|
اكتشفت ان زوجي خطب وداعاً ياعشي الصغير
السلام عليكم ...انا عندي مشكله ومش لقيه لها حل ....انا قد سبق وكتبت لكم عن مشاكل تصير بيني وبين زوجي .. انا تعبت مليت مش عارفه ايش اسوي ماعندي احد غيركم بعد الله انا متزوجه واحد اكبر مني ب30سنه وانا متزوجته من اربع سنين وتزوجت وعمري16 والمشكله اني احبه حب جنوني وما استغني عنه ولو ما اشوفه او طلع من غير ما اضمه على صدري اقعد ابكي يعني تقدرون تقولون مشكلتي الرئيسيه رومنسيتي الزايده طول الوقت افكر فيه ومشتاقه له على طول بس حسيت انه بدا يطفش مني ويدق بكل كلمه اقولها ويدور الزله علي وانا عجزت ارضيه ماادري وش يبي ..حياتنا صارت جحيم كل يوم مشكله وقبل فتره اكتشفت انه خطب وحده علي وعمرها 47سنه يعني كبر امي ومدخنه بعد وعندها عيال متزوجين ويوم واجهته يقول نزوه وماكان جدي بالموضوع..وش رايكم ودايم يقول لي اتمنى لو اتزوج وحده عمرها 13 سنه ابغاء استانس فيها من غير ما افتح بكرتها .. اللي يشوف تصرفاته معي يقول اني عجوز وانا ماكملت 20 سنه من عمري وانا عندي ولد منه بس خلاص ماعاد فيني صبر اكثر ماعند فن التعامل مع المشاكل الزوجيه.واليوم كالعاده تهاوشنا وبعد ماهدت الاوضاع قلت له بروح لاهلي اغير جو وافق على طول وانا حجزت ذهاب بدون عوده وماعلمته لاني مقرره اني ماراح ارجع حتى هو يحجزلي ويقول ارجعي اشتقت لك بس شكله ماراح يشتاق لي ابد وان طابت نفسي منه... لاني حسيته يعتبرني مثل المرض المعدي حتى مايبغاني اقرب له او اكلمه ... انا في حيره من امري اكتب ودموعي على خدي واطالع لولدي واقول وش راح يكون ميصره ...تكفون ادعولي وانتظر الحلول.. واسفه على الاطاله
عفواً تم تعديل العنوان ليتضح المضمون الإشراف |
معقوله محد عنده حل لي ... طيب لودعوه منكم بتفريج همي
|
بحسبة بسيطة عرفت زوجك عمره 50 سنة، وتقولين إنه يتمنى واحدة عمرها 13 سنة يستأنس بيها،، اسمحيلي أقول رأي بدون ما تزعلين،، ها النسان مو طبيعي مريض
الله يستر علينا ويعينك،،،، وكمان في شي محيرني،، في واحدة في عمر الزهور توافق تأخذ واحد أكبرمنها ب30 سنة؟؟؟؟ لا وبعد مو عاجبه. حتى ما أتخيل اشلون تقدرين تدلعيه . لله في خلقه شؤون. |
اقتباس:
نصيحه خذيها مني رجعي لزوجك اذا كنتي تحبينه لكن عامليه بثقل شوي وتذكري انه الزوج هو شريك حياتك وليس حياتك كلها ! الحب اللي بقلبك كله بسبب الفراغ حاولي تشغلي نفسك بالقرآن بتربية ابنك تربيه صالحه بأي شي يشغل وقتك وصبري واحتسبي الاجر اللهم يسعدكم ويهديه يارب |
