|
غرفة النوم والكنز
السلام عليكم
اتمنى ان تكونوا مبسوطين ومرتاحين فانا ولله الحمد اوضاعي تحسنت مع زوجتي وبدأنا نفهم بعض بعد ان وضعنا النقط على الحروف وانا اليوم لن اطلب مشورتكم بمشكله لاني ما اعتبرها مشكله ولكنها لغز لم افهمه او اقتنع به بصراحه فأحببت ان تشاركوني الموضوع وتقنعوني بأن زوجتي على حق الويك اند الماضي جاء كل اهلي لزيارتي بالشرقيه ابي واخوتي كلهم بنات واولاد وحتى المتزوجين واقمت لهم طعام عشاء احتفالا بهم وجلسوا للجمعه وسافروا ولكن وانا في المطار اودعهم قال لي اخي الكبير غرفة نومك هل بها كنز؟ فسألته ماذا تقصد؟ فقال زوجتك لم تفتحها لزوجتي لتراها انا احرجت وقلت له يمكن نسيت ولمن رجعت البيت سالتها فقالت غرفتنا شي خاص وانا وريتها اخواتك ويكفي مو لازم زوجة اخوك وليش هي مصره تشوفها وانا يوم الصباحيه في بيتها ماورتني غرفتها؟ قلت يعني تردينها لها قالت لا انا مو كذا ولكن ليش هي مكبره السالفه انا انسانه حره وهذا بيتي ومحد له حق يجبرني بطريقه او اخرى باني ادخله غرفه انا لا ارغب ان يراها او يدخلها وبعدين هي شافت كل البيت مامنعتها ولا شي وغرفة النوم وريتها اخواتك بعد ماراحوا اغلب الضيوف وزوجة اخوك ماجات معهام فهل تنتظر بطاقة دعوه؟ انا قلت هل انتي تكرهينها لانها اخت طليقتي قالت لا لانها ما اذتني بشي بس ليش هي تدقق بامور تافهه؟ وبعدين يامهزوم انت ماتعرف حركات الحريم بغرف النوم:25: وتعليقاتهم وانت عارف انا حاطه شغلي فيها وبصراحه مابخليها سبيل للرايح والجاي انا سكت وما سويتها مشكله وقلت معك حق وانتي حره اذا كان هذا يريحك خصوصا وان المهم عندي اخواتي بصراحه:d بس هل فعلا كلامها واقعي؟ ماهي حركات الحريم؟ وهل هي خايفه من شي جا في بالي؟ عين او سحر او شي من هالقبيل؟ هل احد مر بمثل هذا الموقف؟ وشكرا |
وعليكم السلام ورحمه الله وبركاته ا ولا مبروك على الزواج وربي يسعدكم ان شاء الله ثانياَ..انا من المؤيدين كثيرا لخصوصية غرفه النوم ....واشوف زوجتك معاها حق ...واذكر في بدايه زواجي صارلي مثل هالموقف واتناقشنا انا وزوجي وفهمته انا احب شي اسمه خصوصيه وخاصه بغرفه النوم ..ومو لازم اي احد يزورنا اوريه اياها لهم بباقي البيت اما غرفه النوم لا ...يمكن لخصوصيه العلاقه فيها وممكن اكون مرتبتها بشكل غريب وجذاب وما ابي احد يملي علي ملاحظاته فيها وممكن خوف من التدقيق لان البعض يدقق في التفاصيل |
لا كنز ولاشي
