|
زوجي يريد ان يتزوج علي
بصراحه هذه اول مشاركه لي اكتبها كموضوع واتمنى الاقي الفايده بصراحه المشكله مشكله صاحبتتي
هي متزوجه وماشاء الله حامل وعلى و جه ولاده بس مشكلتها انه ساكنه بمنطقه وزوجها بمنطقه خذوا بالكم منطقه مو مدينه يعني سفر طووويل وهما على هذا الحال من ثلاث سنين زوجها متضايق من الوضع بس مضطر للسكوت لانه قبل الزواج شرط عليه انه تكمل دراستها وهو مو معترض بس زعلان على بعدها بيقول ماني حاس اني متزوج بتحاول قد ماتقدر تسايره تاخذ بخاطره بس برضو الحين وصلوا لحد انه يقول لها انه بتزوج عليك ماني قادر اتحمل كل هالبعد ووصلت انه يفتح هذا الموضوع وبجلوس اهلها وهي فكرت انه تترك دراستها عشانه بس نرجع نقنعها انه ماتضيع مستقبلها خصوصا انه ياقي لها ترم على التخرج وهو صار يقول لها لو جا يوم وتحقق ماتبغين وتاخذين الشهاده ويومها تلاقيني ميت مابتتحسفين على الايام الي ضيعتيها عشان دراستك وصل لمرحله صار يحس انه هي بتفضل الدراسه عنه وانه ممكن تتخلى عنه عشان دراستها بالرغم انها دايما بتحاول تقنعه انه بتعب عشان نقدر نبني مستقبلنا لولا قدر الله بيوم صار شيء او شيء وبقيت انا واولادك مابيفيدني غير شغلي وشهادتي لكن هيهات خلاص قفلت معاها مره وموراضي يفهم الا انه تترك دراستها وترجع له والمسكينه حامل بشهرها الاخير ونفسيتها سيئه من الدراسه ومن هم الولاده وكمانه و كمل الناقص ساعدوها كيف تقدر تقنعه بانه تكمل خصوصا انها خايفه انه يفضل فاكر انه رفضت انه تضحي بدراستها عشانه بالرغم انها تحبه وماتبغى تزعله ايش تسوي لاتقولون ياخذ اجازه ويجيها لانه ماعنده اجازات مايقدر ياخذ مايعطونه |
to up
|
السلام عليكم ورحمة الله
اختي الفاضله هل تستطيع صاحبة المشكله ان تؤجل الترم الدراسي للسنه القادمه مثلا كحل وسط؟ لاني اعتقد ان مشروع زواجه نوع من التهديد فربما لو اخذت اجازه وحاولت كسب محبته فيها...وما دخل اللين شيئا الا زانه.....وربي يسهل عليها |
انا مع الاخت معالم
|
السلام عليكم
إلى الاخت الفاضلة ارى ( من وجهة نظري يعني) ان عندها فرصة تكسبها لو كانت تستطيع تكمل الترم في السنة الجاية لمعمتين الاولى حتى تبين لزوها بمحبته ويمكن ينصلح حاله ويتركها تكمل الثانية ان المرحلة القادمة راح تحس بصعوبة لو كان عندها ولد صغير أثناء الدارسة فكما يقول المثل تضرب عصفورين بحجر واحد وترى سالفة الضرة مو هينة يعني لازم تحط لها ألف حساب |
والله حرام بصراحه لو كان يحبها اكيد بيشجعها ويساعدها انها تحقق احلامها يعني لو كان هو سبب البعد كان هي بتعذره اكيد
انا اختي تدرس ومتزوجه من كم شهر هي في منطقه وهوفي منطقه لكن والله هو يشجعها دايما انها تستحمل البعد عشان مصلحتها وعلشان مستقبلها هي باقلها اخر ترم واختي باقلها سنتين على التخرج شوفي الفرق هو يشجعها وهي ما مستحمله البعد وهذا دليل الحب يعني اذا تحب حد تحب مصلحته000000 |
انا اقول تسحب هالترم
والترم اللي بعده برضه تعتذر الين تتعدل نفسيته وينيسط بقربها شوي بعدين ترجع تكمل بعدين زي ماقلتي هي بوجه ولاده يعني بتتعب بدراسه وولاده اسأليني انا يعني بترتااااح اذا سحبت الحين |
حرام تسحب الترم الحين يعني ماباقي لها غير الاختبارات وخلاص الله يهديه يعني هي متحمله وجع الحمل والولاده وصابره وهو موقادر يصبر وبعدين خلاص ماباقي غير هذ الترم والترم الجاي تقوم تاخرها ليش ماينتظر ويتهنى براحته
|
أنا أؤيد الأخت ما فاهمة حيث ذلك الأفضل لأنها ستتخرج قريبا فما الفائدة من تأجيل ذلك ليام أخرى، يجب عليه ئأن يصبر وان يحاول تشجيعها على إنهاء الفصل بجد ويقف لجانبها وبعد ذلك رايحة تكون فاضية له ومستعدة تعوضه كل شي، ليتحلى بالصبر
