان العمل وانتبهي مو اي رجال يكلمك ويسالك تطيرين في عجته خليك ثقيله |
خخخخ والله يا اختي ادري ان موضوعي يضحك
وادري ان اللي بيقرا موضوعي بيقول هذي مب مصدقه وتبا اتعرس:d لابالعكس انا جوا يخطبوووني كثيير بس ما صار نصيب الحمدالله جمال بشهادة الجميع وشهادة وعايله وأهم شيىء انا عندي بالنسبه للخاطب ان شخصيته تنال اعجاااااااااابي هالشيى اللي مأخر زواجي افكر واااايد هالكلام للتوضحه وترى أنا مب من النوع اللي يتعلق فلبي بسرعه |
الله يوفقك و يجيب لك اللي فيه الخير ،
لكن نصيحة ، قبل ما تنظري " للمنصب و اعجابك بال " الشخصية " انظري لدينه ، واجعليه هو محل حكمك ، لأن الشاب اللي عنده دين وفاهمه بشكل صحيح ، سيسعد زوجته ... والله يجيبلك اللي فيه الخير .. بالتوفيق ... |
حاسستك مراهقة
على كل حال هدا شعور طبيعي بالنسبة لفتاة قليلة الاحتكاك مع الرجال خاصة لما يصير اللقاء في خلوة و يكون الرجل وسيم حاولي تشغلي فراغك و تخرجي من المنزل للسوق او أي مكان المهم يكون وقت فراغك مليء بالمشاغل و لما يجي على بالك فكري بشخص سيء و أخلاقه قبيحة و تخيلي انه هذا هو نفسه الرجل اللي قابلتيه لأنه أكيد هذا الرجل قد يكون فيه عيوب كثيرة لا تعجبك و لو صار الأمر جدي و خطبك انسان مثله يمكن ترفضيه و هكذا حتى يمر الوقت و رح تنسيه ان شاء الله (طبعاً اذا ما صار بينكم اجتماع آخر) و بعد كم سنة صدقيني رح تضحكي و تحسي كم كان الأمر سخيف لما كان ينشغل بالك برجل متزوج و ماله مصلحة معك إلا العمل |
لا لا والله انا ما شفت منصبه اهء اهء
احس مافهمتووووني انا حبيت شخصيته كثييييييييييير وبالعكس هو شكله ملتزم انا ابغي حل للمشكله للي انا فيها يعني كيف احاول ما افكر في هالموضوع!! لانن اخاااف اتصيير فيني حالة احباااط اذا ما صار نصيب ): يعني ابا ابتعد عن التفكيييييييييير فيه وانا مب قااااااادرة ومب عااارفه اسيطر على تفكيير واحس غصبا عني ومشكلتي انه لم ا يجون يخطبوني أجلس مع الخاطب وعاادي يسألني وكذا ..بس دااايما أرفض أحس انه ما يناسبني واني ماراح استانس معاه .. وانه شخصيته مب حلووووة.. أنا يا نااااس أبغي شخصية زووجي اتكوون حلوووة وغير عن الشباب اللي خطبوني .. |
خلاص سوي تحريات عنه :d
من جد اتكلم اسألي عنه يمكن يكون خاطب ، متزوج ، بكده يروح عليكي الامل في الارتباط فيه واذا لا والله طلع غير مرتبط اسألي عن اخلاقه ومدى التزامه وروحته للمسجد من عدمها يمكن يطلع مو اوكي ، وتصرفي نظر عنه وتكرهيه ويمكن يطلع تمام وعال العال وقتها مالك غير انك تلجئي للي بيده قلوب البشر وتتضرعي له انه يجعل هذا الشخص من نصيبك وربي يختار لك الخير يارب |
تبين الحقبقة
كثير رجال يعملو حالهم مع الغرباء فاااااااااااااهمين ويتميلحون ومع أهلهم ما ينطاقون كبري عقلك واركدي |
انا ارجع سبب هذا التعلق الى الفراغ العاطفي الي تعيشينه وهذا احد سلبيات الاختلاط انا بصراحة ما ادري ما هذه الوظيفة التي تسمح للمراءة با الاختلاء بالرجل حتى وان كانت مقابلة شخصية يفترض الي يقوم بالمقابلة الشخصية امراءة هذا من الناحية الشرعية اذا من اولها كذا شلون بكرة الله يستر بس انصحك يا اختي اذا كانت الوظيفة فيها اختلاط اتركيها ومن ترك شيئا لله عوضه الله خيرا منه صدقيني هذا افضل من ان تخسرين سمعتك مستقبلا ... |
تاليناا شكلج فهمتيني :D
والله الصرااحه فكرت فيها ..مافوتت شيىء صح!! لوول لا جد بسأل وإذا طلع متزوج بقول كم كل عيوووبه ومدى كرهي له:d وخلاااص بنساااه على طووول:25: شريرة البنت!! والله يابنات أول مره أحس اني مراااهقة وأفكر بهالاسلووووب:o وممممم يمكن حاسه اني تافهه بنظر غيري ..عشان كذا طرحت الموضوع.. وجاااري التحري عن الموضوع:30: وجزاكم الله خير.. |
يا خواتي ..... الاختلاط عندنا بشكل كبييييييييييييير يعني شيىء عاااااااادي صاااار..
