|
أي اسم أحلى مريم و لا جنى ؟
السلام عليكم و رحمة الله و بركاته
رجعت لكم بعد غياب و محاولات الاتفاق على قرار الاسم مع زوجي كلها باءت بالفشل المهم انا أتحاشى الجدل و المناقشة قدر المستطاع لكن زوجي كل مالو بصر اكتر على اسم مريم لدرجة انه سمى المستندات اللي فيها صورة البيبي (ألسونار) باسم مريم و كل يوم بسأل (كيفا مريم ؟) ... :29: و انا قلت باخد رأيكم إما بتشجعوني اسكت او ابقى على اقتراحي (جنى) أرجو من الجميع المشاركة و ما تقولولي التنين حلوين يا ريت الكل يحاول يختار اسم جزاكم الله خيرا |
وعليكم السلام ورحمة الله وبركاته
مــــــــــــــريــــــــــــــــــــم رائع الله يقومك بالسلامة |
ماريا...
مريم ..احلى..سيدة نساء العالمين مريم. سمي مريم ولا بزعل:29::29::29: |
شوفي جنى بيجنن بنت اختي اسمها جنى ماشاالله عليها الله يحميها
بس بدك نصحيتي اذازوجك من النوع العنيد جدا ومايسوي الا الي براسه حاولي تتاقلمي مع مريم الله يقومك بالسلامه يارب |
جمييييييييييييييييييييل مريم احلا من جنى
انا اصلا كنت متفقه انا و احمد اننا نسمي مريم ان شاء الله |
آآآآه يا ماريا زكرتيني بحالي وانا حامل كنت رح موت لسمي بنتي جنى بس زوجي رفض تماما وسماها شام الله يحميها
لهيك أنا بأيد جنى وان شاء الله بتقومي بالسلامة |
انا بافضل مريم اطهر النساء
لانو في اخر اجهاض لي قلت اذا ولد يوسف واذا بنت راح اسميها مريم وطلع ولد |
شكرا لكل الأخوات اللي اقترحوا
بس نتيجة التصويت حيرتني أكتر 50-50 بانتظار باقي التصويتات |
جنى اسم حلو كتير
مريم اسم حلو بس كتير بنات اسمهم مريم انا بحب لما اسمي ولد او بنت يكون الاسم مو دارج كتير بالسلامه ان شاء الله |
والله الانسان هو الي يحلي الاسم
اسم مريم حلو جنى فعل مو اسم جنى يعني حصد يحصدُ واذا حاسه ان كثير مريم .. غيريه شوي .. يعني ( ماريا ) ( مرام ) |
مريم ... ان شاء الله تتفئوا على شي يرضي الطرفين أو اختاروا اسم محايد لحتى ما حد يزعل ... احنا طلع معنا اسم بنتي "يارا" بأخر أسبوع من الحمل
|
انا صوتت لمريم
قلت لك من قبل .. من الاسماء اللي متفقين عليها انا و زوجي و اهالينا كمان :) اسم مريم جنى حلووووو بس افضل مريم الله يقومك بالسلامة حبيبتي |
بصراحة
مريم رائع .. ليش مو عاجبك ؟ كتير حلو الإسم ,, الله يجعلها من الذرية الصالحة المعافاة ,, ويكرمك بصلاحها ,, |
مريم جميل اختى ماريا
وتقومين بالف عافية |
اقتباس:
و هدا السبب الوحيد اللي خلاني فضل جنى شكرا مدام آلاء |
اقتباس:
انا اقترحت على زوجي ماريا لكن قال بحسه اسم مطربات قلتله زوجة الرسول صلى الله عليه و سلم مارية قال لا ما في مقارنة بينو و بين مريم |
اقتباس:
لكن لما بشوف اصرار زوجي بحس انه خلص اسمها مريم خصوصاً بحملي الأول زوجي كل ما رجع من الشغل بسألني كيفو أحمد و فعلا سمينا ابننا أحمد شكرا اختي علامة الجودة لمرورك |
اقتباس:
الله يختار اللي فيه الخير أحسن شي شكرا نورة و الله اسمك حلو :) هههه صرت كتير انتبه على الاسماء |
اقتباس:
لكن ما بعرف ليش انقلب عقلي لما زوجي اقتنع فيه الناس أثروا فيني قال اسم قديم و بتشعري انه البنت لما تسمعي اسمها انها امرأة مسنة او كبيرة يعني لكن انا لسا عاجبني مو انو كارهته بالعكس بحبه كنت رح سمي نفسي بالمنتدى مريم حتى بمنتديات أخرى كان اسمي مريم لكن وقت شفت اسم جنى (خرط مشطي) متل ما بقول المتل |
اقتباس:
أهلا أختي أم خديجة بعد زمان شكرا لك و لتصويتك الله يختار الخير يا رب |
جنى حلو ومريم حلو
بس زوجك فعلا عجيب ولا مره فكر برغبتك في التسميه يا اختي اذا زوجك من النوع الي يتحمل مزح سالك كيفها مريم جاوبيه جنى حلوه و بتتحرك او اشتريتي شي قوليله راح يطلع يجنن على جنى و دلعي اسمها كل يوم اطلعي باسم دلع شكل المهم انت كمان نادي بجنى حالك حاله و مع ترديد الاسم و تدليعه يمكن يعجبه |
بشكل عام وبصراحة انا أرى أن تسمية البنت بالذات من اختصاص الأم .. وأزعم أن الأمهات يستمتعن بالبحث وانتقاء الاسم المناسب لبناتهن .. ولا أحب الرجل الذي (يحشر) نفسه في هذا الأمر والذي لا يتفهم الجانب النفسي للموضوع.
ولكن بصراحة يا عزيزتي هناك حروف لا أستسيغها في الأسماء ... مثل حرف الجيم والخاء والظاء والقاف .. وأرى أنها حروف ثقيلة تأخذ من جمالية الاسم ... لذلك فإن (مريم) أحلى وأرق وانعم في رأيي من (جنى). واسمحي لي يا ماريا ... والمعذرة من باريسا ... ولكنني قرأت ما يفيد أن (جنى) يمكن أن يكون اسماً أو فعلاً حسب السياق العام للجملة .. وإليكِ اقتباساً قرأته في أحد المنتديات المنتخصصة: الكلمة ( جنى ) من الكلمات التي لها قابلية أن تكون فعلا وأن تكون مصدرا ، والسياق هو الذي يحدد فعليتها أو مصدريتها يقول سبحانه وتعالى مخبرا عن المصدر ( جنى ) بأنه ( دان ) !! فلو كان المراد هو الفعل جنى فكيف نفسر وجود اسم الفاعل ( كخبر هنا ) ؟ ها أولا ، وثانيا ، فلكل فعل فاعل وتلك قاعدة ، يقول ابن مالك رحمه الله: وبعدَ فِعْلٍ فَاعِلٌ فإنْ ظَهَرْ ** فَهْــوَ وَإِلاَّ فَضَميرٌ اسْتَتَرْ فأين الفاعل - إذا اعتبرنا ( جَنَى ) فعلا ماضيا - في سياق الآية الكريمة ؟ إذن لا وجود للفاعل في السياق الكريم لسبب وجيه هنا وهو أن ( جَنَى ) مصدر بمعنى ما يجنى ! ومثلها الاسم( حلا ) فأقول : حلا الثغر .. و حلا الثغر ظاهر |
اقتباس:
اهلا اختي الغربة مرة انا زوجي بمزح كتير و بقبل المزح طبعاً لكن المشكلة في ترددي أنا يعني انا لسا مو عارفة حالي شو بدي و مو واثقة انه اسم جنى هو اللي بدي ياه خصوصاً انه كما ذكرت من قبل انا كنت اقترح مريم في حملي الأول لما كان هو يقترح اسم أمه والآن لما هو اقتنع بمريم انا تغير رأيي انا فقط حابة شوف شو رأي الناس و نصائحهم قبل ما بلش المعركة :d |
اقتباس:
شكرا كتير للاضافة انا واثقة انه اسم جنى مو فقط فعل لأني واضح في الآية الكريمة بسورة الرحمن انه مو فعل كنت متلك أعتقد انه من حق الأم تختار اسم بنتها و الأب يختار أسماء الصبيان لكن فوجئت بفتوى تقول ان حق التسمية للأب على كل حال زوجي مو من النوع اللي ممكن يزعلني مشان اسم لكن مشكلته لما يقتنع بشي صعب كتير يتغير رأيه شكرا كتير لاضافتك الله يجزيكي الخير |
توكلي على الله وسميهااا مريم ....
