|
زوجي مسافر و أوشك على الانتكاس
انا ثبات تكفون ادعوا لنا بالثبات حياتنا تمر بتقلبات شديدة جدا
زوجي خفف لحيته مرة والحين مسافر لدولة عربية مع صديقة لاحد يروح فكرة لبعيد لاني بإذن الله واثقة فيه لكنه يقول انه بيروح ييرتاح شوي ويغير جو كلمني امس يقول انه طرد صديقه لانه دخل عليه سكران والحين هو جالس لحاله المهم الحين كلمني وقال تلقين بالدرج عشرة الاف طبعا هذي الفلوس حقت اخوه اليتيم ومرت أبوه الارملة يقول اباخذها سلف حطيها في حسابي أنا سكت قال ...... في الفلوس انا مبسوط وماصدقت ينشرح صدري (علما انه يتناول علاج نفسي وخفف الجرعة قبل فترة ورجع له الاكتئاب والحين رجع للجرعة ) وش اسوي تكفون قال لي بدق عليك بعد العشاء تكفون انا محتاجه لكم ماحد من اهلي اقدر اشاوره تكفون ساعدوني تكفون الله ييسر أمركم تم تعديل العنوان الإشراف |
انصحك ماترسلي له الفلوس لانه مال يتيم الله يثبتنا واياكم |
مشكورة فيافي على الرد
بس وش أقوله ؟؟؟ هو يقول وش دخلك وأكيد راح يزعل علي لو ماارسله لانه لما قلت له وش رايك ترجع السعودية وتروح الدمام ارخص لك قال لاتخليني ادق على خلق الله اتسلف منهم انا عارف انك بتسوين لي سالفة |
والله ياختي الوضع غريب شوي, لكن ماسالتيه ايش يبغى بالفلوس. وبعدين ما تقدرين تكذبين وتقولين ان صاحبة المال جات وطالبت بالفلوس.
|
اقتباس:
وماله من سافر الا اربعة ايام المشكلة احنا عندنا متطلبات كثيرة ايجار البيت الشهر الجاي ورسوم الجامعة والفواتير يعني اكيد بتتراكم علينا الديون انا مرة ضايق صدري وهو يقول الله اللي يرزقنا مو انتي اما بالنسبة عن اقوله راعية المال جات واخذتهم اصلن اخوه مخليهم عنده علشان يحفظهم له لكبر يعني مااقدر اصرفه تكفووووووون ابي كلام مقنع من غير مايزعل علي وتكفون ادعوا لي وله تكفون |
والله ياأختي الوضع غريب ويخوف الله يفرج كربتك ويحفظ زوجك
|
اولا اكثرى من قول لا حول ولا قوة الا بالله وتحججى بأى شىء اليوم قول له لم الحق البنك واكثرى من الدعاء قبل صلاة الفجر وان شاء الله غدا ربما يكون هداه الله سبحانه وتعالى |
اختي ارسلي المبلغ لزوجك .. لا تورطين زوجك في السفر و لا تجيبي لنفسك وجع الراس .. هو رجل و هو يعرف كيف يتصرف .. لا تعملي عليه شرطي .... |
والله هذا مال ايتام .. و انتي مره ولا في يدك شي
لو ارسلتي له هو الي بيكتوي بناره مو انتي {9} إِنَّ الَّذِينَ يَأْكُلُونَ أَمْوَالَ الْيَتَامَى ظُلْماً إِنَّمَا يَأْكُلُونَ فِي بُطُونِهِمْ نَاراً وَسَيَصْلَوْنَ سَعِيراً {10} الله يفرج همك هذا الي اقدر اقوله |
كيف ياخذها سلف وهم ما أعطوه إذن؟
يا أختي إذا مرة مضطر أرسلي له من فلوسك لكن ياخذ فلوس غيره من غير إذنهم هذا أكل للمال من دون وجه حق صدقيني يا أختي إذا إنتي نيتك صالحة وأنا متأكد من هذا وهمك رضى ربك فالله لن يضيعك لأنك فعلتي ما يرضيه ثقي بهذا يقينا |
هذا يتوقف على ثقتك في زوجك هل انتي واثقه انه لما يرجع راح يرجع الفلوس ......