فية نااس تحب تحتفظ بخصوصيتها بغرف االنوم وهذي حررية شخصية انا عن نفسي فاتحتهااا سبيل<<<<للي رايح والي جااي :d يعني مو من كثرر الزوااار :d الموضوع الي ما حبيتة انها مشكلة حريمية بحتة ايش دخل زوجة اخووك تروح تقوولة واخووك يجي يكلمك عيـــــــــــــــــــــــــب المفرروض كا ن قلها انا استحي اسأل اخوووي والا كان من نفسة سمع ورمى ورااا ظهررررة الا بررافو عليها زوجتك 10 على عشرررة :22: والله تعجبني الزوجة الي شخصيتها قوووية في شي صح وزووجتك :22: انها ماخلتها تدخل غرررفتها لأنة حركتهااا مرررررررررة بااايخة مالة دااعي حركااات الغيررررة وما شفت وما ورتني من اووول زيااارة ما عندهاااا صبر الظااهر تبغى تعلم طليقتك وتحسفت انها ما شافتهاااا :27: لكن الي سويتة انت عين العقل انك قفلت الموضوع وقلتلهااااا براحتك والزم ما عليك اخوااتك وبس |
ان بعد مع زوجتك ميه بالميه
وبعدين اعرف وحده جتها عين جامده اتعست حياتها هي وزوجها والسبب ترتيبها واهتمامها الزايد في غرفة النوم تصدق الى يومك تنام هي وزوجها بقسم الرجال مايقدرون ولا يقبلون بعض في غرفة النوم انا حتى اهل زوجي لما يكونوا موجودين اقفل غرفة نومي بالمفتاح وممكن ادخلهم اذا بغوا يصلون او شي وانا لازقه ما اتركهم لوحدهم فيه اغراضي ومجوهراتي(اللي يسمعني الحين يقول ياقوت والماس كلها ساعتين وطقم ) |
الحمد لله والله فرحت لك الله يديم عليكم الاستقرار والسعاده ويجعلها ودودا ولودا لاتذوق غمضا حتى ترضى ولا تكثر من ذكر طليقتك امامها عائشه رضي الله عنها كانت تغار من خديجه رضي الله عنها وهي تحت الثرى اما تصرف زوجتك عادي جدا اخي مهزوم ومن حقها ان لايدخل غرفة نومها اي احد حتى خواتك لانها مكان خاص بكم فقط انا زوجي مانعني اي احد يدخل غرفة نومي واحترم رايه |
الله يديم عليك السعاده اخوي مهزوم .. انا مع زوجتك .. غرفة النوم خاااااصه جدا .. بعدين هذه شغلة حريم و بصراحه موقف اخوك باااااايخك اكثر من زوجته .. كيف تجرأ يقول لك ليش زوجتك ما خلت زوجتي تشوف غرفة نووومكم ؟؟؟!!!!!! باين على زوجتك فاااااهمه .. الله يهنيك فيها يا رب .. و يرزقكم الذريه الصالحه .. |
اخي مهزوم
زوجتك بحد ذاتها كنز ... فحافظ عليها ولا تفتح اذنك للكلام اللي يخرب حياتكم .. الزوجة الذكية واللي شخصيتها قوية تمشي امور بيتها وزوجها صح لاتفرط فيها ؟؟؟؟!!!!!!!! وغرفة النوم مكان خاص للزوجين مو لازم احد يدخلها تدري ان غرفة نومي حتى عيالي وهما كبار شباب وبنات ما اخليهم يدخلوها الا اذا احنا موجودين فيها انا او ابوهم او كلنا ... ولا احد يدخلها حتى اهل زوجي لانها تعتبر فعلا كنز المراة ... |
بالضبط يا أخي .. الأمر تافه ولا يستحق أي ضجة.
