|
اللي جربت اللولب و الحبوب ترد علي
السلام عليكم ورحمة الله وبركاته
بنااااات اناخايفه من الحمل لدرجه مب طبيعيه لاني من اول ما تزوجت و انا كل سنه حامل الحين عيالي 3 و الحمد لله و اصغرهم عمره 6 شهور و انا ودي احمل بعد سنتين لاني بصراحه تعبت واااااااايد من الحمل و الترجيع و نقص الوزن و التعب مع العيال و سهر الليل و من غير هذا اعاني من الثعلبه من 3 سنوات و عشان اتعالج منها لازم ارتاح نفسيا و انا اكثر شي يتعب نفسيتي هو الحمل المهم انا من 3 شهور استخدم حبوب منع الحمل جينيرا و قالت لي الدكتوره انها بتركب لي لولب ميرينا اول ما اخلص العلبه الاخيره من الحبوب في اول يوم من الدوره المهم انا خلصت العلبه الاخيره من 3 ايام و المفروض تنزل علي الدوره اليوم و لحد الحين ما نزلت هل ممكن اني اكون حامل؟ و لا ممكن خوفي الزايد من الحمل اثر على نفسيتي و خلا الدوره تتأخر؟ انا كلمت زوجي و قلت له يجيب تحليل الحمل بس زوجي بيتأخر في الليل و انا على اعصابي اذا ما طلعت حامل تنصحوني باللولب او الحبوب؟ لان صديقتي تقول اللولب ممكن يفتر (يتحرك) و يصير حمل و امي جربت اللولب 3 سنين ما حملت و هل يتحرك اللولب و يتأثر من اوضاع الجماع المختلفه؟ ادعوا لي ما احمل الا بعد سنتين و جزاكم الله خير |
اختي انت ليش تبغي تتركي الحبوب و تركبي لولب ؟؟؟ مشكله اللولب مو انه يتحرك من مكانه والوحده تحمل .. لانه اللولب ما يتحرك من مكانه الا اذا قمت بمجهود كبير ..يعني ترفعين شي ثقيل او تمارسين رياضه عنيفه .. مشكلة اللولب هي الدوره الغزيره .. يعني قد تحتاجين لكم شهر من الخربطه على ما يتعود الرحم على اللولب بعدين تتحسن الامور .. يعني ممكن تجيك الدوره غزيره لاكثر من عشرة ايام و احيانا تحتاجين لحبوب عشان يوقف النزف احيانا تضطرين ان تاخذي ابره عشان يوقف النزيف .. هذا غير غسل الاستحاضه .. يعني تحتاجين لمدة 6 شهور عشان تعرفين اذا اللولب يناسبك او لا .. اما بالنسبه للعلاقه الزوجيه فالامور تكون طبيعيه جدا ما يتحرك اللولب بسبب العلاقه .. انا صار لي 4 شهور من ركبت اللولب وامر بكل اللي كتبته لك .. قالت لي الدكتوره اصبري كمان شهرين لا تشيلين اللولب لانه ثابت في مكانه .. بعدين اختي ليش سنتين .. خليهم اربع سنوات عشان ترتاحين ..هذا رأيي .. |
لا تخافي ممكن ما تجي الدورة إلا بعد اسبوع من ترك الحبوب كل جسم بستجيب شكل للحبوب
و لكن اذا انتي بترضعي ممكن ما تجي أبداً لذلك أنصحك تستخدمي مانع تاني متل الواقي الذكري في هذه الفترة و حتى موعد تركيب اللولب اختي بالنسبة لي كنت متلك تماماً باخد حبوب و كان عمر ابني ست شهور لما قررت جرب اللولب الهرموني مارينا و جربته لمدة 4 شهور كلها كانت نزيف و ألم بطن و هبوط ضغط و تعب بصراحة ما ناسبني أبداً اذا الحبوب مو عاملة معك مشكلة خليكي عليها نصيحة حبوب Cerazette مضمونة اكتر من غيرها و مناسبة للرضاعة لكن خديها بانتظام كل يوم بنفس الموعد و حطيها بمكان تشوفيها كل يوم و ما تنسي تاخديها أعتقد امك جربت اللولب النحاسي العادي مشكلته فقط انه بيطول فترة الدورة و يمكن يكون النزيف أغزر مما كان عليه بدون لولب لكن اللولب النحاسي له أشكال عديدة ممكن الطبيبة تشرحلك الفروق بينها انتي اختاري الأقل تخريشاً للرحم حتى ما يعملك نزيف كتير |
اميرات وماريا
