|
انا واخواتي تعبنا نفسياً من سؤال الناس المتكرر
السلام عليكم هذي اول مشاركة لي بالمنتدى راح اعرض عليكم مشكلتي أنا وخواتي وهي انه عمري 25 سنة ومعلمة ولدي خمس أخوات اثنتان منهم موظفات اعمارهم 28و29 سنة والباقي اللي جالس بالبيت واللي في الكلية واختي الصغيرة بالإبتدائي المهم تعبنا من نظرات الناس والسؤال الذي يتردد لكل من رأنا وهو ( ليش ماتزوجتو إلى الآن ) مع ان أبوي مركزه مرموق ومعروف واللي يتشمت واللي يتفاخر علينا بأنه بناتهم تزوجوا وامي كل ماشافتنا تقول ياليتني افرح فيكم زي الناس:14: لدرجة من سذاجة وحدة تقول لأختي الكبرى ( 6بنات وماتزوجتو ا الله يعين ابوكم) ولكن الله كريم والله ان اختي الكبرى تقول شكلي راح افصل من العمل تجنبامن السوال المتداول والذي يتردد دائما مع العلم انه تقدم لنا خطاب ولكن الوالد الله يهديه رفض بحجة انهم غير متعلمين ولم يخبرنا الناس هم اللي قالو لنا مع انه مايأخذ من الراتب شئ والله تعبت نفسياتنا من الناس ملحوظه ( وهو اننا قليل الاختلاط بالناس ونميل الى الهدوء النسبي ومانخرج من البيت الانادرا) والله إننا نصلي الليل ونستغفر وندعي ولكن كل تأخيره فيها خيره انصحوني جزاكم الله خيرا. الاشراف:.عذرا.تم تعديل العنوان ليتضح المضمون |
اختي الكريمه ماعليك انت واخوتك سوى الدعاء الدعاء الدعاء لله عزوجل بالزوج الصالح والاستغفار
والصدقه ثم احضروا مناسبات اجتماعيه ولاتفوتوا اي مناسبه ثم ماعليكم من كلام الناس ابدا خليهم يتكلمون وش بيضركم كلامهم و أسأل الله العلي العظيم ان يرزقني ويرزقك وجميع بنات المسلمين الزوج الصالح الي يسعدنا |
ياهلا حياك اختي
والله ماعليك من احد وعندنا وياك خييييير والناس كلامها واجد واللي يسمع كلام الناس والله مايرتاح وماعليك الا من الاستغفار والدعاء وربي يفرج عليكم ويفرح امكم فيكم اللهم امييييييييييين |
السلام عليكم ورحمة الله
اوولا الله يرزقك واخواتك يا اختي الأزواج الذين يهنونكم وتضلون معهم للأخر العمر قولي امين صدقينيانا جربت الزواج وانفصلت والحمدلله على قضاء الله هذا قدر لكن عن تجربه سبحان الله بالذات الزواج نصيب ويجيكي فجأة ودون اي مقدمات بيوم وليلة تصيرين من بنت لزوجة نعم هذا قدر.... من الله وصدقيني بس انتي ادعي واستمري على افعال الخير ولا تيأسي كلنا صحصح مرينا لحظات يأس وقنوط استغفر الله لكن نرجع نمد الأمل والتفاؤل وانتن ما زلتن صغار ومرغوبات وماشاء الله مدام موظفات ووالدكم مقتدر تكونون اكثر وجاهه وترشيح للزواج بإذن الله و مثل ما قالو الأخوات كثفو علاقاتكم بالناس واحضروا جميع المناسبت الإجتماعية او قدمو عند خاطبة لو امك عادي عندها ترو عادي يجوز تبحث الفتاه لنفسها خصوصا لو وجد عضل من الولي الله يهدي ابوكم وحاولو اذا جا برنامج في التلفزيون عن زواج ابات وتيسيرزواجهم خلوه يسمعه او يكلمة احد حكيم وثقة قريب منكم يتساهل بشروطة للعرسان وطمنو قلوبكم بإذن الله ربي يسهلكم من يهنيكم بس كثرو من الإستغفار و لله حكمة في كل شي و الله يبشركم ويفرحكم قريب ويفرح امكم فيكم كلكم مرة وحدة ويكون زواجكم بيوم واحد و بيسر و سهولة ادعولي معكم الله يعوضني ويسرلي زوج يهنيني يارب |
