الولاده بمركز حبيب الطبي ومستشفى المملكه
 

اختي الحبيب حسب مااعرف الى وقت قريب مافيه ولاده تراجعين عندهم ويولدونك في مستشفى ثاني

اما بخصوص مستشفى المملكه اناولدت فيه مرررررررررررره روعــــــــــــــــــــــــــــــــه يخلونك تنسى الالم من كثر اهتمامهم فيك

وان شاء الله اولد فيه مره ثانيه

تعبك راحه الدكتوره المناوبه تولدك بس اذا احتجات حالتك ممكن ينادون دكتورتك

غرفتهم مره حلوه مايدخل عليك الا المرافق اذا معك مرافق واذا بيفحصوك يسكره ستاره بينك وبين المرافق فيه تلفزيون ويشغلولك قنات الفجر قران

وخياطتهم مره مره روعه من جد

بخصوص الاسعار الظاهر 5000 الاف بس انا اخذت غرفه اكبر فدفعت اكثر

حتى الاكل يجيبو لك منيو تختارين الاكل الي يعجبك

بصراحه كانت تجربه ممتعه عندهم وان شاء الله اولد عندهم

اي سؤال انا حاضره

ابي دعوه حلوه منك

اضافه على كلام الاخت مشموشه

في مستشفى المملكه اذا كنتي حابه دكتورتك اللي تتابعي معاها حملك هي اللي تولدك لازم تدفعي رسوم اضافيه..

انا كنت بالبدايه مع الدكتوره فاطمه عسيري

وبسبب الزحمه وبعد المواعيد عن بعضها وانتي عارفه احيانا الحامل يطرا عليها شيء فجاه ويصير ضروري تشوف الدكتوره لكن بسبب الزحمه ما كان ينفع فحولت من عندها الى الدكتور عبدالكريم قرملي وتابعت معاه حملي الين وصلت الشهر الثامن وسافرت الى جده وولدت هناك..

متابعتي كانت بمستشفى المملكه لانه دكتوره فاطمه ودكتور عبدالكريم كانو اثنينهم هناك لكن الان للاسف طلعوا..

وزي ما قلتلك اذا كنتي حابه دكتورتك تولدك فيه ورقه لازم تعبيها ويحطوها بملفك عشان لو جاتك الولاده ويفتحو ملفك ويلقو الورقه على طول ينادو دكتورتك تجي حتى لو كانت ببيتها ... بس طبعا الحاجه هذي لها تكاليف حسب ما اعتقد 3000 الاف زياده او 5000 ماني متذكره.

الله يقومك بالسلامه..

انا ولدت برعايه الرياض

وماشاء جدا مريح وبوقت الولاده تلاقين الكل معاك
وزوجي كان داخل معاي بغرفه الولاده عادي
الا دكتورتي كانت عراقيه الله يسامحها ماشفتها الافي غرفه التنويم

انا كنت عند رباب وفي الشهر الثامن اخذت اجازه وحولوني لدكتوره تانيا تعاملها مره روعه

وبعدين مو لازم دكتورتك هي الي تولدك كلهم فيهم الخير والبركه

انا ولدت قبل 3 سنوات ماادري يمكن غيرو الاسعار

حبيبتي انا حامل توني واهلي يقولون لي روحي دله وانا ودي بالمملكه بما انك ولدتي عندهم

ممكن تقولين لي كيف الولاده والاسعار وكيف شكل غرفهم

تعبتك معي

الله يقومك بالسلامه ويرزقك بلي في بالك ويسخر لك زوجك

مشكوره حبيبتي عالمعلومات

دمتي بود

حبيبتي انا ولدت بدله من اربع سنوات و شوي عند ميساء وهي اخصائية مو استشارية

السعر كان 3600 بغرفه مشتركه و عشان دكتوره مو اخصائية ودفعت زياده عشان تصير غرفه لحالي ما اذكر كم وطلبت سرير مرافق بعد تدفعين و دفعت 500 ريال للدكتوره عشان تحضر الولاده

