|
زوجتي مصرة على الطلاق بسبب زواجي
السلام عليكم ورحمة الله وبركاته
بصراحة انبسطت لما وجدت التعاون بين الإخوان في المنتدى والدليل المشاكل الكثيرة الي انحلت لذلك حبيت اطرح مشكلتي لكم واتمنى القا حل مع اني كلمت واستشرت مشائخ و استشاريين في الموضوع وما وجدت شي يشفي الغليل لأني ابغى حلول عمليه اذا امكن . انا متزوج من 5 سنوات من اول شهر احنا في مشاكل ، احب زوجتي وتحبني جدا ، بس المشاكل مستمره ، اكتشفت بعد سنه انها مصابه بمرض نفسي ( حسد ) ، راعيتها وحاولت اساعدها لمحت لأهله قالوا انت موسوس ومافي شي اسمه عين وحسد ، قرأت عليها بنفسي تكلم الجني على لسانها ، بعد سنتين تقريبا رحت لشيخ قرأ عليها اعطانا علاج وطلعت مسحوره ، واقسم بالله اني اعطيه الدوى بيدي واغصبها عليه بالقوة ، وتعبت معاها لدرجت انها في اسبوع اشتد عليها المرض كانت تخنق الولد ، وابقى معاه سهران الين الصباح وكم مره اداوم مواصل ، مع ذلك احبها وتحبني والمشاكل مستمره ودايم في خصام ، قلت لأهلها ونفس الكلام ماحاولوا يعالجونها ولا شي ، وبصراحه طفشت ابغى ارتاح واستقر شويه مع العلم انها تدرس وعارفين لازم تقصر ، وانا بصراحه قلتلها رح اتزوج ، رفضت وزعلت وصبرت لين ما طفح الكيل ، وسبق وقلتلها بطلقك انت مظلومه معي ورفضت لأني بصراحه تمر ايام انام لحالي ، وازعل بسرعه وما اتحمل ترد عليه وضربتها بسبب عنادها ، وهي صابره وشكت لأهلها وصار صلح واحيان تصبر واحيان تشكي وإذا جلسنا مع بعض نتفق اننا نتفارق لأننا نحب بعض وما احد قادر يسعد الثاني بس نتراجع ، اذا وديتها عند اهلها اشتاق لها ولهذا السبب قلت لكم اني احبها ، واذا جت اتضايق!!!!!!ممكن يكون بيننا سحر او حسد ، لأن بصراحه محسودين على بعض وما تهنينا في بعض الحمدلله على كل حال. انا الآن تزوجت الثانيه وارتحت الحمدلله والأولى راحت لأهلها حاولت تمنعني من الزواج وقلت لها ارجعي قالت طلق زوجتك وارجع طبعا ايام الملكه رفضت وتم زواجي من شهرين وهي عند اهلها تطالب الطلاق وانا اريد ارجاعها. المطلوب منكم احبتي....ارشادي الى حلول عمليه لأرضائها ثم هل من الممكن ان تعود الي مع اني رحت لأبوها مرتين مره قبل الزواج ومره بعد ما تم الزواج وقال :طلق البنت ،وهي ترسل رسايل بعد الزواج بسرعه طلق اما قبل الزواج كانت تحاول تمنعني اتزوج وقالت برجع معاك ،عندي منهأ ولد وانا ما نيتي اطلق،ثم ياليت اذا احد يعرف زوجه رجعت لزوجها بعد ماتزوج عليها ، فهذا شي يعطيني أمل.وياليت الجميع يصبرني لو بكلمه. (((((من فرج على مسلم كربه فرج الله عنه كربة من كرب يوم القيامة))))) |