شخصياً لا أحب أن تُعامل غرفة النوم وكأنها ثكنة سرية .. ولكن في نفس الوقت لا أفهم لماذا يصر البعض على تحويلها إلى معرض للفرجة؟!!!!! يعني لو هناك سبب ما أو اضطرار يضطر الزوجة لإدخال أحد من أهلها أو أهل زوجها الغرفة فلا بأس .. أما أن أفتح الغرفة لمجرد أن ليتفرج عليها الأهل فحتى هذه لا أستوعبها ولا أفهم ما أهميتها. لذلك لا أرى في موقف زوجتك أي خطأ .... والخطأ بالطبع من زوجة أخيك وأخيك نفسه الذي كان يفترض أن يكتم الأمر عنك ويعقّل زوجته بدلاً من مجاراتها في أمر ليس من حقها أصلاً. |
شكرا لكل من رد بالاسم وعذرا اني برد على كلام بعضكم لاني بالعمل الان
وبسرعه بختصر الكلام بالنسبه للي يقول لا تجيب طاري طليقتك انا عامل كنترول بعد طلب من زوجتي بنفسها ولكن احيانا يتطلب مني الموقف ذكرها وبالنسبه للي يقول ان اخوك غلطان فانا معهم وكنت راح اطنش كلامه ولكني خشيت ان زوجتي منعتها بشكل صريح فزعلت زوجته وبالنسبه للي يقول ان زوجتي كنز فانا اعلم ذلك وابي بنفسه قالي امامها زوجتك كنز فحافظ عليها واوصاها بان لو بدر مني ما يغضبها ان تتصل به وهو سيعمل المطلوب امس قالتلي زوجتي كل اخواتك سالوني هل في شي بالطريق ماعدا زوجة اخوك قلت حتى انا ماعدا اخوي وضحكنا انا وهي قلت يمكن مصدقين سالفة الضعف اللي اتهمتني فيه وكان سبب الطلاق؟ قالت انت انظلمت يامهزوم ومحد عارف الحقيقه غيري قلت اجل تبين اهلي والجيران يعرفون ههههههههههه قالت ان شاء الله قريب راح يعرفون |
أخي الفاضل مهزوم ***
وأن شاء الله أنت منتصر بهذه العلوم السنعه *** ماشاء الله تبارك الله *** الله يرزقك بالذريه الصالحه *** بعدين لا تدقق بأمور النساء *** والمفروض أخوك ما يناقشك بهذا الموضوع *** نحن الرجال لا نهتم بهذه المواضيع *** ولا نعيرها أي أهتمام *** غرفة النوم تعتبر من الأشياء الخاصه جداً *** ومن حق زوجتك أن تتحكم في من يشاهدها *** أخي العزيز نصيحه لا تنقل مثل هذه الملاحظات لزوجتك *** لأنها قد تسبب مشاكل بينكما *** وأنتم في غينى عنها *** أنقل لزوجتك المديح فقط *** والباقي احتفظ به بنفسك *** ولا يؤثر عليك أي ملاحظه على زوجتك من المقربين منك *** وبرضه لا تنقل أي ملاحظه من زوجتك لأهلك *** بالتوفيق أن شاء الله 0 |
اقتباس:
اتفق معك اميرات |
الله يوفقك يارب ويديم السعادة عليكم
|
ماشاء الله مرتك فعلا كنز
انا معاها ميه بالميه غرفة النوم لازم يكون لها خصوصيه والمفروض اخوك مايفتح هالمواضيع |
غرفة النوم لها خصوصية
وعني المفروض محد يشوفها لكن لو حصل انه لازم تدخل احدى أخواتي ولا أخوات زوجي لشيء معين ممكن لكن أخليها فرجه مو حلوه الصراحة واذا رحت لوحده في بيتها الجديد وأرتنا غرفة نومها أشعر بالخجل أقف عند الباب و أطلع أحس إنها مو حلوه نتفرج على غرفة نومهم لكن الناس والله العالم خلتها عادة وبعدين زين من زوجتك إنها خلت اخواتك يشوفونها أما زوجة أخوك الله يعينها على نفسها |
و عليكم السلام و رحمة الله ..
