|
اين الوفاء ؟
مرحبا .. صار في حياتي موقف أثر فيني وحبيت اني اعرضة عليك واشوف آرائكم .....
قريب زوجي .. متزوج من 17 سنة وعنده 5 ابناء اكبرهم عمرها 16 واصغرهم سنة بالضبط لما الأم ماتت .. كانت بدون مبالغة ذهب .. محد يقدر يزعل منها والسبب اخلاقها وابتسامتها اللي ما تفارقها .. وكانت متدينة وجميلة جدا .. الله يرحمها يارب .. كانت طول عمرها ضعيفة البنية وتمرض بسرعة .. وماتت بسبب ابرة بالغلط !!!!!!!!!!!!!! يعني ماتت شابة وفجأة محد كان متوقع .. صدمة للكل وخصوصا اكيد ابنائها .. الله يكون في عونهم .. المهم، الموضوع ان بعد 40 يوم من وفاتها .. زوجها قرر انه يتزوج !! تخيلوا .. اش هالوفا؟؟؟؟ اتصلت اسأل عنه واذا محتاجين شي واعرض خدماتي .. قال لي ابيك في موضوع .. ابي اعرس ووصاني اشوف له وحدة .. وعطاني مواصفات (اهم شي تكون جميلة - وتكون من عمر 25 -32 تخيلوا مع ان عمره فوق الأربعين) يعني ما قال يبي وحدة (تتحمل عيالة وتكون تحب اليهال) يعني بس فكر في روحه الأخ .. بصراحة ما زعلت ولا شي وقلت هذا شي طبيعي .. بس انصدمت لما بعد اسبوع جاني زوجي وقال انه خلاص راح خطب رسمياً .. صح ما يستحي!!!!!!!!!!!!! وكان مر على وفاه زوجتة اقل من شهرين !!!!!!!!!!!! قمت اتذكرها واصيح .. ما انتظر حتى تجف دموع عيالة .. تأثرت وقلت حق زوجي .. بليز لما اموت انا والله العظيم اتمنى تتزوج وحده احلى منى واحسن مني بس على الأقل احترمني وانتظر على الأقل سنة .. واكيد ما ابيها تربي اولادي .. تذكرت شابة عمرها 19 سنة ماتت وهي تولد .. زوجها ما تزوج إلا بعد سنة من موتها .. وتذكرت رجل عجوز .. يمكن في الستين او السبعين .. ماتت زوجتة وبعدها بشهرين مات ابنة البكر .. وتزوج قبل لا يخلص الأربعين .. شنو رايكم ؟؟ ابي راي الأزواج .. والزوجات .. تحياتي ،،، |
مااااااااااااااااافي وفا اليوم نااااااااااااااااااادر ,,
بس والله اعرف واحد ماتت زوجته كذا فجأة وهي تولد وجلس يجمع في ملابسها وذهبها واغراضها ويبكي وجلسوا اهلوا يحاولوا فيه يتزوج لان عياله 7 وصغار لازم وحدة تهتم فيهم وبعد تقريبا سنتين وافق وشرط عليهم شرط ان يكون العروس اسمها على اسم زوجته يعني نفس الاسم ينادي ويقول هذا اقل شي بس لان المرحومة مافي احد زيها وماحد يشبهها وصار له متزوج الحين يمكن 7 او 8 سنوات لكن زوجته ام عياله مانسيها وبعضهم ياكافي كانه ماصدق ولسا في المقبرة يدفنها يخطط وين يروح يخطب,,, |
اختي ام كريم .. من وجهة نظري الزوج يكون وفي مع زوجته اذا ما تزوج عليها في حياتها حتى ما يقهرها لكن بعد ان تنتقل الزوجه الى جوار ربها فمن حق الزوج الزواج مره اخرى سواء بعد يوم من وفاتها او بعد سنه ومن وجهة نظري المتواضعه ان الزوج المتعود على الاستقرار الاسري لا يستطيع ان يتحمل العيش بمفرده و تحمل مسؤوليه البيت و الاولاد بعد وفاة زوجته .. فتلاقينه بعد وفاتها بمده بسيطه يبحث عن زوجه اخرى