الله يجعلها من الصالحات يارب |
بلا نقاش
اكيد مريم احلي اسم عندي ادعي لي الله يرزقني بلذريه وراح اسمي مريم ان شاء الله |
والله مريم حلو شو مش عاجبك فيه
احلا من جنى حاساه مش هلأد حلو او هوة حلو بس مريم احلا |
مـــريمـ ,, حلوو كثيـــر ,, ولكـن خليــه للبنــووته رقـم 2
لكــن جنـى ,,, روعـــــة ,, وأصـــري ,,, وقوليلــه البنت لأمهــآا والولد لكـــ ^^ |
طبعآ وبدون تفكير
مريم احلى اسم رائع بالنسبة ل جنى فأسفة اقولك بالنسبة لي لما اشوفو مكتوب كأني بقرأ اسم { جنى } والعياذبالله نعوذ بالله منهم لهيك مريم مقارنة ب جنى احلى وبالنسبة لي مافي مقارنة بينهم وانا قرأت موضوعك السابق عن نفس المشكلة ومن ساعتها اول ما قرأت الاسم اللي اختاره زوجك والاسم اللي اخترتيه عالطول قلت مريم احلى بكتييييييييييييييييييييير بس ماحبيت اعلق لانك ما طلبتي اراء الاعضاء في الاحلى فيهم واصلا برأي المقارنة لا هتقدم ولا هتأخر دام انه زوجك حابب الاسم واختاره فخلاص اطيعي زوجك وبلاش عناد ............... واسم جنى لو كتب الله انه يرزقك ببنوتة تانية سميها بيه |
الصراحه انتى عامله زيى بالظبط كل ما يعجبنى اسم واقوله لزوجى ويعجبه اتردد وابأه عايزه اغيره لكن عايزه الحق ماريه عندى احلى من مريم وجنى لدرجة انى لما قريت اسمك من زماااااااااااااااااااااااااااااااان عجبنى اوى وقررت انى اسمى ماريه ان شاء الله عموما انصحك بالاسخاره فى اختيار الاسم واتوكلى على الله |
الله يقومك بالسلامة ويرزقك الزرية الصالحة البارة مريم اسم روعة وسأسمي به بنوتتي اذا جائت إن شاء الله |
اقتباس:
|
اقتباس:
و تجيبي بنوتة قمر ان شاء الله |
اقتباس:
انه البنت رح يشعر الواحد انها كبير عليها الاسم و من هالكلام لكن انا متل ما قلت برد سابق اني كنت بحملي الأول أقنع زوجي بمريم لما كان هو يريد يسمي على اسم أمه و الحمد لله كان المولود ذكر و انحلت المشكلة لكن الآن رجعنا للنقاش حول اسم البنت انا فعلا ماني عرفانة شو بدي |
اقتباس:
أهلا أختي جولي شكرا كتير لردك و تشجيعك نتيجة التصويت عم تقلبلي رأيي و الله احترت الله يختار اللي فيه الخير |
اقتباس:
اختي سعاد كش بدني من هالكلام ولا مرة نظرت للاسم بهالطريقة لكن فعلا معك حق احترت كتير اكتر ما كنت محتارة الله يختارلنا اللي فيه الخير |
اقتباس:
لكن في ناس فكروني معجبة بفنانة لبنانية فاسقة و العياذ بالله و انا من وقتها قلت لأ للاسم مستحيل أخلي عند هالناس هالفكرة |
اقتباس:
الله يسلمك يا رب أخي الله يختار الخير يا رب شكلي رح ارجع لمريم |
أنا صوتلك لإسم جنى
بس أنا ما بعرف إنت من وين بسوريا لأن لفظ جنى بالحلبي كتير تقيل وما بيطلع حلو إنا مرة سمعتوا من وحدة حلبية والله بجد كرهتني بالإسم وقتها قلتلا كتير طالع الإسم بشع بتشديد الجيم قالتلي بعرف وندمت بعدين ع الإسم بس سميناها ومشي الحال |
جنى<<<< أحلى بكتييييييييييييييييير |
| الساعة الآن 08:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©