زميلي متزوج ويعمل في دولة وزوجته في دولة ولا يراها إلا كل 3 إلى 4 شهور فما الفارق هنا وهي باقيلها ترم ليصبر |
السلام عليكم
بصراحة انا اخوكم كرجل وحاسس بالوضع للطرفين اذا هية فقت باقى لها سنة وتتخرج ليش هو مايصبر ويشجعها لانها ربما اذا سحب الترم وقالت ممكن اكمله فى المستقبل ربما بعدين تصير لها عائلة كبيرة من ولدين او شئ مثل ذالك وتبخل وتصير كسلانة وتجد صعوبة فى اكمال الترم انا من رائئ فهية تصبره وتقنعه بكلام حب ورقة واحاسيس ومشاعر وتفهمه وانشاء الله هو يفهم الموقف ولكن هية لا تحاول ان تصير عنيدة وشكلها يعنى تحب حتى هية تكون لها كلمة قوية فى البيت وتستعلى على زوجها ربما هو لما يشوفها مثل ذالك راكبة راسها فيلجأ الى الطلاق ويقول ايش انا متزوج امراة والا نصف امراة ونصف رجل الافضل الكلام الحلو والرقة وووووووو انشاء الله هو يقتنع وتخاطبه بكلامات كانها تقول له انتى سيدى وتاج راسى ووووو حتى هو يحس بكامل ثقته انه رجل واسد البيت واما اذا هية ركبت راسها وقالت من الاول دراستى افضل ووووو والله انا كرجل لا احب هاي العبارات واحب زوجتى معى تكون رقيقة واحب احس انها اضعف منى بالبيت وهاذا مو قلة احترام لها بل لما اشوفها مثل ذالك فاضعها بعيونى وهية اميرتى والتاج المذهب الذى اضعه فوق راسى انصح الاخت ان تستعمل الكلمات الطيفة والرقيقة وتخاطبه بانه كانه الاسد بالبيت والرجل الذى لا تلقى كلمه فى صندوق المهملات اما اختى اذا هو اصر ان تتوقفين على الدراسة وركب راسه وقال اما التنازل على الدراسة او الطلاق فاقول لكى اختى اسحبين الترم وزوجكى افضل ولا تعرفين اين الخير واذا سبحان الله حصل الطلاق ايش ذنب ذالك الجنين ووو وصدقينى ستحسين بندم اختى وبالله التوفيق وبه نستعين وعليه نتوكل ولاحولة ولاقوة الا بالله العلي العظيم والسلام عليكم ورحمة الله وبركاته اخوكم البحر الهادئ |
طيب اخوي البحر هي حاولت كثير تقنعه بالطيب وبالرضا وربي تتحمل كلامه ولاترد عليه ولابكلمه وكل الي تقوله كلامك على عيني وعلى راسي وهذا الي قاعده تسويه تراضيه وتطيب بخاطره بس برضو تعبت معاه مو راضي يقتنع تقدر تقول لي طريقه تقنعه ويعرف انه هو الاهم وانه هذا كله عشانه
|
أنا مع الاخ معالم
|
سبحان الله , يا أخوان السؤااااااااااااااااااال وووووووووواضح مثل الشمس الأخت تقول أن لسان حال الزوج يقول أنا أم الدراسة ؟؟؟
ولو عرضنا ذلك على الشرع فأيهما أوجب فعله ؟؟ من المعلوم ان طاعة الزوج أوجب من طاعة غيره حتى من طاعةالوالدين 0 الرجل يريد زوجة بجواره مربية لأطفاله وليس حاملة شهااااااااادة تعلقها في المطبخ ألم يقل الله ( وقرن في بيوتكن) , اما الرزق فسيتكفل الله به وعلينا الطاعة |
بسم الله الرحمن الرحيم
مع احترامي لجميع وجهات النظر المطروحه ولكن .......الشهادة ليس الغرض منها تعليقها في المطبخ ؟؟؟؟ الشهادة اكبر من كذا بكثير و لاتعتبرون الهدف من ذلك مادي بل الهدف منها ثقافي ... عموما ليس اختى السائله من كلامك يتضح ان صاحبتك حاولت بجميع الطرق والوسائل..ولكن بقي امامها خيارين...... الاول / اين كيد المرأة الحلال؟ ( ان كيدهن عظيم ) ...اكيد بتقولين كيف ؟ بأنها تشغل زوجها بموضوع يأخذ كل تفكيره ويشغله.... مثلا .. تجاريه اسبوع وتقترح عليه الدخول في اي مشروع صغير او تقول له انا جايه وبقعد معاك ومااستغني عنك بس ايش رايك تجدد بيتنا اثاثنا تطلب منه اي تعديلات في البيت طبعا في حدود امكانياته ..يعني باختصار تشغله بأي سالفه وصدقيني ماراح تغلب.... اما الحل الثاني فهو / تأجيل الدراسه ترم او سنة او تحاول طلب نقل الى جامعه عند زوجها حتى لو انجبرت على تغيير التخصص.... واتمنى للجميع التوفيق ..اخوكم / هدوء البحر. |
