|
مضطرب عقليا ويريد الزواج
اريد ان اخبركم عن اخ صديقتى مسكين تعرض لحادث سير منذ 17 سنه ويعاني من تخلف قليل فى
التصرف لا يجيد القرءه ولا الكتابه و سهل العب به التم على اصدقاء فقالو له مازحين لماذ لا تتزوج فلمعت الفكره عنده فاخبر ابوه فوافق لكن امه لا مع العلم ان امه على صواب وقالت انه يعاني من فراغ . مع العلم انه 29 سنه لكن حالتهم للماديه بسيطه والاب كبير فى السن ولديه بنات ولا يقودون السياره والاب مسوول عن كل شى ما هى اراآكم ...???? |
هل لديه وظيفه ؟؟ هل يستطيع ان يقود سياره ؟؟ هل يستطيع ان يتحمل مسؤولية بيت ؟؟ هناك بنات بسيطات و فقيرات و ما عندها مانع ان تتزوج بهذه النوعيه من الرجال .. اعتقد ان من حقه ان يعيش حياته .. فلتبحث له امه عن زوجه .. وان شاء الله يحصل له على زوجه تهتم به .. |
أسمحولي أقول رأيي ..
كثير من الرجال الان وحتى النساء لا أخص الرجال فقط .. لديهم اضطراب في عقولهم .وحالات نفسية صعبة واكتئاب ولو يمنعهم هذا من الأرتباط . وعادي عايشين وبالعكس يتقدم لبنت الناس ولا يعترف أساسا أنه عنده أي خلل .. ويتزوج ويخلف فلا نقول هذا مختل ولا هذا طبيعي .. أهم شي يقوم بواجباته الأساسية ... ويخاف الله ويراعي الحقوق اللي عليه .. والحمد لله أعرف واحد تقدم لبنت وأتزوجها والله يا ناس إن البنت تقول أشك أنه مجنون تصرفاته مرة غريبة .. ونسأل أمه تقول مافيه شي .. ونحن نشك أنه وهو صغير أرتفعت درجة حرارته وأصابه شيئ في المخ .. وأمه حتى الدكتور ترفض إنه يروح .. إيش معناته وعادي البنت صابرة عليه وممشية أمورها (ولو أنه هذا يعتبر من الغش ) من حقة أن يتزوج لكن لا تخبو على العروسة ولو وافقت عليه أـوكلو على الله |
لديه وظيفه ؟؟
هل يستطيع ان يقود سياره ؟؟ هل يستطيع ان يتحمل مسؤولية بيت ؟؟ اخواتي كل الذى قلتوه لا لا لا يستطيع ان يفعل اى شي ان يده مشلوله واعرج مسكين ثم انه لا يجيد الكلام وكيف يااخواتى سيتزوج وهو يجهل حتي الامور البسيطه .من الفتاه الى ترظى اقترحت وظعه فى مصحه اصلاح وتآهيل |
ليس لديه وضيفه
|
يا أختي الزواج مو لعبه ..