الله يصلح ما بينكم انت ما سويت شي غلط ولا حرام واعتقد صبرت بما فيه الكفايه... خليها شوي لين تهدا وتروق بعدين راضيها وبين لها انك تحبها وشاريها وقولها حرام تخرب حياة زوجتك الثانيه و تقول طلقها لأنها ما لها ذنب انت نفسك رحت تقدمت لها موب هي اللي خطبتك لعل وعسى تفكر بعقلانيه شوي... الله يوفقكم
|
قلت لها انا احبك قالت مستحيل تحب ثنتين
اخوي كم تنصحني اصبر عليها شهرين ثلاثه او اكثر الله يعطيك العافيه، وشكرا على نصحك |
الي عملتو مش حرام بس انت عارف زوجتك في سحر وحسد يعني مريضة وتحتاج مراعاة و حد يساندها
اكيد الوضع صعب عليك بس زي م في حالة مرضك زوجتتك ماكانت حتتركك وتتزوج غيرك لتنبسط كانت حتتحمل كان كمان تستاهل زوجتك انك تضل معها وتراعيها لحد مالله يشفيها انت الك طاقة تحمل وخلصت بس هية مش بحالة طبيعية ومش ناقصها تتزوج عليها بس الي صار صار والله يعين زوجتك هية بتعاني وانت زهقت وتزوجت معادلة صعبة الي عملتو حلال لكن بنفس الوقت هية مش بحالة تسمح الك بهيك امر لانو حتزيد سوء |
بعدين مالاحظت انك لما تزوجت التانية ريحت نفسك شوي ورحت تنبسط
بس زوجتطك المحسودة المعمول الها سحر مارتاحت زيك ولا انبسطت مع حد تاني ضلت بهمها وزاد همها وضيقها وتضاعف انت هربت ولاقيت سعادتك في مكان اخر بس المسكينة وين تروح؟ ويعني بصراحة ازا هية وانت شايفين الطلاق اريح الكو انتو الاتنين ولو زوجتك رفضت الرجوع الك او ماقدرت تتاقلم ولا تحس بالسعادة فتفرقو بالمعروف وخليها تشوف سعادتها هية كمان مع انسان تاني انت لاقيت وحدة تانية يمكن هية تلاقي واحد يسعدها اكتر استخير ولن تخيب |
راح ترضى مع الوقت بس لا تستعجل ولو تخلي احد من النساء من اقاربها ينصحها واكثر شي ياثر في زوجتك لو قالت لها روحي وحافظي على زوجك ولا تتركي الفرصه للثانيه تسيطر عليه وتملكه وكلام زي كذا
|
السلام عليكم ورحمة الله وبركاته
انا بعطيك وجهة نظر نسائيه انت طبعا ما سويت شي غلط تتحاسب عليه لكن زوجتك تشعر بلالم لفراقك عنها وهجرك لها حاول تحسسها انك شاريها وان زوجتك الثانيه ماتساويها يعني خذها بلكلام الحلو وبترضى لكن اذا حسيت انك حتضلمها الفراق احسن انساها وعيش حياتك مبسوط مع زوجتك الاخرى والسلام |
لو انا مكانها بيكون موقفي نفس الشي ...
