|
أخت زوجي وتحكماتها
قبل كده كتبت مشاكلي مع زوجي واللي معظمها بسبب تحكم أمه و أخواته في حياتنا واللي وصلت لدرجة القطيعة مع انه امه ساكنه أمامي ولا زالت السيطرة مستمرة قبل كم أسبوع أخت زوجي الصغيرة اللي أصغر منه ب8سنوات تتصل على زوجي وتطالبة يجيبلها بناتي في بيتها مع انه هي بتشوفهم في بيت أمها كل أسبوع وأناا رفضت وصارت مشكلة مع زوجي وعدت الأيام ولها كم يوم تتصل تطلب يطلعلها شريحة ويجيبلها هية على بيتها مع بناتي علما انه متزوجة من 6 شهور وكانو خايفين أدخل بيتها لأحسدها أتخاتقت مع زوجي وهو حيمشي كلامه بس أنا قلبي محروق علما انه عندها زوج ووقت ما تبغى يجيبها عند أمها بس عناااااااااااااااااااااد
|
الله يعينك اختي رفوف .. بصراحه انت عايشه وسط ناس ما يخافون الله و لا عندهم احترام لخصوصيات غيرهم .. ما لك يا اختي الا الصبر و الدعاء بان الله يفرج لك همك .. |
أشكرك حبيبة قلبي أميرات والله اني عارفة اني مشكلتي مالها حل الا من الله بس أحيانا أحس نفسي أبى أطق وما عندي من أشكيله أرجع أكتبلكم
|
الصبر اختي
وان الله مع الصابرين والله يعينك عليهم ادعي ربك وكثري من الاستغفار والله يهدي زوجك لك |
حاولي مهما حصل ما تخلي علاقتك بأخت زوجك تأثر على علاقتك فيه
و تعاملي معها بشكل رسمي جداً و الصبر متل ما قالوا الاخوات |
الله بعينك ويصبرك
|
الله يعينك
ما الك غير ربنا اتقربي منه بالدعاء والعباده وهم الله يهديهم وسيبيهم لربهم |
كيف ما تتأثر علاقتي بيه إذا كان أصلا ما في علاقة بيني وبينه لانه أنامتزوجة البشرية دي كلها كل مين يمشي حياتي على كيفه لانه وببساااااطه طرطور مع أخواته حتى العظم حسبي الله ونعم الوكيل
|
خليك ذكية واكسبيه لصفك وشغلي كيد النساء والله العظيم ماراح يشوف ولا يسمع غيرك..
فين الذكاء الانثوي ذكر في القرآن (ان كيدكن عظيم) وقال سبحانه (ان كيد الشيطان كان ضعيفا) شفتي اختي كيف كيد النساء اقوى حتى من كيد الشيطان اللي يوسوس للناس وسبب في دخولهم جهنم .. اختي اجلسي مع نفسك وفكري صح كيف تتعاملي معاهم وكيف تتعاملي مع زوجك وشوفي ويش راح يصير.. ومع ذلك لاتنسي الدعاء اختي والاستغفار ورددي (اللهم سخر لي زوجي واجعله سكنا لي وسخرني له واجعلني سكنا له واجعل بيننا مودة ورحمة ) |
هلا اختي ... اكسبيهم بذكاءك ...