وهو أكيد مو حاس شنو قاعد يطلب بس اصحابه بجد ينرفزون .. شنو مافي شي يتكلمون فيه الا الزواج والا عاملينه مسخره لهم ويبون يسمعون وش يقول وش عمل مع الزواج لأن ينسحب منه الكلام بسرعه ولا يعرف شنو الي عيب ينقال والي مو عيب وما يصلح يقوله لأنه اسرار يا حب العالم حق هالسوالف بنات الناس لعبه .. والا السالفه متعه ومسخره وبس !! للأسف هذا تفكير الكثر من الناس تقولين ان ايده مشلوله ومتخلف نسبياً في عقله ولا يشتغل الله يشفيه ويعافيه وجميع المسلمين .. لكن هذا وين والزواج وين وش يبي بالزواج .. الزواج مودة ورحمه .. الزواج مسؤليه قبل اي شي ثاني الزواج يعني اسرة .. اول لبنه في بناء المجتمع .. ليش يخلف اطفال ممكن يكونون اصحاء عقلياً .. لكن ليش يجون وابوهم كذا لو كان صلير له الحادث بعد زواجه وانجابه اطفال كان ممكن نقول ابتلاء .. لكن نحكم على اطفال بالبلاء قبل ينخلقون ليش !! والي تقول اوكيه يتزوج ويخلف .. ترضى تجي في هالدنيا وابوها كذا .. في وحدة منكم أو واحد يتمنى يكون ابوه متخلف عقلياً .. وما يشتغل .. وما يعرف يصرف نفسه العالم تضحك عليه بكلمتين كل انسان يشوف نفسه .. والي ما يرضاه على نفسه لا يرضاه على غيره والا غيري بالطقاق وانا كل شي ابيه كامل حرام عليهم ليش يدخلون هالفكره في راسه عموماً انتي تقولين بسرعه ينلعب عليه .. معناته اهله يقدرون ينسونه هالفكره خليهم ينسونه باي طريقه .. و بلا هالسالفه الي ترفع الضغط |
عذراا,, تم نقل الموضوع الى قسم العلاقات والمشاكل الاجتماعيه مكانه الانسب .. |
شكرا اختي باريسات صح لسانك
|
يكفي كلمة (مضطرب) فليس اهل لزواج ولا لتربية ولا للعشرة ولا لتدبر الامور اذا كانت الصلوات المفروضة والواجبة وهي خمس صلاوات باليوم والليلة تسقط عن المجنون فما بالك بالزوج المضطرب عقليا يعايش فتاة لاذنب لها عشرة سوف تدوووم العمر كله ......... باريسا .. ممكن ان اهله يجدون له زوجة توافق على الزواج منه ويكون لديها علم كامل عن حالته هل سوف تمنعينها من الارتباط به ؟؟ |
أتنكرين عليه حقا مشروعا بالحياه عجبي من منطقك ضعي نفسك مكانه قبل أن تطلقي نيرانك الصديقه..
الأضطراب العقلي البسيط والمتوسط وان صاحبه عوق متعدد كما ذكرتي بالمشكله التي بقدمه ويده قادر على الزواج والأنجاب وله برنامج فردي تأهيلي يساعده على التأقلم على الحياه في حدود قدراته العقليه والجسديه.. اذن أين المشكله؟ المشكله في عقل والدته هي من تحتاج لتأهيل ولكل من يفكر بطريقتها المتخلفه لاألوم العرب من ذوي الأحتياجات الخاصه حينما يقولون ألمانيا بلد المعاقين ويبدو أن أمه تحتاج الى ابتعاث الى ألمانيا فترى من هو المعاق وكيف يقدر في بلد شريعه الله بها مفقوده سبحان الله.. اسأل الله لك ولأسرتك كل ماهو أجمل بالوجود..في رعايه الله أختك ناشطه تطوعيه في حقوق ذوي الأحتياجات الخاصه + أخصائيه اعاقه عقليه واضطرابات سلوكيه (تحت الأنشاء).. |
اقتباس:
والدين الرحمه واليسر لكن للأسف القابض على دينه كالقابض على الجمر .. هل تضمن لنفسك السلامه من أن تلم بك اعاقه ان ضمنت نفسك حينها اشجب واستنكر واعترض لأنك بكل بساطه ضمنت بأنك لن تكون مكانه في يوم من الأيام.. ان وجد الفتاه التي ترضى به فربنا يسعده ويرزقه الذريه الصالحه .. وهذه مشكله ذوي الأحتياجات الخاصه حينما يصدمون بمجتمع دينه في جهه وعقله في جهه وعاطفته بالمريخ.. ويبقى للمعاق احترامه وكيانه وحقه بالعيش وان كلفني الأمر مالي وصحتي وحياتي..اسأل الله لك كل ماهو أجمل بالوجود..في رعايه الله |
اقتباس:
أنا مالي ولاية على أحد .. ولا أقدر أمنع أحد من عمل اي شيء واذا كانت الفتاة على علم كامل بحالته ومتقبلته ..الله يبارك لها هذي ابداً مو مشكلتي .. هي حرة بس انا أفكر بالجيل القادم .. الي مو بيده يختار أمه ولا أبوه و في الحديث ( تخيروا لنطفكم فإن العرق دساس ) |
اقتباس:
احيي فيك دفاعك الكبير عن هذه الفئة .. لكن ليش تكلميني وكأني جانيه أو متكبرة تتكلم من برج عاجي لا يا اختي انا عايشة بوسط مجتمع وعارفه وش الي يصير فيه .. وداخلي رحمة ما تتخيلينها .. أنا ما أنكرت على اي انسان حق من حقوقه المشروعه ورأيي ما بنيته على اساس انه فيه اعاقه بيده او رجله وبس لالا ابداً لسبب بسيط أني اشوف بعيني هذي الاشخاص تتزوج واذا ما قبلت فيهم وحدة بتقبل الثانيه وبعدين ليش نروح بعيد في معاقين ضحايا حروب .. في معاقين مجاهدين يدافعون عن اوطانهم هالناس مو بس من حقهم يتزوجون .. الا ينحطون فوق الراس .. انا الاعاقه العضوية ابد ماناقشتها .. أنا الي خلاني اقول كذا لما قلت انه يعاني من تخلف عقلي .. مضطرب في عقله .. وبسرعه ينضحك عليه طيب بالله عليكِ الانسان مو اساسه العقل .. مو الله يحاسبنا ويعاقبنا على اساس تصرفاتنا وتصرفاتنا تنشئ من تفكيرنا وعقلنا .. والانسان المضطرب عقلياً هل حسابه عند رب العالمين مثل الي بكامل وعيه أكيد لا .. وبعدين يا أختي .. انا ردي ما كان تجني عليه .. بالعكس تماماً وانا أكتب كنت في حالة رحمه فيه .. بالعكس أنا تأثرت جداً لما قالت بسرعه ينلعب عليه واعرف تماماً أن الانسان ما يعرف وش يجري عليه الانسان في هالدنيا ما يقدر يضمن لا صحته ولا غناه ولا سعادته أحنا كبشر معرضين لأنواع البلايا .. الرزيا والمصائب تحيط بنا من كل جانب ولا نستطيع تفاديها إلا برحمة من رب العالمين ـ ـ ـ ـ ـ وليش تلومين امه .. صاحبة المشكلة تقول أن حالتهم الماديه صعبه كلهم بنات وابوه رجال كبير .. وهو المسؤل عن كل شي .. طيب الزوجه هذي شنو بيكون وضعها .. مين بيدبر امورها .. !! المرأة بحاجة لحماية ورعاية الرجل .. وهي من لها !! انتي عارفه ان احنا نعيش في مجتمع ما يرحم .. والمرأة ما تقدر تعمل معامله الا بالرجال اليوم انتي تقدرين تدخلين مستشفى طويل عريض لحالك في نص الليل !! هذي الزوجه مين بيروح معاها اذا احتاجت انصاف الليالي .. !! وبكل الاحوال الي بتقبل فيه اكيد حالتها صعبه !! خذي هذا المثال .. يا أختي انا اعرف وحدة زوجها يشتغل في منطقه ثانيه .. وفي يوم من الايام وفي نص الليل بنتها الصغيرة ارتفعت حرارتها حاولت تنزل الحراره ما قدرت .. كانت لحالها بالشقه .. وابوها رجال مريض ولا يسوق سياره ولا عندها أخوان .. ما قدرت تسوي شي البنت الصغيرة اصابها تشنج من الحراره .. اضطرت أنها تدق على سواق يجي ياخذها المستشفى .. مع انها عارفه لو احد بيجي يشوف سياره عند الباب بيتكلم عليها .. بس كان هذا الخيار الوحيد .. وفعلاً راحت المستشفى مع السواق وبنص الليل مع امها وفي النهاية إلى الآن البنت تعاني من تشنج بسبب الحراره عرفتي شنو اهمية وجود رجل قادر على رعاية المرأة والاسرة |
