|
زوجتي متينه مالعمل؟
زوجتي متينه وانا رجل رياضي واحب الرشاقه حاولت معاها تغير من وضعها وتدخل نادي صحي رفضت
وانا اجامل واحاول بس خلاص مليت وش الدبره رغم اني يوم تزوجتها كانت نحيله بس والله من الدبغ وكثر الاكل تم تعديل العنوان //الاشراف |
مرحبا ......
باين ثقتك في نفسك زايدة .......ومغرور حبتين ....... وزوجتك محصلة دلع .....تلاقيها 24 ساعة عند التلفزيون واكل شكولاتة ومكسرات احرمها من اكل المطاعم اتركها تشتغل في البيت ....والله راح تكون زي عود الخيزران..... تقبل مروري ...... |
وش احرم وش اخلي كلامك صحيح مستحيل تجلس جلسه الا وتاكل صحيح هي ونيسه ودمها خفيف لكن مو كفايه الرجل لازم يشوف شي يسره من زوجته وبعدين تزعل اذا رحت معاها السوق وجلست اطالع هنا وهناك في الرشيقات غصب عني
|
يكون في معلومك زوجتك تطالعك زي ماأنت تطالعها موشرط تكون متين بس أكيد فيك شيء مايعجبها.... وبعدين أنت قلتها يوم تزوجها كانت نحيفة يعني أنت السبب |
حرم المعلم وش قصدك يعني ارضى واقبل بالوضع ذا طيب انا رجل وتعرفي قصدي صعب اقبل بكذا بعدين وش دخلني في زيادة وزنها هي تحب الاكل
|
بصراحة أسلوبك يقهر الا يبط الكبد
ليه تتكلم عن جسمها بها الطريقة والله لو تقرأ ذا الكلام اللي أنت كاتب عنها والا الوصف وما أتوقع أنها راح تعديها على خير يعني هذي الزيادة بسببك يوم كانت في بيت أهلها كانت غير .. عاد أنت فكر هل نظام أكل.. النوم .. كلمها أضغط عليها شوي بس موتتكلم عنها كذا ... |
والله ما شفتي الي اشوفه كان رحمتيني بعدين انتي انثى مثلها لازم توقفي في صفها:16:
|
بغض النظر أنا أنثى والا ذكر بس حط نفسك مكانها وتخيل أنها تكتب عبارة عنك في منتدى وتدور حل ....
عندي لك سؤال /// عندك عيال؟؟؟ يعني سبق وحملت زوجتك ؟؟ أو هل هي تتعالج؟؟ |
ما عندي عيال بسبب زياده الوزن ما حملت زوجتي لنا 7 سنوات زواج
|
ياخي, نحن النساء في كثير من الاحيان لانرى لنا مخرجا سوى الطعام عند احساسنا بالاحباط والاكتئاب او عندما تتوالى علينا المشاكل او تكثر الانتقادات. اخي عليك ان تعرف السبب ثم تبدا بالعلاج.
اصلح الله الشان |
اقتباس:
وأنا ماسألتك الا اني متوقعة أنها تأخذ دواء وصعب تنحف منه الا مع الوقت أصبر عليها شوي .. وأقنعها بالنادي وخلها تسوي نظام غذائي مع طبيبه وأنت ساعدها ... وكانكم تتابعون مع طبيبه خلها تقنعها أنها تنحف... بس أبغى أنبهك : إذا تفكرون تسوون أطفال أنابيب ماتنفع الا اذا نحفت لانه مع زياده الوزن نسبه الفشل كبيرة جداً بس المستشفيات الاهليه مايهمها ولاتنبه المريض على هالنقطة |
ياأخي حرااام عليك تتكلم عنها بالطريقه هذي بمنتدى !!!!
غريب يعني بدل ماتدور حلول معاها جاي تتكلم عنها بالطريقه البشعه هذي؟ واذا تبغى حلول بأمكانك تقول مشكلتك بطريقه غير الطريقه ألي كتبتها بها ؟ بعدين أنت كلمتها بالموضوع لمحتلها أنك تبغاها تنحف ؟ وايش كانت ردة فعلها ؟ |
كان يكفي انك تقول انها متينه وخلاص .... ليه تستهيين فيها كذا .... حرام عليك .
