|
زوجي يلبس عدسات ملونة !
السلام عليكم و رحمة الله و بركاته
حبيت أسأل الأخوان و الأخوات هل هو شئ عادي إنه الرجل يلبس عدسات ملونة ؟؟؟؟؟؟؟؟؟؟؟؟ زوجي كم مرة طلب إنه يلبس عدساتي ( نظر + ملونة ) بس كنت أرفض و أقول له مافي رجال يلبس عدسات ملونة ، يقول لي إلا مافيها شئ و عادي قلت له ، يلبسوا بس تكون شفافة بس أحسه يبغى يلبسها بأي طريقة و يمزح معاي و يقول بأطلع عدسات ملونة و مرة بداية زواجنا ، قمت من النوم و شفت عينه متغيرة و لقيته لابس عدساتي و مبسووووووط و كان بيخرج زي كذا قمت تضايقت مررررررررررررررررررة و بينت له إنه هذا الفعل مقشعر و غير رجولي بس رجع دحين و يقول لي بألبسها بيوم فهل هذا الأمر عادي و أنا مكبرة الموضوع و لا كيف ؟ و هو يتعطر بعطوراتي و يستخدم كريماتي و كريمات الشعر تبعي ؟ حتى إني صرت أخبيها كلها و بدأ يخف عن زمان ؟؟؟؟؟؟؟؟ بس حكاية العدسات ماهي راكبة مخي أبدا و هو يحسسني إني أنا الغريبة ؟ عشان كذا بأسألكم ؟ |
بالنسبة للعطور عادي
الكريمات حقت الشعر اذا شعرة جاف يبغى يرطبه ممكن بس العدسات غريبة بعدين كم عمرة |
الله يسعدك يارب ممكن عدسات طبية اوكي بس ملونة احسة يطلع ملفت الانظار غريبة يمكن العطورعادي تتقبلينها عططرنسائية احسن بكثير من وجهة نظرهم بس غريبة العدسات الله يعينك يارب براحتة الفشيلة علية الله يهديه بس |
شكلها صارت موضه
قبل فترة رحت عرس و شفت العريس لاابس عدسه عسلي شكله كان غريب وبنفس الوقت لافت للانتباه و مضحك .. الكل علق تقريبا و هذا الشي انقص من شخصيته .. بشكل عام صرت اشوف كثيير شباب حاطين عدسات ملونة .. مادري ايش فيهم .. كنا بالبنات و الحين الرجال .. شوفي حبيبتي لا تقولي له عمري ما شفت او ما يصير... لانه ساعتها بيقول ايش دراك انتي .. لكن بيني انك عارفه انه في شباب يلبسونهم الان لكنه شي منفر بالنسبة للمرأة و انه لو لبسهم بمكان عام راح يعلقون عليه ... يعني بيني له انه شي مرفوض اجتماعيا و انك سمعتي استهجان من الرجال المحترمين زي ابوك و اخوانك مثلا و من النساء ايضا لهم ... قولي له لا تفكر اللي يلبسونهم محبوبين و انما يلفتون الانظار من الناحية السلبية و في ناس يسبوهم لانه يمكن يفكر انه شي عادي و مو قصده شي و انما شاف كثيرين يلبسونها فا شافها موضة و قال يجرب وشبيهي له الفكرة باللي يلبسوا بناطيل نازلة وييييييع .. و انها مووضه بس اي رجل و امراة محترمين يحتقرونهم و الامر عائد له بالنهاية |
اقتباس:
