|
تعبت من تهاون زوجي بالمحرمات و اهماله لبيته
السلا م عليكم ورحمة الله ا خواني واخواتي
انا عضوه جديده وانا من زمان متابعه لكم بصراحه واليوم قررت اسجل لسبب واحد بحثا عن حل عندكم لمشكلتي في البدايه انا متزوجه من خمس سنوات ولدي بنت من بداية زواجي مشاكل طبعا الرجال عنيد حارمني اقل حق وهو اني ازور اهلي مع انهم معاي في نفس البلد بس كل مره اروح لهم تخيلو انه يجلس له اسبوع اوسبوعين زعلان ولا يكلمني ويهجرني حتى في الفراش ولما يصير عزيمه كبيره واقول له نفسي اروح يابو فلان يقول لي لا تدرون ليه يقول لي حركات الحريم هذه اعرفها انتي تبين تمشيني على نظام معين امنت بالله واقتنعت بهالحياة الي تجيب الهم والسبب في اقتناعي بذلك لما شفت تعامل ابوه مع امه وخواته عندهم النسوان ولا شي المهم تعبت كثير وفيه احيان كثيره احس ان نهايتي مستشفى الامراض العقليه من تصرفاته طبعا الاخ عاطل باطل لا شغل ولا دراسه ولا شي تطورت حياتنا في الثلاث سنوات الاخيره بطريقه مضحكه تعرفون الفراغ الله يكفيكم شره طبعا الرجال في البدايه اشترى لاب توب زعم انه بيشتغل في سوق الاسهم اشتغل له ثلاث شهور ويبقى الحال كما هو عليه طبعا كان عنده ايميل مايعرف يغير الرقم السري حقه فجاءه تعرف على شباب عند شباب يعني جمعة سوء فجاءه صار الرجال يدخل شات وكامات وفجاءه وبعد تطور رهيب وصار لي سنه على هالحال صار يكلم النسوان قدامي ويشجعهم بالكامات طبعا عشان ايش عشان يعرضون وتعالو خذو يابشر طبعا لا صلاة ولا عباده جالس على هالكمبوتر تعبت ورب البيت تعبت تركت البيت اكثر من مه وهددته واخر شي ارجع عندي بنت وقطعت قلبي تعبت كل يوم يجلس له 12 ساعه وهذا اذا ماكان اكثر مع هالبنات وقلة الادب ولا حاجيته قال لي امتع عيوني واخر مشكله صارت بيني وبينه زودها بالكلام وقال لي عاجبك عاجبك موعاجبك الباب يفوت جمل ولا اجلسي وانتي ساكته ......... عذرا اتعبتني الكلمه بكيت طول اليل من القهر كل يوم اصحى من النوم اصلي الفجر اسمعه يكلم شكل ولون وطبعا كله وين في الشات الي قائم عليه احد شاببنا الطيبين ونفسي اذكر اسمه كل ماشوف عجوز اقول لها ياخاله انتي دعائك مستجاب لا قالت ايه اقول لها ادعي على فلان الي مشتغل شغل دعاره على بنات الناس تعبت يابشر واحيانا تدرون احيانا انقهر اسمعه يقول كلام مايقوله لي ابدا طبعا الا خ في الله كل شهر اوشهرين يسمعني كلام يسم البدن مثل انتي على ايش شايفه نفسك انا شفت نسوان تفتح النفس مو انتي (وانا الحمد لله اي احد يشوفني يقول لي ماشاء الله عليك الله يهني ابو فلان فيك ) اخر مره صارت بيني وبينه مشكله قال لي كلام يجرح قال لي يابنت الناس انا حتى النوم انام معك بس استعطاف لك وانا شايف نسوان قد شعر راسي امي دايم لما اشتكي لها تقول لي كل الرجال كذا تعبت والله العظيم احس اني ولا شي بسببه مره من المرات كنت في مكان عام ذبحتني وحده بنضراتها اخر شي قالت لي خذي رقمي وخلينا على اتصال حسييت اني ملكه صراحه ومااخفيكم كنت ابسوي شي بس عشان اقهره بس انا لي دايم يمنعي شيئين واحد اسمه الله وواحد اقترن اسمي باسمه من اول ماطعلت من بطن امي ولا احب اخذل الاثنين هذولي ورب البيت احس في داخلي كلام كثير نفسي اقوله اليوم الخميس والحين الساعه 10 وهو طبعا نايم ليه لانه بيصحى في اخر الليل في الوقت الي تنزل الملائكه لسماء السابعه عشان يشجع البنات احيانا اقول يارب طالبتك لا غضبت عليه لا تبلاني لا في بنتي ولا في بيتي طبعا لو قلت له خلني اروح لاهلي يقول لي لا انتي ماتستاهلين شايفه انك تستاهلين اني اخليك تروحين وتجين طبعا كل هذا ولا يطلعني انا وبنتي ولا حتى نشوف الشارع احيانا اكمل الاربع شهور ماشوف الوالد وربي تعبت من الجفاء من الي عنده حل وش اسوي انا احيان افكر اروح لابو متعب واقول له طالبتك الفرج يابو متعب لا تقولون وش حادك الي حادني الي حد الحريم الضنا تعبت كل مره يلوي ذراعي في بنتي انا عارفه اني طولت عليكم بس