|
أريد إرجاع زوجتي و أم ابني
السلام عليكم ورحمة الله وبركاته
انا بقول قصتي بختصار يا اخواتي انا مطلق زوجتي بعد زواج دائم ستة شهور البنت طيبه وجميله ماعليها .بس عنيدة شوي وعصبيه .وانا كنت اعدي بامور نفسيه سيئه يعني زي ما تقولي محسود عليها فكرهت حياتي واصحبت حياتنا جحيم طلقتها وهي حامل وجابت ولد طبعا انتهت عدتها وانا ولدي مره كاسر خاطري ما ابغاه يتربي بعيد عني ابي اعرف هل طليقتي ممكن تكرهني واذا كانت تكرهني هل بتكره ولدي وتعذبه مع انها حنونه بس مادري بعد ماتتزوج وش يصير انا ودي ارجع لها بس هي ماترد عليا ومطنشاني علي لاخر هي كانت تحلف انها تحبني بس الناس يقولون لا هي من اول ماتبغاك ومجبورة عليك عشان كذا ما رجعتها فترة العده الخلاصه انا الحين ندمان وحزين وابغي ارجعها مع العلم انها عنيده وحس اذا ما رجعتلي راح يصيؤ في شي ممكن يصل الي الموت او حتي اذهب لا سمح الله لطريق بطال امانه انصحوني انتي مطلقات يعني فاهمات والله راح تكسبو فيا اجر ابغي اعرف عدة اشياء هل ممكن ترجعلي - هل هي تكرهني - هل ممكن تعذب ولدي لو تزوجت من رجال ثاني خاصه ان ولدي يشبهلي يعني بتذكرني - ياحي يا قيوم سخري بنات حلال يساعدوني ويصحوني واعطيهم من عندك كل ما يتمنون - المشكله ةاتصل ما ترد يارب تدخل هنا زتقري تري انا هو احبك والله وندمان مره سمحيني يا حي يا قيوم ترجعي طليقتي حبيبتي وتقر عيني في ذريتي يارب يا سميع الدعاء الإشـــراف/تم تعديل العنوان بما يناسب المضمون وفقكم الله |
أما أنها تعذب ابنك فهذا أمر مستحيل ـ إلا إن كانت امرأة غير سوية ـ فهو ابنها وفلذة كبدها .. ومشاعر الأمومة لا يمكن أن يؤثر عليها أي شيء آخر.
أما موافقتها على العودة إليك فهذا بصراحة ما لا أستطيع الجزم به .. ولا سبيل أمامك إلا بذل المزيد من الجهد ـ إن كنت حقاً ترغب في إعادتها ـ وإن لم ترد عليك بنفسها فللتتحدث مع والدها أو والدتها لإيصال صدق وجدية رغبتك إليها لعلها تعيد التفكير في الأمر. |
ما اعتقد ان في ام تنتقم من ولدها عشان ابوه طلقها.. بعدين اتمنى انك فهمت الدرسه و استفدت من التجربه .. المشاكل تنحل بهدوء و ليس بنفسيه سيئه بعدين ما يحتاج تتصل عليها .. اذهب الي منزلها مباشره و دق بابهم و قابل ابوها اوبدي له اسفك و ندمك وانك تحب زوجتك و انك تريد ان ترجعها و انك مستعد تجلس معها و تتفاهمون على اخطائكم وانكم تريدون فتح صفحه جديده .. يعني لا تندب تحظك في المنتدى .. تصرف تصرفات رجل يريد ان يعيد بناء حياته و مستقبله من جديد عشان ابنكم يتربي في جو اسري سليم .. بالتوفيق ان شاء الله و لا تنسى تطمنا عن تطورات مشكلتك .. |
هي ممكن تكون كرهتك بالبداية لكن الان في بينكم ولد الله يحفظه لكم ونصيحتي لك ارسل لها باقة ورد حمرةكبيرة وبه مكتوب فيه كل شي بخاطرك وانك ندمان على كل شي و ياأخي كل واحد فينا بعصب بس مامنوصل الامور للطلاق في شي اسمه زعل لان الطلاق الواحد يندم عليه والمرأة ليست سلهة بيدك اليوم تريدها و غدا ما اريدها ربي وضع الطلاق بيد الرجل لانه راكز عاقل اوعى صبور متفهم اكثر من المرأة فياأخي طول بالك وارسل لها ان هذه اخر مرة اراسلك ماراح اضغط عليكى اذا بدك اياني ردي علي واذا لأ خلاص كل شي بينا انتهى بس اتاكد انو هي الي استلمت الورد
و ربي يجمعك بهم باسرع وقت تحياتي |
نقل إلى مكانه المناسب ..