بس مرة حط ماسكارا يبغى يضحكني ، و أنا انقهرت لإنه حسيته إنتقاص من الرجولة ، لإنه مرة عدسات و مرة ماسكارا و مرة مرطب شفايف أحمر ؟ و قبل سنة ، مرة حط المرطب حقة الشفايف و لونها مايل للون الأحمر يعني لو حطيتيها على شفايفك ، تصير بمبية و تلمع و عمل نفسه مو منتبه ، مع إنها مرررررررة باينة بس قلت له ، أنا اشتري هذه الأشياء عشان اتزين لك مو العكس ؟؟؟؟؟ بعدين أحس كأني جالسة مع بنت مثلي ؟ و بدأ يبعد عن أغراضي يوم بينت له كم مرة إنه الشئ هذا مو حلو على الرجال و إنها خاصة للبنات و بسسسس أنا أتقبل أي مزح و أي تريقة و استهبال ، بس هذه الأشياء تقشعرني |
اقتباس:
و أتوقع لو إني سمحت له يجرب عدساتي الملونة و يخرج بها برة عند أصحابه فما عنده مانع ؟ بس أتمنى ألاقي إجابة من الرجال ؟؟؟؟؟؟؟؟؟؟؟؟ و مستحيل أقول لأخواني أو أخذ رأيهم و عشان ما ينتقصوا من قيمة زوجي ، و لإنه ببساطة هذا الشئ 100 بالمية غلط عند أهلي |
اقتباس:
و أتوقع لو خرج بها لأصحابه و جاملوه ، فراح يصدقهم ، لإن زوجي يصدق المجاملات بسرعة و ما يدري إنهم بداخلهم يتريقوا عليه أو يضحكوا عليه ، بس ما يقتنع بكلامي و بالعكس ، يوم ألبس أنا اللو ويست ،، أحسه ينبهر و يقول حركات ماحد قدك بس طبعا ألبسها قدامه مو قدام أي أحد ، قصدي إنه من داخله أحسه منبهر بالأشياء هذه و طبعاً الشئ هذا مو من دحين ، يعني مو موضة و يبغى يجربها ، من يوم تزوجنا و هو كذا و قلت يمكن خلاص تغير دحين بس رجع دحين نفسه يلبس العدسات الملونة و يقول لبسيني هي فاتمنى الرجال يردوا علي ؟ إيش تفسير الشئ هذا ؟ |
والله شي غريب ان شاء الله فتره ويرجع
|
وعليكم السلام ورحمة من الله وبركاته...
أرى أن هذه الحركات المائعة كثرت في الآونة الأخيرة...لا تتساهلي في هذا الموضوع على الإطلاق ووضحي له دون عصبية أو صراخ رفضك لهذا الأمر جملة وتفصيلا.. تحياتي.. |
طبعاً أختي الفاضله هذا شي غريب ***
قد يكون فارق العمر بيني وبينه هو سبب اختلاف التفكير *** لأن هو من جيل وأنا من جيل *** وقد يكون زوجك يحب الشي الغريب المميز *** لكن هذا شي غير طبيعي *** والحل بيدك *** بس أهم شي بدون مشاكل *** يعني حاولي تقنعيه بأسلوب لطيف علشان يتقبل منك *** قولي له أنت رجال *** وأنا أخجل أن يشوفك أهلي بهذه الصورة *** تبي تلبسها البسها قدامي فقط *** خارج البيت لا *** القصد أنك تحاولين بالتدرج تبعدينه عن هذه الاشياء الغريبة *** أعيد وأكرر هذا ماهو طبيعي أبداً *** هذا لبس النساء فقط *** بالتوفيق أن شاء الله 0 |
اختي هل زوجك تربي في وسط اغلبهم بنات ؟؟ يعني هل زوجك عنده اخوان او كلهم اخوات ؟؟ او هل زوجك عنده فقط اخوان و امه تتعامل معه و كأنه بنت ؟؟ واذا عنده اخوان هل هم نفس تفكيره ؟؟ هل اصدقاء زوجك عندهم نفس الميول ؟؟ اختي هل زوجك طبيعي معك في العلاقه الحميمه ؟؟ |
غريب بصراحة
|
مرحبا .......