كان في موضوع قبل فترة لاخ يشتكي من متن زوجته واعطيناه حلول ولله الحمد ... بس والله شتان بين اسلوبك واسلوبه .. وكيف تسمح لنفسك تطلب مننا ان نتخيل منظر زوجتك ....؟؟؟؟ يااخي المنتدى ملئ بالرجال ... والاعجب انك تطلب مننا نتخيلها بملابس خالعه ....:(:( يااخي اتقي الله فيي نفسك وفي بنت الناس المسكينه .... لاحول ولاقوة الا بالله ... |
ايدك وماتعطيك انت الي ابتديت المهم مالك الا انك تهددها بالزواج عليها اذا مانحفت صحيح هي بتزعل منك فتره لكن فتره الزعل تنفعها تبدء رجيم طبعا هالحل بعد ماتفشل في نجاح كل الحلول المستعصيه معك والله يعينك مو على حرمتك على حريم المنتدى بجد كان المفروض تعطينا مشكلتك مغلفه بذوق عشان ماتمس احاسيس احد وترى انا بعد معاهم لاني حرمه دمت بطاعه |
اعذريني ياحرم المعلم ضحكت يوم قريت كلامك إنه هو السبب :d
ويييييينا فيه !! والله لو إنه يربطها ويدخل الأكل بفمها بالقوة !! لالاحبيبتي الزوجة هي المسؤولة عن تغير وزنها بعد الزواج .. من الفضاوة والوحدة نحط حرتنا بالأكل والحلويات !! لكن حرمته مسيكينة أكيد تاخذ علاجات وهذا هو السبب الرئيسي لسمنتها .. نصيحة إذا كانت بادية تسمن قبل العلاج وقفوه وخلها تدخل في نادي ورجيم قاسي ليييين توصل للوزن المثالي ثم بتحمل بإذن الله .. ولو تطلب من الإدارة يعدلون موضوعك وعنوانه أحسن لك لأن لو سبحان الله قرت زوجتك هالي إنت كاتبه بتصير لك مصيبة |
لا تعليق \\
ان شاء الله في يوم من الايام تنحط مكانها و تحس فيها يارب |
اللحين هو قال انها ماتحمل من السمنه ...... وكان قايل في بداية موضوعه انه اخذها نحيفه .....
طيب ليه ماحملت يوم كانت نحيفه اول مااخذتها ؟؟؟ وله هي قعدت يومين ومتنت بعدها وصارت دبة والسمنه منعتها من الحمل ؟؟؟ بسالك بالله .. كم وزنها ؟؟؟ يااخي خللي كلامك واقعي اكثر ................... |
الله يرزقكم الذريه الصالحه
بس نصيحه خل المشرفين يعدلون الموضوع والكلمات ألي بالموضوع قبل لاتشوف زوجتك المضوع ويأثر عليها لأن كلامك مرررررررره جارح مارديت على تساؤلاتنا هل كلمتها بالموضوع وايش كانت ردة فعلها ؟ واذا كلمتها وصارحتها برغبتك ومانفع وكان سبب السمنه الأكل بدون العلاج فهددها بالزواج عليها يمكن ينفع معاها والله أنها كاسره خاطري |
ول عليكم حريم الوحده بس تدبغ في الاكل والله ما عندكم شغله غير الاكل و النوم وقالت فلانه وسوت علانه
|
اقتباس:
شكلك لاأنت متزوج ولاشي ؟ بس تبي تستفز الحريم أذا أنت جاد بموضوعك خلك بالموضوع عشان لاينقفل موضوعك |
الاخت احب زووجي لا ينكسر خاطرك ولا شي ولا انتي ارحم واحن بزوجتي مني في بداية الزواج عندها هرمون الحليب واخذت ادويه وحملت تقريبا 3 اشهر وسقطت بعدها ما حملت وحسب كلام الدكتور ما عندها مشكله وانا بعد ما عندي مشكله لكن الدكتور نصحها تنزل وزنها
|
طيب أنت كلمتها بالموضوع وايش كانت ردة فعلها ؟
ليش ماترد على الاسئله ؟ |
لما اقول لها لا تزعلي اذا فكرت في الزواج تقول بكيفك وتعاند وما علي منك هذا انا تبغاني كذا ولا بكيفك
|
ماعندي حل للموضوع بس حبيت اقولك .. احفظ لسانك شوي ... ولا توصف أو تلمح كيف شكل زوجتك ...
