|
هل من الممكن أن يصل الجفاء إلى هذا الحد
السلام عليكم ورحمة الله وبركاته مساء الخير للجميع اكتب هذا الموضوع لأن الموقف اللي تعرضت له ضايقني جداَ حصل بيني وبين سلفتي موقف بسيط اعتبره تافه لكن لم يحصل بيني وبينها اي كلام او خصام نهائي بس الموضوع والكلام كان بين زوجي وأخوه وطبعاَ كبرت السالفة شوي لانهم بصراحة غلطو في حقي المهم تقاطعنا ومن المفروض ما يصير هذا الشي بين الاقارب وخصوصاً بين الاخ وأخوه ويشهد الله اني ما احب اقاطع احد وياما تغاضيت عن أشياء كثيرة بس الشي زاد عن حده ! المهم يوم الجمعة طلعنا نتمشى انا وأسرتي مع الاجواء الجميلة عندنا وقدر الله وماشاء فعل حصل لنا حادث كانت نهايتي انا وزوجي وعيالي لولا لطف ربي العالمين مع القدر كان اللطف كان شيء مروع لاقصى حد من شاف سيارتنا قال ربي ستر عليكم الله لا يوري مسلم اللي شفناها انا واسرتي ما بقى احد الا اتصل فينا وزارنا وتحمد على سلامتنا الا اخو زوجي وزوجته بصراحة ما توقعنا انا وزوجي هذا الجفا واخذنا على خاطرنا منهم لهذه الدرجة وصلت القسوة في قلوب البشر ؟؟؟!!! حتى اقرب الناس يتخلى عنك في ظرف مثل هذا ؟ واحنا في بلد غربة ! هل انا مبالغة في كلامي وردة فعلي من تصرفهم ؟ بس حبيت أسأل اذا احد منكم تعرض اخ له او صديق لاقدر لاي ظرف مهما كان هل ستأخذه العزة ويقول امكن ما يرد علي او يحرجني انا عن نفسي الخبر راح افز له حتى لو انسان ما اعرفه كيف باقرب الناس ام انه يبادر وربما يكون هذا الظرف هو السبب لعودة المياة لمجاريها مثل ما يقولو ؟ بصراحة حبيت اكتب اللي داخلي لاني كنت مخنوقة وحابه اطلع اللي في قلبي والعذر منكم جميعاً اختكم الهدى 10 الإشراف : تم تعديل العنوان ليتضح المضمون . |
نقل إلى مكانه المناسب .
وفقكم الله . |
لا ماتوصل لهده الدرجه
|
شكراَ اختي ملاك الغربة |
في هالزمن والله بتوصل واكتر
حسب مبسمع في افظع من هيك احمدي الله انو سلمكو وخلص مابدك منة حد |
هلا اختي بصراحة اشوفك مكبرة الوضع كثير ومالة داعي امكن عندهم ظرف او شئ خليهم لين يتصلو باي وقت لو بعد سنة ووقتها عاتبيهم وجة لوجة ترى الدنيا ماتسوى عن نفسي صارت لي اشياء كثير واكبر بحياتي وربي مااشغل بالي واهتم بس اذا شفتهم وجها لوجة اذكرهم بالسالفة واسمع ردهم وتقبلي تحياتي
|
اقتباس:
الله يعينا على هالزمن اختي ملك شادي الله يسلمك من الشر |
اقتباس:
هلا اختي جبروت امرأءة معقولة انا مكبرة الموضوع ؟ اقولك اخوه من امه وابوه ما تحمد على سلامة بعد ما شفنا الموت بعيوننا !!! اذا الاخ ما سأل عن اخوه اش بقي في الدنيا ! والمسافة اللي تبعدنا عنهم كلها 5 دقايق بالسيارة على كل حال هذا رأيك وكل واحد له وجهة نظر امكن مثل ما تقولي انا مكبرة الموضوع شاكرة لك مرورك الطيب |
لا يا عزيزتي .... أنتي لم تكبري الموضوع ... موقف الأخ غريب بكل تأكيد ... وأياً كان سبب المشكلة فإن الأمر لا يصل إلى هذا الحد من التجاهل والقسوة.
