|
زوجي لا يحسسني بأهميتي عنده
السلام عليكم .. انا بصراحه كان ودي من فتره ادخل هنـا واقول اللي عندي بس كله خايفه زوجي بالصدفه يقرا موضوعي وينجرح ,, لكن باحاول اقول موضوعي .. مع الحرص ع ابقاء بعض الاساسيات مبهمه .. اكثر من عشر سنوات وانا مسميه له .. قبل اربع سنين لبست الدبله قبل 3 سنوات ملكت قبل سنه وسبع شهور تزوجت ... مراح افصل كثير اعذروني .. ولن اتكلم في الماضي .. او كيف كانت فتره الخطوبه ... ولكن احب اقولكم انوهـ الزواج كان اختيار الاهل فقط .. مع علمهم اني مااااااااااااحبه ... اللي ذابحني .. مافي توافق .. تفكيره غير تفكيري .. تعبيره عن الحب .. ( ابدا ابدا مايوصل لاحساسي ) مايعرف يتعامل ويا بنت .. مايعرف يحسس بنت ( ان هي اهم شي بحياته .. ان هي محط انظاره كل ثانيه ) انا بنت تربيت في اسرة متماسكه .. قويه .. حساسه .. عاطفيه .. زوجي للاسف .. احسه بعض الاحيان مجرد من العواطف < مع انه يقول يحبني .. مااخفيكم اني مقصره وياه من ناحية كلام الحب وغيره .. ولكن صدوقني .. ماانلام انسان ماحسسني بقيمتي عنده .. شلون احبه ؟ شلون ابادله هالشي ؟؟ بالمختصر ( انسان مايعرف يخلي المره تحبه تفكر فيه تتعلق بيه ) حياتي ممله .. فراغ كبير .. سوالف ..معدومه ( مع اني كثيره هذره ) لكن وياه لا ليش .. لانه يعتبر سوالفي تافهه .. انكت << مايجامل بضحكه ( يقول ماتضحك وش اسوي لك ) انا بنت .. ابي انسان يحسسني اني كل شي بحياته اني اول واخر اهتماماته .. اني حبيبته .. عمره .. حياته .. اخته . امه .. ابوهـ .. صديقه .. كل دنيته .. كل هذا مفتقدته .. ولا اخفيكم .. دايم اقارن بينه وبين ابوي .. في معاملته لي .. شتان بينهم .. احس مرات اني ندمانه اني متزوجته .. هو طيب وحنون .. ويحبني .. لكن وش ينفع الحب والحنان والعطف اذا كان في القلب بس ابي احس بذا كله .. ودي انسان يحتضني .. باحساسه .. ( مااخفيكم اني قليلة المعاشره وياه في السرير ) اكره اني اكون مهمه فقط بالسرير ودي يعرف اهميتي في حياته ايضا .. بصراحه تعبت .. تعبت .. احس اني كبرت عشرين سنه قدام خلال هالسنه والنص اللي تزوجتها .. حياتي عديمة الاحساس .. مالها طعم .. ( صدقوني ماني محتاجة حب كثر ماني محتاجة شخص يهتم فيني ويفهمني ) الطلاق مشكله .. ادري ماهو الحل الصحيح ( مع اني افكر فيه دوم ) ابي انسان يحس فيني .. زوجي يفكر الحب انه يقولي حبيني واحبه خلاص .. اقوله انت باسلوبك خلني احبك .. بأسلوبك تقدر تخليني اتعلق فيك .. عصبي عصبي لدرجة يجرحني يبكيني .. نتهاوش كل يوم تقريبا ع اسباب تافهه ( حتى الطفل مايهتم فيها ) للاسف زوجي مستعد يعصب دبي النمل .. احس ساعات انه يفكرني ولد عايش وياه مب بنت .. انا حساسه .. طيبه .. ( محتاجة انسان يفجر الاحساس اللي بداخلي ) لكن للاسف زوجي يجهل هالشي انا شخصيتي قووويه .. حكيمه .. اوزن الامور .. لكن خايفه ان الشيطان يلعب بعقلي ( لاني من جد محتاجة انسان يفهمني ) تايهه وخايفه .. تم تعديل العنوان الإشراف |
اذا ما تقدرين تواجهي زوجك بهذا الكلام اللي قلتيه لنا .. الحل انك تكتبيه في رساله و تضعينها في السياره او على مكتبه او في جيب ملابسه عشان يقراها .. سؤال هل زوجك يضربك او بخيل او اخلاقه سيئه معك ؟؟ ليش علاقتكم الحميمه قليله .. هل انت التي تمتنعين عنه او هو الذي لا يبادر ؟؟؟ انتو الاثنين متوترين عشان كذا دايم تتخانقون مع بعض .. هل عندك طفل او حامل ؟؟ هل عندك فكره عن بوصلة الشخصيه و نمط شخصية زوجك ؟؟؟ ابعدي الطلاق من تفكيرك اختي ... |
اقتباس:
غصب علي وربي :) |
نصيحه لك يا اختي لا تحملي دام انك مو مستقره في حياتك .. اجلي مسألة الحمل لحد ما تتأكدي انك http://www.66n.com/forums/showthread.php?t=167809ممكن تقدري تواصلي حياتك مع زوجك ... بعدين يا اختي فكرة ارسال رساله للزوج تفيد في حالة الازواج العصبيين اللي ما يسمعون زوجاتهم .. ارسلي رساله يا اختي اكتبي فيها كل مشاعرك .. ما راح تخسري شي .. بالنسبه لبوصلة الشخصيه شكلك ما عندك فكره عنها .. فمعرفة نمط شخصية زوجك راح يفيدك جدا .. ادخلي على هذا الرابط واقرأيه بتمعن و جاوبي على الاسئله واذا ما عرفتي راح اساعدك ... |
نفس الكلام اللي كتبتيه هنا عدلي فيه وارسليه له صدقيني مافي الا هذه الطريقة كبداية ...