حياك الله أخي مهزوم .. و ألف مبروك الزواج .. تصرف زوجتك طبيعي .. و إليك هذا الموضوع لكي تزداد قناعة : هل تدخلين احد غرفة نومك؟ وفقكم الله و أدام عليكم السعادة و الأستقرار .. |
مافعلته زوجتك عين الصواب ولتقديرها لاخواتك ورتهم ماشاء الله على حسن تصرفها
وغرفة النوم خاصة للزوجين الله يهنيكم والمفروض اخوك ماقالك شئ وكانت رديت ان مافيها كنر ولاشئ بس انت عارف انها من خصوصيتها بارك الله فيكم وان شاء الله تبشرنا بالذرية الصالحة قريبا |
ما شاء الله زوجتك انسانه واعيه والدليل نفسيتك تغيرت بدرجه كبيره وهذا واضح في مواضيعك وبالنسبه لغرفة النوم نعم هي على حق لان بعض الحريم يرمون كلام وتعليقات الفروض ماتنذكر الا بين الزوجين وشكل زوجة اخوك مو مرتاحه لزاجك بعد اختها وحابه تنكد عليكم عيشتكم وبعدين وينه اخوك يوم كنت محتاجه كان مايدري عنك والحين بعد ماتزوجت مسوي نفسه يمون ياخوي اهتم بزوجتك مااحد راح ينفعك بعد الله الاهي
|
هلا اخي مهزوم .... ماشاء الله تبارك الرحمن مرة عاجبتني تصرفات زوجتك واحس الله عوضك فيها خير ....
بالنسبة لسالفتكم احس اخوك مررررررررررررة ماله داعي يتكلم مدام انتوا اكرمتوهم وماقصرتوا ليه يدور الزله واساسا هذي سوالف حريم ...هذا اولا :):22 اما ثانيا ... مدام زوجتك مامنعت مرت اخوك بالصريح انها تدخل فماله داعي تزعل من الاساس اوحتى تاخذ بخاطرها ...يعني يوم شافوها خواتك كان قامت معهم وشافت احسن ماتتزعل بعدين ....:( ثالثا ... من قريب او من بعيد لازم يكون في غيرة او حزن من طرف زوجتك اومن طرف مرت اخوك لان اكيد شافت حياتكم الحمدلله سعيده فاتحسرت على اختها او انقهرت .... وبعدين اكيد كل شي وبالوصف الدقيق راح يوصل لطليقتك ... عاد لازم سوالف خوات ... رابعا ... مدام زوجتك اكرمت اهلك وماقصرت في حقهم وبالاخص الوالده وخواتك فخلاص لاتلتفت لدقائق الامور لانها ماراح تقدم ولاتاخر ...:22: اخر شي الغرفة من حق الزوجه .... توريها اللي تبي وتمنعها من اللي ماتبي لانها مملكتها الخاصه ... مع اني انا اوريها كل الناس عادي مدامها نظيفة ومرتبه:17::17: لك تحياتي وبلغ تحياتي للمداااااااااام :d:d |
الحمدلله انا وزوجي مانسمح لاحد لدخول غرفة النوم الا امي او امه فقط
وغيرهم ممنووووووع لا اخواتي ولا اخواته زوجتك هي الكنز ماشاء الله عليها حافظ عليها وماعليك من كلام الناس :22: الله يوفقكم يارب |
اقتباس:
جزاك الله خيرا |
|
مبروك مهزوم أخيرا انتهت داحس والغبراء على خير..ويارب اسمع عاجلا غير آجل خبر أبوتك ..
