|
تصرفات اهل زوجي
زوجي بين فتره وفتره اهله يطلبونه فلوس مع انه ربي منعم عليهم قبل شهر طلبو منه 4 الالاف ريال والحين الف و4الالاف زوجي كان طالبهم يعملون له شغله وقبل كدا اعطاهم 1500 ريال والشغله هده ما تكلف كل هل المبلغ وهو كان قصده بعد ما اعطاهم 1500 يعطيهم الشهر اللي بعده 1500 وخلاص انتهت الشغله بس هم طلبو هالمبلغ مع اني انا عادي يعطيهم بس مو على حسابي انا لاني قبل مايطلبونه المبلغ طلبته شي وقالي ادا استلمنا الراتب وفي نفس اليوم اللي استلم الراتب ابوه دق عليه وطلبه وهو اعطاه وبعدها بفتره قلت له ابي الشغله اللي وصيتك عليها قالي والله حاليا ماعندي فلوس بس ادا بقي من الفلوس اللي اعطيتها ابوي شي راح ازود عليها واشتري لك مع اني كنت متاكده انه ماراح يبقى منها شي وراح يطلبونه الشهر الجاي الا اني قلت ماشي بس لاتنسى انه الشهر اللي راح طلبتك من قبل الراتب وقلت ادا استلمت قالي صح ما انكر وان شاء الله الشهر الجاي اشتري لك اللي تبغيه وانا ماراح اتكلم بشوف ادا استلم راح يجيب لي اللي طلبته وترى هالفتره كمان طالبينه الف ريال والله يستر ما تزيد ادا استلم الراتب انا ما امانع انه يعطي اهله بس انا صرت زوجته والمفروض يجيب لي اللي اطلبه انا كبيره وفاهمه وراح اقدر ادا قالي الشهر الجاي بس بكرهادا صار معانا اولاد ولبوه شي ايش راح يقول لهم والله هالشهر اعطيت ابوي اصبرو للشهر الجاي هده الوضع مو عاجبني بالمره احس قاعدين يستغلون زوجي لانه طيب معاهم ومايقدر يقول لهم لا وانا ما اقدر اقوله مايصير انك تعطي اهلك كل هالمبالغ لانه مهما كان هم اهله بس ايش الحل معاهم
|
يمكن أهله محتاجين يا أختي الكريمة ويقوم بواجبهم من باب الصدقة؟ "الأقربون أولى بالمعروف"...
صح..انت لك الحق انه يصرف وينفق عليك ويجيب اللي في خاطرك....لكن اذا كان الشي اللي انت طالبته ممكن يتأجل..أجليه واكسبي أجر انك ساهمتي بأنه فك أزمة أهله...وان شاء الله يرضيك قريب... الرجال وعدك...صحيح انه أجلك أكثر من مرة..بس أصبري عليه...ولك وله الأجر ان شاء الله..... وفرج الله قريب..... وصدقيني زي ما وقف مع أهل في ضيقتهم بكرة ربي يفرج عليه من عنده ويرزقه من حيث لا يحتسب ويكون كريم معاك ومايخلي في خاطرك شي.... وفق الله الجميع |
مشكور ياخوي ع الرد بس هم مقتدرين والله وادا كان محتاجين ما كان اخدت فخاطري عليهم بس هم يحبون يطلبون كتير حتى ادا زرناهم يطلبون اغراض للبيت من اكل وغيره هل هدا معقول واحيان امه تطلبه فلوس واخر زياره جينا عندهم انا كنت جالسه انا وواحده من زوجات اولادها نتعشى وفجاءه دخل ابوه وقال لزوجته هاه متى بتروحينن حنا استغربنا سالناها وين قالت بروح مع ولدي السوق وبجيب اغراض انا فنفسي انقهرت لانه اعتدر عن طلبي وراح يشتري لهم طلباتهم ااااااااااااااااااااااه بس
|
معلش اختي لا تزعلي مني .. انا دائما اقول الاهل اولا والزوجه ثانيا .. وما في شي يضيع عند رب العالمين .. صدقيني زوجك يقدر لك هذه التضحيه.. وان شاء الله يعوضك زوجك لكن تأكدي يا اختي اللي يكون بار في اهله راح يلاقي الجزاء في الدنيا قبل الاخره .. راح تلاقين هذا الجزاء في نجاح اولادك و برهم فيكم و في صحتك وفي صحة زوجك وفي محبة الناس لكم .. لكن مشكله ان الانسان عجووول جدا .. اصبري يا اختي ان شاء الله الخير امامكم .. |
مشكوره اختي ع الرد وانا والله صابره بس انا عشان اولادي بعدين ماابيه يقولهم ماعندي هالشهر والمفروض انه يوفر عشان مستقبل اولاده والمفروض من اهله يقدرون ظروفه بس زي ما قلتي ان شاء الله خير لنا
|
اختي اللي ما فيه خير في هله مافيه خير في الناس
يمكن اهله محتاجين و ما يبي يقولج في ناس مبين عليهم عندهم خير و هم محتاجين او عليهم ديون و رواتبهم ما تكفيهم لآخر الشهر اختي اصبري و ان شا الله الله يعوضج خير لا تفكرين بالمستقبل وايد الرزاق رب العالمين اعتبري اللي يسويه صدقه |
مشكوره اختي ع الرد والله يجزاك خير انتي وكل من رد علي
|
الاهل في الزمان هذا مهما بروا فيهم وعاملوهم معاملة طيبة وقاموا بكل اشغالهم مايشوفوه شي ابدا بالعكس ما كانهم يسووا شي ,,
لكن اذا اعطوهم فلوس تعالي شوفي انواع المدح والحب ,, حتى بر عيالهم فيهم يبغوه مادي ,, والله حتى تحز في النفس .. |
مشكوره اختي على ردك انا احس انه زوجي بدا يتضايق بس مو قادر يتكلم لانهم اهله
|
حبيبتي ان شاء الله مايضيع شي ان مالقيتيه في الدنيا تلقينه بالاخرة ...