تشعره بالامان و الاستقرار .. لكن من عاش مع زوجته عيشه كلها هم و نكد و زعل فبعد وفاتها لا يتزوج بسرعه لانه يريد ان يرتاح من هم الزوجه .. ارجع و اقول ان الزواج بسرعه بعد وفاة الزوجه ليس له علاقه بالوفاء .. و لكن الافضل من وجهة نظري ان لا يستعجل هذا الزوج بالزواج الا بعد مرور فتره زمينه كافيه لجعل مشاعره الحزينه تهدأ و يستطيع ان يبدأ حياة جديده .. من يتخذ قرار الزواج بسرعه تكون نفسيته مضطربه و غير متزنه من اثر فراق زوجته فقد لا يستطيع ان يواصل حياته الجديده وقد يظلم زوجته الجديده التي لا ذنب لها .. جاري ماتت زوجته اثناء عمليه جراحيه في القلب و كان يحبها و عنده منها 6 اولاد .. لم يستطع تحمل فراقها فتزوج بعد شهرين من وفاتها و بعد شهر طلق هذه الزوجه و بعد شهرين تزوج باخرى و يوم ثالث زواجه ايضا طلقها .. والان مضت فتره 5 سنوات على وفاة زوجته و لم يتزوج مره اخرى .. فقد تقبل امر وفاة زوجته. |
اقتباس:
هذا إهانة للمرأة الأخرى المرأة الأولى عاش معاها عيشة حلوة تستحق انه ما ينساها بس مو لدرجة ما يعمل قيمة للزوجة الثانية الزوجة الثانية انسانه .. ولها روح ومشاعر وبعد تحس والا المفروض على الي تتزوج رجل أرمل أنها تكون حجر أو مجرد آله للخدمة وتغضية الغرض أو كبش فداء لأنتقال الزوجة الأولى للعالم الأخر وعملها وتربيتها لأبناء مو ابائها مو طفل ولا اثنين إلا 7 اطفال مين يقدر عليهم .. عروس توها تدخل في بيت في 7 اطفال واجب عليها تربيهم هل هذا ماله قيمة بعد ولا يستحق التقدير والوفاء عشان يكملها ويقول ما ابي الا اسمها قمة الاهانة و تبلد الاحساس والانانية لو منها لو ايش يصير ما اوافق لأن الأفضل له إذا مو قادر يبدأ من جديد لا يتزوج .. ولا يعامل الزوجة الثانية كجارية له تتحمل نفسيته السيئة .. وتتحمل اطفاله .. بس لأن نصيبها القليل في هالدنيا رماها على رجل أرمل |
اقتباس:
[CENTER]شاكرة لك تعليقك بس لعلمك هو شرط الشرط هذا على اهله بس زوجته الحالية ماتدري ... ويعاملها احسن معاملة وسعيدة معاه لانه انسان فيه خير .. وكانت تعاني في حملها وعالجها والحين عندها بنتين ...[/CEN [COLOR="DarkSlateBlue"]وعياله عنده وعند اهله يتعاونوا على تربيتهم ...[/ COLOR] لانهم زي الجيران قريبين من بعض.. |
اقتباس:
وجهة نظر احترمها جدا ومقنعة.. |
اول اشي الله يرحمها
تاني اشي هوة ماعمل اشي حرام اكيد لكن الوفاء حلو يعني والله صعبة عالاقل عشان خاطر اولاده كيف بدو يروح يفرح مش عارفة عارفة شو المشكلة المشكلة انو بالعادة والتقاليد لما يموت احد الجيران وفي بيت قريب منهم عرس بيروحو يستازنو ازا يعمل العرس او لا واحيانا مابعملو العرس وبنتظرو الاربعين هادا وهما جيران وكمان الواحد لو ربى في بيتو حيوان اليف (مع فارق التشبيه اكيد وبعده عن الانسان المكرم من رب العالمين) الا انو لوو مات هالحيوان والله الواحد بفقدو و بزعل عليه و بحس بفراغ هادا