|
خيانات زوجي ما الحل ؟
السلام عليكم ورحمة الله وبركاته
طبعا مشكلتي مثل معظم البنات و هي خيانة زوجي لي انا كتبت مره موضوع عن خيانته لي لما سافر احد الدول العربيه و اللي معروف عنها كثر الفواحش و جمال البنات و استعدادهم لفعل اي شي مقابل المال و قلت لكم انه لما رد لاحظت المكالمات اللي توصله نص الليل و رديت على ثنتين من البنات اللي كانوا يتصلون و انا واجهته و قلت له اني رديت عليهم و حلف انه ما خانني خيانه جسديه و ان كل اصحابه ناموا مع البنات الا هو (يعني كل واحد مع وحده في غرفه الا هو المستقيم، على قولته القعده فيها بنات بس هو ما نام مع اي وحده منهم) المهم انا ما صدقته بس خليت المشكله تعدي هالمره سافر لاحدى الدول الاوروبيه لعلاج احد اقربائه و تم هناك شهر بعد ما رجع باسبوعين كنا نتجادل على سالفه سخيفه كالعاده و عصب و كسر جوالي بعد كم يوم انقطع تلفون البيت و كنت محتاجه لتلفون عشان اتصل له قعدت ادور في البيت و بعدين دخلت مكتبه و لقيت عنده تلفون (التلفون اللي كان يستخدمه في اوروبا) حاولت افتح التلفون عشان احط كرتي بس ما عرفت افتحه قلت معليش بشغله بكرته و بحاول اكلمه من هالتلفون و طبعا فضولي خلاني اقرا الاسامي المسجله في التلفون لقيت الاسامي مسجله بارقام يعني 1 و 2 و 3 و4 و 5 و 6 و كلها من نفس البلد الاوروبي فتحت المسجات و قريت المسجات المرسله و الوارده و انصدمت كلها مسجات تعارف يعني المرسله كاتب لهم اسمي.... من ... و عمري 24 و هو اصلا عمره 28 و كاتب انتي حلوه(جذابه بالانجلش) و مسجات مطرشه لمحل اباحي يطلب منهم بنات و هم كاتبين له شوف الصور في موقعنا .... و اختار اللي تبيها وطرشوا له 5 اسامي و قالوا له شوف من تعجبك منهمو من بين الاسامي اسامي عرب امل و مها و هو طلب امل قالوا له هي مشغوله طول الليل ممكن تكون فاضيه في النهار و بعدين قريت مسجات بينه و بين امل شكله يتصل لها و هي تطرش له مسج بعدين تعتذر منه لانها كانت بزي و ما قدرت ترد عليه و بعدين هي تتصل و هو يطرش لها مسج يقول لها سوري كنت نايم و مطرشة له عنوان يلتقون فيه اي و بعد لما طلب هالبنت سألهم هل تقوم بالجماع من الدبر؟ انا هذا اللي قريته و قعدت انتفض من الخوف و طول يومي ابكي من القهر لانه دايما يدور له عذر لما يسافر عشان ما اروح معاه حسيت نفسي غبيه ما عرفت شاسوي ما كان عندي تلفون عشان افضفض لاحد و لا عندي لاب توب عشان ادخل المنتدى و استشيركم قعدت بحرتي لحد ما وصل الساعه 12 بالليل و قلت له كل اللي في قلبي قلت له ما تبي تسفرني معاك و على قولتك مسافر عندك شغل مش رايح تلعب قال: اشفيج؟ اكيد كلمتي امج ..قلت الحمد لله ان التلفونات كلهاما تشتغل عشان ما تظلم امي و قلت له انا فتحت الجوال بحسن نيه و كشفتك قال: انتي خبله (و هو يضحك و يحاول يغير الموضوع) بعدين قلت له انت اللي مسوي نفسك مستقيم و ما زنيت لما سافرت مع ربعك هالمره شبتقول بعد؟ قال: مش انا اللي كاتب المسجات هالمسجات كان صديقي مطرشها قلت له و صديقك اسمه... قال شفيها لو كتبت اسمي بيتلوث؟ و انتي عارفه ان اللي رايحين معاي محد فيهم يعرف انجلش الا انا المهم هاي هي السالفه و صارت من 10 ايام تقريبا و انا مب عارفه شلون اتصرف؟ انا احاول قد ما اقدر ارضيه في الفراش بس طبعا الحرام ما اسويه لما رجع من السفر جاب لي اشياء للفراش و مشهيات و عشان خاطره اسوي اللي يبيه ومن اول ما رجع من السفر اول ما نلقى فرصه على طووول يصير جماع (اول ما ينامون العيال مع اني اكون ميته من التعب) من ناحية الصلاه هو كلش مش ملتزمو حاولت معاه مليوون مره بدون فايده بس بصراحه الفتره الاخيره ما قمت احثه عالصلاه لاني اكون منشغله وااايد مع العيال وما اشوفه الا اول ما يقوم من نومه و قبل لا ينام انا الحين بانتظار خدامه ثانيه عشان ارتب حياتي و انظم كل شي و كل حد اعطيه حقه(لاني الحين عايشه حياتي بالمقلوب كل شي معتفس) ابي انظم كل شي و اتفرغ لزوجي مرات افكر بالطلاق و كذا مره صارحته بهالشي مع اني احبه وااايد بس افكر بالطلاق لان كل اللي يصير حرام بس يقول لي لو طلقتج ما بتشوفين بنتج الاولاد خذيهم بس هالبنت بتبقى معاي و اقطع رقبتها و لا تروح معاج (هو واايد متعلق ببنتي لانها الكبيره) ناطره ردودكم و جزاكم الله خير |
