|
لم يدفع المهر
السلام عليكم الخطيب مادفع المهر وهو اللي حدده مو احنا !! احنا ماطلبنا شي حتى الشبكه اللي جابها ..... خلوني ساكته بس :rolleyes: وماجهزت نفسي الى الان والوالد لمح له وقال بعد اسبوع بياخذ قرض كل مره يقول بعد اسبوع صار شهرين ولا دفع الحين ماصار يتصل علي ولا يرد على الاهل وش سالفته هذا لايكون يحسب اهلي هم بيسوون لي كل شي ويشرون الاثاث بعد ؟؟؟؟ ولا ياخذني كذا !!! الاهل مستعدين يساعدون اذا ماكفى لكن هذا ولا شي ؟؟؟ مادري وش مخطط له ؟ :29: وش الحل الان ؟؟؟ :eek: |
وعليكم السلام ورحمة الله وبركاته
الله اعلم بنيته لازم تعرفوا اسباب اللي خلاه يسوي كذه اذا كان سبب مقنع وصادق فعادي اصبروا واذا كان غير من الأفضل ان تاخذوا موقف حازززم معه وحددووا بيوم معين مثلا حددوا معه شهر او شهرين ولو اسبوع ويكون آخر فرصه نعم آخر فرصه عشان يتحرك واذا لم يفعل من الأفضل اتركيه والله يعوضك خيرا واحد ماعنده مسؤوليه وماهو صادق وش تبين فيه استخيرررري كثيرا وادعي الله دايم والله يكتبلك الخير سواء معه او افضل منه وفقكم الله لكل خير |
احنا ما ندري عن عاداتكم في موضوع المهر
أنا الي اعرفه أن في ناس تدفع المهر مع عقد القرآن إذا كانو مش أقارب أو قبله بكم يوم وناس تفعه قبل اسبوع أو اكثر إذا كانوا قرايب خاصة إذا يبون يعملون حفلة ملكة في نفس الليلة عشان يتجهزون لها هذا كله يصير بعد الخطبة الرسمية بعد ما يجون الرجال ويطلبون رسمي أنتو مدري عن عاداتكم انتي ايش الخطوات الي صارت معكم |
رد همس القلوب مقنع جداً ..
يمكن يكون فيه سبب مقنع جعله يتأخر فلذلك لا تستعجلين بالحكم عليه .. وفقك الله |
وانا بصراحة مع همس وطيب
رايهم مقنع جدااااااااااااااااااااااااا انا شفت ردك على موضوعي الله يجزاك كل خيير بس قلت خلني ارد عليك بموضوعك احسن موفقة يالغلا ^^ |
شكر جزيلا على ردكم
ننتظر ونشوف اخرتها معاه . |
طيب بس لا تتذمرين وتحقدين عليه وتاخذين في خاطرك ..
لانه معذور الآن حتى تتضح الأمور .. وواضح من ردك انه مرتفع ضغطك .. روقي وهدي والله بيكتب لك اللي فيه الخير ,, موفقه |
متى حددتوا الزواج أول شيء علشان نحكم
|
بعد ثلاثه اشهر
بس هو فجاه ماصار يتصل علي ولا يرد على اهلي بس رد مره بعد كذا اتصال من الوالد تعذر انه تعبان بعده خلاص !!! هو كان كل يوم يتصل علي في اليوم اكثر من عشر مرات لكن بعد ماكلمه الوالد بهالموضوع قطع ولا يرد ولا يتصل ولا شي !!! وش رايكم نتصل على اهله ولا لا ؟ هم بمنطقه ثانيه وهو بنفس المدينه اللي احنا فيها ؟؟؟ <<< عصبت :19: |
اي والله انا مع انكم تتصلون على والده وتشوفون وش السالفة يكون احسن
والله يوفقك يالغلا واسمعي نصيحة الباقين يمكن انهم افضل مني لك شكري |
لمـــــاذا لايتفق اباك معه بجلسه يتفقون فيها بجميع الامور
ويوضح اسباب تبلده هذا!!! |
هو مايرد على احد الان
لكن بننتظر كم يوم او اسبوعين بعده الوالد بيتصرف أنين والده متوفي الله يرحمه <<< شكلها بتتطلق :eek: جات الحزينه تفرح مالقتلهاش مطرح!!!!! :23: :16: |
