|
قصتي قصة مع ولادتي
السلام عليكم ورحمة الله
هذي قصتي مع الولادة والتجربة الاولى في حياتي اللي تعقدت من الولادة والخياطة وكلللل حاجة .. اول شي انا من سكان الرياض واهلي واهل زوجي من سكان الرياض .. بعد زواجي بـ10 شهور قال زوجي ياليت تتركين الحبوب عشان نبغى بيبي يسلينا .. تركت الحبوب وحملت الحمدلله وفرحت مرة وكنت انا وزوجي مرة طايرين .. المهم بدأت بالمراجعة عند دكتورة نسا وولادة بالرياض مررررة مريحة وارتحت لها مررة .. وكنا نروح للدمام ندور شقة سكنية لنا بعد ما كنا نسكن بشقق مفروشة على بال ما نخلص من التأثيث .. كنت اتردد من الدمام للرياض عشان اراجع عند الدكتورة .. لاني ما كنت اعرف وين اراجع بالدمام .. وبعد اسئلة واستفسارات كثيرة .. قررت اراجع عند مستشفى سعد بالخبر وارتحت له مررررة .. لكن بعد ما وصلت الشهر الثامن اخره .. رفع مستشفى سعد اسعاره للضعف وقال زوجي ودنا نغير المستشفى .. رحنا للمانع لأني قريت ناس كثير تمدح فيه .. واتصلنا عليهم واخذنا الوصف .. ورحنا للموقع وجلسنا ندور على المستشفى وما توقعنا ابدا انه هو .. مبناه قديييييم مرة .. ولا كأنه أهلي أبدا .. ودخلنا وأشوفه من جوا .. انصدمت الصراحة .. انا ما اقارنه بمستشفى سعد ابدا .. لكن ع الاقل شي بسيط بس .. المهم توكلت على الله وقلت خلني اراجع فيه ما عاد بقى وقت .. راجعت فيه مرة عند دكتورة مصرية معاملتها لك عليها شوي .. يعني عصبية .. لكن قلت هي خربانة خربانة .. وربي يسهل ان شاء الله .. تفاجأت بس تقولي (فاجأتيني مررررة) لأني جيتها ببداية التاسع ,, المهم قالت لي تعالي الاسبوع الجاي .. طبعا هم ما عندهم مواعيد اللي يجي ياخذ رقم وبالدور << كأنه شغل حكومي المهم ودخلت عندها الموعد الثاني وقالت لي تعالي الاسبوع الجاي ولدت قبل الموعد .. يعني ما رحت لها الا مرتين .. .. يوم الولادة .. اااااااااااااه بس .. ابصيح .. (على اجر ان شاء الله) اول شي ذاك اليوم كان عندنا عمال يركبون مجلس الرجال .. وكان زوجي عندهم وانا كنت اتفرج على التلفزيون .. قاعدة افكر وش اسوي عشا .. حسيت بحموضة قلت خلني اروح اشرب حليب .. قمت ابروح للمطبخ .. اخذت الحلين وشربت منه شوي واحس بشي ينزل مني .. كأنه (بول) الله يكرمكم بس ما اقدر اوقفه .. حطيت الحليب على الطاولة بالصالة .. واروح للحمام وكنت خاااااااااااااااااايفة مرررررة .. المهم غيرت ملابسي وحطيت فوطة صحية واروح لزوجي واقول له بسرعة ابروح المستشفى بسرعة .. ويقول للعمال روحوا ابروح للمستشفى ضروري << طردة .. واحط تحتي بالسيارة بطانية صغيرة واروح للمستشفى .. ونوصل وانزل طبعا زوجي قالهم في حالة ولادة ولا تحركوا ولا شي قالوا شف المصعد بالدور ..... وامشي وانا خايفة ينزل شي معاي .. واروح لغرفة الولادة واقولهم انا اول مرة اولد وخايفة ومدري ايش .. ما فيه الا دكتورة سودانية هي اللي طمنتني وقالت لي اجلسي إلى السرير الى ما يجيب زوجك الملف .. وانام على السرير وجت الممرضة قالت ابشوف فتحة الرحم .. وقالت مفتوح 2 سم وكانت الساعة 11 بالليل يوم اروح للمستشفى .. وما جاني الطلق الا الساعة 12:30 وكانوا الممرضات يروحون ويجون .. يشوفون الطلق وانا في هالحالة دخلت 3 حالات ولادة قبلي وكلهم اسمع اصواتهم وهم يصارخون .. انا مررررررررررررررة خفت من غير الخوف اللي قبل .. لكن جلست ادعي لكل وحدة تدخل ان ربي يسهل عليها ولادتها .. المهم جاني الطلق القوووووي وجوا الممرضات :يللا يللا ولادة ويجهزوني للولادة ووووووووو (شعور لا يوصف) والحمدلله بفضل ربي وتساهيله ولدت .. وجبت ولد والحمدلله .. وبعد الام الولادة بدأت الدكتورة تخيطني وما كنت احس شي .. المهم .. بعد ما رجعت للرياض بديت احس بآلام مو طبيعية .. وصار ينزل معي افرازات لونها اصفر ريحتها مو حلوة .. رحت للدكتورة اللي كنت اراجع عندها قبل .. وشافتني انهبلللللت (شووووو هااااااااد) صارت مكان الخياطة ملتهب وصار ينزل معي صديد من الجرح والخيوط انقطعت .. وش السبب؟؟ لأني طلعت من المستشفى ولا عطوني مطهر ولا مضاد ولاااا شي .. ما عطوني غير علبة حليب للبيبي وفيتامينات تعوض النقص بسسسس .. وصرت اروح للدكتورة مريتين باليوم عشان تنظف الجرح واذا نظف تقرر لي عملية الخياطة مرة ثانية .. والحمدلله خيطتني بعد تنويم كامل وجلست يوم كامل بالمستشفى << يعني ولادة ثانية .. الحمدلله يارب على كل حال .. وحسبي الله على هالمستشفى وخاصة اللي خيطتني .. لانها خيطتني على وساخة بدون تنظيف الجر ولا عطتني ادوية ولا شي .. كنت ابشكيهم لكن الشكوى لغير الله مذلة .. .. |
الف الف مبروك
وحمد لله علي سلامتك وسلامه النونو بس ما قلتي لنا ايش سميتيه؟ لقافه :25: |
يالله وش هالدوامة الي عشتي فيها
الله يكون بعونج بس يالله الحمدلله على السلامة يا اختي وسلامة البيبي كله باجره ان شاء الله |
الف الحمدلله على سلامتك حبيبتي و سلامة البيبي و ياارب تفرحوا فيه و تشوفوه عريس ..
بس حبيت اعلق على حكاية الخياطة ... ياقلبي انا بعد اتعذبت بالولادة واالخياطة و ماعطوني اي شي لا مرهم و لا مطهر بس قالت لي الطبيبة اعتني بنسفك و بنظافة المنطقة و بغسلها بمائ دافي و تنشفيها و بس .. و فعلا ما التهب ولا شي .. وهذا هو المتبع هنا بشكل عام (( ببريطانيا )) مايعطون اي ادوية و يقولوا خلى الجسم يداوي نفسه بس ... فا يمكن اللي خيطت لك كانت تمشي على هذا المبدأ .. فا سامحيها :) :) اهم شي قمتي بالسلامة .. ربي يحفظكم من كل شر يااارب |
الف حمد لله على سلامتك و بارك الله لكما في المولود و جعله من صالح عباده باذنه تعالى و بالنسبه لموصوع الخياطه انا ايضا تم استخدام هذا المبدا مع الاخت نورا
ماعطوني اي شي لا مرهم و لا مطهر بس قالت لي الطبيبة اعتني بنسفك و بنظافة المنطقة و بغسلها بمائ دافي و تنشفيها و بس .. و فعلا ما التهب ولا شي .. وهذا هو المتبع هنا بشكل عام (( ببريطانيا )) مايعطون اي ادوية مع الفرق اني كنت في المانيا و لم يعطوني اي شيئ و في الولاده الاولى كان هناك خياطه ولكن الطبيبه نصحتني فقط باستخدام بيتادين خارجيا و الحفاظ على الجرح نظيفا و جافا قدر الامكان |
الحمدلله على قومتك بالسلامه واجر ان شاء الله |
ألف الحمدلله على سلامتك ومبروك ماجاك,,بس حابه أسألك انتي ولدتي بمانع الخبر ولا الدمام؟؟أنا ولادتي الاولى بالخبر والثانيه بالدمام,,بس مافي مجال للمقارنه مانع الخبر أفضل بكثيير,,
|
الف الحمد لله على سلامتك حبيبتى لكى الاجر ان شاء الله سبحان مخلص النفس من النفس الواحد يشوف بالولادة اشياء ما يتخيل انه فى الطبيعى يتحملها لكن فعلا المفروض كانوا اعطوكى مرهم او كريم ومطهر واقراص مسكن بالاضافه طبعا للفيتامينات لكن معلش قدر الله وماشاء فعل بس الجرح حاولى اعتنى به ونشفيه تمام ختى مايلتهب انا كنت انشفه بالاستشوار طبعا بالهواء الخارج منه حتى اتاكد انه نشف تماما وكانت نصيحة من الدكتور
|
مبروك أختى على البيبي يتربي في عزك وفي عز والده ان شاء الله
وحمدالله على سلامتك وكله في ميزان حسناتك ان شاء الله |
بورك لكم في الموهوب وشكرت الواهب ورزقتم برة وبلغ اشده
الحمد لله على سلامتك وسلامه البيبي ويارب يكون تعبك في ميزان حسناتك وطمنينا عليكي |
اهم شي المطهرات والكريمات لهذي المنطقة
يمكن الدكتورة اللي اخترتيها موشي |
الله يسهل عالكل
حمدلله عالسلامة هذا اهم شي |
الحمدلله عالسلامة .. ومبروك البيبي
|
الف مبروووووووووك
يتربى بعزك وتشوفيه عريس والحمدلله على سلامتك |
الحمدلله والشكر لك يارب ..
