|
كيف اوصل لجارتي رسالة تقول ( انا لست هبلة)
السلام عليكم ورحمة الله و بركاته ،،،
لي جارة مضيفة طيران بتسافر طبعا دول اجنبية و عربية وكل مكان المهم انو هية مثل كل المضيفات بتجيب اشياء حلوة وبتتاجر فيها وبتكسب من وراها من يوم مسمعت عن المضيفات وهما هيك طيب حلال عليها والف مبروك ماقلنا اشي انا احيانا بوصيها على اشياء او هية ان كانت برة وشافت شي حلو بتتصل فية تخبرني يعني والله اعلم مش لسواد عيوني يمكن بتكسب من ورايا يعني مفروض اني جارتها وماتعاملني هيك لكن حلال عليها ومش مشكلة راضية تتاجر معي الله اعلم انا بس بتوقع هيك لانو يعني مابظن انو هية حتعاملني غير شكل بس لاني جارتها صحيح علاقتي معها جيدة علاقة جيرة يعني لكن انا بحس من كلامها انها بتحب تربح وهيك انا استشفيت هالاشي من طريقة كلامها مثال بتقول انها بتختبر الشغالة وبترمي الها فلوس تحت السرير لتشوف امانتها ولما تجيبها الها بتعرف انها امينة بقلها حرام اعطيها اياهم بتقول ليش انا اشتغل واتعب واعطي الشغالة يعني بس نحكي عن امور النقود والعمل وهيك بحس انو بتعز القرش تبعها وبعز عليها تعبها وانو مابتفرط باي مكسب انا هيك حسيت والله اعلم وحتى لو هيك حقها بس انا الي شاغلني اني احيانا بحس انها بتستغلني مابدي اظلمها لكن انا خايفة تكون هيك حتقولو شو الدليل مثلا مرة وصيتها على شيء تجميلي كل علمي انو مش هالسعر الكتير يعني 20 او 30 $ احضرت واحد لكن ماركة غير ب75$ احضرتو من فرانكفورت في المانيا(بس عشان لو حد عندو علم بالاسعار هناك اعرف الحقيقة) المهم انصدمت بس اخدتو لانو جابتو على اسمي يعني مش معقول اقلها بديش اياه بعدين ماارتحت للموضوع فتشت بالنت وجدت انو سعرو حوالين ال20$ تقريبا طيب بدها تربح تعطيني اياه ب 40$ يعني الضعف بس 75 $ !!! اليست مصيبة لكن احسنت النية وقلت يمكن البلد هناك غالية ويمكن اسعار النت ارخص بالعادة وطنشتها ومشيتها قبل عدة ايام وصيتها على منتج وعشان ماتضحك علية شفت سعرو عالنت ولاقيتو 15$ من هبلي قلتلها هوة سعرو 15 (قال يعني عشان ماتضحك علية بس كان مفروض مااقلها واشوف بكم حتجيبو) المهم انها اتصلت من بريطانيا وقالت انها مالاقتو الله اعلم مالاقتو فعلا ولا عشان لاقت حالها ماحتربح منو اشي الله اعلم المهم قالت انو هناك في محل عامل تخفيضات وهيك وصارت تقلي الاسعار اسعار جيدةة انا قلتلها اوكي جيبي كزا وكزا لاتتعدى اسعارو السعر الفلاني والفلاني عاساس انو ماتغشني لكن اكتشفت انو هالطريقة مالها فايدة برضو لانو كانت تقلي في كزا بسعر كزا هية ممكن تقلي هيك و تكون الشغلة ارخص ويعني تكزب بشان السعر وبتعطيني سعر رخيص وبتقول جواها يعني هالسعر حلو ومابتحلم فيه كان تكون الشغلة اصلا 5 $ ولكن تقلي 15 $ فالل15 بحد ذاتها قليلة وحقول جوايا الله ياسلام رخيص والله ولو قلتلها بدي لايتعا السعر الفلاني ممكن تجيب شغلة ارخص من هالسعر وتقلي هادا سعرو وتربح يعني مااستفدت اشي المهم رجعت وجابت الي وصيت عليه