|
طلقني طلقه واحده ؟؟
السلام عليكم ورحمة الله وبركاته00000000
متزوجه من اربع سنوات واموري مع زوجي تمام نحب بعض وش ماصار بينا مانستغني انا اعترف الكل منا عصبي وعنادي بس للاسف من حوالي اربع شهور زاد القسآوه بينا والكل منا مايبغى يتنازل وصارت حياتي جحيم والله ثم والله صرت ادآري عليه مثل الطفل اذ رديت عليه قال انتي طويلت لسان واذ سكت يقولي ليش ساكته وليش تزعلين يعني اجيبه من طريق يروح لطريق ثاني اذ رضى علي تراك العالم كله وقابلني واذ زعل علي تركني وعاندني حتى بولدي واذ طلبت منه اغراض يقولي مامعي شي كله عناد بعناد حتى صار يقولي تزلين بغلطه ياويلك وتعبت نفسيتي منه انا ما انكر من تزوجته كريم طيب خلوق كل ما ابي تحت امري بس تغير فجاه مدري ليش اخرتها كنت جايه لاهلي قبل شهر مسيار بتغدا عندهم وصارت بمشكله بينا بلجوال ةتركني ثلاث ايام وبعدها ارسلي يقولي بجيك قلت مقدر انا تعبانه لاني فعلا شرهانه عليه وتركني وبعدها بكم يوم ارسلي يقولي انا استخرت وشفت ان البعد احسن شي لنا وكلن يشوف حياته واغراضك متى مابغيتي تعالي خوذيهم او يوصلون لحد بيت اهلك وسكتت حتى مارديت عليه وصار حتى مايجي ياخذ ولده اذ فكر ارسل اخوه الصغير وقبل اسبوعين تفاجات بطلاقي والله العظيم مطلقني من 15 يوم ولاعلمني حتى رساله ماقالي هو ساكت واهله بعد مختفين وصل رساله لخالي يقوله تلاقي ورقه الطلاق عند الشيخ الفلاني وصلها خبر والله يستر عليها ورحت واخذت كل اغراضي تخيلو والله العظيم مطلع كل ملابسه من الغرفه يعني مالقيت ولاشي يخصه حتى صور الزواج قصهم بلمقص اخذ صوره وحط صوري بلبوم حسبي الله عليه بلعقل هذا تصرف رجال الحين لي بلعده شهر يعني ماعرفت الا الاسبوعين الاخرين وراح ابوي وجاب الورقه ومكتوب عليها طلقه واحده ولحد الان مايوقف عند باب اهلي يرسل اهله ياخذون الولد وهو لاعلم والاخبر يعني الطلاق مثل السلام عليكم يعني شي مو بلعقل ماكنت متوقعه منه هاشي حتى اهله يقولون ليش تسوي كذا يقول شي بيني وبينه طيب انا مو مستوعبه وش الي بيني وبينه والي يقهرني يقول لاخته انا عارف انها احسن الحريم ومو مقصره بأهلي ولا امي ولا خواتي ومو مقصره بهتمامها بنظافتها ونظافت ولدها بس انا ابي لي مو لناس طيب وش الي له ويقول شي بينا طيب انا افكره الف مره اقول يمكن صدر مني غلطه كبيره وماحسيت فيها لكن المشكله كل شي يصير بينا ناصل السماء ونرجع يعني متعودين على بعض انا ستغربه من حاجه بالاخير صرنا مانتحمل ننام بغرفة النوم حتى اخر الايام بينا ننام بغرفة الجلوس ومره بغرفة النوم يعني وضعنا مو طبيعي وصاير وقته كله كمبيوتر حتى ما اجلس عنده ليش بحسسه بثقه لكن افكاري تشتت من كل جهه لكن انا ما بيدي الصلاه والدعاء سبحان الله حاسه براحه مو طبيعيه على اني فقدته ومشتاقه له لكن قلبي زعلان عليه وحسبي الله ونعم الوكيل من دخل بينا أأأخر كلمه يوصلها لي كل من رد على موضوعي الله يجزاكم الف خير آآآآخر ما يقول انا عارفه انها طيبه ومعاملتها حسنه مع اهلي وناسي وعارف انها ماقصرت معاي لكن هذا شي بيني وبينها ؟؟ ويدعيلي بتوفيق والسعاده حتى انه يقول ما راح احرجه بولدها يوم من الايام حتى لو تتزوج شوفو اخرتها معاه يمدح ويدعيلي ويقول شي بينا الله يكتب لي الخيره وانا الحين لي شهر بلعده |