انت ماسويت شي غلط ... ومن حقك تتزوج ... بس حتى هي من حقها تنفصل ... ومن حقها ترفض المشاركه .. |
الله يكون بعونها وعونك مالك ألا الصبر أن شاء الله ربي يلين قلبها وترجع بس حط في بالك العدل ثم العدل ثم العدل الله يقدرك عليه
|
اشكر جميع من شارك
واحب اوضح ان زوجتي تمووووووت فيه واتوقع انها طلبت الطلاق مكابره فكيف انا اقدر ابين لها اني مازلت احبها، وانا صادق مافي شي شاغلني بعد الزواج الا كيف ارجعها ، الله ييسر الأمور ، وانتظر مزيد من الحلول وبالنسبة لكلام الأخ ملك شادي كلامك صحيح ارتحت لما تزوجت وهي باقي ماارتاحت لاكن الزواج سكن وانا ماوجدت السكن عندها ، يمكن بسبب المرض بس والله احبها وهي كذالك. |
هل عالجت زوجتك عند طبيب نفسي ؟؟؟ |
أغلب كلامك ، قلت لأهلها و ما تصرفوا ؟
ياخي هي زوجتك و إنت اللي مسؤول عنها مو أهلها و مافي مشكلة و مالها حل هناك شيوخ ، هناك أطباء |
والله يا اخي قلت بنفسك الزواج سكن
انت لاقيت السكن تبعك بس هية مالاقته وفوق هيك زدت همها وضاعفته وهية مش ناقصة يعني ازا في فرصة تلاقي السكن هية كمان والراحة ليش تحجزها عندك وانت مش عاطيها الراحة والسعادة يعني هاي انانية انت قدرت تحقق مرادك بس هية لا الي بحب حد بتمنالو السعادة ولو في بعدو لو زوجتك جدية في الطلاق وفي امكانية تلاقي سعادتها مع انسان غيرك فكر بالموضوع لكن تاكد يمكن هية بتعمل ضغط عليك بالتوفيق ،،، اختك malak shadi |
يا أخى ما جعل الله لرجل من قلبين فى جوفه
لا أعرف كيف تفكرون يا معشر الرجال أحب زوجتى واموت فيها بس هأتزوج عليها والله كلام فاضى لو كنت تحبها وتموت فيها كنت صبرت عليها وعلى مرضها وهى بنفسها اعطتك الحل وعايزنا نصبرك ليه ؟؟؟؟؟؟؟؟ هى الجديده مش مصبراك بكفايه !!!!!! زوجتك الأولى هى اللى محتاجه اننا نصبرها مش انت |
اقتباس:
والله كلامك درر يا ام فهووووووووودي وانا كمان مؤيدة راي ملك شادي |
يا عالم هو تزوج وخلاص ما يحتاج نعاتبه.. أخي اصبر عليها لين يمل الصبر انت ابخص بالوضع متى تقول خلاص صبرت بس حاول هالفتره ما تكلمها كثير لأنها ما زالت متأثره جداً وبنفس الوقت مثلاً ارسل لها رسايل انك تبيها وتحبها عشان ما تقول طنشني ... وان شاء الله تهدى النفوس وتوافق ترجع .
|
انا مع زوجتك قلبا وقالباً وانصحها ماترجع |
الله يكون بعونها وعونك مالك ألا الصبر أن شاء الله ربي يلين قلبها وترجع بس حط في بالك العدل ثم العدل ثم العدل الله يقدرك عليه
هي الان تحس انها خسرتك لكن مع الصبر والزمن راح ترضى الله يكون بعونها مرض شديد وفقدان لاغلا رجل عندها زوجها اوصيك اخي الكريم بالصبر عليها ومحاولت علاجها خصوصا اهلها مطنشينها من ناحيتها مرضها ولاتستسلم وتضع الطلاق حل لك ولها والضحيه ابنك ما لك اخي غير الصبر طال الزمن اوقصر والله يفرج همكم يارب |