تكفون ابي حل وش اسوي لا تقولون امه وابوه امه مسكينه ارحمها يبي لها من يعونها على هالحياة وابوه رجال كبير حتى مايقدر يمشي ولا حب اغثهم مساكين وربي ارحمهم لانه قاسي حتى مع امه وابوه صار لي فتره الحمد لله احيانا احس بضيقه كبيره منه ومن البيت ومن العالم كله واجلس الحالي في غرفتي استغفر واكبر وادعي الله يفرجها وارتاح واحيانا احس برغبه كبيره اني اهرب من هالعالم لعالم ثاني بس ماني عارفه وين مشكلتي كبيره والاكبر منها اني ماقدرت اتكيف مع هالحياة ومع طريقته ولا اقدر اعيش حياتي بالطول وبالعرض واتركه بس ماقدرت اعرف حريم كثير تنتقم منه بعلاقات مع غيره صحيح تكون مو مقتنعه بس اهم شي تقهره وتحس بداخلها انها استغفلته وهذا اكبر عقاب له بس ماقدرت اخاف من الله اخاف اموت وانا على شي خطاء جفاف في كل شي حتى الكلمه الحلوه ماسمعها منه تذكرون اخر موجة غبار جت الرياض دقيت عليه لانه كان براء قلت له يابو فلان انتبه لنفسك قال لي اقول يالله بس يالله وقفل السماعه في وجهي بلاهي وشلون اتعامل معه عارفه اني طولت وقلت كلام يسوى ومايسوى بس احيانا اتمنى اسجل في جل المنتديات بس اتكلم واقول الي عندي وبس اهم شي ارتاح دمتم احبتي اختكم تعبت من الجفاء تم تعديل العنوان الإشراف |
حسبي الله ونعم الوكيل
والله قهر انما االحل الوحيد هو اللجوء لرب العالمين والرقيه الشرعيه وحصني نفسك بآية الكرسي من شياطين الانس والجن فرج الله قريب اتمنى ان لا تهزي ثقتك بنفسك فالجمال جمال القلوب والروح ومن ثم الجسد الرجل يخون لان في طبعه الخيانه وليس لاي سبب تاني الله يفرج همك وهم جميع الاخوان الحياة جميله بايماننا بالله سبحانه وتعالى انتي تقولي انه يهددك بابنتك انه مجرد تهديد لانه مش فاضي اصلا يهتم بشي غير النت الله يحفظك ويحفظ بنتك ويجعل لك فرجا ومخرجا من امرك اكثري من هذا الدعاء |
اختى الكريمه
الله معك ان شاء الله عليكى بالدعاء له بالهدايه التضرع الى الله فى وقت السحر والاكثار من الاستغفار |
كلامك سليم اختي ونفس كلام الوالده ماهو فاضي لشي عشان كذا اخاف على بنتي انا مره من المرات رحت شهرين عند اهلي جاء اخذ بنتي بالبلطجه زي مايقولون فضحنا عند الجيران لين اخذها ولما اخذها اضطريت اني ارجع من قهري على بنتي بيت مليان شباب واب لاهي والخوف من الله غير وارد ابد رجعت فجاءه ودخلت وشفت بنتي فجاءه يالهي انصدمت تعبت نفسيا لما شفت بنتي بالمنظر الي شفته حسيت كنها يتيمه احتضنتها وبقوه وجلست ابكي كرهته وبصراحه لا اخفيك ياختي اني احس اني لا احمل له اي محبه في قلب كان يربطنا شي واحد وهو الفراش وبعد كلامه الاخير صرت اكره كل شي من ناحيته مافيه لغة حوار ابد بينا احاول واقابل دائما بالاستخفاف عشان كذا التزمت الصمت في البيت
|
حسبي الله ونعم الوكيل
لا حول ولا قوة إلا بالله ومايصلي .. يارب اهديه حبيبتي .. الله يكون في عونك أدري والله أدري أنك تعبانة وحاسة فيكي وفي النار اللي بداخلك .. لكن الصبر يا بنت الحلال طيب الصبر الصبر الصبر .. جاهدي فيه .. انصحيه أبذلي الأسباب .. صلي ادعي تصدقي .. حاول تقرئي القران قدامه .. وادعي قدامه .. يمكن يحس سبحان الله قولي لأمه تدعيله .. تدعيله بالخير والتوفيق والهداية .. أنتي حاولي تبحثي له عن أصدقاء طيبين .. لو زوج صديقتك وهكذا .. إقرئي الجرايد يوميا والإعلانات وأبحثي له عن وظيفة وشجعيه ... أنا أدري هذا بياخذ منك جهد وبتتعبي لكن أحستبي هذا كله لوجه الله .. خلاص أنتي تزوجتي وخلفتي .. لا تفكري تطلعي من بيتك وترا محد مرتاح في هذه الدنيا .. وأهلك لو مارحتي لهم خليهم هما يجوكي .. داااائما أنقلي له عن أهلك كل خير وأنهم يحبوه ويمدحوه ويعتبروه شهم ومفتخرين فيه يمكن يحن قلبه عليهم .. صبري نفسك بالأدعية .. وشوفي دائما مصائب غيرك .. واللي عندهم أطفال معاقين .. واللي عندهم أمراض مالها علاج . والفقراء ... عشان تهون عليكي مصيبتك .. وأول شيئ تبدئي فيه الصلاة .. الصلاة .. ذكريه بالصلاة .. كل مرة أختاري اسلوب يناسيه .. المهم يصلي .. حسبي الله ونعم الوكيل .. ولا تزعلي ولا تيئسي أبدا ... ربي أختارك لهذا الرجل حتى تزيد حسناتك .. أتمنى لك التوفيق حبيبتي وأنتبهي للبنوته |