ممكن سؤال كم مدة الدوره عنكم قبل اللولب وبعده ؟ لانو انا ان شاء الله ناويه اركب لولب وخايفه يحصلي نزيف انا دورتي من دون شئ تطول ل12 يوم والدكتور يقول ممكن بعد اللولب تختفي الدوره نهائيا وبصراحه ملخبطه وحبوب زوجي رافض اخذ والواقي الذكري انا حملت منه في اخر حمل ليا وخايفه احمل تاني اللولب اللي دلني عليه الهرموني |
هلا اختي
انا قلت للدكتوره ان دورتي الطبيعيه 8-10 ايام قالت اوكي بركب لج لولب ميرينا لانه يقلل الدم و النزيف و 100% ما يصير حمل اميرات انتي مركبه اي لولب؟ شنو اسمه؟ و عن الحمل انا بصراحه ودي 3 سنين 4 سنين وااايد (انا كان ودي عيالي يكونون بعمر بعض يعني بين كل واحد و الثاني سنتين او 3) المهم زوجي رافض اكثر من سنتين لو عليه وده كل 6 شهور بيبي:11: |
ماريا: انا ما ارضع و جربت سيرازيت مع الرضاعه ما نفعت معاي سوت لي نزيف لمدة شهرين
و الدكتوره قالت لي وقفي الرضاعه و استخدمي جينيرا عشان توقفي النزيف و اذا حبيتي تحطين لولب بعد 3 شهور تعالي احطه الحين خلصت ال3 شهور و المفروض تنزل الدوره بس ما نزلت و انا على اعصابي يمكن يناسبني اللولب ههههههههه يمكن اكون عكسج سيرازيت ناسبتج و ما ناسبتني و الواقي مب مضمون ابدا لاني حملت اخر مره منه و كان عمر ولدي 4 شهور يعني صج ظلمته |
انا مركبه لولب نحاسي عادي .. ما احب اللولب الهرموني لان مفعوله نفس مفعول الحبوب و انا الحبوب ما يناسبني .. بالنسبه للولب الهرموني سمعت انه يخفف الدوره .. مدة الدوره عندي 7 ايام .. لكن مع اللولب تستمر تقريبا اسبوعين .. اوقفها غصب بالحبوب .. و اللي مصبرني على اللولب انه اذا وقف الدم ما ينزل عندي افرازات او دم خفيف .. اكون نظيفه .. و اللي كمان مصبرني عليه ان اساسا دورتي غير منتظمه و كم مره احمل بسبب الخربطه و مره حملت على الواقي الذكري .. راح اصبر على اللولب كمان واذا ما نفع راح اعمل عملية ربط انابيب و ارتااااااح |
أنا مركبة لولب لي 9 سنوات ما عندي أي مشكلة والدورة عندي طبيعية 6 أيام كل شهر والحمد لله
نوع اللولب nova-t |
أنا مركبه لولب العادي لي 10 شهور الحمد لله لحد الآن مرتاحه عليه ماشاء الله تبارك الله بس فترة الدوره زادت عندي وصارت عشره أيام بدل سبعه وبالبدايه كان الدم غزير والشهور الاخيره بدأت تخف غزارة الدم
وهو مايتحرك ألا أذا شلتي شي ثقيل أو مارستي رياضه عنيفه يعني مايتحرك بسهوله |
الحمد لله نزلت الدوره :d
انا قررت اركب لولب مارينا بس الشهر الجاي بكمل هالشهر مع الحبوب بس عندي سؤال متى ركبتوا اللولب؟ في اي يوم من الدوره؟ انا الدكتوره قالت لي تعالي اول ما تنزل الدوره و زوجي ما يقدر يوديني العياده اليوم ما اقدر اركب ثالث او رابع يوم من الدوره؟و لا يمكن يصير حمل؟ اخت اميرات مره سمعت ان الربط حرام بس ما ادري اتأكدي اخت hadifa هاللولب هرموني و لا عادي؟ ام الاموره و باقي البنات مشكورين عالردود طمنتوني |
حبيبتي k2k2 انا برضو نفس حالتك ابغى اعرف متى يتركب اللولب
ومارينا اللولب هو الهرموني ؟ |
هلا اختي
اي هرموني و ميزته يقلل من فترة الدوره بعكس اللولب العادي بس ممكن مرات يقطع الدوره (هاي اللي ما حبيته فيه) |