اولاً : ماراجعت طبيب نفسي ، بس رحنا لمشايخ واستخدمنا رقيه وكان يجي فترات نهدا. ثانياً: لازم اقول لأهلها ولازم يساعدوني هذي بنتهم ولا بس الأهل فالحين إذا صار مشكله قالوا هذي بنتنا رجعها طيب ليش مايوقفوا معاي ويساعدوني ولا كلامي مش صحيح !!؟ ثالثاً: اختي ملك شادي والله العظيم لو ادري انوا طلبها الطلاق عن قناعه تامه منها كان ماعندي مشكله بس انا عارف انو ردت فعل ثم انها ماتبغى تتزوج لأن عندها الولد ولو تزوجت رح يكون الولد معي فأنا مش رافض اطلاق انانية بس حاس انو في امل كبير ترجع. رابعا: بالنسبه لكلام sa33 ..نعم احبها واتزوج عليها فيها مشكله!! احب النساء للرسول عائشة وتزوج عليها ،ثم والله انها مقصره معي في اشياء كثيره مو من حقي اتزوج عليها واريدك تجيبين على سؤالي.. اليس امساكي لها وعدم طلاقي مراعاة لشعورها يدل على الحب؟ فلو كنت اكرهها طلقتها من ايام الملكه بس افهمي البنت تحبني وما ودي اجرحهازياده لأن الطلاق كسر لها.. اتمنى اشوف حلول عمليه وتجارب واقعيه وشكرااااااا للجميع |
ترانيم ورديه ......انا بعد مع زوجتي قلب وقالب.......بس ليه تنصحينها ماترجع ، اتمنى يكون عندك شي مقنع مو عاطفه بس. بنت ابوي........اشكرك على نصيحتك الغاليه وعندي امل كبير انها رح ترضى بإذن الله . |
اقتباس:
زوجتك عندها حاله نفسيه و ضروري محتاجه لطبيب نفسي .. الرقيه مطلوبه مع العلاج النفسي ... |
اقتباس:
كلام ذهب اخونا زاد الطين بله |
اصبر فترة لما تمل من الجلسة في بيت اهلها وتشتاق لك ولا تحسسها بولعك برجوعها ومتاكدة إنها بترجع لما تشوف إنك مستحيل تطلق الثانية وإذا رجعت إقنعها أنك توديها لطبيب نفسي وعدها بالتكتم على هذا الأمر لأنه قد يكون محرج لها ولا تنتظر من أهلها أن يعالجوها ماداموا غير مقتنعين
|
أسأل الله بمنه وكرمه أن يشفي زوجتك ويجمعكم على أفضل حال...
@ ثق بالله أولا وأخيرا أن بيده الشفاء ولا تيأس ... وابذل كل ما في وسعك لعلاجها بعد رجوعها بإذن الله .. @ لا تفكر تطلقها الآن أبدا أبدا عندنا مثل يقول ( الحريم عزّامات ندّامات ) زوجنك بترجع لك بإذن الله فقط تحتاج إلى وقت هي تقرره.. @ حاول التواصل مع أحد أهلها الفاهمين أن يستغلوا هذه الفترة بعلاجها >> إن استطعت .. |
نصيحة لوجه الله
لاتطلق ممكن زواجــــــك خيـــــــــرة عشان تنقطع النفـــــــس والعين حسبي الله عليهم مايخافون الله اولا عليك بالدعاء وثانياالاستغفار وقبل اتخاذاي قرار استخــــــــرأكُـثـــــــــرمن مرة لاتطلق تراهاتعاند نفسها خلك اعقل ماشاءالله عليك واعي يارب تتشافى فية وحدة ترقي النساء ودها تقرا يوميا وعليك بالصدقة ولاتطلق القرار بيدك حرام لاتهدم بيتك يكفي بينكم ولد وتحبون بعض يارب تجمعكم على خيــــــــر وخلاص صاراللي صار وتزوجت من حقة بس هي ممكن يكون زواجك سبب خير يارب ينصلح حالكم وينفك عليها حسد ادع واستغفر ويارب ترجعون لبعض ويكون حريمك مثل الاخوات يارب جرب ماراح يضرك شيء ارسل لها هدية بسيطة وعليهالمساتك وفيها رسالة مخطوطة بيدك وصبحهاالصباح برسالة والليل بوحدة وكم كلمة حلوة واذا مانفع كلم امها الاهي خالتك وقل اناشاريها