اقتباس:
هلا فيك .. شوفي حبيبتي لا انتو اول ناس ولا آخر ناس بهذا الوضع .. مافي رجال يصلحون لكم .. لو جايين ناس مضبوطه ابوك ما ردهم .. هو بعد يبي سعادتكم .. مايبي يحطك في ايدي غير امينه وبعدين انا ما اشوفكم كبار كثير .. انا أعرف ناس صارو في اربعين وما تزوجوا ومو وحده ولا ثنتين البنات كلهم .. و بعدين الدعوه مو زواج وبس .. الزواج يا يكون على اساس قوي وصحيح ولا بلاه احسن لأن بلاويه واحباطاته اكثر .. وابوك معاه حق صحيح المفروض يقولكم انه في خطاب جاو لكم بس هم بعد الغير متعلم لا تبينه .. يذبح .. هذا شلون تتفاهمين معاه وانتي معلمه وتعالي على الغيره .. هذي الي تدمر الحياة مهما سويتي بيحس انك متكبره عليه عشان تعليمك اعلى .. لأن النقص في داخله هو اقتباس:
يبون شي بس يتكلمون فيه من فضاوة مخهم والله كل شي قسمه ونصيب وهذي ارزاق .. وبناتهم الي تزوجو بدري هذي مو من شطارتهم ولا من جمالهم كل مافي الموضوع أن الله كاتب لهم هالشي وكل تأخيره وفيها خيره .. مدامكم ناس طيبه ومؤدبات وتخافون ربكم وتراعونه خلاص لا تتعبين نفسياً .. انتي ما تدرين عن شي .. انتي بس ادعي وتركي لله التدبير هو أعلم بالصالح لنا أحنا البشر الله ما يبي لنا الا الخير والصلاح .. ومتى ما صار الوقت المناسب لك .. الله راح يسهل الموضوع بشكل ما تتخيلنه بس الحين كل هذي العوائق تصير لأنه ما بعد يجي الوقت المناسب لك في علم الله اقتباس:
تفكرينها مبسوطه والا تفكرين زوجها مبسوط منها .. والا على بالك زوجها لقطه .. دخلي بيتهم وتفرجي على البلاوي صدقيني هواش وخناق وعدم اتفاق .. اذا قالت لك مره ثانيه كذا قولي لها .. الزواج اهم شي فيه الاتفاق مو لقب اجتماعي والسلام.. وش فايده زواج نكد وضرب وعدم احترام .. انا ابي اربي عيالي في بيئه صالحه مو بيئه خربانه بس صراخ ومطاقق ويطلعون بأمراض نفسيه:22: اقتباس:
هذا اكبر خطأ ترتكبه في حياتها .. لا تترك شغلها ولا شي .. تحمد ربها على الي هي فيه ناس غيرها تبي مو شايفه .. وليش تفصل وعلى شان مين !! ترى هليام المتزوجات صارو اهم الي يشتغلون كله هروب من البيت والمسؤليات تقوم اختك الي ما عندها مسؤليات تفصل .. ليش تفصل .. مين تقعد له في اليت .. تقعد حق الهم والغم .. خليها منشغله افضل لها وتحمد ربها على النعمه اقتباس:
ماله الداعي التعب النفسي ارضوا بالي الله كتبه لكم .. لأنكم مهما تعبتوا مراح تجيكم إلا الأمراض وفي النهايه مراح احد ينفعكم .. بتصيرون عرضه للشفقه والشماته بعد .. خلكم بصحتكم ومهما سويتوا مراح يصير الا الي الله كاتبه وفي الوقت الي الله محدده .. فالأفضل أنك ترضين اريح للنفسيه .. مع الاستمراربالدعاء والاستغفار بهذي النيه ريحي نفسك ترى والله وضعكم افضل بمليون مره من غيركم .. والله يوفقكم |
**شادن **
**جوجو** **أملي بالله وحده ** أشككركم ياحبيباتي على الردود والله لو بيدي ماتزوجت أهم شئ إني متوظفة وعندي راتب اصرف على نفسي بس المجتمع اللي عايشه فيه كلهم متزوجين وحدة من زميلاتي تقول العزوبية أحسن وخالي يلمح لنايقول هاه بعد الوظيفة وش تبي البنت ( قصده الزواج أهم ) الله يرزقنا وإياكم بالأزواج الصالحين عاجلا غير آجل |
أختي ** باريسا**الله يسعدك ياحبيبتي
