|
ابحث عن جهاز لاب توب ويكون لونه ابيض
بصراحة انا حاب اشتري جهاز لاب توب لزوجتي هدية بدل عن جهازها القديم
مرة سمعتها تقول انها تعشق اللون الابيض وبصراحة حبيت اني افاجأها ب لا توب لونه ابيض المصيبة ان اغلب النساء يهمهن شكل اللاب اكثر من المواصفات وانا بصراحة افكر آخذ لها لاب توب ابيض بما انها اتحب هاللون بحثت وحصلت سوني Vaio .. مارأيكم به ؟ وهل يوجد نوع افضل ؟ تحياتي |
ماشاء الله تبارك الله ..
كثر الله من أمثالك .. فيه من شركة آبل لكنه غالي شوي بـ6 أو 7 آلاف .. |
ماشاء الله تبارك الله الله يزيدك
احترم الرجل اللي يلتفت لرغبات زوجتة ..... بصراحة سوني روعة ماركة فخمة لاتفوتها........ |
الله يهنيكم يا رب
الاappleحلو كمان كتير الله يجفظك لزوجتك ويحفظها لك |
اقتباس:
بصراحة آبل غالي و الكي بورد يختلف على ما اظن وحتى الويندوز خاص في آبل عجبني مواصفات المحمول الي اشتريتيه مؤخرا .. حسب خبرتي في المواصفات اشوفها مواصفات سوبر وايضا اللون الزهري بنوتي وجميل .. وسعره جدا مناسب .. لكن بخليه ك حل اخير لو ما حصلت الابيض الي ادور عليه تحياتي |
اقتباس:
الله يبارك فيك بصراحة نحن الرجال نلتفت للمواصفات اكثر من الماركة المشكلة الحين شركة سوني مش نفس اول .. وجالسة تفقد بريقها شوي شوي وانا محتار في هاللاب توب .. عشان كذا بشوف احد يقنعني آخذه لان الشركات الأخرى طغت عليها من ناحية التكنولوجيا وخاصة سامسونج يعني الحين شاشات السوني الا ال سي دي ممتازة لكنها غالية جدا تجدين نفس المواصفات وممكن احسن وبسعر جدا ارخص ماركة سامسونج كذلك الكاميرات .. كاميرات السوني ألوانها مش قوية مقارنتا بالكاميرات الاخرى وايضا اللاب توب .. يعني يكون غالي ومواصفاته ماتسوى كل هالغلاء .. صارو يبيعو بس الاسم الشي الوحيد الي متفوقه فيه شركة سوني هي " السوني اريكسون " تحياتي |
اقتباس:
بصراحة معك حق الأبل ممتاز .. لكن بصراحة سعره باهظ جدا والويندوز والكي بورد خاص في الابل بصراحة شفت لاب توبات لونها ابيض 2 واحد ماركة سمنس وواحد ماركة سامسونج المشكلة ان اخاف ما احصل قطع غيار سؤالي .. هل توفر قطع الغيار مهمة لللاب توب ام لا ؟ انا شفت في الانترنت لاب توب سوني ماركة فايو بحدود 3200 درهم اماراتي .. سعره مغري جدا اما عندنا في الامارات فهو بحدود ال 5000 ... ماعرف ليش رافعين السعر لهذا الحد بس راح اضطر اشتريه من الامارات لان الكي بورد فيه عربي والويندوز كمان .. تحياتي |
هنا موضوع الاخت جنة الدنيا ,, شاريه لابتوب نيوو
وحاطه جميع المواصفات ومدحته ... http://www.66n.com/forums/showthread.php?t=183121 بس للأسف مو ابيض !! ولكني اعتقد راح يعجب زوجتك جداً لأن معظم البنات يعشقون الوردي , . . . لفته لطيفه منك , عساكم دووم حبايب |
السلام عليكم
اخوي الفهدي بصراحه سوني الوردي اول ماطلع عجبني كثير وكنت بشتريه خاصه ان لونه رائع (اقصد البنكي ) بس الى اعرفه بغض النظر عن المواصفات وعن القيمه ان سوني صقطع غياره غاليه جدا واذا انخرب فيه ممكن ماعاد تستفيد من الجهاز فتركته واشتريت dell وكان فيه الوان روعه وخالتى عندها نفس جهازي بس ابيض ومواصفاته روعه والسعر حدوود ال3000 سعر مغري ..اسأل عندكم في الامارات اذا فيه اولا وشوف والله يسعدكم ويوفقكم وعلمنا اذا قررت على جهاز معين |
