|
اذا المنفصل لم يتزوج بعد الانفصال كيف ترى طليقته حالته ؟
اذا الزوج لم يتزوج بعد انفصاله عن زوجته
كيف ترى زوجته حالته ؟ 1- انه يحبها 2- انه كره النساء 3- اهتم في عمله مع ذكر سبب الاختيار و وضع الحلول المفيده لاعاده المياه لمجاريها تم إعادة تعديل العنوان ليتضح المضمون الإشراف |
بعد اذنك ابغى اوجه لك سؤال
لماذا يهمك نظرة الطليقه لطليقها اذا كان الموضوع منتهي بينهم؟ |
اقتباس:
نفس السؤال الي في بالي :29: طلقتها خلاص مايهمك رأييها ولا تفكيرها الا اذا كانت هي طالبه الخلع الوضع مختلف تماما :25: |
وقد لا تفكر في طليقها اصلا ..و لا يهمها اخباره ... اهم شي انه اطلقها من سجنه واصبحت حره طليقه ... |
يمكن كل يوم بخطر ببالها فكرة من هالأفكار
حسب سبب الطلاق ممكن نرجح أحد الاسباب على الآخر لكن بشكل عام صعب نختار |
[info] عفواً يُنقل الموضوع إلى قسم المطلقات والأرامل والعوانس حيثُ مكانه الأنسب[/info]
|
إذا كانت حياة الزوجة تعيسة مع زوجها .. وإذا تعذبت على ما حصلت على الطلاق
راح تحس أنها تحررت من سجن .. ويمكن ما تفكر فيه خير شر .. أو يمكن إذا طرا على بالها تتحسف أنها كانت في يوم من الايام زوجة لذاك الرجل .. وتتمنى لو ما مرت بهذي التجربة القاسية في حياتها لأن الألم ما ينمحي بسهولة وتبقى آثاره طول العمر لكن إذا الزوج ما عذبها على ما طلقها وكان رحيم فيها .. كريم النفس طيب الخلق بس هي تطلقت لأنها ما حست بتوافق أو ما حبته يمكن إذا ما تزوج بعدها تفكر أنه ممكن تعقد من الزواج أو ممكن للحين يحبها بس شنو الفايدة من هالتفكير .. الحب من طرف واحد ما ينفع و يمكن تتمنا له أنه يتزوج وحدة تحبه وأن الله يعوظة عنها خير بحب جديد يملي قلبه وحياته |
ممكن تفول ماحدا رضي فيه لانو مطلق
|
ربما ان الانفصال هذا يكون انفصلا قويا بسبب الخلاف مما قد يؤثر على التفكير فلا تحدث رؤية من بعد هذا الانفصال يعني..بمجرد انفصالها عن طليقها تنسى كل شيء فلا تعيد التفكير فيه ابدا الا اذا كانت هي في الاصل تريده |
ما تفكر الا بحالها لانه كلمه الطلاق صعبه ولقب مطلقه قوي جدا
تحاول اعاده بناء نفسها و ان لها استقلاليه فما تعود تفكر الا انها تكون قويه و تنسى فعلا الماضي لا تعتقد ان الامر صعب ما في اسهل منه |
عن نفسي أبد ( أبدا) ما أفكر في طليقي حق شو ما صدقت أفتكيت منه ومن المشاكل بعد أفكر فيه أبد ومستحيل
عرس خطب ملج راح جاء شولي فيه رمى الكلمة خلاص صار ريال غريب |
اقتباس:
أتمنى لك التوفيق |
سوال مضحك
انا مع رأي الاخت اموت فيه ما صارو ليهتمو ببعض كل شي انتهى |
صج ما يكفيه إنه طلق بعد أسأل عنه
|
انا بغير السؤال،،،،،كانوا فقط منفصلين وليس مطلقين هذا كان قصدي بسؤالي اسف
|
كيف يعني منفصلين
يعني على ذمته بس هي بمكان وهو بمكان ؟ طيب ايش سبب الانفصال ؟ هل في نية طلاق ؟ أم منفصلين لسبب معين كالدراسة مثلا وبعدين رح يرجعوا لبعض ؟ اذا كان انفصال فقط بدون طلاق مع وجود نية الطلاق فمن الطبيعي ان لايتزوج حتى ينهي اموره مع زوجته الاولى |
اذا كانت الزوجه تريد الطلاق و زوجها رافض قد تتمنى ان يتزوج زوجها بامرأه اخرى عشان يلتهي بحياته الجديده و ينساها و ترتاح منه ... أو قد لا يهمها اذا تزوج او لا .. اهم شي انه يطلقها و ترتاح .. |
حسب شخصيتها ، و حسب حجم المشاكل و درجة الإيذاء إللي لحقت بها
أعتقد الاستعانة بحد قريب منها (ثقة) يعرف (حقيقة) مشاعرها و إمكانية قبولها للصلح ممكن يساعدك الله ييسر لكم إللي فيه الخير |
مممممممممم يمكن تعب من المشاكل وخايف يخطو خطوة بالزواج ........