وشايلة تيكت السعر ولما فتشت النت عن هالماركة شفت انها ماركة حلوة ورخيصة جدا بنفس الوقت الاسعار الي عطتني اياها مش غالية لكن بالنسبة لهالماركة مفروض تكون ارخص من هيك يعني اعطتني اياهم بالاسعار التالية 20 و 30 $ حتقولو انو مش غالي طبعا مش غالي بس لما شفت الي زوار هداك المحل قالو انو تتراوح اسعارهم بين 5و و6 و 10 باوند يعني ارخص من السعر الي انا قلتو يعني لو الشغلة ب5 باوند معقول تروح تبيعلي اياه ب 30 دولار مع العلم الفرق بين الباوند والدولار مش شي مهم يعني 30 دولار قدام ال5 باوند كتير جدا قدها 5 مرات ولا مابعرف هالاسعار قديمة يمكن وزي مقلت انا ماعندي مانع تربح الشغلة ب 5 باوند تربخ فيها 5 باوند ولا 6 ايش يعني تبيعني اياها ب 30 دولار بس ببرضو خايفة اكون ظالماها ومسيئة النية فيها وعشان الي عايشين في بريطانيا الماركة الي بحكي عنها اسمها primark و الاغراض كلها حسيت السعر مبالغ فيه بالنسبة للغرض نفسو يعني اشياء جيدة ومعقولة فانا محتارة يعني خايفة تكون فاكراني جاية من الادغال لاني مابسافر كتير زيها بس شكلها نسيت اني جامعية ومثقفة اكتر منها (ما بشوف حالي عليها بس هية مامعها شهادة انما دورة لعمل المضيفات فقط) ويعني انا بشوف التلفزيون والعالم وعندي خلفية عن كل اشي واهلي مثقفين وزوقهم ماشاءالله عالي وبشوف النت وكل اشي ومش جاهلة ولا متخلفة ولا هبلة وبقدر اجيب سعر اي شي من النت بس هية فاكرة انو انا ماعمري شفت اشي ويعني مهجونة ولاشو بالزبط ويعني الحمدلله ذوقي راقي جدا بشهادة زوجي والجميع وعندي زوق في كل شي من ملابس و مكياج وديكور و بيتي بجنن ماشاءالله والكل بيقول عني مزوقة والكل بياخد رايي في هذه الامور ولو تيجي تتفرج عدولاب ملابسي حتشوف كل اشي راقي و زوق جدا (مابمدح نفسي) بس الخلاصة انا مش مهجونة ولا عمريش شايفة اشي وطول عمري مابلبس الا احسن واحلاى الاشياء من ايام بيت اهلي فليش ممكن تفكر حالها اشي غير شكل وتستهبلني بالشكل هادا المشكلة خايفة اكون ظالماها وانا مش عارفة كيف احسسها اني مش هبلة وبعرف وبشوف الدنيا زيها واكتر وكيف اوصللها رسالة انو انا مابنضحك علية وانومش هبلة وكيف المح الها بكل ماقلته لكن بدون ماخسرها او يصير بينا مشاكل بالنهاية بضل جارتي وانا مابحب اعمل عداوة مع احد ومش حابة اظلمها فحابة اوصللها كل هالكلام بحيث لو كنت ظالماها مااسيئ الها بشي ولا اجرح مشاعرها ولو كانت تستاهلو والاخت بتستغلني توصل الرسالة الها(مابعرف حاساها فاكراني غنية وقاعدة عبنك انا و زوجي ومش عارفة وين اودي فلوسي) وتفهمها بدون مشاكل ونضل جارات وحبايب اتمنى تكونو فهمتو علية ولو مافي طريقة لتوصيل هالحكي كيف ارفض عروضها ان اتصلت فية؟بس انا مش حابة هيك صراحة عشان مااكسفها وعشان الاسواق برة حلوة وممكن اجيب كتير اغراض غير متوفرة هنا وانا بنحرج ومابحب اكسف حد واقلو لا يعني مابحب اقول لا لاي حد :( بالنهاية عايزة امسك العصا من النص |
يااقلبي ياا ملووووكة ...
