|
موقف جدا احزني عن الخادمات
امس ذهب انا ورزوجي مطعم واحنا جالسين دخلت عائله مكونه من رجل وامرأه وبنتان لا تتجاوز اعمارهم 3 سنوات ومعهم خادمه
طبعا جلسو كلهم مع بعض وخلو الخادمه تجلس بعيد عنهم ولمن جا الاكل طبعا اكلو والخادمه تطالع فيهم ما افتكروها ولا في شي انا مررررررررررررره عصبت من هادا الموقف حرام طيب ليش تخرجيها معاكي اذا انت محا تحتاجيها مره كسرت خاطري يعني عشنها خادمه وضعيفه انا طبعا من اشد المعارضين لان الخادمه تخرج معايا مطاعم الا لو اطلبلها واجلسها معايا في نفس الطاوله بس طبعا ما اكون مع زوجي او اني ما اخليها تجي معايا وانا اطلب من كل واحد يقرا الموضوع يقول رايو وبكل صراحه:d |
الله لا يسخط علينا النعمة تزول و هل تضمن ربة المنزل انها مارح تكون يوم من الايام مكانها..
و في نفس الموقف تشوف الناس تاكل وهي تتفرج او يعطوها البقايا...لا حول و لا قوة الا بالله صدقيني ياما شفت من التصرفات المقززة هذي.. عن عبد الله بن عمرو قال قال رسول الله صلى الله عليه وسلم : ( الراحمون يرحمهم الرحمن ارحموا من في الأرض يرحمكم من في السماء الرحم شجنة من الرحمن فمن وصلها وصله الله ومن قطعها قطعه الله ) رواه الترمذي وقال حديث حسن صحيح. انا خادمتي في بيت اهلي لما كنت اطلع مع صحباتي..هم يجيبوا خدمهم كمان..و اعطيها المنيو و هي تطلب لان النفس و ما تهوى.. من جد موقف يحزن.. |
الله المستعان
تبلد الاحساس عند كثير من الناس اليوم وهذا كله من بعدهم عن الدين دين التسامح |
لاحول ولاقوة الا بالله
والله شئ يقهر فيه كذا واكثر الله لا يبلانا |
ياحرام والله حزنت كتير
طيب انا بس تيجي الخدامة تنظف مرة بالاسبوع بحطلها عصير و شوكلاتة احيانا وبجيبلها مية يعني هية الخدامة مش بني ادمة تشقا وتتعب على ريقها ولحم بطنها حرام ولما احكي لحد بحكولي والله انك هبلة صحيح بكرة بتستهبلك ويعني لما يكون في اشي تقيل كتير وجاية تحملو لحالها بساعدها يعني عشان ظروفها اضطرتها لهيك شغلة نهلك بدنها وصحتها والله حرام |
اتااسالهاايش بتحب تاكل
ودايمااطلبلها حرام هي انسانه وبعدين بوفواماجت على سعر الوجبه لها صح ولال فعلا شي بينرفزا |
احس ناس كثير زي كذا الله يسامحهم
يعني هذي ماهي بشر ما تشتهي زي ما انا اشتهي المفروض الخادمة تاكل قبل ما انا اكل لانها أمانه عندي و حرام اظلمها اكلها لاوم ما اقصر فيه و لا الزمها بالسهر اذا حبت تنام بدري او تعبانة بس الصراحة مو كلهم يبان فيهم صحيح انا اذا اعطيتها و اكرمتها بيكون لي الاجر لكن احيانا اذا اكرمت الكريم ملكنه و اذا اكرمت اللئيم تمردا يعني بعضهم مع الدلع ياخذو راحتهم عالآخر و هذا ما يريحني بالعكس تقلب علينا مجرد وجهة نظر |
أختي .. موقف (لا انساني) على الإطلاق .. فعلاً يوجد ناس ما تعرف الأصول في التعامل والإنسانية ..