والله ان الزواج مسوؤلية وخصوصا لما تكوني موظفة راح يزيد أكثر والله يأختي أغلب أقاربي اللي يزوجون بناتهم قصدهم التفاخر وان بناتنا تزوجوا وهم صغار بغض النظر عن أخلاقه وصلاته ........الله المستعان واللي يقهر أكثر لما يكونوا حاسدينك بالوظيفة ويبغون يحبطونك بسالفة الزواج وليش وغيره من الأسئلة أحيانا استغفر الله أريد الزواج بس عشان أمي ولا أنا لست أفكر بالزواج بشكل جدي |
شوفي اختي كل شي في ها الدنيا نصيب لكن هذا ما يمنع انا ناخذ بلاسباب اتصلي على مشروع بن باز لتزويج الشباب تراهم ثقه وحريصين واضمن من الخطابات وانتوا إن شاء الله فرصتكم قويه لانكم بنات وما زلتوا صغار توكلي على الله واتفقي انتي واخواتك وكلميهم و الله يرزقنا وبنات المسلمين الازواج الصالحين :17:
|
كلام الناس يتعب اذا انصت اليه والناس تنبش كل صغيرة وكبيرة ولكن اذا رميت كلام الناس وراء ظهرك تعيشين بسعادة
وعليكم بالدعاء في الثلث الاخير من الليل كتب الله لكم الخيرة حيث كان ووفقكم والزواج بجانب الوظيفة امر عادي اسألني اذا رتبتي امورك |
** ياقلب لاتحزن **
**سحابة الصحراء** أشكركم أخواتي على الردود الطيبة طبعا أنا ما أيد أبدا الخطابات لان أهم شئ عندهم الفلوس أما مشروع ابن باز أحاول أفكر فيه ولكن نحن في نظر الناس أننا عوانس ودي أفهمهم أن الزواج مو كل شئ بس من يسمع وأنا أحاول أصبر خواتي واننا.....راح يرزقنا الله بالأزواج الصالحين بإذنه تعالى الله يوفق الجميع |
الله يرزقنا الازواج الصالحين عاجلاً غير اجلاً يارب..
استغفروا واقروء سوره البقره وان شاءالله تتسير اموركم |
أسأل الله أن يسخر لك من عباده الصالحين وأخواتك وييسر أموركم ،، حبيبتي سديم كلامك رائع وينم عن شخصية ناجحة ماشاءالله ،،،وأما كلام الناس فبامكانك الخلاص منه بالرد المفحم ،،،يبدولي أنكم تتحاشون الاجابة لذا سيظل السؤال ،،، ببساطة اذا سُئلت لم لم تتزوجي حتى الآن ارفعي رأسك بكل ثقة وايمان واخرسيهم ((لم يأتي النصيب بعد )) وهذه هي الحقيقة فالزواج نصيب ولن نرزقه الا اذا كتب الله ،،، مودتي ودعائي |
اقتباس:
|
اقتباس:
المشكلة نظرات الشفقة والحزن كأننا عاله على المجتمع والله إنا مانكثر الزيارات عشان هذا الموضوع اللي مكبرينه أكثر من الازم |
ياهلاومرحبا
الله يسعدكم وسعواصدوركم وانبسطواهالفترة ونصيبكم محدراح ياخذة احد غيركم انااصغرمنكم بس منطلقة ادعي لي ربي يعوضني خير وانتي ان شاءالله زوجك يدورعنك وتفائلواخير الناس ماراح يعجبهم شيء اذاتزوجت عساها مبسوطة وعساهاحملت وان حملت عساك مرتاحة وسوي كذا ولقافة اعلمي نصيبك جاي جاي باذن الله ادعي ربي والحي علية وربي يفرج همك ويصلح حالكم ونشوفكم عرايس قريب ويعوض كل منطلقة وبنات المسلمين عليك بالصدقة وكفالة يتيم وربي يبنفعك دنياواخرة بالاجر يارب تسعدك ونصيحة اخت حطي في ذي طينة وذي عجينة اطلعواوغيروجوواذاسالواقولي ان شاءالله الله كريم انصيبنامابعد جاء مرة مرة ويسكتون لاوالله خليك اجتماعية واطلعي ممكن وحدة تشوفك وتخطبك ماتدرين وين نصيبك عليك بالدعاء والحمدلله مادامكم موظفات اجل سوقكم ماشيء هههههههه امزح ماشاءالله الله يرزقكم ودي اقول شيء واخاف انطرد الله يوفقك يارب |
