|
لتفصيل طقم مفرش سرير مع ستارة أريد المساعدة
السلام عليكم
أخواتي أنا حابة أفصل مفرش لسرير غرفة نومي مع كل لوازمه( من غطاء مخدات و تكايات ) و ستارة للشباك خلف السرير ... بحيث تبدو غرفة النوم متناسقةو فخمة ياريت يلي عندها أفكار أو معلومات تعطيني ..... هل أفصل أم أجد جاهز.. إذا في جاهز من أين المقاسات ....القطع اللازمة ياريت أفكار و صور و شكرا جزيلا لكن |
أنصحك فصلي ستاره مع مفارش للطاولات نفس القماش
لكن مفرش السرير أشتري جاهز مو حلو اذا كان كل شيء طقة وحدة |
اقتباس:
|
أختي سيريا هارت
انتي شو التصميم اللي بتحبيه أكتر الغربي و لا الشرقي الشرقي عادة متكلف أكثر و شكل الستائر فيه مختلف طبقات و أناطر و و و الغربي غير متكلف مرتب و بسيط سأحاول البحث لك عن أمثلة في الانترنت |
التصميم الشرقي يشبه هذا الشكل :
http://www.pattayakitchens.com/image...curtains14.jpg http://www.universalupholstering.com...tments-16a.jpg بينما الغربي يشبه هذا http://www.dohaup.com/up/2009-04-15/...2053988237.jpg http://www.holidaylettings.co.uk/pics/1/17517_4.jpg لاحظي وصلات البرادي من فوق في الغربي تكون بهذا الشكل : http://oilycog.com/images/rod-bedroom-thumb.jpg |
حرم المعلم و apple green شكرا لرايكم... كلامكم في وجهة نظر .... بس أنا قصدي مايكون المفرش من نفس القماش كله ... يعني ممكن الملاية ة الستارة من قماش و اللحاف ( سادة ) من قماش تاني ( معرق) شو رأيكم
ماريا: شكرا كتير الك ... أنا بحب الستايل الغربي .. الصورة الأولى بالستايل الغربي اللون الخضيري كتير حلو بس انا ما بفضل الشراشف البيضا بحس ما عادوا طقم ....و فكرة الستارة من فوق فعلا كتير مهم اني انتبهلها ناعمة و عملية بس سؤالي اللحاف ممكن يتفصل تفصيل؟؟ |
اقتباس:
حسب البلد اللي انتي فيها و حسب شكل اللحاف اللي بدك ياه في ناس بستخدموا لحاف عادي أبيض و بلبسوا اللحاف لبس أو الغطاء و اسمه بالانكليزي duvet اذا بحثتي بصور جوجل رح تشوفي شو المقصود عادة لما بتشتري غطاء اللحاف هذا بكون معه وسادتين من نفس الموديل و الألوان و الستايل الغربي بالذات بكون على الشكل التالي غطاء اللحاف و معه غطاء وسادتين بكونوا ملونين و لهم موديل معين و بتطبقي عليهن شرشف سادة على قد الفرشة بسموه fitted sheet كمان شوفي صوره بجوجل و مع الشرشف بتاخدي غطاء وسادتين من نفس اللون و عادة بكون الشرشف و الوسادتين هدول لون سادة و اللي هو أحد ألوان غطاء اللحاف هي صورة فيها مثال (لاحظي الستائر من قماش غطاء اللحاف ) : http://www.allaboutyou.com/?module=i...y&fileId=61746 و الشرشف و الوسادتين التانيات (اللي تحت الملون) أعتقد لونهن كريم ... ( مو كتير واضحين بالصورة) المجموع 5 وسادات (مخدات :)) 2 سادة من لون الشرشف 2 مزركش متل غطاء اللحاف و وحدة صغيرة من الأمام تكملة للستايل و الستائر معظم الماركات بتكون عاملتها على نفس قماش غطاء اللحاف تماماً و من أحد ألوان اللحاف و الستائر بتطبقي انتي لون السجاد و باقي اكسسوارات الغرفة من محلات الفرش التانية (لاحظي ألوان السجاد في الصور كلها ) و الستايل التاني لغطاء اللحاف في ناس بتستخدم شي اسمو bed spread و هو شرقي أكتر و متكلف لكن مو عملي لأنه تنظيفه صعب يستخدم فقط كمنظر لكن لا أعتقد انه ممكن يوضع بشكل مباشر على الجسم صورة : http://www.wise4living.com/bbspread/.../bedspread.jpg http://www.batesmillbedspreads.com/i...-bedspread.jpg هذا فيه الغطاء هو نفسه مخيط مع اللحاف محشي يعني لا يمكن فصلهم ان شاء الله تكوني فهمتي قصدي و انا برأيي و نصيحتي انك تحاولي تبحثي عن شي جاهز بدل ما تفصلي الا اذا كنتي بسورية التفصيل فيها دارج أكتر كونهم البائعين هم المصنعين للبضاعة بالتوفيق |
شكرا كتير كتير إلك يا ماريا العزيزة
