|
ماهو افضل لاب توب عرفنا عن جهازك ومميزاته
السلام عليكم ورحمة الله وبركاته
كيف حالكم واش اخباركم بصراحه انا نزلت هذا الموضوع عشان الكل يستفيد منه ويحط خبرته في استخدام الاجهزه انا دحين ابغى اشتري جهاز جديد وابغاه يتحمل بقوه اكبر مخربه معاكم اجرب واحمل واسوي اللي ابغاه جهازي الحالي مره كويس ومواصفاته حلوه بس للاسف انكسر الايطار حق الشاشه هو نوعه hp اخدته من سنتين وشوي لكن عيب hp يسخن جدا فعشان كدا ابغى اي احد يدخل يذكر مواصفات ونوع جهازه مميزاته عيوبه البطاريه كم تجلس الصوت فيه عالي يذكر حجم الرام والهارد سك اممم يذكر سعره ومن وين شراه ولو في عروض مميزه ينزلها نبغى في هذا الموضوع نحط كل شئ مهم عن الاجهزه المحموله ها اش رائيكم وانا بذكر اول شئ جهازي الخربان بس يله يمشي الحال ويشتغل hp povilion dv2000 الرام 2قيقا الهاردسك 250 كاميرا وبلوتوث وواير لس فيه ريموت كنترول ممم اخدته من جرير ب5000 لكن دحين على مااضن نزل سعره وصار 3000 اقل او اكتر |
موضوع شيـــق لي عـــودة سأضع افضل انواع اللاب توبات
تحياتي |
يسلمو اخوي الفهدي
بانتظار عودتك بكل حماس |
اهم شي في الجهاز هو الضمان بمعنى هل هو اصلي من عند الوكيل ام لا لان اغلب الي في السوق اليوم مقلد عندما تسأل راعي المحل عن الضمان يقولك على ضمان المحل وهذا دليل على انه ليس من عند الوكيل وانما تقليد للجهاز الاصلي هذه نقطة مهمة اردت ان الفت انتباهكم اليها لاني لاحضت كثير من الناس يشترون جهاز مثل ديل او سوني على ضمان المحل معتقدين ان الجهاز هو فعلا ماركة وفي الحقيقة هو مقلد ولو اخذت البار كود الخاص بالجهاز وعملت له بحث في موقع الشركة لما وجدته فارجو الانتباه الى هذه النقطة لانه مع الاسف الغش التجاري منتشر لدينا بشكل كبير ولايوجد اي حماية للمستهلك اما بالنسبة لا افضل الاجهزة في السوق فحسب خبرتي الطويلة في هذا المجالد ارى ان افضل الشركات حاليا في صناعة الاجهزة المحمولة هي : توشيبا سوني ديل وهناك شركة تايونية جديدة اسمها ASUS جيدة لكن في حالة اذا كان الجهاز صناعة تايونية وليس صينية لان هذه الشركة هي شركة تايونية والتايونيين متميزيين في صناعة الالكترونيات ومتفوقين على الصينيين في هذا المجال لكن الشركة لها فرع في الصين لذى هناك انواع تايونية واخرى صينية فالتيواني هو الجيد اما الصيني فهو ردي جدا واحب ان انوه على وكلاء هذه الاجهزة فوكيل توشيبا هو العليان ووكيل سوني هو الفيصلية ووكيل ديل هو مترا ووكيل اسوس هي اسوس نفسها ولها مكتب لمن يسأل عنه ومقارنة مع باقي الوكلاء ارى ان افضل وكيل هو الفيصلية من ناحية انه وكيل دائم وليس مثل باقي الوكلاء هذا ما لدي وحبيت افيدكم فيه واتمنى لكم التوفيق .. |
توشيا
سوني ديل |
اقتباس:
والمعلومات اللتي قدمتها لكن بسالك اغلب المحلات لو الضمان من عندها يعني مقلده انا اشتريت حقي من جرير فدحين ابغى اشتري من مكان ثاني بس خوفتني من هذه النقطه من فين تنصحني اشتريه ومااهو افضل جهاز لطالبه جامعيه تخصصها حاسب تكرف الاب توب كرف؟ |
اقتباس:
|
افضل نوع ديل
