|
أبني يرفض الأكل!
السلام عليكم ورحمة الله وبركاته
عندي ولد عمره 11 شهر الله يحفظه ماتقبل الأكل أبداً أحس نفسيتي تعبت معاه يعني مايبغى أي شي غير الحليب وخايفه عليه مرره يوم كان صغير كان وزنه ماشاء الله حلو كنت برضعه من صدري وبديت بالأكل على السته شهور ومن يوم بديت الأكل بدا يضعف وبدا الحليب بصدري يخف ونحف زياده ولما طلعتله الأسنان بيعضني لما ارضعه لدرجة ماعاد قدرت أرضعه :23:لحد مانشف الحليب يعني من شهر وقفت الرضاعه الطبيعيه واسنانه 2 تحت و1ونص فوق:) لحد اليوم مابيوقف وحده يعني أنا ألي أوقفه ويضله واقف شويه بعدين يطيح أذا جلسته مايرجع لوحده لازم أنا أرجعه ولا يطيح لما أحطه بيتقلب وبدأ يزحف على بطنه من كم يوم أضافة لأنه بيمص يده يعني يقبض يد ويدخلها بفمه ماقدرت أخليه يترك هالعاده خاااااايفه على أسنانه وتوه هاليومين بد ايقول ماما وبابا أحسه تأخر بكل شي فماأدري هل ألي ذكرته طبيعي خايفه يكون رفضه للاكل مأثر على نموه وزنه ألحين 9 فياليت ألي عندها حل لأي مشاكل من ألي ذكرتها تساعدني بالحل |
اهلين كيفك؟
الحمد لله ولدك طبيعي انا ولدي كمل السنة والى الان ليس لة الا سنتين من تحت فقط ولم يمشي وسالت الدكتور قال عادي |
أم الأمورة اشتئنالك ...
ما شاءالله ابنك اسم الله طلع اسنان و بقعد و بزحف و بوقف يعني عم ينمو و النمو مراحل و بختلف من طفل لطفل حسب الكالسيوم يلي بجسم الطفل بتوزع على كل جسمه ليقدر يمشي و يوقف و يطلع اسنان .. الله يحميه و ما تخافي عليه |
كيفك ياقمر وحشتينييييي
في اطفال شوي كسلانيين يمكن ابنك كدا ... و يمكن وراثة .. عادي لا تقلقي مافيه الا العافية ياستي بسم الله ماشاء الله ابنك سنن .. ابني راح يكمل السنة بعد اسبوعين ان شاء الله ولسه زي العجايز مافي ولا سنة :) ووزنه 9 كيلو برضو .. المهم بالنسبة للاكل .. قولي لي شو بتحاولي تعطيه الحين ؟؟؟ |
كل طفل يختلف وإن شاء الله عادي
وبالنسبة للأكل حاولي ما تضغطين عليه وحطي قدامه أكل لين ونفس الوقت يقدر يمسكة بيده مثلا بطاطا مهروسه تشكلينها على شكل اصبع بعض الأطفال ينبسطون على كذا جربي وشوفي وهو ماشاء الله يقدر يآكل عادي إلا العسل بعد السنة الله يحفظه لك |
اقتباس:
أهلين يادلوعه الحمد لله بخير كيفك أنتي وحموده والنونو الجديد أن شاء الله تكون كلكم بخير وصحه وعافيه تسلمين ياعسل على الرد الله يحفظ لك حموده ويقومك بالسلامه أن شاء الله |
اقتباس:
الحمد لله كلامك طمني الله يحفظ لك الأموره يارا |
اقتباس:
تسلمين ياعمري على الرد يعني أبنك لسه ماسنن والله أحسن لك أنا من يوم سنن ماعاد قدرت أرضعه طبيعي لأنه يعضني وبالنسبه للأكل .خضار مسلوقه ..وفواكه ...دجاج ...لحم .....سمك .....بيض ....سيريلاك ....زبادي طبعاً كلها مهروسه لكن مافيه فايده ومره شفت لك رد أني نعطيهم من أكلنا بعد مانغسله ونخليه في المويه يغلي عشان يتقبل الأكل جربت الطريقه هذي مرتين ياكلها بس بالقوه بس أهون من أذا كان مسلوق لكن لا حظت أنه بعد ماياكلها يتعب يعني أعطيه الظهر ويروح ينام يقوم العصر أحسه تعبان ويستفرغ هذاك اليوم كله مرتين جربتها وصار له نفس الشي بعد ين بطلتها ماأدري العيب فيه ولا أنا ماطبقت نفس الكلام ألي قلتي عليه والله يعطيك العافيه على الرد ويحفظلك يوسف ويرعاه ويطول بعمره وتشوفيه وهوه عريس يارب كلكم بوسولي أولادكم الله يحفظهم |
اقتباس:
الله يطمنكم مثل ماطمنتوني والله يحفظلك أولادك ويسعدك ياعسل |