لكن هم طلعوني من المستشفى ما قالوا لي اي شي .. وانا بكر ما ادري وش السالفة .. .. انا ولدت بمستشفى المانع اللي بالخبر بعد ما سألت عنه وصراحة انصدمت فيه مرة .. سميت ولدي (هيثومي) (هيثم) وش رايكم فيه ؟؟ مشكورين على ردودكم .. وانا حطيت قصتي عشان ما يقعون البنات بنفس الخطأ اللي وقعت فيه .. يعني اذا ما عطوك مطهر ومضاد اصرفيه لنفسك واهتمي بنظافة المنطقة قدر الامكان .. الحمدلله يارب .. |
بداية الف مبروك االمولود الجديد والله يحميه
والحمد لله على سلامتك .. فعلا دوامهـ ...عشتيهأ كانت صعبة كتخيل ... انا في البداية خفت تتكلمي عن المانع الدمام لاني ولدت فيه وماشفت من هذا كلو حتى بالمتابعة بالعكس كان الامر مرتب ونظامهم عجبني ,, المانع الخبر ..لانه ادارته تختلف وطاقم الاطباء يختلف ...بالتأكيد كل شي بيكون مختلف ,,,مع انه ماجربته اختي بس جربته وماتمدحه ابدا ! المني قلبي عليك ..ولا اتخيل نفسي مكانك ,,,مؤلم بجد ..والحمد لله انك لحقتي على حالك ..قبل يصير شي خطير ,,, والوحدة والله ماتعرف شو تسوي بحالها مستشفيات الحكومة هم سيئة بعض الشي وزحمة ..والمستشفيات الجيدة نوعا ما ...تحصل هناك اخطاء ,, ومستشفيات الامتياز و5 نجوم ..اسعارها نار ., الله يعينـا ويصبرنـأ ... دعواتي لك بالتوفيق وتربية ابنك خير تربية ..والله يساعدك على نسيان هم ولادتك ههه ادعي لي بتمام الحمل والتسهيل ,, |
الف الحمدلله على سلامتك
بتعرفي كانك حكيتي قصتي انا كمان بعد الولادة القطب فكت وفتح الجرح والتهب وبرضوا عملت عملية تجميلية بعد ما نظف الجرح من الالتهاب اتمرمرت وكله بسبب دكتورة غلطت الله يسامحهم |
يؤيؤ خوفتيني كثييير
لأني ناوية أولد عندهم احترت والله كل مستشفى اسأل عنه يطلعوا لي عيب فيه الله يستر ويسهل علي يارب دخلت الثامن وانا لسى قلقة مشكورة على الموضوع |
الحمدلله على سلامتكم
ومبروك ماجاك الله يجعله بار فيك وفي أبوه أنا والده هنا في الرياض وعند أستشاريه وقالت لي ماله داعي مضاد غسول بيتادين وكريم جل عاد أنا أستخدمت مرهم الاسد الاورنجي روووووووعه للجروح والكل يمدحة وكثير مستشفيات يصرفونه مع ميبو |
الحمد لله على سلامتك حبيبتي
هذا اهم شي |
| الساعة الآن 01:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©