ولاتنسي اختي دايما الدعاء والاستغفار التقرب الى الله يريح النفس لاتجلسي لوساوس الشيطان ورددي (اللهم سخر لي زوجي واجعله سكنا لي وسخرني له واجعلني سكنا له واجعل بيننا مودة ورحمة ) |
عليك بالدعاء اولا ,تقربي لزوجك حبه حبه زي ما يقولون وبالشيء اللى هو يحبه
ولا تيأسين منه ابدا وحاولي بالتوفيق |
انا رايي انك ما تكبري الموضوع...و حرصك انه ما يقرا الموضوع بالصدفة في البداية عشان ما ينجرح دليل على انك تعزينه. حاولي انك تنمين معزتك له لحد ما يصير حب. انت تقولين انك حكيمة ، يعني قدها و قدود..صدقيني في أزواج اسوأ من زوجك مليون مرة و انت تقولين ان زوجك طيب و حنون....يعني حراااام تخسرينه..وااايد ازواج اسلوبهم جاف و في من أقاربنا نموذج من هالنوع جاف مع زوجته و بناته بس زوجته عرفت تحط حد لهالموضوع و لينت قلبه و صار ما يقدر يعيش يوم واحد اذا زوجته زعلانه...سمعيه انت كلام حلو ، احضنيه و بادري دايما و لا تيأسين و ان شاء الله ما بتصير الأمور الا مثل ما انت تبغينها...لكن لا تفكرين و لو دقيقة وحدة في الطلاق لأن حسب كلامك ما فيه سبب يستاهل.... |
اقتباس:
ماهذا الكلام الفارغ لماذا تتعمقون في الأشياء إلى هذه الدرجة يعني الزوجة هي كل شيئ في حياة الرجل ولماذا |
اقتباس:
والله ياختي اني اتعالج ( عشان ابي احمل ) ساعات قول خيره .. اني للان ماحملت .. اما بالنسبه للرساله ( مشكلتي استحي من ذي الطرق ) او بالاصح احب اقول الكلام وجه لوجه بس بعد استحي ابدا بوهـ |
اقتباس:
تدرين يا اختي ان المشكله مو في زوجك .. المشكله فيك انت .. واضح انك انسانه رومانسيه حالمه لا انت اللي قابله تكتبي له رساله و تبيني له كل مشاعرك على قولتك تستحين .. و لا انت اللي قادره تواجينه !!! ..و تبغين زوجك يقرأ افكارك و يعلم الغيب بدون ما تتكلمين .. و بعدين تتهمينه انه جاف و لا يشعر بك .. اختي اصحي من احلامك و عيشي الواقع .. الحياه الزوجيه مو كلها رومانسيه و حب و غرام .. العلاقات تتطور و تنضج بعد الزواج .. الزواج اكثر هدوء مقارنة بفترة الخطوبه .. اختي زوجك يحبك لكن بطريقته هو .. بعدين ليه تقارنين بين زوجك ووالدك ؟؟ كل واحد يختلف عن الاخر .. لذا انا قلت لك ادخلي على موضوع بوصلة الشخصيه و اعملي الاختبار لتعرفي نمط شخصية زوجك فهذا راح يريحك كثيرا ... |
اقتباس:
نفس الكلام اللي في خاطري اقوله لك يا اختي فوقي من احلام اليقظة اللي عايشة فيها لايصدمك الواقع وتعيشي تعيسة والاحلام بيدنا نصنعها ونحققها ( اللي نقدر عليه طبعا ) يعني بيدك انتي كل شي ... |
اقتباس:
لا وربي ماني رومانسيه ولاني من البنات اللي يعيشن ع الاحلام .. بس احب يكون بيني وبين زوجي ارتباط روحي وفكري . محب تكون العلاقه مجرد رابط اجتماعي والسلام ... يعني انا وزوجي مره مره بعااد عن بعض مااتتوقعون شقد |
اختي يا رب الصبر هذه للمره الثالثه و الاخيره اقول لك : ادخلي على رابط ( بوصلة الشخصيه ) عشان تعرفي نمط شخصية زوجك او اصبري على وضعك بدون ما تتذمرين و تتشكين ... |