كان الله في عونك اختي .. بعد كل اللي شفتيه من مسجات و اتصالات هل انت متأكده انه خيانته اصبحت جسديه ؟؟ بعدين اختي انت واجهتيه كذا مره .. و مواجهتك له ما جابت اي نتيجه صح ؟؟ ليش ما فكري في طريقه ثانيه توقفيه عند حده ؟؟ هل هددتيه انك راح تكلمي احد من اهله يشوف له حل ؟؟ من الافضل انك تكلمي احد من اهله .. انت يا اختي وش غيرتي في ذاتك بعد كل خيانه يخونك زوجك ؟؟ اختي يجب ان تتخذي موقف جامد .. زوجك متجه الي الزنا و العياذ بالله و قد ينقل لك الامراض .. ايش اللي تنتظري الشغاله و حياتك معفوسه .. هذا ما يمنعك انك تتخذي موقف قوي من زوجك .. انت كيف علاقتك بربك ؟؟ |
أختي الكريمة : ذكرتي تفاصيل وليتك أختصرتي وحددتي المشكله بشكل عام فالستر على زوجك كان أولى وماذكره لك قد يكون صادق وقد يكون كذاب فالعلم عند الله وحده كوني خير معين أنصحيه ووجهيه .. لاترمينه بالأتهامات وأنتي لاتملكين الدليل القاطع ! ترك الصلاة أمر كبير ولاشك أن من تركها سهلت عليه الفواحش والمحرمات .. أعيدي حساباتك وأنظري هل أنتي مقصره في حق الله عزوجل فقد يكون هذا إبتلاء تخفيف لك ولذنوبك وأنظري على أي أساس بيتك قد قام ! تضرعي لله وأبكي بين يديه وأشكي للجبار ضعفك وأنكسارك لن تساعدك نصيحة هنا أومشوره بل دعوة في جوف الليل ناقشيه بعقلانيه أبتعدي عن العواطف أذكري له محاسنه وأنك لازلتي تحبينه وحذريه أن مثل هذه التصرفات ستهدم مابينكما لاتقولي له أريد الطلاق قولي له أريد أن تتوب لله وتذكر أن لديك أبنه حفظها الله ومن يزني يزنى به ولو بجداره .. أحزمي أمرك وشددي عليه أنك لاتقبلين منه هذا الأمر وأنه أن لم يتوقف ستتدخل عائلتك وعائلته في الموضوع وستكبر المشكله .. وخيريه بين الستر والتوبه والا الفضيحة أمام أهله .. |
اقتباس:
|
اقتباس:
|
امس بعد ما كتبت الموضوع بنص ساعه صارت سالفه بيني و بين زوجي و رماني بالكوب الحمد لله اني نزلت راسي و لا كنت الحين مشوهه
المهم طلبت الطلاق و خذاني بيت ابوي و خلا عيالي في البيت بروحهم (و البيت كله صحون مكسره) و هو موديني بيت ابوي قعد يتحلف اني لو طلبت عيالي ما راح يعطيني العيال و حتى لو المحكمه عطتني العيال بيذبحهم و لا يخليهم يعيشون عندي او يشوفوني قعدت اترجاه يردني لعيالي و بسوي له اللي يبيه المهم ما يحرمني من عيالي لما وصلت بيت ابوي ردني على طول بيتنا (و انا طول الطريق اتعذب خايفه على عيالي من الصحون المكسره) الحمد لله رديت البيت و لقيت عيالي ما فيهم شي الحمد لله انا اللي قاهرني انه اتخلى عني بكل سهوله مع اني لما طلبت الطلاق قلت له انا احبك و اموت فيك بس تصرفاتك ما تعجبني و حياتنا كلها غلط في غلط على طول قال انتي تبين بيت ابوج اوكي بوديج بس الطلاق بطلق متى ما انا ابي بصراحه كرهته اكثر لانه دايما يقولي انا احبج وو الخ الخ و تصرفاته ما تبين انه يحبني و لا هذا (حب فراش و بس) انا راح احاول معاه يتقرب من ربه لان هالشي الوحيد اللي ممكن يعدله بس تعبت معاه بحاول اكلم امه تخلي ابوه كل شوي يذكره بالصلاه و يقوله يمر عليه عشان يصلون مع بعض |
يأختي لية ما تجمدي قلبك