|
انه يحبها
|
طالما ما طلقها يكفيها هذا الاثبات انه يحبهاا
حاول تصلح امورك مافي حرمة تبغى خراب بيتها الحرمة دايم متسامحة موووفق |
شنو الفايده اذا يحبها ومو قادر يغير رايها و فوق هذا اهلها بيطلقونها
|
اذا هو يحبها من جد يسحملها وفي النهايه حترجعله وما احلى الحب بعد الخصام
|
اقتباس:
هل تتحدث معها مباشرة ؟ وهل لمحت لها إنك ممكن تبدأ حياتك مع وحده ثانية ؟ و شو ردة فعلها بالضبط ؟ |
اقتباس:
للاسف لا يوجد اي اتصال بيننا واتوقع هي واهلها يبوني اصلا اتزوج عشان انشغل و اطلقها هذي اللي اتوقعه....يعني اهي ما راح يفرق معاها مثل ما اكثر من سنتين يعني خلاص قرار الطلاق ما في رجعه دام اهلها واقفين معاها على خراب بيتي |
اقتباس:
|
أخوي إذا أنت تحبها ومتأكد أنها تحبك بس الموضوع كرامه وشغلات زي كذا
تكلم مع أقرب شخص لها ويكون حكيم وثقه وخله يقنعها ونصيحه لاتقدم على زواج ثاني إلا وأنت متأكد أنك ماراح تظلم بنت الناس يعني موتاخذها وبعد شهر شهرين تقول عجزت احبها !! كيف نفسك قبل الإقدام على خطوه .. بصراحه أتمنى أن ربي يجمع شملك بزوجتك ويردها لك ردا" جميلا" مافيه أحلى من أول ذكرى بحياة كل شخص فينا لأنها محفوره بداخلنا حتى لو ادعينا شي ثاني إلا أن يشاء الله .. المهم 1- كلم شخص ثقه يحاول يرجع المياه لمجاريها 2- الدعاء والصدقه لهم مفعول عجيب ولاتنسى الاستغفار 3- خذ لك عمره وادعي ربي هناك بخيري الدنيا والاخره بما أنها مازالت زوجتك حاول تكلمها ووضح لها أنك شاريها وتعاهدو أن كل واحد يقوم بحق الثاني .. الله يوفقك ويكتب لك اللي فيه خير وصالح |
اطلب انك تقابلها وتكلمها خارج البيت وخذ تذكرتين سفر على اي بلد لمى يبعدون الاهل افضل خذها على احلى مصيف وعيشو شهر عسل ثاني ولاتخليها تكلم اهلها الابعد ماتحس انها موافقه وراضيه وصدقني انها تحبك بس لاتستخف بقوة الاهل
وسلام يعني اخطفها وسافر |
ندمان يمكن
|
اقتباس:
ياريت اقدر....انا بس ابي اقعد معاها واسمع منها وتسمعني....تدرين اني كتبت لها كل مشاعري ودزيته لها من فتره قريبه لكن لم ينفع معها |
ممكن اسال اش سبب الزعل القوي الي خلها ترفض حتى روئيت
مين الي غلطان فيكم |
دق باب بيتهم واطلب ابوها واطلب منه انك تجلس معها وارضيها بهديه معتبره
الله يجمعكم على خير ولكم دعواتنا بظهر الغيب |
اقتباس:
بصراحه انا الحين كلش مو متفائل....خاصه بعد محاولتي الاخيره معاهم...سويت كل شي في بالي عشان ترجع...بس للاسف محد وقف معاي من طرفهم ولا عطوني فرصه عشان زوجتي رافضه هذا الكلام اللي وصلني من اهلها انا ما كلمتها....ولا فوق هذا صارت مشكله وقطعوا ولدي عني وصارلي 3 اشهر ماشفته والحين ناطر المحكمه تحكملي برؤيه ولدي....يعني خلاص من طريقه تعاملهم يعني وصلنا للمحكمه واتوقع عن قريب راح يرفعون قضيه طلاق عشاني رافض اطلق |
تقدر تجلس قدام بيتهم لين ما تخرج وتشوفها او اطلبها لبيت الطاعه وبشرنا اذا صار معك شي
|
اقتباس:
طلع حكم المحكمه وباجر يوم الرؤيه بروح اخذه.....بس يوم....يالله الحمدالله على كل حال....خاصه اهم حرموني شوفته 3 شهور والحين غصبن عليهم اخذه |
اقتباس:
الحمد لله اخوي انك راح تشوف ابنك بعد طووول انتظار .. وان شاء الله يربى في حضنك و يكون بار فيك .. معلش اخوي انا ما عندي فكره عن امور الطلاق .. ولكن هل يستطيع القاضي ان يطلق زوجتك منك حتى لو كنت انت رافض طلاقها ؟؟؟ |
السلام
يارب ترجعون لبعض وتنسى الطلاق بسالك عن سؤال اميرات وارد عليك غدباذن الله يارب تصلح حالكم ولاتطلقون وتعيشون احلى عيشة |
غبت علينا ها رجعلك ابنك وزوجتك خبرنا اخبارك :25:
|
اقتباس:
ما ادري....بس اللي انا اعتقده انه عندنا حتى لو خلع لازم بموافقه الزوج بس مو متاكد....وانا ما علاي من عوار الراس الحين وقتها اذا صار وراحوا المحكمه راح اكلم القاضي وابينه اني شاري زوجتي ومستحيل اطلق |
اقتباس:
بس كلام قلبي غير ويقول اصبر عليها و الولد راح يكبر وهو بنفسه يجيلك |
| الساعة الآن 11:51 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©