الله يعينــك حبيبتـــي00اذا تعـــرفي فـــي الشخصـــــــيات احـــــس ان زوجــــك جنـــــــوبي000 يعنـــــــي طبيعتـــــه بــــاارد ولكنـــــــــه حساااااس00فياليــــــــت تتاكـــــــــدي من شخصيـــــــــته عشــــان نقـــــــــدر نســــاعدك اكثــــر000علــــى العمـــــوم ان كـــــان جنـــــــــوبي فانتبهــــــي تظهــــــــري له ان شخصيتـــــــــك قويـــــــــه لان طبيعــــــــة الرجـــــــــل الجنـــــــــوبي ينفـــــــــر من المــــــــراه القــــوية حــــــاولي تبينــــــــي ضعفـــــــك وحــــــــاجتك له لاتقــــــــولي مااقـــــــــدر او استحــــــــي00حبيبتـــي هــــذا زوجـــــك وسكـــــــن لك واذا مـــــــا فهمتيــــــــــه اللي تبغيــــــــــه مـــا حيعـــــرف من نفســـــه لانو ببســــــاطه تفكيـــــــــره غيــــــــــر تفكيـــــــــرك وحختصــــرها لكــي انتــــــــي امـــــراه(عـــــاطفية وحـــــالمة)000وهــــو رجــــل(جـــاد وعمــــلي)000 فتعبيـــــــرك عن الحـــــب والاهتمــــــــام غـــــــير تعبيــــــــره0000 ولاتفـــــــــكري ابـــــــداً بالطـــــــــلاق انتــــــي فبـــــــداية حيــــــــاتك وطبيـــــــــعي انكم مـــــــافهمتـــم بعــــــــض000ونصــــــــيحتي لكي اجلســــــــي مـــــع زوجـــــــك جلســــــه هــــااااديه ورررررايقه(اهـــم شي بـــــــدون نــــــــرفزة وعصبيـــــــــة) وقــــــــولي له انــــــك تحبيـــــــــــــه وتغليــــه وتتمنـــــــــي انــك تعيـــــــــشي معــــــــاه مرتــــــــاحه وبعــــــــدين وظحيـــــله الامــــــــــور اللي تهمـــــــك والامــــــور اللــــــي تضـــــايقك00ولازم تعــــــــــرفي ان الـــــــرجل يحتـــــــاج انو توضحــــــــيله ان الاموراللي تضــايقك كـــذا وكــــذا000غيـــــــر كذا لـــوتستنــــــي لمـــية سنــــــــة ما حيفهمــــكي من نفســـــه لان بنظـــره طـــالمــــــا انــــو يصــــــرف عليـــــــــكي وياكـــــــلك ويشـــــــربك فهـــــو مــــو مقصــــــر00 بالعكـــــــــس حيشــــــوفك انتـــــــي نكـــــــــدية ومـــــــاتقــــــــدري اللـــــــي يســــــويه 000 ومـــــــاتلوميـــــه لان اغـــــــــلب الرجـــــال كــــذا تفكـــــــــيرهم0000 وبالتـــــــــوفيق0000 |
والله كأنك تتكلمين عن مشكلتي؟
حياتي ممله ولا بينا توافق هو دايماً عالصامت’’’’’(وين هدرته أيام الخطوبه) لا رومنسيه ولا ذوق صح طيب مو عصبي ’’’’’ بس جلف وياما أرسله وأسويله مفاجئات أحاول أغير الروتين وهوه مكانك قف؟ الحال من بعضه ياأختي مالنا الا الصبر ويارب يعوضنا الجنه |
اقتباس:
ابشري من عيوني |
اقتباس:
فديتك وربي كلامتك دخل قلبي بسرعه .. وصحيح زي ماقلتي زوجي بارد عملي جاد |
| الساعة الآن 04:59 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©