|
لماذا الهدايا لزوجته وينسى والدته !
السلام عليكم ورحمة الله وبركاته
بصراحة بقول شي نرفزني اليوم شفت واحد من أخواني مهدي هدديه الزوجته وهم على هذالحال دائما اي مناسبه يهديلها هديه غااليه واميمته مايهديلها وان اهدالها هديه عطها من خماليق السوق من ابو عشره وغيره أنا بعرف الحين ليه الواحد أذا تزوج نسى امه الي رببته وراح مع زوجته الي ميعرفها الامابعد امه كبرته وساعدته في الزواج وتعبت وهي تختارله الزوجه المناسبه لمن تزوج بنت الناس هدي صار غرييب عن اهله ومايجيهم الابعد فتره مع انهم بنفس المنطقه ومايهدي الاهله هدايا كلها الزووجته لا تقولو اني أغار لاوالله مااغار بس شي يقهر اشوف بعطي بنت الناس وناسي امه وبما اني بنت وادائما جالسه مع امي احس بوجهه انها متضايقه من تصرفات اخوي بس ماتبين لنا دائما انتمى انني اكون متوضفه علشان اعطيها كل مااملك علشان تفرح وتحس انها فعلا ربت اعيال فيهم خير وانهم مانسو جميلها كلامي متلخبط موش على بعظه لاني والله مقهووره من تصرف اخوي وعلى طول جيت هناء علشان اتقولولي شسوي مع تصرفات اخوي هدي |
نقل للمتزوجين مع تعديل العنوان
|
بصراحه انا زوجي قليل مايهديني على طول يهدي امه بس ما اتضايق ولا حاجه لانها امه وتستاهل اكثر مني
بالنسبه لاخوك والله ماعندي فكره |
لامه حق بل حقوق ولزوجته حق والام لازم يبر فيها ويفديها بروحه بس يمكنه يجهل هالشي حاولي انتي تنبهينه وتقولين لوشي بسيط بتفرح امي فيه وهاه حاولي ماتحسسين امك بالموضوع خليه عادي واذا قالت يهدي زوجته قولي يمه بعد زوجته مافيها شي تخفيف عليها علشان ماتتضايق ويصير بخاطرها عليه بس انتي حاولي تنبهينه الله يهديه امه لو يهديها عمره مايجازيها بشيء
|
99 بالميه من الرجال هيك
اخي كان كريم جدا مع اهلي قبل زواجه وبعد ما سافر وتزوج والله بطلوع الروح يطلع منه اي شي هي الدنيا هيك البنت احن على اهلها من الرجل الاخ على اهله |
وعليكم السلام ورحمة الله وبركاته
يالبى قلبك حاسة بامك الله يعين ان شاءالله زوجك يكون احسن من والدها انامرة اخوي ماتقصر ويابنت الحلال الهدية بمعناها مومن وين الله يعين مالك الاالدعاء الله يسخرة لها |
مرحبا .............