ليش تفهمي السالفه تحكم ؟؟؟؟ ممكن يحبون البنات ويبونهم ... خذي فترة راحه وارسلي البنات وعيشي انتي وزجك احلى جو .... لو هم يبون يتحكمون وينكدون انتي اقلبي السالفه واكسبيها لصفك ...سوي يوم رومنسي ورد وشموع وحركات ... وروحي قولي الله يجزاها خير فلانه خذت بناتي وفضت لي البيت لي انا وحبيبي ... والله حلو كل اسبوع خذيهم خليهم ينبسطون معك واحنا ننبسط .. يعني لما تقلبيها مشاكل على راسك انتي وزجك وش بتستفيدين ؟؟؟؟ الاهم بيمشون اللي براسهم وزوجك بيعاندك زود ... واختي العزيزة ... بنصحك نصيحه لوجه الله ... مرة عيب تقولي عن زوجك طرطور ... لازم تحترمين زوجك حتى بينك وبين نفسك ... والزوجه الذكيه تقدر تكون لزوجها شخصيه حتى ولو كانت شخصيته ضعيفه...موعيب انه حنون ويحب اخواته ... العيب انك تخسرين زوجك بسبب اهله... لان باختصار ممكن يقول لك هم الداخلين وانتي الطالعه ... الزوجه تتعوض لكن الاخت لاااااااااااااا... |
اقتباس:
:22::22::22::22: كلام سليم وراي سديد |
اختى apple green هذا ما اردت قوله سوف تكسرين جميع قوانينهم خليك كده
|
والله انه طرطور تخيلي انه ما يخاف الله ولا يصلي الا الجمع من الكسل وطلبات البيت ماتجي وطلباتي أنا والبنات تطنييييش بس لوجاله طلب من أخواته يروح الكسل كله ما تسمعي غير طيب وحاضر ويجري ينفذ أكتر شي حارق قلبي تركه للصلاة والله سكينة في قلبي أنصح ما في فايدة وتقوليلي عيب أي عيب
سؤااااال هل تارك الصلاة يحترم هل يملى العين والقلب انا كارهه نفسي اني عايشة معاة أكرهه والله العظيم أكره نفسي اني عايشة معاه أكره عشرته ما أعرف يعني اية متعه زوجية والله مني صابرة الا علشااان بناتي اللي يقهرني انه انا مالي كلمة عنده كا ما جاته أوامر من وحدة طااار زي الصاروخ وأنا طلباتي مالهاأي أهميه هي بزوجها بس أنا مين يخدمني |
لا حول ولا قوة إلا بالله
الله يعينك عليه وعلى أهله مشكلة الصراحة إذا يلبي احتياجات أهله فقط وبنت الناس يطنشها كأنه مالها حق إحنا مانقول يصير شرير معاهم ولا يبدي زوجته عليهم لكن من حقها الخصوصية في حياتها مشاكل زي كذا مالها حل إلا بيد الزوج نفسه للأسف لكن مرات الزوج اللي من هذه النوعية ما يقدر يساعد نفسه عشان يقدر يحط لكل شيء حد أعرف وحده مقاربة لحالتك الله يعينك و اياها |
ابدي من جديد اختي
دامك ماتستغنين عنه لازم تحلين مشكلتك معاه اول شي ابداي بالصلاة من اول ماياذن زني على راسه وذكريه بالله وقولي له قصص الموت الفجاه اقري في النت وقصي عليه يعني جيبي له بطريقهالتخويف من الله وشي ثاني امدحيه قولي له انت تغيرت انت صرت تصلي الحمدلله مو مثل اول انت انسان قوي الشخصيه صدقيني مع الوقت بيتغير وكمان لاتتكلمين عن اهله ابد ا مو اذا راح يلبي طلباتهم صرختي وزعلتي لاابدا اسكتي وسوي نفسك مبسوطه لانه يشوفك تزعلين ويحاول يستفزك واخر شي ادعي ربي انه يهديه ويسخره لك |
بسم الله الرحمان الرحيم...
البنات والله ما قصروا....ما شاء الله عليهم....... sabra2009 |
والله اني تعبت معاه في الصلاة تخيلو أبوه كان مؤذن وكانو ساكنين في بيت الامام وكان يصلي في المسجد فترة الملكة وبعد الزواج مباشرة بان على حقيقته مااايركع لله الا أمام الناس في العمل وفي الاجازات مايصلي حاولت معاه بكل الطرق موراضي يتغير
|
يااختي حتى لوكافر مايحق لك تسبيه .... وين سماحة ديننا اذا بنسب المقصرين والكافرين ؟؟؟ فمابالك ان كان زوجك وهو جنتك ونارك ... كيف ممكن بناتك يتربون على احترام ابوهم ان كان هذا اسلوبك ...
بالنسبه للصلاة فان كان تاركها نهائي فانتي تحرمين عليه .. وان كان متهاون فعليكي بالنصيحه ... واهله خلاص لازم تعودين نفسك انهم اهله رضيتي او زعلتي ماراح يتغير شي ... فحاولي تغيرين انتي من نفسك ... حاولي تتقبلي الموضوع ولو كنتي كارهته موعشانهم لكن عشان نفسك ... انتي تنكدي على نفسك وهم مودارين عنك ... ودامهم يحبون بناتك فاكيد انهم يحبونك ... حاولي تكسبينهم بذكائك ... وممكن اسال سؤال ؟؟؟ اذا زوجك مافيه اي مميزات وش مصبرك عليه ليه ماتطلقتي ؟؟ |
هذه ظاهرة الغيره والحسد عادة سوء ابعدنا الله وايكم منها
( اللهم اضرب الظالمين بالظلمين واخرجنا من بينهم سالمين ) |
مني فاهمة ياأخ خالد أي غير وأي حسد أنا ما أبغا غير أنهم يسيبوني في حااالي أربي بناتي بأماااااان
|
| الساعة الآن 10:16 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©