وتمنعي نفسك عنة الين يعمل تحاليل وتتاكدي بنفسك انة مافية مرض علشان يحس انك مصحصة لحركااتة ومو ناايمة في العسل ومنة ينقررص ويعررف قيمة نفسة الي كل يوم رااميها على وحدة ومو كل يووم وانتي ناايمة معاة وتحاولي تررضية وبكررة يدوور وحدة بالحرام من بعدك انتي تقوولي مو اول مرررة يخوونك وانتي تصدقي وين الثقة والاماان في حيااتك مووووحالة الصرااحة وانا اقرا كلاامك جسمي قشعر يالطيف معقولة رجل متزووج ويطلب هالطلباااات وعندة الي مكفيتة لاحول ولاقوة الابالله انا اسسسسسفة بجد بس زوجك اكيد عندة مررض او هوس جنسي ياختي قوليلة يتزوج وحدة بالحلااال وفكي نفسك من القلق |
اقتباس:
انا اعرف انه اذا كان في البلاد ما يخوني بس ما تصير هالخيانات الا اذا سافر و انا دايما اقوله ودني معاك و العيالي بنخليهم عند الاهل يقعد يطلع لي ملييوووون عذر يا ان معاه شباب او عنده شغل و ما بيفضى يطلعني و ببقى بروحي في الفندق عن الزواج مستحيييل اقوله يتزوج لان ما فيني اي عيب الحمد لله جبت له العيال و من الناحيه الجنسيه اسوي له اللي يبيه (بعيد عن الحرام) و الحمد لله جميله و بالمواصفات اللي هو يبيها و هو بروحه قال لامه تخطبني له (يعني هو مختارني مو امه) شافني لما اخوي اخذني من المدرسه يعني من زمان حاطني في باله |
لا حول ولا قوة إلا بالله
لا حياء ولا مستحى كذا عاد الحرام نهاراً جهاراً ويقولها بالفم الميااااااااااان هذا مصر على المعصية وانتي شنو تحبينه وتموتين فيه !! ايش تحبين فيه !! اخلاقه وإلا دينه .. صلاته وإلا صيامه .. !! هذا ما بقى شي ما سواه وتقولين تحبين .. هذا على كل الي قريتيه كان بس تسمعين اسمه يجيك غثيان يا أختي هذا شي لا يحتمل .. ليش انتي ذالة نفسك كذا !! ليش انتي ما عندك كبرياء !! وين عزة نفسك !! المرأة الشريفه بنت الأجواد مو واحد مثل هذا يستاهل يستحلها انا سامعه مثل هلاشكال المنحله مصابة بانحطاط أخلاقي و الي يعبدون شهوتهم بس مو هذا الي قاهرني أنا مو قاهرني إلا أنتي لمن قلتي احبه وأموت فيه انتي شلون عايشه مع واحد كل يوم طايح له على وحده لا و هالي اسمها (أمل ) طلبها قالو له طول الليل مشغوله إلا اذا يبيها بالنهار يعني هذي بنت ليل هذي مومس .. هذي كل ليلة تنام مع 100 واحد وكل واحد منزل فيها قذارته مثل المرحاض اعزكم الله ويجون لها اشكال وألوان يعني بالله عليك ما تلوع كبدك وانتي تتخيلين هالمشهد ولا جاء في بالك ان الامراض جايتك جايتك إذا بتبقين على هالحالة شوفي .. زوجك خليه يروح في الشيطان ما عليك منه .. هو فاهم ان الي يسويه غلط خليه في غيه لأنه مصر ويتحدى بعد ومو هامه ولا مستحي لا من الله ولا رسوله .. خليه لين يصحى لحاله بعد ما تجيه مصيبه تحطمه تحطيم .. ذاك الوقت بيعرف طريق ربه الحين انتي خلينا فيكي .. انتي إذا ما تبين تتطلقين مع ان هذا ما يشرف اي أمرأة تكون على ذمته بس انتي إذا الطلاق خايفه منه عشان عيالك .. لا تطلقين إذا مستعده تعيشين لعيالك ولا انتي محتاجة لرجل من الناحية العاطفيه والجسديه .. لا تطلقين بس نصيحه أخويه .. مدام مستمر في ركوب هذا الطريق المظلم لا عاد تنامين معه خليه يوصل للنهاية لحاله انتي ترجلي .. وقفي .. تراجعي باختصار خلي زواجكم على الورق وجلسي ربي عيالك وخليه يولي يبي يتزوج ثانيه ما يبي كيفه .. بس انتي حوطي على عيالك إذا خايفه يحرمك منهم الي ما يخاف الله حاولي تتفقين معه على هالحل .. قولي اذا انت مو خايف على نفسك أنا خايفه ابي ابقى اربي عيالي ومحتاجة لصحتي أما إذا تحسين انك ما تقدرين تستغنين عن زوج وتبين تمارسين حياتك كزوجة فما أعتقد أن هذا صالح لك .. لأنه راح يجيب لك الأمراض ما في شك أمام خيارات : - تجلسين معه ومع عيالك وتستحملين الزنا الي مراح ينتهي وتعاشرينه عادي .. وتوقعي المرض ولا يندرى وش بينقل لك ويمكن ايدز ونهايته الموت . - تطلقين منه وتتزوجين رجل آخر أو ممكن ما تتزوجين بس توقعي يحرمك من عيالك - تبقين معه كزوجه على الورق بس وتحافظين على صحتك وتربين عيالك هذا كل الي اقدر اقولك الله يفرج عنك ويفك كربة كل مكروب |
نسيت اقولك ..