حبيت ارد عليك بخصوص ال primark هاي من ارخص المحلات هنا .. الاكسسوارات ابدا ابدا ابدا ما تتعدى ال 5 باوند هذا لو هي غالية ولا بالعادة من 1 باوند او 2 عنددهم ميك اب .. بس برضوا ما تتعدى ال 3 باوتد الثياب.. في بلوزات من جنيه و في من 20 بس عادة حاجات ال 20 و ال30 بتكون الفساتين او الجواكيت روبات النوم 8 و البيجامات القطن من 6 و عاد ايام التخفيض كل شي بينزل... المهم اكيد هي بتربح و لها حق بس مش اكثر من الضعف و على فكرة السايح له الحق ياخذ فواتير المشتريات و يقدكها بالمطار و يرجعوا له ضريبة المشتريات اللي تبلغ 15% من السعر الاصلي فا اعتقد انها تستفيد من هذه النقطة المهم الحل اما انك ماعاد تطلبي متها طلبات و استخدمي الانترنت للشراء او تطلبي منها فاتورة بحجة تقدميها لزوجك عشان يعرف انتي وين تصرفي فلوسه :) |
سلامتك من الهبل يا ست الكل
الحل انك تشتري من النت وتستغني عن خدماتها وتبقى علاقتكم جيره وبس:) |
انا راي من راي نورة اذا قلتيلها ان زوجك يطلب الفواتير من باب انوا يريد يعرف وين بتصرفي فلوسك بتنحرج و اكيد بتعطيك اعتقد حل حلو ارميها على زوجك
و ما اعتقد هي راح تمانع |
انا مستغربة كيف هية بتبيعك الأشياء من دون ما تعطيكي الفاتورة اللي أخدتها من المحل
ما في محل هون الا بيعطي فاتورة بالمبلغ اللي اندفع لكل منتج اشتريتيه من عندهم انا لما أي حدا يوصيني من بلدي على شي بخلي السعر على الأغراض و ازا مو مكتوب باخد معي الفاتورة حتى ما يضيع لا حقي و لا حقوق الناس ماركة PRIMARK متل ما قالت نورة أسعارها أرخص أسعار بكل انكلترة لكن لو وصيتيها على أي ماركة عالمية من المكياج رح يكون سعرها هون أكتر من الانترنت و اكتر من البلاد العربية يعني ممكن ما تكون عم بتكذب لكن هذا اذا هية فعلا ماركات عالمية يعني الديور و اللانكم و غيرها بحكم وجود الضريبة و انك بتاخديها من محل أغلي بكتير من الانترنت مثال بسيط الاسبوع الماضي كنت بدي اشتري بارفان الإيوفوريا من CK كان سعرو بكل المحلات بالسوق 61 باوند بينما سعره على الانترنت 40 و سعره بالسوق الحرة السورية كمان رخيص متل الانترنت بالنسبة للباوند نزل كتير سعره و قرب لسعر الدولار شكلها عم بتحسبلك على اساس انه الباوند ضعفين الدولار (متل ما كان قبل سنتين ) استهبلي عليها و قوليلها الاسعار الجديدة و انا من رأيي اذا بدك شي من المكياج و العطور و أي شي ماركة عالمية لا توصيها على شي لأنه بأوروبا أغلى من البلاد العربية و ما تاخدي شي منها إلا بفاتورة او لا توصيها على شي |
اقتباس:
أحسن ما تفلسي زوجك على شي مو مستاهل صدقيني مع الوقت لو تحسبي كل الخسارات رح تكون كبيرة شي فوق شي بصير مبلغ كبير شي بيجمع !!! يا ريتني جارتك كنت أنا جبتلك :30: و دائما أشعريها انك حريصة على القرش صحيح انه صعب لكن أحسن ما تخليها تستهبل عليكي |
