|
اريد مشورتكم في اختيار هدية لزوجي
السلام عليكم ...
اخواني اعضاء المنتدى .... موعارفه كيف ابدا خاصة اني منحرجه لاني اخاطبكم ففي قسم رجالي:23: المهم ... افكر اني اسوي يوم رومنسي لزوجي الغالي في البيت طبعا ....فكرت بشموع وعشا وكيك وماالى ذلك واللي عنده مساعده ياليت مايبخل ... صلب الموضوع ... مففكرة اجيب له هديه ... بس ابي هديه حلوة ومستوى وموغاليه:11: عارفه طلبي صعب بس زوجي موكل شي يعجبه:(:( وانا ابي اجيب له شي يقتنع فيه ويفرح فيه ويستخدمه ... انا بقولكم افكاري وياليت تساعدوني واذا عندكم شي جديد لاتبخلون علي فيه ... فكرت بساعه .... لان هو مرة يحب الساعات بس مشكلته مايحب الا الماركه مواي ماركه طبعا ... وانا ميزانيتي ماتسمح لاني ماابي ااخذ منه وابيها من مصروفي ... ولاابي اشتري شي ويخليه في الدولاب. فكرت بقلم ماركه وهي الفكرة المرشحه عندي .... لانه كمان يحب الاقلام ... طيب وش ااخذذله اي ماركه وكم تتوقعون اسعارهم ومن وين اخذ طبعا انا من الدمام .... فكرت بغترة او شماغ... بس ماعندي اي معلومات عن الاسعار او الانواع او اماكن البيع ... ساعدوني ؟؟ امممممممم ... مستبعده فكرة العطر ... احس مافيها حماس ... فكرت اعزمه بمطعم لكن اكيد هو بيدفع الحساب .... من الافكار .... بوك (محفظه ) ,,, كبك ,,, مستلزمات سيارة ((( ومااعرف عنها ولاشي))),,, كرت احجز له مساج وساونا في الشراتون بس اخاف مايروح ,,,لاب توب وجوال مستبعدتهم لانهم غاليين علي:30::30: ياليت تساعدوني في اقرب وقت عشان اضبط ميزانيتي .... ومايهونون البنات حبيبات قلبي ابي خبراتكم ... الاشراف : تم تعديل العنوان ليتناسب مع المضمون |
ممكن بوكيه ورد ترسليه لمكان عمله او سبحة مميزة اذا يحبهم واذا الميزانية تسمح ممكن الاثنين
|
ايييييه الله يرزقنا
موفقة أختي و الله يكتب أجرك اقترح عليك الأقلام : WATERMAN ، Mont blanc بس واترمان مب صاحي وأسعارها بين 500 و 2000 ريال إذا تعرفين أحد جاي من لندن في محل في مطاراتهم اسمه the pen shop أسعاره حلوة _________________________ العطور ليش مستبعدتها ؟؟؟ العطور أنصحك بـ آخر واحد من أرماني ،، بعد مب صاحي ________________________ ممكن روب حمام ( الصيف جاي ) أو بيجاما حلوة ، من دبنهامز أو زارا أو بدلة كاجول إذا هو راعي سفر ، أو بدلة رياضية إذا هو راعي كورة _______________________ و ممكن فلاش ميموري ، أو مسندة للظهر أو كرسي مريح إذا دوامه مكتبي _______________________ و الغتر وأسعارها تلقينها على الرابط http://www.66n.com/forums/showthread.php?t=174490 ______________________ موفقة |
والله بالنسبة لي انا فكرة انك تعزميه في مطعم وهو يدفع الحساب هي الافضل لكن عموما بما انك تفضلين تشترين له ساعة روحي للحميضي عنده ماركات مختلفة وحلوة اما بالنسبة للاقلام روحي لقزاز و تلقين عنده ماركات كثيرة وبالنسبة للشمغ ارشح لك وبقوة شماغ Guy Laroche وانصحك بعطر مميز لان العطور تعلق في الذاكرة اكثر من غيرها واذا تبين عطر فخم عندك Lalique Encre Noire https://www.shopmasc.com/shop/photos/807.jpeg وبالتوفيق ... |
انصحك اختي بمحفظة (بوك) او كبك من دنهيل(dunhill).. اذا كانت ميزانيتك تسمح(الاسعار 800- 1000ريال )..فهذه الاشياء تستمر لمدة طويلة ويذكرك كلما استخدمهن
|
نصيحة أختي....