الله يجزاك خير سمو الاميره كلامك حلو والحمد لله الشهرين الاخيره هذه صرت اطبق نفس الكلام الي انتي قلتي عليه اول كنت ادعي عليه ان ربي يحرق قلبه مثل ماهو حارق قلبي لحد مره ماوحده قالت لي يابنت الحلال بكره ربي يتقبل دعائك في بنتك ويحرق قلبه عليها خافي الله ادعي له كل هذا ينقص من عمرك ويجيب لك الامرااض والحمد لله الله برد على قلبي من ناحيته صرت اسمعه يقول انواع الكلام والغزل واقول يارب اهديه واجعله من عبادك الصالحين المصلين الصائمين والقائمين بس على كل هذا مايرحمني ابد احس مهنته بس التذليل والتقليل من الشان بالكلام
ربك يعين ويسهلها يارب علي وعلى كل مسلمه والحمد لله الله عطاني بنت مؤدبه وخلوقه وهذا اكثر شي يخليني اتمسك فيه انتم عارفين بنتي الحمد لله عمرها اربع سنين وداخله الخمس حافظه سورة الاخلاص والناس والفاتحه وكل مره تحفظ ايه او سوره اقول لها روحي قولي له الي حفضتيه اقول يمكن هدايتها على يده ادعو لي الله يثبتني ويصبربني ويهديه ويبرد قلبي من ناحيته بالنسبه اختي اني انصحه ولا انبهه لشي ابد ماينفع معه عنيد ومايحب احد ينتقده مره من المرات قلت بستخدم معه اسلوب ثاني التلميح كان مره جالس مع اخواني وقلت لهم الصلاة ياعباد الله قالت الوالده لا تعطلون ابو فلان خلو السواليف وصلو بعدين ارجعو لسواليف تخيلي طلعو كل الشباب لصلاة الاهو جلس يدخن ومره رحنا مكه ناخذ عمره مع خوالي واخواني ماصلى ولا صلاة كلهم انتقدوه قالو اجل ليه يصلح عمره وقسم بالله اني افتشلت وماحب اروح لاحد وقت الصلاة يكونو الناس طالعين لصلاة او راجعين من المسجد لاني افتشل من حركته |
كرري هذا الدعاء
اللهم اجعل لي فرجا ومخرجا من امري الله يفرج همك ويحميكي انتي وبنتك |
الله يعينك ويقوييك على هالعيشه,,الحياه مع خائن لزوجته وربه حياه صعبه وبيئه غير صحيه لتربية الأولاد وتنشأتهم بشكل صحيح,,أختي ليه ماتفكرين بالانفصال والشرع ماحلل الطلاق وأجازه الا لوجود اسباب يستحيل معها تعايش الزوجين واستمرارهم مع بعض,,انتي تقولين له علاقات غير شرعيه وملتم على شله فاسده ماتخافين على نفسك من الامراض والعلل الي ممكن ينقلها لك؟؟! وفوق هذا كله زوجك تاااارك للصلاه ولايقوم بواجباته الدينيه الاساسيه,,هذا غير اهماله وسوء معاملته لك وعدم احساسه بالمسؤليه تجاهك وتجاه بنته ((اهلك معك في نفس المكان ويمنعك عنهم بال4شهور!!!والله مصيبه,,,اذا انتي خايفه عالبنت من الطلاق خافي عليها من وجودها قدام أبوها وتأثرها بتصرفاته وسوء معاملته لك والبلد ياعزيزتي فيها قانون يكفلك ويضمن لك حقك خاصه ان زوجك غير كفؤ للحضانه وتربية البنت,,
عموما اذا ظروفك ماتسمح بالطلاق ووضعك كزوجه لمثل هالشخص مناسب لك أكثر من انفصالك عنه نصيحتي لك بالدعاء له بالهدايه ,واشغلي نفسك عنه بأي حاجه سواء وظيفه أو غيرها واهتمي بشؤن بيتك وتطوير ذاتك بالقراءه وتربية البنت وتعليمها ,,ربي يساعدك وييسر أمرك,, |
الله يعينك ويصبرك والله أننا كلنا بهالدنيا تعبانين الله يهديه ويسخره لك ويترك هالخرابيط
نصيحتي لك اكثري من الصلاه بالليل وادعي الله يفرج لك كربتك ويسخره لك فان سهام الليل لاتخطي اختي معليش بتدخل شوي بخصوصياتك بس ياليت توقفين الحمل الين تشوفين عن نفسك وش يصير |
أولا ادعي له بالهدايه وأكثري
فان من قرع الباب كثيرا يفتح له ثانيا قوي صلته بالله لاتقولين له لاتكلم بنات ماراح يطيعك قولي له قم صل خاف ربك وعذابه خاف من ليله تقضيها في جهنم خوفيه من الموت والعذاب جيبي سيرة الحساب والموت اشتري اشرطة الشيخ بدر بن نادر المشاري حفظه الله وكثر من المثاله في الحق وسمعيه اياها اللهم اهد المسلمين والمسلمات والطف بنا وبهم |
ياعمري .. كل شيء بأجره ..