هل ممكن تثبتين عدم صلاحيته لتربية الابناء أمام المحكمة إذا قدرتي راح تكسبين تربية ابنائك لأن هذا مو كفو يربي عيال .. خليه يربي نفسه اول لا ومتعلق في البنت .. ما أدري في اي داهية يبي يوديها !!! |
اختي باريسا و الله اقرا كلامج و ابكي
انا مصيبتي ان قلبي ابيض و على طوول ارضى زعلي ما يطول مع زوجي او غيره و انا احب زوجي لان فيه مميزات و احسن من غيره و حتى يفهم في الدين اكثر مني بس اللي قاهرني انه ما يصلي يصوم و يحج و يزكي و كل شي بس ما يصلي هذا اللي يقهر وكل كلامج عدل و فكرت بكل اللي كتبتيه من حلول لو بقيت معاه و نمت معاه مثل كل مره : ممكن تصيبني امراض لو اتطلقت طبعا ما راح اتزوج عشان عيالي : بس المصيبه هو يتحلف بالعيال و انا بصراحه اتوقع منه اي شي لو بقيت معاه و منعت نفسي انام معاه : ما راح اقدر امنع نفسي على طووول خصوصا ان زعلي ما يطول و الله اكثر مده ممكن ازعلها هي يوم و نص احسن حل الطلاق عشان ابعد عنه بس ما اقدر اخلي عيالي |
اقتباس:
لانه ما يصلي و يزني و اذا عصب ينسى اللي حوله (ما يحس بنفسه) بس اخاف على عيالي منه |
الله يرحم حالكم
لكن مثل ما قالت الأخت لو إنك ما تبينه ويتتحملين عشان العيال ممكن تشوفين إذا تقدرين تثبتين في المحكمة عدم أهليته لتربية الأبناء لأنه واحد متهاون في الصلاه وله علاقات ببنات هذا غير إني لاحظت إنك ذكرتي إنك تسوين اللي يبيه في الحياة الجنسية ( إلا الحرام ) هل يدل هذا على انه يطلبك من الدبر ؟ لا أنتظر الاجابة لكن إن كان فهذه مشكلة لازم تتصرفين وتشوفين لك حل مادري هل في أحد ممكن يأثر عليه من أهله عمه خاله جده أي شيء لأن تفضحينه بشكل علني ما يصلح نبقى مسلمين والستر أولى ولا هالأشكال ما تحترم أحد الله يعين عزيزتي صلي وادعي وانتبهي لنفسك ولازم أحد ينبه ويردعه ولا تقعدين معاه من غير تصرف لأن اللي يصير مو طبيعي الله يستر عليك منه |
اختي كان الله في عونك .. انا عارفه انك تحبين زوجك .. و لكن يجب ان تحبي نفسك اكثر .. خافي على صحتك من اجل ابناءك .. بكره لا سمح الله صابتك الامراض اللي انت عارفتها مثل الايدز او الهربس او السيلان او الزهري او الفطريات و الطفيليات او التهاب الكبد الفيروسي او القرحه الرخوه وش بتسوين .. الندم ما راح ينفعك و راح تنحرمين حتى من تقبيل ابناءك خوفا عليهم من التقاط العدوى منك .. اختي خليك حازمه جدا جدا .. المسأله مو مسأله خيانة نت او جوال .. المسأله فيها زنا و العياذ بالله يعني حده في الاسلام الرجم حتى الموت لانه انسان محصن يعني عنده زوجه .. قبل خطوه الطلاق هناك عدة خطوات ممكن تجيب نتيجه اذا قرنتيها باللجوء المخلص الموقن الي الله تعالي لا تدعين الله وانت منكسره .. لا يا اختي .. ادعي الله وانت جازمه و متيقنه ان الله سوف يستجيب دعاءك اكثري من الاستغفار و الصلاه في جوف الليل و اكثري من قراءة القرآن .. فمصيبتك يا اختي ليست سهله اول شي اجمعي على زوجك اي دليل على خيانتة يقع تحت يدك سواء رسائل او صور او حتى تسجيل مكالمات له او محادثات على المسنجر .. احتفظي بها في مكان لا يمكن ان تقع يد زوجك عليه و لا تخبريه ان عندك ادله عليه حتى ما يضغط عليك انك تسلميها له .. بعدين لازم تكلمي ابوه .. و تشرحي له كل شي .. بعدين امتنعي عن العلاقه مع زوجك حتى تتأكدي انه خالي من الامراض ... و ربي يربط على قلبك .. |
لا حول ولا قوة إلا بالله