اقتباس:
والكل يقول لنا أنتم مرغوبات لانكم موظفات بس النصيب ماجاء الله كريم وإذا كان عندك شئ على ارسليه الخاص |
عليك بالدعاء والإستغفار والله ييسر لكم اموركم ويرزق جميع بنات المسلمين بالأزواج الصالحين |
عزيزتي لاتظني انك وحدك اللي او نقلق بس دائما الشيطان يحب يزود عندنا الخوف والقلق بها الموضوع:21:
انتي او اخواتك سنكم مو كبير والاغلب بيتزوج بها السن والمجتمع كله تغيرت نظرته لسن الزواج ..... كانت وحده من دكاتوراتي تقول بالمحاضره ....يابنات مين فيكم متزوج ومين ما اتزوج ؟؟؟ بعدين لما يرفعوا يدهم تقول لا تخافوا لا تخافوا كلكم بتتزجوا كلكم :14: |
اقتباس:
|
اقتباس:
مع اني مأعتقد أنه عيب لو تتأخر البنت بالزواج والناس ماترحم فمثلا لو تجتمعين في مكان يطرون الزواج والأولاد و و و غيره فيسبب لك نوع من الإحراج والحمد الله أن الرزق بيد الله وحده الله يهدي الجميع |
ماعليك فيهم لاتنظرو اليهم
ان شاء الله ربي بيرزقم واما الي يسئلون فهم جهال ولم يجدو مايتحدثو فيه واذا سئلوكم قولي و في السماء رزقكم و ما توعدون |
اقتباس:
السؤال اللي حفظناه من كثر مايتداول حتى أمي آثر عليها من ناحية ما تكثر من حضور المناسبات أو الزيارات وأصبحت تحب الجلوس بالبيت عكس أول ولما أسألها ليش ماتذهبين تقول تعودت على البيت يمكن منحرجة تقول وش السبب الحمد لله على كل حال |
اتكلي على ربك وإلجئي اليه ولا يهمك كلام الناس
|
اقتباس:
والحمد لله أن الرزق بيد الله وحده |
لا تيأسي و لا تستسلمي للهموم يا عزيزتي
و احمدي الله تعالى على ما أنت فيه من نعم على سبيل المثال أنت موظفة و تعيشين في وسط أهلك و غير ذلك غيرنا يا عزيزتي لا يجد ما يعالج به أولاده أو ما يشتري به قطعة ملابس جديدة أو يعيش في جو ملئ بالمشاكل ... استمتعي بمباهج الحياة المشروعة و تذكري أهمية الدعاء ..و استمري فيه وفقك الله و رزقك و أخواتك الأزواج الصالحين |
ويعني إذا الله كاتب لكم ما تتزوجوا راح تعيشون بهالحال هاربين من الناس ومحبوسين
بالله لو الناس ذولا فيهم خير عالاقل كان نعتوكم عند أحد لكن باين عليهم الحقد اسمعي يابنتي الأرزاق بيد الله مو بيد الناس ولله الحمد وان كان لكم نصيب راح تاخذونه غصب عن أنوفهم بس أما اني اغير مجرى حياتي وأهدافي في هالحياة عشان والله هاذي تكلمت وذيك سألت وين راح ايماني بالله ورضاي بقدره خيره وشره وكيف اتصرف بنعم ربي علي عشان ابتلاء واحد..... بقولك شي اذا هالناس ما عندهم عيوب كان ماتكلموا بس شكلهم عشان يبعدون الأنظار عنهم وعن عيوبهم يجيبون في غيرهم ..... وتأخر الزواج أبدا مو عيب أساسا عيب نقول انه عيب وهي نعمة من رب العالمين وراح تقوليلي كيف نعمة أولا ما كتبها لنا ربنا ولو فرضنا تزوجنا قبل وما توفقنا لعدم نضجنا وتطلقنا كان لطمنا أنفسنا أكثر أليست نعمة اتركي حياة الغير اللي تزوجوا ولاتقارنينها بحياتك لان غيرك مو انتي مو بنفس شخصيتك...والكل قدره مكتوب يعني لو تجري جري الوحوش غير رزقك ما تحوش فاطمئني وعيشي حياتك بطولها وعرضها في كنف الرحمن |