لان صناعتها إيرلندية حجم الرام 3 جيجا ممتاز جدا والهارد ديسك مافيه لابتوب لحد الآن يتعدى ال 320 جيجا لاب توب يتحمل كثييييير ولو يخترب .. تخترب فيه اشياء بسيطة لاب توب متميز بقوة التحمل .. بالنسبة للبطارية كل اللاب توبات نفس الشي من عيوبه ان شكله دفش .. يمكن انتو البنات ماتحبون هالسوالف وكمان عندك توشيبا منزلين لاب توب جديد قميته 5200 درهم اماراتي لونه ابيض وصغير لكن مواصفاته دمار شامل الرام 4 جيجا الهارد ديسك 320 ولونه كله ابيض وجميييييل جدا لكن الويندوز فيستا الآن الي يُستخدم في اللاب توبات هو ويندوز 32 .. وهذا بس يستخدم 3 جيجا مايستخدم اكثر من ذلك يعني مامنه فايدة إلا اذا كان الويندوز 64 وهذا نادر جدا تلقينه بالنسبة لل ASUS مواصفاته ممتازة جدا جدا وفي السعودية تحصلين عليه ضمان سنتين ( شوفي موضوع الاخت جنة الدنيا في قسم " عالم مفتوح " ) لكن لحد الآن مانعرف مدى جودة الجهاز .. ال HP يوجد هناك نوعين .. نوع صناعة صينية .. واعتقد هذا الي عندك .. لانه يسخن كثير ويعلق كثير ونوع صناعة اوروبية او امريكية .. وهذا النوع يتحمل اكثر من الصيني لو انتي من النوع " المخرب " انصحك في ديل .. بس حاولي تعاملي مع اي نوع من انواع اللاب توب برقة تحياتي |
اقتباس:
دحين تقول ديل افضل نوع انا جهازي اتش بي امريكي وليس صيني ورغم اني اخدته من مكان مضمون مكتبة جرير وب5000 انا مو من النوع المخرب قد مااكون من النوع المستهلك وبقوه دراستي كمبيوتر وعاد تعرف نت ووكله عليه اخر شئ تنصحوني بديل ومارائيك بجهاز سوني |
شوفي يا اختي انصحك نصيحة لاتشترين من جرير فهو اكبر غشاش مع الاسف صحيح ان اجهزته كلها اصلية لكنه لايشتري الا الستوك من الشركات اي المعيوب بااسعار زهيدة ثم يقوم بتسويقها على انها جديدة وسبق وتم كشفه لكن لم يتم اتخاذ اي اجراءات قانونية ضده مع الاسف لذلك تجدين ان اغلب اجهزته فيها عيوب كثيرة جدا هذا فضلا على انه يرفع في سعر الجهاز بشكل مبالغ فيه اما الصيانة فحدث ولا حرج انصحك اذا تبين جهاز مثل ما قلتي حق كرف خذي توشيبا فيه منه نوع اسمه tecra او qosmio وهذه قليلة مره في السوق لكن تأكدي انه ضمان العليان وليس المحل او خذي سوني بس من فئة SR وتأكدي انه ضمان الفيصلية وانصحك انك تشترين من الوكيل نفسه اما الديل فلا تأخذين الا XPS فقط ومثل باقي الشركات تأكدي ان الضمان من عند الوكيل وهو مترا غير هذه الاجهزة انصحك ما تاخذين حتى لو ما حصلتيها حاولي تطلبيه من الوكيل لانها تخلص بسرعة وكمياتها محدودة او اشتري من موقع الشركة على الانترنت اذا تقدرين اتمنى لك التوفيق ... |
اقتباس:
الله يوفقك يارب حابه اسالك وين القى الوكالات ومكان مضمون بالنسبه لمدينة جده وانا من زمان نفسي اخد توشيبا لكن دحين احنرت بالثلاث انواع ثوشيبا اوديل او سوني بحثت في النت الكثير يقولوا بان ديل كويس للاستعمال الجامد وخرابه قليل وتقريبا الاغلب يمدحوا هذه الثلاث انواع ودي |