فيه اسلوب ارقى من كذا ... مو من شرف المسلم انه يوصف زوجته كيف تكون اذا لبست لناس غرب ... الله يهديك ويصلح حالك ... |
ارحمو الرجال شوي شوف اخوي اذا ما همها انك تتزوج ياخي فرصه روح تزوج
|
ماراح اتكلم عن اسلوبك ف طرح المشكلة البنات ماقصروا بس ترا الوحدة تخاف اذا زوجها هددها بزوجة ثانية وتكون نتايج عكسية يعني تحط حرتها ف الاكل وتمتن زيادة ليش ماتبين لها باسلوب احلى بينك وبينها ان متنها مضايقك وتتفقون انكم تسون حميه مع بعض وتروحون صالة رياضية وانت خبص برع البيت مو قدامها عشان تتشجع وياااارب تنحف زوجتك من غير شر
|
اخوي الله يهديك ما اعتقد له داعي ان نتخيل او نتصور.. ولا اظن ترضى ان نتخيل ونتصور معك الموضوع قد يكون خانك التعبير ولكن لا يوجد عذر بأن تتكلم بأسلوب الاستهتار بشخص اخر ارجو تغيير محتوى الموضوع حتى تعرض المشكلة بشكل واضح.. وبعيدا عن التخيل والاستهتار الله يهدينا جميعا للخير |
تزوج وتوكل على الله
|
الله يعطي كلا على قدر نيته
|
حاول تحرك غيرتها شوي وامدح اختك مثلا وشكلها ولبسها وحتى لو تمدح في اي فنانة (مع اني ضد هذا الشي) لكن شوف اي شي يحرك غيرتها ,,
وبعدين اذا تاثرت اجلس معاها وكلمها باسلوب حلو وكلام طيب ومقنع مو بتهزيئ وتريقة وسخرية من شكلها لا لا لا هذا زي ماقالوا لك في الردود يخليها تكتئب وتفش غلها في الاكل وتزيد اكثر من كذا .. انت فهمها بهدوء انك تحب تشوفها احلى وحدة وارشق وحدة ونفسك تشوف عليها لبس حلو وستايل وهي اكيد راح تقتنع واذا مثلا قالت لك انا كذا واذا مو عاجبك روح تزوج قول لها انا احبك انتي وابغى اشوفك انتي بالصورة اللي اتمناها وانا مستعد اني اساعدك واسجلك في نادي رياضي واوديك عند اخصائية تغذية تنظم لك اكلك واللي تبغيه انا جاهز ,,, واذا كمان ما تجاوبت معاك او عندت بعدين سوي نفسك محبط وقول لها انا باعطيك فرصة 6 شهور مثلا (حسب تحملك بس اعتقد حلو 6 شهور لا تخليها اقل عشان تلقى فرصة ووقت) واذا ماحاولتي مجرد محاولة اعذريني راح تجبريني اسوي اللي ماكنت ناوي اسويه واشوف لي وحدة تعفني وانتي براحتك وخليك جدي في كلامك معاها ,, وصدقني مافي زوجة تتحمل ان زوجها مو عاجبه شي فيها .. الله يكون في عونك وانت كمان اذا بدات تغير في نفسها لاتنسى تكافئها وتمدحها كل ماشفت تحسن وتغيير ويكون احسن لو قدمت هدايا لها في كل مرة تبذل مجهود لان هذا كله عشانك وعشان ترضيك فا اتوقع انها تستاهل ... |
السلام عليكم اولا ثاني شي احب اقول لك شيء اناكنت مثل زوجتك وكان زوجي مثلك احتقار وكلام يلوع الكبد وش النتيجه زياده اكثر واكل اكثر وقهر ولكن والله علي مااقول شهيد اول مابدي يهتم فيني وفي حتي الاكل وادوات الرياضة هواللي بدء معي خطوه خطوه والحين الحمد لله وانته بدل ماتقول الكلام ده روح ابدء معها وارفع من روحة المعنوية وشجعها وحتلاقي نتيجه ان شاء الله وتقبل مروري
|
الصراحة صعب على الزوج يتكلم على زوجته بهذا الكلام اجلس جلسة معها وناقشها ووضح لها ماتريد واصحبها في رحلة لرياضة المشي منها تسليه ومنها نزهة ومنها رياضة