والله اني اكتب هالكلام وانا قلبي يتقطع عليك ومو هاينه علي دموعك ودي يرجع زوجك لعقله .. بس هذا طريقه مظلم ما ينعرف آخرته طيب ليش ما تشاورين أهلك .. بعد انتي طايحه في مصيبة من لك غير أهلك .. و الوقوف كذا من غير تحريك ساكن بلوه لأن يمكن يجيك الطوفان ويغرق الأول والأخر أو جلسي معه وعرضي عليه الحلول قولي له وش الحل بنظرك .. هالاسلوب في الحياة غلط يا يتعدل وإذا الشيطان غالبه وما يقدر يخليكي على الأقل تربين عيالك بأمان .. استغفر الله .. ادعي ربك كثير وفي جوف الليل أنه يفك كربك ويلهمك للحل الصحيح ويكفيك شر الأشرار وكيد الفجار ما لك إلا رب العباد وإن شاء الله الأخوان والأخوات مراح ينسونك من دعائهم في ظهر الغيب |
اخت colors: هو عمره ما طلب مني الجماع بالدبر بس لما شفت مسجاته و هو يطلب البنت و سأل اذا تسوي عن طريق الدبر
قلت يمكن هو يبي هالشي و طبعا مستحيل يحصله عندي انا ارضيه باللي يرضي ربي اخت اميرات: صعبه اكلم ابوه في هالموضوع بحاول اكلم امه |
اختي باريسا: امي و ابوي مستحيل ادخلهم في مشاكلي قلبهم بيعورهم علي
و اكييييد بتكبر المشكله اكثر و لو انحلت المشكله ما راح ينسونها ابدا و كل شوي بيقعدون يذكروني اخوي الكبير هو صديق زوجي من 10 سنوات ممكن اكلمه بس اخاف المشكله تكبر و تنتشر و انا ما ابي افضح زوجي (اخوي ما في بينه و بين زوجته اسرار و زوجته من النوع اللي ينشر الاخبار كذا مره قلت لها لا تقولين حق احد عن مشاكلي و ألقى السالفه منتشره) بس بحاول اكلم اخوي مصيبتي الحين ما عندي تلفون زوجي قال بيشتري لي واحد اليوم بس ما يندرى |
قوي قلبك .. الله يقويك
أنا عارفه مو هاينه عليك العشرة بس خلك قويه .. وإذا بتكلمين اخوك .. خذي منه كلمة رجال وأن الي بينكم يبقى بينكم ما ينتشر بعد انتي اخته ولا يهون عليه يفضح اخته .. وانتي عندك عيال من هالرجال يعني سمعته السيئة بتأثر على مستقبل عيالك .. انتي عندك بنت وهذي اهم شي جلسوا جلسة مصارحه وتفقوا على حل بأقل قدر من الخسائر يا يتعدل ويتعوذ من ابليس الرجيم أو يخليكي تربيت عيالك خلك جامده ومصرة على طلبك ولا تظهرين لا رقة ولا نعومه السالفه جديه ولا تنحل بالرقه واذا قال يبي يتعدل خليه يروح يكشف عشان تطمنين وتشوفين النتائج بعيونك والله يكتب لك الصالح |
جزاج الله خير اختي باريسا عالنصايح
ان شا الله بسوي اللي قلتي لي عنه و بكلم اخوي اول ما يوصلني التلفون بس بليييييييز ادعوا لي و ادعوا لزوجي بالهدايه الله يرزقكم الجنه |
السلام عليكم ورحمة الله وبركاته اختي الكريمةانتي هل تحبين زوجكي فعلا اقول لكي قولا ادعي لزوجكي في اوقات الاجابة بالهداية في النصف الاخير من لليل في كل وقت فيه اجابة بان الله يرده ردا جميلا ويجنبه السوء والفحشاء والمنكر ويكون قدوة لاولاده واهله وهذا فعلا مجرب الله تعالى ينزل في الثلث الاخير من الليل يقول هل من سائل فعطيه هل من مستغفر فاستغفر له الله تعالى هو الهادي (انك لاتهدي من احببت ولكن الله يهدي من يشاء)ودعي الله وانتي موقنة بالاجابة وتوكلي على الله من توكل على الله فهو حسبه
و السلام عليكم ورحمة الله وبركاته |
السلام عليكم ورحمة الله وبركاته والله لقد حزنت كثيراااااااا و لا اعرف ما الحل غير اني ادعوا لك ان يحفظك انت و ابنائك و يهدي لك زوجك! و لو ناوية علي طلاق خططي الاول لكي تحمي نفسك و اولادك ممكن تاخذي الجوال بتاع اوروبا دليل؟!