اقتباس:
ولكن كنت اقول بما أن القلم رفع عن المجنون وهذا يعد سماحة في الاسلام وفي شرع الله فلماذا نضيق على انفسنا وندخلها بمشاكل لها اول وليس لها تالي بأشياء لم تكن موجودة ولم تطلب في الاساس وكلامي هذا اقوله بسبب أن هذا المضطرب (لا يحل ولا يربط) وبأسباب اخرى ذكرت اقتباس:
اقتباس:
هذا اولا ثانيا لم تكن فكرة الزواج موجودة لديه نهائيا وربما لا توجد لديه حاجة للمرأة ولكن بسبب من كانوا معه دخلت الفكرة في رأسة وقد تكون هذه الفكرة مجرد حب استطلاع لهذه الحياة الزوجية لا اكثر ولا اقل.فمن سيدفع الثمن هنا ان كانت المدة قصيرة جدا اقتباس:
لست مفتي حتى تعتمد مشاركتي ولكن مجرد رأي فقط لاغير والموضوع والرأي مفتوح للجميع ولكن قبل ان تحدث المشكلة لا ارى مجال للتجارب مفيد هنا اتدرين لماذا ؟ لأننا دائما تكون تجاربنا من هذه النوعية على انفسنا وخسارتنا منا وفينا اقتباس:
وهل كلما اردنا ان نشارك في موضوع نضع حالنا مكان صاحب المشكلة ثم نكتب ؟ انا ابديت رأيي هنا ومشاكل المتزوجين كثيرة وهم بعقول سليمة ولا يمنع من الدعاء له بالتوفيق اسأل الله ان يشفيهم ويعافيهم ويوفقهم وان يرزقهم بنات الحلال العائنات المعينات |
انا اشوف اذا اهله عارفين عنه نه متخلف ولايقدر على امور الزواج ومسؤليته فلااااااااااااااااااا للزواج لهذا الرجل ..
والله اعرف ناس عندهم ولد كذا معاق يعني فيه عرج في رجله وشوي في يده ولامه غير مفهوم زين ومتخلف ومع ذلك زوجوه اهله تصدقوا كيف ينام مع زوجته مه تدخل معاه كل ليلة عشان تعلموا وخلفت زوجته كمان تخيلوا عاد وضع عياله حتى امهم ماتحس بامان على عيالها معاه وفوق ذا كله عايشة مع اهله وكل امورها وطلباتها وطلعاتها ودخلاتها هما اللي يقوموا فيها امه وابوه ايش هذه العيشة هل الحياة الزوجية كذا بذي الصورة في وحدة تتحمل عيشة زي كذا فين المودة والاستقرار والخصوصية حطي تحتها الف خط .. |
هناك من يقبل وهناك ايضا من يرفض
لكن لانهم اناس عمليون و لكل حياته الخاصه لا يظهرون عواطفهم اتجاه مثل هذه الحالات فهم اكثر عنصريه و اكثر دهاء و اكثر مئه مليون كلمه ممكن تضعيها مرادفه كل ميسر لما خلق له وكل واحد حسب قدرته واستطاعته يمسكو الولد ويسالوه بين فتره و الثانيه اذا مصر يجربو يدورو له وحده مستوره لان بعد فتره و الاعمار بيد الله ما راح يكون لاخواته او اخوته او اقاربه من يعتني به فزوجته جزاها الله خير تكون موجوده واذا رزقو باطفال ايضا احسن ما يكون عاله على الجميع و يوضع بمراكز العنايه والله يقدم الي فيه الخير |
| الساعة الآن 01:15 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©