اقتباس:
مغلي فاتر عشان اشيل البهارات منها بس و بعدين بهرسهم و بيبقى فيهم برضو طعم ... جربيها كمان مرة و لو ماناسبته خلاص.. ولا بيني و بينك غريبة المفروض خلاص ماشاء الله عليه راح يتم السنة قريب باذن الله ربي يحفظه و المفروض خلاص يكون اكله من اكلكم فا كيف خضار مطبوخة و مغسولة تتعب بطنه.. شوفي انا بعمل شوربة و ابني مغلبني بالاكل بس هذه الشوربة ياكلها ماشاء الله عليه... بغلي قطعة دجاج كع شوية بصل و شوية طماطم و شوية ثومة و بطاطا و جزر و كوسا بتخليهم يغلو مع بعض و بعديب بضيف ملح و بهار و كاري و اخر شي كزبرة ... و لما تنجح البطاطا اطفي تحتها اشربي منها كثير مفيدة ... و طلعي منها البطاطا و الجزر و الكوسا و شوية دجاج اغسليهم بماي فاتر مغلي مجرد غسيل بس و اهرسيهم سواء بالشوكة او بالخلاطة واعطيه وان شاء الله يحبه جربي تعطيه بطاطا مع شويه زبده (( خفييييييفه) ... او اعطيه الزبادي امع الفواكه يمن يحبه ... ماشاء الله عليك خبييرة باكل الاطفال ما يحتاج اقولك الا انتي علميني :) بس كيف تخليه ياكلل؟؟ شوفي زي ما قلت لك ابني ململني بالاكل و ما ياكل الا اذا : 1( اجوعه و ما اعطيه لا حليب و لا شي لغاية ما يبدا يبكي 2( احطه بكرسي الاكل قدام التلفاز .. 3) افتح قناته المفضلة .. و يكون مركز معاهم ماشاء الله فا ياكل اي شي ساعتها :) ادري انه اسلوب خطأ بس اذا ما عملت كدا ما يرضى ياكل وهم في سن اصغر من انك تجبريه على الاكل احيانا مايرضى ..سيبيه و جيبي اكلك طبعا لما تاكلي بتحسيه مهتم باكلك و انه ياكل معك اكثر من انه ياكل من اكله فا بالتالي جيبي صحنك و كلي قدامه و جيبي صحنه و دخلي ملعقتك بصحنه و اعطيه بتلاقيه اكل مفكر انه ياكل من اكلك اذا يحب السيريلاك .. ممكن تضيفيه على الخضار المهروسه فا يعجبه و ياكل احيانا كمان ابني ما بيرضى ياكل .. فا بجيب حد يضحكه و كل ما فتح فمه احط له لقمه :) او بضل اجري وراه طيارة طياارة :) .. المهم تحايلي عليه يمكن بعض اساليبي غلط بس لاااازم نسوي اي شي عشان نأكلهم :) .... [QUOTE]أضافة لأنه بيمص يده يعني يقبض يد ويدخلها بفمه ماقدرت أخليه يترك هالعاده خاااااايفه على أسنانه[/ QUOTE] جربتي تسوي شراب (جوارب) علي ايده ؟؟؟؟ |
مشاء اللع عليك يانورة خبيرة
انا ولدي بس الزبادي والسيلاك تعبني مايرضى ياكل |
دلووعة .. صعب تلاقي بيبي ياكل كل شي
بس للازم انتي وراه وراه لغاية ماياكل واذا ابنك يحب السريلاك .. اخلطي له خضار و حطي معاهم 3ملاعق كبيرة سيريلاك بيصير طعم الاكل سيريلاك و بياكله على الاقل نزيد القيمة الغذائية للسيريلاك اهم شي لا تشربيه حليب حليه يجوع و اعطيه الاكل ... بيبكي بالاول ومابيرضى ياكل خلييه يبكي ولو مارضي سيبيه و بعد شوي اعطيه يمكن مايرضى بس بالنهاية بيحرقه الجوع و ياكل .. الحكاية محتاجة شوية قوة قلب ... جربي كمان تفتي له خبز السليس بالحليب .. ابني ما ياكله الا اذا كان مفتوت بالشاي :) شفتي المزاج :) ... بس بالحليب صحي اكثر .. مرة خليت ابني مع جارتي حرمة كبيرة بالعمر و رجعت لقيتها تفت له بسكويت مع شاي و تعطيه وهو ماشاء الله عاجبه وبيني و بينكم خفت لايصير له شي بس قلت خليني اشوف ايش اللي بيصير :) اكثرها اسهال :) ... والحمدلله بسم الله ماشاءالله ولا صار فيه شي فا قالت لي جارتي عودي ابنك على كل شي عشان لا يتعبك بعدين .. لا تفتكروا ابني من النوع الاكول اللي اي شي