اقتباس:
على ايدك ؟ عطني رقم الموديل الله يخليك وتسوي فيني خير تحياتي |
اقتباس:
شفت الموقع وبصراحة الوردي عجبني وايد بس كما ذكرت في احد ردودي الي فوق اني بخليه آخر الخيارات لو ماحصلت الابيض جزاك الله خير تحياتي |
طيب يمكن هي قالت انها تحب الابيض بشكل عاام
لكن مو في اللاب توب احس اللاب توب من سووني الاحمر والوردي حلوووين وبنااتية مرررررة وسوني ماركة حلووة يعني اكيد راح تنبسط فيهاااا ويمكن اذا جبتلها ابيض ما تحبة على اللاب توب وتقوللك ياليت جبتلي الورردي والا الاحمررر :25::25: ان شاء الله تلاقي طلبك مع اني افضل انك تسألها ايش تحب لون غير الابيض :29: على اللاب توب |
|
اقتباس:
انا معك اللون الوردي جميل جدا والاحمر الماروني لكن هي مرة قالت لي " انا موتي الابيض " فى اكيد بتحب اللون الابيض .. على العلم اني ولا مرة جبتلها شي لونه ابيض المشكلة ما اقدر اسألها عن اللون الي تحبه على اللاب توب لاني بفاجأها فيه عالعموم انا بشوف لو ماحصلت الابيض الي ابغيه راح اخذ لها الوردي مثل مال الاخت جنة الدنيا تحياتي |
اقتباس:
ان شالله بشوف بسأل عنه اذا متوفر عندنا بالامارات او لا واتمنى انه يكون ناعم مب دفش تحياتي |
اليوم رحت السوق ابحث عن جهاز مناسب
حصلت ال Asus في مكتبة جرير مثل مال الاخت جنة الدنيا لكن موصفاته جدا اقل من الموصفات الي اشترتها الاخت والضمان سنة واحدة .. وسمعت ان وكالة Asus عندنا في ابوظبي خدمتهم تعبانة جدا .. ونفس سعر الفايو فى قررت آخذ سوني فايو لان لاحظت من بعض الردود ان البنات تهمهم الماركة ايضا وليس فقط الشكل وتذكرت كلام الاختdaimound22 ان ماهو شرط تكون تحب الابيض ..وان الوردي احلا وانا بصراحة شدني اللون الوردي .. فى قررت اسأل زوجتي بشكل غير مباشر بعثت لها مسج وقلتلها لو خيروك مابين اللون الوردي البيبي واللون الابيض شو تختارين؟ ( لم اقلها لاب توب) قالت : الوردي البيبي :22: وان شاء الله راح اشتريه خلال هذا الاسبوع:d هذا الابيض http://www.techfresh.net/wp-content/...es_5-thumb.jpg وهذا الوردي http://sony-laptops.techdiscountworl...x-pink-duo.jpg http://www.techfresh.net/wp-content/...es_2-thumb.jpg تسلموووون على نصايحكم الجميلة الي افادتني كثير والله تحياتي |
شفت زي ما قلتللك انا اعررف حركات البنااات
ويامااا سوووويتهااااا انا شخصياااا :d بس الورردي ذووووووووووووق احسن من الابيض حسيتة دفش وبرركة انك سألتهاا والا كااان :29::29: تتهنى فية يارب والله يخليها للك وتهديها كمان وكمان الا ماقلت كم سعررة اتووقع عندنا هناا ب5 الاف |
اكيد الوردي أحلى ,,
الحمد لله إنها اختارت الوردي .. يلا توكل على الله ,,, وفرح زوجتك |
اقتباس:
الحين اسعار اللاب توبات وايد نازلة سعره حاليا 3780 درهم اماراتي سعره جدا مناسب ومواصفاته مناسبة ايضا ك استعمال شخصي بسيط مشكورة على النصيحة وعلى هالدعوات الطيبة تحياتي |
اقتباس:
تحياتي |
| الساعة الآن 02:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©