بس لازم انك تذكريه ان هذا مال يتيم وامانه في عنقه وما يجوز يتصرف فيها بدون اذن اخوه واذا لا سمح الله صارله شي قبل ما يرجع الفلوس الله اعلم شو مصيره استخيري الله في امرك وفقك الله لما يحب ويرضى |
عطية اختي وهوالمسؤؤل ذكرية بانة مال يتامى وادعي له الله يهدية
ويارب ييسعدكم ويثبته ياكريم ويوفقكم دنياواخرة ويفرج همك |
طيب لو تقولي له اول استئذن منهم وبعدين ارسل لك الفلوس لأنه مال يتيم ...ودامه ملتزم اكيد راح يتفهم ...
|
اقتباس:
من الواضح أن زوجك بدء في الانجراف ناحية ؟ ؟ ؟ يرغب في صرف مبلغ عشرة الالف في اللهو ممكن والله امور اخرى عذرة اسعار الشقق غالية ويريد التنزهة مالها الفنادق يوجد درجة ثالثة وثانية باسعار معقولة ولماذا؟ لذا بيني له الامر وقولي له لماذا هذا المبلغ عشرة الالف وأنت راتبك خمسة الالف ولا غير الالتزمات الاخرى نعم أن الرزاق الله وفي هذا الشأن قول أبن الخطاب إن السماء لاتمطر ذهب و لافضة الله عز وجل قال احفظ مالك وليس بعثرة في السفر و الخربيط بعدين هذا مال يتام امانه عنده وهو بهذا الشكل لم يحفظ الامانه هذا ما حبيت أن اقوله فقط |
جزى الله خيرا كل من رد علي
الله يوفقكم وييسر أمركم من خلال قراءتي لردودك دلني الله عزو جل لأمر وسط وسويته والله يستر ارسلت له رسالة زوجي العزيز اسمح لي مااقدر ارسل لك الفلوس اللي بالدرج لانه مال يتيم ولا تزعل مني ابد ابد وإنا عندي بالبنك الفين بالبنك هي تحت أمرك واذا تبي ذهبي ابيعه لك لكن مااقدر احرك مال الأيتام والحين اذا شفته اصر مرررررررة مالي حيلة الا اني ارسله المبلغ لاني خلاص سويت اللي علي يناس زوجي صريح معي مررررة امس ارسل لي رسالة يقول انا تعبت مررررة وكرهت نفسي وتعبتك معي اشوف الشر اسدل ظلاله على حياتي وعيوني وزاد الشيب براسي اشوف الناس عايشين مع الناس وانا وحدي عايش مع وهمي انا مريت بطفوله مريرة وذكرياتي الى الحين تلاحقني زي ظلي وين مااروح اتذكر الامي وحزني انا مدري اعيش بحلم ولا خيال ومدري وش بينتهي عليه هل تكون النهاية حلوة ولا مرة؟ على طول دقيت علي وقام يبكي بكاء يقول انا مدري وش فيني احس اني حقير واكبر ابسط المواضيع كل شي يضيق صدري ابي ارتاح يافلانة قلت له وش اللي مضيق صدرك انا كنت قبل 8 سنوات أشرب واحب الشرب مررة و احس اني ودي اشرب واشرب لين انسى كل همومي بعد ساعتين كلمته ارسل لي ماقدر ارد الشبكة مشغولة قلت له ابحرب انا ادق قال لا بكرة اكلمك قلت طيب ارسل لي صورتك قال بكرة انا خفت انه يكون شارب واليوم كلمته وحلفته قال والله ماشربت انا اللي فيني يكفيني تبين اذبح نفسي بالشراب مستحيل وش رايكم الحين |