ومن هالكلام وبين لها بكلامك بالرسايل وان شاءالله الكلمة الطيبة والابتسامة الحلوة بتجي وهي زوجتك مايمنع تكسب ولدك لصفك وتروح تزورة وتشوفة وتعطية الهدية يعطيه امة جرب ماراح يضرك شيء مدامك شاريها وتبيها يالله يارب يصلح حالكم ونفرح برجعتكم وتملون البيت خوات واخوان لولدكم يارب اوكلم خالتها اواي احد تمون عليه اختك مثلا اووالوالددة امك وتكلمها جرب لعل وعسى اواخوهالكبير ممكن يكلمها جرب لاتياس وان شاءالله ترجعون دعواتك لي بظهرالغيب |
تاج العروس............ في ايش زدت الطين بله!! ياليت نكون واضحين اكثر !! يعني لازم اتبهذل واعيش في عذاب والا ما اكون زوج مخلص !! ليش هي ما تتفهم وتقدر وضعي معاها 5 سنوات ؟
صبا نجد.......ليش ما احسسها بولعي؟؟ مو المفروض اني احسسها انها مازلت في قلبي غاليه ومشتاق لها اكثر !! ولا ايش رايك؟؟مشكوره على النصائح شيهانه.......اشكرك على النصائح الغاليه ، وكلمت امها وابوه لن ماعندها اخوان كبار بس ردت فعلهم سيئه للأسف. ومشكوره على النصائح فلها وربك يحلها........كلامك جميل ورائع ورح اجرب الهديه انا رايح الأسبوع هذا واسأل الله ان تتيسر ، وكل الي ذكرت من حلول رح اجربه بإذن الله لعل الله يجمع بيننا بسبب نصائحك ويكون لك الأجر. اشكر الجميع واتمنى منكم تدعوا لنا بالتيسير وفقكم الله... |
انا مع الاعضاء اللي قالوا روحلها وعطها هديه وشوف ولدك وييبله لعبه....ترى التعليق يزيد المشكله ويخليها مصره على الطلاق اسآل مجرب
|
اخي نحن لا نرفض حقك بالزواج
انا عن نفسي بس اعارض كلامك لانك بتقول مقصرة معي ولازم تتفهم وهية متعباني طيب زوجتك مش طبيييييييعية لتحكي هيك يعني خارج عن ارادتها لو بكامل صحتها النفسية او مش معمول الها حسد او سحر ماكان اصلا رديت عالموضوع ولا قلت هالحكي لانو ازا وحدة بكامل قواها و ماعندها اشي ومقصرة مع زوجها بدون سبب تستاهل يتزوج عليها 3 مش وحدة بس بس زوجتك مابتنلام لانها مريضة الله يشفيها ويهديكو لبعض |
انا استغرب من بعض الرجال
يتزوج ويرح نفسه وبعدين يقول احب الاولى وما استغنى عنها طيب لازم تكون رابح في الحالتين يكفي ربحك بالثانيه والله موفقك معاها اقعد مع الاولى وتأكد من قارها واذا فعلا تبغي الطلاق...اتركها..عسى الله يعوضها بخير مما هي فيه |
ياجماعة الخير الرجل ماغلط
صبر الله يجزيه خير 5 سنوات من حبه لزوجته وسعى لعلاجها والمفروض أهلها يوقفوا معاه ويساعدونه والله حلل التعدد لأنه عارف أن الرجل يقدر يحب أكثر من وحدة بنفس الدرجة بعكس المرأة وأنا برأيي تتركها شهرين ثلاثة وإذ أصرت على الطلاق ممكن تطلقها طلقة وحدة بس علشان لو غيرت رأيها ترجعها *** أعرف زوجين من جماعتنا تزوجوا وعندهم خمس أو أربع بنات وعايشين في نكد لان الزوجة مصابة بعين أو سحر الله أعلم مثل زوجتك ولدرجة كانوا يخافوا على عيالها منها وكانت تصرع وكانت لاتخرج ولاتزور الناس وصبروا صبروا إلى أن وصلوا لطريق مسدود فالسنين مرت والحال كما هو بعد