شئ غريب عدسات!!!! مرطب شفايف!!! هل زوجك متربي مع بنات يعني وحيد مع مجموعة بنات ؟؟؟؟ التربية لها دور..... تقبلي مروري واستغرابي....... |
بالنـســــــبة للعطــــــــورات وكـــــــريمات الشعـــــــر عـــادي0000 امـــا العـــــدسات والمـــــرطب اكــــــيد مـــــو عـــادي0000 ممــــكن اذا كـــان زوجـــــك متــــربي مــع بنـــــات بس يكــــــون تاثـــــــر منهــــم00000 او يمكـــــن اصحـــــابه اذا كـــــــانوا يستخـــــدموا هالاشـــــياء فيكـــــــون تاثــــــر فيهــــــــم0000 وانتــــــــي وضحيـــــله ان هالاشيـــــــاء تنتقـــــــص من الرجــــــــــــوله0000 والله يعينــــك اختــــــــي000 |
عطورات نسائيه نمشيها شوي كريم شعر نمشيها بس معليش عدسات والله شي غريب المفترض انك ماتسكتين عن هذا الشي
|
وعليكم السلام ورحمة الله وبركاته
بالنسبة لموضوع الكريمات والعطور ليست مشكله وخصوصا ان فيه عطور نسائيه رائحتها قريب من العطور الرجالي ومن الصعب الواحد يحدد هل العطر نسائي او رجالي وايضا كريمات الشعر اذا كان يستعملها بحدود المعقول مافيها مشكله وسأكتب عن ولد اختي وطريقته العجيبة والغريبة في مظهره.. كان قبل 4 سنوات وعمره بذاك الوقت 22سنه .. يحب يستخدم عدسات ملونه!! ويهتم بكريمات الوجه.. ومرطبات الشفايف بدون حاجه بس يعجبه يشوفها تلمع ;) بصراحة هو رجل وشخصيته قويه "يعني ما اشكك في رجولته".. لكن مع الوقت علمت بانه يحب يلفت انتباه من حوله فقط وطبعا ترك الحركات الغريبة قبل ملكته بسنه.. وزواجه في الشهور القادمة باذن الله لكن ما استدعى انتباهي في موضوعك اختي.. بأن زوجك ماشاء الله تعدى مرحلة الطيش وعمره 28 سنة ومتزوج لذلك انصحك اختي:
طبعا النتيجه لن تكون بين يوم وليلة.. ولكن تحتاج الى صبر منك وسيتغير بأذن الله ادعو الله ان يزيدكم سعادة ويوفقكم آسف على الاطالة ولكن اردت ان اوضح الصورة |
وحده من الثنتين ،،،
1- يا انه فاهم الكشخه غلط ، وعلباله اذا كانت شفايفه ورديه او خدوده حمرا ، وعيونه ملونه ، او ناعم بتصرفاته ، البنات يركضون وراه . وعلاجها انك تقولين له ان الناس وبالذات الحريم ، يتقززون من هالحركات ويتحمدون ربهم اذا شافوا واحد مسوي هالحركات ، ويلفت نظرهم الرجال (( الرجااال )) . 2- او ان له ميول غير طبيعيه (( واعتقد فاهمتني )) ،،، وهالحاله ماعندي لها رأي ، لأن صادفني بحياتي واحد من خوياي تغير علينا فجأه (( من قمة الرجوله )) إلى (( جنس ثالث )) والعياذ بالله ، اقسم بالله كان يطلع معنا إلى الربع الخالي ونجلس بالـ10 والـ15 يوم ، وفي عز الصيف ونصيد وننام تحت السيارات وهو معنا تخيلوا !!! ،،، وبعدها ابتعد عنا بالتدريج إلى ان تفاجأنا انه (( تغير 180 درجه )) ... وإلى الآن انا مستغرب منه ، بدون اي سبب وبدون مقدمات . والله المستعان . وضروري تردين على أسألة (( اميرات )) . |
كيف ايمانه وعلاقته بربه ؟؟!!![/
|
اعتقد ان هذا الأمر ليس طبيعي ليس على المستوى العربي بل على مستوى العالم !
بشكل عام .. مبالغة الرجل الاهتمام بشكله لدرجة يصبح فيها ينافس النساء شيء غير طبيعي اطلاقاً و يطرح علامات استفهام كثيرة |
انا صديقي المقرب لي لا اشكك في رجولته
بصراحة شخصيته قوية جدا وشكله رجولي بحت لكن بنفس الوقت متأثر شوي في حركات يعملوها النسوان يعني المرطبات والمقشرات واللباس بألوان غريبة تلفت النظر تعجبه كثير بعض الاحيان يضع عدسات رمادية او زرقاء غرفته مرتبه بطريقة بنوتية اكثر وفيها اكسسوارات من كل صوب لكنه رجل بمعنى الكلمة الذي حصل معه هو ان عندما كان صغيرا .. كانت علاقته قوية بأخواته الاكبر منه سننا يقول لي عندما كنت صغير .. ويحضروا لي سيارة ك هدية في عيد ميلادي .. أبكي واقول لا اريد السيارة اريد " باربي " !!! ويقول عندما كنت العب مع اخواتي لعبة تمثيل .. كانو يجعلوني امثل دور " الاميرة " وهن يمثلن دور الرجال المحاربين عشان كذا شوفي زوجك شو التاريخ حقه تحياتي |
بسم الله ..