ليش يا أختي ما يرجع ويتفسح معك في بلدكم أو بلد ما ينتشر فيها ما يغضب الله؟
قولي له إذا إنت تركت الشرب والحرام وسويت اللي يرضي الله بيعطيك أحسن من اللي تركت ادعي له يا أختي إن الله يهديه واثبتي يا أختي على طاعة الله وتقواه وثقي بكلام الله يقينا ( ومن يتق الله يجعل له مخرجا) أسأل الله أن يهدي زوجك |
اقتباس:
قلت له ارجع ورح الدمام او تعال الرياض واستأجر لك شقة رفض مرة والله ان كلامك ريحني وقواني اني أصر على موقفي أكثر والله اني اليوم بالجامعة ماقدرت احضر المحاضرات كل خمس دقايق طالعة وقلبي عليه جبل من الهموم ولا قدر اشتكي لاهل ولا قريب مالي بعد الله الا المنتدى تكفون علموني وش أقول لشخص فيه خير كثير لكنه الشيطان بادي يستحوذ عليه علموني وش افضل نصيحة وكلام اقوله امس لما قلت له انت فيك خير لاتستسلم يقول هذا اللي متعبني اني فيني خير كثير لان لو انا شر كان ماضاق صدري على حالي وش الكلام اللي ممكن يبعده عن الحرام لانه يقول انا ماشربت والحمدالله لكني الصراحة أفكر في الشراب لكن ماراح اشرب ان شاءالله أمر اخر زوجي من النوع اللي مايهمه الفلوس ولا حتى يفكر انه لازم يوفر للايجار واذا نصحته يقول اعوذ بالله انتي ماعندك اتكال واذا قلت له انت مالك مصدر رزقك غير راتبك ولا راح تاخذ صدقات يقول لالا يمكن ابيع شي:( طيب كيف تبيع وانت ماعندك بضاعة هو يعتقد ان الاتكال هو انك تنفق اللي عندك وربي بيرزق تكفون وش أقوله علشان يقتنع ابي من باب الدين أدله من القران والسنة غير اللي أدلى بها احد الاعضاء جزاه الله خيرا |
حبيبتي ذكرية بان الله هو وحدة الي قادر يفرج همة وكربتة وبدال مايروح بلد اجنبي يروح مكة والمدينة ويعتمر ويصلي بالحرم ويشرب ماء زمزم ويدعي ربة ولكن البلد الاجنبي مافيه الا الشر والمنكرات كيف يبغى يرتاح وينسى همومة وهو بعيد عن الله اختي اسأل الله العلي القدير ان يفرج همك وهم زوجك ويعينكم على طاعتة ويصرف عن زوجك كل منكر وشر ودايما ادعي له بالهداية واستودعيه الله فهو خير حافظ وطمنينا عليك
|
أما طرد صديقه من الشقة علشان ما أدري ليه,,,,,, ولا يروح تفكيرنا بعيد لأنك واثقة من زوجك,,,,, فانا شايفها واسعة شوي ,,,أنت ما شفتي وش يسوون لا سافروا ,,,, لكن مع كل ذلك طالما طلب منك فلوس وهو مغترب المفروض بلا تردد ترسيله ,,, انت مالك شغل فلوس أخوه أو فلوس أي أحد طالما قالك تحطيها بحسابه لازم تنفذي.
