آخر مستجداتي مع زوجتي
 

السلام عليكم ورحمة الله وبركاته

كيف حالكم يااعضاء المنتدى انقطعت عنكم الفتره اللي راحت بسبب الظروف


وها انا اعود يمكن الكل يتذكر قصتي على هذا الرابط


http://www.66n.com/forums/showthread...178513&page=37


واللي صار ان الوضع ما تغير واني حاولت بالتواصل معاها من بعد الموعد عند الدكتوره


واهلها عارفين بالموضوع وان الوالد تكلم مع والدها حتى يكون بالصوره وعنده علم بالوضع مع اني


حاولت ان الموضوع يكون بيني وبينها وارسلت وتكلمت بالرسايل حاولت انها تفتح قلبها واي شي بخاطرها

تقوله او تدخل النت لكن لا يوجد اي تجاوب ولا وصل وان والدها قال يا يعالجها يا نعالجها يا اطلقها حتى

والدي قال نفس الكلام هذا شي راجعلك والله اني مبي اخسرها حتى اخوها قال نفس الكلام حاول

واذا ما نفع شف طريقك انا لاخره مره بحاول اوديها لشيخ اذا فيه تحسن الحمدلله مع اني والله ما تشجعني

على اي شي كل اللي اخذته منها من بعد ما ارسلت لها اني اقول انا محروم منك بسبب الظروف وحسبي

عليها واني راضي عنك مهما يصير ردت على وقالت الله يرضى عليك والحمدلله على كل حال بس والله ما

ينفع كذا حتى لو نحب بعض ونستمر على كذا عذاب

اسأل الله ان يتمم شفائها..و يرزقكم الذرية الصالحة
تم تعديل العنوان
الإشراف

يا أخوي أنت سويت الي عليك

ورايتك بإذن الله بيضاء

وأهلها بنفسهم معك ومعترفين أن الموضوع مو سهل ابد عليك

خلاص يا أخوي إذا تبي تعمل محاولة أخيره أعملها

وإذا ما نفع وما صار تجاوب شوف طريقك

إذا تقدر تجمع بين زوجتين تزوج ..

وإذا ما تقدر .. الله يسهل دربك .. ودربها

يعطيك العافيه على ردك

انا بسوي محاوله اخيره لها ومن ناحية زوجتين ما اقدر وضعي صعب جدا الان

حياك الله اختي اميرات

ومن جد ما استغنى عن ارائك الله يجزاك الف خير ما قصرتي ولا اراء الزملاء من جد


احس انكم اخواني

اختي اميرات حتى انا اقول اني بحاول للمره الاخيره وارسلت لها اقول بوديك ولا ابيك تفقدي الامل

في نفسك ولا لقيت اي رد منها يعني وش اكثر من كذا احبطتني لكن انا بروح بحاول اوديها حتى لو ماتبي

اذا شفت فيه تجاوب حلو ما فيه خلاص بشوف طريقي وانا والله ما ابي هالشي لكن هي تبي الحياه


لكن ما فيه محبه غصب مريضه حتى ما احس انها تبي تتواصل معاي بشوف حياتي تعبت ولا ودي اكسر

بخاطرها لكن ما باليد حيله

دعواتكم اخوكم مظلوم الحب

اخي الفاضل


انظر الى حياتك ومستقبلك


عملت اللي عليك واكثر


نفسك طويل وانا معك في المحاوله الاخيره


لكن قدر الله وقدره وكل شي مكتوب ما باليد حيله


عليك بالاستخاره مره واثنان وثلاثه



لا تعلم اين يكون الخير

استخير واستغفر ربك دائما والله يكتب لك ولها اللي فيه خير ..........

أهم شي لاتنسى الأستخاره أنت ماقصرت معاها سويت ألي عليك وزياده الله يجعله في ميزان حسناتك ويكتب لك ألي فيه الخير

واضح من كلامها موقفها من الموضوع واللي عندها معروف ياأخي عيش حياتك والله أنك ما قصرت ويكفي تأنيب الضمير حتى هي مو عاجبها العيشه هذى بالعذاب هذا
ماتدري لو أن طلاقك لها سبب لعافيتها وراحتها.
والله يكتبلك اللي فيه الخير ويكثر الله من أمثالك.

ربي معاك والله انك من اكثر الرجال الي شفتهم في حياتي اتحملو زوجاتهم
الله يعينك ويصبرك يارب ويشفيها لك

زوجتك ماعتقد انها مريضة نفسيا ... مادري احس ان اهلها اقنعوها فيك يوم كانت مطلقة خصوصا انك قريب لها .


مادري والله مابي اظلمها ماعتقد ان في قلبها ذرة من حب لك يمكن تشفق عليك .

يابن الناس خذها الانفصال الان افضل لك ولها شوف حياتك شوفلك بكر اتزوجها وحاول ان فترة الملكة تطول علشان تشعر فيك وتشعر فيها .