فيه محلات كبيرة مثل اكسترا والكترو والشتاء والصيف وغيرها من المحلات الكبيرة اجهزتهم كلها اصلية من عند الوكيل اشتري من محل كبير ومعروف مثل هذه المحلات مو تشترين من محل بكره تروحين تلقينه فاتح حلاق او روحي لعالم سوني هي تابعة للوكالة وتقريبا الاجهزة كلها مثل بعض لكن راح يفرق معاك الضمان انا عن نفسي اشوف ان ضمان الفيصلية هو الافضل يعطيك ثلاث سنوات ضمان على الجهاز مع فرصة الترجيع خلال الشهر الاول من الاستخدام روحي ابحثي وشوفي الي يناسبك واهم شي اسألي عن الضمان هل هو ضمان الوكيل كما ذكرت لك ام لا وبالتوفيق .. |
ينقل لعالم مفتوح مكانه الانسب وليجد التفاعل المطلوب
|
اقتباس:
خلاص ان شاءالله حشوف المحلات الكبيره واتوكل على الله واشتري توشيبا |
جهازي توشيبا
ارشح لك تشوبيا وبقوة شنو يتحمل صدمااات هالجهاز مسكين يتحمل الاستخدام الدائم الاشبه بالاستهلاك له يتحمل بقوة انا دراستي بالجامعة تكنولوجيا كانت وكله برامج ثقيلة وكلها حق تصميم ومنتجة وهالسوالف ماشد هالبرامج الا توشيبا هذي عن تجربتي وللأسف ماني من السعودية علشان ادلك على الاماكن بس ان شاء الله الاخوان مايقصرون معك والله يوفقك بالجهاز ويعطيك خيره ويكفيك شره يارب وتتهني في مقدما ^.^ |
جهازي توشيبا
وماشاء الله متحملني وصابر علي من وقت طويل الله يطول بعمره |
انا جهاازي HP
ولة ثلاث سنوات يكرررررف وما فية الا العاافية :d:d ولله الحمد اشتريتة من جرير ب 4700 صحيح يسخن بس رااااااائع وما استغنى عنة جربت ديل وجربت توشيبااا لكنHP يبقى الاول بالنسبة لي حجم الرام والهاادر دسك :25: اسمع فيهااا لكن ما اعرفها معرفة شخصية :d معليش لو سألت كيف انكسر الايطااار ؟؟؟ ويعني الان جهازك فية امل انة يتصلح او خلاااص انتهى اجلة |
اقتباس:
الله يبارك فيك على مرورك العطر خلاص حمستوني على توشيبا رغما انه يهمني الشكل وبقوووووووووه لكن بصراحه مدامه يتحمل حشتريه انا مثلك تصمايم وبرمجه ونت وكل ماهب ودب الله يعين ونشتري جهاز كويس |
اقتباس:
ومايخرف زي بعض الاجهزه شاكره لك مرورك |
اقتباس:
وانا ماقدر جربت ولاشئ غير اتش بي انيق بقوه حجمالهاردسك والرام كل ماكان كبير كل ماكان الجهازافضل والتخزين فيه اكثر عادي الايطار انكسر قضاء وقدر ولااحد طيحه ولااحد دعسه ولاشئ سبحان الله فتحت الشنطه لقيت الايطار مكسور من ناحية الجانب السفلي بالشاشه المفصله اللي تصل الشاشه بالكيبور مكسوره طبعا فيه امل يتصلح وديته لجرير وتكلافة تصليحه 1800 حرام جدا غالي غير انو عندي مشكلة تانيه الدفي دي مايشتغل لازم اغير دي في دي جديد يعني تصليحه على الفين ريال انا شوفت اني اخد واحد جديد افضل بالذات السنه الجايه حيكون عندي مشروع تخرج وضغط |
جهازي فيبلس