لكن اقترح تقصين عليه قصص عن الصحابة والتابعين قصص مؤثرة وقصص بطولية .. بس لا تطولين عليه قصة قصيرة وقوليها باسلوب حلو ومثير .. وبعدين سولفي سواليف عادية .. وحظري قهوة وشوكولاته .. وقولي سكرّ جهازك وتعال نسولف مع بعض !! واصبري معاه وشوفي النتيجة .. . . |
اختي الي فهمته ان زوجك
اشباع عاطفي : ماعندة وجه زين وطلعات وتمشيات واسواق : ماعندة حنان ومعاشرة بالمعروف: ماعندة صلاة وخوف من ربي : ماعنده وظيفه ومركز اجتماعي : ماعنده خيانه : بالهبل ابغى اسئل سؤال على ايش خذتيه؟ اذا ابسط حقوق الزوجه النفقه والاعفاف مايوفرها هذا مايسمى زواج وانما يسمى لجاج وسجن كم عمرك ؟ هل بتعيشين بقلق طول حياتك اختي العمر قصير وعمر المراءة الافتراضي قصير للزواج انفصلي اذا كانت ظروفك تسمح اما اذا لم تسمح عليك بالاستغفار والدعاء فرج الله عنك وعنا ما يسوئنا |
اقتباس:
كلام صحيح .. لأني مو حاسة انك عايشة .. انتي نصف ميته زوجك واسمحي لي .. ما عند أخلاق بالمره لا وفوق شينه قواة عينه مليان عقد نفسيه وقاعد يفرغها فيكِ |
حسبي الله ونعم الوكيل
لاحول ولا قوة الابالله حالي شبه حالك والله نزلت دموعي من القهر داه حال بنات الناس اللي ينبلو باللي مايخافوالله أنصحك تدوري على عمل وتدخلي بنتك مدرسة أوتروحو تحفيظ لآتستسلمي دائما أدعي ياحي يا قيوم برحمتك أستغيث أصلح لي شأني كله ولا تكلني الى نفسي طرفة عين ربي اجعلي من أمري فرجا ومخرجاربنالا تسلط علينا بذنوبنا من لا يخافك فينا ولا يرحمنا يارب وعدت ووعدك حق دعوة المظلوم ليس بينها وبينك حجاب يارب اني مغلوب فانتصر اللهم أجرني في مصيبتي واخلفني خيرامنها فوضت أمري اليك ياالله واكثري من الاستغفار 1000 مرة على الأقل يوميا بعدين من فين يصرف على البيت اذا ما يشتغل وحاولي تزرعي فيه بذرة الخير ألفي حكااايات لو وهمية اذا ما تقدي تنفصلي لا زم تخرجي تشتغلي علشااان مايجننك مني عارفة كيف أساعدك وأساعد نفسي ألأمر لله |
انا اوافق الكثير فيما قالوا, ان كنت قادره على الانفصال فلا تتاخري ولكن عليك اولا ان تجمعي من الادلة الكثير ما يثبت فساده وفجوره وخاصة ما يثبت عدم صلاحيته كزوج واب, بعد ذلك اطلبي الطلاق منه وهدديده بالادلة التي بين يديك فقد يخاف ويتركك انت وابنتك بالمعروف, واذا لم يفعل الجئي للمحكمه طالما الادله لديك فانا متاكده انه سيحكم لك بتربية ابنتك لانه اب غير قادر ماديا وغير صالح اخلاقيا لتربيه ابنته. اختي, لم تخبرينا بمستواك التعليمي وهل انت قادره على ايجاد عمل لتتحملي مسؤلية نفسك وابنتك؟... نصيحه اخيره, وهي ان تستمري كما انت مع زوجك حتى تتمكني من جمع الادله واياك ان تخبريه بمالديك او ان تهدديه الا بعد خروجك من بيتك وبقائك عند اهلك بمامن منه حتى لايجبرك على تسليم الادله له.