[لسلام عليكم]
انا اشوف انك Dتستخيري فيه كثير موفقة ان شاء الله |
ياعمري حزنتيني
باذن الله اكيد عنده ضروف وقاعد يدبر المهر ومستحي يكلمك او يكلم اهلك الين يدبر المبلغ لاتقلقين ربي يوفقك |
هل تم تحديد موعد الزواج
|
اقتباس:
سعدون اتفقنا بعد ثلاث اشهر وهو اصلا كان مستعجل يبي بدري هالشهر الظاهر مفكر يعطيني مهر بالتقسيط :25: شكلنا بنطول لا بعد يوم كان يكلمني يسالني كل يوم اذا جهزت نفسي ههههههه !!! :rolleyes: همس انا مازلت استخير شاكرة لكم ردكم |
اقتباس:
اقتباس:
أولاً .. لا أفهم كيف يتقدم رجل لطلب يد فتاة .. والأهم أنه هو الذي حدد مقدار المهر .. ورغم ذلك لا يكون المبلغ جاهزاً معه؟؟ ثانياً .. أي رجل محترم حتى لو كان يمر بظروف سيئة فيفترض أنه يعرف الواجب والأصول وتقدير الآخرين .. وليس من الأدب والاحترام أن يماطل بهذه الطريقة ولمدة شهرين ... وإن كانت ظروفه المادية لا تساعده بالفعل فقد كان من الأولى أن يكون واضحاً وصريحاً بدلاً من اللف والدوران والتهرب بهذا الشكل المخزي الذي يصغره أمام الآخرين. ومع احترامي لمن افترض أنه يمر بظرف ما منعه من الاتصال والرد .. فالسبب الوحيد الذي أرى أنه يمكن أن يمنعه من التواصل معكِ أو الرد عليكِ أو على أهلكِ فهو أن يكون قد مات ... فحتى لو كان يمر بظرف ما فيفترض على الاقل أن يكلف أحداً من أهله أن يخبركم بما يجري ولا يترككم معلقين هكذا .. بل إنه حتى لو مات فعلاً فإن أهله سيتصلون ليخبروكم!!!!!!!!!!! إن قررت الصبر وإكمال الموضوع فكان الله في عونكِ. |
بما أن الزواج محدد وبعد ثلاثة أشهر فلك الحق
لكن اصبري عليه شهر عسى ولعل يجي من خاطره بدون ضغط واذا لم يأت به فأطرحي عليه فكرة تأجيل موعد الزوج لكي تتمكني من شراء مستلزماتك أما الأفكار الأخرى نصيحه أبعدي عنها -- ظروف الشباب صعبه وأنتي إنشاءالله من يساعده |
|
يا حبي لك الله يصبرك ان شاء الله
قلبي معك يا عمري الاشراف / عذراً لفظ المشيئة يكتب على هذا النحو إن شاء الله |
توه متصل الاخ بيجي يتفاهم مع الوالد
اذا طلع يكذب واعذار غير مقبوله خلاص ... :( |
واضحة مايبغالها شي الرجال ماعنده قرووووووووووووووووووش طفران ماحيلته شي
تلقينة راح البنك وقالوا مانعطيك قرض ممكن عنده بطاقة ماسددها وجالس ينتطر أحد يسلفة يعني يلي بفهمه واحد مقبل على الزواج ومامعة شي وشلووووووووووووووووووووووووووووون أنا في شهرين دبرت قيمة المهر مع قيمة السيارة مع أثاث البيت كله ولو إني ماأقدمت على الزواج سيكل ماقدر أشتريه الزواج الله يسهلها ولا أنا يوم خطبت ماكان علي إلا ثوبي 70 ريال في محفظتي |
أختي الفاضله
فرج الله همك ، أنا مع رد الأخت "مهره" وفقها الله .. |
انا اللي اعرفه انه بمجرد التوافق بين الخاطب والمخطوبه بعد الرويه الشرعيه ..يدفع المهر .. ..لكن كيف يروح يخطب وهو في الاساس لايملك المال ..والله غريبه ..وبيروح يطلع قرض .. http://www.21za.com/pic/salam_kalam007_files/80.gif .. |
من ناحيتي عادي..