وبالنسبة للملابس اصحبها لمحل ملابس واختر لها منا يناسبها وقل لها هذي الملابس ان شاء لما يتناسب جسمك وبالسياسة والاسلوب تتعدل |
في فكرة ثانية ما دري اذا عندكم مكان يوصل وجبات صحيه للبيت وتابعون الوزن والقياسات ف عيادتهم وااايد ناس نحفوا عليه اشتركوا اثنينكم واستفيدوا صحة ورشاقة جيبها لها من باب الصحة وعشان الحمل واقعد كلمها اذا كانت رايقة ولالالالالالالا تدخل البيت الشيبس والبسكوتات والحلويات واكيد راح تقتنع واذا شافت النتيجة والله بدون الاشتراك راح تستمر بالتخفيف لين توصل للوزن المثالي مافي حد بالدنيا مايحب الرشاقة بس يمكن تكلمها وقت نفسيتها تعبانة اختار الوقت المناسب والله يوفقكم ويهديكم ويرزقكم الذرية الصالحة
|
اقتباس:
أهلاً جنه الدنيا تصدقين أني أفكر فيك قبل كم يوم أقول البنت مختفيه؟؟ أختي أضحكي وأستانسي ... أوكي الزوجة مسؤوله عن وزنها بس ترى علاجات الحمل تزيد مايقارب 5كيلو بالشهر وعلاج هرمون الحليب مايزيد الوزن ... فأكيد ماقالت لها الدكتوره نزلي وزنك الا لاجراء عمليه أطفال أنابيب وهنا يكون الزوج هو السبب؟؟ لان مثل مانشوف فيه حريم أوزانهم فوق 90 ويحملون ماقالو لهم نزلوا أوزانكم .. الا أذا كان الزوج عنده مشكله.. والأكيد أن كلامي صدق ... مارد على كلامي يوم قلت له من المنشطات وهو كان متابع ويرد بسرعة |
فعلا اختي حرم المعلم .... كثير متبنات ويحملون طبيعي ..
|
السلام عليكم ورحمة الله وبركاته
حقيقة لم أقرأ موضوعك الا الآن ولا أدرى ماذاكنت كاتب فيه قبل ان يتم تعديله لكنى والله اشكر فيك اهتمامك بزوجتك وبأنك تريد أن تكون على أفضل حال وهيئة ولكن ليكن النصح بالمعروف وبدون اهانه حتى تعطى النصيحة نتائج جميله أولا أنا أوجه دعوه لزوجتك لتدخل على موضوعى عن الرشاقة وهو موضوعين الأول تحت عنوان( كيف انزل من وزنى) والثانى ( معا نحو الرشاقه) خليها تدخل عليه وتتشجع معانا وسوف ندعمها جدا ونشجعها ونقف الى جوارها حتى تستعيد رشاقتها . ثانيا وهو الأهم .......... لا بد لك أن تعرف أن ما تكون فى سنين لن ينزل فى يوم وليله فهى لابد لها من وقت حوالى سنه حتى تعود لسابق لياقتها ورشاقتها كما انه لابد لها من شهور تفكير وشحذ للهمة قبل ان تبدأ لقد كنت فى مثل حال زوجتك وظللت حوالى 3 أشهر أفكر فقط فى اننى لا بد أن أتغير ولابد أن انحف ولا افعل شيئ فقط تفكير وكلما فكرت فى الرجيم اجدنى اقوم التهم كل ما فى مطبخى من طعام على امل اننى سأبدأ من غدا رجيم ويأتى غدا ولا أبدأ وظللت هكذا ثلاث شهور وخلال يوم وجدتنى القيت كل ما فى مطبخى من اشياء تدعو للسمنة وبدأت فى اتباع نظام غذائى وعانيت اول اسبوعين من الجوع ومن التعب ولم اكن امارس رياضه وقتها فلم ينزل وزنى مع الأسف ولا جرام واحبطت اكثر وأكثر ولكن كان عزمى كبير هذه المره فكتبت هنا فى المنتدى عن موضوعى الأول كيف انزل من وزنى وساعدتنى الكثيرات من العضوات هنا وبدأت ممارسة الرياضه مع الرجيم وهاهو وزنى يقل تدريجيا ........ كتبت هذه التجربه كى تنقلها لها وتشجعها ان تبدأ معنا ولكن الأهم هو انت هو دورك فى تشجيعها لا تتخيل ما للتشجيع والدعم من دور رائع فى شحذ الهمة يا أخى الفاضل ........ عليك هنا الدور الأكبر ....... مثلا كلما رأيتها تمارس الرياضه شجعها وقل لها كلمات حلوة معنتها انها احلى بكثير فى نظرك وهى نشيطة وتمارس الرياضه وقم وابدأ التمرين معها كلما نزلت ولو كيلو واحد شجعها وقل لها هكذا افضل من قبل وانها ستتحول الى مانيكان فى خلال الشهور القادمة كلما رأيتها محبطة ولا تريد القيام بالتمارين خذها فى نزهة جميلة مشيا على الأقدام واعزمها على شيئ صحى مثلا عصير بدون سكر اطلب منها عمل اكلات فى المنزل قليلة السعرات وستجد هنا فى المنتدى الكثير والكثير منها وشاركها الأكل الصحى فهو لذيذ ولا يسبب التخمة ولا حرقة المعده وصدقنى يوما وراء يوم ستغير زوجتك من عاداتها الغير صحية وستتحول الى رشيقة الرشيقات ولكن وفقط بوجودك الى جوارها كداعم ومساعد لها اتمنى لزوجتك الرشاقة والصحة ورزقكما الله بالذرية الطيبة |
طفش الرجال شوف هاذا كله من الله ولازم ترضى بما قسمه الله لك يمكن يكون اختبار من عند الله ويجب عليك ان تصبر
|
شجعها
و قل لها انها اذا نحفت رح تحمل ان شاء الله و اياك تهينها أو تجرحها الدعم المعنوي من اهم الأمور في الريجيم و لا تهددها لأنها رح تكره فكرة التنحيف لما تشعر انها فرض عليك و انك ناوي تنتقم اذا ما نفذته الله يرزقكم الذرية الصالحة آمين |
شجعااااااااااااااا ياخي:22: اعرف وحده كذا متينه لاكن زوجها قلها اذا نحفتي اشتري لك طقم ذهبببب كل مانزلتي كيلويزيد سعر الطقم ونزلت حد ماوصلت ناقصه7كيييييييييلو واشترالها طقم ذهب ب7الالالالالالالالالالالالالاف:17::14:
|
نفس تجربه اختي sa33 و معها في الموضوعين
بس انا بديت الرجيم من 6 شهور و اخذ مني ايضا 3 شهور او اكثر حتى احدد الهدف و استجمع الاراده عادات غذائيه سيئه تراكمت على مدى سنين و بحجج مختلفه صعب ان يتخلى عنها الانسان بين يوم وليله و زوجي كان له اثر في هذا يوميا يخوفني من الامراض و اذا لم ابدا الان غصب عني انحرم من العيش بصحه و عافيه و تلاحقني الادويه و الامراض ولي صديقه ايضا نزل وزنها كانت تشجعني وتشجعني على الحميه و فعلا يوما بعد يوم وقفت وقفه صادقه مع نفسي و بدات و الحمد لله ذهبت للطبيبه و سالتها عن نظام الحميه الذي اتبعته صديقتي و مركز للحميه اذا كان يناسبني او لا يناسبني وشجعتني و كان زوجي يشجعني يوما بعد يوم واشترى اجهزه رياضيه ويذكرني ويحسب معي السعرات الحراريه و يراقب كل ما اكل ويذكرني بما تبقى لي من وزن لافقده و يسالني عن الرياضه و كم سعر حراري اكلت و حرقت ويبعث لي ايميلات عن مواضيع صحيه و اضرار الملح و السكر و الدهون الضاره ويتابع برامج الحميه والاغذيه الصحيه ان شاء الله خير و بدايه حياه جديده لكما |
| الساعة الآن 11:16 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©