وفقكم الله . |
يا اخوي اذا كانت زوجتك تحبك مثل ما تقول فلا يمكن تكرهك الا اذا انت اسأت لها بامور أو جرحتها بطريقة طلاقك لها او انك بصراحة طحت من عينها هذا شي ثاني :( فهي بس تبغى اثأر لكرامتها فبلاش تتصل عليها عدم ردها عليك مو يعني انها ما تبغاك يمكن تريد منك خطوه أكثر إيجابيه قابل ابوها أو أخوها وأترك عنك ألأتصالات التلفون ما يحل مشكله بعدين أهم شي أنك تتعلم درس :27:وما تتهور بالطلاق مره ثانيه بنات الناس ما هي لعبه ولا تعلق ضعفك وعدم تصرفك صح على العين اللي يحس ان فيه شي غير طبيعي يعالجه بالرقيه أو ألأطباء يعني بحكمه مهو تهور والله يوفقك :18:
|
با الأول أتمنى يكون درس لك بصراحة ما أعتقد إنها تسوي شيء بولك لا أبد بس بعد ما تتزوج يمكن يخف ما أقول ينعدم يخف بس حبها لولدها لأنه في رجال بحياتها وبياخذ حتة من قلبها بس بقولك بصراحة الطلاق يخلي الحرمة ( بخبرتي كوني مطلقة) قاسية على طليقها بقو وكارهه الأرض اللي يمشي عليها لأنه الرجال جرحها تركها ولا أحترم العشرة ولا حس فيها فلو تريد ترجعها بتسوي أي شيء أي شيء علشان تبعد بس لو أصريت وسويت مجهود خرافي كبير يمكن ترضى وبتستمر فترة معاك شيء حاملة بس بعد ها الفترة وباللين وبالحب صدقني الحرمة تلييين الحريم شو يبون غير واحد يحميهم يحبهم يهتم فيهن يحسسهن بأهميتهن والله يوفقك |
وعليكم السلام ورحمة الله وبركاته
انامنطلقة ولوكنت مكانها الولد مالة ذنب مهماكان واكيد هي اللي باقي ليها واتوقع منهاا راح تخاف الله فية وربي يسعدكم ياليت ترجع زوجتك وتفتحون صفحة جديدة والله يسعدكم ووحاول تراضيها وان شاءالله الطلاق مايتكرر حرام ياخي بنات العالم ميب لعبة الله يهديك ويارب ترضى عليكم ويسعدكم ياكريم |
حاول توسط احد فاهم من اهلها عشان ترجع واتوقع اهلها تمنون ذلك و هي بعد ...
ولدك في احضان والدته و مافي احن من الام على ولدها ... أطمئن |
اقتباس:
ممكن تقولين شنو نقدر نسوي اذا الزوجه رافضه تعطي فرصه ثانيه؟؟؟ لو انتي مكانها شنو تبين من طليقج يسوي عشان تردين؟؟ |
اقتباس:
او تبغى الجواااب ...؟ |
اقتباس:
|
زوجتك راافضة انها ترجعلك لانها ماتبغاك.. أو فارضة عليك شرووط عشان الرجعة..؟
|
والله مداام انك تحبها وتبغى ترجعهااا
حاول حااول حاول بكل الطررررررق انك تكلمهاا بكل الوسائل وكلم ابووها واكلم امها حتى ارسلهااا مسجات اعتذاار بينلها انك ندمااان وانك تبغى تتزوجها من اول وجديد وتفتح صفحة جديدة وتربي طفلك بحضنك اوقفلها عند الباب بسياارتك حطلها ورووود على الشبااك اذا توودي مصروف لأبنك حطلها كلمتين حلووووين في الظرف الي راح تحط فية المصروف حتى لو احد شاافها مافية مشكلة اي فكرررة المهم انك تووصل مشاعرك لهااا وصددقني هي بتتغلى مرة مرتين بس عشان تحسسك بغلطك لا اكثررر والا تلاقيها هي تبغى تررجع كمان مداام ما صاار بينكم مشاكل كبيررة ولله الحمد اتمنى اني اكون افدتك وان شاء الله تجيب نتيجة قبل ما تتزوج انسان اخرررررررر ويضيع الحلم |
اقتباس:
|
تعذب ولدها من المستحيلات بتحن عليه آكثر لانه فاقد آبوه وممكن بعد مااجربت الامومة توافق آنها ترجع لبيتها وزوجها عشان آبنها جرب وكلم والدها عشان ولدك ..