وهوة حيوان مالو حق علينا بعد م مات فمش فاهمة كيف بروح يجري يتجوز وهوة بالوضع هادا بالنهاية هوة ماعمل حرام وماخان حد لكن نفسيا و اجتماعيا مالها طعم بعدين لو وحدة جوزها الي مات والله لو جابت سيرة الزواج بعد سنة ولا تلاتة ولا عشرة حيحكولها استحي عحالك بهالعمر وبتدوري عالزواج هادا لو كبيرة شوي ولو صغيرة حيحكولها لو طلبت الزواج بدري شوفو مسدقت المسكين يموت وراحت تدور عغيرو ولا حيقولو وين حتترك ولادها شو هالامهات هاي كانو مالها حق والرجل هوة الي الو الحق الو حق الزواج مااختلفنا بس يستنا شوي يعني مش قادرة استوعب طيب هوة مش زعلان مش حزين عليها يعني انو فترة 40 لاتكفي لنسيان انسان بنحبو فكيف الزوجة وعشرة عمر يعني غريب عالاقل مفروض يكون حزين شوي لله في خلقه شؤون زوج خالتي الي توفت من سنتين ونص حزن جدا لما توفت وصار يبكي زي الصغار ويقول راحت الغالية وين اروح انا ويبكييييييي ومن بعدها زي المسكين عامل بائس وحاسس انو وحيد هوة كبير ماشاءالله في ااواخر ال60 واولادو كللللللهم تزوجو وانجبو عايشين والهم حياتهم الخاصة لو تزوج معاه حق بدو حد يونسو بس لحد الان ماتزوج وبس بحب امي وخالاتي برا بزوجته الي ماتت وبس يتكلمو معاه تلفون يسالو عليه ويطمنو بقول اهلا بفلانة اهلا ياغالية انت من غلاوة المرحومة باختصار حالته تقطع القلب حتى في حياتها كان يخدمها ويعمللها كل شي لانها مرضت مرض عضال لمدة مايقارب 15 سنة او اقل ماقرف منها ولابعد ولادور غيرها خدمها بعينيه فسبحان الله في هيك وهيك بس اشكال هالرحل الي في الموضوع اكيد اكتر من النوع الوفي سامحنيي طولت بس الله يكون في عون الاطفال المساكين |
الوفاء شيء نادر
مثلا اعرف واحد زوجته مريضه والعياذ بالله بمرض في صدرها وهي في المستشفى تنتظر لحظات على فراقاها وتعاني من الا مها وعندها اطفال تنظر اليهم وتبكي وزوجها راح خطب وهي في المستشفى واعرف واحد زوجته صار فيها حادث سير مروع بحيث قطع راسها من جسدها وهوه كان مسافر رجع بعد الفاتحه وبعد الفاتحه على طول راح خطب وعذره كنت مسافر واريد زوجه من زمن مشفت امراه بس لكل قاعده شواذ زوج شاب في الكليه اسمه ابو وفاء اسم على مسمى زوجته ملكة جمال ومؤمنه جدا وحجاب كامل لم يرى وجهها احد ماتت ولها 3 اطفال الصغير بعمر 4 اشهر زوجها على طول بالمستشفى ونقلوه الى الخارج ليتم علاجه وسنه وهوه تحت العلاج وسنين لم يتزوج واهله يصرون عليه لانه الوحيد الى اهله لااخوان ولااخوات وهو يرفض ويبكي لكن بعد الضغط عليه وحتى من بنته الكبرى تزوج وله شروط للزوجه الثانيه باانه يحب المرحومه اكثر ولاينساها ولها غرفه خاصه بها صورها وملابسها ويدخلها كل يوم ليشم رائحتها علما باانه تزوج بعد 17 سنه وهوه شاب هذا هو الوفاء ونادر جدااااااااااااا |
وين المشكلة
المشكلة بعض النساء عندها حساسية من ان رجل يتزوج ثانية ولو كان لايمتها بصلة ولو كان هذا بعد موتها وهذه نظرة أغلب النساء الله يديهن |