والله مشكلة .. ممكن زوجك متربي مع بنات .. وايضاً زملائه واصحابه .. عندهم شي عادي .. الله يهديه .. وفهميه ان الاشياء هادي من التشبه .. خاصة سواليف النسوان من مسكره وغيرها .. الله يهديه ويسخره لكي .. |
بصراحه اخت رزان , اذا اجبت على اسئلة الاخت اميرات ستكونين قد قطعت نصف الطريق في معالجة المشكله, ارجو ان تتابعي مع الاخوه والاخوات
|
اضافه لنصائح الأعضاء السابقه ،،،
بيني له ان المرأة تحب الرجل الخشن ( مو الوسخ )، مثل مالرجل يحب المرأة الناعمة وذكريه بحديث " لعن الله المتشبهين من الرجال بالنساء" |
الحمد لله رب العالمين ألا يكون ذلك داخلا في معنى التشبه؟
|
اقتباس:
|
اقتباس:
هو ما يلبسها قدام أهلي ، لإنه راح يخجل من نفسه بس بيلبسها قدام أصحابه أو في الشارع و هو بالفعل يحب يلفت إنتباه الأخرين له بأي شكل |
اقتباس:
و دحين عندنا طفل و الحمد لله : ) و رجع لنفس الشئ دحين و لو عطيته مجال بيعملها عادي بس ما بأشجعه |
لا اختلاف جيل ولا شي اختي والله هالشي مو عادي الحل انك تذكريه برجولته وانه مايصير رجال يسوي هالاشياء هو بيشوف الموضوع ويجس نبضك اذا توافقي وتسكتي يعني لو سكتي فلها الرجال وماعنده مشكله انصحيه وبقوة انك ماتوقعتي هالتصرفات منه الله يكون في عونك |
اقولك شي ..
شكل زوجك متأثر بالأفلام الأجنبية الي كل شي عندهم عادي .. يعني من لما كان صغير إلى سن المراهقة وهو يشاهدهم .. وطبيعي الصغير والمراهق يتأثر خاصة لما يعجب بهذا الممثل .. وخاصة لما تجي لقطة أن البطلة لفت انتباهها شاب كذا مواصفاته .. وعلى فكرة الأفلام الاجنبية تركز على هالمفهوم وتجيبة بشكل صريح غالباً ومبطن أحيان ثانية فهذي الاشياء تدخل في عقل الانسان وتكبر معاه .. أو أنه يتأثر ببرامج الموضة الي هليام تعرض حق الرجال وتقول لبسوا وقصو شعوركم كذا هل زوجك يشوف مثل هالبرامج كثير ؟؟ باختصار أحس أن زوجك مهووس للفت الانظار بس صدقيني الشدة والزعل والصراخ ماراح يجيب نتيجة .. إذا اهو يحب لفت الانظار حسسيه أنه يلفت نظرك لما يكون رجل كامل الرجولة يعني لما تشوفينه يوم لابس لبس يعجبك بجد ومو عامل حاجات تنرفز أعملي انه لافت نظرك بقوة أظهري هالشي بكلامك ونظراتك وتعليقاتك .. خليه يحس بذاته وهو في هالصورة الطبيعية صورة الرجل الي بشكل عام أحنا نحبها حتى لما تشوفينه يوم قاعد يصلح شي وحالته حاله أظهري اعجابك فيه كبري الصورة بعينه وكبري راسه فيها .. جربي و شوفي شوي شوي بيتغير إذا كان الموضوع حب لفت للنظر بس |
بأجاوب عن أسئلة الأخت أميرات الله يجزاها خير
و مثل ما قالوا الأعضاء ، أسئلتها تختصر الكثير فسامحوني ما يمديني أرد على الكل عشان عندي نهائيات بس الشكر من جددددددددددد لكل مين رد علي و مقدرة للكل و الله اقتباس:
هو بالفعل ،، يحب يلفت الأنظار له بأي شكل و يوم حلق شنبه و لحيته كلهاااااااااااااااااااااا ، قال لي أصحابي كلهم يقولوا كذا شكلي أفضل و أحلى حسسته كم مرة إنه بالعكسسسس ، الرجال من غير لحية لو عالأقل شئ خفيف و شنبات أحسه مثل البنات و كنت دايم أمدحه يوم تطلع له لحية و أقول له لا تشيلها كذا أحلى بكثيييييير و اتغزل في لحيته و إنه كذا أحس برجولته أكثر و إنه و إنه و إنه المهم ، هذه السنة اللي صار ما يشيل لحيته كلها ، و بدأ يتركها و يرتبها بسسسس ( و هو الصراحة الصراحة ، شكله مقبول من غير لحية و يبان أصغر من عمره بكثييييير ،، بس ما كنت أمدحه أبدا ، لإني أصلا أصلا أقرف من الرجال اللي من غير لحية ) فيوم كان يشيلها كله ، ما أبين له إنه وسيم و العكس صحيح لكن بشكل عام ، هو من النوع اللي يحاول يجذب الإنتباه طبعا مو النساء بس انتباه أصحابه و تعليقاتهم فقط ، من باب ( خالف تُعرف ) .. لإنه يحس إنه ماعنده شئ يجذب انتباه الآخرين |
رأيي بكل صراحة وبدون زعل..ما أعتقد هذه حركات رجال حقيقين...اذا كانت عدسات طبية شفافة فهذا مقبول...