ماله داعي تمدحي نفسك ياعمري
اخاف عليكي من الغرور .. اكتبي المشكلة الاساسية بعيد عن مدح الذات .. يعني ماله داعي سيرة الديكور والدولاب وكلام الناس عنك كان تقدري تختصري كل هالكلام بعبارة " وانا ولله الحمد أميز الأشياء الحلوة وانتقيها بشهادة من حولي " عموما على قولة إخواننا المصريين بين البايع والشاري يفتح الله .. اذا ما ارتحتي في التعامل معاها ماله داعي تشتري منها .. واذا سألتك عن السبب قوليلها الأسعار جدااا غالية .. وهي راح تفهم .. لك فااائق ودي واحترامي .. |
اخواتي الكريمات شكرا الكو ولتفاعلكو معي بارك الله فيكم كلامكو منطقي وعين العقل
بس بالنسبة للفاتورة مابعتقد اطلب ويعني اكيد وطبيعي انها ماتعطيني اياها قصدي قبل مااكتبلكو هالموضوع هية هبلة تعطيني الفاتورة وانا ماعندي مانع تربح بس من غير نصب والله اعلم ماريا هية اليوم كانت عندي وجابت سيرة الباوند وفعلا زي متقولي مابعرف عن شو كانت بتحكي اه عن انو كل متسافر بلد بتطلع معها فرق العملة اثناء الصرافة بحيث انو بتخسر فبتقول بتصرف ال100$ بروحو طالعين الها 60 $ شكلو عالسعر القديم عنجد؟!!! اما اخت شعاع من نور يعني مافي داعي لكلامك الي قلتيه في البداية والجملة الي قلتيها كان ممكن احكيها فعلا لكن انا خانني التعبير وحبيت اشرح لحتى اوصل الفكرة تماما اما انا يصيبني الغرور من شو ؟اناعارفة قدر نفسي ومش محتاجة امدحها بدافع المدح بعدين ماعندي خلل في الاتزان لحتى انغر واشوف نفسي في موضوع عالانرنت يعني ماحد بعرفني !!! كان ممكن اسلوب الطف لوسمحتي وشكرا لردك الكريم |
اهلين حبيبتي ملك
والله ما عندي فكرة عن هده الماركة بس حبيت اسلم عليكي واقلك اني اشتقتلك كثير يا احلى ملوكة :) |
ماشاءالله الاخوات لم يقصروا ابدا ... وفعلا الماركة التي ذكرتيها
رخيصة جدا بالنسبة للماركات الاخرى ... والحمدلله انك انتبهتِ ولم تتورطي اكثر انا فعلا من رايي ان تتوقفي عن الطلب منها ... هي لا يهمها جيرتك وعلاقتك معها .... المهم بالنسبة لها الربح ... في هذه الايام ياغاليتي الكل يبحث عن مصلحته ... هذا ماشعرت به من خلال تعاملي مع الناس ... وفعلا تعلمي ان تقولي لا ولا داعي للخجل والحياء ... فبعض الناس يستغلون هذا الجانب وللاسف هذه الصفة موجودة بي ايضا ... لذلك صرت اكثر جرأة مع الناس .... لاحظي هي لم تستحي ولم تعمل اي حساب للعلاقة التي بينك وبينها ... فلم الخجل ؟؟ .... وياليتك جئتِ وسالتي ماشاء الله هنا اخوات يعيشون في بريطانيا او غيرها قبل ان تتورطي ...ذكرتني بصديقة لي عندما وصتني ذكرت لي سعر الحاجة التي كنت اريد ان اشتريها لها من البداية مع اني اصلا لست من النوع الذي يفكر بالربح ابدا ... انتبهي غاليتي ام فهد ... وفقك الله |