اخ سوري احنا مابنقول حساسية ولا حرام
اكيد لا بس انا زي مقلت الواحد بربي حيوان اليف مع فارق التشبيه وتكريم الانسان طبعا ولما يموت بزعل الواحد يعني منطقي الواحد زوجتو عشرة عمرو يموت ومايصدق يجري يتجوز انو يستنا شوي بس المشكلة الي مش قادرة افهمها هوة مش حزين عليها يعني ليروح يجري يتجوز غيرها ويعني الوحدة الي ماتت وزوجها تزوج عطول فارقة معها هية خلص صارت في دنيا تانية ومش فارقة معها ولا يعنيلها شي اصلا بس الواحد بقول عالمنطق والمشاعر شوية حزن يعني معقول مافي |
القصص كثيييييييييييييييييييييييييييييييييرة عن ها الموضوع
وكل قصة لما أسمعها في مدينتي او من الخارج أتحسر على الزوجة والأولاد طبعا الرجل ما يقدر يظل بدون زوجة هذا اكيد لكن ع الأقل اكراما لذكرى زوجته واكراما لأهل زوجته ولعياله اذا كان عنده عيال انه ينتظر كم شهر وبعدين يتزوج ..... بس أنا مستغربة من القصة اللي قلتيها ...يعني هو ما فكر بعياله ؟؟؟ هذا جدا أنانس اسمحولي ولو الرجال يهبون فيه ويدافعون عنه ..يظل أناني رضيتوا ولا لأ .. والسبب ان الزوجة الثانية أكيد تبغي تستانس ويا زوجها يعني ما تبغي تسمع سيرة موت وهي عروس جديدة ,...انزين والعيال مازالوا في حداد على أمهم هل ممكن انهم راح يستانسون ويفرحون ويباركون لأبوهم زين سويت انك عرست علشان تبر وتستر نفسك ومن ها الكلام!!!! :( هذيلا أطفال ولا يعرفون اسباب زواج أبوهم بل سوف يستهجنون فعلة أبوهم وراح يكرهونه ويظل شي في خاطرهم منه طول حياتهم .... بالأول اطمأن على عيالك ..اجلس معاهم ...عزيهم ..واسيهم ... ارحمهم واشفق عليهم ....دور لهم تسلاية عن موت أمهم قبل لا ادور لنفسك وشهوتك.... واللي بيي يقول والله ما تعرفون الرجل والرجل متعود يكون متزوج وشهوته وغريزته وها الخرابيط...:( ايه احنا نعرف ها الأشياء حتى المرة لا توفى عنها زوجها راح تتزوج اذا هي متعودة على ها الشي ... لكن العلاقات الانسانية أسمى من ذلك بكثير ... وخاصة اذا كان الزواج فيه أطفال يتامى فقدوا أمهم حبيبتهم وهو مستعجل ع الزواج ..بالأول اطمن ع عيالك وواساهم ... اسمحيلي ....بس هذا ما يستحي ! |
لكن العلاقات الانسانية أسمى من ذلك بكثير
|
والله كثر خيررة انتظرها شهرررين
ترى كل انسان يتعوود على وجود امرأة في البيت ما يقدر يعيش من غيررها وبرضو عشان ما اظلم الرجل المرأة نفس التفكيررر اعرف وحدة عمرها 33 سنة وارملة من ست سنوات وعندها 3 اطفااال الان خطبها رجل مطلق وقررت تتزوج واحنا تفجأنا صراحة كانت تمووووت في زوجها وحزنت علية كثيررررر لكنهاااا حاااسة بالوووحدة والوحدة قاااااااااااتلة يعني كل وااحد يقول لزووجتة انا مارااح اتزوج من بعدك ومن هناااك :14::14::14: يعني مداام انة تزوج بالحلاااال مافية مشكلة والله يهني سعيد بسعيدة |
قلب الرجـل المثخن بالجراح على فراق زوجته لا يداويه الا أمرأة أخرى مثلها ..