|
اخت لوران: جزاج الله خير و ان شا الله راح اكثر من الدعاء
اخت لولو: فكرت بالادله بس المصيبه لو تطلقت و حكمت لي المحكمه بالعيال هو متحلف يقتل عيالي و انا بصراحه اتوقع منه كل شي اللي ما يخاف من ربه ينخاف منه |
ملاحظه اختي .. يفضل في مثل هذه المواقف انك تكلمي اهل زوجك قبل ان تكلمي اهلك.. مهما يكون اهله اقرب له و يتقبل منهم الكلام الجامد و التعنيف .. اذا كلمتي اهله وما شفتي منهم موقف ايجابي و ما استطاعوا انهم يساعدوك بامكانك انك تكلمي اخوك .. اختي بمجرد ما يحس زوجك انك متردده او خائفه في اتخاذ اي موقف ضده تأكدي انه راح يدوس على رقبتك لكن اذا شافك جازمه و مصره على رأيك راح يعمل لك حساب .. شوفي اختي زوجك يهددك انه راح ياخذ من عندك الاولاد مجرد تهديد لكنه ما يقدر يعمل هذا الشي و حركته انه اراد ان ياخذك بيت اهلك و بمجرد ما وصلتوا الي هناك ارجعك مره ثانيه للبيت دليل انه ما يقدر يتحمل مسؤوليه الاولاد .. شوفي اختي احيانا يشكلون الابناء ورقة ضغط لاحد الزوجين .. مثلا شوفي حالك انت ما تقدرين تستغنين عن اولادك و في نفس الوقت زوجك ما يقدر يتحمل مسؤوليتهم ولا يوم واحد .. في بعض النساء عندهم القدره في سبيل انها تأدب زوجها ترمي عليه الاولاد كم يوم ويتورط فيهم فيرجع لها زوجها و ينفذ لها جميع طلباااتها لان ما في احد يتحمل الاولاد الا امهم .. |
طيب الشرطة لا يمكن ان تحميكي انت و عيالك؟؟ و تخليه يكتب تعهد؟؟
|
اقتباس:
اختي لا تستبقي الاحداث .. ان شاء الله ما في طلاق .. و زوجك يهدد فقط .. انت فقط استعيني بالله ولن يخذلك رب العباد .. |
انتي قلتي ان اخاك صديقه منذ عشر سنوات
واعتقـد انه يعرف ماضيه وبالتالي لن يتفاجأ بحاضرة الافضل ان تخبريه هو لا غيره اما عن الامراض الجنسية المحتمل ان ينقلها لك |
الله يكون بعونك أختي
والله حاسه فيك أختي وصدقيني مو مقوي زوجك كذا ألا ضعفك لازم توقفيله وقفه قويه وماتخلينها تمر مرور الكرام الله يفرج كربك ويهدي زوجك |
مع باريسا
فيما قالت |
كلمي ابووووة عمة جدة اي احد خليهم يحس بس انة انتي خااايفة على نفسك وعياللك والسفرر بلاش منة مدام رااح يجبلكم المصااايب وانتي كيف خليتية يروح شهر خلاص هو الان اب ومسؤل لازم ينتبهة لعيالة مو يرميهم شهرررررررر عليكي وعلى اهللك بس التحاليل الله يخليك حاااااااولي مو يضحك عليكي بكلمتين وانتي تصدقي بس عندي سؤال هو من تزوجتية وهو كذاااااا والاتغير مع الزمن ؟؟؟؟؟؟؟؟؟ وربي اني افكر فيكي من امس الله يصلح حااالك يارب |
اقتباس:
عين العقل :22: والله يكون بعونك |
بكرة اذا نقل لك مرض وانحرمتي من عيالك واهلك وكل الناس تصير تتجنبك ساعتها ماراح يفيدك حبه وبدال ماتقولي احبه اموت فيه راح تسبي وتلعني وتتدعي عليه كمان ..