والله يا غاليتي
لم اقصد جرحك ولكن كلامك عن ذاتك يوحي لمن يقرأه بان الشخص الذي كتبه مغرور فحبيت انبهك فقط لاغير .. وانتي حرة .. .. الصراحة احيانا تزعل لكن لابد منها .. لك ودي وحترامي .. |
ليش مكبره المسئله
عادي قوليلها من باب الحديث بينكم انا دائما ً اتصفح النت عن اسعار كل ماركه احب اشتريها عشان ما انغش في سعرها لما اروح للسوق ولقيت في كثير ناس يغشوني لما اسئلهم عن اسعار الماركات عادي هما يكسبو ما عندي مانع بس لا يحاولو يغشوني لاني بسئل عن كل شئ بحب اشتريه .... هذه رساله واضحه تقول انك لست هبله وخليها تفهمها على كيفها |
ياقلبي انتي:26: لاعاد تحملي هم ببساطة لاتطلبي منها كما اشار عليك الكل.. وممكن تطلبي من الانترنت نفس الطلبات اللي هي بتوصلها لك.. وتقولي لها اخذتها بسعر كذا وكذا وكيف ياجارتي نصبوا عليك؟ اعملي حالك انك زعلانة عليها:25: وهي طبعا راح تحس بالاحراج وكذا تكوني وصلتي المعلومة,, وممكن انتي تطلبي من الموقع وتبيعي ارخص منها >> فتحت لك حيوزة باب تجارة ايش رايك:d ربي يسعدك |
اقتباس:
هية المفروض ما تخسر إلا بحالة وحدة انها مثلا راحت صرفت من الدولار للباوند و رجع زاد معها فلوس بالباوند رجعت صرفتهم دولار مرة تانية (لأن سعر الشراء غير سعر البيع و هذا شي بخسرها انها تبيع و تشتري كل مرة خاصة لما تبيع من العملة اللي نزل سعرها مقابل التانية ) خسارة 40 دولار مرة وحدة فيها مبالغة يعني ان كترت الـ100 رح تفرق معها حوالي 4 دولار من وين جابت الـ40 إلا اذا كانت بتصرف بكميات كبيرة و بطريقة غير مدروسة انها بتصرف كميات كبيرة للباوند و ما بتصرفهم بترجع بترجعهم دولار و هكذا كل سفرة و بكل سفرة عم بكون العملة اللي عم تبيعها خسرانة أمام التانية و هذا شي مستحيل لأنه العملات كل يوم سعرها شكل مرة بتربح مرة بتخسر بالعكس ممكن تربح لو شغلت مخها و المفروض انه عقلها أذكى من انه تخسر حالها كل مرة خاصة انه هية بتسافر دائماً ليش حتى تصرف كل مرة خلص تحتفظ بالعملة اللي معها كل ما رجعت للبلد بتستعملهم فليش حتى ترجع الباوند للدولار و ترجع تصرف الدولار باوند كل ما راحت لانكلترة ؟ |
مرحبا قلبي حبيت اعطيكي رايئ
لوفرضنا انها مو مظلومةمع اني متاكدة من الكلام انها غشاشة بس ياللة وانتي تقولي متعلمة ومثقفة ايش احوجك للبهدلة معاها حطي قروشك واطلبي من النت او اي مكان وانتي مرتاحة انا اشوفك مكبرة االسالفة وعندك الحل يعني ايش دخلك بيها سوا مع شغالتها او اي شئ لا تشتري منها وخلاص ريحي بالك انتي الي معورة راسك قوليلها ياجارتي مابدي اشتري بعد اليوم زوجي خاصمني ويقول اشيائك غالية وفي وحدة ثانية تبيع ارخص وممن هالكلام انتي مو مجبورة تشتري غصب او اذا تبي تشتري لا عاد تشتكي وسلامتك |
هلا ملوكه ...