في الحقيقه أنا من الناس الذين يؤمنون بالخصوصيه في المنزل خصوصا غرفه النوم لايحق حتى للأبناء دخولها فمابالك الآخرين لذلك هي معها حق وان كانت قد سمحت لأخواتك فهذا لأنها تحبهم لحبها لك ومن طيب ذاتها تصرفت معهم كذلك أما بالنسبه لكون زوجه أخوك شقيقه طليقتك لم تدخل فزوجتك أكبر من أن تفكر بهذه الطريقه..اسأل الله لك ولطبيبتك كل ماهو أجمل بالوجود..في رعايه الله |
ماشاء الله تبارك الرحمن يعلم الله سعادتي الباااااالغة بأنكم تفاهمتم وصارت حياتكم سعيدة
ودخلت أسجل فرحتي ودعواتي بأن يزيدكم الله من فضله ونعيمه ولايغير عليكم ويكفيكم شر كل ذي شر وماشاء الله تبارك الرحمن زوجتك تثبت رجاحة عقلها كل يوم ماقصرت بنت الأجاويد أكرمت أخواتك وورتهم غرفتها وغير كذا مو ملزومة بالذات إنها أخت طليقتك فمعاها حق مو لسبب معين بس ماله داعي . وبعدين بوصيك بوصيتين اسمعها مني وطبقها : واسأل الله أن يصب عليكم الخير صبا صبا ويرزقكم ذرية صالحة عاااااجلاً تقر أعينكم |
اقتباس:
ماشاء الله عليك كفيتي ووفيتي وقلتي اللي نفسي اقوله في نصيحتك الثانية كله الكلام اللي قلتيه فيها عين العقل وفعلا المراة تتقرب اكثر وتتعطف على اللي تحس بحاجته لها ... |
في هذا الموضوع اجابة عن كل تساؤلاتك
http://www.66n.com/forums/showthread...342&highlight= و أنا برأيي صحيح انه في شوية خطأ على زوجتك (من وجهة نظري) لكن أخوك الكبير غلطان أكتر قصص النسوان خلوها بينهم ما في داعي اذا زوجته شكتله من زوجتك يجي يشكيها لك يعني في نساء أحياناً بقللوا عقل شوي.. لكن الرجال المفروض يعقلوا زوجاتهم بدل ما يكبروا الموضوع هذا رأيي و أرجو ان تتقبل صراحتي |
الله يهنيكم بجد أعجبتني شخصية زوجتك ومافعلته عين العقل بارك الله فيها .....
|
انا من المؤيدين لراي زوجتك الحكيمه غرفة النوم ماهي معرض للكل يتفرج ويذهب فيها خصوصيات فيها حياه كامله داخلها انا كبنت ما احب احد يدخل غرفتي وانا مش متزوجه مافيها الا خصوصياتي العذراء فقط فمابالك لما اكون مع زوجي اكيد اكيد راح يكون حرصي اكثر واكثر من عدم دخول اي احد فيها فهي عالمي الصغيييييير
|
الله يوفقكم ويسعدكم ويهنيكم ويحفظكم من كل شر
فعلا زوجه رائعه عندما تحدثنا بمواضيعك وشي طبيعي من زوجتك حتى لو اخواتك ماشافوا عادي من حقها زوجتك اعتبرها مثل مستشاره تستشيرها وتفضفض لها والللللللللللللخ اهم شي لاتمدح زوجتك كثيرا وحصنوا نفسكم دايم الله يوفقكم ويحفظكم |
بما أن زوجة اخوك اخت طليقتك نصيحة لا تخليها تدخل بيتك نهائياً ولا تصير علاقة بينها وبين زوجتك لا تخرب عليك حياتك انتبه انتبه السحر والبلاوي كاثره هالأيام واقول بارك الله لكما وبارك عليكما وجمع بينكما في خير |
اخي مهزوم زوجتك معها حق والمفروض تشجعها على الخصوصيه مش بغرفة النوم بس بل باشياء اخرى
وصدقني العين حق كثير شافوا غرف نوم متزوجين وصابته عين قويه مثل ماقالت الاخت وفيه ناس يحطون سحرهم بغرف النوم علشان يضبط وزوجتك حكيمه والمفروض تسكرها عن كل الناس حتى خواتك لانها خصوصيه وبعدين سؤال محيرني ليس مرت اخوك حريصه على غرفة النوم؟ واسمحلي اخوك انسان استكانة مرته كلام حريم ليس ينزل نفسه لهذا المستوى |
بالعكس موقف زوجتك صحيح ومن حقها تحافظ على خصوصيتها وكون اخوك يدخل في مثل هذه التوافه ماأدري ؟ بس احذر شكل الغيرة بدت تشتغل فقلل احتكاك زوجتك مع زوجة أخيك .