لو كنت متزوجة مستحيل راح تسألين هذا السؤال ....... اتركي اخوك وزوجتة بحالهم عسى الله يهنيهم ...... اذا كانت زوجة اخوك تحترمكم وخاصة امك هاذي بنظري اكبر هدية ......... ارتقوا .....لايصير كل تفكير النسوان زوجة اخوي فعلت ....اخوي يسافر بزوجتة ....... اخوي مدلع زوجتة ......... احمدي ربك انة مستانس معها لاقدر الله لو يجي اخوك شي ماراح يهتم فية الابنت الناس ....... اهم شي لاتكبري قلب امك على اخوك وزوجتة ....... تقبلي مروري وان قسيت عليك ....... |
أختي الفاضله ***
الحل بيدك وسهل *** حاولي تكلمين أخوك على انفراد *** طبعا بدون ماتعرف أمك أو زوجته *** وانصحيه باسلوب راقي وبهدوء علشان يتقبل منك *** وبيني له فضل الأم وذكريه أن الجنة تحت اقدام الامهات *** بالتوفيق أن شاء الله . |
احسها عادي مافيها شي
امك عاشت حياتها مع ابوك ودلعها فلا تحرمين مرت اخوك من اللي هي فيه لانها مالها ذنب زوجها هو اللي ماعرف الواجب مع امه لانك لوكلمتي اخوك راح يقطع الهدايا عن مرته قولي له بطريقه غير مباشره امدحي في اللي يبر بامه ويهديها وكذا لكن زوجته لاتتعرضين لها وتقارنين لان الدنيا دواره ويمكن يبتليك ربي باخت زوجك تدقق عليك وتفسد عليك حياتك |
والله ياقلبي لا تنقهرين ولاشي وامك لاتحط في بالهاااااا ابداا
هو زوجتة ومجبر يدلعهااااا واذا جاب لأمك خير وبركة واذا مااجاب خلاااص مو اخر العالم بس معليش انتو ايش عرفكم ايش يجبلهاااا يعني يعطيها قدامكم اذا كان كذا من جد قلة ذوووووق اما اذا هي تتكلم خلااص كل الحريم كذاا يحبون يعلمون ايش جابلها زوجها وصدقت من قالت البنت احن على امهااااا وربي احنا البنات نحن على امي لما تمرض والا تزعل حتى واخواني اذن من طين واذن من عجين |
غلطان أخوك يهدي زوجته قدامك و قدام أمك..
لأنه أثار غيرتك..و ربما حسدك.. أتعوذي من الشيطان الرجيم..و خلي أخوك و زوجته يتهنوا بحياتهم..أدعي لهم ربنا يديم عليهم السعادة و يوفقهم.. و أمك أكيد لمن تشوف ولدها مبسوط تنبسط و تفرح..هذا قلب الأم.. الله يرزقك بالزوج الصالح اللي يسعدك و يهنيك.. حطي نفسك في محل زوجة أخوك ..و تخيلي لك حماة و أخوات زوج ما تتمني يحبوك و يحبوا الخير لك..؟؟ وزي ما قالت الأخت.. بالميه من الرجال هيك اخي كان كريم جدا مع اهلي قبل زواجه وبعد ما سافر وتزوج والله بطلوع الروح يطلع منه اي شي هي الدنيا هيك المسألة إنه الرجل قبل الزواج ما يكون عليه مسؤوليات غير نفسه..و أكيد لمن يكون في يده فلوس حيصرفها على أمه و أبوه و أخواته و أخوانه.. ولكن بعد الزواج..حيصير عنده مسؤولية بيت كامل زوجة و أولاد....إلخ..و ممكن ما تكفي فلوسه إحتياجاتهم.. يعنى المفروض الأهل يتوقعوا هذا الشيء و ما يزعلوا منه و لا يتضايقوا... بالعربي الفصيح.. ربي الولد لزوجته.. و البنت لزوجها.. و لا تزعلي..لأنه في أم ربت لك زوجك :) |
للاسف هذا اللي صاير هالايام الله المستعان اولاد اخر زمن
الام تتعب وتربي والزوجه لها كل شيء |
بنت الناس صارت زوجته ولها حقوق عليها بس مع ذلك المفروض ماينسى آمه بالهدية وآكيد آمك بتفرح لو بتشوفه مستانس مع زوجته ..