وكلما كان الزواج الثاني اسرع كلما كان العلاج افضل واكثر فعالية في تطبيب الجروح النازفه .. |
اتوقع الرجال بشكل عام بهالشي مايتقارنو بالنساء
في حرمه تعرفها ماما زوجها ميت من 7 سنين وهي يمديها تتزوج بس ماتزوجت وجا يوم العيد وراحتلها امي وشافت كللل حريم البيت مسوين نقش وقالتلها امي ليش ماحطيتي ياام فلان تصورو قعدت تبكي تبكي تبكي تبكي مسكينه كان زوجها مات امس وتقول وشلون انقش بعد الغالي تخيلوووو!!!!!!!! بعد 7 سنين مو قادره حتى تنقش مو تتزوج والرجال اللي اشوفهم بحياتي لو كان يمووووووووووووووت بزوجته وتموت ولا يطلقها بسرعه يرجع لطبيعته وحياته ويتزوج ويخلف طبييييعي فعلا الرجال من المريخ والنساء من الزهره |
اقتباس:
!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟ لاتعليق |
اقتباس:
انتي تقارني رجال بعد اقل من شهرين تزوج بامراه لها 6 سنين تبكي زوجها وعندها 3 اطفال ولاحول لها ولاقوه في مجتمع يجبر المراه انها تستعين بعد الله برجل وين المنطق الرجال تقولين كثر خيرو اقل من شهرين والحرمه استغربتووووووووووووووووووووو بعد 6 سنين حزن فعلا وين المنطق احنا منقول ليش تزوج احنا نقول انو الواحد لمن يموت جاره يتعب نفسيا ومايقدر يستمتع بحياته لفتره فما بالك زوجه سهرت وتعبت وحبت وصانت وخلفت وربت وخلوقه ماتستحق احترام وهي ميته ماتستحق ولو فتره اطول بقليل يمكن لسا اطفالها مو قادرين ينامو من الحزن ايش هالانانيه |
اقتباس:
وكان كلللللللللللللللل خسارة الزوج هو الشي اللي كان يلبيله شهواته فعشان يعالجه باسرع وقت يتزوج الزوجه الجديده رح توفره اشباع شهوه بس بس مارح تعالج جروح فراق وذكريات وحزن والم فراق حبيبه بس كل واحد وقلبه الناس اجناس |
الوفااااااااااااااااااء خيااااااااااااااااااااال عند الرجل لأنه أناني
سمعت بقصة رجل توفيت زوجته وبعد ان انتهى من دفنها هو وأبيها نظر لوالد زوجته وهو على القبر وقال إن شاء الله تعوضني بأختها والله انصدم الأب والأخوة وحلفوا إنهم ما يزوجوه لسوء أسلوبة ماراعى مشاعرهم في بنتهم |
اقتباس:
يا عزيزتي انا اولاا ما قاارنت انا اعطيت مثل للوحدة وما تفعل بالرجل او المرأة وهي كانت تقوول انا ماراح اتزوووج ابداا بعد الغااالي ولكن فجأة واافقت هذا الي خلااني استغررب فقط لا غيرررر:25: ثانيا الرجل يختلف عن المرأة هذي حقيقة ومو لازم نكابر الرجل حتى لو كانت زوجتة على قيد الحياة بأمكانة يتزووج عليها ثلاث لكن الزوجة ما تقدر تتزوج غير رجل وااحد وهذا الي خلاني اقول للرجل هذا كثرررر خيرة انة ما تزوج عليها وهي على قيد الحياااة لكن بعد ما تووفت خلاااص يحق لة ان يتزووج بعد اسبوع حتى لأنة تعوود على وجودها كأمرأة ولكن الزووجة عندها فترة حداد اربعة شهور وعشرة اياااام هل سألتي نفسك يوما ماااا لية ؟؟؟؟؟؟ انا يا اختي لو تلااحظي من ردودي انا من انصار حقوق المرأةدائما وابداا:17::17: ولكن اذا كانت المرأة مظلومة لكن في هذة الحالة يحق لة ان يتزووج بمن يريد وقتما يريد اتمنى يا عزيزتي ان اكون نجحت في ايضاح وجهة نظرري ودمتي بوود |
اقتباس:
بس نتكلم عالحزن انا مره مات شب فعيلتنا صغير بالعمر يعني عمره 16 سنه وربي وربي اني مااكلت اسبوع يادوب مويه ومره شفت ولد مات قدامي في سوق وبرضو يمكن اربع ايام او خمس ايام حالتي مش على بعضي ابكي ومصدومه بس انو زوجتو ولهم مادري كم متزوجين وعندو منها عيال يستنى شوي يدعيلها يواسي عيالها تلاقي عيالها في حالات نفسيه جدا صعبه الان انتي عارفه بعد وفاة احد غاااالي زي الام يمر الواحد بكذا مرحله اول شي اتوقع الصدمه وتاخذلها اسبوع اسبوعين بعدين تكذيب يعني الواحد بيحس انو الشخص اللي مات مسافر فقط وللا رايح مشوار فعلا انا جربتها وبتاخذلها فتره وبعدين افتقااااااااااااااااااااااااااااد صعب صعب صعب ومؤلم جدا جدا جدا وبعدها مرحلة التعود او التصدييييق وبهذي المرحله الاطفال محتاااااااجه للوالد جدا المفرووض انه يقعد مع اطفاله ويواسيهم يصير الاب والام مو يتزوج ويلتهي بمره وحتى لو تزوج واهملها عشان يعتني بعياله هذا ظلم لها بس فعلا الرجل اناااااااااااااااااااااااااني ومايهمه الا شهواااته هذا في الغالب ولا اعمم ولكن الغالبيه اللي شفتهم بعدين عدة المراه 4 شهور وعشر ايام مو عشان انو المراه لازم تحزن اكثر لان الرجل لا يحمل والزوجه لمن يموت زوجها لازم فتره عده ليتم التاكد من انها ليست حامل من الميت حتى لاتختلط الانساب فقط عشان هالشي ولانو زمان مكان عندهم تحليل حمل وممكن تتاخر علامات الحمل بس عشان كذا بس لو حرمه سوت اللي سواه يعني بعد العده على طوووووووووول تزوجت كان الكل تكلم وقالو ليش مصدقت وليش ماتواسي عيالها ايتام فعلا دنيا غريبه |
انا احس ان هذا شئ طبيعي جدا ...
لان الرجل تفكيره عقلاني موعاطفي ابدا.... يعني هو مايفكر بقلبه كثر مايفكر بعقله .. يعني ماراح يفكر بالدموع والاهات راح يفكر من بيطبخ له ؟؟؟ من بيكوي له ويغسل له ؟؟؟ من يرتب اموره؟؟؟من يشوف عياله ويربيهم ؟؟؟ طبعا انا مااقصد ان الزوجه خدامه حاشاها طبعا ... لكن محد يقدر ينكر اهمية وجودها بالمنزل ... يعني مرة كويس انه تحمل شهرين ... يعني الموضوع موعدم احترام ولاعدم وفاء بقدر ماهو احتياج للمرأه والزوجه ...خاصة اذا ماعنده ام اواخت قريبه منه ومتفرغه له ولعياله ... |
اقتباس:
كلامك سليم اختي تفاحه .. فتفكير الرجل و احتياجاته تختلف عن تفكير المرأه و احتياجاتها .. لذلك بعض الرجال لا يستغني عن وجود امرأه في حياته ليس فقط من اجل الجنس انما من اجل مشاركته حياته بشكل عام ..تكون رفيقة دربه و انيسة وحدته ... |
اقتباس:
اختي اميرات هو فعلا الرجل تفكيره غير بس يدور على وحده تانس وحدته طب وعياله اللي لسا يمكن ماصدقو ان امهم ماتت تعرفين اللي يتزوج جديد يلتهي شوي لهالدرجه مو قادر يتحمل بعدين هي اتوقع اقل من شهرين وشهي الشهرين والله تمر ياساتر زي البرق يعني والله اني ليومي اقول اننا في 2008 واحنا في الشهر الرابع من 2009 تمر والله تمر بسررررعه عالاقل اهلها ايش بيكون احساسهم يالله شكثر اناااااااااااااااااااااااااااااني هالرجل يعني ايش ضره لو استنى 6 شهور عالاقل مو عشانها هي عشان اولادك اليتم من طرف الام جدا اصعب من يتم الاب يفقد فيه الطفل اعز مخلوق على قلبه لا وماتت فجاه يعني فاجعه يالله مش انو مريضه لها فتره ومتوقع موتها وعندها طفله عمرها سنه لسه والكبيره 16 ياربي اش بتكون حالتها هالمراهقه وهي شايفه ابوها باقل من شهرين راح يدورلو على وحده وحميله ومدري ايش حتى مافكر انو تكون اهم شي راضيه تربي عيالي ايش هذا الله يرحمها يااااااااااااااارب |