طيب خلااص ياقلبي هدي نفسك
ومدام انة يمدحك اهم شي ما يجيب سيرتك بشي بطااال لكن قرار مفااجئ الصراحة انت قولتيلة انك تبغين الطلاق والاهو قرر ونفذ من نفسة والله اذا طلقك عن اقتناااع منةايش بتسووين غير انك توكلين امرك لله وتبدين حياتك من اول وجديد وتتفرغين لولدك والي يبيعك بيعية لاتتعبين نفسك ابداااا انا عارفة انك مصدوومة والله حتى انا ما اعررفك لكن انصدمت احس في حلقة مفقووودة وهي الي خلتة يطللللق من غير سابق انذاار |
يمكن حسد يمكن سحر
عليكي الرقيه الشرعيه وسورة البقره تترتاح نفسيتك حسبي الله ونعم الوكيل |
مشكورين على تفاعلكم معاي انا اقول الله يريد لي الخيره بس اهم شي عندي اقول الله يسخره لولده والله مايشوفه الا كل اربع ايام حتى مايسأل شنو ناقصه او شنو يبي او اسألو امه او مصروف هذي معروفه يعني انا بنت ناس لكن ولده يوم من الايام كان مايصبر عنه وش مايبي الولد سم ولبيه لكن الظاهر يعاندني حتى بولده ولا يرسل مصروفه يبغاني اقول اي شي لكن فوق ربي ياخذ الحق وانا ما انكر فضله يوم من الايام لكن سبحان الي غيره
|
الله يعينك يا اختي ويقويك سوي لك رقية شرعية وواضبي على قرأة سورة البقرة
زوجك عجول وراح يتندم |
بكـــــــــــره يندم حسبى الله ونعم الوكيل للأسف هو لايعلم مامعنى الزوجه الصالحه وأنتى كنتى ونعم الزوجه الصالحه لكن النصيب توقف إلى هذا الحد أختى لن أقول حسد او سحر لكن هقول لكى الماضى خياااااال والتفكير فى الخيال محال أنسيه للأبد وأرجعى كأنك بنت تبدأ من جديد حياتها والله يعوضك بالأحسن منه لكن أختى أنتى الأن تمرين بالصدمه التى حدثت وسوف تمر الشهور وصدقينى سوف تتبدل مشاعرك وتنسيه بس أنا شخصيا مصدوووووووووووومه فما بالك أنتى الله يصبرك دنيا أبتلائات الله يصبرنا عليها |
الله يكون بعونك ويصبرك
ويرزقك باالزوج الصالح |
بعض الرجال قاسين حيل حيييييييييييييييييل
وإذا بغى ينفذ الي في راسه قدم الضحايا بدون تردد حتى لو أبنائه .. زوجك شكله والله أعلم يبي يأدبك .. يبيك مثل الكره في ملعبه .. يمكن حس بثقتك بنفسك يمكن حس أنك مطمنه من ناحيته وانه مستحيل يستغني عنك فحب يثبت لك العكس أنه ممكن يستغني عنك حب يكسرك ويقولك السلطة بيدي >>> تصرف ناقص هذا اسلوبه يمكن يبيك تعتذرين .. يبيك تعملين واسطات وتترجينه يرجعك وتبوسين ايدينه ورجوله عشان يرضى عنك بكذا يمكن يرضي غروره ويذلك اقول يمكن .. |
اقتباس:
شنو شي بيني وبينها .. أحد يطلق ويقول هالكلام ايش تصرفات مراهقين هذي مو رجل عاقل مسؤول عن بيت وزوجه وطفل قسم بالله أن السلطة بيد الي مثل كذا خساره عموماً أتوقع أنه يرجعك إذا انكسرتي |
وعليكم السلام ورحمة الله وبركاته
اخ ياوخيتي ذكررتيني بقصه طلاقي الثاني مع اني مطلقة لي سنة تقريبا ماقال الااكثري من قول (اللهم أجرني في مصيبتي واخلف لي خيرامنها ) اسال الله ان يثبتك وينزل على قلبك السكينة اعلمي ان انفصالك عنه خيرة صدقني هومايستاهلك بس الله يسامحه يكفي يذكرك بالخير هذااهم شيء أنتي ادعي ربي يعوضك بابرك منة يارب تفرج همك وتصبرك والزمي الاستغفار وارضي بقدرالله والحمدلله على كل حال يارب تسعدك وين ماكنتي اسمعي نصيحة اذكرية بالخير خصوصاعندولدة وربي يحنن قلبه علية وصدقيني هوالخسران