اقتباس:
والله الحمد لله على كل حال والله إني أشغل نفسي بالعمل والله أقولهم لو ماتزوجت ماراح يحدث شئ في الكون |
اقتباس:
والله ماكتب لنا الزواج لحكمة من عنده لدرجة أنو وحدة من قرايبنا كانت تتصل علي فجاءة أنقطعت وماتتصل علي أنا اللي أبدأ والرسائل بيننا أنعدمت وأول ماتعينت ماباركت لى طول مع إني متوقعه أنها اول وحدة تتصل فيني وتقول لايكبر رأسك وكل ماأتصل فيها تقول أنت الآن متعينة ولا لا وأدري أنهم لما ننخطب أتحداهم يتصلون أو يباركون الله كريم |
جيتي على الجرح الله يصبرني ويصبركم
الناس شغلهم الشاغل انا وليش ماتزوجت للحين؟؟ حتى افكر لاتزوجت ان شاء الله انزل خبر بالجريده من زود مالناس شاااقين فيني بالمناسبات بالدوام عند الجيران عند الاقارب القريب والبعيد يسأل نفس السؤال وحتى لو ماسألوني انا يسألون اللي حولي او بنظراتهم افهم السؤال ودي اعلمهم ان الزواج مايجي لابشطارة الوحده ولابجمالها ولابشهادتها ولابفلوسها رزق من رب العباد ... مدري ليش يتفاخرون فيه؟؟ هم اللي رزقو انفسهم مثلا ولا باجتهادهم ؟؟؟؟؟؟؟؟؟ اسأل الله ان يرزقك واخواتك ويرزقني وبنات المسلمين الازواج الصالحين ويعوض علينا في الدنيا والآخره انه قادر على كل شئ ويفرح قلوب امهاتنا و الله اتمنى شوفة الفرحه بعيونها ذاك اليوووم الله يبلغنا فرحتهم فينا و يبلغنا ذاك اليوم عاجلا غير اجل |
اقتباس:
ههههههههههههههه حلوة تنزيلنها بالجريدة عشان تغضينهم والله الناس يدرون أن الزواج رزق من الله بس حب الإستطلاع إن شاء الله ربي راح يرزقنا بالأزواج ويفرحنا ويفرح أهالينا [/COLOR] |
مساء النور
يابنات أكتشفت شئ في أبوي وهوقبيلي بحت يعني مو أي واحد يتقدم راح يوافق عليه بسرعه ويطلع حجج مثل مو من قبيلتنا أو راتبه قليل أو من عايلة آل فلان وأنا اقول لامي أهم شئ أنه رجل صاحب دين وخلق والعمر يمضي وابوي جاد قي المسألة لدرجة انه لما جاوو الخطاب قال لامي لاتعلمين البنات والله يهديه يعاملنا كأنا أطفال وقلت لأمي علمونا إذا جانا أحد مو تخبونه عنا عكس عمي يخبر بناته ويترك لهم حرية الاختيار ولكن الله كريم ان شا الله |
أختي في دعاء ادعيه عند أذان المغرب وأن شاء الله يجيك نصيبك.... والدعاء هو:
(( أليك يا رب فحببني, وفي نفسي أليك يا رب فذللني, وفي أعين الناس فعظمني, ومن شر خلقك فسلمني)) "وأن شاء الله" الله يرزقك بالزوج الصالح ويرزق أخواتك .... ويرزقني بالذرية الصالحة أميـــــــــــــــــــــــن ........ |
اقتباس:
وأسال الله أن يرزقك الذرية الصالحة عاجلا غير آجلا |
اسال الله الكريم لكم التوفيق دنيا واخره ويفرج همكم يارب ويرزقكم الازواج الصالحين الي يسعدوكم يارب وكلام الناس ارموه ورى ظهركم لانوا اللي يدور حكي حتى بعد زواجكم بيلقون كلام ثاني وثالث لذلك لاتهتموا في كلامهم
|
اقتباس:
|
| الساعة الآن 01:38 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©