أن طلقها سبحان الله تشافت وتعافت وأصبحت تخرج وعادت لطبيعتها وكأن مابها ذهب مع طلاقها وتزوجت من أخر وأنجبت أما زوجها باقي والله اعلم على حبها ولم يتزوج ويربي بناته *** لذا فالله وحده يعلم الغيب قد يكون طلاقها سبب لشفائها ثم تعيدها إلى عصمتك لذا أستخر الله وأكثر من الإستغفار واتركها فترة لتهدأ وتفكر فإذا أصرت فتوكل على الله وطلق فربما تجدوا الخير وكما قال سبحانه( وعسى أن تكرهوا شيئاً وهو خيرا لكم) أهم شيء حسسها بأنك لاتريد فقدها وحاول بكل الطرق أن تثبت لها حبك وإذا أصرت فقل لها سأطلق ليس لأني لاأريدك ولكن لإن هذه رغبتك وانت مصرة واتركها بعدها شهر أخر فربما تعيد حساباتها اسأل الله أن يكتب لكما الخير |
أم جمانه كلامك يزن ثقله ذهب ماشاء الله عليك وأنا مع نفس رأيك
|
[QUOTE=(أم جمانة);2132701][
أهم شيء حسسها بأنك لاتريد فقدها وحاول بكل الطرق أن تثبت لها حبك وإذا أصرت فقل لها سأطلق ليس لأني لاأريدك ولكن لإن هذه رغبتك وانت مصرة واتركها بعدها شهر أخر فربما تعيد حساب الله يعطيك العافيه ام جمانه.....رايك جميل وان شاء الله انها ترجع عن قرارها . |
اقتباس:
داري اني تزوجت وارتحت بس برضه انا واثق انها تحبني وهي صرحت بهذا الشي بعد ما ملكت لذلك ماودي اجرحها مرتين بالزواج وبالطلاق ، خايف انزل لرغبتها وتقول : شفت انك ما تحبين !! وانت عارفين حركات الحريم لذلك ودي ارضيهااااااا. |
اخي انت قلت ان زوجتك اشتد عليها المرض و كادت ان تخنق الولد وانك تسهر من اجل لا تؤذي الولد .. هذا دليل ان زوجتك عندها حاله نفسيه و محتاجه الي علاج نفسي بالاضافه الي الرقيه الشرعيه .. ليش ما اخذتها عند طبيب نفسي ؟؟؟؟ |
اقتباس:
|
اقتباس:
كلامك في مكانه ...... بس انا ذكرت الشي هذا لأن في ناس يقولوا تحملها !! فحبيت ابين ان مرضها ترتب عليه ضياع حقوق ليه وذكرت انها مقصره..على الرغم من انها كانت تبذل جهدها وتحاول تسعدني بس تأثير المرض كان اقوى بكثير......... .الحمدلله على كل حال. |
اقتباس:
بصراحه مافكرت في العلاج النفسي واكتفيت بالرقيه ، لا كن اذا رجعت ان شاء الله رح اعرض عليها هذا الشي. |
اقتباس:
اتوقع ان اغلب مشاكلكم هي بسبب مرضها النفسي ... |
نعم اعرف زوجة رجعت الى زوجها بعد زواجه بأخرى وقد كان صديق وعندما تزوج طلبت زوجته الطلاق واصرت عليه الى ان طلقها وبعد سنتين تقريبا هداها الله عز وجل ورجعت له وتقبلت الوضع ولكن الموضوع يحتاج صبر مع ترضية ببعض الذهب والمبالغ المادية وعليك بكثرة الدعاء والتضرع الى الله عز وجل ان يهديها وترجع لك ونسيت ان اقول مبارك زواجك الثانى وبارك الله لكما وبارك عليكما وجمع بينكما فى خير واياك وان تظلم الجديدة او تطلقها لانها ليس له ذنب |
ابو مريم ....... الله يعطيك العافيه
زي ماقلت يبغالها صبر وإذا اصرت على الطلاق الشكوى لله بس لسى ما جربت انا شغلت الهدايا يمكن تنفع |
| الساعة الآن 08:20 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©