|
أختي العزيزة أعجبني جداااااااااا تصرفك
وكنت ناوية أقول لك قولي له مستعدة أبيع ذهبي علشان تكون مبسوط ولاارضى أنك تصرف مال يتيم وماشاء الله عليك طلعتي بنت رجال الأن : خبريه بصراحة وقولي له إذا تبغى الراحة النفسية وتبغى ربي يريح بالك ويشرح قلبك سافر لمكة وأجلس فيها وأعتكف قد ماتحتاج والفلوس إللي بتصرفها أصرفها صدقة على المساكين في الحرم لأن الصدقة تداوي الأمراض بإذن الله وقولي له ان جلوسك في بلد فيها ملهيات ماراح يريحك بالعكس بيعذبك أكثر أرجع لمكة وروح المدينة كم يوم وأنت بترجع بإذن الله مرتاح والله راضي عنك ويبارك لك في عمرك ومالك حاولي بأي طريقة وبكلام حلو تقنعيه بالرجوع للحرمين وحببيه لزيارة الحرمين واغريه بالراحة والسعادة اللي راح يلاقيها وهو يناجي الله عند بيته الحرام ونسأل الله ان يهديه ويشفيه ويصلح نفسه |
اقتباس:
دام انك واثقه في زوجك اذا اتركي زوجك يرتاح قليلا فهذا شي من حقه .. ليش تحرميه من الراحه.. زوجك اكيد مضغوط و حالته النفسيه تعبانه و محتاج ان يكون لحاله عشان يرتاح و يرجع لك بنفسيه زينه لكن اذا ظليتي ماخذه منه موقف الشك تأكدي انه راح يرجع لك بنفسيه سيئه جدا جدا و بعدها لا تلومي الا نفسك لانك انت اللي راح تجيبي لنفسك النكد .... احيانا الزوج يحتاج انه ياخذ اجازه لحاله عشان يرتاح من ضغوط العمل و الحياه الاسريه و بعدها يرجع لاسرته بنفسيه زينه .. |
شوفي ..
كل انسان يعمل في حياته خطأ يحتقر نفسه .. يبقى يحتقر نفسه كثير كلما تذكرها يحس نفسه أحط من الحشرات .. هذا دليل صحة .. ودليل أن النفس اللوامه صاحية وتعمل عملها يعني اهو في صراع داخله بين الخير والشر .. وعموماً كل انسان يعيش هالصراع داخله .. لكن تتباين المواقف بين الشدة والخفة ومقاومة الانسان تختلف حسب ثقافته وحسب ايمانه بالله وحسب الشي الي خلاه يلجأ للمعصية في الماضي زوجك باين عليه ان لجوئه للشرب في الماضي بسبب الضغط النفسي والنظرة السوداوية للحياة فكان يشرب وينسى ولو لفترة من الزمن هو الحين يمر بنفس الظروف عشان كذا نفسه تسول له بالرجوع الحين المشكلة وين .. انا شايفه أنه يعاني من أكتئاب .. داخله ضغط نفسي كبير شفتي قدر الضغط لما تسكرينه ولا تخلين له منفذ للبخار شنو يصير فيه ؟؟ ينفجر .. هو محتاج ينفس عن الي داخله .. بس كيف ؟؟ هو مو عارف كيف .. هو تعبان ويبي يرتاح .. باين من المسج الي ارسله والكلام الي قاله أنه مكتئب وتايه في حاجة ناقصة .. في حلقة ضايعه في الموضوع شنو الشي الي مكدر حياته ؟؟ شنو الشي الي ناقصة ؟؟ ايش الي يبي ينساه ؟؟ هو محتاج يتكلم .. بس في عقدة داخله لازم تنفك .. |
اقتباس:
اقتباس:
لانه يقول تصدقين المفروض الواحد مايسافر الا لحاله مدري وش خلاني اروح مع احد (طبعا هو انطوائي ويكره الخروج مع الناس لانه يقول تعقدت من الناس كلهم وانا دايم أقوله انت غلطان الناس اللي كنت معهم كانوا خبثاء وفيه ناس صالحين ) ولما راح مع هذا رجعت الفكرة الشينة عن الناس لدرجة يقول الناس كلهم حقيرين تخيلي اني اسولف مع الهندي والهندي يسولف معي علشان يبيني اعطيه فلوس اقتباس:
|
اقتباس:
أرجو منكم الدعاء بتفريج همه |
اقتباس:
كل مصيبة تجيني اعطم من اللي قبلها وانا ودي اعرف وش اللي ناقصه لاني كل ماسالته يقول مدري بس احس اني ودي ارتكب المعاصي ولما أقع فيها تجيني ضيقة عظيمة احس اني مغصوب على المعصية انا ودي اخليه يتكلم ويفضفض لكني كل ماتكلم تهت معه ومادري وشو بالضبط الحلقة الناقصة وأكثر مايضيق صدره أنا يقول تعبتك معي ماأطلعك ماأعطيك حقك أنت صابرة علي اتركيني روحي بيت اهلك انا مااستاهلك وكل ماقلت لها اني ابسط انسانة واك ماقصرت معي عصب وقال لا لاتكذبين انا عرضت عليه يروح طبيب نفسي يمكن ينفع معه العلاج السلوكي لان الاحظ ان العلاج الدوائي مانفع مرة لكنه مو مقتنع يقول وش بيقولي الدكتور انا أعلمه ادعوا لي تكفون وساعدوني ترى والله اي كلمة تقولنها تخفف علي وتفتح لي ابواب كانت خافية عني لعل الله يشفيه على ايديكم |
آخرتطورات موضوعي
زوجي كلمني وقالي انه راح يسدد الفلوس أول مايرجع وحلف أنه ماشرب شي أبد ولا راح يشرب ان شاء الله وان نفسيتي مرتاحه يطلع بالليل على البحر يجلس يفكر يحاول يصفي ذهنه قالي انه الايجارات غاليه 400 ريال بالليلة وهو ان شاء الله راح يطلع الحزن اللي ارهقه في السنوات الاخيرة وراح يرجع بلا حزن وانه اذا طرا عليه الحزن بعد مايرجع راح يقول لنفسه خلاص طلعت كل اللي فييني وراح يعوضني على صبري واول مايرجع يروح يقترض من بنك التسليف ويرجعه أنا قررت احط له الفلوس وأبدا اسدد له من مكافئتي ومن ما يرزقني الله ماراح اضطره للسلف ان شاء الله أهم شي عندي انه وعدني انه ماراح يحزن إذا رجع أدعوا لي وله الله يجزاكم الجنه ونورني بأي شي تحسون مفيد |
كل اللي أقدر أفيدك فيه
وكل اللي تملكيه الآن هو الدعاء له رددي بينك وبين نفسك من داخل قلبك { يا مقلب القلوب ثبّت قلبه على دينك } ليس فقط في خلال سفره .. بل على الدواااام وفوضي أمرك لله تعالى ,, وبإذن الله قرب بتبشرينا بكل خير |
ان شاء الله يرجع لك بالسلامة
بس زوجك حساس جداً .. ومثل هالحساسية الزايدة مضرة بالنفس وتخلي الانسان على طول متشائم وينتظر الأسوء اذا جاكِ بالسلامة ان شاء الله وبدأ يتكلم عن معناته وآلمه الماضية ويسردها وتحسين كأنك بتتوهين معه قولي له : كل انسان يمر بصعوبة في حياته .. وكل انسان صعوباته في جانب اشد من جانب آخر يعني بدال ما المصاعب الي مريت فيها تقويك هدمتك المفروض تكون عندك ارادة تتخلص من همومك مو تستسلم لها وبعدين العقبات الي تواجهنا نتعلم منها ونكتسب خبره مو نقعد نتحسر ونجتر الآلام انتي كذا قاعد تحطم نفسك .. غير نظرتك للحياة وانت تتغير .. ( ان الله لا يغير ما بقوم حتى يغيرو ما بأنفسهم ) تدرين زوجك مشكلته وحلها بيده .. اهو مصر على اجترار المصايب .. قولي له يتخلص منها .. يجلس يفكر فيها ويتأملها وياخذ العبر