اعطيه ياكل ... لا والله تاعبني زيكم بس بالحيلة اجيبه لو اضطرني اوقف به و اكله او اجري بعده لانه حركي ماشاء الله عليه واحيانا ااكله ب 3 ملاعق اتخيلو.. ساعة اجيب لع البلاستيك و بعدين وحدة صغيرة و بعدها الكبيرة عشان احسسه اني بعطيه اكل غير :) و ساعات بيدي .. الحين اعطيته الشولربة و مارضي ,,, فا بخليه على راحته يمكن شبعان بس لما احنا نتغدى بيبدأ المعركةة علينا ساعتها ااكله من اكله و كانه اكلنا سامحوني طولت عليكم .,, بس قلت يمكن تستفيدوا ولا شي .. اهم شي ما تفقدوا الصبر خلوكم وراهم ورااااهم لانه في هذا السن ماشاء الله تزيد حركتهم و يخسروا وزن فا لازم يعوضو الله يعينا عليهم يارب |
اقتباس:
اقتباس:
اعطيه البسكوت و الخبز و الكرواسون كمان مع الحليب و الشاي تلونيه بس حتىنعدل مزاجه بعد ما تسخنيه شوي سالت health visitor قالت اذاكاسترد او وبطريقه التغميس مو مشكل ياكل منه حتى لو كان 6 شهور و الاكل اكليه من اكلكم ما بقت علشهر وانتو قللو من البهارات في طبخكم سويله بيض امليت و حطي جبنه سلايس تذوب على حراره البيض بعد ما يستوي و عودوهم يجلسو بلكرسي و امامم الطبق ياكلو منه حطيله شرايح تفاح وو موز وعنب و زبيب ياكله باصابيعه و يحبو البسكوت الكاستردالي وسطه كريم يلحسو الكريم و ياكلوالبسكوت بعدين ويحبو الcheese puffs و pom bearو Quavers لا تتوقعي انه نفسه تنسد وما حياكل بلعكس معدته شوي شوي تتوسع وياكل ويتعود علاكل:26: كان لازم من عمر 9 شهور تعودوهم علاكل وتبداو من 4شهورتاكلوهم كل مااتاخرو بالاكل كل ما كان اكلهم متعب |
غربة حبيبتي تسلميي على النصايح الحلوة ..
بس للاسف ما اقدر اعطيه مثلا شرايح التفاح او اي شي صلب لانه لسه بلا اسنان فا بيختنق فيه ياما جربت و و اختنق عليا و سابت ركبي من الخوف كل اكله امه مفتوتتتت جدااو مطحون بالخلاط ... وانا فعلا بديت اعطيه من كل شي ناكله شوي شوي لما يتعود ... بس زي ماذكرت مابيجي لي الا بالحيلة الله يعين .. بس حكاية ابلبيض حلوة بكرة بجربها ان شاء الله تسلمي حبيبتي |
اقتباس:
ماأدري كيف أشكرك لكن ماأملك ألا أني أدعيلك الله يجزاك ألف خير وبوسيلي يوسف الله يحفظه لك ويرعاه الغربه مره أشكرك على الرد وان شاء الله أبدا أعود أبني من اليوم مع انه متأخر لكن التأخير كان بسببه لأنه ماتقبل شي الله يحفظلك أولادك ويرعاهم |
^
^ ^ :14::14::14::14::14::14::14: :22::22::22::22::22::22::22: بسم الله ماشاء الله .. تبارك الله .. مايطرح يسري يمري و مطرح ما يحط يعمر و يبني الف الحمدلله .. و ان شاء الله كدا يسمن و يربرب :) حلمي اشوف ابني مربرب :) ربي يحفظ اولادك من كل شر يااااارب |
السلام عليكم ام الامورة كيفك وحشتيني كتيييييير كيفك وكيف الامورة والامور،،،
انا حابه اشتكي من بنتي لاني اعتقد ان مافي احد مثلها ابدا،،، هي عمرها 9شهور ونص اول شي هي الحمدلله تزحف وتحاول تمسك الاشياء وتوقف،، وطلع لها سنين تحت وتحكي بابا وماما.. بس مشكلتها الكبيرة ماتاكل ابدا بس حليب،، ابتديت محاولات الاكل من عمر 6 شهور ولسه مو راضية تتعود عالاكل،، يعني كل يومين ممكن ترضى تحط لقمة بفمها،، ونص اللقمة تطلعها برا... ياريت لو تساعدوني لاني مسافرة بعد اسبوعين الاردن،، ومابدي تغلبني هناك سلامي لاخواتي نورا ودلوعه السعودية وعلامة الجودة وبوسلي البيبيات الحلوين |
وحشتيييينا يااانورة ارقام .. تذكري ايام التجمع الحلوة :) ...