والله وحده هو من يمكنه ان يعينك, اساله بحق عظيم سلطانه وجلاله وكماله ان يفرج كربتك وكربتي وجميع المسلمين |
والله كثير طلعت من البيت واجمع عليه ادله واشهد ناس عليه عشان لا طلعت القى لي حجه بس اخر شي ارجع تدرون ليه لان كل الي حولي يشيلون يدهم لانه قوي اخر مره طلعت من عنده طلبت من الطلاق تدرون ايش سوى جاء بيت اهلي وصار يخبط على الباب برجوله وعلق على الجرس وبدء يسب ويلعن طلعي لي بنتي لدرجة ان البنت نفسها صار لها حالة رعب واهل البيت كلهم صارو يبكون والبيت مافيه رجال والوالد كان في المسجد واكبر رجال عمره 12 سنه بدء يبكي من الخوف والرعب وكان جاي من المسجد لما شافه هرب وجلس في الشارع ولما رجع بعد ماهو رااح جلس طول الليل يبكي قال انا راح اذبحه واريحك منه رحمت اهلي والعذاب الي حطيتهم والوالد مسكين مسالم وعلى باب الله من البيت للمسجد ومسالم قال له طلق بنتي وبعطيك كل حقوقك قال له عطني بنتي بالتي هي احسن رجعت انا وبنتي
احس احيانا اني في دوامه وماراح اقدر اطلع منها الله يفرجها من عنده احيانا اجلس الحالي افكر فيه انه مرض مرض لدرجة انه ماراح يقدر يتحرك ويحتاج لي ووبقوه وانا ارفض مساعدته صرت اتمنى يجي اليوم الي يطيح فيه مايلاقي احد جنبه امه مسكينه ارحمه قبل شوي كان بيني وبينها اتصال سئلتني عنه قلت لها الحمد لله كل شي بخير مع انها عارفه انه مافيه شي بخير قالت الله يعين يابنتي حتى ماقدر اقول الله يهديه من قسوته عليي وعلى ابوه تعبت اول الاسبوع مثل اخره والايام صارت مثل بعض والله العظيم البارح فكرت انتحر بس خفت من الله واحيانا اقول الله الرحمن الرحيم اكيد بيرحمني اكثر منه ومن فتره كل مااجي انام اخاف ان اني في اي لحظه اروح مستشفى الامراض العقليه من كثر مافكر مع اني قسم بالله اصلي واقراء قران كثير ودايم اذكر الله بس الاحساس بالضعف دايم ساكن داخلي كنت موضفه ورفض وضيفتي وجلسني بالبيت لخدمته قلت معليش حرمني من اهلي قلت معليش بكره يتعدل صار من سؤ لاسؤ اخر شي صار يكلم الحلوات قدامي والمشكله يتفرج عليهم صوت وصوره في البدايه كان مايكلم الا لما انام بعدين قال ياولد متى تنام ومتى اخذ الي ابي خليها وهي صاحيه الحين الحمد لله لما اكون معه في نفس المكان مايكلم ابد ابد بس لما اطلع براء المكان واقفل الباب يبداء يتكلم بس طبعا الصوت واضح حسبي الله ونعم الوكيل |
ياأختي الدنيا ماهي سايبه في محاكم وفي قانون اشتكي على المحكمةواذاكانت ظروفك عند اهلك طيبة اطلبي الطلاق ياختي لاتعطوا اكبرمن حجمه وكل قوي في اللي اقوى منه وغير كذا ان كان ما يصلي نهائيا مايجوز تبقي معه وبعدين اختي العزيزة كيف تزوجت انسان بالسوء هذا ماسألته عنه ادري انه كلام متاخر اعذربني
اسال الله لك من كل ضيق مخرجا ومن كل هم فرجا |
الله يفرج همك ويرحم ضعفك ويجبر كسرك
هذا ابتلاء حبيبتي ادعي الله حتى يزيل عنك الغمه الله يفتح على قلبه |
شكرا
|
أختي الله يفرج همك ..ادعي له كل يوم بصلاتك واكثري من الأستغفار .. وفيه طريقه جربيها انشاء الله تنفع معاه