|
اهلا اخي الكريم اولا الف مبروك والله يوفقكم دنيا واخره ويرزقكم الذريه الصالحه يارب
بعدين اللى سوته زوجتك عين العقل ما شاء الله عليها والمفروض تكونون جدااا حذرين في التعامل مع زوجة اخيك اذا كانت اخت لطليقتك لانها سوف تنقل كلشي عنكم لاختها ولاتنسى اخي محاولت طليقتيك تخريب زواجك بارسال المسج اللى ارسلته لها الى زوجتك وطبعا هدفها التخريب عليك فكونوا معهم رسمين جدا والله يوفقكم اخي الكريم منتصر |
لاقوة الا بالله تبارك الله وماشاء الله بصراحه انا اهنئك اهنئك اهنئك على زوجتك تبارك الله
عاقله وعارفه ايش تسوي غرفة النوم شي خاااااااص ماله داعي احد يشوفها ابدا لانها حقك وحقها زاويه من هذا العاالم مكتوبه لكم عشان تشتركوا فيها يعني مو خاص فوق الخصوصيه كمان وهذا ذووووق منها انها خلت اخواتك يشوفون الغرفه مافي مانع بس مرة اخوك مالها داعي صراحه حتى اخوك المفرض مايدقق واذا تبغى تعرف عن حركات الحريم في غرف النوم انا اقلك بنت جيراننا اتزوجت و كان بينها وبين عمتها اخت ابوها مشاكل لانها كانت تريدها لابنها وهي رفضت المهم لم يمر شهر الا وبنت الجيران عملت عشاء في بيتها الجديد وطبعا من الاخطااااء دخلت الحريم غرفة النوم بعدها زوجها ماعاد طايقها ابدا والسبب انه عمتها وضعت لها سحر في غرفتها طبعا هيا اكتشفت الموضوع بعد فوات الاوان واقولك ليه اغلب الحريم يحطون السحر في غرفة النوم عشانها الملتقى المؤكد بين الزوجين راح تقولي بامكانهم يحطون في اي مكان في البيت اقلك صح بس اخذ الحذر واجب وترى هذا مو سوالف حريم هذي حادثة صارت بالفعل وغير كذا وجهة النظر انه ماتدخل احد غرفة النوم يعني انه في احترام لعش الزوجية بينكم وفي الاخير الله يحفظنا من الشر |
ما شاء الله تبارك الله .. موقف يدل على زوجة صالحة هي الكنز .. ثبتك الله اثبت على زوجتك ولا تتركها .. أسأل الله لك التوفيق
|
زوجتك عندها حق...
بعدين هاي مو مشكلة... غرفة النوم شئ خصوصي جدا.. أنا لما إتزوج أخي والله ما دخلت غرفة النوم, إلا بالغصب من زوجة أخي و فرجتني جهازها..وكنت مزعوجة خايفة عيني تشوف حاجة خاصة..علشان أنا أحترم أخي كثير... الله يهدي..وبعدين هي ليش خبرت زوجها, أظن أنو هاي شغلات حريم ما يصح يعرفها رجال..والله و آسفة; هاي حركة وحدة ما تفكر كويس , لا والأدهى إنها ما صدقت خبرت زوجها قبل ما يستريح...:( والله عشنا و شفنا..الله يهدي... sabra2009 |
انا من المؤيدين كثيرا لخصوصية غرفه النوم ....واشوف زوجتك معاها حق
ونعم غرفة الزوجيه بها كنز الاسرار والخصوصيه للزوجين اكبر كنز وخاصتا الفراش واين تنام الزوجه واين ينام الزوج عيب حد يدخل الغرفه هاي خاصة جدا |
ما شاء الله بارك الله زوجتك عقلها يـوزن بلد كل سكانه نساء ،،،:d لذلك حافظ عليها وعض عليها بالنواجذ ،،،:d إن لزم الأمر ذلك،،،:d ولا تسمح المشاكل تتسلل لحياتكما على أمور ما تستاهل ،،،، الله يديم السعادة والهناء بينكما ويرزقكما الذرية الصالحة الكريمة ويحفظكما من كل سوء أخوك عزوبي:24: بس:d رجل:30: |