لاتزعلي مني من جد ضحكتيني ... انتي مرة على نياتك تتوقعي انها تاخذ الضعف بس ... اجل كيف بتكون تاجرة .. شوفي حبيبتي ... هي بتطلع منك ومن غيرك ... مصاريف السفرة واسعار المواصلات واسعار المطاعم واسعار البضاعه اللي لوماباعتها بتستهلكها هي وتستعملها ....وبعد كل هذا بتطلع ربحها.... بحسبه بسيطه لازم تاخذ من 3 الى 4 اضعاف السعر ... التجارة شطارة... باختصااااااااااااااااااااار انتي غلطانه ....الاسواق عندنا مليانه من كل شي والماركات العالميه متوفرة بكثرة ... وان مرة مسكت معاكي على البضاعه المستورده اشتري من النت ... بصراحه اذا استمريتي معها فانتي بتثبتين لها انك من جد هبله ....وبشريني عنك... وتراكي مارديتي علي في موضوعك عن الكبسوله ؟؟؟؟ |
لا تطلبين منها
وفكي راسج من الصدعه |
حابه ا علق علموضوع
بس من ناحيه ثانيه اختي ملك اتركي هالانسانه ولا تروحي لها بعد اليوم عن أبي موسى الأشعري رضي الله عنه أن النبي صلى الله عليه وسلم قال: “إنما مثل الجليس الصالح وجليس السوء كحامل المسك ونافخ الكير، فحامل المسك إما أن يحذيك وإما ان تبتاع منه وإما أن تجد منه ريحاً طيبة ونافخ الكير إما أن يحرق ثيابك وإما أن تجد منه ريحاً منتنة” صدق رسول الله صلى الله عليه وسلم”. (رواه البخاري ومسلم) |
اخواتي اهلا انا اسفة للتاخير
اخت دلع دلال انا كمان اشتقتلك :) اما الاخوات الباقيات شكرا الكو ماريا شكرا كتير للشرح واكيد مش غبية في موضوع المصاري لانها لو تشوفيها مجنونة فلوس بطريقة مش طبيعية ازا كان عندها غرفة مليانة ملابس تخيلي غرفة بحالها حاطة كراتين مليانة ملابس واحذيه الله يعزك ماشاءالله تبارك الله الله يهنيها يارب بس مش عحساب الناس عيب عليها بس كنت بدي اوضحلك اديش بتحب الشرية واللبس والفلوس بشكل مش طبيعي الكل لاحظ عليها هيك راتبها اكتر من زوجها ولسة بتجري وراه بدها فلوس وازا زوجها عجبو شغلات من الي جايباها بدو يبعتها لاختو في بلد اخرى بتطالبه بحقها بالتمام والكمال زي الي بتبيعو للناس الي برة !!! حتى زوجها ماسلم منها ولما اقلها ليش هيك بتقلي نعم ليش انا اتعب واشتغل وابعت لاختو هدايا ببلاش !!! شو متوقعة تتعامل معي ؟؟؟؟؟ ويعني بصراحة اكيد ماعاد اتعامل معها حتى الي اسبوعين مطنشاها ولا بقرب ناحيتها بعدين صحيح التجارة شطارة بس في فرق بين الشطارة والنصب الي بربح من ورة الناس عدة اضعاف واحد نصاب وغشاش بيعطي البضاعة اكتر من حقها شكرا الكو ماعاد اطلب منها اشيييييي ابدا خلي بضاعتها الها احسن هديك المرة بفتش في دولابي بشوف بيجاما من نفس الماركة عارفين بكم شريتها من هون وهية استيراد كمان 10 دولار بس شايفين مش طبيعية ابدا الله يهديها اخت شعاع من النور الحقيقة مابتزعل الي بزعل انو انا مايكون قصدي وانفهم غلط وحضرتك فهمتيني غلط واني شايفة حالي بس انا يمكن بغط بالتعبير وبنفهم غلط لكن شوفي العضوات الي هون كلهم بعرفوني من زمان وعارفين اني مش هيك:) وشكرا الك وعلى مساهمتك ابل جرين شكرا الك انا رديت على موضوع الابرة روحي شوفي:) |
العين بالعين والسن بالسن والبادي اظلم
:
شوفي ياملوكة انا معاك انها حركة تعلي الضغط انا رايي امامك حل من الاثنين انك كل ماتتصل فيكي من برى تحكيلك عن منتج اعتذري بكل ادب اما لو كانت تجيب اشياء رائعة اسالي عن الشئ على النت قبل ماتقوليلها وكل مرة قوليلها على السعر انه هذا قيمته وانك اخبرتيها عشان التجار مايضحكو عليها :25::25: واخبريها ان لك قريبة احضرت نفس منتج كانت هي احضرته لكي سابقا ولكن قريبتك احضرته بسعر ارخص وانها ياحرام (جارتك) من طيبتها التجار احيانا يستغلو طيبتها ياحراااااااااااااااااام:d:d:d (كلام كانه حقيقي) وهي بصراحة ماتخجل تطالب بحقها عشان انتي تخجلي تطالبي بحقك كل ريال زوجك طالع عينه ياحرام فيه كلنا مغتربات وكلنا عارفين |
اشتري من السوق أو النت احسن .. يعني مافي داعي تتعبيها وبعدين تشكي فيها ..