صلي قدامه وادعي له بصوت يكون خافت مره وابكي والحي بالدعاء ,, ممكن لاشافك تدعين له ومهتمه فيه يتوب عن الذنوب ,, واكثري من الأستغفار وربي راح تشوفي النتيجه والله يبعده عن اصحاب السووووووووء تقبلي مروري |
الله يعينك اختي .. اول شي انتبهي تصلحي الغلط بغلط .. يعني لا تفكري انك تنتقمي من زوجك و تقهريه باقامة علاقه مع شخص اخر .. فانت بذلك تنتقمي من نفسك لان هذا حراااااااااااام .. بعدين زوجك واضح انه متسلط و ارعن يعني لو يكشف العلاقه راح يذبحك بكل سهوله.. وانتبهي تحملي هذه الفتره .. لحد ما ترسي على بر مع زوجك .. بعدين يا اختي انت تقولي ان زوجك يفعل و يفعل و يفعل و يفعل و انت بعد ما يفوض فيك تتركي له البيت اذكري لنا ما هي الطريقه التي تنصحين بها زوجك و ما هي محاولاتك في اصلاح زوجك .. و كيف تتعاملي معه طوول اليوم ... يمكن في خلل في اسلوب تعاملك مع زوجك .. بانتظارك اختي ... |
الله يعينك
وعليك بالصبر اختي |
اختي اميرات انا لا اصل الى مرحلة النصيحه بمجرد ان يكتشف باني اكتشفت في تصرفاته خلل يبدء يثور ويلعن ويسب واحيانا يرفع سماعة التلفون ويدق على امي ويقول لها بنتك فيها وفيها
قبل فتره شفت عنده خرابيط بدون ذكر ايش هي المهم انا تضايقت على نفسي ولا قلت له ولا كلمه اول مادخل البيت جلس شوي بعدين طلع اتصل على الوالده وصار يلعن ويسب ودخل علي وقال لي انتي مالك كلمه علي ومالك شغل فيني قلت له طيب انا الحين ماتلكمت ولا قلت شي بداء يقلب الموازين على راسي وانتي دايم تحبين تفضحيني عند الناس طبعا هوالغبي راح اتصل على الوالده وفضح نفسه بنفسه وعلى باله انا قايله للوالده شي ضحكت من كل قلبي بالنسبه تعاملنا طول اليوم ابد مافيه اي حوار ولا كلام لانه لو تتكلمني باي شي مايعطيك مجال للكلام يقابل كلامك باستخفاف ولا حتى مايرد عليك او شي مالك ماتفهمي لا تدخلي فيه خليك متفرجه احسن مره من المرات قلت له يابو فلان الحياة فانيه وانت انسان مقصر من ناحية الصلاة والصلاة عماد الدين ومن هالكلام تخيلي جلس شهر مايكلمني ودايم اقول له انا اخاف الله ولاكان من زمان قهرتك وسويت الي انت تسويه انا الحمد لله بين ناضري ايم الله ثم الوالد اخاف على هالاثنين لانهم هم اعطوني ثقه لازم احافظ عليها قال كلامك هذا مو علي تسوين علي ملتزمه هذا الكلام تشيخين فيه على اخوانك الحين اختي اميرات صرت ماتكلم بس اطالع بعيوني واستغفر واحيانا احزن على نفسي وابكي وهو لا حياة لمن تنادي بالنسبه للحمل ابد مافكر احس ني ضالمه البنت معاي كيف لو اجيب لها اخ او اخت ، تدرين مره قلت له كل فعل له ردة فعل والحرمه لما تنجرح ماتعرف وش الطريقه الي بتنتقم منك فيها بالعكس زاده هالموضوع برود زي الي يقول انا واثق انك مارح تصلحين شي والله العظيم من اربع اشهر وانا احلم هالحلم انه فيه شخص يحبني ويحن علي ويراقبنيي في كل مكان واحبه واحب اتكلم معه واكون جالسه معه اقول له كلام كثير بس الي اعرفه اني لما اصحى من النوم اكون مرتاحه والله العظيم احيانا انام وانا اقول يارب احلم في هذاك الشخص الحرمه منا مسكنه ماتبي من الرجال شي الا انه يحن عليها حتى لو مايعطيها حقها في الفراش تبي حب وحنيه وامان ونا كل هالاشياء افتقدها معاه |
لاحول ولاقوة الابالله ..