منها وانتهينا مو معقوله كلما مر بمشكلة رجع ذكريات الطفوله من اولها .. كذا يتحطم زوجك يفكر بطريقة غلط .. وهذا الي يجمع عليه المصايب ويعين الشيطان عليه ويسوس له انه يرجع لأخطاء قبل اهو محتاج يغير طريقة تفكيرة .. لأن حل مشكلته تبدأ من داخله هو محتاج للتسامح .. خلي يسامح نفسه ويسامح غيره محتاج للمحبة اتجاه نفسه وغيره محتاج للأرادة القوية والعزيمة عشان يتخطى الصعاب محتاج للرضى عن حياته عشان ينعم بصفاء النفس محتاج انه يبذل جهده عشان يعمل شي مفيد يساعد الأخرين الي محتاجين عشان يحس بصفاء الضمير لازم يشعر انه منتج .. لازم يحس بقيمة الفرحة الي يدخلها على قلب غيره وقيمة الفرحة الي تدخل قلبه محتاج للتفائل ( تفائلو بالخير تجدوه ) مو على طول متشائم ويقول مدري لوين بوصل هذا خطأ ... بالعمل والاراده والتفائل نوصل للي نبيه ومراح يصير الا الخير في النهاية اقولك زوجك مكتئب وسبب اكتئابه هو تشائمه .. وعشان يتخلص من وضعه لازم يتخلص من التشائم اذا جلس يتكلم لا تخلينه يسترسل في الآلمه .. قطعي عليه هالسلسه الي ما تنتهي ووضحي له الجانب المضيء من اي شي يقوله |
والله احس ان زوجك ممثل باااااااااااارع,,
وانتي تصدقيه وهو يستغفلك .. اذا كان انسان صالح وسوي زي ماتقولي ليش يمشي ويصادق ناس امثال صديقه الفاسق هذا؟؟؟ واذا كان حالته المادية صعبة وظروفه ماتسمح بالسفر ويش اللي جابره يسافر ؟؟؟ وهل السفر لبلاد الفجور والمنكرات راحة لو يبغى يرتاح صدق كان سافر لمكة بيت الله الحرام هناك صح راح يرتاح ونفسيته تطيب .. اسمحيلي اختي اقولك انك ساذجة وتصدقي بسرعة الله يعينك على واحد زي زوجك .. اللي يبغى يتوب من المعاصي ويبعد عن المنكرات مايروح لبلاد المنكر برجله ويقول ما ابغى ارجع لايام زمان وووو!!!! عجبي .... |
طيب وانتى مالك ومال الموال ده كله
انتى مجرد وسيله لارسال النقود له ومالكيش دعوه هو حر مع اهله يمكن هم يسامحوه فيها لكن هو اللى عمره ما هيسامحك لو ما بعتيش الفلوس له ........ وبعدين بالله عليكى يعنى الراجل يعمل ايه دلوقتى وهو غريب ومش فى بلده يروح يغسل صحون علشان يجيب فلوس ولا يسرق يعنى !!!!! |
الله يكون بعونك اختي والله حاسه فيك لان زوجي ايضا يعاني من اكتئاب بالاضافه لوسواس قهري
انت تقولي اقتباس:
هذا حزن بسبب الاكتئاب .. وهو غصب عنه يحس به لكن اذا ما زال يتعالج عند طبيب حاولي تكلمي طبيبه وتسأليه عن الحاله الي زوجك فيها وهل يمكن ان يستمر في السفر لحاله .. احس ان الجلسه هناك بالحاله قد تزيد الامر سوء اسال الله العظيم رب العرش العظيم ان يشفيه ويشفي جميع مرضى المسلمين وتاكدي انك مأجوره على تحملك وصبرك على زوجك الله يسدد خطاك ياغاليه ولا تنسي الدعاء والصدقه واذا تذكرتيه وهو الان بعيد عنك قولي :استودعك الله الذي لاتضيع ودائعه باذن الله ربي يحفظه من كل مكروه وشر في امان الله |
| الساعة الآن 06:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©