|
ابو تريكة شكرا الك حبيبتي
لا خلص انا مش عايزة لااشتري منها ولا اشي لانو مابتجيب هالاشياء الرائعة عنجد يعني اشياء حلوة لكن هية بتجيب اغراض كتير للتجارة فاكيد بتجيب الرخيص عشان تقدر تغليه وتربح فيه يعني لو راحت جابت شي غالي وتغليه كمان ماحتلاقي حد يشتري اعتقد يعني الله يسهل عليها ويسامحها شكرا الك ام كريم شكرا لمشاركتك انا مابتعبها بالمرة هية الي بتتصل وبتكون في المحلات ورايحة تشتري حاجات الها وبتيجي عايزاني اشتري بالعافية شكرا الك عزيزتي |
والله ياقلبي انصحك لا تحكمي على الناس بسرعه وكون هي تزيد السعر هذا من حقها لانها تسافر بلاد عربيه واجنبيه وتجيب بضائع وتبيعها وما تجبر احد على انو يشتري وانتي ماتناسبك الاسعارها خلاص لاتشتري منها وريحي نفسك الاسواق ماخلت شيء او عن طريق النت اتسوقي .....
|
اختي ربانة اهلا فيكي:)
ماحد اعترض على حقها في المربح ولكن بامانة وليس بنصب يعني اسالك سؤال انت لو رحتي تشتري بلوزة محل محل وشريتيها ب 50 دولار وبطريقة ما اكتشفتي انو سعرها الاصلي 15$ كيف حيكون شعورك؟هل حتقولي من حقو الربح؟ اكيد من حقو الربح بس بما يرضي الله بما يناسب البضاعة و بمربح جيد وليس اضعاف اضعاف مضاعفة هادا الي زعلني وخلص ماحشتري منها شي إن شاء الله شكرا لمشاركتك |
بعدين اختي هية مابتسافر لتجيب بضاعة هية مضيفة وغصب عنها بتسافر شغلها يعني وفي فترة موعد بين الطيارة والاخرى بتنزل تسوق وتتفرج ما في الاسواق يعني مش انو نقول السفرة كلفتها لا مافي من هادا ابدا هيك بتروح وبطريقها بتشتري
|
أنا لو منك أكون ما أطلب منها أبدا تشتري أغراض...يا أختي دوري في المحلات و حتلاقي اللي بدك إياه...و لو ما لاقيتي الدنيا مش حتخرب.....والله الحق عليكي إنت سمحتيلها تستغلك.....خلاص اللي صار صار.....والله الفلوس اللي أخذتهم منك ما راح تتهنى فيهم.....الله إعوض عليكي...
sabra2009 |
اتركيها يا اختي
وخلي علاقتكم جيره وبس |
اختي صابرة شكرا الك والله يسامحها احسن ومن غيرها خلص ماعدت اتعامل معها
اخت ام الصقر هادا الي صار صارت علاقتنا جيرة بس شكرا الك وبارك الله لك لمرورك ومشاركتك |
يابنت الحلال ليش معذبه عمرك لاتشترين من عندها وخلاص!!
|
عذراً .. يُغلق الموضوع ..
|
| الساعة الآن 08:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©