الله يهديه ويسخره لكي .. عليك بسهـــــــام الليل .. اسال الله بمنه وكرمه ان يمن عليه بالهدايه ويحنن قلبه عليكي .. وفقك الله .. |
لاحول ولا قوة الا بالله الله يعينك اختي عليكي بالاستغفار والدعاء ويبدو ان زوجك الله يهديه من النوع المتسلط والعنيد حاولي اصلاحه اولا بامور الدين والصلاة فان صلحت صلاته استقامة اخلاقه و عليكي اختي بسهااام الليل الدعاااء ولاتفكري ابدا بالانتحار لاتضيعي آخرتك ونصيحتي لكي لا تذعني وترضخي لتصرفاته ولا تصرخي وتزمجري بل تعاملي بتوسط فالانسان المتسلط ان راى منكي الاذعان تمرد وزاد وان راى منكي الصراخ يتجه للعناد بامكانك البحث عن كيفية التعامل مع المتسلط واخيرا اتمنى ان اكون قد افدتك بشئ تقبلي مروري
|
اقتباس:
فعلاً اختي وش شايف نفسه اشتكي عليه خلي المحكمة تأخذ لك حقك كيف تجلسين مع انسان مايصلي ولا يخاف ربه الله يكون بعونك ويصبرك تقبلي مروري |
اختي (تعبت من الجفاء) الزواج هو السكن و الاستقرار و الموده و الرحمه فاذا لم توجد هذه الامور في حياتك و لم تستطيعي ان تصلحي من زوجك فالطلاق اولى خاصه انك حاسه بانك راح تصابي بحاله نفسيه .. لكن اذا الظروف تجبرك على هذه العيشه و لا يمكن ان تطلبي الطلاق فما لك الا الصبر و الدعاء .. اقرأي سورة البقره يوميا و اكثري من الاستغفار و الدعاء .. اهم شي لا تدعي ربك وانت منكسره .. ادعي ربك بكل يقين بان كربتك راح تنفرج باذن الله .. |
الله يهديك الله يهديك , كنت موظفه وتركت الوظيفه سبحان الله العظيم. يابنت الناس هذا انسان لايستحق كل التضحيات التي تقدمينها مشكلتك ثم مشكلتك الضعف و الخوف. حبيبتي قوي قلبك وقد قلت لك من قبل لديك كل الاسباب لرفع دعوى طلاق واخذ البنت منه, المهم ان لاترفعي هذه العوى قبل ان تكون الادله بين يديك.
الواضح مماكتبت ان زوجك يعلم كل العلم بضعفك وخوفك وقد استغل ذلك احسن استغلال, فانت تقولين انه دائما يرد عليك بقول انك لاتستطيعين فعل شيء. اخاف عليك ان بقيت على هذا الحال, ارجوك انتفضي و قرري ان تخرجي من السجن الذي حاصرك به انت وابنتك. قد تكونين انت الاداة التي بعثها الله اليه لرد حق والديه فهو عاق وغير بار انت وحدك من يستطيع ان ياخذ الحق وبذلك ستاخذين حتى حق والديه فكري جيدا, واستشيري المحامين في مدينتك, فعن طريق الاستعلامات تستطيعين الحصول على ارقامهم. كل ما عليك هو ان تبعدي عنك شبح الخوف. كان الله معك, ويسر لك امرك, وهون عليك مصيبتك |
اعتفد انه لن يجدى معه اى نصيحه
اعتزليه وركزى فى تربية بنتك لاتحاولى ان تثيرى المشاكل معه باى شكل حافظى علة الصلاه والدعاء له بالهدايه حتما سيحس بالفرق وان مافى يده اغلى واجمل بكثير من الوهم الذى يراه على النت صبرك الله ودعائى ل بالتوفيق والسعاده |
الله يصلح حالك وحالي وجميع المسلمين
آمين عليك بالدعاء والإستغفار .......... حاولي التسجيل في دار تحفيظ حتى تشغلي وقتك عن التفكير فيه ... الله يكتب لك الخير دعيت لك بين الآذان والإقامة الله يتقبل ............ آمين الله يعافي زوجك وكل مبتلى .......... آمين |
[أولا نصيحتي لك ألا تحملي الآن
ثانيا إذا أردت الطلاق وخفتي على نفسك فلا تخشي على ابنتك فزوجك يشعر بضعفك وضعف اهللك لذلك هو مستقوي عليكم لكن لو احس أنك قوية لن يتمادى واللجوء للشرع من حقك وومكن توكلي احد او إنتي تشتكينه وبسؤال زوجي بحكم انه يعمل في السلك القضائي قال إن الحضانة تكون لك وإذا تزوجتي تكون لامك حتى تبلغ سبع سنوات وإذا كان لا يصلي وثبت ذلك عليه بشهود فلا يحكم له مطلقا لانه ناقص العدالة دعواتي لك بالسعادة في الدنيا والأخرة واحذري وساوس الشيطان |
صبرك المولى .. لي عودة بإذن الله
|