وصلت كلها 7000 تقريبا

وكنت طالبة ابرة الظهر بس ربي ما يسرها لي تاخر الدكتور وصار صعب اخذها و هي سعرها 1000 و شوي الظاهر

بصراحة غرفة الولاده كبيره مره و كان فيها مرايه قبالي ازعجتني

بس الحق ينقال الممرضات رائعات جدا و العنايه روعه و طبيب الاطفال يشيك على البيبي الصبح و يتصل

بالام يبلغها بوضع طفلها

والدكتوره وقت الخياطه ما حطت تخدير بنسبة عاليه لدرجة اني حسيت فيها وهذا جدا جدا جدا ضايقني

عشان كذا افكر اولد بحبيب او بدله بس عند دكتوره ثانيه

بالنسبة للملكة انا قريت بالنت ان فيه كم وحده بعد ولادتهم مالقوا لهم غرفه خاصه يطلعونهم عليها و خلوهم طول اليومين بغرفة الولاده وهذي مشكله كبيره طبعا

ولحد الان قاعده ادور على افضل الحلول والله يختار الخير

بالنسبة لمستشفى المملكة اختك مداومة في فترة حملها بشكل شبه يومي عندهم ولله الحمد

واغلب الاطباء مريت عليهم أو اجتمعوا سوا لمناقشة حملي ..

وبصراحة كل طبيب أحسن من الثاني ماشاء الله تبارك الله تعامل راقي وتفهم لحالة المريض والكاهل

التمريضي في المستشفى كذلك مميز ويلاقوا متابعة مستمرة من خدمة العملاء يعني أي شئ

مايعجبك بس تبلغي خدمة العملاء وهما يتصرفوا وطوال فترة التنويم يمروا عليك يسألوا عن رأيك

في التمريض اليوم ..

وبإمكانك إذا اقترب موعد ولادتك تطلبي منهم زيارة غرفة الولادة وراح تطلع معك ممرضة وتعرفك

على القسم والغرف فيه ومن ضمنها غرف الولادة وتعرفك على القابلات ..

غرفة الولادة غرفة واسعة فيها تلفزيون فيه قنوات اسلامية يتم تشغيلها لكِ .. وطبعا كل وسائل

تخفيف الألم متوفرة ..

وكل امرأة لها غرفة لوحدها لاتوجد غرف مشتركة سواء غرفة الولادة أو غرفة التنويم بعد الولادة ..

والاسعار الولادة الطبيعية بخمسة الآف ريال والقيصري بعشرة الآف ..

بالنسبة للخياطة والأمور هذه ليس لدي علم بها فولادتي كانت قيصرية ..

الحضانة .. قريبة من غرف التنويم في القسم والعاملات فيها حبوبات كثير ..

اسأله تعالى أن يتمم حملك على خير وأن يرزقك الذرية الصالحة ..

اهلين اختي احلى ايام

أنا كنت عند د . تانيا بعد كذا تركت المستشفى واستمريت عند د. كفاح .. والعملية عند د.عبدالكريم قرملي

ومريت على د. فاطمة دجاني و د. علاء الدين العامري ..

ومثل ماقلت لك جميعهم ماشاء الله متفهمين ورائعين

وغريبة متى تغيرت الاسعار أنا كلامي من حوالي ثمانية اشهر وكنت في المستشفى يوم الثلاثاء

الماضي وقرأت في نشره خاصة فيهم عن برنامج متابعة الحمل والولادة ونفس السعر اللي كتبته ..

ومشكلة الغرف ماواجهتني بالعكس كان كثير من الغرف شاغرة ..

واساسا لاتخافي حتى لو كان الكلام صحيح مع إني اشك فيه وكان فيه زحمة في غرف التنويم

اشوف عادي تبقي في غرفة الولادة لأنها بصراحة اوسع بكثير من غرف التنويم ومافيها شئ يخوف

أو يبين إنها خاصة بالولادة .. بالعكس حلوة ..

توكلي على الله والله يهون عليك وعلى كل الحوامل .