... أما اذا كانت ملونة..فأعتقد انه في خلل في شخصية الرجل او عنده شعور بالنقص... والله يهدي الجميع |
مثل ما توقعت اختي رزان .. تصرفات زوجك هي نتيجة التربيه ... فمن يتربى وسط بنات لا شعوريا اهله يتعاملون معه مثل ما يتعاملون مع البنات.. الا اذا كانوا الاهل واعيين انه يجب ان يعامل معاملة الاولاد و يجعلونه يختلط بالاولاد كثيرا .. مع زوجي في العمل ولد شباب يمكن اكبر من ابني بسنتين او ثلاث سنوات .. متربي وسط بنات و تصرفاته رقيقه مثل تصرفات البنات و حنون و طيب و كلامه في نعومه .. فالمجموعه اللي مع زوجي رفضوا هذا الشاب ان ينضم اليهم وقت جمعتهم على الغدا في العمل.. قالوا له انت تصرفاتك مثل تصرفات البنات و حنا ما يشرفنا انك تكون من مجموعتنا .. فالمسكين صار منبوذ فما لقى احد غير زوجي يلزق فيه لانه في عمر والده .. قبل كم يوم سألت زوجي عنه .. قال ما احد يجلس معه على طاولة الطعام وقت الغدا الا انا ... هو مو شاذ لكن هو تربى بهذه الطريقه .. ديري بالك يا اختي على ابنك .. خليه يختلط مع الاولاد اكثر من البنات .. بالتوفيق ان شاء الله .. |
الله يعينك علي هذا البلاء ويااختي ماعليكي اللي الدعاء له بصلاح الحال لان هذا الشيئ مقرف بالنسبه للرجل ماتزعلي مني بس هذه صراحه واقول خذي موقف حازم معه والله يعينك
|
طيب ياأختي رزان زي مايقولوا إذا عرف السبب بطل العجب
وعرفنا إن زوجك إن تربيته هي الأساس في حبه لأغراض الحريم وميله لها بس إنت حاولي تبينيلو كيف يجذبك الرجال الخشن مثلا اللي فيلو شعر في صدره اللي عنده لحية أوعنده شارب فمثلا كان هو عنده شعر في صدره قوليلي واااااااااااااااو قد إيش يجذبني الشعر اللي في صدرك أو قد إيش تغريني لما أحط يدي على وجهك أحس بخشونة......أو.........أو......أو........عل حسب اللي يجذبك في الرجال ... وإذا حط شي من أغراضك الشخصية أو سوا اللي في رأسه وحط العدسات الملونة حاولي إنك تبينيلو إشمئزازك منها وإنهاشي مقرف بالنسبة لك....موتبينيها بدلع لأ تبينيها إنك زعلانة من جد من هذا الموضوع وماتبيغيه يتكرر تاني وإذا تكرر عاد وقتها لاتلومني يازوجي العزيز بأي تصرف....من قاصرها خليكي حازمة في هذا الشي يعني مومره إيوه ومره لأ...... وسامحيني إذا كلامي مومرتب من قهري بس والله ولي التوفيق تحيااتي |
اختي رازان كثير من الشباب اهداهم الله يستخدمون عطورات نسائيه وكريمات وحمره ومكياج في المناسبات واختلط الحابل بالنابل وهذا لايدعو انيكون زوجك شاذ بس حب تغيير خارجي فقط
|
لااااااااا تساااااااااهلي في الموضووع... لان هالحركات مب حركات رياييل .. كلنا معرساات و نعرف الرياييل كيف ... مافي ريال يسويجيه ... لا تتساهلين وياه ...
|
| الساعة الآن 05:14 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©