آنصحيه ببره وذكريه .. |
اقتباس:
السلام عليكم اولاً: اتوقع ان بنت الناس هذي صارت الحين بنتكم ،، ووحده منكم وفيكم، يعني مالها داعي لفظ بنت الناس. ثانياً: اتركي عنك غيرة النسوان الي على قل سنع ، وتقولين بنت الناس ما يعرفها، بنت الناس هذي انتوا الي مختارينها له ، وقبل لا يتزوج تلقون انكم انتوا الي تقولون له وتحنون عليه اعرس اعرس / ويوم اعرس ابلشتيه انتي والي مثلك. ثالثا: انتوا لو متزوجه ، لو زوجك كل يوم يجيب لك هديه، وفي يوم من الايام يجيب لأمه هديه راح تنفخين خشمك، وتقولين وله تعطيها ولا تعطيني . واوعدك انك لما تتوظفين ، صدقيني راح تنسين امك وتهتمين بخرابيط النسوان وتقعدين تراكضين ورى الموضه وبتسوين سواة اخوك. سوري اذا كان ردي انفعالي شوي ولكن نرفزتني كلمة بنت الناس. استغفر الله يارب. |
اقتباس:
بالفعل هذا ماكنت اود ان اقوله بالضبط من اول ما قرأت العنوان عرفت ان صاحبة الموضوع غير متزوجة وانها تتكلم عن احد اخوانها .. بالفعل اكبر نعمة انها تحترمكم .. والهدية ماهي مقياس .. تحياتي |
يا أختي لم الحسد؟
هذه زوجته وان أهداها فقد أسعدها وبذلك كسب أجرا... عزيزتي انا أهدي خطيبي (زوجي) وعندما أشتري لوالدتي أو والدتي شيئا يقولون لي (ما يحتاج حبيبتي...جمعيهم أو اشتري فيهم لحسين هدية)...وعندما يشتري خطيبي لأمه شيئا تأتي الي وتقول لي (تبينه حبيبتي؟!) حفظها الله وحفظ والدي لي... عزيزتي لا تتدخلي في هذه الأمور..والدتك حفظها الله كبرت ورأت من الدنيا الكثير ولا أتوقع بأن زجاجة عطر أو ساعة قد تؤثر فيها مثل ما يؤثر فيها بر ولدها بها... ودعي أخاك وزوجته يتهنون في حياتهم...رزقك الله بزوج يهديك كل ما تتمنينه... تحياتي... |
اقتباس:
والله كلامها صحيح بكرة تتزوجي و تشوفي.. و خليكي مكان زوجة اخوكي.. بعدين خدي اخوكي على جنب و قوليله انوا اذا تاني مره جاب هديه لزوجته و ما جاب لأمه يحاول يخبيها لا تشوفوها انتوا عشان ما تنجرحوا و تحرجوا.. والله المستعان.. |
يااختي الام غير والزوجه غير ....
الام مايهون عليها ولدها واذا هي مرتاحه ماديا وابوكي مومقصر عليها مايهمها هديه ولاغيره ... وبعدين الحمدلله كل واحد ياخذ حقه من الحياة هي تهنت بابوكي يوم من الايام وهو وزوجة اخوكي اللحين من حقها تهنى فيه .. وبعدين انتي ذكرتي في الموضوع انه جاب لها خلاقين ام عشرة ... ليه تنظري لقيمة الهديه الماديه وتتركين قيمتها المعنويه بالنسبه للوالده اكيد طارت فيها ... بعدين هو موماخذ اثنين عشان يعدل بينهم وكل ماجاب لزوجته هديه يجيب لامك بعد ... امي مسكينه لمااخوي يعطيها اي مبلغ هديه ... تشيله وتروح ترده هديه لبنته ... وخالتي جزاها الله خير لوزجي قدم لها اي شي تقول والله كسر خاطري كفايه عليه مسؤولياته ...الام غير ... |
اقتباس:
|
اقتباس:
|
اقتباس:
لان الرجل بطبيعته مصلحجي يبي مصلحته من زوجته والاهل على جنب لانهم ماعندهم شي يستفيد منهم سبحان الله |
اعتقد الزوج ما يفصد او حتى ما يجي بباله انه امه بتزعل