بس .. في اوقات يصير موقف لناس ما نعرفهم .. ويتصرفون تصرف معين ويكون ما له معني وما يعجبنا ونحكم عليهم لأننا ما نعرفهم وما نعرف ظروفهم صح؟؟ يعني يمكن تكون الخادمة متعشية في البيت قبل لا تجي !! ما ندري صح؟؟ بالنسبة لي كنت آخذ شغالتي معاي في كل طلعة وآخذ لها وجبة حالها حالي وحال عيالي ليما صار موقف خلاني اوقف وما آخذها خلاص ...........!!! كنا رايحين مجمع فيه عدة مطاعم .. خذيت لعيالي ولها وجبات سريعة من مطعم .. وزوجي اخذ سندويشة بسيطة كلش من مطعم ثاني .. وآخر شي آنه خذيت لي من مطعم .. طبعا جهزت الوجبات بالترتيب .. جبنا اكلها واكل عيالي اول .. وجلسنا ننتظر اكلنا .. تخيلو .. اول ما اكلت من السندويشة (خذيت لها مثل ولدي بالضبط) .. وهي تاكل قال ان السندويشة طعمها مو حلو (طرار ويتشرط) .. بس كملتها كلهااااا .. ولدي اكل نص سندويشتة .. وبعدين قالي ماما ما ابي .. والله العظيم من كمل كلامة وقبل ما اقول كلمة .. مدت يدها وسحبت السندويشة من يد ولدي وقال (اوكي اوكي) وكلتها !!!!!!!!!!!!!!! يااااربي حسيت بقهرررر .. المهم ترى ما كملت .. كل هذا واكلي للحين ما جا ... لما وصل اكلي كان تأخر والكل أكل أكلة .. قامت تطالعني بقهر .. تشوف اكلي غير عن اكلهم !! يعني ما تحمد ربها على النعمة .. وظلت خافسة وجهها ليما وصلنا البيت .. آنه سكتت .. بس بعدين اشوف زوجي يقولي ترى آخر مرة نطلعها .. ما شفتيها اشلون ذابحة روحها على اللأكل وقامت تطالعك بقهر !!!! يعني حتى زوجي لاحظ .. مع اني والله العظيم .. في اوقات اخلي لها غذا او عشا اكثر مني .. وياما خليت لها غدا وانا ما اتغدى .. ما يهمني والله بس ابي ما اظلمها عشان الله يرحمني وهي في ذمتي .. وهي تشوف .. بس هذي طبع بعض الناس ((إذا اكرمت الكريم ملكتة واذا اكرمت اللئيم تمردا)) .. المهم، لا تخلين في ذمتك .. اتوقع متعشية او في لها عشا في البيت ومحد يموت من الجوع في ديرتنا .. بس في خدم ترى كل يسوون روحهم مساكين .. كل يبون يبون يبون .. ما يشبعون .. وودهم ياخذون ثيابك من الطمع .. سوري إذا طولت .. تحياتي .. |
اقتباس:
ماشاءالله عليك الله يجزاك خير ماقصرتي .. بس يا اختي المفروض تساليها هي ايش تحب تاكل هي برضوا بشر ولها راي ,, والله العظيم اي شي اشتريه لي او لعيالي اسالها اذا تبغى منه او شي ثاني واللي تقول عليه اجيبه لها حتى العصير سواء كان غازات او طازج او طبيعي اسالها وهي اللي تختار والملابس اجيب لها هدية للمناسبات والاعياد وبعد كذا انزلها هي السوق تاخذ اللي تبغاه بنفسها واحيانا ماترضى هي تنزل تقوللي ابغى كذا وكذا وانا اجيب من كريمات وشامبو خاص فيها وفازلين وفكس حقهم وعطور ومزيلات عرق وغيرها كثير .. ليه هي مو انسانة وبني ادمة زيها زيي تبغى وتجي نفسها في حاجات .. وتبغى معاملة طيبة وكلمة حلوة .. مو كفاية انها سايبة بلادها واهلها وعيالها وجاية تتغرب عشان اكل عيشها اقوم انا والزمن عليها .. ومو كفاية انها شايلة عني شغل البيت ومريحاني ومهتمة في عيالي اللي اقرب الناس مني مالقيت منهم خير وهالانسانة اللي جاية من بلادها عشان تشيل عني وتساعدني اذلها واهينها ,,؟؟ والله حرام .. كيف اامن على عيالي معاها وانا اعاملها معاملة سيئة ونسمع عن مشاكل الشغالات نلومهم ونحط الغلط عليهم وهو في الاصل من المعاملة وهذي ردة فعل طبيعية من اي انسان اذا حس باهانة وذل من انسان اعلى منه واقل شي يسووه الخدم ينتقموا فيه من الاهل في عيالهم عشان اكثر شي يحرق قلوبهم .. اعرف وحدة كل فترة تغير شغالة ولما اجلس معاها واسالها عنها تجلس تذم فيها وتنتقدها وتطلع فيها عيوب الدنيا وانها ما تنظف وانها ماتشتغل كويس وانها مو نظيفة وريحتها طالعة مع اني والله العظيم اني اشوف الضعف والانكسار في عينها .. ومرة قلت لشغالتي اجلسي معاها وكلميها وقولي لها اذا في شي ماتعرف تسويه انا اعلمك ومن ذا الكلام .. والله ان شغالتي تقولي جلست تحكيها على اللي يسووه فيها من معاملة قاسية ونفيخ وسب ودعاوي والسب انا بنفسي سمعت بناتها الحرمة يقولولها .............ووووو وكلمتهم يسكتوا ويقولوا طيب ليه هي ماتفهم .. كلمت امهم قلت لها لاتخلي بناتك يكلموها بذا الاسلوب حرام مو عشان انها خدامة عليمهم من باب احترام الكبير قالت لي والله اني اكلمهم واخاصمهم بس مايسمعوا الكلام ,, وفي نفس اللحظة نادتها انا مو قلت لك جيبي الشاي بسرعة .............ماتفهمي ؟؟؟!!! انا بصراحة بحلقت فيها ونفضت يدي منها وعرفت ان عيالها اللي يسووه من اهاليهم .. طبعا ما انكر ان في شغالات جايات اصلا نيتهم خبيثة وغرضهم ثاني غير الشغل واكل العيش ,, وكلهم جربتهم اللي تجي غرضهم غير الشغل يكون غرضها الرجااااااااااااااال بس .. شغالتي الاولى من النوع هذا وحسيت فيها من يوم جات اصلا من كلامي معاها عرفت انها مو محتاجة اذا في بلدها عندها بيت ومزرعة ومسجلة في نادي وتلعب كورة وعندها دباب ومو قاصرها شي بس كانت تبغى احد يديها وجه مافي كنت حريصة جدا خاصة اني قاعدة لها في البيت مو موظفة وكانت تخطط اكثر على اخوية اللي عايش معايه عمره 18 سنة بس ما اديتها فرصة حتى خرجاتي اخذها معايا لاني فهمتها بس ماحسستها بشي ولا غيرت معاملتي لها .. لما يئست حاولت مع الهنود اللي في الشارع بس برضوا كفشتها واخر شي اخترعت قصة ان بنتها تعبانة وطلبت تسافر وسفرتها بعد ما طبعا نزلتها السوق واشتريت لها هدايا واعطيتها فلوس في يدها لانها كانت مفلسة كل فلوسها ياترسلها واللي تخليه تلعب فيه في مكاييج ولبس ,, وسافرت وهي تبكي بحرقة وكانت في اخر لحظة بتتراجع عن السفر بس انا خلاص عفتها وقلت لها ماعندك خيار ثاني ياتسافري الطيارة بتطير ياروحي المكتب ماراح ترجعي معايا البيت ,,, وحسيت زي اللي ندمانة وخجلانة من اللي كانت تسويه بس بعد ايه يالله الله يستر عليها .. فانا اقول اللي جاية تبغى اكل عيش لها ولعيالها واهلها تنعرف من اول ماتجي .. واللي تجي نيتها شي ثاني برضوا تنعرف وهذي لاتهينيها ولا تذليها على طول رجعيها المكتب لانك راح تتعبي معاها اساليني انا ,,,, اسفة طولت عليكم بس صراحة حطيت نفسي اتكلم وماحسيت ... |
اشكر الكل على ردهم وارائهم الي جعلت من موضوعي موضوع متميز بارائهم
|
اختي انا اخذ عاملتي معانا كل اسبوع لان عندي ولد
عمره 3 سنوات علشان تخلي بالها منه بس وقت الوجبه اسألها ايش تبغى و اجيب لها و تجلس معانا على نفس الطاوله اهي بشر و متغربه علشان لقمة العيش حرام نحسسها انها ما لها قيمه بسبب شغلها |
جناين ورد2008 .. وليش آخذ رايها في الأكل؟؟