|
أحمدي ربك انها واقعة بالفلوس وانهم بعيدين عنك لو كنتي عندهم تخيلي كيف الوضع كان جناااان
هل زوجك عنده أخوات والا الموضوع مقتصر على احتياجات الوالدين ؟ |
يلا اختي الصبر جميل
وما في شي بضيع عند رب العالمين |
صحح انسيت احكيلك كل الاهالي هيك بحبو الكسبه من ابنهم وخصوصا لما يتزوج الله يهدي الجميع
تقبلي مروري |
صاحبة الموضوع عندها حقك الزوجه احق من الاهل
صديقيني انا مثلك بالضبط كل راتبنه على اهله وهم مقتدريين وصار 10 سنيين مزوجين لافي ولاشبر ملك كله اجار وهم يملكون البيوت وقطع اراضي ويطلبون المساله طمع واستغلال واذا مثل ماقلت محتاجين احنه انقدر بس انا اعرف انه اطلعون الغلط فينا |
بروا آباءكم يبركم أبناؤكم واستحملي ولا تبينين إنك متضايقة ومادام يقول لك أوفر اللي تبين لو بعدين أحسن من اللي يعطيك إياها في الوجه ويقول لك لا وما تدرين عن ظروفهم يمكن محتاجين عليهم ديون
إنما يوفى الصابرون أجرهم بغير حساب |
اقتباس:
عندك حق اكيد اختي اميرات بس هذا في حالة ان اهل الرجل محتاجين لكن اذا كان اهل الزوج معاهم فلوس مالها اول عن اخر ويمكن هم يصرفون بس في الشهر ضعف راتب الزوج واولاده ومع ذلك يطلبون من الزوج هل ترين انه في هذه الحالة يجب عليه ان يعطيهم؟؟؟ اعتقد ان الاهل اولا والزوجة ثانيا في حالة حاجتهم للمال اما غير ذلك فيعطيهم قدر الحاجة مش اكتر وطلبات زوجته ملزومة منه |
اشكر الجميع ع الردود والله يعطيكم العافيه بس انا راح اصبر كله عشان خاطر زوجي لانه طيب معاي وبالنسبه للاخت اللي تسال هل عنده اخوات ويصرف عليهم اقولك للاسف احيان يطلبونه هم فلوس
|
اقتباس:
|
يابنت الحلال هذولي اهله وان شاء الله يبرون بك عيالك هونيهاتهون ولاتكبرين السالفة هوكبير ويفهم اذا ودة يعطيهم والالا هوواهله احرار وسعي صدرك وعيشي حياتك وهذولي اهله وبالعكس افرحي يبرباهلة والفلوس تروح وتجي الله يسعدك ويوفقكم ويرزقكم يارب |
مشكور ياخوي انا عادي عندي بس اتضايق ادا طلبته شي قال انا ماعندي اعطيتها اهلي بس الشهر الجاي وادا طلبوه مايقدر يقول لهم ماعندي واحيان اخد بخاطري عليه بس بدون ما ابين له بس اخر مره قلت له انا طلبتك قبل الراتب وقالي معاك حق وانا ايش اللي في يدي غير الصبر وان شاء الله ربي يعوضني بس فالنهايه الصبر له حدووووووووووووود
|
اقتباس:
ياحبيبتي والله مصدقتك انا حماتي الان تطالب بمصروف شهري لها مع العلم انها موظفة لها 25 سنة وراتبها فوق الممتاز وحماي عايش وراتبه اعلى من راتب زوجي واقسملك انها تهادي صديقاتها بجوالات انا قلت له طيب بلاها الجوالات وتوفر الفلوس لنفسها وتخلينا نربي اولادنا طمع وخلاص |
| الساعة الآن 09:44 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©