انا لما خطبني كنت صغيره وقال انه بيعيشني ملكه وبيدور فيني الدنيا وكلام كثير ... وانا وافقت محد نصحني وماكنت اعرف إيش يعني زوجه ثانيه كنت بهرب من حياتي امي مطلقها ابوي وانا عمري سنه ومااعرفها لانها عايشه خارج المملكه واخواني من ابوي قاسين مره وابوي كبير في السن وحسيت ان هذا الرجل هو النور اللي بشوف فيه الدنيا..وماكنت اعرف وش وراي ويوم خطبن.. نقص عمره 10 سنين وقال ان مامعه إالا زوجه وحده واكتشفت اني الرابعه وانا تعبت بصراحه وهو يقول ابغاكي ارض ماطيه يعني يبغني أهدء من الهدوء نفسه وكل شي حاضر يبغني زي المسكينه ومنكسره دائمن .. الله يصبرن بس وزيعوضني خير
|
عليكم السلام ورحمة الله وبركاته
عذراً .. يُنقل للقسم المناسب .. |
كان الله في عونك نصيحتي لك لا تتركي بيتك حفاظا عليه ومراعاة لولدك
زوجك هداه الله مزاجي والظاهر انه يريد الزواج مرة اخرى ولكن كيف سيفعل ذلك مادام متزوج من اربعة اي انه ربما يفكر في طلاق احدى زوجاته واعذريني هذا استهتار بنعم الله على عباده من قبل زوجك |
اختي قمورة
كان الله في عونك لا أنصحك بالطلاق طبعاً فكري جيداً و زيني الأمور بعقلك لا بعاطفتك لو تركك و راح خطب وحدة تانية حياتك عند أهلك هل هي أفضل ؟؟؟ و ما هو مصير الولد ؟ حاولي تضغطي على نفسك شوي ارجعي له لكن لا تتعاملي معه كما عودتيه في السابق كوني أكتر تمنعاً و اشغلي وقتك عنه بأي شي دورات دراسة حفظ قرآن زيارات تلفونات أي شي يشغلك عنه حتى لما يشعر بأنك بعدتي هو اللي يجي لعندك لا تخليه يشعر بالملل من علاقتكم و لا تخليه يشعر انك انتي اللي لازم تكوني مشتاقة و مشبعتيه كلام غزل و هو حارمك منه كوني رومانسية بالأورقات المناسبة و لا تزيدي الأمور فوق حدها الله يهدي زوجك و يوفقك و يصبرك يا رب |
ارجعي لبيتك يا اختي ما لك الا زوجك .. انت تزوجتي و خلاص .. كبير .. صغير الحين ما ينفع .. حافظي على بيتك عشان ابنك .. زوجك واضح انه يحب الحريم ولكن بالحلال .. انا اعرف انك لا زلت صغيره و لا عندك خبره في التعامل مع الزوج فما بالك و زوجك كبير الفرق بينكم 30 سنه ..يعني من الصعب انك توصلي الي متسوى تفكيره ففارق السن بينكم كبير جدا .. يعني لا ترمي نفسك عليه .. خير الامور الوسط .. بعض الازواج يمل من الزوجه اللصقه .. خفي شوي .. لا تتعاملي معه كمراهق .. تعاملي معه كرجل كبير .. واضح انه يريد امرأه ناضجه بدليل انه خطب امرأه كبيره و قريبه من سنه عشان تعرف كيف تتعامل معه .. اغلب الرجال يحلمون انهم يتزوجون امرأه صغيره في السن عشان يتمتعون معها .. لكن في الواقع يريدون امرأه كبيره ناضجه تفهمهم .. ارجعي يا اختي الي بيتك و اصبري للعل الله يفرجها عليك .. |
الله يعينك
ربما ما عندي حل لمشكلتك لكن بقولك اهتمي بنفسك ولا تخلين زوجك كل شيء في حياتك ولا أقصد إنك تقصرين عليه في شيء ولكن ما تخلينه الهواء اللي تتنفسيه ولا تنصدمين وتتأثرين كثير دامك الرابعة وخطب وحده كبيرة ومره يقول يبي وحده بسن 13 غريب وواضخ انه يحب الحريم وأربما من اللي يسمونه مزواج اشغلي وقت بالقرآن والله يجعلني واياك ممن يشغلون وقتهم فيه |
والله عزيزتي أنا أصغر منك وما أقدر أنصحك...