بدون مبالغة آنه شغالتي تلبس احسن لبس وتاكل احسن اكل وآخذ لها اشياء شهرية غيرها خدم يتمونون .. مثلا ما يعجبها آخذ لها شامبو (هيربال اسنسز) تبي شامبو (برت) وما تبي كريم (نيفيا) تبي كريم (دوف او جرجنس) وتبي فير ان لوفلي على اعشاب ما تبي على فيتامينات .. اقسم بالله ان هذا اللي اعانية معاها .. بس آخذ لها اللي تبيه .. يمكن تقولون اني ادلعها بس انا اسكت لأني تعبت منها كل تبي كل تبي تعبت معاها .. وهي كفاية عليها اني اوديها مجمع محترم وتاكل من مطعم محترم .. غيرها من شغالات عندنا ما يشوفون باب السكة .. يعني محبوسين .. وشغالتي يا طويلة العمر .. مو عاجبها الراتب مع اني متفقة مع المكتب وهي موقعة على عقد من كانت في ديرتها ان راتبها يكون 60 دينار يعني 600 درهم .. المهم، عشان رضى المدام (اقصد شغالتي) زيدتها من عندي 10 دينار يعني 100 ريال والمجموع 70 دينار وغير الدنانير اللي اقطعهم عليها من فترة لي فترة .. وغير بطاقات التلفون اللي تكون على حسابي .. يعني حسبي المصاريف .. يعني انا المفروض جايبة شغالة مو متبنية بنت ... وهي اكبر مني في السن .. وتعبت حتى قدرت اسيطر بشخصيتي على شخصيتها .. يعني (اجرح واداوي) اعطيها وفي نفس الوقت في اشياء افرضها عليها .. ترى هذي شعره من بلاويها .. ما راح اطول عليكم بس عشان تعرفون ان وراء كل تصرف راح يكون قصة او قصص .. والنهاية اننا محتاجين فلازم تنحمل .. تحياتي .. |
اقل شي نفسها ونفسيتها حرام عليهم كلها 22-33 الطلب بلاشي اي شي والله قمة الاستحقار
راي شخصي |
[QUOTE=أم كريم;2124948]جناين ورد2008 .. وليش آخذ رايها في الأكل؟؟
[]ولييييييه ماتاخذي رايها في الاكل ؟؟ ترضي احد يفرض عليك شي تاكليه غصب بس لانه غالي ؟؟ الاكل مو زي اللبس بالاغلى وبسعره حتى لو كنتي تشتري من اغلى شي هي ونفسها وماتشتهي حتى المثل يقول كل مايعجبك والبس اللي يعجب الناس مو تفرضي عليها تاكل اكل ما تبغاه بس عشان انه غالي ... انا في اكلات سعرها خيال ماتعجبني وافضل عليها سندويتش طعمية بريالين .. كل واحد ومايشتهي ... مع فائق احترامي ...[/ |
تبون الصدق ... الشغاله امانه في ذمتنا ... والله اني اعملها كنها وحده من البيت اوكنها اختي ... لان حرام هذيي وظيفه مثل كل الوظائف والله لايسلط علينا مدراء قاسيين او ظالميين ...
لها الحق انها تطلع معانا وتتمشى وتنفه عن نفسها ... ولها الحق ناخذ رايها بالاكل ... ولها الحق نشتري لها كسوة للعيد وللشتاء ... ولازم نحسن الظن فيهم ... حرام اللي ينظرون لهم انهم اردى الناس ... ماادري ليه هذي النظرة الدونيه ولاادري ليه يحكموا كذا ؟؟؟ |
اقتباس:
ولكن كملي جميلك معها انا وحده اذا ذهبت الى المجمع اعطيها نقود وتشتري لها ما تشتهي بتسأليني ليش اولا عشان انها انسانه ولها نفس مثلنا ثانيا عندي اطفال واخاف انها تسوي شيء من المعامله القاسيه ثالثا انا خاسره عليها 800 ريال في الشهر ما راح يضرني اني ادفع 25ريال زياده للوجبه او اكثر واذا ما حبيت اخسر عليها المفروض من الاساس اطلعها مرات قليله على الاقل تغير جو عن شغل البيت واعاملها بما يرضي الله حتى لو هي طبعها مو حلو وما تستاهل دمتى عزيزتي |
طيب يمكن الشغالة ماتحب اكل المطاعم جتني شغاله كذا واي طبخ فيه مرقة لحم او لحم ماتاكله
والموضوع مايستحق كل هذا التضخيم فنحن لانستطيع الحكم على الاخرين عن بعد واطلاق اتهامات لانعلم مدى صحتها لمجرد رغبتنا بكتابة موضوع لشد الانتباه واقول لاختي ام كريم انتي ماقصرتي وموب ملزومة تشتري لها كريمات وفيتامينات ومدري ايش الجود من الموجود واذا مو عاجبها تشتري من راتبها عليك فقط اللبس والاكل اما الكماليات فترضى بالموجود واذا راعية البيت موب موظفة كيف تقدر تجيب لها كريمات وشامبوات غاليه؟؟ خلونا نكون واقعيين ونفكر بالمنطق ولانتكلم بمثالية زايدة ونحن بعيدين عن الواقع وعن مشاكل الخدم |
اختي العزيزة ... احنا ماقلنا ان لازم تشتري كريمات وفيتامينات ... فعلا هي موملزومه بكذا ...