لانه معتبرها اكبر من الهدايا و من اي شي و اعقل من انها تزعل على هدية فا الام ما تبين زعلها فعشان كدا ما يدري لكن الزوجة لو مااهداها زوجها تبين زعلها اما بالتلميح او التصريح فا دايما يتذكر يهديها تجنبا لزعلها لكن هنا يجي دور الزوجة العاقلة .. اللي المفروض تلقت انتباه زوجها الى الاشياء البسيطة الي زي كدا .. فا المفروض دايما تحثه على السؤال عن اهله و امه و خواته البنات خاصة و اهداءهم الهدايا من وقت للثاني وحتى لو ما ذكر المفروض الزوجة تشتري و تعكي لحماتها على اساس انه من زوجها |
اقتباس:
الله يهديك يااخوي |
اقتباس:
وانتي ماتعرفي وش اتسوي فينا زوجة اخوي خليها على الله بس |
اقتباس:
انسانه مريضه نفسيا فيها مرض الشك أستغفرالله الله يشفيها |
اقتباس:
|
اقتباس:
|
اقتباس:
|
اقتباس:
ثانيا:أنا ماعرف أغاار الحمدالله قلبي نظييف واللأسف ماعرفوا أهلي يختاررون ثالثا: انا ماعرف انفخ خشمي على قولتك لاني انساانه هاادئه ورديت على وحده هناء اني لومثلا الله رزقني واتزوج ماراح اقصر معااها لان الاياام راح اتلف ودوروترجع اذا الله كتبلي الذريه وعطاني عمر وسكن واحد من عيالي عندي المعامله الي عاملت فيها ام زوجي راح اتعاملني زوجة ولدي نفس معاملتي مع أم زوجي.... وأناا الحمد موراعية موضات أنسانه متواضعه وأمي علمتني كيف اتعامل مع الناس الي غير ي ماتعلمهوها الحمدالله يارب. |
يانااااااااااس انا مااأحسد والله ماأحسد علشان أبي أخوي يهدي لامي هديه قلتو اني أحسد
يعني خلاااص كل شي لزوجه والام مالهاشي أكبرت خلاص ماعدلها قيمه تتناسى الله يهديكم والله بعض الرود ابجد تقهر |
اسمحيلي انتم ياخوات الازوج ودقكم تتحكمون بحريم اخوانكم وحتى بعض الامهات حرام عليكم تبون زوجته تصير على نفس طبعكم لا والله خالهم براحتهم ترى الدنيا دوره تبون تخربون بيوت اخوانكم اجل ليه زوجته اتقى الله وخافي ربك وترى من كلمك تنقض
ابقولك شي انا زوجي اول ماخذني كان مره حبيب وطيب معي وكان موفق اني اكمل درستي واللحمدالله الا الان طيبته وحببتها لكن درستي عي على اكملها ليه اهله يحسبون ادر س بمدارس تحفيظ القران زي اخته وبتدخل اهله ماكملت دراستي وانا باثاني ثانوي مفروض اني مخالص الدرسه من سنتين لكن قهر من جد اقول ترى الدنيا دوره وتركي مراة اخواك يعيشون حياتهم والله اذا تغير زوجه عليه والسبب منكم ترى الله مو بعيد اذا رفعت دعوات لها بسبب تغير زوجه اسفه على الكلام القسي وتجريح 00000000000 لكن ماشفناوها 00000000000 وشكرااااااااااااااااا اسفهااااااااااااااااااااااااااااا00000000000000000 000000000000 |
اقتباس:
الام غير ياقلبي الام تفرح اذا شافت ولدها وزوجته مبسوطين واذا كانت امك غير عادي ممكن تكلمين اخوك ان امك يضايقها الشي |
انا ماتحكم بزوجه اخوي ليه هي خبله اتحكم فيها انا ودي افررح أمي أحاول بقدرمستطاعتي اعطيها اي شي ايفرحهاا واحسسها انها ربت اعيال ايحبونها ويذكرونها في كل وقت وامي ماتبين انها متضايقه انا اعرف امي اكثر اذا كانت متضايقه او لا
|
يابنتي اتركي الرجل مع زوجته هم احرار في حياتهم