قصدك واضح تمام كتير عجبتني غرفة النوم بأول صورة تماما هاد هو يلي عم دور عليه... بس ياريت اقدر لاقي جاهز هيك لحاف مع الستارة .... قولك بالشام بفصلوا هيك ؟؟ انا بصراحة بالرياض وكنت عم فكر فصل هون و آخده معي عالشام (لغرفة الشام) علما انه انا بدي اللحاف على النظام الامريكي يعني مو ثقيلة مثل اللحف في سوريه مرة تانية شكرا لك |
اقتباس:
أختي بحلب كان بدهن شي على الستايل الغربي متل منتجات ikea بعد البحث الطويل شافوا كم محل بضاعتهم تركية كتير شبيهة بالغربي و فصلوا تفصيل برادي بيتهم كلها و أخدو نفس القماشة للبرادي و مخدات غرفة الضيوف غرفة النوم ما عملوا البرادي متل مفرش السرير نصيحة تعملي مفرشين للسرير واحد احتياط لأنه استعماله اكتر من البرادي اذا عندك حدا هنيك بالشام يسألك أفضل و مضمون أكتر و اذا ما لقولك شي أمريكي متل ما بدك خدي من الرياض و امني عليهن بس حاولي تشوفي الجاهز و لا تنسي تاخدي القياسات كلها يمكن تحتاجي تفصيل إذا كان الجاهز مو مرفرلك كل القياسات اللي بدك ياها بس معروفين قياسات اللحاف (مفرد - مزدوج - و ملكي ) و أكبر قياس بكون عادة مترين * 180 سم بس قياس البرادي لازم تقيسي غرفتك مشان تحددي الأبعاد منيح بدون ما تقيسي صعب تشتري شي بالتوفيق يا رب |
بالنسبة للمقاسات كلهم عندي
غالبا راح فصل بالرياض و آخدهم معي ...... شكرا يا ماريا تعبتك معي |
السلام عليكم ورحمة الله وبركاته
ان شاء تكونوا بخير اولا اشكرج اختي ماريا على افكارج الحلوة ثانيا بغيت اطلب منكم طلب :) ممكن تساعدوني انا كنبات بيتي واثاث غرفة النوم اقصد السرير والتسريحة والكبت لونهم كامل بني غامق وفيهم جلد يعني بتصميهم وابغي نصائحكم كيف احاول افتح اللون بالستائر والمفارش والمخدات للصالةوالسجاد وكل شي اذا عندكم افكار لاتبخلوا بها علي لاني ما ابيها وايد غامقة يعني بتمون معتمة ونفس الوقت ابيها منسقة فياليت تساعدوني بأفكاركم . ولكم كل الشكر ... |
أنا أثاث غرفتي لونها بني غامق أيضا
أفكر بإدخال ألوان تعطيها حيوية .... يمكن راح اختار المفرش بتعريقات يدخلها اللون الأحمر.... و سأضيف اكسسوارات حمراء من أباجوران و لمبديرات و غيرها و لكن الصورة التي وضعتها الأخت ماريا عجبتني جدا فقد أختار اللون الحششي أو الأخضر الفاتح بدل الأحمر |
اقتباس:
مشكووووووووووووووووورة حبيبتي انا بعد ابي افتحها وابي لها شوية حيوية بس انا عرفتي ستايل عربي واحس بينفع وياها البيج يعني هاللون بيكون اوكي والا اغير .... والله محتارة ومدري وش اسوي لأن كل القطع الا في البيت بنية وانا مليت من هالعتمة وابي شوية حيوية عموما اشكرج واذا ممكن حد يساعدنا بافكاره يتفضل وله جزيل الشكر.. |
اقتباس:
ألوان الخشب و لا اللحاف بني غامق؟؟ و هل هو سادة و لا معه لون تاني ؟؟ البني بروح معه ألوان كتير اذا بدك يكون فاتح ممكن البيج و الكريم http://www.dohaup.com/up/2009-05-19/...1561390401.jpg http://www.dohaup.com/up/2009-05-19/..._731503701.jpg http://www.dohaup.com/up/2009-05-19/...1047118465.jpg البيج معه لون تاني لباقي الاكسسوارات بكون حلو لكن الحذر في اختيار اللون التاني ضروري هذا مثال معه لون بسموه ال teal بالانكليزية ( متل لون كتابتي في المنتدى ) http://www.dohaup.com/up/2009-05-19/...1949842016.jpg و ممكن الأزرق الفاتح و الأبيض الناصع مو غلط شوفي هالصورة http://www.dohaup.com/up/2009-05-19/...1158125863.jpg و ممكن مع البني بيج و باقي الاكسسوارات تكون بلون بوردو أو أحمر http://www.dohaup.com/up/2009-05-19/..._943414955.jpg http://www.dohaup.com/up/2009-05-19/..._932410435.jpg و هذا ممكن يكسر البني و يعطي حركة لكن غامق شوي http://www.dohaup.com/up/2009-05-19/..._925779577.jpg لكن اذا داخل مع البني ألوان تانية حاولي ما تبعدي عنها لو عندك صورة لها بكون أفضل عفوا على التأخر بالرد لكن كنت مسافرة بالتوفيق |
| الساعة الآن 05:23 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©