بس الحمدالله أنا من أسرة محااافظة ..والوظيفة اللي أنا رحت لها للمقابلة فيها قسم للنساء على هذا الأساس قدمت للوظيفه هذي بعينها ..و انصدمت ان رجل اللي قابلني.. |
ماشاء الله الأعضاء ما قصروا وأول رد لازم تحطينه في بالك كلام ألب ارسلان لأنه عين العقل وعن تجربه أؤيده.
أم داليا و manet بعد جابوا اللي ودي اقوله .. الله يوفقك اختي |
بحر السكون يمكن انه الحب من اول نظرة :d
ماعليكي ما احد بيقول عنك تافهة حاشا وكلا احنا البنوتات كده عاطفيات واي احد يعجبنا ويدور بيننا وبينه حوار على طول نفكر فيه انه يتزوجنا :d بس بيني وبينك يمكن انا تفكيري متحرر نوعا ما بس انا من مؤيدي الحب وامكانية وجوده بأي طريقة ورب صدفة خير من ألف ميعاد يمكن يكون نصيبك ما أحد يدري عشان كده اسألي عنه ، وانتو في الامارات المجال عندكم اوسع من عندنا بس لازم تكون تحرياتك عنه دقيقة ، وبلغينا ايش يطلع معاك واحنا راح نكون معاك اول بأول ويمكن نبارك لك بالخطوبة والزواج :) الله يوفقك يارب |
تاليناا فعلا محد بيفهم هالسوالف والمشاعر غيرنا نحن البنات..
وبعدين هذي مشاعر الانسان انوجدت بالفطرة ليش انحاول ننكر هالشيىء! الحمدالله نحن ما نتجه للغلط والحرام ..نحن نتكلم عن المشاعر الغريزية اللي تواجهنا والانسان لازم يفضفض عشان يرتاح.. ويحتاج حد ينصحه ويناقشه بالقلب والعقل .. وأنا قلت أكتب الكم لان أكييد هالكلاام مااقدر أقوله لأي شخص قريب مني ..لأنه بيحس اني مممم ما عرف أشرح أقصد بيحس ان تفكيري طفولي..ومثل ماقالت الاخت مراهقه ما ألومها !! على فكرة في دراسة اتقوول ان كل انسان تواجهه بعض الأحيان تخيلات و تصورات وبعض الأشياء التي يرغب فيها بس مااا يقدر يفصح عنها..لأنه يعرف اذا أفصح عنها رااح تكون ردة فعل الآخرين هجوميه ..بس كل انسان يمر بهالحاله!! سبحاان الله يللا كل واحد يراجع نفسه :d وان شااء الله بخبركم اذا صار شيىء ان شاااااء الله بس وانتي ياتاليناا أول وحده معزووومه لعرسي ان شاء الله سواء صار ولا نصيب ثاني ومشكووورة ياقلبي والله انج رفعتي من معنوياتي حتى لو ما صار شيىء^^ |
يا اخت الاسلام كيف تسمحين لنفسك تجلسين مع انسان غريب؟
وشكرا |
والله ياأختى ذكرتينى بأيام المراهقه والله ضحكتينى من قلبى الله يوفقك
|
بصى ياحبيبتى انا حصلى زيك كده بعد الشوفه الشرعيه انا وخطيبى اول شخص شخصيته تعجبنى ولما اصبح خطيبى وزوجى مش حبيته لأنه قوووووووووى وعملى كتتتتتتتتتتتتتير
|
دايم هذا تفكرينا يالبنات اذكر قبل مااتزوج اذا سآل آحد ولو عن آسمي قلت شكلها بتخطب ..!