الحقي نفسك وعيالك والله مافي رجال يقدر يتحمل العيال ولا ليلة وحدة وبالنسبة لتهديده لك صدقيني مايقدر يسوي شي اولا لانه ابوهم ماراح يطاوعه قلبه وثانيا في قانون يتعهد انه مايلمس شعره فيهم السالفة مو لعبة .. بس احسك انك تبغي سبب يخليك معاه والا واحد زي هذا اول ما اشوفه راح استفرغ من الكلام اللي كان كاتبه للمومسات .. .................................. |
مشكورين اخواني عالردود
بصراحه ما عندي وقت ارد عليكم واحد واحد انا تعمدت اتأخر بالرد عشان اخذ خطوه و اقول لكم شسويت انا اليوم كلمت اخوي و قلت له عن زوجي استغرب وااايد لانه يقول لما كانوا مراهقين كان زوجي يرفض البنات و حتى ما كان يكلم الا بنتين و ما كانت علاقته تطول معاهم يعني بالكثير شهر (بالتلفون بس) و لما يسافرون البنات يجوونهم لين الغرفه و زوجي يقعد يستعبط عليهم و يطردهم يعني لما قلت لاخوي سوالف زوجي انصدم بصراحه يقول يعني الحين بعد ما تزوج قام يدور عالبنات و قبل يتحذفون عليه البنات و لا يعطيهم وجه المهم اخوي قال اذا تبين اتطلقين انا بمر عليج و باخذج انتي و عيالج و البلد فيه قانون بيحميج انتي و عيالج و مستحيل يقتل حد من عياله لانه بينسجن طول عمره و ممكن يذبحونه اخوي يقول انتي شخصيتج ضعيفه و ينقص عليج شافج ضعيفه و قعد يخوفج بزياده المهم انا رفضت اتطلق و اسوي مشاكل الحين قلت لاخوي اصبر شوي بحاول معاه اذا اعتدل و عرف ربه الحمد لله و اذا شفته مثل ما هو و لقيت عليه ادله ثانيه خلاص باخذ عيالي و بتطلق و اخوي قال لي انتي لما تنصحينه بالصلاه كلميه بالزين و حببيه بالصلاه مو تقعدين تصارخين و تبينين انه كافر ما يعرف ربه (اخوي عطاني مثال عن نفسه ) قال قبل كان ابوي يحن عليه صل في المسجد و انت و انت و الخ الخ يقول يحسسني كأني كافر ما اعرف ربي بس لما تزوج و مرته تكلمه بالزين و بالهدوء و تدعي له بالتوفيق و من هالكلام الزين قام يحب يروح المسجد انا بحاول مع زوجي شهر او شهرين و بشوف النتيجه (مع اني عارفه اني مع هالضغوط ما بقدر اسيطر على نفسي و ان شاء الله بنسوي التحاليل قريبا |
اقتباس:
اختي انا احبه و صعب اني ابعد عنه اعرف ان هالشي بمنتهى الغباء بس ما اعرف شلون افهمكم شعوري انا لو مكانج و الله راح اكتب اللي كتبتيه و عدل كلامج بس ما تهون علي العشره لو تطلقت خلال اول سنه كان ممكن بس الحين صعبه انا بحاول معاه اذا اعتدل كان بها و اذا لا اللي ما يبيني ما ابيه لو يبيني راح يتخلى عن هالسوالف عشاني (لو كان يحبني) |
يعلم الله اني كنت احاتيك .. وافكر فيك
صدقيني ما عرفت أنام ذيك الليله من الانفعال جلست اليوم الثاني وانا افكر فيكي واقول في نفسي شلي طيح هالمسكينه في هالبلوه .. والمشكله ما تاكلها إلا الضعيفه عموماً زين سويتي كلمتي اخوك .. هو سندك وهذا هو ما قصر نصحك وقالك وبين لك انك غاليه عند اهلك والنعم فيه ما قصر .. وطبعاً أنا فهمت انه ما يبي يدخل عشان الموضوع ما يكبر والحين انتي مثل ما قال اخوك حاولي معاه بالهدوء عسى الله يهدي قلبه . . لأن فعلاً العصبيه والصراخ تخليك تعاندين غصب حتى لو انك تدرين ان هذا الشي غلط .. حاولي انك تجذبينه للدين بطريقه غير مباشره يعني مثلاً سأليه عن شي في الدين شنو حكمه .. قولي له انا نسيت ركعه في صلاتي او شي سهيت عنه في الوضوء مثلاً شنو حكم صلاتي .. خليه يروح يسأل الشيوخ عن اشياء .. يعني حاولي تقربينه من هالجو قولي له في رمضان الي فات صار معي كذا وكذا .. شنو الحكم اعيد الصيام شوي شوي راح يحس بأهمية هذي الاشياء وان والدين مو لعبة ولا على كيفنا وعلى الزنى .. لا تجينه كذا في الوجه ... لا تعالي بطريقه غير مباشره يعني مثلاً : قولي له صار نقاش بيني وبين صاحباتي أو نقاش في النت على شنو حكم مصافحة المرأة الأجنبيه للرجل الأجنبي .. طبعاً انتي سوي نفسك ما تدرين ومو عارفه ..