بكرة باذن الله اذا تزوجتي راح تكوني انسانة تبغى تعيش حياتها بهدوء وسلام مع زوجها وتبني أسرة وعيلة تربيهم أحسن تربية من غير تدخل من أحد خلاص أخوك استقل بحياته ، وصار هو المسؤول الاوحد عن هذه الزوجة والاولاد ، واي تقصير من ناحيته تجاههم معناته انه غير مسؤول عن رعيته حطي في بالك اذا اثنين تزوجوا خلاص يحطوا راسهم براس بعض ومافي داعي أحد يتدخل في حياتهم لا بالطيب ولا بالبطال لاتراقبي حياة الناس ، راحوا ولا ماراحوا ، سافروا ولا جلسوا في بيتهم ، اشتروا ولا ما اشتروا ، هم أحرار في حياتهم اتركي بنت الناس تعيش حياتها ، وبكرة انتي كمان تعيشي حياتك ، وصدقيني الكلام غير الفعل واذا اهل زوجك تدخلوا في حياتك راح تكرهي عمرك من جد ، لاتقولي اخليه يهدي امه و ... الخ بكرة لمن تنحطي في الموقف تعالي قولي لنا ايش هو احساسك وتأكدي انه قمة سعادة الام انها تشوف اولادها مبسوطين في حياتهم ، سواء اهداها او ما اهداها بكرة باذن الله تصيري أم ، وتعرفي معنى العطاء ، وتعرفي انه الام ماتنتظر مقابل لتربيتها وتنشأتها لولدها وبنتها الله يرزقك بالزوج الصالح |
صدقيني يا اختى ما راح تفهمي كل التغيرات اللي شفتيها على أخوك بعد الزواج إلا لمن تتزوجي..
الزوجة ما تغير الزوج ..الحياة ..و ظروف الحياة الجديدة و المسؤوليات الجديدة هي اللي تغير الإنسان.. يعني على سبيل المثال ..قبل زواجي كنت أعطيي لأمي و ابوي و أخواني هدايا و ابقشش عليهم (متوظفة جديدة و فرحانه بنفسي و بدي أفرح كل الحولي).. بعد الزواج من حيكون أولى أولادي و لا اخواني ؟ زوجي اللي طول النهار في وجهي و لا أمي إللي اشوفها أسبوعيا أو كل أسبوعين؟ ( أبغاكي تجاوبي على سؤالي..و خليك حقانيه) .. المسألة مهي بالمكانة بل بكثرة الإحتكاك..اللي يكونوا في وجهك أكثر حتصرفي عليهم ..لأنك تفرحي نفسك قبل ما تفرحيهم.. المشكلة الأهل ما يتفهموا التغير اللي يحصل للإبن أو الإبنة و يتهموا زوجة الإبن أو زوج الإبنة إنهم سبب التغير..( وهذا الشيء لاحظته على أخواتي و أخواني..).. عموما مصيرك و مصيرهم تتزوجوا و تفهموا ...:d |
اخني انا ماالومك احنا البنات مانحب نشوف امهاتنا متضايقات
ومرت اخوك الله يهديها الله بيعطيها على نيتها وزي ماقلتي الدنياء دواره وانتي كذلك الله بيعطيك على نيتك (انا ولله الحمد متزوجه وماارضى لزوجي انه يهديني قدام امه وهي مايهديها واذا بغى يهديني يكون بيني وبينه وش الفائده يعطيني قدام امه) |
;)
طيب سؤال.. لماذا افترضتي أن والدتكِ شعرت بالحزن والضيق مادامت لم تصرح لكِ بهذا؟؟ .. وهل لمس غيركِ هذا الحزن والضيق لدى والدتكِ ام أنكِ الوحيدة التي تعرفين والدتكِ جيداً لدرجة التأكد مما تشعر به؟!! .. وإن كانت قد شعرت بالحزن والضيق فعلاً فما الذي يمنعها من الفضفضة معكِ ما دمتِ قريبة منها وتشعرين بها لهذه الدرجة؟؟ سؤال آخر.. هل كان أخيكِ معتاداً أصلاً على تقديم الهدايا ((غالية الثمن)) لوالدتكما قبل زواجه ثم قطع هذه العادة بعد زواجه وأصبح يسترخص ويشتري لها الخماليق من ابو عشر؟!!! تقولين.. اقتباس:
اقتباس:
عزيزتي.. يبدو لي أن قصة الهدايا ليست هي المسألة الأساسية. واضح من بعض ردودكِ أن هناك ما هو أكثر وأكبر .. وواضح أنكِ لا تحبين زوجة أخيكِ لسبب ما .. ولهذا فأنتِ تدققين وتنقبين عن كل شيء وأي شيء حتى تنفسي عن غضبكِ وضيقكِ منها. أما قولكِ اقتباس:
فهو والله قول مضحك .... فما هي المصلحة التي تتحدثين عنها هداكِ الله؟!!. أتمنى ألا يكون قصدكِ ما فهمته من بين السطور ;) رأيي أن تخرجي نفسكِ من كل هذه القصة .. فلا علاقة لكِ بها لا من قريب ولا من بعيد. |
اختي اتركي اخوك و زوجته في حاااالهم ... دام هو راضي بوضعه انتو لا تتدخلون في حياته و لا تحسسونه بهذا الشي .. ان شاء الله يبيع ثيابه و يشتري لزوجته هدايا انت وش دخلك .. هل اخوك اشتكى لكم من اسراف زوجته و انه متضايقه منها و من اسرافها ؟؟؟ واذا ما اشتري لامك هديه هذا مو معناته انه عااااق .. اخوك و زوجته كيفهم ... |
سبحان الله كل يوم يزداد فهمي لطبيعة المرأة أكثر والله اني استفيد كثيرا ممايعرضوه الأعضاء من مشاكل وحلول الله يوفقكم جميعا متابع عن بعد |
السلام عليكم
يا بنات اخبركم انا بما يدور في راسي طبعا زوجي لا يحب الهدايا وهالقصص والمطاعم وهالاشياء المهم كان لنا سنة متزوجين راح سافر لمدة وربنا رزقه الحمدلله ف طلبت منه موبايل نفسي فيه راح وهو جاي جاب لي اياه واستعملته طبعا اخته ساكنة مع امه لم تكن تزوجت بعد ف هي تحب الموبايلات وانتبهو بسرعة ع موبايلي بس اشهد انها لم تقول الا الخير وباركت لي وكذلك والدته جاءت اخته التانية وسألته ما سعر موبايل زوجتك قال لها لا اريد ان اقول قالت له لماذا قول امام زوجي عندما اسألك خليه يشوف عشان يشتري لي واحد.. فسألته وقال امامه وكانت والدته موجوده فجن جنونها وبدات تبكي وتقول انا ربيتك ولم تشتري لي موبايل وموبايلي قديم وزوجتك لها معك سنة واحده وجبت لها موبايل وزعلت وبكت وعملت من الحبة قبة وبعدها بقيت تعايره لماذا لم يحضر لها موبايل والله سنتين ثم قالت له اخته يا اخي روح اشتري لامك موبايل عشان لا تبقى زعلانة.. وانتهت المشكلة على هذا.. وحاليا الموبايلي اللي جابلها اياه اعطته للخادمه!!!؟؟؟ شوفو انا لاحظت ما يلي اولا مش كل الامهات بكونو فرحانين انه ابنهم بشتري لزوجته انا هذا اللي حصلته. حتى لو اشترينا اي شي للبيت متل غاز او غساله بتكون تبارك من ورا قلبها.. ع العموم صارت اشياء غيرا نها تبارك من ورا قلبها ولا اقدر ان اقول كل شي.. ثانيا انتي لن تعرفي ما تقولينه انه ليس من شأنك الا لما تتزوجي وصدقيني كما تدين تدان.. وعندما تتزوجي سيكون لكي راي اخر غير اللي تقولينه.. والايام دول والدنيا بسرعة تمشي.. ثالثا صدقيني في مثل عنا بقول (ياداخل بين البصلة وقشرتها ما ينوبك الا ريحتها) يعني من تدخل فيما لا يعنيه لقي ما لا يرضيه.. سبحان الله .. الله يهديكي وسيبك منهم خليهم فرحانين بحالهم شو بدك فيهم الله يسامحك ديري بالك كما تدين تدان وكما تفعلين فيها سيبعث الله لكي من يفعل لك كذلك فاتركيها وشأنها |
| الساعة الآن 05:52 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©