][معليش اختي راح اكون قاسية عليك في كلامي بس لصالحك صدقيني[/SIZE].. QUOTE=تعبت من الجفاء;2121351]والله كثير طلعت من البيت واجمع عليه ادله واشهد ناس عليه عشان لا طلعت القى لي حجه بس اخر شي ارجع تدرون ليه لان كل الي حولي يشيلون يدهم لانه قوي مافي شي اسمه قوي في اللي اقوى منه ..وين رجالكم وعزوتكم عمامك اولادهم خوالك اولادهم كلهم خايفين منه؟؟؟ويش ذا بعبع .. اخر مره طلعت من عنده طلبت من الطلاق تدرون ايش سوى جاء بيت اهلي وصار يخبط على الباب برجوله وعلق على الجرس وبدء يسب ويلعن طلعي لي بنتي لدرجة ان البنت نفسها صار لها حالة رعب واهل البيت كلهم صارو يبكون والبيت مافيه رجال والوالد كان في المسجد واكبر رجال عمره 12 سنه بدء يبكي من الخوف والرعب وكان جاي من المسجد لما شافه هرب وجلس في الشارع ولما رجع بعد ماهو رااح جلس طول الليل يبكي قال انا راح اذبحه واريحك منه رحمت اهلي والعذاب الي حطيتهم والوالد مسكين مسالم وعلى باب الله من البيت للمسجد ومسالم قال له طلق بنتي وبعطيك كل حقوقك قال له عطني بنتي بالتي هي احسن رجعت انا وبنتي ليه الضعف هذا ليييييييييييييه تري هذا اللي يخلي الرجال يتفرعن والله العظيم واجزم كمان انه جباااااااااااااااااان وخوااااااااااااااف هذا النوع من الرجال كذا يظهر للناس قوته وهو اجبن خلق الله .. كان تقدري تتصرفي على طول دقي عالشرطة وتجي تتفاهم معاه واذا وصلت للشرطة لصالحك عاد ساعتها توصل للمحكمة وتقدري تقولي كل شي عندهم اذا ماعندك رجاااال واعطيهم الادلة على اللي يسويه وانه مو موظف ولا يصرف عليك وانه مايصلي وعندك شهود على انه مايصلي والله وقتها القاضي على طول راح يكم لك بالطلاق منه ويخلي بنتك معاه لانه مو اهل انه يربيها وكل ماجا البيت بلغي الشرطة تكتبه تعهد يحرم يوصل باب بيتكم هذا اذا شفتيه عاد لانه جباااااان احس احيانا اني في دوامه وماراح اقدر اطلع منها الله يفرجها من عنده احيانا اجلس الحالي افكر فيه انه مرض مرض لدرجة انه ماراح يقدر يتحرك ويحتاج لي ووبقوه وانا ارفض مساعدته صرت اتمنى يجي اليوم الي يطيح فيه مايلاقي احد جنبه امه مسكينه ارحمه قبل شوي كان بيني وبينها اتصال سئلتني عنه قلت لها الحمد لله كل شي بخير مع انها عارفه انه مافيه شي بخير قالت الله يعين يابنتي حتى ماقدر اقول الله يهديه من قسوته عليي وعلى ابوه هذا شي لصالحك وما دام ناس فيهم خير اكيد راح يشهدوا لصالحك .. تعبت اول الاسبوع مثل اخره والايام صارت مثل بعض والله العظيم البارح فكرت انتحر بس خفت من الله واحيانا اقول الله الرحمن الرحيم اكيد بيرحمني اكثر منه ومن فتره كل مااجي انام اخاف ان اني في اي لحظه اروح مستشفى الامراض العقليه من كثر مافكر مع اني قسم بالله اصلي واقراء قران كثير ودايم اذكر الله بس الاحساس بالضعف دايم ساكن داخلي كنت موضفه ورفض وضيفتي وجلسني بالبيت لخدمته قلت معليش حرمني من اهلي قلت معليش بكره يتعدل صار من سؤ لاسؤ اخر شي صار يكلم الحلوات قدامي والمشكله يتفرج عليهم صوت وصوره في البدايه كان مايكلم الا لما انام بعدين قال ياولد متى تنام ومتى اخذ الي ابي خليها وهي صاحيه الحين الحمد لله لما اكون معه في نفس المكان مايكلم ابد ابد لو مرة وحدة قبل لا تروحي تنامي قلتي له كلمة وحدة بس كان ممكن يخاف ويحسب حساب ,, قولي له (ترى انا كل يوم ادعي عليك ان ربي يختم حياتك وتموت وانت على هذه المعصية اللي قاهرني بها ) بس لما اطلع براء المكان واقفل الباب يبداء يتكلم بس طبعا الصوت واضح حسبي الله ونعم الوكيل[/QUOTE]للاسف في حريم يحبوا دور الضحية والمسكينة والضعيفة والمغلوب على امرها .. وانتي للاسف منهم .. عندك ادلة عليه توديه في داهية ,, عندك شهود عليه انه مايصلي وتعرفي ان اللي مايصلي في دينا تحرم العيشة معاه وتنفصلي عنه حتى بدون طلاق لانه كااااااااااااافر ,, تقدري تستغني عنه وتتوظفي وتعيشي انتي وبنتك احسن عيشة ,, ولسا قاعده معاه لييييييه ايش ناقصك خليك قوية وشوفي حالك وحياتك والله ما كثر هالامراض المستعصية الا الحالات اللي تقهر هذي بكرة لاجاك مرض مين بينفعك حتى اللي قلوبهم معاك وواقفين معاك ماراح يقدروا يسوولك شي انتي بيدك تريحي نفسك وتعيشي حياتك وربي يعوضك اللي يعرف قدرك وقيمتك ... وانتي في يدك تعيشي عيشة التعساء والضعفاء ,, |
| الساعة الآن 03:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©