انا ماجاني مهري الا بعد شهرين من الخطبه... مع ان عاداتنا ..من بعد الخطبه بكم يوم يحي المهر بس زوجي طول لظرروف سفره لانه كان يدرس براا .بس انا ماكنت ادري عن ظرفه.. باختصار انتظري ..شهر اذا ماجاء اصلوا على اهله.. وسلامتك.. |
شوفي اختي خياليه
انتي لا تقولي جت الحزينه تفرح مالقت لها مطرح لا لا تقوليها لان يمكن ربي يحبك وبيبعدك عنه اذا كان فيه شر وتعاسه لك معاه فيكون هذا سبب انكم تبعدون عن بعض قبل ما تتززوجينه وتتورطين واذا كان فيه خير لك ان شاء الله ربي بيكتبه نصيب لك ومن ناحية المهر شكله مستحي منكم عشان كذا متهرب من اتصالاتكم بس زين انه دق وقال يبي يتفاهم مع الوالد الله يطول بعمره والله يكتب لك الي فيه الخير الله يسعدك اختي وان شاء الله نفرح فيك قريب طمنينا على اخبارك بصراحه انشغلت معاك الله يكون معاك ان شاء الله |
يمكن الرجال يحسبكم معفينه من المهر
ههه لا امزح بس اللي بالقدر يطلعه الملاس دقوا عليه واطلبوا المهر كذا صريحه |
والله مررررررررررررة غريب تصرفه ياختي مدري كيف تصرفات هالشباب يحسبون بنات الناس لعبة انتي شوفي اخرتها معه واذا كتب الله نصيب بعدين تقدرين تاخذين حقك وافي منة
|
هلا حبيبتي انا كان خطيبي نفس الاشي وانا تركته وربي عوضني بواحد يخاف علي من كل اشيحتي من الهوء الطاير
|
انا بصراحه اقول من الحين اخذي قرار بالانفصال دامكم ما بديتو شي
لان اهو من الحين ما عنده مسؤليه ويتهرب خليه عنج في الف احسن منه وبعدين شلون يحدد المهر ويشتري الشبكه بروحه هالشي يدل انه اذا خذتيه بيصيطر عليج في كل شي في النهايه اقولج صلي استخاره وشوفي الله يوقج ان شاء الله |
أخبــرينا ماآخر أخبــارك!!
أسأل الله لك التوفيق... |
والله ياأخوان واخوات الوالد عطاه فرص بعد اسبوع وبعد اسبوع يقول بيعطونه البنك ورجع مره ثانيه مايتصل على احد !! واذا سافر الوالد يتصل كل شوي واذا جا لااتصال ولا شي :( ابي اعرف كيف يتم الخلع ؟ ولازم اروح انا للمحكمه؟ :29: |
السلام عليكم
اختي لما لا تتصلي انت به وتعرفي منه كل شئ ما فيها شئ هو زوجك مش حد غريب اتصلي به واطمني عليه وكلميه عن مستقبلكم اشوي وحاولي تلمحي له عن المهر بطريقة غير مباشرة هو يخبرك بموضوع المهر لا تستعجلي اذا رايت فيه رجل ذو حسن الاخلاق و دين فاتاكلي على الله ولا تستعجلي تعلمي الصبر من الان الله معك ويسعدكم يارب |
انا ماعرف كيف عاداتكم ... لكن عندنا يندفع المهر ليله الملكه نفسها !!
خلي الوالد يكلمه لاتكلميه انتي ... |
[QUOTE=هموووم;2169517]انا ماعرف كيف عاداتكم ... لكن عندنا يندفع المهر ليله الملكه نفسها !!
خلي الوالد يكلمه لاتكلميه انتي ...[/QUOT السلام عليكم اختي هموم ليه ما تكلموا هو زوجها وهي راح تعيش معه في المستقبل صح ولا لا احسن من ان تطلب الطلاق والفراق من يدري يمكن لم يمنحوا القرض له وهو مستحيي يكلم والدها الصبر حبيب الله والله اعلم بالتوفيق للجميع |
خلاص تم الاتفاق على الخلع http://forum.uaewomen.net/images/smi.../12%20(46).gif |
الله يعوضك باللي احسن منه
احنا عندنا الشاب يسلم المهر بعد القران مباشرة في نفس المجلس |
الله يعووووضك يارب بي الا يستاهلك عاجلا غير اجل
|
اصبري .. يمكن ربك يبتليك اصبري
ربي يعوضك اسأل الله ان يرزقك بالزوج الصالح الي يسعدك في الدنيا وتعيشين معاه في الجنة آمييييييين |
اقتباس:
الله يخترلك اللي فيه الخير يا رب معلش لا تزعلي رب العالمين لو كاتبلكن نصيب لن تتزوجي غيره حتى و لو بعد سنين |
| الساعة الآن 10:29 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©