وجهة نظر خاصة ( وأتوقع تأييد الأغلبية )
الاخوة والاخوات الأعضاء
السلام عليكم ورحمة الله وبركاته يسرني في البداية أن أكون بينكم وأن أناقش أطروحاتكم للتقريب بين وجهات النظر ( طبعآ بأسلوب راقي ) وأفيدكم بأن المشاركة التالية هي الأولى لي بالمنتدى. على بركة الله ,,,,,,, أولآ : قال صلى الله عليه وسلم ( من حسن أسلام المرء تركه مالا يعنيه ) وأري أن من الآداب الاسلامية أن يجلس الضيف في المكان المخصص له من قبل أهل البيت وأن يأكل مايقدم له من مأكل ومشرب دون المساس أو التعدي على خصوصيات البيت أو خصوصيات أهله . فليس من المقبول ما صدر من زوجة أخيك هداها الله وهدانا اجمعين من تجاوز للحدود التي سردناها اعلاه بل كان من المفترض أن تستجيب وتباشر بالدخول للمكان المخصص من أهل البيت والتي دعيت له فما بالك بأنها خرجت ساخطة لعدم دخولها أو رؤيتها لغرفة النوم فأنها قد تخطت الحدود الحمراء. ثانيآ : كان من المفترض القيام به من جانب أخيك ( زوجها ) أن لايقبل منها تصرفها بل كان من الواجب تعريفها بخطئها وتوجيهها التوجيه الصحيح وتوضيح جانب أن لكل بيت حرمات ويجب ان تصان . لا أن يقوم بنقل مثل هده المهاترات ( الكلام الفاضي ) فأنه بفعلته تلك اشترك مع زوجته بالخطاء . ثالثا : كان من المفتر أن ترد عليه بنفس الوقت وبحزم بأن هده الأمور خاصة بك وبأهل بيتك وليس لأحد أدنى حق في التدخل أو المناقشة بها .( يعني بالعربي بلا لقافة ) رابعآ : لاملامة على زوجتك بل مافعلته يعد من أبسط حقوقها من ناحية ادارة مملكتها كما تحب فلوا أنك قمت بمناقشتها أو مراجعتها فعليك الاعتدار لها و التوضيح لها بأنها هي لها كامل الحرية في تسيير شؤون بيتها وأنها هي رقم ( 1 ) وفوق الجميع في هدا الموقع . نصيحة : . : . : حاول جاهدآ قدر المستطاع أن تكون حياتك الخاصة وبيتك بعيدآ عن أدنى تدخلات دون النظر لأي من الاعتبارات فعش أنت وأهلك بخصوصية تامة ولا تسمح لأنسان بالتدخل في شؤونكم و ح تشوف النتيجة بكرة النهار وسامحوني لو احد زعل مننا والسلام عليكم |
زوجتك معاها حق انا لي اربع سنوات واخواته ماشافوا غرفتي وزوجة اخوك ليش تشتكي لازم تشوفها ؟؟
|
بسم الله الرحمن الرحيم السلام عليكم و رحمة الله و بركاته أخى نصيحه لا تكبر الموضوع و لا تتدخل بين الحريم ... انا لم أتزوج بعد و لكنى سالت والدى ذات يوم ( ماذا لو ان والدتى و زوجتى حدثت بينهن مشكله هل أتدخل ؟) قال إن كان هناك حق لأحدهما تراه واضحا ك شتم لا قدر الله او جور تدخل بالحسنى خاصة إذا كان الخطا عند والدتك أما ما هو دون ذلك فلا تقل إلا طيبا و لا تتدخل و لا تقل انت أخطأت او انت مخطاه ببساطه - طنش:25: - فإنهن سيصطفين بإذن الله لأن الحريم هكذا لا يطيقون إلا خير بعضهن هذا إن كن أسوياء ...... و إليك الجواب على سؤالك و لا تتوغل فيه . اقتباس:
و بالله التوفيق |
| الساعة الآن 02:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©