ان شاءالله ربي يرزقك باللي يستاهلك وفي شيء بقولة لك من اخت طبعا نصيحة الزوج ماتعاندينة مهماصار يعني اذا اشدارخي معة واذا هدى كلمية برواقة واسال الله ان يفرج همك ويرزقك يارب شوفي اختي ع 24 العام تملكت على واحد متزوج طبعا كنت مطلقة من واحد قبله المهم تزوجت متزوج وجلست 3 ايام وجابني زيارة لاهلي وراح وتركني وقبل ماكمل اسبوع طلقني وتخيلي طول 3 ايام يعاملني كاني اختة وصبرت قلت عادي اهم شيء اتعود علية وكان سبب زواجة ان حرمتة تسقط اطفال ويبي يتزوج ويجيب اخت لبنتة وتخيلي كاننامتفاهمين لابعد درجة وكان يكلمني ايام الملكة ومعجبتة وكلمتني زوجتة وباركت لي وواعداتهااننا راح نكون جيران موجارات ومع كذا ربي قدر طلقني حتى كنت من منطقة ثانية بس كل شيء مكتوب حتى كانت اغراضي مرسلتهاللملكتي بس كتب ربي مادخل بيتي ومااقدر اقول الا قدرالله وماشاءفعل والحمدلله على كل حااااااااال والواحد ماياخذ الانصيبة كنت اتمنى اتزوج ويرزق ربي بنت تتحي ذككري بعد موتي بس الحمد لله على كل حال الله يعوضنابابرك يارب عليك بصلاة الليل وربي يفرج همك وينصرك علية ويعوضك احسن منة اهم شيء اهتمي بنفسيتك وصحتك وعليك بالاستغفار وربي يكتب لك الخير وين ماكنتي اسفة طولت بس حبيت افيــــــــدك |
انا بصراحة استغربت قولي حسبي الله ونعم الوكيل
الله ينصرك.. |
شوفي يا اختي ليش ما تكلمين زوجك وتتفاهمين معه وتسألينه عن الاسباب يمكن انه يحس باشياء خارجه عن ارادته والدليل كلامه عنك وترا ما فيها شي اذا كلمتيه وتراك الى الان تعتبرين زوجته وقولي له اذا هو حاس باشياء غريبه يروح لشيخ يقرأ عليه والا يرقي نفسه يمكن اصابتكم عين واذا انت من النوع اللي دايما يتكلم عن حياته امام الناس فمن المؤكد ان احدهم اصبك بعين وانت من ناحيتك الزمي الاستغفار ليل نهار وادعي في صلاة الليل ان الله يسخر لك زوجك ويهديه ويكشف ضركم واستمري على قراءة القرآن وخاصة سورة البقرة وتصدقي الصدقه تدفع غضب الرب يعني كذا انت سويتي الاسباب والباقي على رب العالمين توكلي على الله خير التوكل واحسني الظن بالله واكثري من قول حسبي الله ونعم الوكيل .....اللهم اجرني في مصيبتي واخلفني خير منها
:( و الله يا اختي انا حاسه فيك وحبيت اني اهديك شوي و الله ييسر امرك ويسخر لك زوجك ويهديه لك ويكشف عنكم كل غمه ويكشف ضري وبنات المسلمين و الله يوفقك |
والله موضوعك غامض كثير
كيف دي بناتكم عشرة وولد كمان, ويعترف إنك مو مقصرة.... حبيبتي الله يستر عليك... إنت هدي شوي...لا تتصلي فيه اكيد إنشاء الله راح يتصل و يصلح غلطتو..الله لا يوفق اللي دخل بيناتكم...الوضع مو طبيعي إن شاء الله تتصلح الأمور.. أختكم sabra2009 دعواتكم لى بالزوج الصالح... |
اقتباس:
متزوجه من 4 سنين و مو مستوعبه ان اللي بينك و بينه هو العناااد و المناطح .. اكبر غلط ان الزوجه تحط راسها براس زوجها و تعانده و تتحداه اكيد هذه هي النتيجه .. الطلاق .. يعني المعادله سهله جدا حتى الطفل يعرفها .. عناد + عناد = حياه جحيم و من ثم طلاق .. واذا ما طلقك راح يتزوج عليك .. اقتباس:
هذا الشي مؤشر خطير على تدهور الحياه بينكم كيف ما حاولتي تعالجي هذا الامر الخطير .. كيف خليتي الموضوع يزداد سوء و انت تتفرجي على انفسكم و انتوا تغرقون ؟؟ ليش ما حاولتي تتكلمي مع زوجك ؟؟ بعدين انت ارتكبتي اكبر غلط و هذا يثبت عنادك و قلة تدبيرك و عدم ادراكك لعواقب الامور ..هذه عمله تعملينها.. اقتباس:
انت اللي طيرتي زوجك من بين يدك .. يتصل عليك و يقول لك بجي اخذك و ترفضين ؟؟؟؟ كيف تفكرين انت ؟؟ و كيف اهلك وافقوا على تصرفك هذا ؟؟؟ هذا نتيجه العناد ... هذه هي القشه اللي قصمت حياتكم و انتهت بالطلاق .. اقتباس:
كل هذه الاغلاط و لا حسيتي انك تدمري حياتك ؟؟ عجبي والله من تفكيرك !!!!! من وجهة نظري انك توسطي شخص حكيم يقدر يأثر على زوجك عشان تتفاهموا مع بعض من اجل ابنكم بعدين انتوا الاثنين محتاجين لتحليل شخصياتكم عشان تعرفوا كيف تتفاهموا مع بعض .. |
بسم الله الرحمن الرحيم
وين اهلج؟ كيف يصيرطلاق ببساطه ؟اكيد فيه سبب لاتزعلين مني . الله يصبرج |
|
السلام عليكم ورحمة الله وبركاته
انا مع اختي اميرات في رأيها والعناد ابدا مايمشي مع الرجال وعودي نفسك انك تتنازلين علشان ولدك |
الله يكون في عونك اختي
ماقصروا الاخوان في الردود الله يعطيهم العافيه بس اللي بقوله لك انسي الماضي ولا تضيعي وقتك بالتفكير فيه فكري في نفسك وفي ابنك ماذا تستطيعين ان تقدمي له قوي صلتك بالله سبحانه وتعالي ,نظمي وقتك بما يعود عليك بالفائدة والمتعه اجعلي وقتا للعبادة وقراءة القران ووقتا لما يزيد من معرفتك وتطوير ذاتك ووقتا للتواصل الاجتماعي وصلة الرحم ... ونصيحتي الاهم لك ان تواصلي تعليمك ان لم تكمليه.. الله يكتبلك اللي فيه الخير .. |
الرجال بيرجعك بس هذا درس لك انك ماتخالفين زوجك في اي شي
وكل دعواتي لكم بالتوفيق وانك ترجعين له وتنبهي لولدك |
الله يفرج همي وهموم المسلمين اجمعين وعسى الله يسخرلكم جميعا
بس لاتنسوني من الدعاء والله يثبتنا على طاعته |
اقتباس:
اختي عفوا" الأمر كله لله .. مافيه شي اسمه الباقي على الله .. الأمر كله لله من قبل ومن بعد .. نحن فقط نفعل الاسباب .. ونتوكل على الله .. ادري انك ماتقصدينها بس حبيت اذكر .. صاحبة الموضوع الله يفرج همك ويرد لك زوجك ردا" جميلا" .. |
والله من كلامك هذا دليل على إنه رجال طيب ويثمر فيه الخير بس أنا اللي مستغربالو ليه إنت مستغربة إنه
يقول عنك كلام طيب بالعكس المفروض تسعدي بهذا الشي أو تبغيه يقول عنك أنا طلقتها عشانها خسيسه لئيمة ويجلس مثلا يشهر فيكي بين العالم بكلام مو طيب.... وتاني شئ أقري سورة البقرة كل يوم وأستخري إذا فيه خيرة يردوا لك ردا جميلا وإذا مافيه خير يصرفو عنك ويجيرك في مصيبتك ويخلفلك خيرا منها وسيبيكي من كلام الناس وإذا فيكِ فضول لتعرفي ماهو سبب طلاقك حاولي تتصلي فيه ترسيليو مسج وحاولي تكلميه بنعومة وقمة الانوثة وفي المسجات اكتبي كلمة حلوة عالطاير لاتقولي كرامة ماكرامة انت الآن لازلت في ذمته يعني لسى حلالك .... اسأل الله أن يرده إليك ردا جميلا تحياااااااااتي |
اختي هو طلقك طلقه واحده بس
انت ليش قاعده ببيت اهلك شيلي اغراضك و ارجعي لبيتك و وصلي له خبر انك ببيتك و اتصلي باهله يرسلون اغراض لبيتكم لانه فاضي مافي مقاضي ويجيبو الي يلزمكم انت و ابنك بيتك بيتك بيتك ما تطلعين منه ابدا و ان شاء الله ترجعون لبعض مثل الاول و احسن |
| الساعة الآن 03:02 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©