بس أحب أدعي لك بتفريج همك وأن يرد الله اليك زوجك ردا جميلا... تحياتي.. |
جزاكم الله خير ...بلنسبة للزوجتين اللي قبلي طلقهم بعد ماخذاني يعني مامعه إلا انا وزوجته الاولى الحين .. ومن ناحية انه يحب الحريم يحبهن بشغف وايضن من امنياته انه ياخذ وحده اجنبيه بس يخاف من الامراض ويبغها مسلمه... الله يكون في عوني
|
وانا ابغ انوه على حاجه ان السبب الرئسي للمشكله مش انه خطب هذا مشكله وراحت ..لكن تكرر انه يغى يتزوج من الامور اللي مسسببه لي قلق .. مع العلم ان كل الناس مستغربه كيف انا بهذا الادب والطول والاخلاق وبنت عائله كبيره ومعروفه اتزوج واحد متزوج والفرق في السن كبير كل من شافني استغرب بس كتبتة الله وش نقول إلا الحمد لله والشكر
|
الله يعينك اصبري و ارجعي ولا تندفعي بشعورك نحوه بقوة اثقلي وربي ابنك واذا استخدمتي اسلوب الثقل هو سوف يلزق فيك اسئلي مجرب والزمن كفيل بتعليمنا والله يسعدك ويوفقك ويبعد عنك كل مكروه
|
كان الله في عونك...
|
الله يكون بعونك حبيبتي زوجك عنده الزوجه لها اكسباير مده محددة ويشبع منها ويريد اجدد وهذا حال اغلب المتزوجين اكثر من زوجه
وبماانه شافك صغيره ووافقتي عليه طمع بالاصغر الله يسهل امرك |
جزاكم الله خير على تفاعلكم معي ومازلت انتظر المزيد منكم ... وارجو من الله ان يصبرني ويقدم اللي فيه الخير وان يرزقني الحكمه في التعامل معه
|
اعذريني لكن انا رأي غير كل اللي كاتبين وارى انك لا ترجعين له لانه انسان يجرى وراء رغباته وغير مقدر لك او لأبنه والحياه معاه ما راح تنتهي من المشاكل...واصلا فرق السن بينكم كبير جدا وعمره ما راح يتغير بعد ما وصل 50 سنه وهذا تفكيره..الله يعينك ويهديك للصواب
|
اللهم فرج همك
|
النصيحة اللى اقولها
ان تستخيرى قبل اتخاذ اى قرار لا سيما السفر او الرجوع او اى شىء اخر الله هو العالم بالغيب |
الله يكون في عونك اختي ويصبرك على هذا الزوج
ويصبر كل زوجه او زوج يعاني من مشاكل اسريه الله يكوووووووووون بعونكم قولو امين يارب العالمين |
يا اختى خفيفى شوية من اهتمامك وجميل جدا موضوع تغير الجو وان تذهبى الى اهلك فترة لانه يأجج الشوق ويزيد من اللهفه الخلاصة يا اختى الصغيرة بالعربى اثقلى شوية اجعليه هو من يجرى ورائك نسأل الله العظيم ان يألف بينكم ويجعلك قرة عين له ويجعله قرة عين لكى ويحفظ ابنكم ويرزقكم بالذرية الصالحة |
الله يعينك فرررررررررررق كبير بالسن
حاولي لاتتعلقين فيه كثير زي ماقالولك اشغلي نفسك باي شي |
الله يعينك الزوج كذا اذا اهتميتي فيه بزياده مل واذا اهملتيه تشكى خليك لا افراط ولا تفريط
|
حبيبتي الله يصبر قلبك موضوعك غريب لان بالعاده اللي في مثل حالتك هي اللي تنظر الى من هو شاب في سنها وليس زوجها الذي في الخمسين من عمره
شوفي يا حبيبتي نصيحتي ليكي انك لا تتصرفين بمفردك طالما لا فائده من كلامك ومحاولاتك معه فرأيي انك تخبري اهلك انهم يكلموه ويتصرفون معاه من الجائز انه يكون حاسس بالنقص لانك بعدك في عز شبابك وهو كبير في السن اياكي ان تتركيه بمفرده انتي بذلك تعوديه انه يعيش بمفرده وكذلك لازم يتحمل المسؤوليه معك خلي اهلك يتدخلون ان كان يريدك من اجلك انتي وولدك ارجعي له وعودي له ولكن بشرووط ان يلتزم بحياته معك او يتركك انتي وولدك ولكي الله وهوني على نفسك حبيبتي واشتكي الى الله والله ان رحمته واسعه جدا جدا وقولي له يا رب اني مضطره وادعيه من كل قلبك وانتي كلك ثقه فيه صدقيني ستجدين الخير قريبا باذن الله الله يحبب زوجك ليكي ويهديه ليكي يا رب |
| الساعة الآن 12:29 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©