الله يوفقك رغم اني ما اشجعك على الطلاق نهائيا بس شتسوي اذا الظروف ماتهيأت لحياة زوجية مستقرة .

شف ياخوي..

اللي فهمته من مظمون القصتك.. انها عين والله اعلم..

حاول تطلقها طلقه وحده ..وتنشر الخبر ..لان والله اعلم كثر ناس فيهم عين يطلقون ويرجعون مراا ثانيه والحمد الله العين تروح..


وانت بعد رووح لشيخ اقرى وهي بعد لاتنقطع..

والله ان شاء الله بيشفيك من كل باس..

وعليك بسوره البقره كامله..

والدعاء ..

واذا ان اشاء الله رجعتوا لا تعلنون على طول انتظروا واعلنوا..

ولي عوده .. اخوي ..الله يفرج لك يارب وللمسلمين اجمعيين..
ولا تياس من رحمه ربي ..

وهذا سبب مهم في استجابه الدعوه.

نصيحه يااخوي ..


تبقى انت اللي ابخص فيها..

وتبقى راحتك ..اهم..

كلام كثير راح تسمعه ..بس صدقني قلبك هو اللي راح يحسسك اذا هي صادقه معك او لا..


بس والله اعلم انها صادقه..

كثيرررررررررررر ناس اعرفهم صار معهم نفس ماصار لك..

الله يفرج لك ياارب ويسخرلك ويسدد خطالك وحنن قلبها عليك..

واانا ان شاء الله متاكده انها تحبك..

وسلامتك..

رجعت لما قريت الردود الله يهديهم..

(اما قل خيرا او اصمت)

الله يكتب لك الخير ويسهل امورك

ياخي الكريم, انت فعلا كريم الاخلاق والخصال. ولكنني متاكده ان محاولة اخيره لن تختلف كثيرا عن كل المحاولات السابقه. شفاها الله وعافاها وعوضها واياك كل خير.
عليك ان تلملم ما تبعثر من افكار ومشاعر ووقت لتبدا حياة جديده, حياة سليمه وصحيه, وانا متاكده ان الله سيجازيك خير الجزاء على ماقدمت وسيعوضك بامراه تستحقك وتستحقها باذن الله.

جزاك الله خير الجزاء وعوضك خيرا وبارك لك في ما بقي لك

يا ابن الحلال والله انته صعبان عليا وسبحان الله نادر ماتلاقي رجال بمثلل الله يعطيك علي قد نيتك معاها وانته يااخي ماقصرت معاها حاولت وحاولت بس اقول للك شيئ حاول اخر محاوله ان جابت نتيجه كانت خير من ربي وان ماجابت نتيجه ايضا خير من ربي وربك يقول سبحانه وتعالي عسي ان تحبوا شيئ وهو شر لكم وعسي ان تكرهوا شيئ وهو خيرا لكم هذه نصيحتي لك والله يوفقك في حياتك يارب

فرج الله كربتك وكتب لك الخيرة اجلس مع اهلها جلسة مناقشة ما يريحك ويريحها ولاتنسى الدعاء والالتجاء الى الله سبحانه

يعني انا بعد كل هذا راح يبان اذا فيه شي متغير او اي تجاوب واهي بتحدد كل شي

وبعدها بستخير الله وبقرر وش مصير حياتنا ماحطيت مده مخليها بظروفها

الله يكون بعونك ياخوي يبدو لي ان مشكلتك تحب زوجك بشكل كبير
ومو مستوعب انك بطلقها وتفارقها

الله يشفيها ويخليكم لبعض

من جد الحب يفعل الافاعيل فلا تلوموه لو طوّل معاها

ماشاء الله على حبك لزوجتك

لو تدري زوجتك بغلاتها عندك يمكن يتغير الكثير من الامور

الله يرزقني بالزوج اللي يحبني مثل حبك لزوجتك آمييييييييييييييييييييييين يارب

الله يجمع شملكم ودعواتنا لك ان ربي يكون معاك

اذا شفيت بعد طلاقك لها اعرف انها ماصدقت جت منك .

الله يكون بعونك هي يمكن فكرت لا شكل وسيم وعلى كلامك ان حالتك المادية على قدك .


يابن الناس روح تسلف من بنك التسليف او خلي الاهخل يتشاركون معاك بعرس هناك مئات الالاف من .. سيرحبون بك خذ انسانة دينة و قنوعة مش طماعه وتقدر ظروفك ... ماعتقد انك بالذات راح تاكل عيش معاهن .

الله يوفقك ويوفق زوجتك للي فيه الخيرة .

أنت عملت ما يرضي ربك إن شاء الله وضميرك



ضعها امام الواقع أم تسا عدك لتسا عدها أو الطلاق



وفقك الله لما فيه خير ولا ضيع لك تعب