|
اخوي الام احن الناس على ولدها
لن تئذي ابنها لانه قطعه منها وهذي مشاعر الامومه الله سبحانه وتعالى وضعها في الام لا احد يستطيع تفسيره وانا من راي انك تردها لصالح ابنك لانو الطلاق يشتت الابناء عالج المشكله من الان |
اخي الكريم انا مطلقه لذلك افهم وضعها كثيرا اذا كنت تريد ارجاعها ماعليك سوى الدعاء لله عزوجل في صلاه الليل واوقات الاجابة ثم انت ترسل لهااشخاص يكلمونها بالوضوع مثل اختك امك احد من معارفك او كلم امها عشان تكلمها اما انها تعذب ابنك فهذه مستحيل ما في ام تعذب طفلها مستحيل لو تكره ابوه اسأل الله العلي العظيم باسمه الاعظم ان يرد اليك طليقتك وابنك ادعيلي |
السلام عليكم ورحمة الله وبركاته
الله يوفقم ويجزاكم خير اتمني من اعماق قلبي تدعولي واشكر ال رفع المعنويات واشكر الي نزلها ايضا بصراحه بحاول ارسلها ورد مع علبة حلاوة ورساله وان شاء الله ان العلبه ماتنكسر علي راسي والورد ما ينرمي علي وجهي والرساله ماتلقي في النفايه بس صدقوني انا طيب مرة هي مافهمتني وزودتها الله هديها في الختام من اخ عزيز انصح ا رجال في حالة وجود ابناء احذر الطلاق انصحك اياخي انحذر الطلاق والله تشريد للاسره ما عاد انام ولا اكل اسال الله يهديها ويرجعها ياح ياقيوم رجع لي زوجتي القلوب بين يدك وحدك اجعل لي فيها رزق وصلحني لها واصلحها الي وابعد عني وعنها المخبيبين |
الله يوفقك اشادان وجميع الاخوات ولاخوان الله لايريم مكرووة وفعلا حلي ش الدعاء وربك عليه لاجابه يارب ياحي ياقيوم يسر
|
انا مو مطلقة لكن بعرف ولاد أهلهم مطلقين عادة هدول الأطفال بكونوا مدللين زيادة عن الأطفال العاديين يعني مو متل ما انت متصور لأنهم لما يروحوا لأمهم تدللهم و لما يروحوا لأبوهم يدللهم كل طرف من الأطراف بحاول ينافس الطرف الآخر بإغراق الطفل حب و حنية و هدايا حتى يكسبه لطرفه و بالتالي يكون الطفل محبوب من الطرفين و مدلل زيادة مالك حق تفكر انها ممكن تظلم الطفل لكن ممكن لو تزوجت الزوج ما يكون بعامل الطفل معاملة جيدة طبيعي لأنه لن يشعر انه ابنه و لا من لحمه و دمه و بالتالي ممكن يظلمه لكن الأم مستحيل |
وعليكم السلام ورحمة الله وبركاته
الله يوفقك ويسعدك ياكريم ويسخرلك يارب وتصلح حالك يارب ترضى عنك زوجتك وينصلح حالكم ويسعدكم دوم ويسخرلكم |
رح اخبرك شو كان يعمل زوجي وقت كنا متخاصمين (الله لا يعيدها تلك الايام) كل اللي كنا نتشاجر عليه صار يعملو صار يحمل القرآن الكريم ويصلي عادي مع انو كان يصلي على الكرسي ووقت خرجته من البيت وممنوع يقترب من اي منطقه انا فيها انما والله جنني ,ساعه يدق الباب افتح اجد ورد وشوكولا وساعه اجد اكل وحليب وغيرو ................................... ووقت آخذ الاولاد لانه صدفه كان اعياد كان يطلع روحنا عشان مهرجان العيد وبطلوع الروح يبسط اولاده انما وقتها تشوفو احتار شو يعمل للاولاد ولي ايضا تصور اشترى لي فنجان قهوه زسندويش وعصير وبيده قدمهم لي ويراقبني من بعيد يشوفني اضحك او لا غير الورد اللي يرسله لي بالمهرجان والكل يقول لي ما شاء الله ما اجمل صحته الآن تعافى زوجك انا ارد اكيد عشان هيك مش رح ارجع له بعدي عنه صحه له ما ترك واسطه وقتها الا ما حاول معهم قريب وغريب كل محاولاته باءت بالفشل الاتهام بالزنا حكمه عندي الاعدام وما رجعته الا وقت عرفت انه دخل المستشفى وكان وقتها صيف والحراره عاليه ذهبت الى المستشفى وما وجدته وذهبت لبيت والده الساعه السادسه صباحا وما ان شاهدني ما صدق نفسو الله لا يخرب بيت حد ولا يجيب بينهم زعل |