اختي عادة يتركب اللولب يوم خامس من الدوره بعد ما يخف النزف.. الان في الاسواق لصقة هرمونات .. تلصق على اليد كل شهر تمنع الحمل .. و مفعولها نفس مفعول الحبوب ... لكن المشكله انها تمنع الغسل .. يعني وقت الغسل ما يوصل الماء الي الجلد اللي تحتها .. بس انت ما قلتي ليش تبغي تغيري من الحبوب الي اللولب الهرموني ؟؟ |
لاني نسايه اخاف انسى الحبوب واحمل وانا ما ابي احمل
|
شووفي ياقلبي اللولب ممتااز جدااا
انا عندي اثنين ولله الحمد وركبت لولب سبع سنين ان شاء الله اول شي كنت زيك خاايفة من فكرة الحمل واكلت حبوب لمدة 4 شهور حبوب رضااعة وصرررت انسى مع عيااالي وبعدها قررت اركب لولب ورحت للدكتورة بعد ماخلصت الدوورة على طول وركبتلي هوو عاادي مع انها قالتلي لو جيتي ايام الدورة بس اهم شي تمنع الجماع من بعدها خمس اياام وممكن ينزل عليكي دم يومين من بعد التركيب وبعدها الدروة تطوووووول في البداية كانت تنزل 10 ايااام والان 8 ايااام لي سنة مركبتة ومااشية امووري تمام الحمدالله ركبت العااادي الهرمووني قالتلي الدكتورة مو حلوووو بس ناااسية السبب ما كنت مرركزة كنت خاايفة ومع اوضاع الجمااع مافية مشكلة يعني لاتخاافي اصلا راح تنسي انك مركبة لولب اميرات انا دورتي كانت غزيررررة بس الشهور الاولى الان الحمدالله يوومين تنزل غزيرة وبعدهاااا عادي |
اقتباس:
لكن مع اللولب الهرموني قالت لي الطبيبة انه سيحصل نزيف شبه يومي لمدة شهرين على الأقل (انا استمر عندي 4 شهور و ما وقت حتى شلت اللولب ) و ممكن يبقى الدم بنزل كل يومين او 3 لمدة ست شهور و بعدها (على كلام الدكتورة) انه ستأتي الدورة كل شهر لمدة يومين فقط على لولب مارينا لكن باقي اللوالب العادية تأتي الدورة كل شهر لكن أطول و أكثر نزيفاً من عادتك يعني يمكن بحالتك يستمر 15 يوم او أكتر و الله أعلم (انا ما جربت اللولب العادي) المشكلة اني انا ما صبرت على اللولب الهرموني و لا جربت اذا كلام الطبيبة صحيح و لا لأ |
اقتباس:
انا ما ركبته خلال الدورة لكن قالتلي الطبيبة انه كان أسهل لو كانت جاييتني الدورة |
اقتباس:
استجابة كل جسم شكل لكن معظم الناس اللي ركبو مارينا عانوا من النزيف اليومي أول كم شهر |
حبيبتي ماريا ربي يوفقك ويساعدك
جزاك الله الف خير انا باذن الله راح اركب مارينا الدكتور وصفه لي وربي يعين |
اهلا اختي بعد قرأتي لموضوعك تبينت
انه شكل الدورة عندك بتتاخر او تأخرت من الحالة النفسيه عندك مو اكثر لاتخافي ابدا انا مركبه لولب وهاي تاني مرة ركبت بعد البطن الاول والتاني ومافي اي مشاكل ومافي دورة غزيرة ولا اشي اوجاع مصاحبة حتى بالدورة وطبعا هاي الامور تختلف من امرأة لاخرى توكلي على ربنا وحطي لولب واتركي الحبوب لانها مو 100% بالمية تمنع الحمل فقط نسبه 70% وبالنسبة لحبوب سرازيت فهي غير محببه لانها تعمل نزيف (طبعا هاد كلام طبيبتي ) وسلامتك اختي من كل شر |
والله انا مثلج ييا
كوتون كاندي حملت ورا بعض وخايفه من كل الموانع الحبوب واللولب بانواعه والربط مدري شسوي لكني سمعت عن الابره اللي تمنع الحمل 6شهور كل مره تاخذينها بسأل عنها وان شاءالله تكون مناسبه |
انا الحمد لله مركبة لولب الي 3 سنين وكلو تمام لانو من الحبوب اجاني جلطة على الرجلي شمال والحمد لله مرت بسلام واللولب يجب تركيبة خامس يوم الدورة لاني مرتين ركبتة مش خامس يوم وتحرك من مكانة
|
| الساعة الآن 05:20 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©