وانك تبين الاجابة عشان تردين على صاحبتك طبعاً انا ليش جبت لك هالمثال .. عشان مخه يعمل مقارنه بين مجرد المصافحه والزنى بس انتي لا تبينين له هالشي خلك طبيعيه وغشيمه ما تدرين عن شي صدقيني ضميره شوي شوي راح يصحى .. و راح يبدأ يفكر ويصحى من نومة هالضمير والسبات الي هو فيه يعني انتي عليك بس اشارات عشان تصحين ضميره .. وصديني النفس اللوامه راح تشتغل عليه ولا راح يقدر يستقر إلا لما يرجع لطريق ربه ... خليه ينتبه بس بطريق غير مباشر أن الدنيا مو دايمه لأحد وبأي نفس طالع والا نازل الواحد ممكن يفارق الحياة لكن شنو فايدة الدنيا ومتاعها اذا خرجت الروح على معصية خليه ينتبه لبنته الي يحبها ومتعلق فيها .. أن الله ما يبتليها بعيال الحرام يحومون حواليها اذا كبرت انتقاماً منه قولي له قريت في المنتدى مثلاً قصة كذا وكذا .. مثلاً اذا الادارة تسمح لي قصة ( رجل حزين جداً ) شلون هذا الرجال ما زنى ولا شي بس مكالمات ومعى هذا خايف من الله وخايف ان الله يعاقبه في بناته لو تزوج .. وهذا هو مو متزوج ويحاتي وخايف من المستقبل من الحين واهم شي خلي القرآن دايماً في بيتكم .. ترى له أثر ما تتخيلينه تدرين أنا أحب أسمع قرأة عبد الباسط .. قرآته تهز الصخر .. ما أدري بس شعور غريب بس اسمعه يقرا قرآن تحسين أن قلبك يرق وحتى الدمعه تصير قريبه .. جربي تسمعين سورة البقرة ( المجود ) جربي تخلينه يسمعه وكأنك ما تدرين انه موجود وبعد لازم تقرين كل يوم ولو صفحه وحده .. ترى انتي بركة البيت الحين ولا تنسين الاسغفار داومي عليه ادعي له .. دايماً ادعي له من قلبك بالهداية الله يوفقك ويصلح زوجك آآآآآآآآآآمين ويلين قلبه ويهديه ويجمعكم على الخير ولا يفرقكم نسيت اقولك سوي هالاشياء على شكل سوالف وأخذ وعطا يعني مو وعظ وارشاد واضح يعني كأنك قاعدة تسولفين معه ,, وخلك طبيعيه وحبوبه وخفيفة ظل عشان يحب يقعد يسولف معك ولا تجيبين كل شي مره وحده .. لا شوي شوي .. |
اقتباس:
جزاج الله خير اختي باريسا و الله يعطيج على قد نيتج |
اختي قبل ما تحاولين تغيرين في زوجك غيري من نفسك .. شوفي انت وين نقاط الضعف اللي فيك .. وفي ايش مقصره .. لا تقولين لي انا البس و اكشخ و شابعه زوجي في الفراش .. انا اقصد شخصيتك ايش ناقصها .. هل عندك ثقه في نفسك .. هل شخصيتك قويه هل عند اسلوب جيد و ساحر و مقنع في الحوار ؟؟ هل عندك ثقافه عامه ؟؟ هل تحبين ذاتك ؟؟ ام طووول الوقت همك زوجك و هو محور حياتك و تلهثين خلفه ؟؟ واضح انكم عايشين في وسط كله خيانات و بنات و شياطين الانس و مبتعدين عن الله ... انت محتاجه لبرمجة شخصيتك من اول و جديد عشان تعرفي كيف تغيري زوجك ... ان الله لا يغير ما بقوم حتى يغيروا ما بانفسهم ... |
اقتباس:
مشكوره اختي عالرد |
انا قلت لك:
اقتباس:
هذا كلامك اختي .. اقتباس:
وهذا كلام اخوك .. اقتباس:
يا اختي زوجك يخونك لانه ما يخاف الله و لا عامل لك حساب او اعتبار و لا يحترمك و لا يحترم مشاعرك.. |
| الساعة الآن 12:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©