اهم شي انك تحااااااول
واذا انرررررمت في وجهك معليش حاول مرررة اخرى من قهرها انك طلقتهااا وهي حامل البنت حتى سنة ماكملت يعني لا تتوقع انها تاخذك بالاحضان اكيد نفسيتهااااا زيرووووووو معليش تحملهاااا الين ترضى رضا كاامل والله يعطيك على قد نيتك والله يجمعكم على خيرررررر |
كلم من تثق فيه من أهلها
و من يُعرف بحكمته و حسن تصرفه لكي يكون وسيطاً بينك و بين أهل زوجتك و قبل أن تقدم على العودة ابدأ بنفسك و لا تكرر أخطاءك في زواجك الأول |
والله ما عاد بطلقها ابد وبتغير بس اهم شي ترجع هي
|
طيب ايش صاار معااك سوويت شي
والا قااعد تندب حظك للان يااخي رووحلهم وكلمهم والا كلم البنت والا على الاقل بينلهاااا نيتك انك تبغى ترررجعها يعني ماينفع تجلس كذااااااا ترررى بين يوم وليلة يمكن يجيها عريس وتتزوج |
السلام عليكم ورحمة الله وبركاته
ياختي فال الله ولا فالك الله يبعد عنها العرسان كما باعد بين المشرق والمغرب كلمت اختي وواعدتني تتصل وتشوف بس المشكله من سوء حظي ان اختي حامل فهي الحين تذكر بس لاشياء الشينه الي كنت اسويها معها .اما هي فمستلمها رسائل واتصل ماترد مرة وحده ردت من جوال ثاني بعد عشرة اتصالات قلتلها احبك وقفلت في وجهي وناوي بعد صلاة الجمعه اروح عشان اشوف بنتي وبلمح لعمتي الي هي امها والله يعين....المشكله هم الحين يقولون لي جيب الصك (مامعني طلب حماتي لصك ) ياساتر يارب والله ارعبتيني ممكن تتزوج وهي لسه ماخلصت الاربعين الله يلعن الشيطان بس |
بالله ادعي وصدقيني ربي بيوفقك ولو رجعت مادري اش اسوي الاي احد ساعدني بس بدعيلكم في الحرم المكي والمدني وعد
|
ما في حل الا انك انت بنفسك تروح وتقول وتتكلم يعني مش تلميح فقط
وقت يكون الكلام صادق ومن القلب رح يدخل للقلب ولو انهم يقولون لا ولكن مع اصرارك وتكرار طلبك رح يوافقو اهم شي الصدق وما تروح وابدك فاضيه اغراض لبنتك وهديه صغيره جدا لامها تكلم مع حماتك وعمك انا لا الومها انو ياخذ وقت تتوافق خليها تحس بالامان هي واهلها وانك رجال عند كلمتك |
اصلحكم الله واكيد سوف تحمل شئ في نفسها ولكن لاتعذب طفلها مافي ام سوية تعذب طفلها
وحاول محادثة امها باسلوب التفاهم وان الذي حصل لن يتكرر وهكذا |
الله يجزاكي خير ويوفقك ويسخر زوجك خادم لك انا راح اسوي كل شي تقولونه ورد عطور رسائل حركات مراهقن وهدايا حتي افكر اقتحم الجامعه الي تدرس فيها واخذ بنات راهائن ومطلبي واضح ارجع زوجتي وابني بعقد جديد والملك ولي العهد الشهود علي العقد باذن الله ماراح أيئس ادعو بس الله يهديها
صح راح يحبطوني بس بحاول بالله ادعولي |
شكلك متخوف مره ,,
اقتباس:
و ليش انت معتقد انها ستصدك كل هذا الصد؟؟ اقتباس:
يااخي صلي على النبي ليش معقد الامور كلمتين حلوة منك واعتذار من القلب وكل شيء بيصير تمام بإذن الله ,, توكل على الله ولا تيأس الله يوفقك |
والله انا ما افاااول عليهااا
لكن انت بس يبغاللك دفعة وما تتحرك شكللك الا اذا جبنا طااااري الزواج عشاان كذاا كان قصدي احمسك تاخذ خطووة اولية فقط لاغيرررررررر بس لية تقوول حركات مراهقين بالعكس حلووو الي عملتة وان شااء الله تحن وتررجع مدام انها لسى في الاربعين ما خلصت لأنة مستحيل تحرمك بنتك مدري ولدك والله ما اعرف ايش عندك لأنة مرررة تقول بنت ومرة توقول ولد ما فهمت الا اذا انت مسوووي شي كرهتك فية والله اعلم لكن الله يحنن قلبها يارب وانت تتغير للافضل ومو على الطاالعة والناازلة بتطلق لكن ان شااء الله ما تجي بكرررررررررة |
.................................................. ..............................
.................................................. ...................................... [caution] يمنع تحويل المواضيع لأحاديث جانبية بين الاعضاء الإشـــــــــراف [/caution] |
ان شاء الله رجعت زووجتك
طمننا ايش الي صاااار |
ماذا فعلت مع زوجتك يا أخي؟
طمنا أرجعها الله هي و البمبينو الى حضنك و نسأله تعالى أن يجمع شملكم عاجلا لا آجلا أنت وعدت أن تدعو لنا في الحرمين. عندما ترجع زوجتك لا تنس تنفيذ وعدك موفق بإذن الله ... |
ان شاء الله راح ادعيلكم قبل يومين جبت ورد مع حاجه زي الوحه رومانسيه حطيتها علي بابهم ومشيت كتبت عليها كلمتين حب وحطيت رجلي لا احد يشوفني إن شاء الله تكون اخذتها وبكر الجمعه بستخير وبروح اكلم امها و أسأل الله العظيم انه يهديها ويلين قلبها كما لين الحديد لداود ويسخرها لي كما سخر النار لابراهيم و يهديها و يصلحها
والي فيه الخير يقدمه ربي ............... ان شاء الله بس مايكون اخد الورد السوداني الي يشتغل في البقاله ويعطيها لزوجته احيانا احس اني مسخر لناس الله يسهل |
والله يا اخت ديموند ما سويت شي يغضب الله واني عاملتها بما يرضي الله بس عصبيه مره وفيه ناس محرشين يوصلونهم كلام اني اسب واني اطلع اسار الزوجيه يعني المنافقين غير والحقيقه ماقلت الا لامي وامي مستحيل تقول لاحد
|
طيب حلووووووو الي سوويتة
ولو انك انتظررت من بعيد حتى تشوف مين الي اخذة مو تجلس على اعصاابك وتقوول السوداني اخذة و الله ضحكتني واذا اخذة حلااال علية وعلى زووجتة واذا هي اخذتة اكيد ماراح تنساها للك طوول عمرك راح تجلس تفكرك فيها طوول العمرر لأنها راح تترك اثر في قلبها وتعبر عن حبك لهااا يا اخي لو كل وحدة بتسمع ايش يقولون الناااس كان ما شفت وحدة متزوووجة النااس تبغى شي وتلت وتعجن فية حتى الاهل بعض الاحيان يجلسوون لبنتهم او ولدهم على الزززلة واذ ربنا أراد ورجعت تفااهمو على انة الي بينكم ما يطلع من بيتكم ولاحتى لأمك لأنة راح تكرهها وانت ترجع علاقتك بزووجتك طبيعي لكن امك بتشيل في قلبها الله يهديها ونسمع خبر حلو إن شاء الله |
| الساعة الآن 11:31 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©