ولكن ما الذي تستطعين فعله يا عزيزتي؟!!! الإنسان في النهاية يتصرف حسب أخلاقه وأصله وشعوره بالمسؤولية وتقديره للواجب والأصول .. فإن وجدتِ نفسكِ أمام شخص لا يقدر هذه الأمور فماذا في يدكِ؟!!!! على كل حال .. الدنيا دوارة كما يقولون ... وإن كان أخو زوجكِ غير مقدر لعمق علاقته بأخيه ولعظم المصاب الذي ألمّ بكم فليكن زوجكِ مقدراً لصلة رحمه فلا يقطعه بسبب تلك المشكلة أو هذا الموقف ... وليحتسب أجره عند الله. |
الحمد لله على سلامتك و سلامة اسرتك اختي العزيزه.. و ربي ما يريكم مكروه .. اختي الواحد في مثل هذه المواقف يبين معدنه ... و يبين اصله .. يعني لا تتعبي نفسك و تنقهري .. انكشفت نفسياتهم .... و تعاملي معهم بما يملي عليك ضميرك بدون من تخدشي كرامتك .. لكن انا ما أؤيد ان يتدخل الاخوان بين مشاكل السلفات لانها بكل تأكيد راح تكبر .. يفترض ان ازواجكم يقولون لكم اصطفلوا انتو الثنتين و لا تدخلونا بمشاكلكم ... وربي يهديكم .. |
لا حول ولا قوة إلا بالله
صحيح موقفهم يزعل والواحد يحط بخاطره لكن لا تضيقين صدرك زيادة تمر علينا مواقف نستغرب من سلوكيات اللي قدامنا ومرات حتى نشك بأنفسنا إننا يمكن سونا شيء غلط والحقيقة لا فقط تغير نفوسهم ربما لموقف أساؤا فهمه ولا كذا من حالهم لكن إن شاء الله ترجع الأمور بين الأخوان مثل أول وأحسن والحمد لله على سلامتكم بالمناسبة أعر ف أخوات من أم وأب صار لهم 5 سنين وزيادة ما يكلمون بعض متخاصمين الحمد لله الذي عافانا وكثير اللي حاول يصلح بينهم مافي فايدة يعني الدنيا بالرغم من وجود الناس الطيبين فيها بالمقابل تشوفين أشياء تروع الله يرحمنا برحمته |
اقتباس:
هلا اختي ام اتس اكيد وخاصة بين الاخوان شاكرة لك مرورك |
الا يوصل واكثر بعد ... قلوب صارت سوده ... لاحول ولا قوه الا بالله العلي العظيم ...
|
الحمدلله على سلامتك صدقيني اللي صار عادي ومن شاف مصيبةغيره هانت عليه مصيبتة انا اختي بنت امي وابوي مازارتني بالمستشفى لما تنومت الكل سال عني ماعداها وهي شقيقتي زعلت منها ابيها تعتذر طنشتني والى اليوم ما تسلم ولا تسال
|
الحمد لله على سلامتك غاليتي
تجاهلهم يحز بالنفس صحيح وما توصل لهالدرجة ولكن بسألك سؤال هل لاسمح الله لو تعرضتم لإصابات ولو خفيفة سيكون موقفهم سلبي كهذا الموقف ؟؟ لا أعتقد صدقيني والسبب ما أراه منك الآن من عدم تصديق لموقفهم وذلك لأن اعتقادك فيهم حسن المبرر الوحيد لمثل موقفهم هو اطمئنانهم أنكم بخير والحمد لله ولكن ما أثر في نفسك هو ذلك المنظر الفظيع أثناء الحادث والذي لم يشاهده سواكم .. أحسني الظن والتمسي لهم العذر الذي ذكرته لك ولا تنسي أن الشيطان حريص في هذه الفترة الحرجة أن يزيد حجم القطيعة تجاهلي الموقف الآن من أجل التقريب بين الأخوان ولا تنسي معاتبة سلفتك لاحقاً .. أصلح الله شأنكم وآلف بين قلوبكم .. |
اقتباس:
هلا فيك اختي مهره وانا قلت بعد يعني ماصار بيني شي عادي يحصل في كل الأسر بس ما يوصل انك ما تسال عن شقيقك وهو مر بظرف مو بسيط على قولك بعض الناس ما يعرفون كلمة واجب !! والله لو اقولك امكن ما تصدقي زوجي يقولي لما حصل الحادث وقفنا على جنب بالسيارة عشان ننتظر المرور والاسعاف قالي قلت في نفسي امكن هذا الحادث خيره من الله عشان نتصالح انا وياه بس حصل العكس و زادت الجفوة !!! شكرة لك مرورك العطر اختي مهره |