PHILIPS X56 Laptop 12" Ultra portable light Intel Core2Duo T5600 1.83Ghz Laptop http://images.reevoo.com/products/89/89122/96x80.jpg السعر (من اكتر سنتين وقت اشتريته اول مرة ) كان عالسعودي 5,700 السعر الآن اعتقد صار أقل بحوالي 500 إلى ألف ريال اشتريته من الانترنت (بصراحة انا مو من السعودية ) مميزاته : 12 انش 1.85 كغ وزنه خفيف WINDOWS XP حجم الذاكرة 1024 mb Processor speed 1.83 mhz Hard Drive Capacity 80 Gb مميزات لا أعرف معناها بصراحة : Optical Drives DVDRW Dual Layer, CD-ROM Speed 24 x, CD-RW Speed. 24 x DVD-ROM Speed 8 x, DVD-RW Speed 6 x شاشة عريضة (وايد سكرين ) بحيث حجم الكيبورد ما تأثر يعني مريح FULL SIZE KEYBOARD Wireless Enabled Modem Type 56k الوزن و الأبعاد Weight 1.85 kg, Height 36.5 mm, Width 297 mm, Depth 213 mm, اللون فضي Colour SILVER بطارية تدوم 4 ساعات بياخد 4 أنواع كروت ذاكرة SD- MS Pro- MMC - MS عيوبه : بحمى بسرعة تحريك الاصبع مكان الماوس مو كتير حلو اذا فيه رطوبة خفيفة جداً ممكن تعلق الاصبع و ما تتحرك و مع الزمن صار علامة مكان احتكاك الاطبع متل بقعة لون أبيض لما تعمله STAND BY ممكن ما يسكر بتروح الشاشة لكن يبقى المحرك شغال و بيحمي أكتر و أكتر مما يضطرك انك تعمل له اغلاق غير نظامي (استخدام زر التشغيل كبسة طويلة) بعد سنة من الاستخدام كان بوضع حامي شوي و ابني ضغط كم زر عمله log off لما رجعت شغلته ما اشتغل على الاطلاق و سألنا المهندس قال تصيلحه صعب و غالي و غالباً اللي انضرب فيه هو المذربورد و حتى ما اخسر الهارد اشترينا نفس الجهاز مرة تانية و أخدنا الهارد من القديم وضعناها في اللاب توب الجديد و هو عندي الآن من سنة - الله يحميه من ايدين ابني و من الاعطال - . |
نسيت اذكر انه
ما فيه كاميرة لكن يوجد مايك ما في بلو تووث مافي ريموت كونترول الصوت ماشي حاله لا أعتقد انه أعلى صوت مقارنة بباقي الماركات لكن ماشي معي كويس و الله يجزيك الخير موضوعك حلو و مفيد ممكن نستفيد من خبرة الاعضاء اذا قررنا نجدد :) |
اقتباس:
اهلين اختي ماريا ربي يحفظ جهازك من كل العوامل الخارجيه الجهاز جدا مواصفاته اقل من مواصفات جهازي الحالي لكن برضو نشوف ونستفيد من ارائكم النيره بارك الله فيكم |
توشيبا
245 دينار كويتي كل شي فيه ماعاد الكاميرا ممتاز وحلو وماصارله شهر من شريته نيو يعني |
اقتباس:
دمتي بود |
السلام عليكم ورحمة الله وبركاته . . . بسم الله ما شاء الله صال الأعضاء وجالوا في الابتوبس جزاكم الله خيرا وكاتبة الموضوع الابتوب أشكالها عديييييييدة وأنواعها عديييييييدة أهم شي لما تشتري الابتوب هو شغلتين ... المواصفات والماركة وأغلب إللي في السوق ما شاء الله ممتاز والأسعار هالأيام تحت يعني عنا بالإمارات جهاز بسرعة 2Ghz ورام 2GB الهارد 250GB بحدود 2500 درهم وفي موديلات تعتبر للإستخدام المنزليHome وفي منها للمكاتب Business يعني أنا عندي لابتوب DELL وزنه شي خمسه كيلو (أنا مسميه بقرة) ولكنه يتحمل الضرب والماء والعصير والشاي والدعك والصعق وجربت من قبل الـIBM وكان جدا رائع أيضا . . . أسأل الله العفو والعافية والله المستعان |
انا اشتريت جهازين
واحد توشيبا والثاني ال جي واحد بكامير والثاني بدون والله موديلات الحالية افضل من القديمة يعني حتى الاسعار رخيصة بس الجهاز ال جي يسخن اكثر من توشيبا |
اقتباس:
وشاكره لك مرورك |
| الساعة الآن 07:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©