شماغ pierre Cardin أو شماغ Dunhil أسعارهم في حدود ال 250 ريال.....بس جودتهم عالية وشكلهم مميز ممكن عطر عربي "مخلط" ...اسمه" لمسة حنان",,يباع في "عبدالخالق سعيد" في حدود ال 400 ريال...بس يستاهل. وممكن تضيفي عليها فواحة للسيارة ....أو تلبيسة طبية لمقعد السائق.... موفقين ان شاء الله |
عذرا
بس رجعت أقول ما شاء الله تبارك الله الله يهنيكم لا تقولون مخي فاصل صكنا بذيك العين .. |
[QUOTE=PINK-SKY;2130784]ممكن بوكيه ورد ترسليه لمكان عمله او سبحة مميزة اذا يحبهم واذا الميزانية تسمح ممكن الاثنين[/QUO
هلا اختي ... فكرة البوكيه مرة عجبتني ... بس زوجي مرة رسمي مااعرف ردة فعله اذا ارسلتها للدوام .... س تصدقين فكرة اني ارسلها وارسل مهعا بطاقة دعوة للعشاء في البيت .... وتتوقعين تكفي وله لازم هديه معها ....؟؟؟ |
اقتباس:
هلا اخوي ...مخي فاصل يشرفني جدا حضورك .... وانا من متابعات موضوعك ....وعلى فكرة مرة دخلت موضوعك وانا معصبه وكنت زعلانه مع زوجي وكتبت كلام موحلو .... صدق صلى الله عليه وسلم ...((( ينكرن العشير ))) عاد بصراحه بيني وبين نفسي لازم اراضيه .... مع انه كان مزعلني وماراضاني:(:( فكرة القلم تراودني وبقوة ... وانا قبل كذا شريت له قلم ديور واحس انه مرة معتز فيه .... احس انه يحتاج قلم ذهبي او نحاسي ... على العموم بروح قزاز واشوف ... اما العطور ليه مستبعدتها .... زوجي مجال تجارته هو واهله العطور ... فاحس شبعانين منها .... وكمان بيتنا مليان عطور مافي عطر ينزل السوق الا ويزورنا ...وانا قلتلك ابي شي فرح فيه .... ماابي مجرد هديه.. يالنسبه للبيجامات للاسف زوجي مايحب لبس البجاما ولا الملابس الكاجوال ....:19::19: وهذا شي مرة مضاقني وجربت جبتله ولكن غبروا في الدولاب ... اما فلاش ميموري فماله اهتمامات بالكمبيوتر .... مسند السيارة فكرة حلوة ... بس كم اسعاره ووين بلقاه ؟؟؟؟ |
اقتباس:
بالنسبه للمطعم اخوي فرايحته ان شاء الله الله لايعوق بشر بس ثاني يوم على حسابه لاني بفلس بعد العزيمه:d:d:d حلوة مرة فكرة الشماغ ... بس مدري وين ينباع .. والساعات حلوة ... بس في راي اما اجيب شي مستوى وله بلاش ... الاقلام جاري دراسة الفكرة .. اما العطر فبينت وجهة نظري لاخوي مخي فاصل |
اقتباس:
ومشكور اخوي على المرور |
اقتباس:
والفواحه كمان حلوة ... بس من وين اجيبها ؟؟؟ |
اقتباس:
هلا اخوي وهلا برجعتك ... ربي يسعدك ويرزقك الزوجه الصالحه قول امين .... وانا مدري عن حالتك الاجتماعيه لوانك متزوج بغير الدعوة :14::14: اذا ذكرت شي يفيدني ارجع لنا:d:d |
أختي...بالنسبة لأماكن بيع الشماغ تلاقينها في أي محل مستلزمات رجالية, وأعتقد في مجمع الراشد فيه كم واحد....
وبالنسبة للفواحة,ممكن في body shop أو في Nectar |
الله يعينا على هالرياييل يزعلونا و احنا نراضيهم
انا نفسج اختي ميزانيتي محدوده و ابي اخذ شي كلاس و يستخدمه على طول فكرة البوك عجبتني و السعر حلو اما الزرار فأهديته العام اوكي اسعار الاقلام الماركه بحدود كم؟ فكره البوكيه جات على بالي من كم يوم بس ما ادري شبتكون ردة فعله فكرت ارسل الورد باسم مستعار مثلاvip او عبود او بو سالم(اسم بيني و بين زوجي) بس اخاف الناس ياخذون فكره غلط عنه البيجاما حلوه بس عيالنا ما يعرفون الا السروال و الفانيله |
هلا حبيبتي ....