لكن الموضوع انا اشوف انه جدا مهم ... ناس كثير يستحقرون الخدامات ويقصرون معاهم لابعد حد ويهينونهم... طيب ليه ... حرام؟؟ اذا ماتاكل مرقه فيها لحم او لحم هذا شيء راجع لها النفس وماتشتهي ... في هالحاله تسوي لها اي شي ثانيي من البيت مومشكله ... احنا هنا تكلمنا عن الاساسيات ... ماقلنا هم ملوك ... بس قلنا هم بشر المعامله الحسنه معهم كويسه ..والله العلم اذا ماتدور فينا الدنيا والله قادر على كل شئ... وبعدين ليه احنا بعيدين عن مشاكل الخدم ... اتوقع محد كتب هنا الاعن تجربته مع خادمته ومحد كتب من فراغ ... اكيد الخدم لهم مشاكل ... لانهم بشر ... انتي هل ممكن ان تكوني انسانه كامله بدون مشاكل وعيوب ... يااختي انتي مستهينه بالموضوع لانه يخاطب خادمه ليه ؟؟؟ وش تقل الخادمه عني وعنك وعن اي وحده .... يمكن هي عند الله احسن مننا كلنا... ارجع واقولك المعامله الطيبه اللي نطالب فيها عمرها ماكانت مثاليه ... والموضوع يستحق وياليت الكل يتابعه ... واشكرك على تواجدك |
اوكي ماقلنا اقسو عليهن احنا قلنا لاتحكمو على الناس عن بعد
كون الخادمة ماتعشت يمكن لها اسبابها وموب شرط يكونون الناس اللي مشغلينها قساة نحنا نتكلم عن موضوع مطروح اتمنى تكون الفكرة واضحة وكان بودي طرح موضوع للنقاش دون التطرق لحادثة معينة ولكل موضوع عناصر تطرح ولنا الحرية في طرح الاراء وانتي حكمتي علي اني مستهينه بالخادمة!!!!!!!!! عجباً اليس هذا يدخل في سوء الظن؟؟؟؟ الى متى ونحن هكذا؟ نوزن الامور ونحكم على البشر من خلال الظن السئ؟ اتقي الله فيما تكبين عنه |
اللي اشوفه انه ملا داعي تجيب الشغاله معها المطعم
الا اذا كانت المطاعم في السوق ممكن تحتاجها الله المستعان |
المفروض التعامل معهم وسط لا غفراط ولا تفريط لا تدليل ولا قسوة والمفروض غنك ماتعودينها تطلع معك خليها في البيت وقولي لها تصلح لنفسها الاكل الي تبيه اوجيبي لها معك من المطعم وحتى لو راحت راح يحز في نفسها وتقارن كيف تطلعوا وتبسطوا اولادكم وأولادها محرومين
|
منجد موقف محزن
حرام عليهم مهما كان دي إنسانه قبل ماتكون خدامه لاحول ولاقوة إلابالله |
مستحيل اروح انا وزوجي مطاعم والخدامه معاي مستحيل
قبل فتره طلعت مع زوجي لمطعم وامه وكانت خادمتها معاها قعدنا بطاوله والخادمه لحالها بطاوله ولما وصل الطلب انا بنفسي حطيت لها من كل انواع الاكل الليي طلبناه لاني ماتحمل هالمواقف اللي تكسر القلب |
حرام بس يمكن تكون صايمه
لان مو معقول فيه ناس كذا من جد قمة في التخلف |
عذراً .. يُقفل الموضوع ..
|
| الساعة الآن 02:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©