وقبل فترة وحدة تنادي علي بتنصحني وقلت لها تراني متزوجة وحامل ..! لاتشغلين بالك وماتفكرين وآنتِ صغيرة وهو كبير عليك كثييير .. آستغفري ربك مرة قريت وحدة بالمنتدى يوم الجمعه تمت شهر بالاستغفار ويوم السبت آنخطبت .. |
يا حليلج ;)
ذكرتيني بأيام مراهقتي الأولى ... عندما كان شاب يلاحقني ويصل بسيارته إلى بيتنا كنت أفرح من داخلي معتقدة أنه سيبعث أهله في اليوم التالي لخطبتي ..... (خلاص عرف البيت ما له حجة يعني :d) طيب خلينا من سوالف المراهقة وتعالي نتناقش بالعقل. تقولين: (أتمناه زوج لي) على أي أساس قررتي أنه يصلح زوجاً لكِ؟ .. ستقولين (حسيته فاهم ومحترم كثير) .. وهذا يا عزيزتي اسمه (الانطباع الأول) .. والانطباع الأول لا يكفي لأن تقرري أن هذا الرجل يصلح زوجاً لكِ .. ليس فقط لأنه لا يكون دقيقاً .. ولكنه في كثير من الحالات يكون خادعاً .. وهذا الذي رأيتِ أنه فاهم من خلال حديثكما بخصوص العمل قد لا يكون فاهماً عندما يتعلق الحديث بمناحي الحياة الأخرى. أما أن يسألكِ عن إخوانكِ ووين يشتغلون وعن منطقة سكنكِ .. فهذا في رأيي وغالباً مجرد تضييع وقت .. أو بمعنى أدق تغيير جو للابتعاد عن جو العمل الخانق .. يعني غالباً الأخ كان يرغب في بعض الترفيه خاصةً وأنكِ بالتأكيد لستِ الوحيدة التي أجرى معها مقابلة شخصية بخصوص الوظيفة. لذلك حاولي ألا تعطي الموضوع أكبر من حجمه حتى لا تصابي بالإحباط. |
أختى الحبيبة بحر السكون:
مثل ما قلتى اى بنت بتفكر هكذا ولكن لا تستخدمى قلبك فقط بل عقلكى ايضا لكى لا تنصدمى بعد ذلك انتى بتقولى شكله محترم ماشى وما ادراكى انه يصلى ويصوم ويعبد الله حق العبادة؟! لكى لا يظلمك معه ! وبعدين مادام هو محترم مثل ما قلتى لماذا سمح لنفسه ان يخلو بامراه اجنبية عنه ؟!وبعدين ما ينفعش تسألى عنه حتسألى مين وتقولى ايه ؟؟ ينفع بنت تسأل عن راجل مهما كان؟؟عندما تفكرى فى هذا الموضوع استغفرى الله |
والله استحيت على ويهي من ردودكم:rolleyes:
شووو اسوي والله غصبن عني ..أنا أول مره تستوي لي هذي الحاله .. يعني عمري ماانعجبت بأي شخص.. دووم هم للي ينعجبون فيني ..والله العالم اني ما ارتااح لأي شخص يكلمني ..حتى الخطاب..اللي خطبوني مع انه كل المواصفات اللي فيهم تتمناه أي بنت!! بس هوو سبحان الله مادري ليش من شفته فكرت فيه كزوج لي>.< >>أدري اتقولون هااي يهالووو بس أنا وااايد أهتم بالشخصية ..أركزز على هالشيىء وااااايد واااااااايد واااايد يعني كثيييييييييييييييير:d وترى أنا بعد قلت عيييب أسأل أكيييد ما بتجرأ أسأل ..:rolleyes: وتى اللي تسأل كيف عرفتي شخصيته ,,أنا تقريبا ما قدر اذكر التفاصيل لأن سبحاان الله يمكن يدخل الرجال وبيعرف ان هو المقصوود..ففي أشياء واااايد ما كتبتها..بس ثقوا فيني أنا من النوع اللي أعرف الأانسان من أول مرة اذا جلست معاه.. خلاااص أصلا أنا هاليومين أحااول ما أفكر في الموضوع ,,ودايما أستغفر.. بس أرد أفكر.. ومشكورين على النصايح واللي قالت كيف جلستي معاه ..والله هذي أول مره وان شاء الله آخر مرة:29: وأنا أصلا ما كنت أعرف ان بيصير كذا.. وأدعول بالستر والتيسير.. |
ياأختي يابحر السكون خليكي سكون على لقبك
يبدو إنك كثير تقرأين في الروايات ومتأثرة فيها كبري عقلك ؟؟؟؟ وتعوذي بالله من الشيطان الرجيم |
حبيبتي مالك الا الدعاء
قولي يارب اذا كان رجل كفؤ وذو دين فاجمعه بي وان كان سئ فاصرفه عني وازل تعلقي به من قلبي وممكن تدعي باي اسلوب تاني بس انا ابغى اوريك الطريقه وبس |
ياخي استغفر الله واتوب اليه بعض الناس عنده مشاكل ما يعلم فيها الا الله ولااحد يزعل مني وجايني مراهقه سحرتها قناة روتانا سينيما ولافلام القديمه والحب من اول نظره وشغلتني بمشلكه وهي هي المشكله مادري يعني الرجال ما تقدم ولا لمحلها ممكن كان يتسلي ولا يبغي يشوف سرعة ردة فعلها وكاتبه الحقو علي ساعدوني هذه هي الفضاوه بعينها يا شيخه احمدي ربك وهمتي بعملك وانتظري نصيبك شكلك مره فاضيه شوفي مشاكل الناس قبل ماتكتبي احلامك وسيم وملتزم وشخصيه قويه ونست اهم شي هو انه يكون جاد ويتقدم بعدين عمره 33 يعني متزوج بعد تبغي تاخذينه من عياله سنه سنين ويرميك ويرجع الام عياله وترجعين تكتبين الحقو علي حبيته وياليتني ما حبيته ااااااااااااااه من بعض الناس استغفر الله بس سامحيني بس من جد احمدي ربك
|
| الساعة الآن 09:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©