الاقلام اسعارهم حلوة اتوقع تحت وفوق ال500 بقليل .. وعلى حسب النوع مرة اخذت له ديور ب670 بس ماتتخيلين وشلون فرحان فيه ويحبه ... فكرة الورد مرة جازت لي ... وبرسله لدوامه واغامر... وبحط عليه كرت فيه بطاقة دعوة عشا للبيت ... والله يستر وان شاء الله بكتب لكم ردة الفعل.. الله يوفقنا انا وياكي ... وبشريني عنك |
اقتباس:
هلا اخوي ...بتعبك معايي ... امس حاولت اجس نبضه وقلت له.. وش رايك بشماغ جيفنشي ؟؟؟ قال ممتاز .. قلت ودينهل .. قال لا وع موحلو ... سكتت .... بعدين قال اذا ناويته هديه تراه مقاسات :o:o.... يعني صادني ... عاد ابسالك كيف يعني مقاسات ؟؟؟ |
السلام عليكم ورحمة الله وبركاتة
بالنسبة لتسائلك عن المقصود بمقاسات الشماغ تبداء بالنسبة للشماغ (اللون الاحمر والمطرزة) من 56 , 58 , 60 الخ .... وبالنسبة للغترة تكون مقاساتها اعداد فردية . لاتتعبين حالك وتدورين على الشماغ رقم المقاس لانها تكتب على العلبة فقط :) اذا مو متاكدة من مقاس الشماغ خذي شماغ من البيت والبياع يحدد لك :d وشخصيا ارشح المحفظة (البوك) لكن اشتري وحدة تكون مناسبة لحجم رخصة القيادة لانها كبيرة عندنا:( اتمنى لكِ ولزوجك دوام الصحة والعافية والمحبة |
أهلاً حبيبتي
بالنسبه لمقاسات الشماغ محيرة أنا مرة رحت أشتري وسألني راعي المحل قال كم المقاس قلت:24: مدري قال طويل الرجال ... عاد أنا سكت مدري أقول وسط طويل نسيت طول رجلي :d وفيه ولد شباب بالمحل جاي يشتري قال طول هذا ؟؟؟ عاد أنا مضطرة وأظطريت أجاوب على الاسئله علشان أخذ المقاس المطلوب... فالشماغ والغتره دقيقة مقاساتهم فانصحك أصرفي النظر عنهم .. لانك ماتعرفين المقاس بالضبط ولا كمان الشماغ غير عن الغترة بالمقاس.. أنصحك نظارة شمسيه ... عقال ... قطعة قماش فخم وقولي له التفصيل كمان علي:25: أو إذا تعرفين أسم الخياط اللي يفصل عنده خلي أحد يروح يختار قماش فخم ويفصله له لان المقاسات تكون مسجلة مع الاسم عند الخياط ... |
اخوي ..غير مسجل ..
شكرا على مرورك الكريم ... والظاهر بلغي فكرة الشماغ لانه كشفني بسالفة المقاس... المحفظة فكرة جمليه وكويس جدا انك نبهتني على موضوع الحجم ... اختي حرم المعلم ... حياكي الله وابقاكي ... فكرة الشماغ خلاص الغيتها .. وفكرة النظارة حلوة ...اما قطعة القماش صعبه شوي لان مااعرف ابدا بالنوعيات.. |
تدخل متاخر
مابي اقولك شنو تهدينه بقولك شنو احلى واجمل واغلى هديه جتني من زوجتي (( مصحف & سجاده )) ياالله كل ما اسجد ادعيلها وكل حرف اقراه من المصحف في ميزان حسناتها بالتوفيق اختي والهديه اذا جت من المحب لحبيبه صدقيني راح يعشقها لو كانت علبه في داخلها ورقه مكتوب فيها خاطري اهديك هديه بس والله مالقية شي يعبر عن غلاك الى اني اوفي لك بحبي واصونك بقلبي والله لا يحرمني منك ابد اسف على الاطاله محبتي |
| الساعة الآن 08:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©