ان شاء الله يارب تكوني و بنتك بالف خير ... جربي طريقة المرقة بالخضار والدجاج اللي عطيتها لام الامورة يمكن بنتك تحبها و تاكلها ... وسؤال عطيتك بنتك سيريلاك ؟؟؟ تحبه ؟؟؟ جربتي تعطيها بطاطا مهروسة بشوية زبدة مثلا ؟؟؟ بشكل عام بتعطيها اكل مغلي بس ولا من اكلكم ؟؟ |
هلا نورة ماشالله ابنك كبر الله يحميه. والله وحشتني ايام التجمع.
انا ابتديت أأكل بنتي لما صار عمرها 6 شهور،، اول شي اكلتها الكوسا المسلوفة المهروسة والبطاطا والبازيلا والجزر،، كانت طبيعي لمدة اسبوعين وفجأة صارت ماترضى تاكل ابدا ،، اكتشفت انها تسنن، وطلعوا هالسنين اللي تحت .. هي الحين عمرها 9شهور ومن وقتها ماتاكل ابدا... حتى اني اعطيها فواكة مهروسة ماترضى.. مرات تاكل لقمتين من اكلنا وبعدين تبدى تطلع الاكل من فمها.. حاولت اجوعها بس بنتي عنيدة وماترضى تفضل تبكي لحد ماترضع.. بالنسبة للسيريلاك ماتحبه وانا دايما اكله عنها.. جبت لها اكثر من نوع واكثر من ماركة وما حبتهم اسفة طولت عليكي بس لاني من جد خايفة عليها تضعف |
نورة86 عنجد اشتئنالك كتييييييييير ... وما شاءالله سارة صارت 9شهور ونص و كبرت يارا كمان 3 ايام بتصير 10 شهور الله يحميهم ..
جربي طعميها بطاطا مشوية بالفرن رح تحبه و جيبي شغلات هي بتحبها متل بسكوت الأطفال او الشبس السهل البلع( الذرة المنفوخة) طعميها حبة و من بعدها بتصير تفتح تمها على اساس انك رح اطعميها شبس وانتي بوقتها طعميها معلقة أكل او ممكن تخلطيلها الأكل بالروب(اللبن) لو بتحبه ... انا صرت أطعمي يارا أوقات من أكلنا بس بحاول اني ما كتر بهارات لانه عنجد انا من ورا أكلهم والجاج المطحون صرت أكره الأكل كأني عم بتوحم بكره اشوف الأكل ... اوقات لما اكون عاملة كوسا محشي بهرسلها وحدي بالشوكة و بطعميها ... هم هيك بكونوا بالأول بحبوا الأكل و فجأة شهيتهم بتقل و بصيروا متمردين الله يحميها و توصلو على عمان بالسلامة ان شاءالله ... ان شاءالله انا مسافرة بشهر 7 على عمان لا تقطعينا .. |
آآآآآآخ لاتشكي لي أبكـــــي لك ...
ولدي عمره 9شهور ومستحيل يأكل ... جربت أكل البيت يرفضه بتاتاً .. جبت المعلبات من الصيدليه جربر وهيرو ونفس الكلام واذا غصبته ودخلته في فمه من الصياح أستفرغها ... جربت تفاح ابشره يرفضه نهائي.. ولا أدري وش أسوي وأغلب الأكل ممنوع عنه علشان الأكزيما زي بطاطس ..قرع... سيريلاك ... زبادي ...موز ... حتى الزبادي بالنكهات ممنوع علشان المانجو .. الفراوله والله العظيم أثر على نفسيتي ونفسيته وكل من يشوفه يقول ولدك هزيل من الجوع وطول الوقت صياح ونزف من شدة الحكة... حتى صار له فترة وانتم بكرامه برازة أخضر .. وقال الطبيب أحتمال عنده نقص ... أرجوكم إذا عندكم حل فكرة أنقذوني وأنقذوه .. عفواً قلبت الموضوع فضفضة |
نورا 86 أهلين حبيبتي والله وحشتيني كيفك وكيف الأموره الله يحفظها نفس حالة أبني لما بأعطيه أكله جديده بيتقبلها بالاول وبعدين يرجع يرفضها الله يعيننا عليهم وابني ضعف كثير لأنه ريرفض الأكل مالقيت معاه حل
حرم المعلم نفس الحاله توقعت مافيه أحد مثل أبني لكن طلعوا كثير ألي زيه وكمل سنه ألحين وعلى نفس الحال الله يصبرنا عليهم |
| الساعة الآن 01:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©