السلام عليكم
بصراحة الى عندى قلته خيول الفجر وقلت لكى انها تصبر مع قبلة على كتفه مع كلمات حلوة وووو وشقاوة حلوة منها وتقول له حبيبى وعينى كلها سنة واكون بجنبك على طول ووو احب اقول شئ اخر اذا هية سحبت الترم هل هية تقدر تدرس بالبيت وتحضر ووقت الامتحانات تمتحن اذا مسموح ذالك فلتفعل فلتحضر دراستها وتراجعها بالبيت ووقت الامتحان تمتحن فهاذا خير واحسن واطيب ولكن عندى رد للاخ او الاخت جمر نعم طاعة الزوج واجة ولكن هو من الاول رضي انها تكمل دراستها والشهادة ليست فقت التحصل عليها لكي توضع فى المطبخ ولو حتى اخذتها ومااشتغلت الا عندها قيمة تلك الشهادة وهية تعب ومجهود لكثير من السنوات ليش احنا العرب دائما نستهزأ بالعلم وبهاذه الامور البنت خلاص قالت بقى لها سنة فقت ليش زوجها مايتحمل ويصبر قليل وليش هاذا التعنت منه ويااخ جمر الله قال قرن فى بيوتكن يعنى لا تصرن بنات تتسكعن فى الشوارع ولكن هاذه الاخت عم تدرس وربما تدخدم مجتمع بحاله وربما مجالها الطب واذا مرضت زوجتك هل تقبل يكشف عليها طبيب رجل ام امراة ؟ واذا لك بنت وكبرت هل تفضل تدرسها امراة ام رجل؟ ممكن تجاوبنى اخ جمر ونعم الله متكفل بالرزق سبحانه وتعالى ولكن الله لم يقل اجلسو فى البيوت وتاتيكم الارزاق فالله امرنا بالسعي للرزق وهو المتكفل به وكما قال سيدنا عمر رضي الله وارضاه وهو فى المسجد وخاطب الصحابة رضوان الله عليهم قال لهم اعلمو هداكم الله انكم تعلمون ان المطر لن تنزل ذهب او فضة وتجلسون فى البيت وتقولون يالله اعطينى كذا وكذا فالله امرنا بالحركة وعليه البركة فهمت اخى جمر ومع انى شخصيا لا افضل زوجتى تشتغل احب الزوجة التى تكون ربة بيت ولكنى لا اعارض الاخوات الذين يردن الشغل والاخت يعنى سنة وتخلص دراستها خليها تتحصل على شهادتها الدراسية وبعدين اذا زوجها ارداها ان تجلس بالبيت طيب واذا ارادها ان تشتغل فى مجال مسموح به للنساء فهاذا طيب والله مااحب لما اتزوج اي رجل يلمس يد زوجتى ولو حتى كان دكتور لانى غيور كثير واذا لم نجد اخوات فى هاذا المجال فماذا نعمل فنظطر لذالك افهمنى اخى رحمك الله وبالله التوفيق وبه نستعين ولاحولة ولاقوة الا بالله العلي العظيم والسلام عليكم ورحمة الله وبركاته اخوكم البحر الهادئ |
السلامى عليكم
فقت حبيت اضيف شئ اخى جمر الم يكن فيه صحبيات خرجن مع الصحابة في كثير من الغزوات ومنها غزوة اليرموك الشهيرة التى قادها اسد وصدر الاسلام سيدنا خالد ابن الوليد رضي الله عليه وكان معاهم من خيرة الصحبيات يعالجن ويداوين الصحابة رضي الله عليم من الجروح ولا احد من الصحابة رضي الله عليهم قال للصحبيات رضي الله عليهن ارجعن لمكة ام القرى وقرن فى بيوتكن وهل تذكر تلك الصحابية رضي الله عليها خولة بنت الازر كانت تقاتل مع الصحابة رضي الله عليهم وهية متخفية فى زي رجل مقاتل ولكن الاية واضحة اخى قرن فى بيوتكن يعنى للنساء المتسكعات فى الشوارع من سوق لسوق ومن محل لمحل بدون اي فائدة فهمت اخى وفقك الله وبالله التوفيق وبه نستعين وعليه نتوكل والسلام عليكم ورحمة الله وبركاته اخوكم البحر الهادئ |
أني راي مع الأخت معالم لأن معاند الأفضل تأجلين وبتكون فرصه تفضين له وفي نفس الوقت ترتاحين وتستعدين لاستقبال البيبي
|
مالك اختي الا النقاش والتفاهم 00ياتعدل عن رايها وتضع حملها وتكمل السنه الجايه ومنها ترعى الطفل -- او انه يستحمل وكل شي بالتفاهم حلو :cool:
|
| الساعة الآن 09:13 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©