اقتباس:
الله يسلمك من الشر اختي اميرات انا من زمن وانا اتجاهل تصرفاتهم حتى في زيارتي لهم بس اقول ما عليه مهما كان مالنا غير بعض في هالغربة وتعلقي عيالي بعيال عمهم هو كان يصبرني صدقيني زوجي مايحب يدخل في مواضيع النسوان لكن الكلام اللي حصل وانقال هو خلاه يدخل بعد ما ارسل اخوه له مسج سخيف !!! الله يهدي الجميع وشكرة لك مرورك اختي أميرات |
اقتباس:
بالفعل الشخص لما يشوف تعامل الغير معاه يستغرب حتى يعيد حسباته امكن غلط او زل لسانه بكلمة لكن في النهاية ما بيدنا شي نسويه عشان نجبر احد يتعامل معنا بالطريقة اللي احنا نبيها مشكورة اختي على مرورك الطيب |
اقتباس:
اش نقول غير الله المستعان شاكرة مرورك العطر اختي هموووم |
اقتباس:
الله يسلمك من الشر اختي رواء اكيد يحز في النفس لانه اقرب الناس لك ولو كان انسان غريب ما راح تعتب عليه اقتباس:
سبحان الله اختي لازم احد منا يتكسر عشان اعرف كيف بتكون ردة فعلهم اقتباس:
انا للحين مو مصدقة انه حتى تلفون ما كلفو نفسهم ولا مواقفهم كثيره وانا عن نفسي خلاص شلتهم من القائمة لكن اللي كاسر خاطري زوجي وفي عيونه الف سؤال ؟؟؟ عن هذه القسوة والتجاهل !!!! الله يصلح شأن الجميع شاكرة مرورك العطر |
اقتباس:
الله يسلمك من كل شر اختي نداتي الله المستعان والله ما يدري اش يقول لما يوصل القطيعة لهذا الحد اونا اش اقول انا عادي اذا ما سألو عني لكن اللي قاهرني اخو زوجي يعني مثلك انت واختك اشقاء من وأب والله شي مؤسف شاكرة لك مرورك الطيب |
والله تحصل كثير ...انت ماتدري عن شعارهذا الزمن
أي نعم شي يحز في النفس بس إيش حتسوي غير إنك تتعاملي معاهم بأصلك وفصلك وتوصليهم بين فترة وفتره حتى لو ماحصلتي تجاوب منهم وتحثي زوجك على إنه يوصل أخوه مهما حدث بينهم من مشاكل فما بالك هذه مشاكل حريم يعني يالرجال خلوكم بره قوليلو إذا اخوك عقلو صغير وسوا اللي سواه فخليك انت أعقل منهم هذا اخوك من لحمك ودمك إذا ماحصلتو بالدنيا مابتحصلوا بالأخرة..... وخلي نيتك دائما لأي شي تعمليه معهم لله اياً كان نوعه .... والله يصلح الأحوال تحياااتي |
حبيبتي هو فعلا موقفهم مرة صعب وغريب جدا .... لكن ليه ماتحاولي تصلحي بينهم ولكي الاجر باذن الله ...
كلمي زوجته وقوليلها توقعتكم اول الناس تجوننا وتتصلون علينا ... او ارسل له رساله وقولي يااببو فلان احنا اهل وانت واخوك مالكم الابعض ... حاولي حبيبتي واحتسبي الاجر وان شاء الله بيبقى لك في عيالك ... حرام اخوان يتقاطعون ........ |
اقتباس:
هلا اختي سماسم انا عن نفسي ما راح اكذب واقول بروح لهم لانه صعب تجي عند الناس وهم ما يرغبو بوجودكٍ صدقيني صعبة جداً وزوجي دائماً اكلمه في هذا الموضوع واقوله هذا اخوك مهما كان اهم شي ما تتقاطعو بالرغم ان اخو زوجي ولد عمتي للعلم فقط!!! والله ما اكذب عليكم اني اتمنى انهم يتصالحو اليوم قبل بكرة بس اش نسوي انتي قلتيها شعار بعض البشر ((نعم يد بيد نحو القطيعة وقسوة القلب )) انسان انت تحاول بكل الطرق انك تتقرب منه وهو وهو يحاول العكس ليبعد عنك شاكرة لك مرورك اختي سماسم الله يصلح حال الامة |
الحمد لله على سلامتك ياعزيزتي
وبصراحة موقف يعلي الضغط وهذا هو الفرق بين ابن الاصول وبين اللئيم وصدقيني البعد عنهم غنيمة |
| الساعة الآن 09:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©