شوفي اختي سردينه مو كل رجل تتوفى زوجته بعد شهرين او اقل يتزوج .. هناك شريحه قليله من تتصرف بهذا الشكل .. لكن لماذا هذه العجله الله اعلم .. الله وحده هو العالم ما هو الصراع اللي يدور في داخل هذا الزوج اللي فاقد زوجته .. اتوقع انه من يقوم بهذا العمل هو انسان افقدته الصدمه بعض من توازنه و اصبح يتخبط في قراراته .. و يكون عايش في خوف من المستقبل بدون زوجه .. فلهذا والله اعلم لا يستطيع ان يبقى وحيدا .. يعني بدل ما نلومه على تصرفه من الافضل ان نشفق عليه لانه مو في كامل وعيه .. لا زالت الصدمه مأثره فيه .. |
هذه ماتت الله يرحمها ويغفر لها ويرحمنا إذا صرنا إلى ماصارت إليه
طبيعة الرجل لا تتوقعوا أنهم بيصيرون مثل النساء يقدمون أشياء كثيره على العاطفة إحنا ننصدم ونستغرب من قوة قلوبهم مثل ماقال البعض لو الواحد سمع جاره توفى يقعد له فترة متأثر حتى لو حيوان أكرمكم الله في البيت فترة ومات الكل بيحزن عليه ويصير مكانه باين أما الرجال تلاحظون ربما الأمر عادي عندهم هو بينسى إذا تزوج وينبسط وربما يكون زواجه وسيلة للنسيان لكن الأطفال ما بيقدرون يستوعبون بالسهولة هذه وجود امرأة ثانية مكان أمهم بعض الرجال أناني وبعضهم الآخر ضعيف ما يقر يدبر أموره بنفسه لازم وحده تشيل له أمور بيته فيتزوج من تخلص أيام العزاء و هذا صبر شهرين بالنظر في مقياس بعض الرجال ما شاء الله عليه طول والحمد لله ماراح سوى مثل اللي صار في مدينتي زمان انه بس عرف زوجته فيها سرطان راح يخطب والله أذكر انه كلمن دعى عليه ولا مثل الثاني اللي بعد تأخرهم في الانجاب وعمل الفحوصات تبينت عدم قدرته على الإنجاب جاء بعد 20 أو 25 سنة وتزوج عليها مطلقة وعندها عيال والجديدة تعلم بعدم قدرته على الانجاب رايتها بنفسي يعتصرها الألم لكنها لم تتبلى عليه قالت إنه طيب ورجل خلوق لكنها ضحت ورضت وكانت تقلل من مصاريفها وغيره لأجله لكن بعد زواجه قالت" لا أفسق ولاأبذر ولكن إن رغبت بشيء اشتريته ولم أعد أبالي " الموقف مزعج بالنسبة لي لو تزوج في الظروف العادية كان الأمر عاديا لكن في ظرفهم أشعر أنها قلة وفاء أي لو أنه فعل هذا الشيء في وقت مبكر ربما فكرت بالطلاق والزواج بآخر للانجاب أما الآن وهي في عمر والدتي ماذا تفعل الحمد لله على كل حال |
اقتباس:
هذا ........ وميستاهل بس دايما كذا الطيبات ياخذون ...... مادري شصار فالدنيا حسبي الله ونعم الوكيل يرجى اختيار عبارات لبقة الإشراف |
شوفي اختي الرجال يفكرون بطريقه عقلانيه و احنا العكس دايم العاطفه تغلبنا .... بس بصراحه لا أرى في تصرف هذا الشخص اي شيء خطأ لأنه:
أولاً ما سوى شي حرام ثانياً بالعكس انا أؤيد انه يتزوج لأن اطفاله بحاجه لرعاية وهو كذلك فمالمانع انه يضرب عصفورين بحجر زوجه وبنفس الوقت تكون شابة وجميله!! يعني تتوقعي لو حصل لك فرصه بالاختيار مره أخرى لظرف ما هل ستختارين نفس مواصفات زوجك ام ستسعين للأفضل؟ أكيد الأفضل وراح تتحاشي اشياء كانت في زوجك :)!! الوفاء يكون برعايته لأطفالها بعد ما تموت ... |
| الساعة الآن 11:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©